<a href="https://kyzylorda-news.kz/">Kyzylorda-news.kz</a>&nbsp; Қазақстан Республикасы Бас прокуратурасының Активтерді қайтару жөніндегі комитеті енді инвесторлар құқығын қорғау комитеті деп аталады. Бұл туралы Президент Қасым-Жомарт Тоқаев Қазақстан халқына Жолдауы барысында <a href="https://kaz.inform.kz/news/bas-prokuraturanin-aktivterd-kaytaru-zhonndeg-komitet-end-investorlar-kukigin-korgau-komitet-dep-ataladi-zholdau-a75730/">айтты. &nbsp;</a>Фото: Видеодан алынған скрин

Активтерді қайтару жөніндегі комитет енді инвесторлар құқығын қорғау комитеті деп аталады – Жолдау   

<a href="https://kyzylorda-news.kz/">Kyzylorda-news.kz</a> Алпауыт елдер мен халықаралық одақтар арасындағы қарама-қайшылықтардың ауқымы өсіп бара жатыр. Бұл туралы Мемлекет басшысы Қасым-Жомарт Тоқаев Қазақстан халқына Жолдауында <a href="https://kaz.inform.kz/news/halikaralik-katinastagi-shielenster-men-ozbirliktin-saldarinan-kaktigistar-men-sogistar-belen-aldi-prezident-3e2238/">айтты</a>.<blockquote>–&nbsp;Өткен аптада Парламенттің жаңа сессиясы ашылды. Қызметтеріңізге табыс тілеймін. Алдыңғы сессия жемісті болды деп күмәнсіз айтуға болады. Елге қажетті көптеген заң қабылданды. Халықтың көкейінде жүрген өзекті мәселелер көтерілді, жан-жақты талқыланды. Депутаттар жазғы демалыс кезінде аймақтарға барып, азаматтармен кездесті. Енді жұртышылық айтқан мәселелерді саралап, Үкіметпен бірге пысықтап, осы сессия барысында ескеру қажет. Жалпы, Парламент депутаттары елімізде түбегейлі реформалар жасау жолында маңызды рөл атқарып келеді. Сіздерге зор ризашылығымды білдіремін,&nbsp;— деді Мемлекет басшысы.&nbsp;</blockquote>Президент қазір дүниежүзі жаңа тарихи дәуірге қадам басқанын атап өтті.<blockquote>–&nbsp;Бұл дәуірдің барша адамзат үшін оңай болмайтыны анық. Алпауыт елдер мен халықаралық одақтар арасындағы қарама-қайшылықтардың ауқымы өсіп бара жатыр. Халықаралық қатынастағы шиеленістер мен озбырлықтың салдарынан қақтығыстар мен соғыстар белең алды. Кейбір мемлекеттердің ішкі және сыртқы саясатында әсіре ұлтшылдық күшейді. Әлем экономикасында теңгерімсіздіктер мен қайшылықтар ушыға түсті. Кейбір мемлекеттер экономикалық дамуда артта қалып, кейбір елдер жасанды интеллект саласында теңдессіз табысқа жетуде,&nbsp;— деді Қасым-Жомарт Тоқаев.</blockquote>Айта кетелік Бұл — Президенттің 8-ші Жолдауы. Мемлекет басшысы Жолдауларын жыл сайын қыркүйек айында, Парламенттің жаңа сессиясының ашылу рәсімінде жасап келді.Скрин видеодан

Халықаралық қатынастағы шиеленістер мен озбырлықтың салдарынан қақтығыстар мен соғыстар белең алды – Президент 

<a href="https://kyzylorda-news.kz/">Kyzylorda-news.kz</a> Парламент палаталарының бірлескен отырысы өтіп жатыр. Жиынға Сенат пен Мәжіліс депутаттары, орталық мемлекеттік органдар басшылары, Ұлттық құрылтай мүшелері, қоғам өкілдері мен еңбеккерлер қатысып <a href="https://kaz.inform.kz/news/kazakstan-ush-zhildin-shnde-zhappay-tsifrlik-el-bolui-kerek-prezident-31e8bc/">отыр.&nbsp;</a>Айта кетелік Бұл - Президенттің 8-ші Жолдауы. Мемлекет басшысы Жолдауларын жыл сайын қыркүйек айында, Парламенттің жаңа сессиясының ашылу рәсімінде жасап келді.Фото: Видеодан алынған скрин

Қазақстан үш жылдың ішінде жаппай цифрлық ел болуы керек – Президент  

<a href="https://kyzylorda-news.kz/">Kyzylorda-news.kz</a> &nbsp;Парламент палаталарының бірлескен отырысы басталды. Жиынға Сенат пен Мәжіліс депутаттары, орталық мемлекеттік органдар басшылары, Ұлттық құрылтай мүшелері, қоғам өкілдері мен еңбеккерлер қатысып <a href="https://kaz.inform.kz/news/live-prezident-kasim-zhomart-tokaevtin-kazakstan-halkina-zholdaui-5d9746/">отыр.</a>Сарапшылардың пікірінше, Президент Қасым-Жомарт Тоқаевтың Қазақстан халқына биылғы Жолдауы стратегиялық маңызы бар бағыттарға арналады. Оның ішінде мемлекеттік басқару мен экономикада тиімділігін дәлелдеген цифрландыру мен жасанды интеллекті енгізу мәселелері басты орынға шығады. Сонымен қатар ішкі нарықты дамыту, жоғары қосылған құны бар өнім өндіруді ынталандыру, азық-түлік, энергетикалық және көлік қауіпсіздігін нығайту мәселелеріне басымдық беріледі. Денсаулық сақтау, білім беру және экология саласындағы әлеуметтік реформаларға да ерекше назар аударылмақ.Фото: Kazinform

Президент Қасым-Жомарт Тоқаевтың Қазақстан халқына Жолдауы басталды

<a href="https://kyzylorda-news.kz/">Kyzylorda-news.kz</a> Сыр өңіріне жұмыс сапарымен келген ҚР Парламенті Мәжілісінің депутаттары Еділ Жаңбыршин, Мархабат Жайымбетов, Қытай Халық Республикасының «Майжике Инвестмент Менеджмент», «Хуанрань Медикал», «Иньцзян Эко-Пром» компанияларының өкілдері аймақтың инвестициялық мүмкіндіктерімен танысты.Облыс орталығындағы әлеуметтік нысандардың, өндіріс орындарының жұмысын көріп, олардың даму қарқынына оң баға берді.Кездесу қорытындысында шетелдік қонақтар бұған дейін қалыптасқан өзара сенім мен бірлескен жұмыстың нәтижесін ерекше атап өтіп, Қызылорда облысы әкімдігі мен «Майжике Инвестмент Менеджмент» компаниясы арасында өзара ынтымақтастық туралы меморандумға қол қойылды.Тараптар өңірде импортты алмастыруға бағытталған ірі инвестициялық жобаларды іске асыруға уағдаласты. Жоспарланған ынтымақтастық бірқатар стратегиялық саланы қамтиды. Атап айтқанда, экологиялық жобалар, құрылыс индустриясына қажетті материалдар шығару және медицина.Жаңа бастамалар Қызылорда облысының инвестициялық тартымдылығын арттырып қана қоймай, өңірде жаңа жұмыс орындарын ашуға, экологиялық жағдайды жақсартуға және медициналық қызметтің сапасын арттыруға елеулі үлес қосады деп күтілуде.Делегация мүшелеріне аймақтың инвестициялық әлеуетіне бағытталған ауыл шаруашылығы, химия және тау-кен, тамақ, жеңіл өнеркәсіптерді қамтитын, жалпы құны 2,2 млрд. АҚШ долларын құрайтын инвестициялық жобалардың тизерлері ұсынылды.Сонымен қатар, Үкімет қолдауымен биыл Қызылорда қаласында құрылған «Қорқыт Ата» арнайы экономикалық аймағы туралы жан-жақты ақпарат берілді. Арнайы экономикалық аймақта инвестициялық жобаларды орналастырудың артықшылықтары, мемлекет тарапынан көрсетілетін қолдау шаралары, салық жеңілдіктері мен басқа да преференциялар кеңінен таныстырылды.Фото: Қызылорда облысы әкімінің баспасөз қызметі

Ынтымақтастық туралы меморандумға қол қойылды

<a href="https://kyzylorda-news.kz/">Kyzylorda-news.kz</a> Бүгін Парламент палаталарының бірлескен отырысы өтіп, онда Мемлекет басшысы Қасым-Жомарт Тоқаев Қазақстан халқына кезекті Жолдауын жария етеді. Бұл туралы<a href="https://kaz.inform.kz/news/prezident-bugn-kazakstan-halkina-dasturl-zholdauin-zhariyalaydi-08470c/"> kaz.inform.kz</a> хабарлады.&nbsp;Бұл - Президенттің 8-ші Жолдауы. Мемлекет басшысы Жолдауларын жыл сайын қыркүйек айында, Парламенттің жаңа сессиясының ашылу рәсімінде жасап келді. Қаңтар оқиғасы болған 2022 жылы Қасым-Жомарт Кемелұлы халыққа 2 Жолдау арнады. Оның біріншісі – наурызда, ал екіншісі қыркүйекте жарияланды.Осы екі Жолдаудың біріншісі еліміздегі тың саяси реформаларға жол ашты. Нақтырақ айтқанда, Президенттің тым көп өкілеттігін қысқарту, Парламенттің рөлін арттыру, Президенттің Сенаттағы квотасын 15-тен 10 депутатқа дейін азайту, Қазақстан халқы Ассамблеясының Мәжілістегі квотасын жою, Сенатқа Мәжіліс қабылдаған заңдарды тек мақұлдау немесе мақұлдамау құқығын беру, Мәжілістің депутаттық корпусының 70 пайызы пропорционалдық, 30 пайызы мажоритарлық тәсілмен жасақтау, мажоритарлық жүйе бойынша әрбір аймақ Парламенттің төменгі палатасына өзінің кемінде бір депутатын сайлау, Партияларды тіркеу рәсімін едәуір жеңілдету сынды бастамалар ұсынылып, кейіннен жүзеге асырылды.Семей аймағында Абай облысы құрылып, Семей қаласы жаңа облыстың орталығына айналды. Бұрынғы Жезқазған облысының аумағында Ұлытау облысы құрылып, Жезқазған қаласы қайтадан облыс орталығы болды. Алматы облысы екіге бөлініп, өңірде Жетісу және Алматы облыстары құрылды. Алматы облысының орталығы Қапшағай болса, ал Жетісу облысының орталығы Талдықорғанда орналасты.Бұл Жолдауда жергілікті өзін-өзі басқаруды орталықсыздандыру, жергілікті өзін-өзі басқару органдары үшін мемлекеттік сатып алу тәртібін жеңілдету, бюрократия мен формализмді жою, дағдарысқа қарсы кезек күттірмейтін шараларды қабылдау, мемлекеттік аппарат қызметін бюрократиядан арылту, саяси жаңғыру стратегиясын ескере отырып, экономика мен мемлекеттік басқару ісіндегі жаңа құрылымдық реформалар топтамасын әзірлеу сынды бастамалар да көтерілді.Мемлекет басшысының соңғы Жолдауы «Әділетті Қазақстан: заң мен тәртіп, экономикалық өсім, қоғамдық оптимизм» деп аталды. Онда ақша-несие саясаты мен фискалды саясаттың арасындағы үйлесімсіздікті жою, инвестициялық ахуалды және бизнес жүргізуге қажетті жағдайды жақсарту жолында үздіксіз жұмыс істеу, еліміздің өнеркәсіп әлеуетін толық пайдалану үшін жан-жақты шаралар қабылдау, инфрақұрылымға қатысты өзекті мәселелерді шешу, кадрлық әлеуетті біртіндеп арттыру, ұлт саулығын нығайту үшін кешенді шараларды қолға алып, халықты әлеуметтік қолдау жүйесін жаңғырту, экологиялық ахуалды жақсарту, мемлекеттік басқару ісінің тиімділігін барынша арттыру, қоғамда заң мен тәртіп идеологиясын терең орнықтыру мәселелері көтерілді. Жолдауда көтерілген мәселелердің бәрі де Үкімет тарапынан орындалып жатыр. Мәселен, әлеуметтік салада мемлекет жыл сайын шамамен 4,5 млн адамды төлемдермен қамти отырып, өзінің міндеттемелерін уақтылы және толық көлемде орындап отыр. Биылғы 7 айда жоспарланған 6 трлн теңгенің 3,4 трлн теңгесі төленді. Оның ішінде:2,5 млн зейнеткердің 2,5 трлн теңге сомасында зейнетақысы жалпы сомасы 382 млрд теңге болатын 542 мың азаматқа арналған мүгедектігі жөніндегі және 195 мың отбасыға арналған асыраушысын жоғалтқанына байланысты жәрдемақы 613 мыңнан астам көпбалалы отбасыға және 243 мың марапатталған аналарға арналған 354,5 млрд теңге төлемдер 200 мыңнан астам отбасыға арналған бала тууына және бала күтіміне қатысты берілетін 61,8 млрд теңге жәрдемақы 102 млрд теңге көлемінде өзгедей де төлемдер.Мемлекет басшысы алға қойған ең басты міндет – қуатты әрі әртараптандырылған экономика құру. 2025 жылдың 7 айының қорытындысы ұлттық дамудың локомотиві саналатын өнеркәсіп секторында оң серпін барын байқатты. Өнеркәсіптік өндіріс көлемі 6,9 пайызға нық өсім көрсетті. Мұндағы өсім драйверлері – көлемді 8,5 пайызға ұлғайған тау-кен өнеркәсібі және әртараптандыру үшін ерекше маңызды сала, 6,1 пайызға өскен өңдеу секторы.Мал шаруашылығы — елдің азық-түлік қауіпсіздігін қамтамасыз ететін стратегиялық маңызды сала.&nbsp;Сондықтан да бұл саланы дамытуға бағытталған жаңа тетіктер енгізіліп жатыр. Мал шаруашылығы агроөнеркәсіп кешенінің жалпы өнімінің шамамен 40%-ын құрайды. 2025 жылдың қаңтар–шілде айларында өндіріс көлемі 3,4%-ға өсіп, 2 трлн теңгеге жуықтады. Ет өндірісі 2%-ға артып, 608,8 мың тоннаға жетсе, сүт өндіру көлемі 6,5%-ға көбейіп, 2,25 млн тонна болды.Мал мен құс саны да тұрақты түрде өсіп келеді: ірі қара мал – 8,7 млн (+0,3%), жылқы – 4,6 млн (+6,7%), түйе – 300 мың (+3,9%), құс – 48 млн (+6,6%). Дегенмен, қой саны 3,7%-ға кеміп, 21,1 млн болды.Экспорт бағытында да оң нәтижелер бар. 2025 жылдың алғашқы бес айында сиыр еті экспорты 2,5 есеге өсіп, 12,3 мың тоннаға жетті. Қой еті экспорты 2,6 есеге артып, 9,2 мың тонна болды. Алғаш рет 797 тонна шошқа еті сыртқы нарыққа шығарылды. Бұл көрсеткіштер қазақстандық өнімнің халықаралық деңгейде сұранысқа ие екенін дәлелдейді.Үкімет&nbsp;өнеркәсіптік өсуді ынталандыру үшін инвесторларға қолайлы жағдай жасап жатыр.&nbsp;Ірі кәсіпорындармен ұзақмерзімді келісімшарттар және офтейк-келісімшарттар көлемі 2 есеге өсіп, 147 млрд теңгеден асты. 16 арнайы экономикалық және 55 индустриялық аймақ түріндегі инфрақұрылым белсенді дамып келеді.Арнайы экономикалық және индустриялды аймақтар – жаңа өндірістерді жүзеге асырудың негізгі құралдарының бірі. Аймақтар қажетті инфрақұрылыммен қамтамасыз етілген және жобаларды жүзеге асыру үшін бизнеске беріледі. Өңдеу өнеркәсібіндегі жаңа бастамаларды қолдау үшін шағын өнеркәсіптік аймақтар құру құралы іске қосылды, онда дайын өнеркәсіптік алаңдар жеңілдікті бағамен жалға беріледі. Мұндай аймақтар 8 өңірде салынады, 90-ға жуық жобаны іске қосып, 3 мыңнан астам жұмыс орнын ашу жоспарланып отыр.IT саласы тұрақты түрде өсіп келеді. Еліміздегі IT компаниялар саны 18 мыңнан асты, соңғы үш жылда өсім - 16 пайыз. 1700-ден астам қатысушыны біріктіретін Astana Hub халықаралық технопаркінің дамуы маңызды драйвер болды. Резиденттердің жиынтық табысы 1,2 трлн теңгеге жетті, экспорттық кіріс 140 млрд теңгеден асты. Өңірлік ІТ хабтар инновациялық экожүйенің негізгі элементіне айналды. Қазірдің өзінде Қазақстанда олардың 19-ы бар. Сонымен қатар Сауд Арабиясы, АҚШ, Ұлыбритания, Дубай және Қытайда шетелдік алаңдар ашылды.Еліміздің цифрлық дамуының тағы бір басым бағыты – криптоиндустрия. Қазақстан сrypto-friendly реттеу негізінде ашық және инвестициялық тартымды экожүйені қалыптастыруға кірісті.Жүзеге асырылып жатқан бастамалардың қатарында «Cryptocity» пилоттық аймағы, крипторезерв жобасы, цифрлық активтердегі трансшекаралық есептеулер, сондай-ақ майнингтік инвесторларды тарта отырып, 70/30 үлеспен энергия қуаттарын жаңғырту жөніндегі бағдарлама бар. Бұл шаралар тұрақты өсу мен технологиялық дамуға бағытталған ашық экожүйені қалыптастырады.Фото: akorda.kz

Президент бүгін Қазақстан халқына дәстүрлі Жолдауын жариялайды   

<a href="https://kyzylorda-news.kz/">Kyzylorda-news.kz</a> Арал аудандық кәсіпкерлік және өнеркәсіп бөлімі, аудандық ауылшаруашылық және жер қатынастары бөлімі, аудандық санитарлық-эпидемиологиялоқ бақылау басқармасы, аудандық полиция бөлімі және аудандық төтенше жағдайлар бөлімі мен аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімі, қала әкімдігінің мамандары бар жұмысшы тобы базарлар және сауда үйлерін, қоғамдық тамақтану орындарын, сондай-ақ базар маңындағы белгіленбеген орындарда кәсіпкерлермен тілдесіп, заң талаптарын сақтау жөнінде арнайы түсіндірме жұмыстарын жүргізді.Аудандағы сауда орындарының санитарлық-эпидемиологиялық, өрт қауіпсіздігі, сәулет құрылыс талаптарына сәйкестігі, жабдықталу жай-күйін зерделеу мақсатында жұмыс жүргізген жұмыс топ қаладағы орталық базарда бірқатар сауда нүктелерін аралады.

Жұмысшы топ сауда орындарында түсіндірме жұмыстарын жүргізді

<a href="https://kyzylorda-news.kz/">Kyzylorda-news.kz</a> &nbsp;Қазақстанның «Қажымұқан» тарихи кинотуындысы Сеулде өткен халықаралық кинофестивальде қос жүлдені жеңіп алды. Фильм «Ең үздік фильм» номинациясы бойынша Гран-при, туындыда ойнаған актер Ербол Төлепберген «Үздік басты рөл» жүлдесін иеленді, деп хабарлайды <a href="https://kaz.zakon.kz/madeniet-shou-biznes/6067359-koreyaday-kinofestivalde-azhyman-film-os-zhldege-ie-boldy.html">Zakon.kz.</a>Фильм ҚР Мәдениет және ақпарат министрлігі мен Ұлттық киноны қолдау мемлекеттік орталығының қолдауымен түсірілген.«Қажымұқан» – қазақтың тұңғыш чемпионы, аты аңызға айналған балуан Қажымұқан Мұңайтпасовтың өмір жолын баяндайтын тарихи драма. Туындыда спортшының күрес әлеміндегі жетістіктері ғана емес, оның ұлт рухын көтерудегі рөлі мен адами болмысы кеңінен суреттеледі.Фильмнің сценарий жұмыстары 2012 жылы басталған. Режиссер Қанағат Мұстафин 10 жылдан астам уақыт зерттеу жүргізіп, архив деректері мен тарихи мәліметтерді жинақтаған. 2020 жылы түсірілімге кіріскен. Режиссер фильм арқылы тек тарихи деректерді көрсетіп қана қоймай, Қажымұқанның рухын, адамдық бейнесін, елге деген махаббатын жеткізгісі келгенін айтады.Бұған дейін фильм Италияда өткен XXIX Халықаралық IPAAF – Apoxiomeno кинофестивалінде де жоғары бағаланып, бірнеше марапатқа ие болған. Сондай-ақ фильм өткен жылы Қазақстанда кең көлемде прокатқа шықты және Қазақ киносының онкүндігі аясында да ел өңірлерінде көрсетіліп келеді.Айта кетейік, 11-ші Сеул халықаралық «WebFEST» 28 елмен әріптестік орнатқан. Фестиваль заманауи веб-контентті дамытуға бағытталған және бүкіл әлем бойынша онлайн көрсетілімдер ұйымдастырады.Биыл іс-шараға 21 номинация бойынша 160 шығарма ұсынылды, оның ішінде 20-сы – корей, 22-сі – шетел туындылары.Фото: ҚР Мәдениет және ақпарат министрлігінің баспасөз қызметі

Кореядағы кинофестивальде «Қажымұқан» фильмі қос жүлдеге ие болды

7 қыркүйек — соғыс ойыншықтарын жою күні<a href="https://kyzylorda-news.kz/">Kyzylorda-news.kz</a> Адамзат тарихына көз жүгіртсек, соғыс пен қақтығыс қаншама қайғы-қасірет әкелгенін көреміз. Бір елді екіншісі жауласа, бір әулеттен талай адам айырылды. Қаншама шаңырақтың оты өшіп, ұрпақтың тағдыры күйреді. Осыны көрген халық бейбіт өмірдің қадірін бәрінен артық бағалайды. Сол бейбітшілікті дәріптеу – ең алдымен бала тәрбиесінен басталады. Өйткені бүгінгі ойыншықпен ойнаған бүлдіршін – ертеңгі қоғамның мүшесі. Сол себепті жыл сайын 7 қыркүйек – Соғыс ойыншықтарын жою күні ретінде аталып өтеді. Бұл күн балаларға қару емес, достық пен мейірімділік сыйлайтын ойыншықты таңдай білуді еске салады.<h2 style="margin-left:0px;text-align:center;">Ойыннан от шықпасын…</h2>Әдетте біз ойыншықты тек ермек көзі деп ойлаймыз. Бірақ ойыншықтың да өз тілі бар. Ол балаға үнсіз тәрбие береді. Қуыршақ ойнаған қыз бала қамқорлықты үйренсе, құрылыс ойыншықтарын ермек көрген ұл бала ойлануға дағдыланады. Ал қолына мылтық пен пышақ ұстаған балаға «күшпен шешу» ойы еріксіз қалыптасуы мүмкін.Психологтар мұндай ойыншықтар баланың агрессиясын күшейтетінін айтады. «Жауды жою», «қарумен жеңу» секілді түсінік ойында қалыптасып, шынайы өмірге де әсер етуі ғажап емес. Бір-бірімен ойнап жүрген бүлдіршіндердің «сені аттым», «мен сені өлтірдім» деп айқайлауы осының дәлелі. Бұл – бейкүнә ойынның артында үнсіз қатердің жатқанын көрсетеді.Жас ұрпақтың санасына зорлықты ерлік ретінде сіңіру – болашақ қоғамға жасалған қастандықпен тең. Сондықтан әлемнің көптеген елдері балаларды бейбіт ойға жетелеп, 7 қыркүйекті ерекше күн ретінде белгілеген.<h2 style="margin-left:0px;text-align:center;">Қатігездікке бастайтын ермек</h2>Қазіргі дүкен сөрелеріне қарасаңыз, түрі қорқынышты құбыжықтар мен үрейлі кейіпкерлерге толы ойыншықтарды жиі кездестіресіз. Қызығы сол – балалар дәл осыларға құмар. Қолында қанжары бар монстр, көзі қып-қызыл робот немесе құбыжыққа ұқсайтын қуыршақ қазір сәнге айналып үлгерді.Тағы бір парадокс – мұндай ойыншықтардың бағасы арзан емес. Кейбірі қарапайым отбасының бір айлық табысына тең. Соған қарамастан, сұранысқа шек жоқ. Бұл – маркетингтің айласы. Өндірушілер балалардың қиялын жақсы жарнама арқылы баурап, ата-ананы қымбат ойыншық алуға итермелейді. Нәтижесінде бала бойына бірнеше қажетсіз қасиеттерді сіңіруі мүмкін.Әлемнің дамыған елдері бұл мәселені ертерек түсініп, «бейбіт ойыншық» өндірісін жолға қойған. Мысалы, Жапонияда ғылымға қызықтыратын құрылғылар, Еуропада шығармашылыққа жетелейтін ойындар кең тараған. Олар баланың ойлау қабілетін дамытып, төзімділікке үйретеді.Ал бізде әлі де әскерилердің автоматы немесе пышағы өтімді тауарлардың бірі. Бірақ таңдау ата-ананың қолында. Қарапайым конструктор, табиғатты танытатын үстел ойыны немесе сурет салуға арналған құрал – бір мылтықтан әлдеқайда пайдалы. Мұндай ойындар баланы қиялға жетелейді, білімге ынталандырады.Әрине, ойыншық – балалық шақтың ажырамас бөлігі. Бірақ балаға берер ең үлкен сыйлық – оның дамуына сеп болатын пайдалы дүние. Бір қымбат роботтың орнына сүйікті кітабын сыйлау – ой-өрісін кеңейтеді. Бір пластик мылтықтың орнына спорт үйірмесіне жазу – денсаулығын нығайтады.Музыкалық аспапқа баулу – құлақ пен қиялды шыңдайды, ал сурет салу құралдары – шығармашылыққа жетелейді. Мұндай дүниелер баланың тек уақытын қызыққа толтырып қоймай, оның болашағына салынған инвестицияға айналады. Бала өскенде ойыншықты емес, алған тәрбиесін ұмытпайды.7 қыркүйек – Соғыс ойыншықтарын жою күні бізге жай ғана атаулы күн болып көрінуі мүмкін. Бірақ оның мәні терең. Бұл күні әрбір ата-ананы «баламның қолындағы ойыншық қауіпсіз бе?» деген сұрақты мазалауы тиісҚорлан САРЫФото: freepik.com

Балаларды бейбітшілкке бейімдейік

<a href="https://kyzylorda-news.kz/">Kyzylorda-news.kz</a> Сенат депутаты Геннадий Шиповских онлайн-казиноларды жарнамалайтын блогерлерге жазаны күшейтуді сұрап,&nbsp;депутаттық сауал жолдады. Бұл туралы&nbsp;<a href="http://stan.kz/">Stan.kz</a>&nbsp;ақпарат&nbsp;агенттігі хабарлады.&nbsp;Депутаттың айтуынша, соңғы екі жарым жылда елімізде 205 астыртын казино жабылып, 224 тұлға қылмыстық жауапкершілікке тартылған. Блогерлердің заңсыз қызметтерді ілгерілетуге қатысуы ерекше алаңдаушылық туғызады.Тек биылғы жылдың өзінде 34 блогердің онлайн-казиноларды жарнамалағаны анықталған.&nbsp;Олардың ішінде кейбірі бірнеше рет әкімшілік жазаға тартылса да, заңсыз әрекетін жалғастырып келеді. Себебі қарапайым айыппұлдар оларды тоқтатуға жеткіліксіз, заңсыз жарнамадан түсетін миллиондаған пайда төленген әкімшілік жазадан әлдеқайда асып түседі.<blockquote>«Әлеуметтік желілер кеңістігінде кейбір блогерлердің заңсыз жеңіл ақша табу үрдісі күрт көбейіп кетті. Әсіресе, олардың онлайн-казино, жалған ұтыстар, яғни гивтар, курстар және күмәнді қаржы айналымдарын насихаттауы кеңінен етек алып отыр. Бұл құбылыс халықтың әлеуметтік-экономикалық әл-ауқатына айтарлықтай зиян тигізіп, жастар арасында құмар ойынға тәуелділік, отбасылық дағдарыс және көлеңкелі қаржы айналымының өсуіне әкелуде», –&nbsp;дейді&nbsp;депутат.</blockquote>Геннадий Шиповских мұндай блогерлерді қылмыстық жауапкершілікке тартуды ұсынды.<blockquote>«Қазір заңсыз онлайн-казино және күмәнді гивтерді жарнамалаған блогерлерге қолданылып жатқан әкімшілік айыппұлдардан бөлек, қылмыстық жауапкершілік тетігін толыққанды іске қосуды ұсынамыз. Әлеуметтік желілерде жиі ұйымдастырылатын ұтыс ойындары мен гивтердің заңдылығын тексеру үшін арнайы мониторинг жүйесін енгізу керек. Заңсыз жарнаманы таратушылармен қатар, осы қызметке делдалдық жасап отырған төлем ұйымдары мен жарнамалық агенттіктердің қызметіне мониторинг жүргізу керек», –&nbsp;деді Геннадий Шиповских.</blockquote>Фото: senate.parlam.kz

Депутат онлайн-казиноларды жарнамалайтын блогерлерге жазаны күшейтуді ұсынды

<a href="https://kyzylorda-news.kz/">Kyzylorda-news.kz</a> «Қазақстандағы орыс қауымдастығы: бірлік, келісім және мәдени мұраға 30 жыл» Қазақстан халқы Ассамблеясының 30 жылдығына орай Қызылорда қаласында орыс қауымдастығының онкүндігі басталды. Достық үйінде өткен салтанатты шара аясында «Қазақстандағы орыс қауымдастығы: бірлік, келісім және мәдени мұраға 30 жыл» атты дөңгелек үстел ұйымдастырылды.Жиынға этномәдени бірлестіктердің өкілдері, ҚХА ардагерлері, жастар ұйымдары мен бұқаралық ақпарат құралдарының өкілдері қатысты.Кездесудің ашылуында облыстық қоғамдық даму басқармасы басшысының орынбасары Артур Қамбаров сөз сөйлеп, Қазақстандағы этностардың мәдени, рухани және қоғамдық өмірдегі рөліне тоқталды.<blockquote>– «Орыс қауымдастығы – халқымыздың тарихымен біте қайнасқан, ел дамуының әр кезеңінде өзіндік із қалдырған маңызды этнос. Олар тәуелсіздік жылдарынан бастап білім беру, мәдениет және қайырымдылық саласында айтарлықтай белсенділік танытып келеді. Бүгінгі онкүндік – сол ортақ құндылықтарды дәріптейтін игі бастама», – деді ол.</blockquote>Шара барысында қатысушылар қауымдастықтың этносаралық татулықты нығайтуға, мәдени дәстүрлерді сақтауға қосқан үлесін сөз етті. Сондай-ақ алғашқы төраға Владимир Толоконниковтің еңбектері еске алынып, ұйымның қалыптасу тарихына шолу жасалды.2007 жылы құрылған орыс қауымдастығы бүгінде түрлі мәдени, ағартушылық және әлеуметтік жобаларды жүзеге асырып, өңірдегі этномәдени орталықтармен тығыз байланыс орнатып келеді. Көрермендерге арнайы әзірленген бейнероликтер ұсынылып, қауымдастық белсенділері мен серіктестеріне құрмет грамоталары табысталды.Жиын соңында шығармашылық ұжымдар өнер көрсетіп, фотокөрме ұйымдастырылды. Кеш қонақтары орыс этносының әндерін тыңдап, мерекелік көңіл-күйге бөленді.Қауымдастық төрағасы Наталья Мишукова қатысушыларға алғыс айтып, онкүндікке арналған іс-шаралар легі туралы БАҚ өкілдеріне сұхбат берді.

Орыс қауымдастығының онкүндігі басталды

<a href="https://kyzylorda-news.kz/">Kyzylorda-news.kz</a> Еңбек және халықты әлеуметтік қорғау министрі Светлана Жақыпова Мемлекет басшысының тапсырмаларын іске асыру шеңберінде азаматтардың жұмыс күші тапшылығы бар өңірлерге ерікті түрде қоныс аударуын ынталандыру шаралары туралы айтып берді. &nbsp;Бұл туралы <a href="https://kaz.inform.kz/news/45mln-tenge-zhumis-kush-tapshi-onrlerge-koshkenderge-sertifikat-berled-1ddcbc/">kaz.inform.kz </a>хабарлады.&nbsp;<blockquote>– Ерікті түрде қоныс аударуға жәрдемдесу шеңберінде жаңа қолдау шаралары енгізілді. Қоныс аударушыларға тұрғын үй сатып алу үшін экономикалық мобильділік сертификаты беріледі. Бұл шамамен 4,5 млн теңге. Соңғы үш жылда 6 мың отбасы еңбек күші тапшылығы бар өңірлерге қоныс аударды. Олардың жартысынан көбі сертификат алды. Қабылдаушы өңірлерде жеке мобильді сүйемелдеу жүйесі жұмыс істейді, – деді Светлана Жақыпова.</blockquote>Министрдің мәлімдеуінше, биыл 6 мыңнан астам адам аталған қызметті алған.<blockquote>– Қоныс аударушылар үшін ауыл шаруашылығы мақсатында берілетін жер учаскелерін конкурстан тыс тәртіппен алу құқығы, сондай-ақ материалдық көмекті есепке алу үшін ашық шоттардан өндіріп алу үшін тыйым салуды көздейтін түзетулер қабылданды. Көшу кезінде материалдық көмекке жүгінудің электронды форматы енгізілді. Жаңа механизм іске асырылған сәттен бастап, «қандас» мәртебесін 13 мың этникалық қазақ алды. Бұдан басқа біз шетелдік жұмыс күшін тарту квотасын төмендету саясатын дәйекті түрде жүргізіп келеміз. Соңғы 5 жылда тартылған шетелдік жұмысшылар саны 25 мыңнан 17 мыңға дейін төмендеді. Әлеуметтік әділеттілік қағидатын белгілеу, оңтайландыру бойынша жүргізіліп жатқан барлық жұмыс мемлекет пен қолдауға мұқтаж азаматтар мүддесі теңгерімін қамтамасыз етуге және көрсетілетін қызметтің сапасын арттыруға бағытталған, — дейді ведомство басшысы.</blockquote>Фото: Үкімет

Қазақстан және Қызылорда облысының жаңалықтары: Қоғам