<a href="https://kyzylorda-news.kz/">Kyzylorda-news.kz.</a> Үкімет басшысының орынбасары – қаржы министрі Әлихан Смайылов патент негізінде жұмыс істейтін кәсіпкерлер салықтан қалай босатылатынын түсіндірді, деп хабарлайды&nbsp;<a href="https://sputniknews.kz/economy/20191205/12207578/salyk-ukimet-tusinikteme.html">Sputnik Қазақстан</a>.
Оның айтуынша, бүгінде патент сияқты арнайы салық режимімен жұмыс істейтін кәсіпкерлер жыл соңында есеп-қисапты тапсырып, салықты толығымен төлеп тастауға міндетті. Ал президенттің тапсырмасы бойынша осы санаттағы бизнесмендер де үш жылға салықтан босатылуы шарт.
<blockquote>
 “Мәселен, келесі жылы жаңа патент алу үшін кәсіпкерлер биыл желтоқсан соңында есептерін тапсырып, салықты төлеп қоюы тиіс. Бұл – салық кодексінің тапсырмасы. Мемлекет басшысы оларды да үш жылға салық төлеуден босатуды тапсырған болатын. Осыған байланысты тиісті шешім қабылданды. Олар жылдың соңында есеп-қисапты тапсырғанда, “жеке табыс салығы” деген жерде “0”-ді қояды. Осылайша, биыл олар салық төлемейді”, – деді Смайылов сенаттың пленарлық отырысында.
</blockquote>
Министрдің сөзіне қарағанда, бүгінде республика бойынша 88 мың кәсіпкер патентпен жұмыс істейді. Олардың жалпы салығы 350 миллион теңгені құрайды.
Айта кетейік, мемлекет басшысы Қасым-Жомарт Тоқаев өзінің алғашқы халыққа арнаған жолдауында шағын және микро бизнесті салықтан босатуға тапсырма берген болатын.
<blockquote>
 “Үкіметке микро және шағын бизнесті үш жылға табыс салығынан босату туралы заң жобасын әзірлеуді тапсырамын”, – деді Тоқаев халыққа арнаған жолдауында.
</blockquote>
Тиісті нормативтік өзгерістер 2020 жылдан күшіне енуі тиіс. Бұдан бөлек, келесі жылы қаңтар айынан бастап микро және шағын бизнесті тексеруге үш жылға тыйым салынады.

Жыл соңында кімдер салық төлемейтінін білесіз бе?

<a href="https://kyzylorda-news.kz/">Kyzylorda-news.kz.</a> «Nur Otan» партиясы облыстық филиалы төрағасының бірінші орынбасары Ақмарал Әлназарова азаматтарды жеке мәселелері бойынша қабылдап, олардың шешілуін өзінің тікелей бақылауына алды.
Жалпы қабылдауға қала тұрғындарынан бөлек, Сырдария, Жалағаш аудандарынан барлығы 12 азамат келіп өз өтініштерін білдірді. Олардың 3-уі жазбаша түрде.
Көтерілген мәселелерге тоқталсақ, қала тұрғыны А.Ермағанбетова мүгедек баласының сырқатына байланысты медициналық препарат алып беруге&nbsp;көмек сұрады. Аталған препараттың бағасы қомақты қаржыны талап ететіндіктен, бұл мәселені демеушілер арқылы шешу түсіндірілді.
Науқас қызының еміне квота қарастыру мәселесі бойынша қабылдауға келген Г.Алибаеваның өтінішінің оң шешілуіне №2 емхана арқылы ықпал етілді.
Ал азаматша К.Айбакованың Чернобыль апатына қатысқан күйеуі А.Курбановтың пәтер кезегінде біраз жыл болғанымен, әлі күнге дейін ала алмай жүргені туралы шағымы бойынша арнайы комиссиямен тексеру жүргізілетіні ескертілді.
Сондай-ақ, баласын емдету, баспанамен қамтамасыз ету, еңбек дауы, қаржылай көмек беру, жұмысқа орналастыруға ықпал ету жайлы өтініштерімен қабылдауда болған 6 азаматтың өтініші назарға алынып, тиісті жұмыстар жүргізілетін болды.

Қызылордада партия төрағасының орынбасары тұрғындарды қабылдады

<a href="https://kyzylorda-news.kz/">Kyzylorda-news.kz.</a> Қазақстан Республикасының халқына тегін медициналық көмектің кепілді көлемі шеңберінде жедел жәрдем және санитарлық авиация, алғашқы медициналы-санитарлық көмек, шұғыл стационарлық көмек, паллиативтік көмек көрсетілетін болады.&nbsp; Әлеуметтік маңызы бар және негізгі созылмалы аурулар кезінде медициналық көмектердің толық қызметі көрсетіле отырып, дәрі-дәрмекпен қамтамасыз етіледі.&nbsp; Осы және өзге де көрсетілетін көмектер медицина қызметкерлеріне арналған семинарда талқыланды.
Қызылорда облысы бойынша Әлеуметтік медициналық сақтандыру Қоры филиалының медициналық қызметтері сапасының мониторингі бөлімінің басшысы&nbsp;&nbsp; Гүлнар Кенжебаева өз баяндамасында медициналық көмекті көрсету саласының нормативтік-құқықтық базасындағы өзгертулер, ТМККК және МӘМС пакеттеріне кіретін медициналық қызметтердің тізімі туралы түсіндірді. Сондай-ақ семинарда халыққа алғашқы медициналық-санитарлық көмек көрсету және стационарлық, стационарды алмастыратын көмектер туралы бизнес-процесстер талқыланды.&nbsp;
Тренинг қатысушылары – облыстың медициналық мекемелерінің мамандары өздеріне бағынышты медициналық мекемелерінің қызметкерлерін каскадті тәсілмен оқытатын болады.&nbsp;
<img src="https://kyzylorda-news.kz/wp-content/uploads/2019/12/5gobmposms2.jpg" alt="" />

Қызылордада медицина қызметкерлері білімін жетілдірді

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Отандық әуе компаниялары ішкі бағыттар бойынша ұшақ билетінің орташа құнын орта есеппен 12% -ға төмендетті, деп хабарлайды ҚР Индустрия және инфрақұрылымдық даму министрлігінің баспасөз қызметі.
Баспасөз мәліметтеріне қарағанда, мемлекет басшысының әуе тасымалдары бағасын төмендетуге қатысты тапсырмасын орындау мақсатында отандық әуе компаниялары ішкі бағыттар бойынша авиабилеттің орташа құнын орта есеппен 12% -ға төмендетті.
Қазақстандағы алғашқы бюджеттік әуе компанияны іске қосу әуе тасымалдар нарығына елеулі әсер етті және жалпы алғанда ішкі нарықтағы бәсекелестікті арттыруға мүмкіндік берді. Бұл ұшақ билеттері тарифтерінің төмендеуіне ықпал етті.
Fly Arystan әуе компаниясының нарыққа келуімен Қазақстан әуежайларында жолаушылар ағынының өсуі байқалды, Нұр Сұлтан – 48%, Алматы – 45%, Семей – 1013%, Тараз – 734%, Павлодар – 117%, Қарағанды ​​- 90%, Шымкент – 57 %, Орал – 54%.
Қазақстан Республикасының Индустрия және инфрақұрылымдық даму министрлігі мүдделі мемлекеттік органдармен және квазимемлекеттік субъектілерімен бірлесіп ұшақ билеттерінің құнын төмендету бойынша бірқатар шараны қолдану бойынша жұмыс жүргізуде.
Сонымен бірге, Мемлекет басшысының әуеотынға бағаны төмендетуге қатысты тапсырмасын орындау мақсатында Индустрия және инфрақұрылымдық даму вице-министрі Б. Камалиев Қазақстанда ұшуларды жүзеге асыратын шетелдік әуе компаниялары мен негізгі әуежайлармен кеңес өткізді.
Мемлекет меншігіндегі әуежайларға авиаотынның құнын орташа нарықтық деңгейге дейін төмендету және шетелдік әуе компаниялармен шарттардың осы шешіміне сәйкес келтіру тапсырылды.
Авиаотынның құны әуе тасымалдары құнының ең үлкен үлес салмағын алады-30 % дейін.
Кездесуге Нұр-Сұлтан, Қарағанды, Алматы, Шымкент, Ақтау қалаларының әуежайлары және «Air China Limited», «China Southern Airlines», «Turkish Airlines», «Атласглобал», «Аэрофлот», «Fly Dubai», «Uzbekistan Airways», «Pegasus», «Etihad Airways», «Siberia Airlines», «Ural Airlines» және «Белавиа» шетелдік әуе компанияларының өкілдері қатысты.
Жалпы алғанда, авиаотын мен әуе билеттерінің құнын төмендету мәселесі министрліктің тұрақты бақылауында болады және осы мәселе бойынша жұмыс тұрақты негізде болады.

Қазақстанның әуе компаниялары ұшақ билеттерін құнын төмендетті

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> 086/у медицина анықтамасын енді жылына бірнеше рет қолдануға болады. Бұл туралы Цифрлық даму, инновациялар және аэроғарыш өнеркәсібі министрлігі мәлімдеді, деп хабарлайды <a href="https://kaz.tengrinews.kz/damu/086-meditsina-anyiktamasyin-brneshe-ret-koldanuga-boladyi-303159/">Tengrinews.kz</a>.&nbsp;
Министр Асқар Жұмағалиевтің сөзінше, жақында бірнеше ведомство өкілдері бұдан бөлек қандай қызметті электрон форматқа өткізуге болатынын және қандай құжаттан бас тартуға болатынын талқылады.
<blockquote>
 &nbsp;“Біз 15 мемлекеттік қызметті автоматтандыруды ұсындық. 13-ін алып тастап, ал 9 бизнес процесті жеңілдетуге мүмкіндік бар екенін анықтадық. Электрон форматқа өткізуге болатын құжаттардың тізімінде 086/у анықтамасы да бар. Ол ең қажет құжат болғандықтан оны онлайн режимге өткізу азаматтар үшін маңызды. Дәрігерлік тексеруден өткеннен кейін тұрғындар анықтаманы eGov арқылы алады. Яғни, пайдаланушы құжатты тез әрі оңай жеке кабинетінен не eGov mobile бағдарламасы арқылы бір жыл аралығында жүктеп, падалана алады”, – дейді Асқар Жұмағалиев Facebook желісіндегі парақшасында.&nbsp;
</blockquote>
Министрліктің баспасөз қызметінің мәліметінше, азаматтар медициналық тексеруден міндетті түрде өтуі керек. Алдағы таңда бұл анықтама eGov порталында қазақстандықтардың жеке кабинетінде сақталатын болады. Мәселен азамат бір жылда бірнеше рет жұмысын ауыстырса, әр кез сайын 086/у анықтамасы керек болады. Бұл жағдайда ол бұған дейін жасалған медицина анықтамасын пайдалана алады.

Енді 086 медицина анықтамасын бірнеше рет қолдануға болады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Сырдарияның қызылордалық бөлігінде су деңгейі қауіпті деңгейге жақындап келеді, деп хабарлады «Қазгидромет» РМК баспасөз қызметінен.&nbsp;
<blockquote>
 «Мұздық құбылыстарға байланысты Сырдария өзені – проток Жосалы ГБ-де су деңгейі қауіпті белгіге жақындады. Нақты деңгей 08:00-де 638 см (…) Су деңгейінің одан әрі көтерілуі күтіледі», – делінген бейсенбіде таратылған хабарда.
</blockquote>
Синоптиктер атап өткендей, қауіпті деңгей: 665 см (судың өзен жайылмасына шығуы).
<blockquote>
 «Шекті деңгей 720 см. (елді-мекенді су басу)», – делінген хабарда.
</blockquote>

Сырдарияның қызылордалық бөлігінде су деңгейі қауіпті деңгейге жақындап келеді

<a href="https://kyzylorda-news.kz/">Kyzylorda-news.kz.</a> Қазақстан Республикасының Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаментінің басшысы «Мемлекеттік қызмет және сыбайлас жемқорлыққа қарсы іс-қимыл мәселелері бойынша Қазақстан Республикасының кейбір заңнама актілеріне өзгерістер мен толықтырулар енгізу туралы» Заңға енгізілген жаңашылықтар туралы айтты.
<blockquote>
 «Осы Заңның қабылдануымен Қазақстанда сыбайлас жемқорлыққа қарсы күрестің жаңа кезеңі басталды деп сеніммен айта аламын. Тәуелсіз Қазақстан тарихында тұңғыш рет басшылардың қол астындағы қызметкерлері үшін жауапкершілігі заңнамалық деңгейде бекітілген», – деді Ардақ Ерсейтов.
</blockquote>
Бұдан былай, саяси мемлекеттік қызметкерлер –&nbsp; министрлер мен олардың орынбасарлары, облыстардың, Нұр-Сұлтан, Алматы, Шымкент қалалары мен облыс әкімдері мен олардың орынбасарлары, аудандар әкімдері олардың тікелей бағынышты қызметкерлері сыбайлас жемқорлық құқық бұзушылық жасан дағдайда міндетті түрде отставкаға шығуға сұрану керек.
<blockquote>
 «Заңның жаңа редакциясына сәйкес, бірінші басшы оның тікелей бағынышты қызметкеріне қатысты соттың айыптау үкімі күшіне енгеннен соң күнтізбелік 10 күн ішінде немесе ақталмайтын негіздер бойынша қылмыстық іс тоқтатылғаннан кейін отставкаға кетуге міндетті», – екендігін Қазақстан Республикасының Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаментінің басшысы хабарлады.
</blockquote>
Қазақстан Республикасының Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің бірінші орынбасары Бақытжан Ниязов қандай тұлғалар тікелей бағыныштылар ретінде қарастырылатынығын түсіндірді:
– орталық мемлекеттік органның басшысы (министр) үшін – бұл оның орынбасарлары, жауапты хатшы немесе аппарат басшысы, аймақтық бөлімшелердің басшылары;
– облыс, республикалық маңызы бар қалалар, астана әкімі үшін – оның орынбасарлары, аппарат басшысы, ауданның (облыстық маңызы бар қаланың) әкімі;
– орталық мемлекеттік орган басшысының орынбасары (вице-министр) оның қарамағындағы бөлімше немесе тәуелсіз құрылымдық бөлімше басшысы сыбайлас жемқорлық қылмыс жасаған кезде қызметінен кетеді;
– облыс әкімінің орынбасары жергілікті бюджеттен қаржыландырылатын атқарушы органдардың басшыларына жауап береді;
– Аудан әкімі өзінің орынбасарларына, аппарат басшысына, жетекшілік ететін аудандық атқарушы органдардың басшыларына, ауыл, кент, ауылдық округтердің әкімдеріне жауап береді.
Айта кету керек, «Мемлекеттік қызмет туралы» Заңға сәйкес, мемлекеттік қызметшіні осы лауазымға тағайындаған лауазымды тұлғаға орнынан кету туралы өтініш жіберіледі. Отставканы қабылдау немесе қабылдамау – бұл саяси қызметкерді қызметке тағайындаған адамның құзыреті.
<blockquote>
 «Тікелей бағынышты қызметкерлер сыбайлас жемқорлық құқық бұзушылық жасаған жағдайда, саяси емес, бірақ А және Б корпусының әкімшілік мемлекеттік қызметшілері болып табылатын барлық өзге басшыларға тәртіптік жауапкершілік қарастырылған», – деп айтты спикер.
</blockquote>
Бұдан бұрын, 2019 жылдың 20 мамырында сыбайлас жемқорлыққа қарсы іс-қимыл мәселелері бойынша мемлекеттік органдардың басшыларының қатысуымен өткен кездесуде Қазақстан Республикасы Президенті Қасым-Жомарт Тоқаев Мемлекет бағынышты қызметкерлердің сыбайлас жемқорлыққа жол бергені үшін мемлекеттік органдардың бірінші басшыларының отставкаға кету институтын енгізудің маңыздылығын атап өтті.

Басшылар өз қызметкерлерінің сыбайлас жемқорлық әрекеттері үшін жауап береді

<a href="https://kyzylorda-news.kz/">Kyzylorda-news.kz.</a> Облыс әкімінің орынбасары Наурызбай Байқадамовтың қатысуымен облыстық «Жомарт жүрек» сыйлығы лауреаттарын марапаттау рәсімі өтті.
Аудандық, қалалық кезеңнен үздік деп танылған 40 үміткердің ішінен облыстық комиссия мүшелері анықтаған 6 номинация бойынша бірқатар азаматтар марапатқа ие болды.
– «ЕРЕН ЕРІКТІЛІК» номинациясымен «Жылы жүрек жастар» қоғамдық қорының төрағасы Сиюов Сағатбек Қуанышбайұлы;
– «ТУҒАН ӨЛКЕ» номинациясымен Сырдария ауданы «Мади қажы» жауапкершілігі шектеулі серіктестігінің директоры Сұлтанов Сейткамал Абзалұлы;
– «ЖЫЛ МЕЦЕНАТЫ» номинациясымен «Абай-Дәулет» жауапкершілігі шектеулі серіктестігінің директоры Сәрсенбаев Мұрат Абайұлы;
– «ЖЫЛ ТҰЛҒАСЫ» номинациясымен «Еңбек-Жер» жауапкершілігі шектеулі серіктестігінің директоры Искаков Шакизатхан Әбдіғаппарұлы;
– «СЫР ҚАМҚОРШЫСЫ» номинациясымен Қазақстан мұсылмандары діни басқармасының Қызылорда облысындағы «Зекет» қорының жетекшісі, «Ерназар Мақсұм» мешітінің имамы Жидебаев Оңталап Тасбулатұлы;
– «ЖЫЛДЫҢ ҮЗДІК ҰЙЫМЫ» номинациясымен «Жаңарған Жаңақорған жастары» еріктілер ұйымы марапатталды.
<img src="https://kyzylorda-news.kz/wp-content/uploads/2019/12/5zhzhurek2.jpg" alt="" />

Қызылордада  «Жомарт жүрек» сыйлығы табысталды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қызылорда облысындағы апаттың көбеюіне ауа райынан бөлек, жүргізушілердің жауапсыздығы да себеп болып отырған көрінеді.
«Қазавтожол» компаниясы мамандарының мəліметі бойынша, Қызылорда облысында былтыр 47 жол көлік оқиғасынан 20 адам қайтыс болған. Тағы 87 адам түрлі дəрежедегі жарақат алыпты. Ал биыл 10 айда 59 көлік апатқа ұшырап, 86 жолаушы зардап шегіп, 33 адам қаза тапты. Мамандар көп жағдайда жүргізушілердің жауапсыздығы қайғылы оқиғаға себепткер болатынын айтады. Тіпті, жолдың жабық екені туралы СМС хабарламаларды елемей, ұзақ жолға шығатындар да аз емес.
<blockquote>
 «Қызылорда облысында жалпы ұзындығы 1 мың 16 шақырым республикалық маңызды жол бар. Оның 246 шақырымы І санатқа, 566 шақырымы ІІ санатқа, қалған бөлігі ІІІ санатқа жатады. Жол бойында 8 жол пайдалану пункті мен учаске бар. Қыста жол апатының алдын алу үшін базада 50-ге тарта техника дайын. 600 тонна көмір, 1 мың 820 тонна тұз, 7,5 мың тонна құм бар», – дейді «Қазавтожол» ҰК» АҚ Қызылорда облыстық филиалы директорының орынбасары Шанжархан Мырзабай.
</blockquote>
Көктайғақ салдарынан 8 адамның өмірін жалмаған жол аймағы «Қазавтожолдың» бақылауына кірмесе де, мекеме мамандары көмек берген.
<a href="https://24.kz/kz/">24.kz</a>

Қызылорда облысында биылғы 10 айда жол апатынан 33 адам қайтыс болған

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> 2018-2019 жылдары көпбалалы ана атанған әйелдер ХҚО-ға құжат тапсыруы тиіс.
Ел аумағындағы Халыққа қызмет көрсету орталықтары (ХҚО) құжат қабылдауды 27 қараша күні бастады. Бұл іс желтоқсан айының соңына дейін жалғасады. 2020 жылға дейін құжат тапсырып үлгермеген көпбалалы аналар бұл істі қаңтар айында да тындыра алады. Дегенмен құжатты 2020 жылға дейін тапсырған дұрыс,&nbsp;деп хабарлайды&nbsp;&nbsp;<a href="https://inbusiness.kz/kz/news/aj-sajyn-42-500-tenge-alu-ushin">Inbusiness.kz</a>.
2018-2019 жылдары көпбалалы ана атанған әйелдер ХҚО-ға банктен немесе “Қазпошта” АҚ-дан шот ашқаны және жасы 23-тен аспаған баласы күндізгі оқу бөлімінде оқитыны туралы анықтаманы (студет баласы бар аналар), неке куәлігін, банк карточкасының 20 санды номерін, сондай-ақ балаларының туу туралы куәлігінің көшірмесін өткізуі керек. Атап көрсетерлігі анасы мен балалары бір үйде тіркелген болуы маңызды және ХҚО-ға құжаттарды көпбалалы отбасының әкесі емес, анасы тапсыруы тиіс.
<blockquote>
 Отбасы мүшелері бір мекенжайда тіркелмеген және бірге тұрмайтын болса, жәрдемақы берілмейді. Осының алдын алу үшін көпбалалы отбасы ХҚО-ға келіп, бір мекенжайға тіркелуі керек.
</blockquote>
2018 жылға дейін көпбалалы аналардың санатына қосылған және күні бүгінге дейін 10 500 теңге көлемінде мемлекеттік жәрдемақы алып келген аналарға мұндай талап қойылмайды.
Олардың барлығына мемлекет 2020 жылдың 1 қаңтарынан бастап көпбалалы отбасының табысына қарамай төленетін жәрдемақыны автоматты түрде тағайындайды.
2018-2019 жылдары көпбалалы ана атанған әйелдерге ХҚО-ға құжат тапсыру туралы талап бекер қойылып отырған жоқ. Мұның бірнеше себебі бар. Біріншіден, 2018 жылы төрт баласы болған келіншектерден көпбалалы ана деген мәртебе алынып тасталды. Екінші, 2018 жылдан бері қарай 4 бала туған аналарға 10 500 теңге көлемінде мемлекеттік жәрдемақы тағайындалған жоқ. Үшінші, 2018 жылы төрт баласы болған әйелдер мемлекеттік деректер базасына көпбалалы ана ретінде енгізілмеді. Жоғарыдағы талап осы олқылықтардың орнын толтыру және 2020 жылдың 1 қаңтарынан бастап 4 және одан көп баласы бар аналарға мемлекеттік жәрдемақы тағайындау үшін қажет болды.
Еңбек және халықты әлеуметтік қорғау министрі Біржан Нұрымбетовтың мәлімдеуінше,&nbsp;көпбалалы отбасыларға берілетін мемлекеттік жәрдемақыны атаулы әлеуметтік көмекпен шатастырмау керек.
<blockquote>
 “2020 жылдың 1 қаңтарынан бастап барлық көпбалалы отбасыға табысына қарамай мемлекеттік жәрдемақы беріледі. Ол бала санына байланысты тағайындалады. Мысалы, 4 баласы бар отбасыларға – 42 500 теңге, 5 балаға – 53 125 теңге, 6 балаға – 63 750 теңге, 7 және одан да көп баласы барларға – 74 375 теңге төленеді. Мемлекеттік жәрдемақы табысы жоғары және төмен көпбалалы отбасыларға бірдей беріледі. Бұрынғыдай табысы жоғары көпбалалы отбасылар мемлекеттік жәрдемақы алмайды деген талап болмайды. Ал атаулы әлеуметтік көмек тұрмысы төмен отбасыларға беріледі. Атаулы әлеуметтік көмек бала санына байланысты тағайындалмайды. Мемлекеттік қолдаудың бұл түрі көмекке мұқтаж адамдарға ұсынылады”, – деді министр.
</blockquote>
Айта кетейік, бас шаһарда тұратын, 2018-2019 жылдары көпбалалы ана атанған әйелдер мемлекеттік жәрдемақы алу үшін тапсырылатын құжаттарды ХҚО-ға, “Жанұя” отбасын қолдау орталығына және аудан әкімдіктерінің аппараттарына өткізе алады.
Нұр-Сұлтан қаласында құжат қабылдау 3 желтоқсан күні басталды. Құжат Бейбітшілік көшесі, 14 мекенжайында орналасқан “Жанұя” отбасын қолдау орталығында, аудандық әкімдіктерде және ХҚО-ларда қабылданып жатыр.

Көпбалалылар айына 42 500 теңге алу үшін не істеуі керек?

<a href="https://kyzylorda-news.kz/">Kyzylorda-news.kz.</a> ҚР Еңбек және халықты әлеуметтік қорғау министрлігі Қызылорда облысында бірқатар жеке компаниялардың жұмысшылары қайтыс болған жазатайым оқиғаны тергеп-тексеру жөніндегі комиссия құрды, деп хабарлайды&nbsp; <a href="https://baq.kz/news/othernews/yzylordada-y-zhol-apaty/">BAQ.KZ</a>.
<blockquote>
 Қазіргі уақытта жол-көлік оқиғасының себептері мен мән-жайын анықтау мақсатында ҚР бас еңбек инспекторы Төлеген Оспанқұлов оқиға орнында жұмыс істеуде, – делінген хабарламада.
</blockquote>
Қайғылы оқиға 3 желтоқсанда Қызылорда қаласынан&nbsp;85 шақырым жерде “Қызылорда-Құмкөл” автожолында болған.&nbsp;Вахталық жұмыстан Шымкент&nbsp;қаласына қайтып бара жатқан “Саутс-Ойл”, “Ақжол Транс Сервис”, “Понтос-Береке”, “Милтон” жауапкершілігі шектеулі серіктестерінің жұмыскерлерін тасымалдаған “Neoplan” маркалы жолаушылар автобусының жүргізушісі ауа райының күрделі жағдайына (көктайғақ) байланысты көлік тізгініне ие бола алмай, көлік құралының аударылуына жол берген.
Жол апаты болған сәтте автобуста жоғарыда аталған кәсіпорындардың 34 жұмыскері мен 2 жүргізуші болған. Жол-көлік оқиғасы салдарынан&nbsp;8 адам қайтыс болды.&nbsp;Әртүрлі дәрежедегі жарақаттар алған жұмыскерлерге медициналық көмек көрсету үшін олар Қызылорда қалалық ауруханасы мен облыстық медициналық орталыққа жеткізілді.
Жол-көлік оқиғасы фактісі бойынша тергеу амалдары жалғасуда.
Естеріңізге сала кетейік,&nbsp;Тоқаев Қызылорда облысында жол апатынан қаза тапқандардың туыстарына көңіл айтқан болатын.&nbsp;Қызылорда маңында көлік апатынан зардап шеккен адамдардың денсаулығы&nbsp;дәрігерлердің жіті бақылауында екендігін де хабарлаған болатынбыз.

Қызылордадағы жол апатының мән-жайын анықтау үшін комиссия құрылды

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Қызылорда қаласындағы Қазақ гуманитарлық заң және техникалық жоғары колледжінде сыбайлас жемқорлыққа, құқық бұзушылыққа «мүлдем төзбеушілік» қағидатын қалыптастыру мақсатында «Біздің ұстанымымыз: адалдық пен парасаттылық!» тақырыбында акция өткізілді.
Шараны Қызылорда облыстық ішкі саясат басқармасы мен «Самұрық» инновациялық идеяларды дамыту орталығы» қоғамдық қоры бірлесіп ұйымдастырды.
Акция барысында «Самұрық» инновациялық идеяларды дамыту орталығы» қоғамдық қорының директоры, заң ғылымдарының магистрі Жандос Тұсмағамбетов сыбайлас жемқорлық туралы жан-жақты әңгімеледі. ҚР Тұңғыш Президенті – Елбасы Н.Ә.Назарбаевтың 2018 жылғы 10 қаңтардағы «Төртінші өнеркәсіптік революция жағдайындағы дамудың жаңа мүмкіндіктері» атты Қазақстан Халқына арнаған Жолдауының 9-шы бағытында жемқорлықпен күрес пен заң үстемдігінің маңыздылығына ерекше тоқталды.
<img src="https://kyzylorda-news.kz/wp-content/uploads/2019/12/5aksiyatusm2.jpg" alt="" />

Қазақстан және Қызылорда облысының жаңалықтары: Қоғам