<a href="https://kyzylorda-news.kz/">Kyzylorda-news.kz</a>. Облыста бес айда тіркелген қылмыс саны 13 пайызға төмендеді. Қоғамдық орындарда, көшеде, мас күйінде, отбасы-тұрмыстық саласында жасалған қылмыстар саны азайды. Бұл туралы Өңірлік коммуникациялар қызметінің ақпарат алаңында облыстық полиция департаменті бастығының міндетін атқарушы Шамшидин Амитов баяндады.
<blockquote>
 «17 мамыр мен 16 маусым аралығында «Қауіпсіз жол» шарасы өтуде. Бұл шараның 30 күнінде жол қозғалысы ережесін бұзудың 10 мыңнан астам дерегі және көлік құралын масаң күйде басқарудың 104 дерегі анықталды. Ал 694 автокөлік айып алаңдарына қойылған. Қоғамдық қауіпсіздік пен отбасы саласындағы қылмыстық ахуалды тұрақтандыру бағытында маусымның 9-ы мен 16-сы аралығында «Тұрмыс» шарасы ұйымдастырылуда. Шара барысында 150 адамға қорғау нұсқамасы шығарылса, 17 адамның мінез-құлқына сотпен ерекше талаптар белгіленді», – деді Шамшидин Амитов.
</blockquote>
Сондай-ақ, 11-17 маусымда жасөспірімдердің арасындағы қылмысты болдырмау үшін «Түнгі қаладағы балалар» іс-шарасы өткізілді. Нәтижесінде 252 кәмелетке толмағандардың заңды өкілдері әкімшілік жауапкершілікке тартылды.
<blockquote>
 «Есепті мерзімде 409 алаяқтық қылмысы тіркелді. Орын алған алаяқтықтың 268 дерегі интернет немесе әлеуметтік желі арқылы жасалған. Сондықтан, сақтық шараларына ерекше назар аударып, ең алдымен заңгерлерден қажетті кеңестер алу қажеттігін ескертеміз. Біздің тарапымыздан интернет алаяқтық қылмысының алдын алу үшін, интернет желісіндегі күмән тудыратын сайттарды бұғаттау жұмыстары жүргізілуде»,- деді Шамшидин Амитов.
</blockquote>
<img src="https://kyzylorda-news.kz/wp-content/uploads/2021/06/200180004_1310854415976734_8541940967686022553_n.jpg" alt="" />

Шамшидин Амитов: Күмән тудырған сайттар бұғатталып жатыр

<a href="https://kyzylorda-news.kz/">Kyzylorda-news.kz</a>. Коронавирустық инфекцияның жаңа мутацияларының пайда болуына байланысты САК үкіметі биылғы 2021 жылы да қажылық рәсімдерін шектеу туралы шешім қабылдады. Бұл туралы Сауд Арабиясы Корольдігінің Қажылық және ұмра министрлігі хабарлады.&nbsp;
Үлкен қажылыққа Сауд Арабиясының азаматтары мен резиденттеріне ғана, барлығы 60 мың адамға қажылық міндетін өтеуге рұқсат берілмек. Демек, шетелдік мұсылмандар биыл да қажылыққа бара алмайды.&nbsp;
Қазақстан мұсылмандары діни басқармасы 2021 жылғы қажылық маусымына ниет еткен отандастарымызды сабыр сақтап, қандай да бір заңсыз жолмен қасиетті Мекке және Мәдина қалаларына бармауға кеңес береді.
<a href="https://taunews.kz/kz/news/rukhaniyat/%C9%99lem-m%D2%B1sylmandary-biyl-k-azhylyk-k-a-bara-almaydy?fbclid=IwAR09MCYkixAKPEf4i0XYHnZyxcg1o97oslLOBZ0ymL2UG6eMLmoDaUqW6JI">TauNews.kz</a>

Биыл әлем мұсылмандары қажылыққа бара алмайды

<a href="https://kyzylorda-news.kz/">Kyzylorda-news.kz</a>. Қазақстан Республикасы бойынша 2021 жылдың 17-19 маусымындағы ауа райы болжамы жарияланды, деп хабарлайды Қазгидромет.
Синоптиктердің хабарлауынша ел аумағында күн салқын әрі жаңбырлы болады.&nbsp;
Ауа-райы екі барикалық түзілімді құрайды, олар шығысқа қарай ауысқан ыстық және құрғақ антициклон және солтүстік-батыстан жақындаған суық циклон. Бұл ауа-райының тұрақсыз сипатына алып келеді, жаңбыр жауады, солтүстік жартысында қатты жаңбыр жауады, олар найзағаймен, екпінді желмен, бұршақтың түсуімен, елдің оңтүстігінде шаңды дауылмен қатар жүреді. Сондай-ақ температуралық фон батыста, солтүстік-батыста күндіз 25-33 жылыға дейін, солтүстікте 10-20 жылыға дейін, орталықта 20-28 жылыға дейін біртіндеп төмендейді деп күтілуде.

Алдағы екі күнге ауа райы болжамы жарияланды

<a href="https://kyzylorda-news.kz/">Kyzylorda-news.kz</a>.&nbsp;Денсаулық сақтау вице-министрі Ажар Ғиният алдағы уақытта&nbsp;балалар да «Ashyq» жобасы арқылы тексерістен өтетінін айтты, деп хабарлайды&nbsp;<a href="https://stan.kz/">Stan.kz</a>.&nbsp;
Вице-министрдің сөзінше, қазіргі таңда&nbsp;«Ashyq» жобасының ересектердің арасында тиімділігі тексеріліп жатыр. Ересектер арасында жоба тиімділігі дәлелденсе, балалар мектепке, оқу орындарына барған кезде осы жоба арқылы тексерілмек.&nbsp;
<blockquote>
 «Бүгінгі таңда балалардың арасында да аурушаңдық деңгейі өсіп отыр. Балалар да ауру таратып жатқаны белгілі. Бірақ біз «Ashyq» жобасының тиімділігін, коронавируспен күресудегі пайдасын&nbsp;әуелі ересек адамдардың арасында&nbsp; тексеріп жатырмыз. Ересектерді тексеруді ретке келтіріп алатын болсақ, балаларға да енгіземіз. Балалар мектепке, жоғарғы оқу орнына баратын кезде оларға да «Ashyq» жобасын енгізетін боламыз», –&nbsp;дейді Ғиният.
</blockquote>

Қазақстанда балалар «Ashyq» бойынша тексеріле ме?

<a href="https://kyzylorda-news.kz/">Kyzylorda-news.kz</a>. Депутат Қазақстанның бірқатар өңірінде болып жатқан жұтты жүйелі жұмыстың жоқ болуымен байланыстырды, деп хабарлайды «Хабар 24».
Депутат Еділ Жаңбыршин Мәжіліс отырысында елдегі жұт мәселесін көтерді. Оның айтуынша, қоршаған ортаға антропогендік әсерлер мен жалпы климаттың өзгеруі, алдымен еліміздің агроөндіріс кешеніне әсер ете бастаған. Теңіздер мен өзендердің тартылуы, жауын-шашынның нормадан аз түсуі көптеген аймақтың, соның ішінде Атырау, Ақтөбе, Қызылорда, Маңғыстау және Түркістан облыстарының ауыл шаруашылығына қиындық туғызды.
<blockquote>
 «Маңғыстау мен Қызылорда облыстарында ата-бабамыздан қалған асыл мұраның бірі төрт түлік малды ұстап отырған шаруашылықтар мен тұрғындар аса ауыр жағдайда. Елде орын алған су тапшылығы мен қуаңшылық жайылымдық жерлердің жағдайын кетірді. Осы жағдай тиісінше малдың шығынына әкелді. 2020 жылы Маңғыстауда 4883 мал басының өлімі тіркелсе, биыл бірінші тоқсан қортындысы бойынша, 1332 бас мал өлген. Бұл мәлімет тек сырғаланған, тіркелген мал шығыны бойынша ғана, ал, облыстағы малдың 56 пайызын құрайтын қалың бұқараның қанша малы қырылғаны белгісіз. Мұндай жағдай Қызылорда облысында да тіркеліп, 481 бас мал өлген», – деді депутат.
</blockquote>
Сонымен қатар, депутаттың айтуына қарағанда, бұл жағдай мал азығының бағасын еселеп көтеріп жіберген.
<blockquote>
 «Маңғыстауда бір түк шөптің бағасы 17 мың теңге болса, бір келі арпаның бағасы 95 теңгеге жетті. Ал көршілес Ақтөбе облысында сол бір түк шөп 4 мың теңге тұрады. Бағаны көтеріп отырған жол шығындары және осыдан пайда көріп қалайын деп отырған делдалдар. Осы зауалдың кесірінен қаншама отбасы ауыр жағдайға ұшырады, қаншама шаруашылық жер сипап қалды? Оның есебі бар ма? Осындай жұтта халыққа қалай көмек береміз? Әрине, халық бірінші кезекте Парламентке, Үкіметке арқа сүйейді», – деді Жаңбыршин.
</blockquote>
Депутат мемлекет малға азық тауып бере алмай жатқаны өте ұят жағдай екенін де айта кетті.
<blockquote>
 «Жалпы болып жатқан жағдай, әр өңірдің ерекшеліктерін ескерген, ғылыми зерттеулерге негізделген еліміздің мал шаруашылығын дамытуға және оның азығын дайындауға арналған жүйелі-жоспарлы жұмыстың жоққа жақын екенін айқын көрсетіп отыр. ХХІ ғасырда ғарышты игеріп, Аустралия мен Канадан асыл тұқымды мал алдырып, дүниенің бәрін цифрландырып жатқанда, малға азық тауып бере алмай жатқанымыз өте ұят! Қазақ атымызға сын емес пе?», – деді Еділ Жаңбыршин.
</blockquote>
Осыған байланысты депутат жұт жайлаған нақты аудандар мен аймақтарда шұғыл түрде жергілікті дәрежедегі төтенше жағдай жариялап, оларға тиісті бюджеттік көздерден және материалдық қорлардан нақты көмектер көрсетуді ұсынды. Сонымен қатар, зардап шегіп жатқан аудандарға мал азығын жеткізуді қамтамасыз етуді сұрады.

Жүйелі жұмыс жоқ – депутат Қазақстандағы жұт туралы

<a href="https://kyzylorda-news.kz/">Kyzylorda-news.kz</a>. Ashyq жүйесі бойынша анықталған «қызыл» мәртебесі бар 165 адам өзін-өзі оқшаулау режимін бұзғаны үшін әкімшілік жауапкершілікке тартылады.
Республикада карантиндік шектеулердің сақталуын бақылайтын мониторингтік топтардың жұмысы жалғасуда. Бүгінгі таңда Қазақстанның барлық өңірлерінде 1,8 мыңнан астам мониторингтік топ жұмыс істейді. 2021 жылдың қаңтары мен 13 маусымы аралығында ел өңірлерінде 103 762 рейд жүргізіліп, 630 757 нысан тексерілді. 
Жүргізілген жұмыс барысында мобильді топтар нысандарда карантиндік талаптарды бұзудың 17 043 оқиғасын анықтады.
13 маусымдағы жағдайға сәйкес шектеу шараларын, оның ішінде карантинді бұзғаны үшін 16 712 адам жауапкершілікке тартылды. Бұл ретте 9 670 кәсіпкерге қатысты жазалау шаралары қолданылды. Өндірілген айыппұлдың жалпы сомасы 1 352,2 млрд теңгеден асады. Сотқа 310 материал жіберілді.
Мұнымен қоса, 10 маусымнан бастап Ashyq жобасына қатысатын нысандарда «қызыл» мәртебесі бар 165 және «сары» мәртебесі бар 168 адам тіркелген. Санитариялық-эпидемиологиялық қызмет органдары оқшаулау режимін бұзушы «қызыл» мәртебесі бар азаматтарға қатысты әкімшілік құқық бұзушылық туралы істерді қозғау бойынша жұмысты бастады.
Еске салайық, өткен аптада КВИ-ға шалдыққан науқастар және олармен байланыста болған адамдар үшін оқшаулаудың міндетті режимін көздейтін санитариялық-эпидемиологиялық талаптар күшіне енген болатын. Белгіленген талаптарды орындамағаны үшін оқшаулау режимін бұзушыларға 30 АЕК немесе 87 510 теңге мөлшерінде айыппұл салынады (ҚР ӘҚБтК 452-бабы).

Ashyq: Қызылордада 165 адам оқшаулау режимін бұзған

<a href="https://kyzylorda-news.kz/">Kyzylorda-news.kz</a>.&nbsp; Қазақстанда өткен тәулікте 1267 адам коронавирус инфекциясынан жазылып шықты, деп хабарлайды coronavirus2020.kz.
Аймақтар бойынша: 
Нұр-Сұлтан қаласы – 305, 
Алматы қаласы – 222, 
Шымкент қаласы – 5, 
Ақмола облысы – 33, 
Ақтөбе облысы – 29, 
Алматы облысы – 12, 
Атырау облысы – 113, 
Шығыс Қазақстан облысы – 68, 
Батыс Қазақстан облысы – 168, 
Қарағанды облысы – 115, 
Қостанай облысы – 33, 
Қызылорда облысы – 17, 
Маңғыстау облысы – 53, 
Павлодар облысы – 44, 
Солтүстік Қазақстан облысы – 26, 
Түркістан облысы – 24.
Қазақстан бойынша жазылғандар саны – 379974.

Қызылордада 17 адам коронавирустан жазылып шықты

<a href="https://kyzylorda-news.kz/">Kyzylorda-news.kz</a>. Бүгінгі күні түзеу мекемелерінде аяғын шалыс басып жазасын өтеушілермен жүргізілетін тәрбие жұмысына айрықша назар аударылып отыр. Өйткені адамның түзелу жолына түсуі, қоғамға толыққанды адам ретінде қайтарылуы олармен жүргізілетін осы тәрбие жұмыстарының пәрменділігіне байланысты.
Қызылорда облысы бойынша ҚАЖ департаментіне қарасты ЗК-169/4 қауіпсіздігі барынша төмен мекемесінде мекеме қызметкерлері сотталғандарды тәрбиелеу ісіне бір кісідей жұмылып, бірқатар іс-шаралар атқарды.&nbsp; Жыл басынан мекемеден бой тасалау дерегі орын алған жоқ.Мұны мекеме қызметкерлерінің&nbsp; оның ішінде режим, жедел жұмыстар, сотталғандардың еңбегінің ұйымдастыру бөлімдері мен сотталғандар арасында тәрбие жұмысы бөлімдерінің бірлескен іс-қимылдарының оң нәтижесі. Жаңадан келген сотталғандармен бірінші күннен бастап әңгіме өткізіледі,онда&nbsp; оны режим ережелерімен, ішкі тәртіппен, міндеттері, яғни құқығымен тәртіптік жаза қолдану мен мадақтау шараларының негізгі және тәртібімен таныстырады.
Сонымен бірге оларды мәдени-көпшілік және спорттық шараларға тарту, белсенді қатыстырудың маңызы аса зор. Сотталғандардың тәртібі мен өмір салты сеніп тапсырылған жасақ бастықтары&nbsp; тәрбиелік, профилактикалық бағытта дәрістер оқып, сұхбаттар жүргізіп тұрады.&nbsp; Мінез-құлқына және еңбегіне қарай сотталғандарды марапаттау жүргізіледі. Жасақ бастығы Б.Сәметовтің айтуынша, &nbsp;әр мереке сайын мекеменің қоғамдық өміріне белсене қатысқан &nbsp;жаза өтеушілерді марапаттан құр қалдырмай, оларды марапаттауға негіз болатын қосымша шаралар да ұйымдастырып отырады. Сонда олардың өздеріне деген сенімдері нығайып, бостандыққа деген құлшыныстары арта түседі дейді. Сотталғандар арасында &nbsp;мәдени-спорттық және ағартушылық іс-шаралар жоспарына сәйкес облыстық дене шынықтыру және спорт басқармасының мамандарының қатысуымен спорттық шараларды жиі өткіземіз. &nbsp;Ағымдағы жылдың бірінші тоқсанында тапсырылған іске жауапкершілікпен қарап, өнегелі мінез-құлқымен көзге түскен 53&nbsp;&nbsp;&nbsp; сотталғанға көтермелеу шаралары қолданылған.
Сонымен қатар Қылмыстық-атқару кодексінің талаптарына сай 30 жасқа дейінгі сотталғандарға орта білім алу міндеттелген. Мекемеде орта білімі жоқ 9 сотталғанға&nbsp; Шиелі аудандық білім бөліміне қарасты кешкі мектеп&nbsp;мұғалімдері білім беріп, нәтижесінде 2 сотталған аттестат алды.
Мекемедегі әр сотталғанның бостандыққа шығуына бір жыл уақыт қалғанда мекеме қызметкерлері оның әлеуметтік жағдайын, туған-туыстарымен қарым-қатынастарын жіті бақылауға алып, &nbsp;«Қақпа алдында кездесу» әлеуметтік жобасының аясында сотталғандарды бостандыққа дайындайды. Бұл іс-шараның негізі міндеті, бас бостандығынан айыру орындарынан босатылған азаматты жұмысқа және тұрмыстық орналастыру болып табылады.&nbsp; Шараға жергілікті атқарушы орган &nbsp;қызметкерлері мен пробация қызметкерлері шақырылады. Жоба аясында жыл басынан мекемеден босатылған 112 сотталғанға мамандар әлеуметтік байланыстарды орнату, кәсіби білім алу, біліктілігін арттыру, жұмыспен қамту, кепілді медициналық көмегін алу, құқықтық көмек, құжаттарын қайта қалпына келтіру бағыттары бойынша түсіндірме жұмыстары жүргізіп, кеңестер береді.
Мұндай шаралар сотталғандардың қоғамға деген көзқарасын дұрыс жаққа өзгертіп,олардың түзелу жолына түсуіне үлкен септігін тигізеді .
Дана ДОСТАНОВА
Қызылорда облысы бойынша қылмыстық атқару жүйесі департаментінің маманы

Дана Достанова: Сотталғандарды бостандыққа дайындау жұмыстары жүйелі жүргізілуде

<a href="https://kyzylorda-news.kz/">Kyzylorda-news.kz</a>. 16 маусым күні атмосфералық фронталды бөліктердің өтуіне байланысты, еліміздің батыс, солтүстік және оңтүстік-шығысындағы таулы аудандарда найзағай, өткінші жаңбыр, бұршақ күтіледі.
Республиканың қалған бөлігінде жауын-шашынсыз ауа райы болжанады. Жекелеген өңірде екпінді жел тұрады, оңтүстікте шаңды дауыл, оңтүстік-батыс жағалауында түнде және күндіз тұман болады.
Қызылорда облысының жекелеген аудандарында өте жоғары өрт қаупі күтіледі.

16 маусымға арналған ауа райы болжамы

Kyzylorda-news.kz. Бүгін облыс әкімі Гүлшара Әбдіқалықова бірқатар маңызды мәселелер бойынша кеңейтілген отырыс өткізді.
Жиынға облыс әкімінің орынбасарлары, салалық басқарма басшылары мен онлайн режимде қала, аудан әкімдері қатысты.
Отырыста екі мәселе қаралды. Алғашқысы – мүлік иелерінің бірлестігі институтын енгізу жағдайына арналды. Облыстық энергетика және тұрғын үй-коммуналдық шаруашылық басқармасының басшысы Руслан Нұрмағанбетов көпқабатты тұрғын үйді басқаруға қажетті жаңа тетік – мүлік иелерінің бірлестігін құру жұмыстарына тоқталып, негізгі алгортимдерді түсіндірді.
ҚР «Тұрғын үй қатынастары» заңына сәйкес пәтерлердің меншік иелері кондоминиум объектісін басқару, оны күтіп-ұстауды қаржыландыру және сақталуын қамтамасыз ету үшін алдағы кезеңде мүліктің меншік иелері бірлестігі (МИБ) немесе жай серіктестік (ЖС) құрылады. Бұл ретте қазіргі КСК-лар (ПИК) өз қызметін 2022 жылдың 1 шілдесінен бастап тоқтатады. Соған сәйкес, тұрғындар көп қабатты тұрғын үйді басқару үшін ағымдағы жылдың соңына дейін басқарудың жаңа түріне өтеді.
Айта кету керек, бұрынғы қолданыстағы механизмде КСК-лар бірнеше үйге бір ғана есеп шот арқылы қызмет көрсетті. Яғни, есеп шотқа ие болып, тұрғындардан жиналатын қаржыны өздері басқарды. Ал, жаңа қабылданған механизмде әр үйге сол үйдің тұрғындарының қатысуымен ғана жеке басқару органы және бір есеп шот құрылады. Басқару органы жұмыстарға тапсырыс береді, мердігерден жұмысты қабылдайды және оған төлем жасайды. Бұл қызмет көрсету сапасына бақылау жасап, ақша қозғалысына мониторинг жүргізуге мүмкіндік береді. Жаңа реформаны тұрғындарға жеткізу үшін арнайы Жол картасы және медиа-жоспар бекітілді. Жоспарға сәйкес ағымдағы жылдың соңына дейін өңірдегі барлық 1019 үйге бірлестік құрылады. Қалған 203 үй коммуналдық меншікте болуына байланысты басқарудың жаңа нысандарына көшірілмейді.
Жиында облыс әкімі қала, аудан әкімдеріне бұл жұмыстардың маңызды екенін атап өтіп, мүлік иелері бірлестігі және жай серіктестіктерді құруды белесенді түрде ұйымдастырып, жыл соңына дейін толық аяқтауды және көпқабатты тұрғын үй шығыстарының ең төменгі мөлшерін бекітуді, кондоминиум нысандарының санын өзектендіру және әділет органдарына тіркеу жұмыстарын аяқтауды тапсырды. Ал, басқарма басшысы Руслан Нұрмағанбетов пен облыстық статистика департаменті Мария Баекееваға көп қабатты тұрғын үйлердің санын сәйкестендіру, тиісінше ай сайын мониторинг жүргізуді міндеттеді. Сонымен бірге сала басшыларына құрылған меншік иелері бірлестіктерін есепке алуды қысқа мерзім ішінде ұйымдастырып, халыққа жаңа тетіктерді енгізу қажеттігі туралы ақпараттық насихат жұмыстарын күшейтуді тапсырды. Бұл ретте көзделген тапсырмалардың орындалуын бақылауға алуды орынбасары Серік Сүлейменовке жүктеді.
Отырыста коронавирустық инфекцияны алдын алу және екпе жұмыстарын үйлестіру мәселелері қаралды. Облыстық денсаулық сақтау басқармасының басшысы Сәбит Пазылов індеттен сақтану үшін тұрғындарға вакцина салу көрсеткіштерін атап, нақты ахуалды баяндады.
Бүгінде өңірде 106 екпе кабинеті ашылып, 37 жылжымалы көшпелі пункттің жұмысы ұйымдастырылған. Ал, облыс бойынша 19 медициналық мекемеде коронавирус инфекциясына қарсы егу жұмыстары жүргізілуде. Өңірде 1 ақпанынан бері 238 350 вакцина дозасы жеткізілген. Жеткізілген 1 компонент – 151 050 доза вакцинаның 2000 дозасы – QazVac-in, 32 250 доза – HayatVax, 105 800 доза – Спутник – V, 11 000 доза – CoronaVac вакцинасы.
Аймақ басшысы көрші мемлекеттерде індеттің қайта күшейе түскенін еске салып, тұрғындардың қауіпсіздігін сақтау үшін белсенді түрді екпеге шақыру қажеттігін атап өтіп, бірқатар тапсырмалар жүктеді.
<blockquote>
 “Облыс «жасыл аймаққа» тұрақтанды. Бұл короновирустық инфекция толықтай жойылды деген емес. Әлі де сақтық шараларын күшейтіп, тұрғындарды вакцинациялау жұмыстарын жандандыру керек. Қалыпты тіршілікке қайта оралуымыз үшін вакцинаны белсенді түрде салуымыз қажет. Бұл ретте облыстық денсаулық сақтау басқармасы мен Қызылорда қаласы мен аудан әкімдері, барлық басқарма басшылары вакцинациялау жұмыстарын күшейту керек. Ал, ірі кәсіпорындарда жұмыс жасайтын қызметкерлер арасында екпе алу маңыздылығы бойынша түсіндірме жұмыстарын ұйымдастыруды тапсырамын. Сонымен бірге кәсіпкерлік нысандар «Ashyq» мобильді қосымшасын енгізу жұмыстарын жандандырсын. Осы берілген тапсырмалардың орындалуын бақылау орынбасарым Балжан Шаменоваға жүктеледі”, – деді Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2021/06/fb_img_1623769120357.jpg" alt="" />

Гүлшара Әбдіқалықова: Қалыпты тіршілікке ертерек оралу үшін вакцинаны белсенді түрде салуымыз керек

<a href="https://kyzylorda-news.kz/">Kyzylorda-news.kz</a>. Бүгінде Қызылорда облысындағы шаруашылықтардың көпшілігі суды аз қажет ететін технолгияларға басымдық беруде. Сырбойылық дихандар тек дәнді дақылды ғана емес, тіпті көкөніс пен жеміс-жидекті де заманауи бағытта өсіруде. Соның бірі жаңақорғандық «Пазылбек Қажы» шаруа қожалығы.
Аталған бірлестік 2017 жылдан бері ауылшаруашылығы саласындағы әртараптандыруға көшкен. Соңғы жылдары жоғары нәтижеге жетуді көздеген шаруашылық Ы.Жақаев атындағы Қазақ күріш шаруашылығы ғылыми-зерттеу институтының ғалымдарымен бірлесе жұмыс атқаруда.
Суды үнемдеуді көздеген шаруашылық өткен жылы 80 гектар жерге ылғал сақтағыш жаңа технологиямен бидай егіп, жоғары өнім алды. Ал, биыл қожалық мақсарының «Иирказ» тұқымын 600 гектар жерге орналастырған. Оған қоса, 5 гектар жерге 1200 түп алма екті. Бақта голден делишес, семерянко, старкримсон секілді сұранысқа ие сорттар бар. Сондай-ақ, заманауи технологиямен жүзеге асқан бақта 500 түп өрік пен 1000 түп қараөрік өсіп тұр.
<blockquote>
 «Аквтерра гелі өңірімізге енді енген технология. Бұның 1 фракциясы өз көлемінен 400 есе үлкейтуге қауқарлы. Бұл өз кезегінде біздің климат үшін өте қолайлы. Себебі егістікке қажетті суды осы технолгияны қолдану арқылы жаңбырмен де беруге болады. Заманауи технолгияны қолдану арқылы егінді құрғақшылықтан қорғауға мүмкіндік туып отыр. Ал 5 гектарға жеміс-жидектен жылына 15-20 тоннадай өнім алудамыз. Жергілікті өнімге облыс пен ауданан да сұраныс жоғары. Алдағы уақытта әртараптандыру бағытындағы жұмыстарды жаңа технологиялар бойынша жүзеге асырып, егістік көлемін арттыратын боламыз», – деді «Пазылбек Қажы» шаруа қожалығы төрағасының орынбасары Ғалымжан Орынбасаров.
</blockquote>

Қызылордалық шаруа қожалық заманауи технологияға көшті

<a href="https://kyzylorda-news.kz/">Kyzylorda-news.kz</a>. 2021 жылғы 20 мамырда Қазақстан Республикасының Ақпарат және қоғамдық даму министрлігі Қазақстан Республикасы Үкіметінің «Дарын» мемлекеттік жастар сыйлығына байқау жариялады.
Байқау «Әдебиет», «Ғылым», «Дизайн және бейнелеу өнері», «Журналистика», «Классикалық музыка», «Қоғамдық қызмет», «Спорт», «Театр және кино», «Эстрада», «Халық шығармашылығы» атты 10 номинация бойынша өтеді.
Сыйлық алуға Қазақстан Республикасының 29 жасқа дейінгі халықаралық және республикалық конкурстардың, фестивальдар мен түрлі шаралардың лауреаттары, республикалық және халықаралық деңгейлердегі спорттық жарыстардың жүлдегерлері мен жеңімпаздары үміткер бола алады.
«Дарын» жастар сыйлығын алуға кандидатураларды ұсынуды мемлекеттiк органдар, шығармашылық ұйымдар қоғамдық бiрлестiктердің өкілдері жүргiзедi.
Ізденушілердің құжаттарын 2021 жылғы 10 тамызға дейін Қазақстан Республикасы Ақпарат және қоғамдық даму министрлігі (қағаз нұсқасы) келесі мекенжай бойынша: Нұр-Сұлтан қаласы, Мәнгілік ел даңғылы, 8, «Министрліктер үйі» ғимараты (14-кіреберіс), 8/7172/74-05-25, 8/7172/74-18-43 (8-701-170-46-54) және (электрондық нұсқа) premiya.daryn@gmail.com эл. пошта арқылы қабылдайды.
Толық ақпарат («Дарын» мемлекеттік жастар сыйлығын ұсыну қағидасы және т.б.) Қазақстан Республикасы Ақпарат және қоғамдық даму министрлігінің ресми сайтындағы (qogam.gov.kz) «Жастар саясаты» бөлімінде қол жетімді.

Қазақстан және Қызылорда облысының жаңалықтары: Қоғам