<a href="https://kyzylorda-news.kz/">Kyzylorda-news.kz.</a> Мезгілсіз өлімге алып келетін бірнеше факторлардың бар&nbsp;екендігін ресейлік кардиолог мамандар айтып берді, деп хабарлайды&nbsp;<a href="https://stan.kz/erte-kaytis-boluga-akeletin-faktorlar-aytildi-324328">Stan.kz</a>&nbsp;ақпарат агенттігі.
Дәрігерлердің айтуынша, ең алғашқы әрі қауіпті факторлардың бірі семіздік болып табылады. Әсіресе, бел аумағына шамадан тыс майдың жиналуы жақсылықтың нышаны емес. Ер адамдар үшін белінің диаметрі 102 сантиметрден, ал әйел үшін 88 сантиметрден аспаған дұрыс екен.&nbsp;
Ерте қайтыс болуға алып келетін тағы бір фактор – артериалдық қан қысымының жоғары болуы. Бұл жағдай жасы 65-тен асқан адамдарда жиі байқалатын көрінеді.&nbsp;
Қант диабетіне шалдыққан адамдарға да сақ болған жөн. Қан құрамындағы қанттың мөлшері бір литрде 6 миллимольды құраса, бұл жағдай қант диабетіне шалдығудың алды болып есептеледі.&nbsp; Ең соңғы фактор ретінде алкоголь өнімдерін және тұзды шамадан тыс көп пайдалану,&nbsp;шылым шегу мен қозғалыссыз өмір салты есептеледі. Аталған жағдайлар мезгілсіз қайтыс болуға әкеп соғады. &nbsp;Сондықтан ресейлік мамандар салауатты өмір салтын ұстанып, жасыңыз ұлғайған сайын өзіңізіге аса күтімілділікпен қарауға кеңес береді.

Ерте қайтыс болуға әкелетін факторлар қандай?

<a href="https://kyzylorda-news.kz/">Kyzylorda-news.kz.</a> Он төрт жастағы ҚБТУ-дың үшінші курс студенті Абзал Мырзаш келесі жылы бакалавр дәрежесін алуға дайындалып жатыр, деп хабарлайды <a href="https://massaget.kz/layfstayl/bilim/59747/">Massaget.kz</a>.
Бүгінде Абзал “ақпараттық технологиялар” бағыты бойынша білім алады және университетті бітіргеннен кейін Массачусетс технологиялық институтында магистратураға түсуді жоспарлап отыр. Жас данышпан бір уақытта бірнеше басқа мамандықты игеріп жатыр.
<blockquote>
 “Соңғы күндері бүкіл әлем тоғыз жасар бельгиялық Лоран Симонстың ерекше қабілеттерін талқылап жатыр. “Электротехника” мамандығы бойынша оқитын жас талант тез игеру қабілетімен адамдарды таң қалдырған. Біздің елде дарынды балалар көп. Біз Абзалдың ғылым әлемінде өз ізін қалдыратынына сенімдіміз”, – делінген хабарламада.
</blockquote>

Қазақтың вундеркинді университетті 15 жасында аяқтайды (ВИДЕО)

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Ал атам «Өз батам өзіме, аумин» деп үстелден тұрып кетті. Мән-жайға түсінбей біз қалдық. Анамның көзіндегі жасты көрген әжем сабырға шақырып, отыруын өтінді.Бөл
«Сынық ыдыстан ас ішпе» дегенді естіген боларсыз. Оны кейбіреулер «қазақтың бітпейтін ырымына» балайтыны жасырын емес. Шындығында, ата-бабамыздың қайсыбір ырым-тыйымы болмасын, бекер шықпаған. Астарына үңілер жан болса, әрбірінде үлкен тәрбиелік мән жатыр.
Сынық ыдысты ұстамау, одан ас ішпеу жайында есімде мына бір оқиға мәңгі қалып қойыпты. Бала күнімдегі сәт…
Таңертең біздің үйде кәдімгідей қарбалас болады. Әсіресе таңғы көрініс тіптен бөлек әңгіме. Кімге қарасаң бәрі асығыс. Біреуі жуынуға немесе әжетханаға кезек күтуге шыдамай тоңқылдап жүреді, ендігі біреуі түнде жиналмай қалған кітап-дәптерін түгелдеп жатады.
Арасында бір-біріне ұрсып қояды. Өйт-бүйт, әйтеуір 7-ге дейін жиналып үлгеруің керек. Өйткені біздің үйде таңғы ас 7-де ішіледі.
Бәріміз де атамның темірдей тәртібіне бағынамыз. Таңғы 7-де үлкенді-кішіміз түгел дастарқанда отырамыз. «Ауырдым», «кеше кеш жатқам» деген сынды сылтаулар өтпейді. Ондай жағдай бола қалса, генералдың қаһарына ұшырайтынымыз анық. 3 күн ас-сусыз жазаланамыз. Мұны әсіресе кішкентайлар жақсы біледі. Олар да еркеліктерін дастарқан басында көрсетпейді. Атамның бір сөзі жүрегіңді суырып алғандай болады. Ал көңілі толмаған түрін көргенше құрып кеткенің жақсы.
Күнделікті әдетімізше бәріміз асығыс-үсігіс дастархан басына жинала бастадық. Үстелдің төрінде отырған атам қолындағы кесені алып, анамның алдына лақтырып жіберді. Ішіндегі ыстық шайы етегіне төгілген болу керек, орнынан қарғып тұрды. Бәріміздің басымыз салбырап, үнсіз отырмыз. Атам ашуланғанда әжем үндемейді. Тіпті көзін төмен қаратып отырады. Ал әкелеріміз себебін де сұрамайды. Қысқасы, үнсіздікті атамның өзі бұзды. Өткір көзімен әжеме қарап тұрып:
– Бұған мына сен кінәлісің. Бөтен үйден келіп босағаңды аттаған келінге үй-ішінің тәртібін, талабын үйретеді. Ата-анасынан үйреніп үлгермеген тәрбиені, санасына құя қоймаған сабақты өтеді. Сендердің көшеде ғалым, оқымысты болғандарың мен үшін көк тиын. Үй ішінде ұстанатын қарапайым ғана қағидаларды ұмыт қалдырасыңдар, деді ашуға мініп.
Бірақ дастархан басындағылардың ешқайсысының да атамның не себептен ашуланғанын сұрауға батылы бармады.
Ал атам «Өз батам өзіме, аумин» деп үстелден тұрып кетті. Мән-жайға түсінбей біз қалдық. Анамның көзіндегі жасты көрген әжем сабырға шақырып, отыруын өтінді.
«Аталарыңның не үшін ашуланғанын айтайын. Бұған дейін де мен саған бір-екі рет ескерткенмін. Үйде ешқашан сынық ыдыс ұстамаңдар. Мұны әрқайсысыңа жеке-жеке де, жалпылама да айтқанмын. Бірақ ықылас танытпайсыңдар. Тап қазір ас үйдегі барлық ыдысты бір-бірлеп тексеріп шығыңдар. Шеті шытынаған, кішкентай сынығы болса да қоқысқа тастаңдар. Сынық ыдысты көрген кезде аталарыңды сабырға шақыру мүмкін емес. Осы үшін жас кезімде талай таяқ жегем», – деді.
– Мен де жас келін болып келген кезде байқамай енеме сынық кесемен шәй бергем. Жарықтықтың көзі көрмейтін. Сынық ыдыс енемнің ернін жыртып жіберіп, қанды әрең тоқтатқамыз. Сол кезде аталарың ашуланып, менің сыбағамды берген. Ал енем екеумізге араша түсіп, сынық ыдыстан келетін кесапатты түсіндірді.
Енемнің айтып берген аңызы бойынша, Ыбырайым пайғамбар қонақ күтіп отырса, Ібіліс келіпті. Ыбырайым селк ете қалып:
– Әй, малғұн! Сені кім шақырды? – дейді. Ібіліс:
– Алла жырық ыдыстан маған дәм бұйыртқан. Кесесі кетік пен табағы жырыққа қонаққа мен келемін, – дейді. Ыбырайым дастарханға қараса, кетік ыдыс тұр екен. Жырық кесені алып, сыртқа лақтырып тастайды да:
– Онда несібеңді сырттан ізде, – дейді. Содан бастап қазақ халқында «жырық ыдыстың кетігінен сайтан қосарлана ас ішеді» деген түсінік қалыптасқан деседі.
Мұны аталарың санасына жақсылап сіңіріп алған. Өз үйі тұрмақ, өзге үйде де сынық ыдыс көрсе, сол үйдің дастарқанынан дәм татып алмайтын әдеті бар. Сөз естіп, көңілдеріңе қаяу салғанша, айтқан сөзді қағып алып, екінші қайталамауға тырыспайсыңдар ма?», – деп аяқтады әжем әңгімесін.
Осы әңгімеден кейін анам ас үйдегі ыдыстарын ретке келтіріп, ескіргендерін жаңалай бастады.
Бала күнімде санама сіңіп қалған осынау қағиданы мен де есімнен шығарған емеспін. Бүгінде өз балаларыма да айтып отырамын.
<a href="https://sn.kz/sn-tylsym/62077-i-malgu-n-seni-kim-shakyrdy-synyk-ydysta-siz-bilmeitin-syr-bar">Sn.kz</a>

Неге сынық ыдыстан ас ішуге болмайды?

<a href="https://kyzylorda-news.kz/">Kyzylorda-news.kz.</a> Ғалымдар алғаш рет ми қатерлі ісігінің даму қаупін ультрафинді бөлшектермен&nbsp;(УДБ) ластанумен байланыстырды. Бұл ластанудың негізгі көзі автомобильдердің пайдаланылған газдары болып табылады, әсіресе дизель отынымен жұмыс істейтіндер.
Мұндай тұжырымды канадалық дәрігерлер&nbsp; зерттеу нәтижелері бойынша қабылдады, деп хабарлайды <a href="https://stan.kz/galimdar-kolik-gazi-men-mi-katerli-isigi-arasindagi-bay-324358/">Stan.kz</a>.
Ғалымдар жұмыстың үлкен үлгісі (2 миллионға жуық адам) концентрациясы мен ми қатерлі ісігі ауруының арасындағы байланыстың бар екендігіне сенімді дәлелдейді, бірақ бұл алғашқы зерттеу. Сондықтан&nbsp;тек ұқсас жұмыстың ұқсас нәтижелерімен расталуы мүмкін.
Мидың қатерлі ісіктері өте сирек кездеседі.&nbsp;Сүт безі немесе простата обырына қарағанда шамамен 20 есе аз.
УДБ&nbsp;– бұл мөлшері 100 нанометрден аз, металл немесе көміртегі бар қатты бөлшектер. Олардың мөлшері өте кішкентай болғандықтан, олар оңай өкпеге жиналып, сол жерден қанға түсіп, кез келген басқа мүшелерге енеді.
Сонымен қатар, олардың миға тікелей иісті нерв арқылы еніп, сол жерде жинала алатындығы дәлелденді.
Мәселе, әсіресе, барлық қалаларда ауа шығаратын газдармен ластануға тап болатын ірі қалаларда өршіп тұр.
Канадалық ғалымдар елдің ең ірі екі мегаполисі Торонто мен Монреальдағы 1,9 миллион тұрғынның медициналық тарихына талдау жасады. 15 жыл ішінде (1991-2016 жж.) 1400 науқаста ми қатерлі ісігі диагнозы қойылған.
Әр түрлі аудандардағы ауаның ластану деңгейін зерттей келе, зерттеу авторлары оларды жергілікті тұрғындарда қатерлі ісік ауруымен салыстырды. УДБ&nbsp;концентрациясы ғана емес, сонымен қатар үлкен бөлшектердің мөлшері (мөлшері 2,5 мкм дейін) сонымен қатар азот диоксиді (NO2) ескерілді. Бұл денсаулық үшін ең қауіпті ластаушы деп саналатын соңғы екі компонент, бірақ ауадағы олардың құрамы мидағы қатерлі ісіктің пайда болу қаупімен байланысты емес.
УДМ концентрациясы жоғарылаған сайын ауру деңгейі де өсті.
Орташа ластану деңгейі бар аудандардың тұрғындары (50 мың бөлшек / см3) таза кварталдарда (15 мың / см3) тұратындарға қарағанда бір жарым есе жиі ми қатерлі ісігімен ауырады. Ең ластанған аудандардың тұрғындарына (97 мың / см3) ауру диагнозы 2,3 есе жиі кездеседі.
Зерттеу авторлары ұқсас нәтижелер шығарылған газдың ластану деңгейі жоғары басқа қалаларда да болады деп санайды, өйткені «УДБ&nbsp;адамның миына енетіні белгілі және әлемдегі қала аймақтарының тұрғындары қауіпке ұшырайды.
Мәскеуде, мысалы, қоршаған ортаны басқару және қоршаған ортаны қорғау департаментінің мәліметтері бойынша, автомобильдер ауаның ластануының 90% құрайды.

Көлік газы мидың қатерлі ісігіне шалдықтыратыны дәлелденді

<a href="https://kyzylorda-news.kz/">Kyzylorda-news.kz.</a> Шаш бояуы бастың жасырынып жатқан аллергиясын қоздыруы мүмкін. Бояудың кері әсері салдарынан бас терісінің ісуі, оның шіруі пайда болып, бұған қоса ол шаштың түсуіне де&nbsp;әкеп соғуы да ғажап емес, деп хабарлайды&nbsp;<a href="https://stan.kz/shash-boyauinin-kauiptiligi-aniktaldi-324400/">Stan.kz</a>&nbsp;ақпарат агенттігі.
Ресейлік трихолог-маманның айтуынша, шаш бояуы кейбір жағдайда бас терісіне кері ықпалын тигізуі әбден мүмкін. Бояу, тіпті, адамның иммундық жүйесін төмендетуге әсер ететін көрінеді.
Алайда бұл жағдай жиі байқалмайтын құбылыс екен. Маманның айтуынша, мұндай жағдайды болдырмас үшін тексерістен өткен шаш бояуының маркасын пайдалағнған жөн.
Сөзінше, бояуды шашқа жақпас бұрын алдымен оны тексеріп алу қажет.
<blockquote>
 «Бояуды бірден шашқа жағуға болмайды. Алдымен оны қолыңызға немесе білегіңізге жағып, тері реакциясын тексеріп көріңіз. Егер бояуды қолданғаннан кейін қолыңыз қышып, қызара бастаса, одан бас тартқаныңыз жөн», – деді ресейлік дәрігер.
</blockquote>

Шаш бояуының біз білмейтін қауіптілігі анықталды

<a href="https://kyzylorda-news.kz/">Kyzylorda-news.kz</a>. Әлемде сүт және ет өнімдерін тұтыну күрт төмендейтіні айтылды. Бұл ақпаратпен француздық Danone ұйымының директорлар кеңесінің төрағасы Эммануэль Фабер бөлісті, деп хабарлайды&nbsp;<a href="https://stan.kz/adamdardin-bolashakta-sutten-zhane-etten-bas-tartatindi-324391/">Stan.kz</a>&nbsp;ақпарат агенттігі.&nbsp;
Фабердің айтуынша, сүт өнімдерін тұтыну 20 пайызға, ет өнімдері пайдалану 50 пайызға дейін азаяды екен. Мұның себебін ол адамдардың үй жануарларынан келетін өнімдерге балама тағамдарды жаппай пайдалануы&nbsp;дейді. Сонымен қатар Фабер тұрғындардың заманауи тамақтану рационы олардың денсаулығына кері әсер ететіндігін, бұған қоса ауыл шарушылығы техникаларының топырақты зақымдайтынын жеткізді.&nbsp;
Euromonitor сараптамалық қызметінің мәліметіне сәйкес, қазір сүт өнімдері ең көп сатылатын азық-түліктердің көшін бастап тұрған көрінеді. Десек те бұл көрсеткіш 4 жылдан бері төмендеп келеді екен.

Адамдар болашақта сүт және еттен бас тартады

<a href="https://kyzylorda-news.kz/">Kyzylorda-news.kz.</a> Біз жүйке жүйесі арқылы қоршаған ортадан ақпарат аламыз.
Аяқты айқастырып ұзақ отырғанда, не ыңғайсыз отырып қалғанда ол ұйып қалады.
Аяқтың ұюы ғылыми тілде «парестезия» деп аталады. Парестезия – дененің жансыздануы, шаншып ауыруы, дене түршігуінен сезімталдықтың бұзылуы.&nbsp;
Біз жүйке жүйесі арқылы қоршаған ортадан ақпарат аламыз. Теріміз, бұлшықетіміз, буынымыздың әрқайсысы жүйке талшықтарынан құралған. Бұл ағзалар шеткі жүйке жүйесі деп аталады, әр нәрсені ұстап көрген кезде осы мүшелердің әр талшығы әлемді тануға мүмкіндік береді.
Енді адам денесіне қолайсыз жағдайда ұзақ отырып қалды деп елестетіңіз. Осы кезде жүйкеге аздап күш түседі. Қуат көзі бұзылады да, жүйке өзегінің қызметі төмендейді. Ал ағза сыртқы ортадан ақпарат алуды ары қарай жалғастыруы қажет. Адам орнынан тұрған кезде жүйке қуаты қалпына келіп, сезімталдығы арта түседі. Осы кезде аяқ, не қол ұйып қалғандай сезім туады.
<a href="https://massaget.kz/">Massaget.kz</a>

Адамның аяқ-қолының ұйығаны неден хабар береді?

Халықаралық жазасыздықпен күрес күні
Халықаралық сөз бостандығын қорғау қауымдастығы 2011 жылы бекіткен. 2009 жылы осы күні Ампатуан (Магинданао, Филиппин провинциясы) қаласында 58 адам ұрланып, өлтірілді. Оның ішінде 32 журналист, БАҚ қызметкері болды.
Халықаралық акварель күні
Бұл мерекеге мексикалық суретші Альфредо Гуати Рохо (1918-2003) бастамашылық етті. Ол танымал суретші-акварелист бола отырып, 1991 жылы жыл сайын 29 қарашада Халықаралық акварель күнін өткізуді ұсынды.
1992 жылы Қазақстан Республикасы мен Өзбекстан Республикасы арасында дипломатиялық қарым-қатынас орнатылды.
2000 жылы Қазақстан Республикасының Президенті Нұрсұлтан Назарбаевтың Жарлығымен Солтүстік Қазақстан облысының Булаев ауданы Мағжан Жұмабаев атындағы аудан болып өзгерді.
2010 жылы Қазақстанда мәдениет, спорт, білім беру және қоғамдық қызмет саласында мүмкіндігі шектеулі жандардың жетістіктері үшін «Самғау» жыл сайынғы қоғамдық сыйлығы бекітілді. 
2015 жылы Мемлекет басшысы Нұрсұлтан Назарбаев еңбек қатынастарын жаңғыртуға бағытталған Қазақстан Республикасының жаңа еңбек кодексіне қол қойды.

23 қараша: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 23 қарашаға арналған жұлдыз-жорамалы.
Тоқты
Таңертең күтпеген шығынға ұшырауыңыз мүмкін. Алайда, сауда саласындағы қолайлы уақыт, пайда табуға болады.
Торпақ
Қаржы мәселесінде әріптестеріңізбен жан-жал туындауы мүмкін. Несие алу және шот ашу үшін қолайсыз күн.
Егіздер
Достарыңызбен саяхаттауды кейінге қалдырғаныңыз жөн.&nbsp;Балалармен көңілді уақыт өткізуге қолайлы күн.
Шаян
Несиелік карталарды пайдалану кезінде қиындықтар туындауы мүмкін. Инвесторлармен кездесуге жақсы уақыт.
Арыстан
Таңертең жазатайым оқиғалар болып жарақат алуыңыз мүмкін. Мемлекеттік органдармен байланысу үшін қолайсыз уақыт.
Бикеш
Отбасында даулы мәселе туындауы мүмкін. Есесіне басшылықпен қарым-қатынасыңыз артады. Жаңа қызметтен ұсыныс түседі.
Таразы
Қаржылық операциялар үшін қолайсыз уақыт. Әріптестеріңізбен дауласудан абай болыңыз.
Сарышаян
Кәсіби қызмет саласындағы қиын күн. Әріптестеріңізбен сөзге келіп, бір затыңызды ұрлатып алуыңыз мүмкін.
Мерген
Басшыларыңызбен және серіктестеріңізбен арада дау туындайды. Құжаттарды өңдеу кезінде абай болыңыз!
Тауешкі
Бүгін денсаулығыңыз бен үй жануарларына көңіл бөліңіз. Косметологқа барып, массаж алыңыз. Кешке романтикалық кештен бас тартпаңыз.
Суқұйғыш
Бүгінгі күніңіз айналаңыздағы адамдармен қызықты болады. Күннің екінші жартысы көпшілік алдында сөз сөйлейсіз.
Балықтар
Күннің бірінші жартысы оқу семинарларына қатысып, біліктілігіңізді арттыруға қолайлы уақыт. Туыстарыңызбен қатынасыңыз артады.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Қызылордада қоғамдық көліктерге электронды билет жүйесін орнату жобасы &nbsp;жүзеге асады. Бұл туралы елордада ҚР Президенті жанындағы Орталық коммуникациялар қызметінде өтіп жатқан брифингте Қызылорда облысының әкімі Қуанышбек Ысқақов мәлімдеді.
Брифинг соңында аймақ басшысы БАҚ өкілдерінің сұрақтарына жауап берді. Солардың бірі қоғамдық көлікке қатысты болды.
– Қызылордадағы қоғамдық көліктің жайы қалай? Қоғамдық көліктің қатары жаңа автобустармен толыға ма?
«Қызылорда қаласында жалпы үлкен және кіші сыйымдылықтағы 800-ге жуық қоғамдық көлік бар. Мәслихат депуттарының шешімімен жол ақысы үлкендерге 90, оқушыларға 40 теңге болып бекітілген. Келесі жылдың ақпан айынан бастап билет электронды жүйеге өтеді. Ол үшін біз алматылық компаниямен келісімге келдік. Жоба мемлекеттік-жеке меншік әріптестік аясында жүзеге асады. Біз электронды билет жүйесін жолға қою арқылы қоғамдық көліктердің тәртібі мен табысын бақылауда ұстайтын боламыз. &nbsp;Түскен табысқа жаңа автобустар алуды жоспарлап отырмыз. Егер тұрғындар электронды жүйеге өтсе үлкендер 80 тг, оқушылар 30 тг төлейтін болады. Ал, өтпеген жағдайда халықты үйрету үшін&nbsp; жол ақысын 90-150 теңгеге дейін көтермекпіз», – дейді облыс әкімі.
<img src="https://kyzylorda-news.kz/wp-content/uploads/2019/11/22kogamdykkolik2.jpg" alt="" />

Қызылордада қоғамдық көліктер электронды билет жүйесіне өтпек

<a href="https://kyzylorda-news.kz/">Kyzylorda-news.kz.</a> Қызылорда қаласындағы аялдаманың бірінде болған жантүршігерлік жол-көлік оқиғасы орнында қаза тапқан 3 адамның және көп жарақаты салдарынан ауруханада көз жұмған баланың отбасына облыстық әкімдік тарапынан көмек көрсетіледі. Бұл туралы елордада ҚР Президенті жанындағы Орталық коммуникациялар қызметінде өтіп жатқан брифингте Қызылорда облысының әкімі Қуанышбек Ысқақов мәлімдеді.
Брифинг кезінде Қызылорда облысы әкіміне 21 қараша күні болған жол-көлік оқиғасы туралы БАҚ өкілдері: «Сұмдық апат туралы не айтасыз? Қазір қандай шаралар қолға алынып жатыр? Қандай да бір көмек болады ма?» деген сауалдарын қойды.
<blockquote>
 «Бұл оқиға туралы облыстық әкімдіктің тиісті басқармалары мен Қызылорда қаласының әкіміне қатаң тапсырма берілді. Олар менің атымнан жол апатынан көз жұмған адамдардың отбасыларына барып көңіл айтты. Бүгінгі таңда аталған оқиғаның мән-жайы зерттеліп жатыр. Қаза тапқан 3 бала мен 1 адамның отбасына облыстық, қалалық әкімдік тарапынан көмек көрсетіледі», – деп жауап қатты облыс әкімі Қ. Ысқақов.
</blockquote>
Естеріңізге сала кетелік,&nbsp;жол апаты&nbsp;кеше сағат 09.15 шамасында Назарбаев даңғылы бойында болған. «Тойота Камри» маркалы автокөлігі «Mercedes-Benz» көлігін сол қапталынан келіп соққан. Салдарынан «Тойота Камри» жүргізушісі көлікті басқара алмай, автобус аялдамасында тұрған адамдарды басып кеткен.

Қызылордада жантүршігерлік жол апатынан қаза тапқандардың отбасына көмек көрсетіледі

<a href="https://kyzylorda-news.kz/">Kyzylorda-news.kz.</a> Нұр-Сұлтан қаласында ҚР Президенті жанындағы Орталық коммуникациялар қызметінде өткен брифингте Қызылорда облысының әкімі Қуанышбек Ысқақов БАҚ өкілдерінің сұрақтарына жауап берді.
-Аймақтағы балық шаруашылығы және «Саратс-2» жобасы жайында айтып өтсеңіз.
«Саратс-1» жобасы аяқталып, қазір «Саратс-2» жобасы іске қосылып жатыр. Бұл жоба 6 компаненттен тұрады. Сырдария өзенінің арнасын жөндеу және Солтүстік Арал теңізін сақтап қалу жобасы. Жоба аясында Арал теңізін екіге бөлген болатынбыз. Ортасынан 14 шақырымнан тұратын «Көкарал» дамбасын салып,оңтүстік және солтүстік Арал құрдық. Қызылорда өңірінің төңірегіндегі солтүстік Арал қалыпқа келуде. Кезінде ата-бабасының кәсібін жалғастырушы қазіргі күні осы жерде балық шаруашылығын дамытуда. Теңіз тартылған уақытта жойылып кеткен балық түрлері де көбеюде.
Қазіргі кезде «Саратас-2» жобасының 4 бағдарламасы жүзеге асуда. Оның 3-і республикалық бюджеттің есебінен іске асырылуда.
Мемлекет басышысы Қасым-Жомарт Тоқаевтың халыққа жолдауында ең басты мақсат ауыл шаруашылығы өнімдеріне көңіл бөлу қажеттігі айтылған болатын. осы бағытта Қызылорда облысы Арал ауданында балық шаруашылығымен айналысатын 9 кәсіпорын бар. Олардың ішінде 4 кәсіпорында Еуропаға балық өнімін жөнелтуге лицензиялары бар.
Жалпы, «Саратс-2» жобасы бойынша жұмыс жүруде. Сонымен қатар өңірде балық шаруашылығы да дамуда.

Қазақстан және Қызылорда облысының жаңалықтары: Қоғам