<a href="https://kyzylorda-news.kz/">Kyzylorda-news.kz</a>. 31 мамыр – XX ғасырдағы кеңестік биліктің тоталитарлық саясаты салдарынан саяси қуғын-сүргінге ұшыраған қайраткерлеріміз бен ашаршылық құрбандарын еске алатын тарихымыздағы қасіретті күн. Бірлігі кетіп, берекесі қашқан сол кезеңде халқымыздың жартысына жуығы құрбан болып, жарты миллионнан астамы бас сауғалап шет елдерге үдере көшуге мәжбүр болды.
Қазақстан тәуелсіздік алғаннан кейін 1993 жылы 14 сәуірінде “Жаппай саяси қуғын-сүргін құрбандарын ақтау туралы” заң қабылданды. Осы мақсатта 1998 жылы Қызылорда қаласында да ашаршылық қуғын-сүргін құрбандарына арнап ескерткіш орнатылды. Қаңқа негізінде қаңылтыр табақтарынан жасалған қуыс металды элементтердің үстіңгі бөлігінде қосылған үшбөлікті құрылыс астына қарай үш сәулелерімен тарқалады және бетоннан жасалған стилобатқа негізделген. Бетонды стилобаттың ортасында гранит тақта орнатылған. Тақтайшада көгершіннің бейнесі және 97 саны, сонымен бірге қазақ және орыс тілдерінде – «Татулық пен еске алу жылы», «Год согласия и памяти» деген сөздер қашалып жазылған. Ескерткіштің биіктігі – 10 метр. Ескерткіштің авторы – сәулетші Мәлік Сапарғалиев.
Тарихи белгіні салу үшін бұл жер бекер таңдалмаған. Ел арасында бұл төбе бір кездегі қанды қырғынның куәсі екені де жиі айтылады. Бұлай деуге негіз бар. Облыстық «Ленин жолы» (қазіргі «Сыр бойы») газетінің тілшісі, журналист Мырқы Исаев – тарихи әділеттілікті қалпына келтіруге үлес қосқан адамдардың бірі. Ұлттық қауіпсіздік комитетінің құрметті ардагері, отставкадағы полковник Әмірхан Бәкірұлы сұхбатында «Тоқсаныншы жылдары ағамыздың бастамасымен ату жазасына кесілгендердің жерленген орнын іздестіру басталды. Қауіпсіздік органдарының қызметкерлеріне ауыр жаза Қарауылтөбе қыстағы, қаладағы Куйбышев көшесінің бойы, Тасбөгет кентінің маңайындағы аумақта орындалғанын жеткізді. Дәлел ретінде Сырдария аудандық «Жаңадария» газетіндегі «Қырық молдаға түскен құрық», Тереңөзек аудандық «Еңбек туы» газетіндегі «Алтын тіс арқылы танылған өлік» мақалаларын ұсынды.
2017 жылы мемориалды ескерткіштің бастапқы қалпын сақтай отыра қайта жаңғырту жұмыстары жүргізіліп, аумағы абаттандырылды.
Мемориалды ескерткіш мазмұны жағынан «біз біргеміз» елімізде бейбітшілік болсын, ендігі жерде бұндай қасірет болмасын деген көрініс пен 1937-1938 жылдардағы саяси репрессияда «халық жауы» атанып, жапа шеккен алаш арыстарының ақталғандығының көрінісін береді.
Ескерткіш бүгінде «Қазақстанның киелі жерлерінің географиясы» жобасы аясында «Өңірлік қасиетті нысандар» тізіміне енгізілген. Сонымен қатар, Қызылорда облысы тарихи-мәдени мұра объектілерінің 3D форматтағы интерактивті картасына (www.virtualmap.xyz) енгізілген.

31 мамыр &#8211; Саяси қуғын-сүргін құрбандарын еске алу күні

<a href="https://kyzylorda-news.kz/">Kyzylorda-news.kz</a>.&nbsp; ҚР Президенті Қасым-Жомарт Тоқаев Саяси қуғын-сүргін және ашаршылық құрбандарын еске алу күніне байланысты үндеу жариялады.
Мемлекет басшысы Қасым-Жомарт Тоқаевтың Саяси қуғын-сүргін және ашаршылық құрбандарын еске алу күніне байланысты үндеуі
Құрметті отандастар!
Бүгін, 31 мамыр – ел тарихындағы ең азалы кезеңнің бірін еске алу күні.
Өткен ғасырдың алғашқы жартысындағы саяси қуғын-сүргін Кеңес Одағы дәуіріндегі миллиондаған азаматтың тағдырына таңба салды. Қазақстанда жүз мыңнан астам адам жазықсыз сотталып, оның төрттен бірі өлім жазасына кесілді.
Еліміздің аумағында он бір еңбекпен түзеу лагері болды. Қазақстан Республикасының Тұңғыш Президенті Нұрсұлтан Назарбаевтың бастамасымен қасірет мекені КАРЛАГ пен АЛЖИР-де тоталитарлық жүйенің шексіз қатігездігін үнемі еске салып тұратын тарихи мемориалды кешендер ашылды.
Зұлмат заманда тұтас халықтар қудалауға түсті. Туған жерінен зорлықпен көшірілген бес миллионға жуық адам қасиетті қазақ жерінен пана тапты. Қазақстан олардың құтты мекеніне айналды.
Ұлтымыз алапат аштықтың зардабын тартып, орны толмас шығынға ұшырады. Шектен шыққан ұжымдастыру науқаны Ұлы даланы бұрын-соңды болмаған ауқымды гуманитарлық апатқа ұрындырды.
Халқымыз небір зобалаңды көрсе де рухын аласартқан жоқ. Бірлігін бекемдеп, ынтымағын арттыра түсті.
Тәуелсіздік таңы атқаннан кейін біз арыстарымызды ақтауға кірістік. Кезінде жазықсыз жазаланған мыңдаған азаматтың есімін ел жадында жаңғырттық.
Былтыр қуғын-сүргін құрбандарын толық ақтау үшін&nbsp;<a href="https://www.inform.kz/kz/kugyn-surgin-kurbandaryn-aktau-buryn-belgisiz-derekterdi-zhuyeleu-zhurip-zhatyr_a3794481">Мемлекеттік комиссия</a>&nbsp;құрылды. Комиссия солақай саясаттан жапа шеккен қазақстандықтарға қатысты тарихи әділдікті қалпына келтіруге тиіс. Бұл – мемлекеттің ғана міндеті емес, бүкіл қоғамның парызы.
Төл шежіреміздегі қайғылы кезеңдерді ұлттық бірегейлігімізден бөле-жара қарау мүмкін емес. Сондықтан, біз саяси қуғын-сүргін және ашаршылық құрбандарының рухына тағзым етіп, есімдерін мәңгі есте сақтаймыз.
Тарихтан тағылым алып, мұндай тауқымет ешқашан қайталанбауы үшін бәрін жасайтын боламыз.

Қасым-Жомарт Тоқаев: Біз саяси қуғын-сүргін және ашаршылық құрбандарының есімдерін мәңгі есте сақтаймыз

<a href="https://kyzylorda-news.kz/">Kyzylorda-news.kz</a>.&nbsp; «Қазгидромет» РМК-сы мамырдың 31-і күнгі ауа райы болжамын жариялады.
Кәсіпорынның&nbsp;<a href="https://www.kazhydromet.kz/weather/prognoz-vazhneyshih-meteorologicheskih-yavleniy">болжамына</a>&nbsp;қарағанда, 31 мамырда Қазақстанның басым бөлігі циклонның ықпалында болады және атмосфералық фронталды бөліктердің өтуіне орай кей жерлерде найзағай мен жаңбыр жауады.
Елдің тек шығысында, антициклон жотасының әсерінен күн жауын-шашынсыз болады. Республиканың кей жерлерінде жел күшейіп, дауыл тұрады, оңтүстікте шаңды дауыл тұрады, бұршақ жаууы ықтимал.
Таңертең Қызылорда облысында найзағай ойнап, шаңды дауыл тұрады, желдің жылдамдығы секундына 15-20 метрге жетеді, екпіні 25 м/с болады.
Күндіз Қызылордада аптап ыстық болады.

Дүйсенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қазақстанда сыбайлас жемқорлықтың орын алуы жайлы хабарлаған азаматтарға берілетін сыйақы мөлшері артты.
Бұл туралы ҚР сыбайлас жемқорлыққа қарсы іс-қимыл агенттігінің елордалық департаментіндегі превенция және парасаттылық басқармасының басшысы Марат Хайруллин мәлімдеді.
<blockquote>
 “Сыбайлас жемқорлық құқық бұзушылық фактісі туралы хабарлаған немесе сыбайлас жемқорлыққа қарсы іс-қимылда өзге де жолмен жәрдемдесетін адамдарға біржолғы ақшалай сыйақы нысанында жүзеге асырылатын көтермелеу белгіленеді. Қағидалармен регламенттелген көтермелеу сыбайлас жемқорлыққа мүлдем төзбеушілікті қалыптастыру және азаматтық қоғамды осы қауіпті әлеуметтік құбылыспен күреске тарту бойынша пәрменді ынталандыру тетігі болып саналады”, – деді Марат Хайруллин елордадағы Antikor ortalyǵy алаңында онлайн өткен баспасөз мәслихатында.
</blockquote>
Оның айтуынша, сыбайлас жемқорлыққа қатысты хабарламаға берілетін сыйақы ережесіне халықаралық тәжірибеге сүйене отырып өзгерістер енгізілді.
<blockquote>
 “Экономикалық ынтымақтастық және даму ұйымы елдерінің тәжірибесі бойынша (Германия, Ұлыбритания, АҚШ) сыйақы сомасы сараланған сомаға айналды. Енді пара немесе келтірілген залал сомасы 1 мың АЕК-тен (2 млн 917 мың теңге) аспайтын сыбайлас жемқорлық құқық бұзушылық туралы хабарлама үшін сыйақы (қылмыстың ауырлығына байланысты) 30-дан 100 АЕК-ке дейінгі соманы құрайды. Көрсетілген сомадан артық – сыйақы көлемі 10% – ды құрайды, бірақ 4 мың АЕК-тен аспайды (11 млн 668 мың теңге) Бұрын сыйақыны көтермелеудің ең жоғары мөлшері 100 айлық есептік көрсеткіштен (291 мың 700 теңге) аспайтын”, – дейді ол.
</blockquote>
Сондай-ақ, басқарма басшысы аталған сыйақының республикалық бюджет қаражаты есебінен жүргізілетінін айтты.

Қазақстанда жемқорлық туралы хабарлағандарға 11 млн теңге беріледі

<a href="https://kyzylorda-news.kz/">Kyzylorda-news.kz</a>. Халықаралық балаларды қорғау күні орай аймақта мерекелік шаралар 20 мамыр мен 12 маусым аралығында «Бақытты бала – бақытты ел» тақырыбында ұйымдастырылады. Карантиндік талаптар қатаң сақталатын болады. Бұл туралы Өңірлік коммуникациялар қызметінің ақпарат алаңында облыстық білім басқармасы басшысының орынбасары Бағдат Бердәулетов мәлімдеді.
<blockquote>
 «1 маусым күні – Қызылорда қаласы және барлық аудан орталықтарында, қалалық демалыс паркінде, қалалық тарихи өлкетану музейі, студенттер сарайы, облыстық филармония залында, Н.Бекежанов атындағы музыкалық-драма театрында балаларға арналған шығармашылық іс-шаралар өткізіледі. Атап айтсақ, «Бала шақтан болашаққа» тақырыбындағы облыстық форум, жазғы мектеп ашылу рәсімі және «Бағдарламалау мектебі» жобасының презентациясы, «Жұлдызай» балалар шығармашылық фестивалінің қорытынды марапаттау кеші, «Балалар еңбегін қанауға қарсы 12 күн» ұлттық ақпараттық науқаны, балалардың жазғы сауықтыру демалысы кезеңінің ашылуы, қайырымдылық акциялар», – деді Бағдат Бердәулетов.
</blockquote>
Облыста 9 сауықтыру орталығы мен демалыс лагері бар. Биыл оның 8-і жұмыс жасайды. Онда 10556 мың бала демалыспен қамтылады. Ал мектеп жанындағы 275 күндізгі лагерге 90 263 бала барады.
Сондай-ақ, 1-12 маусым аралығында «Бала еңбегін қанауға қарсы 12 күн» Ұлттық ақпараттық науқаны өткізіледі. «Бақытты балдәурен», «Әлем балалардың көзімен», «Бала – заңмен қорғалған тұлға», «Еңбектен бос балалық шақ», «Балалар еңбегін пайдалануға жол жоқ!», «Біз бала еңбегіне қарсымыз» тақырыптарында облыстық музейде экскурсия, лекция, дөңгелек үстелдер ұйымдастырылады. Науқан аясында Қызылорда облысының полиция департаментінің жергілікті полиция қызметі, еңбек саласындағы бақылау және білім басқармалары мен үкіметтік емес ұйымдармен бірге «Отбасында зорлық-зомбылық жоқ!», «Түнгі қаладағы балалар», «Жасөспірім», «Көше» атты кең ауқымды рейдтік шаралар өткізу жоспарланған.
<blockquote>
 «Рейд барысында орталық базар, көлік жуу орындары, қалалық демалыс паркі және компьютерлік клубтарды аралап, бала еңбегін заңсыз пайдалануды болдырмау мақсатында жеке кәсіпкерлерге және балалардың ата-аналарына ақпараттық-түсіндірме жұмыстары жүргізіледі», – деді облыстық еңбек саласындағы бақылау басқармасының бөлім басшысы Нұрбек Жапаков.
</blockquote>
<img src="https://kyzylorda-news.kz/wp-content/uploads/2021/05/191897634_1298705327191643_6223094441565716906_n.jpg" alt="" />

Қызылорда: Биыл балалар мерекесі қалай өтеді?

<a href="https://kyzylorda-news.kz/">Kyzylorda-news.kz</a>. Қазақстанда биыл 55,7 мың адам жұмысынан айырылуына байланысты жәрдемақы рәсімдеген. Олардың ішінде 33,3 мың адамға төлем алғаш рет тағайындалды, деп хабарлайды еңбек министрлігі.
Заңға сәйкес, Қазақстанда жұмысынан айырылған адамдарға міндетті әлеуметтік сақтандыру жүйесіне қатысу өтіліне және соңғы 24 айдағы табысына байланысты 1 айдан 6 айға дейін әлеуметтік төлем төленеді.
Жәрдемақы мөлшері жоғалған кірістің 40%-інен аспайды.
Төлем алу үшін жұмыстан босатылған жұмыскер мына қадамдарды орындауы шарт:
<ul>
<li>eGov.kz порталына тіркелу;</li>
<li>“Жұмысқа орналастыру және жұмыспен қамту” бөлімінде “Жұмыс іздеуші адамдарды тіркеу” қызметін таңдау;</li>
<li>онлайн-қызметке тапсырыс беріп, барлық жолды толтыру және оған ЭЦҚ-мен қол қойып, өтінім жіберу;</li>
<li>бір күн ішінде тұрғылықты жеріңіздегі халықты жұмыспен қамту орталығы бос жұмыс орындарын ұсынады;</li>
<li>егер жұмыс табылмаса, 3 жұмыс күні ішінде қашықтан жұмыссыз мәртебесі беріледі. Қажет болған жағдайда қосымша ақпарат жинау үшін ХЖҚО қызметкері хабарласады.</li>
</ul>
Жұмыссыз мәртебесін алғаннан кейін азаматтың телефонына төлем алуға келісіп-келіспейтіні туралы SMS-хабарлама жіберіледі. Келіскен жағдайда SMS-ке жауап беру қажет. Төлем автоматты түрде тағайындалады.

Жұмыссыз қалған 55 мыңнан астам адамға жәрдемақы төленеді

<a href="http://Kyzylorda-news.kz.">Kyzylorda-news.kz.</a> «Қазгидромет» РМК-сы мамырдың 30-ы күнгі ауа райы болжамын жариялады.
Қазақстан территориясының басым бөлігінде атмосфералық фронталды бөліктерді өтіп, кей жерлерде найзағай ойнап, жаңбыр жауады, оңтүстік-шығыста бұршақ жаууы ықтимал.
Республиканың кей жерлерінде желдің күшейіп, солтүстікте және оңтүстік-батыста тұман түседі. .

Жексенбіге арналған ауа райы болжамы

<a href="https://kyzylorda-news.kz/">Kyzylorda-news.kz</a>. Ресейлік диетолог Ольга Кораблева кейбір адамдар үшін құлпынайдың зиян екенін айтты.
Оның айтуынша, құлпынай тамақ аллергиясын тудыруы мүмкін, әсіресе егер адамда асқазан-ішек жолдары проблемасы болса.
“Ауыр жағдайларда анафилактикалық шок алуы да ықтимал”, — деді Кораблева.
Маман балада аллергия болмауы үшін емізетін аналар мен жүкті әйелдерге құлпынай жемеуге кеңес берді. Балаларға да бұл жидекті бермеген дұрыс.
Ольга Кораблева құлпынайдан ауыр гастрит пен асқазан жарасы да пайда болатынын атап өтті. Өйткені, оның құрамында оксал қышқылы бар, деп түсіндіреді Кораблева.
Құлпынайды аш қарынға жеу де зиянды. Себебі, ол өте қышқыл жидек.
Диетолог құлпынайды&nbsp;негізгі тамақтан кейін десерт ретінде жеуді ұсынды.
Stan.kz

Диетолог құлпынайдың зиян екенін айтты

Kyzylorda-news.kz. ҚР Қарулы Күштерінің материалдық-техникалық қамтамасыз ету және қаруландыру бөлімінің бастығы полковник Асылбек Сатвалдинов ұсталды, деп хабарлайды ҚазАқпарат.
<blockquote>
 «2021 жылдың 28 мамырында құқық қорғау органдары Қазақстан Қарулы Күштерінің материалдық-техникалық қамтамасыз ету және қаруландыру бөлімінің бастығы полковник Асылбек Сатвалдиновты ұстады. Тергеу мүдделеріне қатысты қалған ақпарат жария етуге жатпайды», – деп жазылған Қорғаныс министрлігінің баспасөз қызметі растаған мәліметте.
</blockquote>

Қорғаныс министрлігінің офицері ұсталды

Kyzylorda-news.kz. Арал ауданының әкімі Серік Сермағамбетов аудан орталығындағы теміржол өткелінің жағдайымен және вакциналау жұмысының барысымен танысты.
Ең алдымен өңірдегі өзекті деген мәселеге назар аударған аудан басшысы көлік кептелісін және басқа да кедергілерді болдырмау үшін тиімді деп табылған аспалы көпір салуға таңдалған орындарға арнайы барды. Көпір құрылысын салуға ыңғайлы деп танылған үш орынмен жекелей танысып өткен аудан әкімі маңызды деген мәселелерге назар аудару керек екендігін жеткізді.
Айта кету керек, қазіргі таңда Арал қаласынан салынатын темір жол арқылы автомобиль көпірі құрылысының техникалық-экономикалық негіздемесі әзірленіп, мемлекеттік сараптамадан өткізілді. Көпір құрылысының жоба сметалық құжаттамасын әзірлеу үшін облыстық бюджеттен қаржы қаралып, бүгінгі күні мемлекеттік сатып алу жұмыстары жүргізілуде.
Одан әрі аудан әкімі А.Байтұрсынов емханасына ат басын бұрып, қауіпті індетке қарсы вакциналау жұмыстарының жай-күйімен танысты. Вакциналау жұмыстарының барысын баяндап өткен Арал ауданаралық ауруханасы бас дәрігерінің орынбасары Лаура Жанысқызы аудандағы денсаулық сақтау мекемелері, ондағы қажетті деген құрал-жабдықтардың қоры мен сала мамандары жайлы толыққанды ақпар беріп өтті.
Атап өтейік, ауданда жыл басынан бері коронавирус инфекциясына шалдыққандар саны 130-ды құрады. Қазіргі таңда провизорлық стационарда 15 адам ем қабылдап жатса, үй карантиніне алынғандар саны 13. Жалпы бүгінге дейін індетке қарсы 5938 тұрғын екпе қабылдаған.
<img src="https://kyzylorda-news.kz/wp-content/uploads/2021/05/fb_img_1622258572999.jpg" alt="" />
<img src="https://kyzylorda-news.kz/wp-content/uploads/2021/05/fb_img_1622258568997.jpg" alt="" />
<img src="https://kyzylorda-news.kz/wp-content/uploads/2021/05/fb_img_1622258583336.jpg" alt="" />
<img src="https://kyzylorda-news.kz/wp-content/uploads/2021/05/fb_img_1622258586507.jpg" alt="" />

Аралдың жаңа әкімі жұмысты неден бастады?

Kyzylorda-news.kz. Несиесі жоқ, қарызы жоқ, уайымы жоқ адамды кездестіру қиындап бара жатқандай. Әсіресе алдыңғы қарызын жабу үшін тағы қарыз алып, бірнеше миллион қарызға бат жан болса, тіпті өмірден түңіліп, адаммен араласудан қалуы мүмкін. Мұның түбі өзіне қол жұмсауға апаруы да ықтимал. Сондықтан адам алдымен миын «қарызымды қалай жабамын» деген мазасыз ойдан арылтып, өз-өзіне келіп алғаны абзал.
Алдымен кімге қанша берешегіңіз бар, сізге кім қанша сома қарыз, барлығын есіңізге түсіріп, қағазға жазып алыңыз. Барлық қарызды қосып, мойныңызда қанша қарыз барын есептеп шығарыңыз. Осылай қағазға түсірген кезде ғана оның қаншалықты көп екеніне немесе сіз ойлағандай адам шошырлық сома емес екеніне көзіңіз жетеді. Осылай бәрін қағазға түсіріп, миды ойша есептеп, шегіне жете алмай жүрген бір міндетінен арылтыңыз.
Ең аз, қазір шамаңыз келетін сомадан бастап қайтаруға кірісіңіз. Бәлкім, біреуден 3 мың, біреуден 5 мың алған шығарсыз. Осындай азын-аулық қарыздан құтылған кезде миға аз ба, көп пе, бәрібір, қолымнан келеді екен, қарыздан құтылуға болады екен деген сигнал барады. Қағаздағы әр қарызды төлеген сайын сызып тастап не белгі қойып отырған кезде жаныңыз жай таба бастайды.
Танысыңыздан қарыз алып, оны біраз уақыт қайтармай, қоңырауына жауап бермей, қашқақтап жүрсеңіз, бұл үш жасар баланың әрекетіне тең екенін еске саламыз. Күндердің күнінде ол адам алдыңыздан шығады. Сонда қашып құтыла алмай қипақтағанша, мәселеге бетпе-бет қарап, қазірден басын ашып алыңыз. Адам сияқты хабарласып, жағдайыңызды түсіндіріп, шамамен қанша ай, қанша жылдан соң қайтара алатыныңызды айтып, келісімге келіңіз. Егер ол кезде де қайтара алмайтын жағдай болса, тағы келісіп мерзімін созуға болады. Бәлкім, сіз қарызын қайтара алмадым деп қиналып жүрген жан әлдеқашан сізден үмітін үзген шығар. Ондайда «кештім, қайтармай-ақ қой» деген жауап алсаңыз да таңданбаңыз. Бір қарыздан құтылдым деп есептеңіз, арқаңыздан бір ауыр жүк түскендей болады. Әрине, орайы келгенде қайтара жатасыз.
Несие алған болсаңыз, банкке өз аяғыңызбен барыңыз. Ол жерде де форма кигені болмаса, қарапайым сіз бен біз сияқты адам отырады. Жағдайыңызды айтып түсіндіріңіз. Бәлкім, төлейтін мерзімін созып, ай сайынғы ақысын азайтуға болатын шығар. Барлық жағдайды қарастырып көріңіз. Әйтеуір жауапкершіліктен қашып, бас сауғалап жүрмегеніңізге көзі жетсін. Бар екеніңізді, несиені қайтарудан бас тартпайтыныңызды білдіріңіз.
Ай сайынғы кіріс пен шығысты ұсақ-түйекке дейін қағазға жазып, саралап көріңіз. Сол нәрсені алмасаңыз болмайтындай не сізді еш бақытқа бөлемейтіндей шығындардан бас тартыңыз. Тізім жазған кезде, тапқан ақшаңыз қайда кетіп жатқаны, не нәрсеге бос ақша құртып жүргеніңіз көз алдыңызда айқын бейне боп шыға келеді. Осыдан қорытынды шығарып, ақшаны мейлінше үнемдеп, алдымен қарыздан құтылуға күш салыңыз. Ай сайын ақша артылатындай жағдай жасауға талпыныңыз, бір бөлігін аз болса да жинауға дағдыланыңыз.
Бұйырған бір күні барлық қарыздан құтылып аламын деп ғажайыпты күтіп жүруді тоқтаңыз. Мәселені тереңінен ойланып, саналы әрекетке көшіңіз. Өзіңізді ешкімнің алдында кінәлі сезінбеңіз. Үнемі қарызды қалай қайтарамын деген ойдың шырмауында жүре беруге болмайды. Барлығын толықтай қағазға түсіріп, миды босатыңыз. Сонда ғана ойыңызға ақшаның көзін табуға болатын жаңа идеялар келе бастайды.
Барлығымен келісіп, банктермен қайта келісімшарт жасасқан соң бойыңыз жеңілдеп қалары сөзсіз. Ары қарай ешқандай қарызы жоқ адам секілді өмір сүріңіз. Әлбетте, енді ешкімнен қарыз алмаймын деп өзіңізге сөз беріңіз.
<a href="https://massaget.kz/jigitterge/syin_sagatta/65231/">Massaget.kz</a>

Қарыздан құтылғыңыз келе ме?

Kyzylorda-news.kz. Қазақстанда өткен тәулікте 2658 адам коронавирус инфекциясынан жазылып шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 199,
Алматы қаласы – 521,
Шымкент қаласы – 168,
Ақмола облысы – 174,
Ақтөбе облысы – 104,
Алматы облысы – 464,
Атырау облысы – 25,
Шығыс Қазақстан облысы – 166,
Жамбыл облысы – 27,
Батыс Қазақстан облысы – 39,
Қарағанды облысы – 436,
Қостанай облысы – 72,
Қызылорда облысы – 29,
Маңғыстау облысы – 51,
Павлодар облысы – 132,
Солтүстік Қазақстан облысы – 24,
Түркістан облысы – 27.
Қазақстан бойынша жазылғандар саны – 351086.

Қазақстан және Қызылорда облысының жаңалықтары: Қоғам

31 мамыр – Саяси қуғын-сүргін құрбандарын еске алу күні

Қасым-Жомарт Тоқаев: Біз саяси қуғын-сүргін және ашаршылық құрбандарының есімдерін мәңгі есте сақтаймыз

Дүйсенбіге арналған ауа райы болжамы

Қазақстанда жемқорлық туралы хабарлағандарға 11 млн теңге беріледі

Қызылорда: Биыл балалар мерекесі қалай өтеді?

Жұмыссыз қалған 55 мыңнан астам адамға жәрдемақы төленеді

Жексенбіге арналған ауа райы болжамы

Диетолог құлпынайдың зиян екенін айтты

Қорғаныс министрлігінің офицері ұсталды

Аралдың жаңа әкімі жұмысты неден бастады?

Қарыздан құтылғыңыз келе ме?

Қызылордада коронавирустан жазылғандар бар

Қазақстан және Қызылорда облысының жаңалықтары: Қоғам

31 мамыр &#8211; Саяси қуғын-сүргін құрбандарын еске алу күні

Қасым-Жомарт Тоқаев: Біз саяси қуғын-сүргін және ашаршылық құрбандарының есімдерін мәңгі есте сақтаймыз

Дүйсенбіге арналған ауа райы болжамы

Қазақстанда жемқорлық туралы хабарлағандарға 11 млн теңге беріледі

Қызылорда: Биыл балалар мерекесі қалай өтеді?

Жұмыссыз қалған 55 мыңнан астам адамға жәрдемақы төленеді

Жексенбіге арналған ауа райы болжамы

Диетолог құлпынайдың зиян екенін айтты

Қорғаныс министрлігінің офицері ұсталды

Аралдың жаңа әкімі жұмысты неден бастады?

Қарыздан құтылғыңыз келе ме?

Қызылордада коронавирустан жазылғандар бар

31 мамыр – Саяси қуғын-сүргін құрбандарын еске алу күні