<a href="https://kyzylorda-news.kz/">Kyzylorda-news.kz.</a> Бұл туралы Мәжіліс депутаты, Қордайдағы оқиғаға байланысты құрылған Үкіметтік комиссияның мүшесі Бақытбек Смағұл өзінің <a href="https://www.facebook.com/BSmagul/">Facebook парақшасында</a> жазды.
«Есебім болсын, айта отырайын. Үкіметтік комиссия құрамында жүріп, жете зерттеп, жұртшылықпен әңгімелесе келе, бір жарым ғасырдан артық қордаланған біраз мәселе қатпары ашылды. Жеке-жеке тоқтала кетейін. Екі жақтан ақсақалдарды шақырып, кеңес құрдық. Бес ауылдың бәрінен өкілдерін жинадық. Дұңған жағынан қариялар басын иіп тұрып, жастардың бұзақылығы, үлкендердің тәрбиеде жіберген олқылығы үшін қазақтардан кешірім сұрады. Тараптар қол алысып, мәмілеге келді. Дұңған қариялары қазақтарды мешіт жанында мұсылман болып бас қосып, мал сойып сыйлап, татуласуға шақырды. Татулық керек. Ұлттық ұлан кейін кетеді. Демек, жергілікті жұртшылық өзара бітіспей, келісімде өмір сүрмей болмайды», – деген Б. Смағұл жазбасында.
Сондай-ақ, Мәжіліс депутаты өзінің жазбасында Масаншы ауылындағы жолдардың жағдайы нашар екенін, дұңғандардың балаларының бірде-біреуі Қазақстанның Қарулы күштеріне бармайтынын, әскери борышын өтемейтінін, қазақ мектептерінде оқығысы келмейтінін ашық жазған.
«Дұңғандарда тәрбиенің басым бөлігі мешітте беріледі. Ал оның басты уағызшысын Қазақстан мұсылмандарының діни басқармасы сайламайды. 
Дұңған тілінде уағыз айтылып жатады. Ол не айтып жатыр? Бәлкім, бізге қарсы үгіт жүргізіп жатқан болар?! Дұңғандар тек Құранды ғана емес, қоғамды сыйлай білуі шарт. Сондықтан мен еліміздің бас мүфтиі, Қазақстан мұсылмандары діни басқармасының төрағасы Наурызбай қажы Тағанұлымен сөйлестім. Ол облыстық имамды Қордай ауданына жіберді. «Діни бағыттағы сала бақылауда болады. Жұмыс жасаймыз. Әр шараны қадағалап отырмын», – деді маған жаңа бас мүфтиіміз», – дейді депутат.
Бақытбек Смағұл дұңғандардың қазақ еліне үдере көшіп келгеніне бір жарым ғасырдай уақыт болғанын, алайда іргедегі қазақтармен аралас-құраластығы үзілгенін ерекше атап өткен.
«Екі ортада көпір тұр. Пайдаланбайды. Бұл мәселелердің барлығы өткен ғасырдан бері қордаланған. Енді оны тәуелсіздік аясында толық шешу аса маңызды. Жалғыз дұңған ғана емес, басқа барлық этностар мемлекет құраушы қазақ халқымен бірге бір ұлт болып ұйысуы керек. Әйтпесе, әрқайсысы әр жаққа тартып, жерімізді ту-талақай ету қаупі бар», – дейді ол.
«Жамбыл облысының Қордай ауданына Парламенттен, Үкіметтен, Бас прокуратурадан, Ұлттық қауіпсіздік қызметінен және басқасынан өкілдер келді. Жергілікті халықты мазалаған әлеуметтік-экономикалық мәселелерді анықтап, жазып алды. Мектеп, аурухана, жол мәселелерін шешіп беруді сұрайды. Алдағы уақытта ол бойынша үлкен жұмыс жасалуға тиіс. Жұртшылық төбелестің қайталануын емес, жылдар бойы қордаланған түйткілдердің нақты шешілгенін қалайды. Бізді қазақ жағы жақсы қабылдады, келгенімізге шын жүректен қуанды. Қазақтың қанымен келген жер заңымен қорғалады. Қазақ бағынған заң дұңғанға да, басқасына да ортақ. Мемлекет ішінен мемлекет құру деген қара пиғылдың тамырына балта шабылуға тиіс!» – деп сөзін қорытқан Үкіметтік комиссия мүшесі.
Еске сала кетейік, бұған дейін Жамбыл облысының Қордай ауданындағы Масанчи ауылының тұрғындары арасында&nbsp;<a href="https://kyzylorda-news.kz/oqigalar/qordajdyng-masanshy-awyly-nege-duerligip-zhatyr-43962/">жаппай төбелес болып</a>, одан&nbsp;<a href="https://kyzylorda-news.kz/kogam/ishki-ister-ministrligi-qordajda-taghy-2-adamnyng-qajtys-bolghanyn-rastady-44223/">10 адамның қайтыс болғанын</a> хабарлаған болатынбыз.

Бақытбек Смағұл: Дұңған қариялары қазақтардан басын иіп тұрып кешірім сұрады

<a href="https://kyzylorda-news.kz/">Kyzylorda-news.kz.</a> Бұл туралы бүгін Кызылорда облысының әкімі Қ.Ысқақов облыстық Қоғамдық кеңес алдындағы есебінде мәлімдеді.
Байқоңыр қаласында тұрып жатқан азаматтардын әлеуметтік-экономикалық жағдайы ерекше назарда. Соңғы 30 жылда алғаш рет «Нұрлы жер» мемлекеттік бағдарламасы бойынша 2019 жылы 50 пәтерлік 5 үй берілді, тағы да 5 үйдің құрылысын бастау жөнінде шешім қабылданды. Жаңа пәтерлерге Ақай, Төретам елді-мекендерінің де тұрғындарын орналастыруды жоспарлануда. 2019 жылдың қазан айында қаланың барлық көппәтерлі үйлерін (20427 пәтер) табиғи газға(газ төлемі 16 есеге арзандады) көшіру аяқталды, бұл өз кезегінде қаланың әлеуметтік ахуалына оң әсерін тигізуде.
<blockquote>
 “Алдымыздағы 3 жылда қаланың су және кәріз желілерін жаңғырту және қайта құру бойынша жұмыстар жүргізіледі. Жылу тарифтерін төмендету мақсатында Байқоңыр кешені бойынша Қазақстан-Ресей Үкіметаралық комиссиясының кезекті отырысына Байқоңыр қаласының жылу жүйесін дамыту мәселесін қарау туралы ұсынысты енгізуді жоспарлап отырмыз”,- деді облыс әкімі Қ.Ысқақов.
</blockquote>

Байқоңырда көпқабатты тағы 5 тұрғын үй салынады

<a href="https://kyzylorda-news.kz/">Kyzylorda-news.kz.</a> Бұл туралы аймақ басшысы Қ.Ысқақов бүгінгі облыстық Қоғамдық кеңес алдында өткен жылдың қорытындысы бойынша есебінде атап өтті.
Көзделген меже орындалып, 2019 жыл Қызылорда облысы үшін жемісті аяқталды десе болады. Бұған себеп, өткен жылдың салалық көрсеткіштері.
Атап айтсақ, 2019 жылдың қорытындысымен ауыл шаруашылығы өнімінің экспорт көлемі 7% өсіп отыр, бұл ретте өңделген өнім үлесі экспорттың 90-нан аса пайызын құрауда. Сонымен қатар, экспортталатын өнім түрлерінің тізбесінің соңғы жылдары 3-тен 19 түрге дейін көбейді. Бүгінгі таңда Агроөнеркәсіптік кешен өнімі әлемнің 19 еліне жіберілуде.
Мұнан бөлек, Қызылорда облысының даму мәселесі Қауіпсіздік Кеңесінде арнайы қаралды.
Нәтижесінде, Қазақстан Республикасы Үкіметінің қаулысымен бекітілген 2019-2022 жылдарға арналған облыстың әлеуметтік-экономикалық дамуының кешенді жоспары қабылданды. Кешенді жоспар 12 бөлімнен, 119 іс-шарадан тұрады.
Кездесуде аймақ басшысы алдағы уақыттағы жоспарларға да тоқталды.
<blockquote>
 «Осы жылдың көктемінде ас тұзын өңдеу және йодтау зауытын іске қосамыз. Сонымен қатар, 2020 жылы жылына 4 мың тонна балық өңдейтін цехты қуаты 1500 тонна құс етін өндіретін құс фабрикасын іске қосу, ірі қара мал өсіретін кешенді 600 бастан 1200 басқа кеңейту жобасын аяқтау және кварц құмын байыту бойынша кен-байыту комбинатының 1-ші желісін іске қосу жоспарлануда», – деді облыс әкімі Қ.Ысқақов.
</blockquote>

Қызылордада ауыл шаруашылығы өнімінің экспорт көлемі өсті

<a href="https://kyzylorda-news.kz/">Kyzylorda-news.kz.</a> Өткен аптада Жамбыл облысы Қордай ауданының Масанчи ауылында қазақтар мен дұнған ұлтының арасында жанжал туындады.
Соның салдарынан адам өлімі орын алды, үйлер қирады, автокөліктер өртенді. Мұның барлығы тәртіпсіздікке ұласты. Қазақ халқы 300 жыл бойы тәуелсіздікті аңсап, кең байтақ жерімізді білектің күшімен, найзаның ұшымен сыртқы жаулардан қорғап, кейінгі ұрпаққа мирас етіп қалдырды. Енді ата-баба қалдырған жерді өзімізден кейінгі ұрпаққа тапсыру біздің борышымыз.
Қазіргі таңда оқиға орын алған жерде құқық қорғау органдарының мамандары жұмыс жасап жатыр. Дегенмен оның барлығы кеш. Бір күнде он адамның қазасы дегеніміз өте ауыр екені белгілі. Сондықтан қай кезде де сақтық шаралары қолға алынып, тәртіпті сақтау қажет.
Жалпы, қазақ қай кезеңде де өзге ұлт өкілдерін құшағын жая қарсы алып, соғыс уақытында бір үзім нанын бөле жеген халық. Қазақ ұлтының өзгелерге алауыздық танытуы мүмкін емес.
Тағы айта кетерлігі, Елбасының бастамасымен Қазақстан халқы ассамблеясы құрылған болатын. Қазіргі таңда елімізде 130-дан астам ұлттың өкілі қоныстанған. Бұл ұлт өкілдері қазақ елінің азаматы. Біз сол азаматтарды, жастарымызды отансүйгіштікке тәрбиелеуіміз қажет. Бұл жастар өзге ұлт өкілі болса да, Қазақстанда өмір сүріп жатқандықтан әркез қазақ ұлтымен жаны бір болуы қажет. Мен де өз тарапымнан халықты ауызбіршілікке, тұтастыққа шақырамын.
Ержан Уәйіс,
ҚР Еңбек сіңірген қайраткері

Ержан Уәйіс: Қазақстанда өмір сүріп жатқан өзге ұлт өкілдерінің жаны қазақ халқымен бір болуы қажет

<a href="https://kyzylorda-news.kz/">Kyzylorda-news.kz.</a> Бұл туралы бүгін Кызылорда облысының әкімі Қ.Ысқақов облыстық Қоғамдык кеңес алдындағы есебінде айтты.
“Қорқыт Ата” әуежайын жаңарту, қайта салу мәселесі көптен қызылордалықтардың көкейінде жүрген сұрақ болатын. Жобаны мемлекеттік-жекешелік әріптестік аясында іске асыру жоспарланып, былтыр жекеше әріптесті анықтау бойынша өткізілген конкурстың бірінші кезеңі бойынша “BI Civil Construction” жауапкершілігі шектеулі серіктестігі (Нұр-Сұлтан қ.) біліктілік іріктеуден өтті. 2019 жылдың 22 қарашасында «BI Civil Construction» серіктестігі өз қаржысы есебінен жобаның техникалық-экономикалық негіздемесін әзірлеп, мемлекеттік сараптаманың оң қорытындысын алды. Қазіргі уақытта жобалық сметалық құжаттаманы әзірлеу бойынша жұмыстар басталып кетті. 2020 жылдың мамыр айында терминалдың құрылысы басталады деп күтілуде.
<blockquote>
 “Қазіргі таңда, “Қорқыт Ата” әуежайы» акционерлік қоғамы мен “FlyArystan” (Флай Арыстан) әуекомпаниясының арасында келісім-шарт жасалып, наурыз айының ортасынан бірнеше бағытта жолаушыларды арзан бағамен тасымалдау ұйымдастырылады. Сондай-ақ, биыл 29 наурыздан бастап “Аэрофлот” компаниясы (Ресей) халықаралық “Мәскеу-Қызылорда-Мәскеу” бағыты бойынша аптасына 4 рет (дүйсенбі, сәрсенбі, жұма, сенбі) жиілігімен ұшатын болады”,- деді облыс әкімі Қ.Ысқақов.
</blockquote>

Қызылордадағы &#8220;Қорқыт ата&#8221; әуежайының құрылысы 2020 жылы басталады

<a href="https://kyzylorda-news.kz/">Kyzylorda-news.kz.</a> Қызылорда қаласында 17 қаңтардан бастап мамандандырылған халыққа қызмет көрсету орталығында шет елдерден әкелінген көлік құралдарын тіркеу бойынша түсіндіру жұмыстары жүргізіліп жатыр. &nbsp;
Орталыққа келген көлік иелерін полиция қызметкерлері тіркеу ережелерімен толығымен таныстырып, азаматтардың барлық сұрақтарына жауап береді. Мұнан өзге, қазіргі уақытта 100-ге жуық азаматқа түсіндірме жұмыстарын жасады. Бұған қоса, полицейлер тұрғындарға апта бойы демалыссыз түсіндіру жұмыстарын жүргізуде.
Сонымен қатар, облыс тұрғындары мен қонақтары қосымша ақпарат алу үшін СаІІ орталығына 8-747-514-19-30 телефоны арқылы хабарласуына болады.
Айта кетейік, 2021 жылдың наурызына дейін қазақстандағы барлық автокөліктер тіркелуі керек.

Қызылордалық полицейлер шетелдік көлік иелеріне түсіндірме жұмыстарын жүргізуде

<a href="https://kyzylorda-news.kz/">Kyzylorda-news.kz.</a> Ұлттар достығы өнеге, халықтар достығы үлгі болған Қазақстан, Әлемдік аренада өзін бейбітсүйгіш ел ретінде таныта білді.
Бейбітшілік пен келісімді айқындайтын Қазақстандық модель, БҰҰ мен ЕҚЫҰ секілді беделді халықаралық ұйымдардың қолдауына ие. Осындай жағдайда Қазақстанда ұлтаралық қақтығыс болады деген пікір ойға сыймайды. Тарихқа жүгінетін болсақ, тәуелсіздік алған тұстан бастап елімізде бірнеше қылмыстық, бұзақылық іс-әрекеттерді ұлтаралық шиеленіс ретінде түсінгендер болды. Бірақ, әлемдегі теңдесі жоқ қоғамдық институт болып табылатын Қазақстан халқы Ассамблеясы елдегі ұлтаралық бейбітшілік пен тұрақтылықтың кепілі бола білді.
Қазақстан халқы Ассамблеясы қазіргі таңда тек қана ұлтаралық және конфессияаралық мәселелерге ғана емес, сонымен бірге елдің жан-жақты саясатына араласып, өзінің өміршеңдігін көрсетті. Осы ретте, Жамбыл облысы Қордай ауылындағы болған жағдай бұзақылық, қылмыс жасағандардың әрекеті деп білемін. Бұл жағдайдан бірденен екі жақтың жанжалдағы орнын анықтау, бұл қате талдау. Қылмыстық іс-әрекетті жасаған адамдарды және осы жағдайдың ақпаратын бұрмалаған, іріткі салушыларды айыптап, жазалау керек. Ұлтаралық қақтығыс аяқ асты шықпайды, қанша жылдан бері бірге тұрып келе жатқан ұлттар, бір сәтте бір-біріне қарсы шығып, бір-бірін қырмайды. «Сабыр түбі – сары алтын» демекші, сабырмен, ақылмен шешілген бұл мәселе, еліміздің тұрақтылық пен бейбітсүйгіштігін тағыда дәлелдейді.
Сәулет САХИЕВ,
Саяси ғылымдарының кандидаты

Сәулет Сахиев: Тәртіп бұзғандар жауапкершілікке тартылуы тиіс

<a href="https://kyzylorda-news.kz/">Kyzylorda-news.kz.</a> «Азаматтарға арналған үкімет» мемлекеттік корпорациясы” КЕ АҚ Қызылорда облысы бойынша филиалы және Қызылорда облыстық кірістер басқармасымен бірлесіп, мемлекеттік қызметкерлерге жыл сайынғы салық есептілігін тапсыру үшін ЭЦҚ-ны аша алады. Осы орайда, халыққа қызмет көрсету орталығының мамандары кіріс басқармасына іссапарға жіберіліп, мемлекеттік қызметкерлер электрондық цифрлық қолтаңбаны ашуға болатындығын хабарлайды.
Енді аймағымыздағы мемлекеттік қызметкерлер ХҚКО-ға бармай-ақ сол жерде ЭЦҚ ала алады. ЭЦҚ алу үшін өзімен бірге жеке куәлігі және флэш тасығыш болуы қажет.
Бұдан басқа, әлі өтпеген ЭЦҚ-ның мерзімін Ұлттық куәландырушы орталықтың pki.gov.kz. сайтында ұзартуға болады.
Салық төлеушілерге ЭЦҚ мемлекеттік қызметтерді алу үшін қажет. Оның көмегімен қазақстандықтар салықтық өтініш беріп, есептілікті тапсыра алады және тоқтата алады.

Мемлекеттік қызметкерлер кіріс басқармаларынан ЭЦҚ ала алады

<a href="https://kyzylorda-news.kz/">Kyzylorda-news.kz.</a> Биыл қазанда өтетін Ұлттық халық санағы екі кезеңнен тұрады. Бұл туралы ҚР Ұлттық экономика министрлігі Статистика комитетінің төрағасы Нұрболат Айдапкелов айтты, деп хабарлайды <a href="http://lenta.inform.kz/kz/biyl-kazan-ayynda-ulttyk-halyk-sanagy-otedi_a3614224">ҚазАқпарат</a>.
<blockquote>
 «2020 жылы Қазақстан Республикасының Ұлттық халық санағын өткізу уақыты мен кезеңі. Халық санағы шартты екі кезеңнен тұрады. Дайындық кезеңі 1-30 маусым аралығында болады. Бұл кезеңде интервьюерлер үйлерді аралап, онда тұратын тұрғындардың нақты санын анықтайды. Осы кезеңде санақты аудандарға бөлу дайындық жүргізіледі, – дейді Нұрболат Айдапкелов Орталық коммуникациялар қызметінде өткен баспасөз конференциясында.
</blockquote>
Ол санақты аудандарға бөлудеген өңірдегі әрбір елді мекеннің аумағын санақты өткізу үшін нұсқаушылық және есептік учаскелерге бөлу екенін айтты.
<blockquote>
 «Екінші, яғни негізгі кезең 1-30 қазан аралығында болады. Қазан айының 1 мен 15 аралығында, яғни тікелей халық санағының алғашқы 15 күнінде интернет-сауалнама жүргізіледі. Интернет-сауалнамада респонденттер өзіне және отбасы мүшелеріне Интернет желісі арқылы sanaq.gov.kz арнайы сайтында санақ парақтарын өз бетінше толтырады. Сонымен бірге, сайтта респонденттерге арналған түсіндірмелер мен арнайы виртуалды көмекші де бар. Интернет-сауалнамамен қатар 1-30 қазан аралығында интервьюерлер жаппай сауалнама жүргізеді. Сауалнама жауаптары планшетке енгізіледі. Интернет арқылы мәліметтер берген респонденттер интервьюерлер жүргізетін сауалнамаға қатыспайды. Халыққа сауалнама жүргізу барысында респондентті сәйкестендіру үшін сұралатын адамның ЖСН-і пайдаланылады. Сауалнама аяқталғанда халық санағынан өткені туралы анықтама беріледі», – дейді ол.
</blockquote>

Биыл қазан айында Ұлттық халық санағы өтеді

<a href="https://kyzylorda-news.kz/">Kyzylorda-news.kz.</a> Қызылорда облысындағы «Ақшабұлақ» кен орнының газ турбиналық электр станциясында 2019-2020 жж. күзгі-қысқы кезеңі апатсыз режимде өтуде.
Жауапты мекеменің дерегінше 2020 жылғы 13 ақпандағы жағдай бойынша «Кристалл Менеджмент» АҚ-ның Ақшабұлақ газтурбиналық электр станциясында барлық №1,2,3 газтурбиналық қондырғылары жұмыс істеп жатыр. Электр энергиясын өндіру 93,2 МВт-ты орташа тәуліктік сағаттық қуатты Қарағанды қаласының Орталық өңірлік диспетчерлік орталығына 88,8 МВт-ты құрайды және «Ақшабұлақ», «Ақсай», «Нұралы-1», «Нұралы-2» кен орындарында электр энергиясына деген қажеттілікті 100%, 50 МВт-тан астам энергия қуаты Ұлттық электр желісіне беріледі.
Электр станциясы белгіленген режимде тұрақты және сенімді жұмыс істейді.

Қызылорда облысындағы «Ақшабұлақ» кен орнында жағдай тұрақты

<a href="https://kyzylorda-news.kz/">Kyzylorda-news.kz.</a> Ұлттық халық санағын жүргізуге 32,5 мың адам тартылмақ. Бұл туралы ҚР Ұлттық экономика министрлігі Статистика комитетінің төрағасы Нұрболат Айдапкелов айтты, деп хабарлайды <a href="http://lenta.inform.kz/kz/ulttyk-halyk-sanagy-kezinde-mugalimder-zhumyska-tartyla-ma_a3614240">ҚазАқпарат</a>.
<blockquote>
 «Ұлттық халық санағы кезінде мұғалімдер тегін түрде жұмысқа тартылмайды. Ақылы түрде, өз еркімен жұмыс істеуіне мүмкіндік беріледі. Жалпы, санақ жүргізуге қойылатын азаматтарға қойылатын талаптар: 18 жастан асқан Қазақстан Республикасының азаматы, бастамашыл, жауапты, тез тіл табысқыш болуы керек. Жұмыс өтілі мен кәсіби біліміне талаптар қойылмайды, тек планшетпен жұмыс істей білуі керек», – дейді Нұрболат Айдапкелов Орталық коммуникациялар қызметінде өткен брифингте.
</blockquote>
Тұрғын үйлерге барған кезде интервьюерлерде халық санағының логотипі бар куәлік, сөмке, шарфтың болуы міндетті.
Еске салсақ, биыл қазанда өтетін Ұлттық халық санағы екі&nbsp;кезеңнен тұрады.

Ұлттық халық санағы кезінде мұғалімдер жұмысқа тартыла ма?

<a href="https://kyzylorda-news.kz/">Kyzylorda-news.kz.</a> Қызылорда облысында пробация қызметінің есебінде тұрған сотталғандарға әлеуметтік- құқықтық көмек көрсету жұмыстары белсенді жүргізіліп жатыр.
&nbsp;Қазалы аудандық пробация қызметі мен аудандық жұмыспен қамту бөлімі пробация есебіндегі жұмыссыз азаматтарды жұмыспен қамту мақсатында&nbsp; «Атамекен» Ұлттық Кәсіпкерлер палатасының «Бастау Бизнес» жобасы бойынша бір айлық «кәсіпкерлік негіздері» курсын 4 сотталған азаматты тегін оқытты. Бір айлық курсты аяқтап, сертификат алған қазалылық азаматқа&nbsp; жаңадан бастаған кәсіпті қолдау&nbsp; мақсатында «Нәтижелі жұмыспен қамту және жаппай кәсіпкерлікті дамытудың» 2017-2021 жылдарға арналған мемлекеттік бағдарламасы аясында&nbsp; 252 500 &nbsp;теңге қайтарымсыз грант берілді. Жеке кәісбін&nbsp; ағаш өңдеу&nbsp;цехын ашудан бастаған азамат Қазалы &nbsp;ауданында кәсібін дөңгелетіп отыр. Қазіргі таңда кеңсе үстелдеріне, үй жиһаздарына тапсырыстар алған. Әзірге өзі ғана жұмыс жасайды.
<blockquote>
 «Біз сияқты аяғын шалыс басқан азаматтарға мемлекеттің беріп отырған осы мүмкіндігін уақыт жоғалтпай тиімді пайдаланып, «Бастау Бизнес» жобасын тегін оқып сертификат алдым. Мемлекеттен қайтарымсыз 252&nbsp;500 теңге грант&nbsp; берді. Ағаш өңдеу цехын ашсам деген мақсат болды. Кәсібімді ашып, тапсырыстар қабылдап жатырмын. Осыншама көмек беріп жатқан&nbsp;мемлекетімізге, Президентімізге рахмет, бізді қоғамнан сотталған деп бөлмей,&nbsp; көмек беріп жатқанына» – дейді&nbsp; пробация есебінде тұрған қазалылық тұрғын.
</blockquote>
Айта кетейік сертификат алған&nbsp; 3 сотталған аудан тұрғыны өз кәсібін ашу мақсатында несие алу үшін тиісті құжаттар дайындап жатыр.
<img src="https://kyzylorda-news.kz/wp-content/uploads/2020/02/13kazalysekh2.jpg" alt="" />
<img src="https://kyzylorda-news.kz/wp-content/uploads/2020/02/13kazalysekh3.jpg" alt="" />

Қазақстан және Қызылорда облысының жаңалықтары: Қоғам

Бақытбек Смағұл: Дұңған қариялары қазақтардан басын иіп тұрып кешірім сұрады

Байқоңырда көпқабатты тағы 5 тұрғын үй салынады

Қызылордада ауыл шаруашылығы өнімінің экспорт көлемі өсті

Ержан Уәйіс: Қазақстанда өмір сүріп жатқан өзге ұлт өкілдерінің жаны қазақ халқымен бір болуы қажет

Қызылордадағы “Қорқыт ата” әуежайының құрылысы 2020 жылы басталады

Қызылордалық полицейлер шетелдік көлік иелеріне түсіндірме жұмыстарын жүргізуде

Сәулет Сахиев: Тәртіп бұзғандар жауапкершілікке тартылуы тиіс

Мемлекеттік қызметкерлер кіріс басқармаларынан ЭЦҚ ала алады

Биыл қазан айында Ұлттық халық санағы өтеді

Қызылорда облысындағы «Ақшабұлақ» кен орнында жағдай тұрақты

Ұлттық халық санағы кезінде мұғалімдер жұмысқа тартыла ма?

Жазасын өтеп келген қазалылық тұрғын ағаш цехын ашты

Қазақстан және Қызылорда облысының жаңалықтары: Қоғам

Бақытбек Смағұл: Дұңған қариялары қазақтардан басын иіп тұрып кешірім сұрады

Байқоңырда көпқабатты тағы 5 тұрғын үй салынады

Қызылордада ауыл шаруашылығы өнімінің экспорт көлемі өсті

Ержан Уәйіс: Қазақстанда өмір сүріп жатқан өзге ұлт өкілдерінің жаны қазақ халқымен бір болуы қажет

Қызылордадағы &#8220;Қорқыт ата&#8221; әуежайының құрылысы 2020 жылы басталады

Қызылордалық полицейлер шетелдік көлік иелеріне түсіндірме жұмыстарын жүргізуде

Сәулет Сахиев: Тәртіп бұзғандар жауапкершілікке тартылуы тиіс

Мемлекеттік қызметкерлер кіріс басқармаларынан ЭЦҚ ала алады

Биыл қазан айында Ұлттық халық санағы өтеді

Қызылорда облысындағы «Ақшабұлақ» кен орнында жағдай тұрақты

Ұлттық халық санағы кезінде мұғалімдер жұмысқа тартыла ма?

Жазасын өтеп келген қазалылық тұрғын ағаш цехын ашты

Қызылордадағы “Қорқыт ата” әуежайының құрылысы 2020 жылы басталады