<a href="https://kyzylorda-news.kz/">Kyzylorda-news.kz.</a> Биыл 9 айда 34 мың адам Қазақстаннан көшіп кеткен. Олардың енді елге оралуы екіталай. Бұл сан жыл өткен сайын өсіп келе­ді. Атамекенді тастап кет­кен­дердің басым бөлігі – қала­лықтар және Шығыс Қазақстан, Қарағанды, Қостанай облыстарының тұрғындары. Мұндай көш­тің себебі неде? Жалпы, бұл процеске алаң­дау қа­жет пе әлде «жыл сайын­ғы қа­лыпты жағ­дай» деп жай­ба­рақат қарап отыра бер­ген жөн бе?
Мекен ауыстыру – адамға тән қасиет. Өзге елге түрлі себеппен бет алады. Тарихи Отаны, жұмыс істеу, білім алу, отбасылық жағдай және тағысын тағылар. Алайда жыл сайын еліміздегі көште қайта­ланатын бірнеше айқын белгілер бар. Біріншіден, көше­тін­дердің басым бөлігі іргедегі Ресейге қоныс аударады. Екінші­ден, елі­міз­дің солтүстік, шығыс, орта­лық өңірлерінің тұрғындары түйін­шек­терін жинауға дайын тұрады. Үшіншіден, олардың басым бөлігі славян тектес халық. Төртіншіден, қалалықтар шетел асуға даяр. Биыл да аталған тренд сақталып отыр. Көшкендердің 84 пайызы қала тұрғындары. Қазақстанда одан ары тұрғысы келмеген 34 мың адам­ның 30 мыңы тағы да Ресейге бет алған. Кейінгі орында Герма­ния, 2 085 кісі неміс жерінде тұру­ды құп көрген. Қалғаны Беларусь (297), Өзбекстан (220) және АҚШ-ты (190) таңдаған.
Кімдер көшіп жатыр?&nbsp;
Жоғары­да айтқандай көштің себептері әртүрлі болуы мүмкін. Ресейге көшетіндердің қатарында тек орыс ұлтының өкілдері ғана емес, қара­көздер де бар. Оған қоса, Ресей ерікті түрде көшу туралы арнайы бағдарлама қабылдап, Ресей аза­мат­тығын алу талаптарын биыл жеңіл­детіп тастады. Әрине, бұл қа­дамдар ең алдымен Украина тұр­ғын­дарына бағытталды. Алайда атал­ған мүмкіндікті біздің азамат­тар да пайдаланып жатыр. Ал Гер­ма­нияға неміс жұрты тарихи Ота­нына оралу үшін кетіп бара жатқан болар немесе өзгелері білім алғысы келген шығар. Себебі бұл елде магистратура, Phd бағдарла­масы бойынша тегін, арзан білім беретін университеттер аз емес. Ал АҚШ-қа жұрт жайлы өмір іздеп, жоғары жа­­лақы көздеп кететіні айдан анық.
Айтпақшы, Қазақстаннан жұрт тек көшпейді, көшіп келіп жат­қан­дар да баршылық. Бірақ аз. Биыл 9 айда 8 мың кісі елге қоныс аудар­ған. 34 мыңы кетсе, 8 мыңы келген. Айырмашылық 4,2 есе. Негі­зінен, Өзбекстан (2,9 мың), Ресей (2,2 мың) және Қытайдан (686) қоныс аударған. Бәлкім басым бөлігі оралман қандастар шы­ғар немесе Ресейге көшіп, жер­сінбей, оралып жатқандар болар? Әрине, долбар­ламай, нақты себеп­те­рін жазу үшін терең сарап­тама керек, өкінішке қарай ресми ор­ган­дар ондай мәліметті жарияла­май отыр.
Шығын
Жыл сайын Қазақ­стан­нан 40 мыңдай адамның көшіп кетуі үлкен демографиялық, әлеу­мет­тік, экономикалық, зият­кер­лік шығын екені анық. Бір адамды балабақшада тегін тәрбиелеп, мек­тепте тегін оқытып, универ­си­тетте грантпен тегін білім беріп, маман ретінде қалыптастырып, қызметте тәжірибе жинатып, өсіріп, соңын­да эмиграцияның кесірінен бір күнде ол азаматтан айырылып қалу қаншама мемлекеттік инвестиция­ның қайтарымсыз кеткенін көрсе­теді. Бәлкім, бұл эгоистік көзқарас шығар. Өйткені адам қай жерде, қай елде өмір сүруін өзі шешеді. Алайда қарқынды эмиграция мың­даған маманның шетке ағылуы­на жағдай жасайды. Есесіне, сол мигранттарды қабылдайтын елдер дайын маманға бір күнде қарық болады. Яғни, эмиграциядан та­быс­қа кенелетіні де, шығынға бата­­тыны да жетерлік. Мәселен, Ресей 2000-2017 жылдар аралығын­да­ғы эмиграциядан 27 трлн рубль шы­ғын көрген. Ал сол жырақтан келе­тін мигранттар АҚШ эконо­ми­касына 2015 жылы 2 трлн дол­лар, Германияға 550 млрд доллар пайда әкелген. Көшіп-қону ғалам­дық процесс болғандықтан, миг­рант­­тар­дың әлемдік ішкі жалпы өнім­ге қосатын үлесі 10 пайыз екен.
Жалпы, елдегі эмиграцияның кері сальдо көрсетіп жатқанына алаң­дайтын фактор көп. Бірінші­ден, көшіп жатқан кісі қатарында жастар аз емес, 25 пайыздай. Екін­ші­ден, алыс елге көз тастағандар­дың 30 пайызы жоғары білімді аза­маттар. Бұл әрбір үшінші эми­грант­тың қолында дипломы бар деген сөз. Есесіне, Қазақстанға жаңа қоныстанып жатқан жандар­дың тек 17 пайызы ғана ЖОО-ны тамамдағандар. Бұл – аталған мәсе­лені зерттеп келе жатқан зерт­теуші Ирина Черныхтың мәлімет­тері. Басқаша айтқанда, білімді мамандар жат жұрт асып жатыр, ал көшіп келіп жатқандар сапа тұрғы­сынан олардың орнын толтыра алмауда.
Не үшін көшіп жатыр?&nbsp;
Бұл сұраққа жауап беру үшін былтыр қыркүйек айында И.Черных 50 жас кәсіби маман арасында сауал­нама жүргізген. Оның 35-і елде, 15-і түзде тұрып жатыр. Олардың пікі­рінше, елді тастап кетуге келе­сідей факторлар ықпал етіп отыр:
– мемлекеттегі әлеуметтік-экономикалық жағдайдың нашар­лауы;
– тіл мәселесінен туатын пси­хо­логиялық ыңғайсыздық;
– көрші елдердің мигранттарды шақыру саясаты;
– Қазақстан паспортының «әлсіздігі» (виза);
Осы мамандарға «Қазақстан­нан кетуге дайынсыз ба?» деген сауал қойылған. Жауап үшке бө­лін­ген: 34,5 пайызы «иә» десе, дәл соншасы «жоқ» деп, көшуден бас тартқан. Қалған 31 пайызы се­нім­ді емес, алайда жақсы қыз­мет­тік ұсыныс жасалса, қолына құжа­тын алып, әуежайға беттеуге даяр.
Сондай-ақ Ирина Черных жы­рақ­та қызмет етіп жүрген қазақ­стандық мамандардың арасында да сауалнама жүргізген. «Қазақ­стан­ға ораласыз ба?» деген сауалға тек 8,3 пайыз респондент елге қай­­­та­тынын жеткізсе, 50 пайызы «орал­маймын» деп кесіп айтқан. Қал­ған 41,7 пайызы «егер Қазақ­стан­­да жақсы қызметтік ұсыныс болса, елге қарай билет алуым мүм­кін» деп жауап қайырған.
Эмигрант – қоғамның айнасы&nbsp;
Сонымен, шетелге көшкен, көш­кі­сі келіп жүргендерді бірнеше мәселе мазалайтыны белгілі бол­ды. Ол жұмыс, қаражат, табыс көзі, тілді білмеу және көк паспортпен визасыз саяхаттай алмауың екен. Мәселені кеңірек қарасақ, соңғы жылдары теңгенің долларға шаққанда 120 теңгеден 390 теңгеге оңбай құлдырауы, отандық өнді­ріс­тің әлсіреуі, жемқорлықтың азаймауы, әлеуметтік лифттің қиындауы, бюрократия – бәрі де қоғамға кері әсер еткені көрініп тұр. Егер азамат сапалы білім алып, дипломына сай жұмыс тауып, айлығы шайлығына жетіп, өзі және отбасының қауіпсіздігіне сенімді болып, баспананы 5 жылда алуға мүмкіндік туып, ертеңіне сенімді болса, онда жыл сайын 40 мыңдай азамат елді тастап кетпес еді. Бұған дейін кейбір зерттеулер табысы орташа қазақстандық отбасы өз табысының 54-60 пайы­зын азық-түлікке жұмсайты­нын хабарлады. Ал британдық отбасы әдетте тамағына жалақысының бар болғаны 10-12 пайызын бөледі. Өкінішке қарай, азаматтардың табысы тамағы мен киімінен артыл­майтын деңгейге жетті. Артық ақшасын театр, концерт, кітап, музей, галереяға жұмсайтын жан кемде-кем. Қысқасы, сөз басын­дағы статистика, И.Черных жүргізген сауалнама нәтижесі – бүгінгі қоғамдық проблемалардың айнасы және салдары.
Ал енді «азаматтарымызды ше­тел­­дерде не қызықтырады?» де­ген сауалға мамандар «қауіпсіз қоғам, құқық қорғау органдарына деген жоғары сенім, дамыған аза­мат­тық қоғам, төмен деңгейдегі жем­қор­лық, адам құқығының қор­ғалуы және тағы басқа фак­тор­лар» деп жауап берген. Яғни, адамның жай­лы өміріне қажет базалық қа­жет­­тіліктер. Логи­каға салсақ, егер Қа­з­ақстанда осы салаларды қа­лып­­тастырып, дамыта алсақ, онда 40 мың азамат жыл өткен сайын жат елге бетін бұрмас па еді? Қайта өзге елдердің мигранттары Қазақ­стан­ға аттануға оқталар ма еді?
Кореяға бет алғандар
Соңғы 2-3 жылда Оңтүстік Кореяда қыз­мет етіп жатқан қазақстандық­тар саны күрт өсті. Әсіресе, оңтүстік өңір азаматтары. Былтыр сол елде­гі консулдығымыз 19 мың Қазақ­стан азаматы жұмыс істеп жатқа­нын хабарлаған еді. Ал биыл 1 қыркүйектегі мәлімет бойынша, 10 мыңдай азаматымыз Корея Рес­пуб­­лика­сында заңсыз мигрант ретінде еңбек етіп жүр. Осы уақыт ара­лығында азаматтарымыздың ара­сында Кореяда жол көлік оқи­ға­­сына түскен де, көлігімен жолда бала қаққан да, қылмыс жасаған да, жеңіл жүріске түскен де – бәрі болды. Олар – еңбек мигранттары. Корея үкіметі ешбір жазасыз олар­ды Қазақстанға қайтару үшін «жасыл дәліз» режимін де енгізді. Алайда ауыр еңбек болса да, жоға­ры жалақыға үйренгендер әзірше Отанына оралғысы жоқ. Бұл жайт Қазақстан да еңбек мигранттарын экспорттаушы елге айналғанын көрсетті.
Нарық
Экономикалық себеп­тер­ден бөлек, әлеуметтік фактор­лар­ды да ескерген жөн. Қазіргі жаһандану процесінде кәсіби мамандарды, өз саласының хас шеберлерін бір орында ұстап отыру екіталай. Өз мамандығы бойын­ша Қазақстанда көңілден шығар ұсыныс таппаған жерлес­те­ріміз Ресей, Еуропа, АҚШ-қа көшіп жатыр. Мәселен, Сингапур мен Үндістанда білім алған Едіге Тілегеновті биыл жыл басында Кэмбридж университеті жасанды интеллектті өндіріске енгізу мақ­са­тында жұмысқа шақырған. Ак­тер Асқар Ильясов, әнші Мар­жан Мақышева шығармашылығын тек Мәс­кеу­де дамытуға мүмкіндік алған. Бұл тізімге комик Нұрлан Сабы­ров, әнші Назима және бас­қа­ларды да қосуға болады. Отан­дық жұмыс нарығының тарлығы кейбір кәсіби мамандарды шетел­дер­де жұмыс іздеуге мәжбүр­лей­­ді. Себебі Ресей, Еуропамен салыс­тыр­ғанда Қазақ­станда экономика­ның бірнеше саласы жоғары деңгейде дами қой­ма­ғаны белгілі.
<a href="https://aikyn.kz/society/threaded/12484-shetel-asugha/">Aikyn.kz</a>

Шетел асуға асыққандар саны артып барады

<a href="https://kyzylorda-news.kz/">Kyzylorda-news.kz.</a> Кәсіпкерлік мақсаттағы жер телімдері мәселесі туралы кәсіпкерлер нені білу керек? Қандай құжаттар әзірлеу қажет? Қайда баруы керек? Аталған сауалдарға Кәсіпкерлер палатасының Қаржылай емес қолдау бөлімінің бастығы Гаухар Елеусінова жауап береді.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Жалпы кәсіпкерлік мақсаттағы жер телімдеріне арналған аукциондар, конкурстар туралы ақпараттар қайда жарияланады? Кәсіпкерлер қайдан көре алады?
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Аукцион және конкурс өткізу тәртібі Жер кодексінің 43 және 43-1 баптарына сәйкес реттеледі. Конкурсқа, аукционға шығарылатын жерлер туралы хабарлама жергілікті бұқаралық ақпарат құралдарында, оның ішінде жер қатынастары бөлімдерінің конкурс жариялауы нәтижесінде ұтқан БАҚ-да жарияланады. Мысалы, Қызылорда қалалық жер қатынастары бөлімі «Ақмешіт ақшамы» газетінде жариялайды. Қосымша жергілікті атқарушы органның ресми интернет-ресурстарында орналастырылады. Сондай-ақ, жер қатынастары бөлімдерінің ақпараттық қабырға тақталарында міндетті түрде болуы керек.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Кәсіпкер бос тұрған жердің статусын қалай анықтай алады? Сол жерді аукционға қалай шығаруға болады, әлде тек мемлекеттік орган жариялаған жерді ғана алуға мүмкіндік бар ма?
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Осы жылдың мамыр айында Жер кодексіне өзгеріс енгізілді. Сол өзгеріске дейін ауылшаруашылығы мақсаттағы болсын, елді мекендердегі ғимараттар үшін өндірістік мақсаттағы жерлер де аукцион арқылы беріліп келді. Жер қатынастары саласындағы нормативтік құжаттардағы өзгерістерден кейін ауылшаруашылығы мақсатындағы жерлер тек конкурс арқылы берілетін болды. Аукцион арқылы елді мекеннен, яғни қаланың ішінен өндірістік мақсатта немесе ғимарат, жылыжай салу үшін жер алғысы келген азамат қалалық әкімдікке алғысы келетін аумағынан, көлемін, мақсатын көрсетіп тұрып өтініш береді. Кәсіпкердің өтінішіне сәйкес жер қатынастары бөлімі аталмыш аумақтағы жер телімін зерттейді. Аталмыш жер телімі бос болып, өтініште көрсетілген мақсатта пайдалануға сай келсе жер қатынастары бөлімі тарапынан ол жерге алдын ала таңдау актісі жасалып, қалалық сәулет және қала құрылысы бөлімі арқылы келісім алынып, аукционға салуға дайындалады. Кей жерлер бос тұруы мүмкін, бірақ зерделей келе ол жер телімінің меншік иесі бар, әлі құрылыс жұмыстарын жүргізбеген болуы ықтимал. Келесі бір жағдайда жер телімін өндіріс үшін деп сұратады. Өндірістік мақсаттағы ғимараттарға елді мекеннің ортасынан, халық тұрып жатқан аумақтан өндіріске жер беруге болмайды. Көбіне өндірістік мақсаттағы жер телімдері шет аумақтан немесе индустриалды аймақтан аукцион арқылы беріледі.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Белгілі бір жер телімін кәсіпкерлік мақсатта алуға өтініш бергеннен кейін, оны аукционға шығару үшін қанша уақыт кетеді?
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; –&nbsp; Ең бірінші жер қатынастары бөлімі 15 күн ішінде сіздің өтінішіңіз бойынша тікелей жердің табысталмайтындығы туралы жауап беруге міндетті. Мұнан кейін жер қатынастары бөлімі егер жер талаптарға сай келетін болса 90 күн ішінде аукционға немесе конкурсқа шығару қажет.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Бұрын ауыл шаруашылығы мақсатындағы жер телімдерінің конкурсын өткізгенде негізгі мәселе бағада болатын. Яғни, жоғары баға берген адам жеңімпаз болып табылатын. Қазір балдық жүйемен ол жерге салатын инвестициясына қарайды екен. Осы туралы айтып өтсеңіз…
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Ауыл шаруашылығы мақсатындағы жер телімдерінің конкурсына өтінім тапсырған кезде өтініммен бірге конкурстық ұсынылым тапсырылады. Конкурстық ұсынымға бизнес-жоспар, сол жер телімін тиімді пайдалантындығы туралы міндеттемелері, ашатын жұмыс орнының саны жөнінде мәліметтер қамтылады. Осы жерде кәсіпкерлер ескеруі тиіс жағдай: ертеңгі күні конкурста жеңімпаз атанған жағдайда бизнес-жоспар келісім шарттың ажырамас бөлігі болып саналып, жоспардың ішінде кәсіпкер көрсеткен ашатын жұмыс орындарының саны, салатын инвестициясы, алынатын техникалары туралы ақпараттар орындалуы тиіс міндетке айналады. Кейде кәсіпкерлер бизнес-жоспарда осындай ақпаратты көбірек жазсам ұту мүмкіндігім жоғары болады деп ойлайды. Сол үшін де Кәсіпкерлер палатасының кеңесшілері бизнес-жоспарды әзірлеу барысында бұл жөнінде кәсіпкерді алдын ала ескертеді. Кейін мониторингтік комиссия бизнес-жоспардағы міндеттемелердің орындалуын тексеру барысында егер міндеттемелер орындалмаған жағдайда келісім шартты бұзуға алып келеді.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Сұхбатыңызға рақмет!

Қызылордада кәсіпкерлік мақсаттағы жер телімдерін қалай алуға болады?

<a href="https://kyzylorda-news.kz/">Kyzylorda-news.kz.</a> Әлеуметтік желіде қазақстандық әйел тұз ішінен дәрі шығып жатқанын айтып дабыл қақты, деп хабарлайды <a href="https://sn.kz/sn-akparat-agyny/62192-kytailyktardyn-birdene-kosyp-zhatyr-degeni-shyn-eken-turgyndar-tuzdyn-ishinen-d-ri-shykk-anyn-aitty-video">Skifnews.kz</a>.
Бұл видеоны Instagram әлеуметтік желісіндегі @qazaqpizgo парақшасы жариялаған.
<blockquote>
 «Қараңыздар. Қазір ішінде әппақ-әппақ дәрілер бар. Тұз ғой байқамаймыз. Аспириннің дәрісі ме екен. Білмеймін. Аралтұздың ішінен шығып жатыр. Шын екен қытайлықтардың бірдеңе қосып жатыр дегені», – дейді кадр сыртындағы әйел.
</blockquote>
Айта кетейік, видеоның қашан және қайда түсірілгені белгісіз.

«Қытайлықтардың бірдеңе қосып жатыр дегені» шын екен»: Тұрғындар тұздың ішінен дәрі шыққанын айтты (ВИДЕО)

<a href="https://kyzylorda-news.kz/">Kyzylorda-news.kz.</a> ІІМ Төтенше жағдайлар комитеті Darmen мобильдік қосымшасынан анығын білуге болады, деп хабарлайды <a href="https://aikyn.kz/policy/7-24/12499-anyq-qanyq-qansha-gradus-ayazda-oqushylargha-sabaq/">Aikyn.kz</a>.
Қосымшада сабақтардың тоқтатылғаны жөніндегі хабарламалардан бөлек, дауылды гидрометеорологиялық құбылыстар, сейсмикалық қатерлер, қысқы кезеңде автомобиль жолдарының жабылуы, республиканың барлық аумағындағы&nbsp;профилактикалық және басқа да іс-шаралар туралы ақпарат жедел түрде халыққа таратылады.
<img src="https://kyzylorda-news.kz/wp-content/uploads/2019/11/20sabak2.jpg" alt="" />

Қанша градус аязда мектепте сабақ тоқтатылады?

<a href="https://kyzylorda-news.kz/">Kyzylorda-news.kz.</a> Қызылорда облысының Қазалы ауданы аумағында орын тепкен Күйіккескен қалашығын археологиялық зерттеу барысында қоладан құйылған екі асық табылды, деп хабарлайды&nbsp; Қызылорда облыстық тарихи мәдени ескерткіштерді қорғау мекемесінің қызметкері Еркебұлан Елеуов.
Археологиялық экспедиция халықаралық Орта Азия зерттеулер институтының бастамасымен қолға алынған. Нәтижесінде Қазалы ауданындағы Бозкөл ауылынан 35-40 шақырым қашықтықта орналасқан ортағасырлық Күйіккескен қалашығында археологиялық қазба жұмыстары жүргізілді. Қалашықтың шахристан бөлігінен ауқымды үй жай мен қойма тектес нысан табылды.
<blockquote>
 «Мәдени типтегі оғыз заманының үй жайының кей нұсқасы Жанкент шаһарынан табылған тұрғын жайларына ұқсас болып келеді. Қалашық орнында мал сүйектерінің өте көп көлемде кездесуі мұнда мал шаруашылығының едәуір дамығандығын көрсетті. Қыш ыдыстардағы өрнектер де оғыз заманынан сыр шертіп тұр. Сыр бойын мекендеген Қаңлы, Оғыз, Қыпшақ тайпалары осы қалашықта кезең-кезеңімен өмір сүргендігін аңғартады. Тағы қызығарлық жағдай, бұл қалашықтан мыстан құйылған екі асықтың табылды. Соған қарағанда қазақ халқының асық ойыны сонау замандардан бастау алған деген жорамал жасауға болады. Сонымен қатар табылған мыс теңге Самарқан қаласында соғылған және мерзімі Хижра жыл санауымен 334 жыл екендігі анықталып отыр. Яғни 956 жылы (Х ғасыр) Самарқан қаласында соғылған мыс тиынның осы қалашықтан табылуы сауда қарым қатынастарының дамығандығын көрсетеді», – деді Еркебұлан Елеуов.
</blockquote>
Оның айтуынша, біздің заманымыздың бірінші мыңжылдығының аяғында оғыз тайпалары бірігіп мемлекет дәрежесіне көтерілді. X ғасырда оғыз мемлекетінің астанасы – Янгикент немесе Жаңа Гузия деп аталады.
<blockquote>
 «Осы кезеңде Сырдарияның бойына қала мәдениеті дами түсті. Бұл қалалар өзен жағалауындағы керуен сарай қызметі мен сауда жолындағы маңызды бекет қызметін атқарады. Солардың бірі – Күйіккескен қалашығына алғаш рет 1946 жылы Хорезм археологиялық-этнографиялық экспедициясы зерттеу жұмыстарын жүргізген. Қалашықтың аумағы Жанкенттен үлкен. Қалашық қорғанмен қоршалып, сыртына ор қазылған. Ұлы Жібек жолындағы халықаралық сауда қарым-қатынасы қала тіршілігіне үлкен ықпал еткен. Себебі, қалашық Жібек жолының тоғысқан жерінде орналасып, оғыз даласын Хорезм, Мәуереннахр және Қорасанмен байланыстыратын дәліз қызметін атқарған», – деді Еркебұлан Елеуов.
</blockquote>
Оның айтуынша, Күйіккескен қалашығында жүргізілген қазба жұмыстары оның Жібек жолы бойындағы ірі қала екендігін айқындады. Қолөнер кәсібі мен сауда, ауылшаруашылығы дамыған орталық болған.
<blockquote>
 «Қала тұрғындары аңшылықпен де айналысқаны аңғарылады. Күйіккескен қалашығының керамикасы өндірісі де жолға қойылған. Қала қолөнершілері құстардың (көгершін) суретімен, шырша тәрізді, геометрия пішінімен өрнектелген ыдыстар жасаған. Сонымен бірге, сүйектен, металдан әртүрлі бұйымдар дайындаған. Археологиялық ғылыми-зерттеу жұмыстары қаланың мәдени қабаттарындағы күлдің қалыңдығына байланысты Күйіккескен қалашығының толассыз соғыстардан өртке оранып, қирағаны анықталды», – деді Еркебұлан Елеуов.
</blockquote>
Қала орнындағы археологиялық зерттеу жұмыстары жылма-жыл жалғасын тауып келеді. Нәтижесінде археологтар жаңа мәліметтерге қол жеткізіп келеді.
<img src="https://kyzylorda-news.kz/wp-content/uploads/2019/11/20kuikkesken2.jpg" alt="" />
<img src="https://kyzylorda-news.kz/wp-content/uploads/2019/11/20kuikkesken3.jpg" alt="" />
<img src="https://kyzylorda-news.kz/wp-content/uploads/2019/11/20kuikkesken4.jpg" alt="" />

Күйіккескен қалашығында қоладан құйылған асықтар табылды

<a href="https://kyzylorda-news.kz/">Kyzylorda-news.kz.</a> &nbsp;Келесі жылы қасиетті Рамазан айы 25 сәуірде басталады, ал Құрбан айттың бірінші күні 31 шілдеге түсіп тұр, деп хабарлайды&nbsp;<a href="https://sputniknews.kz/society/20191119/12065461/2020-dini-kuntizbe.html">Sputnik Қазақстан</a>.
Қазақстан мұсылмандары діни басқармасы 2020 жылғы діни күндер кестесін жариялады.
Келер жылы қасиетті Рамазан айы 25 сәуірге сәйкес келіп тұр. 20 мамырдан 21 мамырға қараған түні барша мұсылман Қадір түнін қарсы алады.
Ал Ораза айт 24 мамырда, Құрбан айт 31 шілдеде басталады.
<img src="https://kyzylorda-news.kz/wp-content/uploads/2019/11/20oraza2.jpg" alt="" />
Ескерту:
Хижри айлардың басталуы халықаралық астрономиялық зерттеу орталықтарының мәліметтері негізінде жасалды. Алайда, діни мерекелердің нақты күндері жаңа айдың көрінуіне байланысты көрсетілген уақыттан бір күн шегерілуі немесе алға жылжуы мүмкін.

2020 жылы Ораза мен Құрбан айт қашан басталатыны белгілі болды

<a href="https://kyzylorda-news.kz/">Kyzylorda-news.kz.</a> Қызылорда облысы бойынша мемлекеттік кірістер департаменті салық төлешілерді ақпараттандыру және халықпен кері байланыс жолдарын кеңейту&nbsp; мақсатында&nbsp; ҚР Қаржы министрлігі Мемлекеттік кірістер комитетінің&nbsp; “Байланыс орталығында” 1414 телефонынан басқа, «Telegram» <a href="https://t.me/KGDMFRK1414">https://t.me/KGDMFRK1414</a> және&nbsp; 8-776-136-41-32 нөмірінде WhatsApp чаттары іске қосылғанын хабарлайды.

Қызылордада салық төлеушілерге арналған «Telegram» және «WhatsApp» чаттары іске қосылды

<a href="https://kyzylorda-news.kz/">Kyzylorda-news.kz.</a> Қызылорда облысы Шиелі аудандық полиция бөлімінің көші-қон қызметінің бастығы пара алды деген күдікпен ұсталды, деп хабарлайды Антикоррупциялық қызмет баспасөз қызметі.&nbsp;
<blockquote>
 “Сыбайлас жемқорлыққа қарсы қызмет Қызылорда облысы ҰҚКД-мен бірлесіп сыбайлас жемқорлық қылмыс жасады деген күдікпен Қызылорда облысы Шиелі аудандық полиция бөлімінің Көші-қон қызметінің бастығы полиция майоры әшкереледі.&nbsp;Ол Өзбекстан Республикасының 15 азаматына көші-қон карточкасын заңсыз тіркеу және беру үшін жеке кәсіпкерден 75 мың теңге сомасында пара алды деп күдіктеніп отыр”, – делінген хабарламада.&nbsp;
</blockquote>
Күдіктінің кінәсінің дәрежесі туралы түпкілікті шешімді сот шығарады.

Қызылордада көші-қон қызметінің бастығы пара алды деген күдікпен ұсталды (видео)

<a href="https://kyzylorda-news.kz/">Kyzylorda-news.kz.</a> Қызылорда облысында шағын және орта бизнеспен айналысатын кәсіпкерлердің саны 1393-ке көбейді. Жыл басында тіркелген шағын және орта кәсіпкерлік субьектілерінің ішінде жұмыс істеп жүргендерінің үлесі 86,32 пайызға ұлғайды.
Бұл туралы Өңірлік коммуникациялар қызметінің ақпарат алаңында облыстық кәсіпкерлік және туризм басқармасының басшысы Қожабергенов Фердоуси мәлімдеді.
<blockquote>
 «Биыл аймақта жастарды қолдау мақсатында мемлекеттен гранттар беру конкурсын өткізу үшін жиырма бір миллион теңге қаржыландыруға берілді. Конкурсқа қатысуға 473 шағын кәсіпкерлік субьектілері өтінім түсіп, оның 84-і қаржылай қолдау тапты. Соның ішінде 44 жоба жас кәсіпкерлерге тиесілі»,- деді Фердоуси Әбілқасымұлы.
</blockquote>
Сондай-ақ, бүгін “Байқоңыр Star-UP 3” бизнес-идеялар конкурсы өтеді. Шарада аймақ жастары өз бизнес жоспарларын ұсынады.

Қызылордада кәсіпкерлер саны артып келеді

<a href="https://kyzylorda-news.kz/">Kyzylorda-news.kz.</a> Қазақстанның басым бөлігінде бүгін ауа райы құбылмалы болады, деп хабарлайды «Қазгидромет».
Кәсіпорын таратқан мәліметтерге қарағанда, 20 қараша күні республиканың басым бөлігінде ауа райы құбылмалы болады. Кей жерлерде жауын-шашын (көбінесе қар) жауып, жел күшейсе, ендігі бір аумақтарда бұрқасын болып, тұман түседі, көктайғақ болуы ықтимал.
Жамбыл, Қызылорда облыстарының бірқатар аумақтарында көктайғақ болады, тұман түсіп, бұрқасын болады. Желдің жылдамдығы секундына 15-20 метрге жетеді. Қызылорда облысында күндіз желдің екпіні 23 м/с-ке дейін күшейеді.
Түркістан облысының кей жерлерінде жел 15-20 м/с жылдамдықпен ұйтқиды, тұман түсіп, көктайғақ болады.
Ақтөбе облысының кей жерлерінде тұман түсіп, желдің жылдамдығы секундына 15-20 м/с-қа жетеді, түнде – көктайғақ болып, жаяу бұрқасын соғады.
Алматы, Атырау облыстарының бірқатар аумақтарында тұман түсіп, көктайғақ болады, күндіз желдің жалдамдығы секундына 15-20 метрге жетеді. Атырау облысының кей бөліктерінде бұрқасын күтіледі.
Маңғыстау, Қарағанды, Шығыс Қазақстан облыстарының кей жерлерінде тұман түсіп, көктайғақ болады.
Қарағанды, Шығыс Қазақстан облыстарының бірқатар аймақтарында бұрқасын болады.
Ақмола облысының кей жерлерінде жаяу бұрқасын күтіледі.
Батыс Қазақстан, Қостанай, Солтүстік Қазақстан, түнде Павлодар облыстарының кей жерлерінде тұман болуы ықтимал.

Қазгидромет: Қарашаның 20-ы күнгі ауа райы болжамы

Дүниежүзілік балалар күні
1954 жылы БҰҰ-ның Бас Ассамблеясы «Дүниежүзілік балалар күнін» барлық елдерде мерекелеуді ұсынды. 1959 жылы осы күні Балалар құқығы декларациясы, ал 1989 жылы Балалар құқығы конвенциясы қабылданды.
1923 жылы&nbsp;«Советская степь» газеті жарыққа шықты. Газет күн сайын шығып тұратын. Бас редакторы Л.Хейфец болды. 1932 жылы атауы «Казахстанская правда» болып өзгертілді. 
1998 жылы&nbsp;Байқоңыр ғарыш айлағынан халықаралық ғарыш стансасының алғашқы модулі ұшырылды.
2013 жылы&nbsp;Лондонда Қазақстан елшілігінің жаңа ғимараты ашылды.
2014 жылы&nbsp;Қазақстан Республикасы Сан-Томе және Принсипи Демократиялық Республикасымен дипломатиялық қатынастар орнатты. Бірлескен коммюникеге Қазақстан мен Сан-Томе және Принсипидің БҰҰ жанындағы тұрақты өкілдері – Қайрат Әбдірахманов және Карлос Филомено Агостиньо дас Ниевес қол қойды. Сан-Томе және Принсипи – Батыс Африкада орналасқан арал мемлекет. Халқы 200 мыңнан астам. Жоғарғы заң шығарушы органы – бір палаталы Ұлттық жиналыс. Басқару формасы – президенттік республика.

20 қараша: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 20 қарашаға арналған жұлдыз-жорамалы.
Тоқты 
Өз-өзіңізді қинамаңыз. «Қажет емес» деген сөзді дәл бүгін пайдаланбағаныңыз жөн.
Торпақ 
Өз міндеттеріңізбен қатар жаныңыздағы адамдарға да әлденені үйретуге тура келеді. Тек сабырлы болыңыз.
Егіздер 
Бүгін отбасыңызбен үстел басына жиналып, әркім өз жаңалықтарымен бөлісіп, қызықты идеяларын ортаға салсын.
Шаян 
Жеке өміріңізде айтарлықтай жаңалық жоқ. Ал жұмыста шаруа бастан асады. Тапсырманы уақытында орындағаныңыз жөн.
Арыстан 
Біреу сізге арамдық ойлап жүр. Іштей оның кім екенін де біліп жүресіз. Бірақ оған бұл туралы ашық айтудың қажеті жоқ.
Бикеш 
Бүгін көңіл-күйіңіз жоқ. Сырқаттанып қалғанға ұқсайсыз. Алайда дәрі-дәрмек қабылдаудың қажеті жоқ.
Таразы 
Бүгін жақындарыңызға өз жоспарларыңыз туралы айтудың қажеті жоқ. Олар сіздің ойыңызды түсініп, қолдау көрсететін болады.
Сарышаян 
Бүгін жұмыстан ерте кетудің қажеті жоқ. Себебі бүгін жұмыс аяғында сізді тосынсый күтіп тұр.
Мерген 
Бүгін жалғыз қалмауға тырысыңыз. Көпшіліктің ортасында, көңілді кештерден табылғаныңыз жөн.
Тауешкі 
Бүгін дәрі-дәрмек, ем-дом қабылдамағаныңыз жөн. Себебі олар денсаулығыңызға кері әсерін тигізетін болады.
Суқұйғыш 
Бүгін өз жұмысыңызға деген ынтаңыз артып, тапсырмаларды орындауға бар күш-жігеріңізді саласыз.
Балықтар 
Бүгін сіздің күніңіз. Сүйіктіңіз сіздің айтқаныңызды екі етпейтін болады. Ал басыңыз бос болса, жақын арады екінші жартыңызды жолықтырасыз.

Қазақстан және Қызылорда облысының жаңалықтары: Қоғам