<a href="https://kyzylorda-news.kz/">Kyzylorda-news.kz.</a> Антициклонның әсерінен алдағы тәуліктерде Қазақстанда қалыпты аязды күн райы орнайды, ауа температурасы&nbsp; көпжылдық мәннен 1-4 градусқа төмен, деп хабарлайды Қазгидромет.
Таңғы және кешкі мезгілдердегі тұман салдарынан жолдардағы көру мүмкіншілігі 100-500 м дейін кемиді, көктайғақ болады.

Алдағы үш тәулікке арналған ауа райы болжамы

<a href="https://kyzylorda-news.kz/">Kyzylorda-news.kz.</a> Жыл басынан бері билетсіз жолаушыларды алып жүргені үшін 170 жолсерік пен пойыз басшылары жұмыстан шығарылды, деп хабарлайды “Жолаушылар тасымалы” АҚ <a href="https://temirzholy.kz/kz/press-tsentr/press-relizy/2019-zhyldy-10-ayynda-18-mln-nan-astam-temirzhol-biletteri-satyldy.html">баспасөз қызметі</a>.&nbsp;
Былтыр сәуір айында компанияда “нөлдік” төзімділік принципі енгізілген болатын. Яғни билетсіз жолаушы және заңды түрде рәсімделмеген жүк тасымалдағаны үшін қызметкерлерге қатаң шара қолданылады. Осы мерзім арасында осындай заң бұзушылыққа жол берген 170 жолсерік пен пойыз басшылары жұмыстан шығарылды, 145 қызметкер қатаң сөгіс алды.
<blockquote>
 “Ұлттық тасымалдаушы алдағы уақытта да жол жүру құжаттарын (билеттерді) сату бойынша сервисті жақсарту мақсатында шаралар қабылдайтынын жеткізеді. Ал жолаушылардан өз сапарларын алдын-ала жоспарлап, билеттерді тек темір жол кассалары немесе онлайн-сату арқылы алуын сұрайды. Заңсыз сату немесе поездарда билетсіз жол жүру фактілері болған жағдайда азаматтық ұстанымыңызды көрсетіп, ҚР ІІМ көліктегі полиция департаментінің Желілік полиция бөлімдеріне немесе “Жолаушылар тасымалы” АҚ Бас директорының блогына хабарласуыңызды сұраймыз”, – делінген хабарламада.
</blockquote>

Билетсіз жолаушыларды алып жүргені үшін 170 жолсерік пен пойыз басшылары жұмыстан шығарылды

<a href="https://kyzylorda-news.kz/">Kyzylorda-news.kz.</a> Қанғыбас адамдар Қызылорда қаласындағы көпқабатты пәтерлердің жертөлесін жаппай паналауда. Қыс мезгілінің келуіне байланысты, үйсіздер жылы жер іздеп, есігі жабық емес жертөлелерге кіріп алады екен. Алайда шақырылмаған көршілерге үй тұрғындары риза емес көрінеді. Айтуларынша, көше қанғыбастары тазалық мәселелерін тудырып қана қоймай, түннің екі ортасында шу шығарып, кетіп бара жатқан адамдарға тиісе жөнеледі. Тіпті, жертөлелерде олардың өлі денесі табылған кездер де болыпты, деп хабарлайды&nbsp;<a href="https://stan.kz/">Stan.kz</a>.&nbsp;
Күн суытқан соң панасыз адамдар жаппай көпқабатты үйлердің жертөлелеріне көше бастайтын көрінеді. Мұнымен қоймай олар сол үй тұрғындарының мазасын алады да екен.&nbsp;
<blockquote>
 “Өткен жылы олардың екеуі жертөледе жатып өліп қалыпты. Олардың мәйіттерін біздің үйдің балалары тауып алған.&nbsp;Неткен сұмдық!”, – деді Қызылорда қаласының тұрғыны Гүлфина Бектемірова.&nbsp;
 “Біздің үйдің жертөлесінде үнемі осы мәселеге тап боламыз. Қанғыбастар жертөледе есірткі шөп шегіп қана қоймай, суды ағызған күйі қалдырып кетеді. Бұған қоса жылу жүйесінің құбырларын ұрлайды”, – Қызылорда қаласының тағы бір тұрғыны Гүлсім Тоқбаева.&nbsp;&nbsp;
</blockquote>
Пәтердің жертөлелері қыстыгүні қанғыбастар үшін тұрғын үйге айналады. Ал есіктің құлыптарын олар сындырып тастай салатын көрінеді.
<blockquote>
 “Біздің қызметкерлер олардың артын үнемі тазалап жүреді. Қанғыбастар не істегісі келсе, соны істейді. Таң ата салысымен қызметкерлеріміз бірінші кезекте жертөлелерді тексереді.&nbsp;Егер ол жерде үйсіз адамдар анықталса, полиция шақыртамыз. Өйткені үйсіз адамдар мас, олар қызметкерлерімізге шабуыл жасайтын кездер де болды”,&nbsp; – деді “Қызылорда тазалығы” ЖШС-нің директор орынбасары Сапарғали Асылбеков.
</blockquote>
Жалпы, қанғыбастардың тудыратын қиыншылықтары мұнымен бітпейді. Олардың көбі маскүнем әрі ұрлыққа бейім болып келеді. Қала ПД-нің тіркеуінде 100 астам қанғыбас адам бар көрінеді. Тәртіп сақшыларының айтуынша, тіркеудегі адамдардың барлығы да коғамға тигізетін қаупі жоғары екен.&nbsp;
<blockquote>
 “Қанғыбас көбіне майда қылмыскер: олар қоғамдық орындарда арақ ішіп, төбелеседі немесе тұрғындардың мазасын алып жатады. Бұл үшін заңда әкімшілік жаза қарастырылған. Бірақ қаңбастар айыппұлға ақшаны қайдан тапсын?”, – деді қалалық полиция басқарма басшысының орынбасары Ердәулет Жаукиев.&nbsp;
</blockquote>
Дегенмен Қызылорда қаласында панасыз адамдарға арналған арнайы мекеме де бар көрінеді. Ол жерде қанғыбастарға жататын жер табысталып, тегін ас та беріледі екен. Алайда далада тұрып үйреніп қалған адамдар арақ ішу үшін бұрынңы өмірлеріне қайта оралып жатады,
<blockquote>
 “Мен бірнеше рет маскүнемдікке салындым, тіпті, соның кесірінен өліп те қала жаздадым. Бірақ қазір намаз оқимын, арақ ішуді доғардым, дұрыс жолға көштім”, – дейді Сағитжан Құтжанов.&nbsp;
</blockquote>
Қазіргі таңда жыл басталғалы бері үйі жоқ адамдар 300-ден астам ірілі-ұсақты қылмыс жасап үлгерген.&nbsp;Дегенмен қыстың келуімен олардың жағдайы ауырлайтын көрінеді. Ал аязды суық күндері оларға пәтер жертөлелері ғана пана болады екен.

Қызылордадағы көпқабатты үйлердің жертөлесінде қанғыбастардың өлі денесі табылуда

<a href="https://kyzylorda-news.kz/">Kyzylorda-news.kz.</a> Үкімет отырысында премьер-министр Асқар Мамин жыл соңына дейін барлық орталық мемлекеттік органға бірыңғай электронды платформаға көшуге тапсырма берді деп хабарлайды&nbsp; <a href="https://sputniknews.kz/economy/20191126/12123479/Premier-ministr-internet.html">Sputnik Қазақстан</a>.
Үкімет басшысының айтуынша, жыл соңына дейін халық мемлекеттік қызметтердің 80 пайызын интернет арқылы пайданала алады. Ал алдағы жылдың соңында бұл көрсеткішті 90 пайызға дейін арттыру жоспарланып отыр.
<blockquote>
 “Цифрлық Қазақстан” мемлекеттік бағдарламасына сәйкес, 2020 жылы Қазақстан Біріккен Ұлттар Ұйымының электронды үкіметті дамыту индексінде 28-ші орынға шығуы керек. Сондай жоспарымыз бар. Бүгінгі таңда біз 39-шы орындамыз. Сондықтан мемлекеттік бағдарламаның салалық индикаторларына қол жеткізу үшін тиісті шаралар қабылдау қажет”, – деді Мамин.
</blockquote>
Ол сондай-ақ халықтың мобильді интернетті кеңінен қолданып жүргенін де ерекше атап өтті. Осы ретте мемлекеттік қызметтерді смартфон арқылы пайдалану мүмкіндігіне сұраныс артып келеді. Бірақ мобильді қосымша негізінде қолдануға болатын мемлекеттік қызметтердің саны 4 пайыздан аспайды.
<blockquote>
 “Сондықтан тұрғындар үшін мобильді құрылғылар арқылы қолжетімді мемлекеттік қызметтердің тізбесін кеңейтуді тездету керек”, – деді премьер.
</blockquote>
Оның айтуынша, электронды үкімет порталында мемлекеттік қызметтер тұрақты ұсынылмайды. Себебі мемлекеттік органдардың ақпараттық жүйелерінен ақаулар шығып жатады.
<blockquote>
 “Биыл мемлекеттік органдар жүйелердің істен шығуына шамамен 130 рет жол берген. Бұған азаматтар тарапынан негізгі сын айтылды. Ондай жағдайлардың басым бөлігі ішкі істер, еңбек және халықты әлеуметтік қорғау министрліктеріне, құқықтық статистика комитетіне келеді”, – дейді Мамин.
</blockquote>
Осы орайда үкімет басшысы жыл соңына дейін барлық орталық мемлекеттік органға бірыңғай электронды платформаға көшуге тапсырма берді.

Келесі жылы интернеттен мемлекеттік қызметтің 90 пайызын алуға болады

<a href="https://kyzylorda-news.kz/">Kyzylorda-news.kz.</a> Үш жылдан астам уақыттан бері өңірімізде «Болат Өтемұратов жеке қоры» «Асыл Мирас» аутизм орталығы, аутистік спектрі бұзылған балаларға ақысыз негізде қызмет көмек көрсетуде.
Орталықта аутистік спектрдің бұзылуын (АСБ) анықтаудың өзіндік «ADOS-2» диагностикалық әдістемесі бар. Қажет болған жағдайда түзету көмегіне арналған түрлі бағдарламалармен жұмыс жасайды. Орталықтың әр маманы күнделікті балалардың үлгерімін есепке алып, бақылап отырады. Диагностикадан өту үшін анықтама немесе жолдама қажет емес, кез келген ата-ана Орталықтың көмегіне жүгіне алады.
Еске сала кетейік, бұған дейін <a href="https://kyzylorda-news.kz/kogam/oezderining-boelek-aelemi-bar-awtizm-dertine-shaldyqqan-qyzylordalyq-balalardyng-oemiri-twraly-ne-bilemiz-foto-32946/">«Өздерінің бөлек әлемі бар»: Аутизм дертіне шалдыққан қызылордалық балалардың өмірі туралы не білеміз?»</a> атты мақаламызда аутизм құбылысы және «Асыл мирас» орталығы туралы жазған болатынбыз.
«Асыл Мирас» аутизм орталығының мекен-жайы: Күләш Байсейітова көшесі, 113а.
Байланыс: +7 771 993 4194, 8(7242) 26 – 44 – 88

«Асыл мирас» аутизм орталығы ақысыз негізде қызмет көмек көрсетуде

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Бензин бағасының өсуі көп балалы аналар алып жүрген әлеуметтік көмектің кесірі екен! Ұлттық экономика министрінің пікірі осындай. Жанармайдың жаңа жылдан бастап 6 пайызға, яғни 10 теңгеге қымбаттайтыны бұрын айтылған болатын. Мұны әлеуметтік төлемдердің көбеюімен байланыстырған министр Дәленов бензиннің қымбаттығы азық-түлік бағасына әсер етпейтінін тағы қайталады, деп хабарлайды&nbsp; <a href="https://www.ktk.kz/kz/news/video/2019/11/26/134651/">«КТК»</a> арнасы.
Алайда министрліктің бұл мәлімдемесіне экономика мамандары халықты алдаудың тағы бір түрі деп баға берді. Халықты кім неге алдап жүр?&nbsp;
Ұлттық экономика министрлігінің мәліметіне сенсек, жанармай жаңа жылдан бастап 6 пайызға, яғни 10 теңгеге қымбаттағалы тұр. Себебі – әлеуметтік төлемдердің көбеюі. Оның ішінде жағдайы төмен, көп балалы аналарға берілетін атаулы әлеуметтік көмек те бар. Екіншіден, шекарадан жанармайымызды талап алып жатқан ресейліктерге тоқтау салуға керек. Сөйте тұра, бензиннің қымбаттауы нарық қымбатшылығына соқтырмайды деп тұр.
<blockquote>
 «Жанармайдың өзіндік құнын жалғыз акциз ғана құрамайды. Сондықтан акциз құны 10 теңгеге өскенімен, бензин де 10 теңгеге өседі деген сөз емес. Мысалы, 2015 жылы біз акцизді 4,5 мыңнан 10,5 мың теңгеге көтердік. Бірақ жанармай бағасы нарықта ондай қатты қымбаттаған жоқ», – дейді ҚР Ұлттық экономика министрлігінің департамент директоры.
</blockquote>
Азамат Әмірин.&nbsp;Ресейліктердің шекарадан арзан бензинімізді талап әкетіп жатқанын шенеуніктер талайдан бері айтып жүр. Өйткені біздің бензин олардікінен 100 теңгедей арзан. Жәрайды, акциз құны өсті делік. Бірақ, ол нарықты қымбатшылыққа әкелмейді, инфляция бастапқы болжанған дәлізден аспайды деген қаншалықты рас? Экономика мамандары осыған сене алар емес.&nbsp;
«Қазірдің өзінде 57 пайыз дәлізінде тұр. Ал акциз өзінен-өзі бағаны көтерді. Ал баға көтерілгеннен кейін көліктің бағасы көтерілді.
Олай дейтін себебі, «акциз қанша өссе, тауар бағасы да соншалық өседі» деген қағида экономикада бірінші курста оқытылады дейді маман. Сондықтан бұл әрекеттің астарында жатқан құр бензин бағасы емес, бюджетті қалай толтырамыз деп қарманған түрі дейді.&nbsp;
<blockquote>
 «Әр түрлі әлеуметтік көмек, ақшалай көмек, тұрғын үй жағынан көмек, тағы басқа. Осының барлығы бюджетке үлкен салмақ салғаны түсінікті. Енді бюджетті қалай толтырамыз деп әлек болып жатыр. Біресе &nbsp;есепшоттарды бірбіріне ауыстырғанда, оған салық салу керек дейді. Айналып келгенде, енді бензинге салық саламыз», – дейді экономист &nbsp;Жангелді Шымшықов.
</blockquote>
Экономистің айтуынша, тығырықтан шығудың басқа жолы бар. Ол прогрессивті салық жүйесін енгізу. Оның ұтымды тұсы – салықтың көбі қалталыларға түседі де, табысы төмен қарапайым халық өз қалтасына сай салық төлейді. Яғни, табысына қарай салығы деген ұстанымға саяды. Мәселен, халқы бай тұратын Скандинавия елдері осындай салық жүйесін талайдан бері қолданып келеді және табысты қолданып келеді.

Бензин бағасы көп балалы аналар алатын әлеуметтік көмектің кесірінен өскен

<a href="https://kyzylorda-news.kz/">Kyzylorda-news.kz.</a> Шетелдік азаматтарды жұмысқа тартқан ұйымдарға 92 миллион көлімінде айыппұл салынды. Олар жұмысшы тарапқа еңбек ақысын дұрыс төлемей, бірқатар заңбұзушылықтарға жол беріпті. Бұған қоса еңбек және халықты әлеуметтік қорғау&nbsp;министрі Біржан Нұрымбетовтың айтуынша, 2019 жылдың тамыз айынан бері 393 шетелдік азамат ел аумағынан шығарылыпты, деп хабарлайды&nbsp;<a href="https://stan.kz/news-324689/">Stan.kz</a>&nbsp;ақпарат агенттігі.&nbsp;
<blockquote>
 “Мемлекеттің батысында жұмыс беруші тарап қазақстандық және шетелдік азаматтарға еңбек ақысын төлеуде бірқатар кемшіліктер жіберіп отырған. Бас прокуратура басқарған инспекция 30-дан&nbsp; астам шетелдік маман жұмысқа тартылған 95 ұйымға тексеріс жүргізді”, – деді министр.&nbsp;
</blockquote>
Біржан Нұрымбетовтың сөзінше, тексеріс барысында еңбек және миграция заңдарына қайшы&nbsp;930 әрекет анықталыпты. Бұған қоса 25 мекемеде еңбекақы төлеуде шетелдік және қазақстандық жұмысшылар арасында тепе-теңдік сақталмағауы бойын 474 әрекет&nbsp;анықталған. Осы жағдайға байланысты ұйымдарға 92 миллион теңгені құрайтын 400-ден астам айппұл салынған. Қазақстанда жұмыс істеуге берілген 681 рұқсат негізсіз деп танылып, 393 шетелдік жұмыскер мемлекет аумағынан шығарылыпты.&nbsp;
онымен қатар министр, егер шетелдік мамандарды жұмысқа тартып, оларға айлық төлеуде қателіктер жіберген ұйымдарға жазаны күшейту керек деп ескертті. Қазіргі таңда бұл бастама мәжілісте қаралып жақан көрінеді.&nbsp;
<blockquote>
 “Қазіргі еңбек туралы заңнамада мемлекеттік инспектор жұмыс беруші ұйымдарға 5 жылда бір-ақ рет тексеріс жасай алады. Біз алдағы уақытта осы мәселені бірыңғай етіп, тексерісті жыл сайын өткізіп тұруды алға қойып отырмыз”, – деді Нұрымбетов.&nbsp;
</blockquote>
<img src="https://kyzylorda-news.kz/wp-content/uploads/2019/11/27shetelzhum1.jpg" alt="" />

400-ден астам шетелдік жұмысшы Қазақстан аумағынан шығарылды

<a href="https://kyzylorda-news.kz/">Kyzylorda-news.kz.</a> Қызылорда қаласындағы «Бәйтерек» шағын ауданында газ баллоны жарылып, онда зардап шеккен ерлі-зайыптылардың туыстары көмек сұрайды.
Аталған жағдай ағымдағы жылдың 20-қарашасында орын алған болатын.&nbsp; Тұрғын үйде газ баллонының редукторындағы ақау салдарынан жарылыс орын алып, қабырғасы құлап, өрт тұтанған.&nbsp; Оқыс оқиға салдарынан 26 жастағы үй қожайыны мен оның 1995 жылы дүниеге келген жұбайы күйік шалғандықтан ауруханаға жеткізілді. Дәрігерлердің айтуынша, ер адамның денесінің 45 пайызын, ал әйелдің денесінің 75 пайызын күйік шалған.
<blockquote>
 «Күйік жарақатымен ауруханаға түскен ерлі-зайыптылар жансақтау бөліміне жатқызылды. Олар 2-3 және 3-1 дәрежесінде күйік жарақатын алған. Науқастардың ауыр жарақатына байланысты Нұр-Сұлтан қаласынан мамандар шақыртылды. Ем тағайындалды. Қазіргі таңда жағдайлары тұрақты ауыр», – дейді қалалық аурухана дәрігері Сабыржан Оразбек.
</blockquote>
Қазір Сәдібековтер отбасы қандай да болсын көмекке зәру. Зардап шеккен жандардың туыстары дәрігерлер тарапынан барлық жағдай жасалып, ем-домдар жүргізіліп жатқандығын айтуда. Алайда науқастар аяғына тұрғанымен оларға алдағы уақытта түрлі оталар жасалу қажет.
<blockquote>
 «Дәрігерлерге рақмет, қолдан келген көмекті, барлық ем-домдарды жасап жатыр. Енді інім мен келінімнің беті бері қараса, әрі қарай да емді жалғастыруға көмек көрсетілсе. Себебі бет-әлпеттері қатты күйген. Сырт дене жарақаттарын жазуға әлі түрлі ота жасалады», – дейді Асланның апасы Айгүл Сәдібекқызы. &nbsp;&nbsp;
</blockquote>
Ерлі-зайыптылар бұдан біраз уақыт бұрын мемлекет тарапынан берілген «Бәйтерек» шағын ауданынан жер телімін алған. Жерді жалға алу мерзімінің аяқталуы жақын қалғандықтан банктерден несие алып, шағын баспана салған. Қазіргі таңда үйдің қабырғалары мен шатыры жарылыс салдарынан толық құлаған.&nbsp; &nbsp;&nbsp;
Каспи голд: 5169 4931 8803 6654
ЖСН: 811&nbsp;031&nbsp;401&nbsp;808
Ұялы телефон: 8&nbsp;747&nbsp;180 98 17 Айгүл Сәндібекқызы.

Қызылордада газ баллоны жарылысынан зардап шеккендердің туыстары көмек сұрайды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қазақстандықтардың ажырасуына жиі себеп болатын мәселелер аталды. “Бақытты отбасы” Жанұяны ресурсты қолдау орталығының мәліметінше, елде тек биылғы жарты жылда 20-77 жас аралығындағы 2030 отбасы ажырасу туралы шешім қабылдаған деп жазады&nbsp;&nbsp;<a href="https://baigenews.kz/news/kazakhstantsy_stali_chashche_razvoditsya_iz-za_kreditnoy_zadolzhennosti_/">BaigeNews.kz</a>.
Орталықтың Нұр-Сұлтан қаласындағы өкілдерінің айтуынша, ажырасуға жиі себеп болатын жағдай несие мен қаржылық мәселе екен.
<blockquote>
 “Сол сияқты ойынқұмарлық салдарынан да ойрандалып жатқан отбасылар бар. Бұған қоса көзге шөп салу сияқты себеп те бар”, – дейді мамандар.
</blockquote>
Айта кетерлігі Нұр-Сұлтан қаласы жергілікті полиция қызметінің басқару жүйесінде әйелдерді тұрмыстық зомбылықтан қорғайтын арнайы бөлімше бар. Жыл басынан бастап сенім телефонына 300-ге жуық әйел хабарласқан.
Олар қоңырау шалғанда түрлі мәселелерді көтереді екен. Алайда басым көпшілігі тұрмыстық зомбылықтан шаршағандықтарын, сол себепті ажырасу туралы шешім қабылдағандарын айтатын көрінеді.
<blockquote>
 “Біз арнайы журнал жүргіземіз және онда барлық қоңырауларды тізіп отырамыз. Кейін осы қоңыраулар бойынша сараптама жасаймыз. Әйелдер көп жағдайда жылап тұрған күйде, біреуге қатты ренжігенде, күйзеліске түскен уақытта хабарласады.
</blockquote>
Көбінесе олар несиені жаба алмағандықтарын, салдарынан қаржылық қиындықтарға тап болғандықтарын жеткізеді. Бұл үлкен әлеуметтік мәселе және оны біз жоққа шығара алмаймыз”, – дейді полиция өкілдері.
<blockquote>
 Еске саларлығы бұған дейін Қазақстанда ажырасу көрсеткіші ұлғайғандығы туралы хабарланған еді. Кей уақытта тіпті көп балалы отбасылардың АӘК алу үшін, ажырасқан жағдайлар да кездесіп жатты.
</blockquote>
Аталған мәселені шешу үшін, президент Қасым-Жомарт Тоқаев үкімет пен президент әкімшілігіне цифрландыруды тездетіп енгізіп, алаяқтық бұл түрінің алдын алу туралы мәлімдеген еді.

Қазақстандықтар көзге шөп салу мен несие салдарынан жиі ажырасатын болған

<a href="https://kyzylorda-news.kz/">Kyzylorda-news.kz.</a> Қазақстандықтарға 2017 жылдан бастап өзі қалаған медициналық мекемеге тіркеуге тұруға рұқсат берілген болатын. Алайда бұл жүйе тиімсіз болып шықты.
Бұдан былай ел тұрғындарының қалаған емханасына тіркеуге тұруына енді рұқсат етілмейді. Олар өзінің тұрғылықты жеріндегі медициналық мекемелерге жүгінетін болады. Бұл туралы “Әлеуметтік медициналық сақтандыру қоры” КЕАҚ Алматы қалалық филиалының директоры Тілеухан Әбілдаев мәлімдеді, деп хабарлайды <a href="https://informburo.kz/kaz/azastandytar-end-tadaan-emhanalaryna-trkele-almaydy.html">Informburo.kz</a>.
Оның айтуынша, қазірдің өзінде Алматыда&nbsp;екі мыңнан астам адамға&nbsp;таңдаған емханасына тіркелуге рұқсат берілмеген.
<blockquote>
 “Ерікті тіркеу жүйесін әзірлеуге түрлі мамандар атсалысып, ол Денсаулық сақтау министрлігі деңгейінде қабылданды. Бірақ бұл жүйе іс жүзінде халыққа&nbsp;қызмет көрсете&nbsp;бастағанда,&nbsp;оның қате екенін түсіндік.&nbsp;Қаланың бір шетінде тұрып, екінші шетіндегі емханаға тіркелгендерге кейбір қызмет түрлерін алу мүмкін болмады. Кей тұрғындардың өзі тіркелген емханадан өте алыс тұруына байланысты дер кезінде дәрігерге жүгінбей, аурулары асқындап кеткен жағдайлар бар. Жалпы, бұл жүйе медициналық көрсеткіштерге де кері әсерін тигізді. Сондықтан, бұл жүйеден бас тартамыз. Келесі жылдан бастап емханалардың барлығы жаңа нұсқаулық бойынша жұмыс істейді. Яғни, азаматтар тек өздерінің тұрғылықты жеріне жақын емханаларды ғана таңдай алады”, – деді Тілеухан Әбілдаев.
</blockquote>
“Әлеуметтік медициналық сақтандыру қоры” КЕАҚ Алматы қалалық филиалының директоры жаңа талаптарды барлық емханалар орындауға міндетті екенін жеткізді. Егер медициналық мекемелер тұрғындарды тұрғылықты мекен-жайына қарамастан тіркеуге алатын болса, жазаланатын болады. Бірақ, дәрігерлердің қандай жауапкершілікке тартылатыны әзірге белгісіз.
<blockquote>
 “Емханаларды айыппұлмен жазалай отырып, оларды басқа жақта тұратын тұрғындарды тіркеуге алудан бас тартуға мәжбүрлейміз”, – деді Әлеуметтік медициналық сақтандыру қорының өкілі.
</blockquote>
Айта кетейік,&nbsp;бір емханаға 1700-ден артық адамды тіркеуге алуға рұқсат етілмейді.
<blockquote>
 “Қыркүйектің 15-і мен 15-қараша аралығында тіркеу науқаны жүргізілді. Бұл кезеңде 9 мың алматылық тұрғын емхана таңдау құқығын иеленді. Тұрғылықты жеріндегі емдеу мекемесінің қызметіне жүгінетін тұрғындар саны артып отыр. Себебі, жақын маңдағы емхана арқылы үйге дәрігер шақырту ыңғайлы”, – деді “Әлеуметтік медициналық сақтандыру қоры” КЕАҚ Алматы қалалық филиалының директоры Тілеухан Әбілдаев.
</blockquote>
Қазір Алматы қаласының емдеу мекемелерінде&nbsp;2 млн 15 мыңнан астам адам&nbsp;тіркелген екен. Ал ресми дерек бойынша, қалада&nbsp;1,9 млн адам&nbsp;тұрақты тіркелген.

Қазақстандықтар енді таңдаған емханаларына тіркеле алмайды

<a href="https://kyzylorda-news.kz/">Kyzylorda-news.kz.</a> Қызылорда қаласындағы &nbsp;«Aray city mall» сауда кешенінде «Әйелдерге қатысты зорлық-зомбылықсыз 16 күн» атты акциясы өтті. Акция барысында ерікті жастар «Зорлық-зомбылықсыз қоғам» атты ұранымен флэшмоб ұйымдастырды.
Акцияның негізгі мақсаты– әйелдерге қатысты зорлық-зомбылық туралы айту, тұрмыстық зорлық-зомбылықтың алдын алу, ана мен баланы қорғауға хабардар ету деңгейін арттыру, отбасылық-тұрмыстық қарым-қатынастар саласындағы ақпараттық-насихаттау жұмысы болып табылады.
Сонымен&nbsp; қатар&nbsp; ұйымдастырушылық мәселелерін шешу үшін іс-шараға мүдделі мемлекеттік органдардың және үкіметтік емес ұйымдардың өкілдері қатарынан жұмыс топтары&nbsp; құрылды.
Аталған мәселе туралы жадынамалар, ақпараттық түсіндірмелер қоғамдық орындарда таратылды. &nbsp;
<blockquote>
 «Аймақта жыл басынан бері әйелдерді зорлық-зомбылықтан қорғау тобымен 69қылмыстық әрекет тіркелген. Бұл көрсеткіш өткен жылдың 10 айында 93-і құраған болатын. Былтырғыға қарағанда биыл қылмыстық әрекет азайды дегенмен, статистикалық мәліметтер бойынша, тұрмыстық зорлық-зомбылық әрбір үшінші отбасында кездесіп, тіркелген қылмыстардың 30 пайызын құрайды. &nbsp;&nbsp;&nbsp;&nbsp;&nbsp;&nbsp;&nbsp;Орын алған қылмыстардың негізгі себептері ұрыс-керіс, қызғаныш, маскүнемдік, әлеуметтік жағдайдың төмендігі. Үйдегі жанжал кәмелетке толмағандар арасындағы қылмыстың өсуіне де әкеп соғуда», – делінген облыстық Полиция департаментінің баспасөз қызметінің хабарламасында.
</blockquote>
<img src="https://kyzylorda-news.kz/wp-content/uploads/2019/11/27dvdzorlyk2.jpg" alt="" />

Қызылордада тұрмыстық зорлық-зомбылық әрекеті азайған

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>&nbsp;«Қазгидромет» РМК 27 қарашаға арналған ауа райы болжамын ұсынады.
Атмосфералық ауа ағындардың өтуімен республиканың басым бөлігінде қар жауады, оңтүстікте жауын-шашын, көбінесе қар түрінде жауады, тек еліміздің батыс бөлігі антициклон жотасы ықпалында болады, сондықтан жауын-шашынсыз ауа райы сақталады. Кей жерлерде тұман, көктайғақ, бұрқасын күтіледі, жел күшейеді.
&nbsp;Алматы облысының кей жерлерінде тұман, көктайғақ күтіледі, Жаланашколь ауданында жел 17-22, екпіні 25 м/с күшейеді.Түркістан облысының кей жерлерінде тұман, көктайғақ, бұрқасын күтіледі, күндіз желдің жылдамдығы 15-20 м/с жетеді.
Шығыс Қазақстан облысының кей жерлерінде бұрқасын күтіледі, жел 15-20 м/с күшейеді. Ақмола облысының кей жерлерінде бұрқасын күтіледі, күндіз кей жерлерде жел 15-20 м/с күшейеді. Жамбыл, Қостанай облыстарының кей жерлерінде тұман, көктайғақ, Жамбыл облысының кей жерлерінде жаяу бұрқасын соғады.
Солтүстік Қазақстан облысының кей жерлерінде тұман, бұрқасын күтіледі. Қарағанды облысының күндіз кей жерлерінде көктайғақ, жаяу бұқасын күтіледі. Атырау, Ақтөбе облыстарының кей жерлерінде тұман түседі.

Қазақстан және Қызылорда облысының жаңалықтары: Қоғам