<a href="https://kyzylorda-news.kz/">Kyzylorda-news.kz</a>. Қазалы ауданының әкімі Мұхтар Оразбаев Әйтеке би кентіндегі әлеуметтік нысандардың тыныс-тіршілігімен танысты.
Аудан әкімі орталықтағы Қазалы теміржол ауруханасы, Қазалы локомотив жөндеу зауыты, Қазалы вагон жөндеу депосы, Қазалы көлік-техникалық колледжі мен Қазалы темірбетон бұйымдарын шығару зауытына арнайы барып, жұмысымен танысты.
Аудан басшысы ең алдымен ғасырдан астам тарихы бар Қазалы теміржол ауруханасына ат басын бұрып, дәрігерлермен тілдесті. Қазалы теміржол ауруханасы тіркелімдегі тұрғындарға, теміржолшыларға және олардың жанұясына сапалы медициналық көмек көрсетеді. Медициналық ұйымның жұмысы туралы «Қазалы теміржол ауруханасы» ЖШС директоры Құбыл Ршымбетов жан-жақты баяндап, хирургия, реанимация сияқты бөлімдердің жұмыстарымен таныстырды.
Мұнан соң аудан әкімі Мұхтар Оразбаев Нұрлан Алмағамбетов басшылық жасайтын Қазалы локомотив жөндеу зауыты мен Талғат Әліпбаев басқаратын Қазалы вагон жөндеу депосының жұмысымен танысты.
Шойын жолдағы қос ұжымның қол жеткізген табыстары көз қуантарлықтай. Республиканың әр аймағынан алынған тапсырыстар уақытылы орындалып, қызметкерлер жемісті еңбек етуде. Бұл жөнінде теміржол мекемелерінің басшылары егжей-тегжейлі айтып берді.
Қазалы көлік-техникалық жоғары колледжі аудандағы теміржолшыдарды дайындайтын бірден-бір оқу орны. Өткен ғасырдың 30 жылдары ашылған оқу ордасының қол жеткізген жетістіктері де жетерлік. Қазіргі таңда оқу орны еңбек нарығына аса қажетті 11 мамандық бойынша жан-жақты кәсіпқой жұмысшы мамандарды оқытып, дайындауда. Колледждегі 600-ге жуық студентке 120 инженер-педагог білім беруде.
Колледжге арнайы келген аудан басшысына колледж директоры Болатбек Ахметов оқу орнының материалдық-техникалық базасымен, колледж жанынандағы өлкетану мұражайымен таныстырды. Сонымен қатар, бүгінгі күні колледжге «Жас маман» жобасымен құны 300 млннан асатын заманауи құрал-жабдықтар келіп жатқанын қуанышпен жеткізді. Өз кезегінде аудан әкімі Мұхтар Оразбаев теміржол саласына қажетті сапалы мамандарды даярлау ісіне сәттілік тіледі.
Аудан басшысы аялдаған келесі нысан Қазалы темірбетон бұйымдарын дайындау зауыты болды. Республиканың әр түкпірінен темірбетон бұйымдарын дайындауға тапсырыс қабылдап отырған мекеменің директоры Сәбит Өтегенов зауыт жұмысымен таныстырды.
Аудандағы темірбетон зауытының тарихы 1978 жылдан басталады. Қазіргі таңда зауыт негізінен аудандағы құрылыс нысандарын бетонмен қамтамасыз етуде. Одан бөлек, үй құрылысына қажетті құрылыс заттарынан бөлек жолға, көпірге қажетті темірбетон бұйымдарын дайындауда. Мекеме 2021 жылдың 1 тоқсанында құны 195,9 млн теңге болатын 14 мың текше метр бетон шығарды.
<img src="https://kyzylorda-news.kz/wp-content/uploads/2021/06/99880ab4-cb7d-4004-b883-b10bbc2f139d.jpg" alt="" />

Қазалы ауданының әкімі теміржол мекемелерін аралады

<a href="https://kyzylorda-news.kz/">Kyzylorda-news.kz</a>. Дүйсенбі күні найзағай соғып, кем дегенде 20 адам мерт болды, тағы үшеуі зардап шеккен, деп хабарлайды <a href="https://lenta.inform.kz/kz/undistanda-nayzagay-sogyp-20-adam-kaza-tapty_a3798168">ҚазАқпарат.</a>
Оқиға Үндістанның Батыс Бенгалия штатында орын алған.
Жергілікті БАҚ-тың хабарлауынша, сол күні Батыс Бенгалияда көптеген адам қаза тауып, зардап шеккен. Осылайша, Муршидабад және Хугли округтерінде ауа-райының қолайсыз жағдайы салдарынан тоғыз адам мерт болған. Зардап шеккендер медициналық мекемелерге жеткізілді.
Үндістан премьер-министрі Нарендра Моди сол күні адамдардың қазасына байланысты көңіл айтып, мерт болғандар мен зардап шеккендердің отбасы мүшелеріне ақшалай көмек көрсетілетінін мәлімдеді.
Әдетте, Үндістанда найзағайлы жаңбыр маусымы жыл сайын маусым айынан қыркүйекке дейін жалғасады.

Найзағай соғып, 20 адам қаза тапты

<a href="https://kyzylorda-news.kz/">Kyzylorda-news.kz</a>. Қытайдың Нанкин қаласында Қазақстанның тұңғыш президенті – Елбасы Нұрсұлтан Назарбаевтың атындағы ғылыми-инновациялық зертхананың ашылу салтанаты өтті, деп хабарлайды <a href="https://sputnik.kz/economy/20210608/17275715/Qytay-Nazarbaev-innovatsiya.html">SputnikҚазақстан</a>.
Қытайдың «Бір белбеу, бір жол» бастамасы және қазақстандық «Нұрлы жол» мемлекеттік бағдарламасы аясында жобаларды ілгерілету және ғылыми сүйемелдеуге тәжірибелік қолдау көрсету жаңа ашылған зертхананың басты міндеті болады.
Мұнда блокчейннің заманауи технологиялары, жасанды интеллект пен ауқымды мәліметтерді қолдану арқылы көлемді зерттеулер жүргізіледі. Осы жұмыстарға екі елдің жетекші ғалымдары мен тәжірибелі мамандары тартылады.
G-Global Халықаралық хатшылығы мен оның Қытайдағы стратегиялық серіктесі – China Silk Road Group компаниясы зертхананың тең құрылтайшылары атанды.

Назарбаев атындағы ғылыми-инновациялық зертхана ашылды

<a href="https://kyzylorda-news.kz/">Kyzylorda-news.kz</a>. Қызылордада «Автобус» жедел-профилактикалық іс-шарасы басталды.
Облыс аумағында автомобиль жолдарында жолаушылар мен жүктерді тасымалдауды жүзеге асыратын жүргізушілер арасында көліктік тәртіпті арттыру, сондай-ақ желіде қызметін тіркеусіз жүзеге асыратын азаматтарға қатысты бақылауды жетілдіру мақсатында «АВТОБУС» жедел-профилактикалық іс-шарасы басталады.
7-11 маусым аралығында өтетін іс-шара аясында көлік жолдарында ОПД Жергілікті полиция қызметі басқармасы мен Қызылорда облысы бойынша көліктік бақылау инспекциясы қызметкерлерімен бірлесіп, алдын ала және кезең-кезеңімен, оның ішінде рейс алдында жүргізушіні медициналық қарау, олардың еңбек және демалыс режимін сақтауын қадағалау жоспарлануда.

Қызылордада «Автобус» іс-шарасы басталды

<a href="https://kyzylorda-news.kz/">Kyzylorda-news.kz</a>.&nbsp;«Мерейлі отбасы» ұлттық конкурсының қалалық деңгейдегі бірінші кезеңіне құжат қабылдау жалғасуда.
Конкурсқа қатысуға еңбектегі, спорттағы, шығармашылық, зияткерлік, ғылыми жетістіктері жоғары отбасылар жіберіледі.Қызметі Қазақстан Республикасының аумағында тыйым салынған ұйымдардың құрамына кіретін (кірген) мүшелері бар және де бұрын сотталған мүшелері бар отбасылар конкурсқа қатыса алмайды.
Конкурсқа қатысуға қажетті құжаттар тізімі:
1) ата-аналардың (қорғаншылардың, қамқоршылардың) жеке басын куәландыратын құжаттардың көшірмелері, балалардың туу туралы куәліктерінің көшірмелері;
2) асырап алушы (қорғаншы) отбасылар үшін – жергілікті уәкілетті органның кәмелетке толмаған балаға қорғаншылықты (қамқоршылықты) белгілеу туралы шешімінен үзінді көшірме;
3) неке қию туралы куәліктің көшірмесі (бар болса);
4) Ата-аналарының біреуі қайтыс болған жағдайда, қайтыс болу туралы куәліктің көшірмесі- бар болса;
5) Балаларды тәрбиеленгені үшін алған көтермелеулердің, белгілі бір жетістіктері үшін алған көтермелеулердің бар екенін куәландыратын құжаттардың көшірмелері;
6) балалардың, ата-аналардың (қорғаншылардың, қамқоршылардың) жұмыс (оқу) орнынан анықтамалар және мінездемелер;7) ұсынымдар (әріптестерінің, көршілерінің, достарының);
8. отбасы мүшелерінің еңбектегі, спорттағы, шығармашылық, зияткерлік, ғылыми жоғары жетістіктерін куәландыратын құжаттардың көшірмелері.
«Мерейлі отбасы» ұлттық конкурсына құжаттар 2021 жылдың 15 мамыр – 15 маусым аралығында қалалық ішкі саясат бөлімінде қабылданады. Мекен-жайы: Қызылорда қаласы, Ы.Жақаев көшесі №16 үй (қала әкімдігінің ғимараты), 303 – кабинет, байланыс телефоны: 26-35-62, 26-39-54.

«Мерейлі отбасы» конкурсына құжат қабылдау жалғасуда

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1739 адам коронавирус індетінен емделіп шықты, деп хабарлайды&nbsp;<a href="https://www.coronavirus2020.kz/kz">coronavirus2020.kz</a>.
**Өңірлер бойынша: 
**Нұр-Сұлтан қаласы – 182, 
Алматы қаласы – 153, 
Шымкент қаласы – 166, 
Ақмола облысы – 99, 
Ақтөбе облысы – 98, 
Алматы облысы – 17, 
Атырау облысы – 83, 
Жамбыл облысы – 51, 
Батыс Қазақстан облысы – 154, 
Қарағанды облысы – 293, 
Қостанай облысы – 153, 
Қызылорда облысы – 36, 
Маңғыстау облысы – 18, 
Павлодар облысы – 119, 
Солтүстік Қазақстан облысы – 29, 
Түркістан облысы – 88.
Жалпы, пандемия басталғалы елімізде коронавирусқа 395 832 адам шалдықса, соның 369 024-і жазылып шықты.

Covid-19: Қызылордада 36 адам жазылды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 768 адамда коронавирус індеті ПТР-сынама арқылы расталды, деп хабарлайды&nbsp;<a href="https://www.coronavirus2020.kz/kz">coronavirus2020.kz</a>.
**Өңірлер бойынша: 
**Нұр-Сұлтан қаласы – 73, 
Алматы қаласы – 125, 
Шымкент қаласы – 21, 
Ақмола облысы – 62, 
Алматы облысы – 59, 
Атырау облысы – 29, 
Шығыс Қазақстан облысы – 70, 
Жамбыл облысы – 16, 
Батыс Қазақстан облысы – 39, 
Қарағанды облысы – 149, 
Қостанай облысы – 36, 
Қызылорда облысы – 8, 
Маңғыстау облысы – 9, 
Павлодар облысы – 51, 
Солтүстік Қазақстан облысы – 13, 
Түркістан облысы – 8.
Жалпы, пандемия басталғалы елімізде коронавирусқа 395 832 адам шалдықты.

Қызылордада коронавирусты жұқтыру жағдайы азайды

<a href="https://kyzylorda-news.kz/">Kyzylorda-news.kz</a>. Сейсенбі күні еліміздің басым бөлігінде циклон әсерінен найзағайлы жаңбыр немесе бұршақ жаууы мүмкін, деп хабарлайды Қазгидромет.
Синоптиктердің болжауынша, 8 маусымда еліміздің басым бөлігінде оңтүстіктен келген циклонға байланысты атмосфералық ағындардың әсерінен найзағайлы жаңбыр немесе кей жерлерде бұршақ жаууы мүмкін. Республиканың кей жерлерінде жел күшейіп, оңтүстікте шаңды дауыл соғады, солтүстікте тұман түсуі ықтимал.
Атырау, Батыс Қазақстан, Қарағанды, Солтүстік Қазақстан, Алматы облыстарында, күндіз Ақмола облысының кей жерлерінде жел 15-20 м/с күшейіп, бұршақ жаууы мүмкін, Батыс Қазақстан облысында дауыл жел соғады, Солтүстік Қазақстан облысында түнде және таңертең тұман түсуі ықтимал.
Жамбыл, Түркістан облысының кей жерлерінде найзағай ойнап, дауыл, шаңды дауыл соғады, жел 15-20 м/с күшейіп, күндіз екпіні 25 м/с жетеді. Қызылорда облысының кей жерлерінде жел 15-20 м/с күшейіп, екпіні 23-28 м/с жетеді, Түркістан облысында дауыл, шаңды дауыл соғуы мүмкін.
Маңғыстау, Ақтөбе, Шығыс Қазақстан облыстарында, күндіз Қызылорда, Қостанай, Павлодар облыстарының кей жерлерінде жел 15-20 м/с күшейеді, Қызылорда облысында шаңды дауыл соғуы мүмкін.
Күндіз Жамбыл облысының басым бөлігінде қатты ыстық болады.
Қызылорда, Жамбыл, Түркістан, Ақтөбе, Қарағанды облыстарының басым бөлігінде, Алматы, Атырау, Қостанай, Ақмола облыстарының кей жерлерінде, Павлодар, Шығыс Қазақстан облысының жекелеген аудандарында өте жоғары өрт қаупі сақталады.

Сейсенбіге арналған ауа райы болжамы

Kyzylorda-news.kz. Бүгін облыс әкімі Гүлшара Әбдіқалықованың төрағалығымен сыбайлас жемқорлыққа қарсы іс-қимыл мәселелері жөніндегі облыстық комиссия отырысы өтті. Отырыстың күн тәртібінде «Бизнес қоғамдастығы мен мемлекеттік органдар арасында тиімді әріптестікті дамыту үшін қолайлы жағдайлар жасау» және «Құрылыс қызметі саласында сыбайлас жемқорлық көріністеріне жол бермеу туралы» мәселелер қаралды.
Алғашқы мәселе бойынша облыстық кәсіпкерлер палатасы директорының міндетін атқарушы Пірмұхаммед Сыздықов пен облыстық кәсіпкерлік және туризм басқармасының басшысы Фердоуси Қожабергенов аймақта кәсіпкерлікті дамыту бағытында атқарылып жатқан жұмыстар туралы баяндады.
<blockquote>
 “Өткен жылдан бері «Бизнестің жол картасы 2025» мемлекеттік бағдарламасы аясында кәсіпкерлермен банктерге несие алуға өтінім жолдау және шешімін алу тәртібі банк менеджерлерінің қатысуынсыз автоматтандырылған «скоринг» бағдарламасына ауыстырылды. Жаңа жүйе арқылы кәсіпкерлерге несие беру жөнінде шешім қосымша құжат сұратусыз 10-15 минут уақыт ішінде жасалады. Биылғы жылы «Бизнестің жол картасы 2025» бағдарламасы аясында 7,9 млрд. теңгеге несилендірілген 666 жобаның ішінде 2,5 млрд. теңгені құрайтын 528 жобаға мақұлдама «скоринг» бағдарламасымен берілген”, – деді облыстық кәсіпкерлік және туризм басқармасының басшысы Фердоуси Қожабергенов.
</blockquote>
Жиында аймақ басшысы Гүлшара Әбдіқалықова әкімшілік кедергілерді азайту мақсатында облыстық кәсіпкерлік және туризм басқармасы мүдделі мемлекеттік органдармен бірлесіп, жұмыстар атқару қажеттігін айтты.
<blockquote>
 “Еліміздегі пандемияға қарамастан аймақтағы кәсіпкерлік субъектілеріне бірқатар әлеуметтік жеңілдіктер арқылы қолдау көрсетіліп келеді. Қазіргі жағдай бойынша, тіркелген шағын және орта кәсіп субъектілерінің саны 7,7 пайызға ұлғайды. Тұрақты жұмыс жасап тұрған кәсіпкерлердің саны 7,5 пайызға өсті. 2021 жылы мемлекеттік бағдарламалар аясында шағын және орта бизнесті қаржылай қолдау үшін бюджеттен 8,1 млрд. теңге бөлінді. Бірақ соған қарамастан әлі де болса әкімшілік кедергілердің бары рас. Сондықтан облыстық кәсіпкерлік және туризм басқармасы мүдделі мемлекеттік органдармен бірлесіп, мемлекеттік бағдарламалар арқылы жеке кәсіпкерлік субъектілерін қолдау шараларын қамтамасыз етілсін, оларды дамыту жөніндегі жұмыстарды жалғастырсын. Кәсіпкерлікті қолдау және қорғау үшін әкімшілік кедергілерді азайту бойынша мемлекеттік органдардың функцияларына мониторинг жүргізсін”, – деді облыс әкімі Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2021/06/fb_img_1623072524882.jpg" alt="" />
Мұнан соң күн тәртібіндегі екінші мәселе құрылыс қызметі саласында сыбайлас жемқорлық көріністеріне жол бермеу бағытында атқарылып жатқан жұмыстар туралы облыстық құрылыс, сәулет және қала құрылысы басқармасының басшысы Бердияр Пірімбетов пен облыстық жолаушылар көлігі және автомобиль жолдары басқармасының басшысы Мұрат Тілеумбетов мәлім етті. Басқарма басшылары сыбайлас жемқорлық тәуекелдеріне ішкі талдау жүргізудің үлгілік қағидаларына сәйкес заң бұзушылықты болдырмау, құрылыс саласына бөлінген қаражатты мақсатты әрі тиімді жұмсау, қаржы игеруді жоспарлау және құрылыс нысандарының бекітілген жобаға сәйкес жүргізілуі қатаң бақылауға алынғандығын жеткізді.
Жиын соңында аймақ басшысы Гүлшара Әбдіқалықова облыстық құрылыс, сәулет және қала құрылысы басқармасының басшысы Бердияр Пірімбетовке жүргізіліп жатқан құрылыс объектілерін қолданыстағы заңнамаларға сәйкес уақытында аяқтау шаралары қабылдауды, құрылыс компанияларын ашық іріктеу және олар жүргізетін жұмыстарға бақылау жүргізуді және мердігер мен тапсырыс беруші өкілдерінің тікелей кездесулерін азайту арқылы, қашықтықтан бақылау жүргізу мүмкіндіктері қарастыруды жүктеді. Ал, облыстық жолаушылар көлігі және автомобиль жолдары басқармасының басшысы Мұрат Тілеумбетовке автомобиль жолдарына қатысты анықталған кемшіліктер мерзімінде қалпына келтіруді қамтамасыз етуді және Қызылорда қаласы және аудан әкімдерімен бірлесіп жол құрылысының сапасына қатысты кемшіліктерге жол берген жауапты тұлғалардың жауапкершілігін қарауды тапсырды.

Сыбайлас жемқорлыққа қарсы іс-қимыл мәселелері жөніндегі облыстық комиссия отырысы өтті

<a href="https://kyzylorda-news.kz/">Kyzylorda-news.kz</a>. Білім және ғылым вице-министрі Шолпан Қаринова жаңа оқу жылында бірінші сынып оқушыларының білімі қалай бағаланатынын айтты.
Ол 2020 жылдан бастап бірінші сынып оқушыларына баға қоймау туралы шешім қабылданғанын еске салды. Алайда бұл пандемия кезінде қашықтан оқыту форматына ауысумен байланысты емес.
<blockquote>
 “Шешім шектеу шараларының шарттарымен сәйкес келді. Шын мәнісінде болашақта бірінші сынып оқушыларына баға қойылмайды. Бұл мәселеге қатысты әлемдік тәжірибе де зерделенді. Көптеген жетекші дамыған елдер осылай жұмыс істейді”, – деп түсіндірді ол.
</blockquote>
Айтуынша, бүлдіршіндер үшін критериалды бағалау жүйесі енгізіледі. Ол формативті (күн сайынғы жетістіктер) және жиынтық (бөлімдер мен тоқсан бойынша) бағалаудан тұрады.
<blockquote>
 “Биыл қашықтан оқыту басталғанда, ата-аналар көру үшін балалардың күн сайынғы жетістіктерін тіркеп отырдық. Сол себепті ережелерге өзгеріс енгізілді: күн сайын баллмен бағалау. Бұл дәл биылғы оқу жылының ерекшелігі еді”, – дейді вице-министр.
</blockquote>
Ата-аналарды, балалар мен мұғалімдерді бағаның өзі емес, оқу жетістіктері –оқушылардың білімі қаншалықты өскені қызықтыруға тиіс, деп түйіндеді сөзін Қаринова.
<a href="https://sputnik.kz/society/20210607/17269780/Vitse-ministr-1-synyp-baga.html">Sputnik</a>

Вице-министр бірінші сынып оқушылары үшін қандай өзгеріс болатынын айтты

<a href="https://kyzylorda-news.kz/">Kyzylorda-news.kz</a>. Жүйе іске қосылған 2017 жылдың 1 шілдесінен 2021 жылдың 1 маусым дейінгі аралықта Қызылорда облысының тұрғындары әлеуметтік медициналық сақтандыру қорына 19,4 млрд. теңге аударды.
Оның 14,2 млрд. теңгесі (73,2%) жұмыс берушілердің аударымдары болса, қалған 5,2 млрд. теңге (26,8%) – жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі. Бұл туралы «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов мәлімдеді.
Жарна төлеу жағынан Қызылорда қаласы, Шиелі мен Жанақорған аудандар көш бастап тұр.
Жинақталған қаржы сенімгерлік басқару туралы келісім бекітілген Ұлттық банкте сақталады және МӘМС пакеті шеңберіндегі қызметтер ақысын төлеуге жұмсалуда.

Қызылордалықтар ӘМС қорына 19,4 млрд. теңге аударды

<a href="https://kyzylorda-news.kz/">Kyzylorda-news.kz</a>. «Қайсар» футбол клубының футболшылар Қызылорда облысы бойынша ҚАЖ департаментіне қарасты ЗК-169/5 мекемесіне барып, жазасын өтеушілермен жолдастық кездесу өткізді.
Футболшылар алдымен әңгіме өрбітіп, жарыстарға, чемпионаттағы ойындарға қалай дайындалатынын айтып, спорттың қоғамдағы рөлін жеткізді. Жолдастық кездесу тартысқа толы өтіп, көтеріңкі көңіл күймен тарқасты.
<blockquote>
 «Бұл кездесу жазасын өтеушілерге қолдау білдіріп, қоғамның бір бөлшегі екенін түсіндіруге арналды. Біз чемпионаттан тыс осындай кездесулерді ұйымдастырып, бірге футбол ойнауға келістік. Байқауымызша, футболшылармен кездесіп, футбол ойнаған оларға қызық», –&nbsp;деді бапкер Жарқынбек Жоламанов.
</blockquote>
<img src="https://kyzylorda-news.kz/wp-content/uploads/2021/06/791ebdec-6f95-4327-b085-f2fe46be6a89.jpg" alt="" />

Қазақстан және Қызылорда облысының жаңалықтары: Қоғам