<a href="https://kyzylorda-news.kz/">Kyzylorda-news.kz</a>. 2021 жылы 25 шілдеде 40 округ бойынша ауыл, кент, ауылдық округ әкімдеріне сайлау өтті.
Сайлау учаскелері бойынша 36071 азамат сайлаушылар тізіміне енгізілді, оның 30149-ы (83,58%) дауыс беруге қатысты.
<blockquote>
 «Әкімге үміткерлер саны – 122 адам. 40 округтің барлығында әкімдер сайланды. Оның ішінде: партия ұсынған «Nur Otan» партиясы – 30 адам, «Ауыл» ХДПП – 2 адам, «ADAL» ПП – 2 адам, Қазақстан халық партиясы – 1 адам, Өзін-өзі ұсыну бойынша – 5 адам», – делінген облыс әкімдігінің хабарламасында.
</blockquote>

Қызылордада 122 адам әкімдіктен үміткер

<a href="https://kyzylorda-news.kz/">Kyzylorda-news.kz</a>. Жақында Жапония астанасы Токиода үш қабатты үйдің биіктігімен бірдей толқын, қатты жел және нөсер жауын болады деп болжанып отыр. Қазір бұл қалада жазғы Олимпиада ойындары өтіп жатыр.
Жарыс ұйымдастырушылары ауа райына байланысты бірқатар спорт түрінен жарыс уақыты ауысуы мүмкін екенін ескертті.
Жапонияның ұлттық метеорология агенттігі Токиоға “Непартак” тайфунының жақындап жатқанын мәлімдеді, деп хабарлайды Sputnik.
Табиғи апаттан нөсер жауын-шашын және биік толқындар күтілуде. Қазір тайфун Жапониядан оңтүстікке қарай орналасқан Бонин аралдарында.
Табиғат апат өзімен бірге қатты жел әкеледі деп болжанып отыр. Қазір оның жылдамдығы секундына 20 метрді құрайды, бірақ ел астанасына жақындаған сайын одан әрі күшейеді деген болжам бар.
“Непартак” Жапонияның шығыс жағалауына жеткенде, жел толқындарды алты-сегіз метрге дейін көтереді. Метеорологтардың болжамынша, Токиода 100-ден 150 миллиметрге дейін жауын түседі.
Олимпиада-2020 ұйымдастыру комитеті тайфунға байланысты жарыс кестесі өзгеруі мүмкін екенін хабарлады.
Жазғы Олимпиада ойындары Жапонияда былтыр өтуі керек еді, алайда пандемияға байланысты 2021 жылға ауыстырылды.

Олимпиада ойындары өтіп жатқан Токиоға жойқын тайфун жақындап келеді

<a href="https://kyzylorda-news.kz/">Kyzylorda-news.kz</a>. Қала әкімі Ғанибек Қазантаев денсаулық және демалыс саябағында болып, абаттандыруды жандандыру мақсатында кәсіпкерлердің ұсыныстарын тыңдады.
Бүгінгі таңда аумағы 16,5 гектарды құрайтын саябақты жасыл желекпен көмкеру бағытында бірқатар шаралар атқарылып келеді. Мұнда жаяу жүргіншілерге арналған аймақтар қарастырылып, балаларға арналған ойын алаңдары, орындықтар мен кешкі жарықтандыру шамдары, аяқ су каналы жүргізілген.
Қала әкімі саябақты халық игілігіне жаратуға сай әзірленген эскиздік жобаларды негізге алып, саябақтан балаларға арналған аттракцион, демалыс аймағын, жағажай орындарын ұйымдастыру қажеттігіне тоқталды, ол үшін кәсіпкерлерден тың идеялар мен ұсыныстар күтетінін және оны жүзеге асыру үшін толық қолдау білдіретінін жеткізді.
Қала кәсіпкерлеріне берілген тағы да бір мүмкіндік, Қызылорда-Жезқазған трассасы бойындағы 980 гектар тұрғын аумақ пен 150 гектарды құрайтын тұрғын аумақтарынан кәсібін кеңейтіп, жандандыру үшін жер телімдерінің ұсынылуы.
Игілікті бастамаға қолдау білдірген кәсіпкерлер аумақтан дәріхана желісін, монша, ашық немесе жабық сауда қатарларын (базар), сондай-ақ халыққа қызмет көрсететін түрлі нысандарды орналастыруды жоспарлайтынын жеткізді.
Айта кету керек, 2014 жылы жеке тұрғын үй құрылысын дамыту мақсатында Қызылорда-Жезқазған трассасы бойындағы 980 гектарды құрайтын тұрғын аумақтың жобасы әзірленіп, дайын 5112 жер учаскелері 2016 жылдан бастап қала тұрғындарына табысталған.
Қажетті инженерлік инфрақұрылыммен қамтамасыз етілген аумақта жеке тұрғын үй құрылысынан басқа шағын және орта бизнес субъектілеріне жалпы аумағы 4,2 гектарды құрайтын 21 жер учаскесі қарастырылып отыр. 
Қала әкімі аялдаған келесі нысан, Қызылордада жүйелі жұмыс істеп тұрған кәсіпорынның бірі «Дорстрой Тех.Сервис» жауапкершілігі шектеулі серіктестігі. Серіктестік Қызылордада брусчатка, бордюр, қап шығаратын зауыт ретінде үздіксіз жұмыс жасап келеді.
Мұнда серіктестік теңгеріміндегі екі ғимарат «Арнайы экономикалық аймақ» және шағын өнеркәсіптік аймақ құру үшін ұсынылуда.
Оның тиімділігі, республика экономикасының әлемдiк шаруашылық байланыстар жүйесiне енуiн жандандыруға, жаңа технологиялардың бiр немесе бiрнеше сапаларын дамытуға, жоғары тиiмдi өндiрiстер құруға, сондай-ақ өзге де әлеуметтiк проблемаларды шешуге мүмкіндіктер ашады.
<blockquote>
 «Сіздердің қала әлеуетін дамытудағы оң бастамаларыңыз үшін алғыс айта отырып, бұл жобаны бірлесіп, үйлестіру жұмыстарын әрі қарай жүргізу үшін тиісті сала басшыларына қажетті шараларды қабылдауды тапсырамын»,-деді қала әкімі Ғанибек Қазантаев кәсіп иелеріне.
</blockquote>
<img src="https://kyzylorda-news.kz/wp-content/uploads/2021/07/223570792_2882122818721124_2200293327195737978_n.jpg" alt="" />
<img src="https://kyzylorda-news.kz/wp-content/uploads/2021/07/223698842_2882122692054470_4036000499931883937_n.jpg" alt="" />
<img src="https://kyzylorda-news.kz/wp-content/uploads/2021/07/224113082_2882122615387811_6375477196397023896_n.jpg" alt="" />

Ғанибек Қазантаев кәсіпкерлермен кездесті

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 2381 адам коронавирус инфекциясынан жазылып шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 370,
Алматы қаласы – 416,
Шымкент қаласы – 280,
Ақмола облысы – 139,
Алматы облысы – 72,
Атырау облысы – 257,
Шығыс Қазақстан облысы – 41,
Жамбыл облысы – 25,
Батыс Қазақстан облысы – 50,
Қарағанды облысы – 186,
Қостанай облысы – 179,
Қызылорда облысы – 117,
Маңғыстау облысы – 97,
Павлодар облысы – 29,
Солтүстік Қазақстан облысы – 65,
Түркістан облысы – 58.
Қазақстан бойынша жазылғандар саны – 449377.

Қызылордада 117 адам коронавирустан жазылды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 6637 адамнан коронавирус инфекциясы ПТР арқылы анықталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 1510
Алматы қаласы – 1219
Шымкент қаласы – 520
Ақмола облысы – 192
Ақтөбе облысы – 255
Алматы облысы – 194
Атырау облысы – 420
Шығыс Қазақстан облысы – 139
Жамбыл облысы – 152
Батыс Қазақстан облысы – 168
Қарағанды облысы – 781
Қостанай облысы – 181
Қызылорда облысы – 168
Маңғыстау облысы – 258
Павлодар облысы – 202
Солтүстік Қазақстан облысы – 133
Түркістан облысы – 145
Жалпы ел бойынша ауырғандар саны 535906.

Қызылордада өткен тәулікте 168 адамнан коронавирус анықталды

<a href="https://kyzylorda-news.kz/">Kyzylorda-news.kz</a>. Антициклон жотасының әсерінен Қазақстан аумағының басым бөлігінде жауын-шашынсыз ауа райы күтіледі, деп хабарлайды Қазгидромет.
Тек еліміздің солтүстігінде, шығысында және орталығында атмосфералық фронтальды бөліктердің өтуімен кей жерлерде найзағай, солтүстік-шығыста бұршақ және дауылды жел соғады.
Республика бойынша кей жерлерде желдің күшеюі, оңтүстік және оңтүстік-батыста шаңды дауыл күтіледі.
Павлодар облысының кей жерлерінде найзағай ойнап, жел 15-20 м/с күшейеді, күндіз бұршақ, даул күтіледі.
Түнде Ақмола, күндіз Қарағанды облыстарының кей жерлерінде найзағай күтіледі, Қарағанды облысының кей жерлерінде жел 15-20 м/с күшейеді. Шығыс Қазақстан облысының кей жерлерінде найзағай жарқылдап, күндіз жел 15-20 м/с күшейеді.
Күндіз Түркістан, Қызылорда, Маңғыстау облыстарының кей жерлерінде шаңды дауылмен жел 15-20 м/с күшейеді. Қостанай, Солтүстік Қазақстан, күндіз Жамбыл облыстарының кей жерлерінде желдің жылдамдығы 15-20 м/с жетеді.
Еліміздің оңтүстігінде қатты ыстық сақталады.
Жамбыл облысының кей жерлерінде, Маңғыстау, Алматы, Түркістан, Шығыс Қазақстан облысының кей жерлерінде, Қарағанды облысының оңтүстігінде аптап ыстық сақталады.
Қызылорда, Түркістан, Маңғыстау, Жамбыл облыстарының басым бөлігінде, Алматы, Атырау, Ақтөбе, Қарағанды облыстарының кей жерлерінде, Қостанай облысының оңтүстігінде, Ақмола, Шығыс Қазақстан облыстарының жекелеген аудандарында төтенше өрт қаупі туындайды.

26 шілдеге арналған ауа райы болжамы

<a href="https://kyzylorda-news.kz/">Kyzylorda-news.kz</a>. Қазалы ауданының орталығы — Әйтеке би кентінде тұрғын үйден шыққан өрт уақытылы сөндірілді.
Өрт Нұрила ана көшесіндегі N5 б үйде 18:45 шамасында орын алған. Қазалы аудандық өрт сөндіру бөлімінің қызметкерлерінің күшімен 19:30 шамасында толығымен өшірілді. Адам шығыны жоқ. Мамандардың айтуынша өрт оқиғасы электр сымдарының тұйықталуынан орын алған.
«Оқиға орнына аудан басшысының тапсырмасына сәйкес Әйтеке би кентінің әкімі Қайрақбай Орынбасаров барып, тілсіз жаудан зардап шеккен отбасыға қолдау көрсетті», – делінген аудан әкімдігі баспасөз қызметінің хабарламасында.

Қазалыда тұрғын үйден өрт шықты

<a href="https://kyzylorda-news.kz/">Kyzylorda-news.kz</a>. Қызылорда облыстық сайлау комиссиясына келіп түскен қорытынды ақпаратқа сәйкес сайлаушылардың 83,6 пайызы дауыс берген. Бұл туралы Өңірлік коммуникациялар қызметінің ақпараттық алаңында өткен брифингте облыстық сайлау комиссиясының төрағасы Ғалым Баймырзаев баяндады.
<blockquote>
 «Арал ауданы бойынша 12 округте 19 учаске бойынша 8019 сайлаушы, оның ішінде келушілер саны 7295 – 90,97% құрап отыр. 
 Қазалы ауданы бойынша 3 округте 2673 сайлаушы, келушілер саны 2496 – 93,38% 
 Қармақшы ауданы бойынша 1 округте 2 учаске бойынша 3410 сайлаушы, келушілер саны 2854 – 83,70%. 
 Жалағаш ауданы бойынша 4 округте 5 учаске бойынша 3596 келушілер саны 3156 – 87,76%. 
 Сырдария ауданы бойынша 3 округте 2808 сайлаушы, келушілер саны 2584 – 92,02% 
 Шиелі ауданы бойынша 4 округте 5 учаске бойынша 4225 сайлаушы, келушілер саны 3324–78,67 %. 
 Жаңақорған ауданы бойынша 13 округте 17 учаске бойынша 11340 сайлаушы, келушілер саны 8440 – 74,43 %. 
 Сайлау барлық учаскелерде Конституциялық заңға сәйкес өтті, құқық бұзушылықтар аңықталған жоқ, арыз – шағымдар түскен жоқ»,-деді Ғалым Қонақбайұлы.
</blockquote>

Ауыл әкімдерінің сайлауы: Қызылордалықтардың 83,6 пайызы дауыс берді

<a href="https://kyzylorda-news.kz/">Kyzylorda-news.kz</a>.&nbsp; Қызылорда облысында жергілікті уақыт 20.00-де ауыл әкімдерінің сайлауы аяқталды. Мәліметтерге сүйенсек, сағат 19:00-дегі сайлаушылардың 78 пайызы дауыс берді. Бұл туралы Өңірлік коммуникациялар қызметінің ақпараттық алаңында өткен брифингте облыстық сайлау комиссиясының төрағасы Ғалым Баймырзаев мәлімдеді.
<blockquote>
 «Барлық 54 сайлау учаскесі жабылды. Сайлау учаскелерінде дауыстарды санау процесі басталды. Бюллетеньдер саны – 36 432 дана. Барлығы Конституциялық заңға сәйкес өтуде. Арыз – шағымдар түскен жоқ. Айта кету керек, бюллютендерді санау барысында жергілікті байқаушылардың назарынан тыс қалмайды. Барлығы қадағаланып отыр»,-деді Ғалым Қонақбайұлы.
 «Полиция қызметкерлері күшейтілген режимде қызмет атқаруды жалғастыруда.Сайлау кезеңінде құқық бұзушылықтар тіркелген жоқ. Жалпы облыста осы сағатқа қатысты жағдай тұрақты»,-деді облыстық Полиция департаменті бастығының бірінші орынбасары Шамшидин Амитов.
 «Індет жұқтырғандармен байланыста болған сайлаушылар үйден дауыс берді. Бұл ретте дауыс беру пәтерге, үйдің ішіне кірмей ұйымдастырылды. Мұндай дауыс беру байланыссыз тәсілмен мысалы баспалдақ алаңында, үй аумағы маңында жүргізілді. Сайлауда санитариялық талаптар және әлеуметтік ара-қашықтық сақталды»,-деді облыстық санитариялық-эпидемиологиялық бақылау департаменті басшысының орынбасары Әлия Әбдіқайымова.
</blockquote>

Қызылордада сайлау заң талаптарына сай өтті

<a href="https://kyzylorda-news.kz/">Kyzylorda-news.kz</a>. Жалпы, облыс бойынша 54 сайлау учаскесінде сайлаушылар өз дауыстарын беруде.
Сайлау жергілікті уақыт сағат 07.00-ден 20.00-ге дейін өтуде. Аумақтық сайлау комиссияларының деректері бойынша дауыс беруге 36071 сайлаушы қатысады. Бюллетеньдер саны – 36 432 дана. Сағат 19:00-дегі жағдай бойынша тізімге кірген сайлаушылардың 28 118, яғни 78,0 пайыз дауыс берді.
<pre><code>Арал ауданы бойынша 12 округте 19 учаске бойынша 8019 сайлаушы, оның ішінде келушілер саны 6867 – 85,6% құрап отыр
</code></pre>
Қазалы ауданы бойынша 3 округте 2673 сайлаушы, келушілер саны 2182 – 81,6%
Қармақшы ауданы бойынша 1 округте 2 учаске бойынша 3410 сайлаушы, келушілер саны 2263 – 66,4%
Жалағаш ауданы бойынша 4 округте 5 учаске бойынша 3596 келушілер саны 2919 – 81,2%
Сырдария ауданы бойынша 3 округте 2808 сайлаушы, келушілер саны 2446 – 87,1%
Шиелі ауданы бойынша 4 округте 5 учаске бойынша 4225 сайлаушы, келушілер саны 3138–74,3 %
Жаңақорған ауданы бойынша 13 округте 17 учаске бойынша 11340 сайлаушы, келушілер саны 8303 – 73,2 %
Сайлау барлық учаскелерде Конституциялық заңға сәйкес өтуде, құқық бұзушылықтар аңықталған жоқ, арыз – шағымдар түскен жоқ.

Қызылордада дауыс берген сайлаушылардың саны 78 пайызға жетті

<a href="https://kyzylorda-news.kz/">Kyzylorda-news.kz</a>. 23 шілде күні сағат 06:00 шамасында Қызылорда облысы, Сырдария ауданы, Амангелді ауылында үйінен белгісіз бағытқа шығып кетіп, хабар – ошарсыз жоғалып кеткен азамат іздестірілуде.
1964 жылы туған Ибадуллаев Нуркамал Абдикаримович Қызылорда облысы Сырдария ауданының тумасы. Ерекше белгілері: шашы сарғыш, бойы 170 175 см, арық денелі, астыңғы және төменгі екі тісі жартылай сынған.
<blockquote>
 «Жоғалған азамат жөнінде қандай да бір ақпарат анықталған жағдайда Қызылорда облысы Полиция департаментінің кезекші бөлімі 29-70-10 телефонына немесе 102 арнасына шұғыл түрде хабарласуларыңызды сұраймыз», – делінген полиция департаментінің хабарламасында.
</blockquote>

Қызылордада 57 жастағы ер адам жоғалып кетті

<a href="https://kyzylorda-news.kz/">Kyzylorda-news.kz</a>. Қарашеңгел ауылдық округіндегі «Жалаңтөс батыр» ЖШС-ның күріш алқабындағы дала еңбеккерлері де сайлау науқанына жауапкершілікпен қарап, өз кандидаттарына дауыс берді.
Түскі үзіліске шыққан дихандар дала төсінен жүк көлігімен бірден Жалаңтөс батыр ауылындағы №83 сайлау учаскесіне жетті. Осылайша олар өздерінің азаматтық борыштарына жауапкершілікпен қарап, өз таңдауларын жасады.
«Жалаңтөс батыр» ЖШС-ның сушысы Бағлан Жидебай туған ауылының өсіп-өркендеуіне лайықты үлесін қосатын азаматқа дауыс бергенін айтады.

Қазақстан және Қызылорда облысының жаңалықтары: Қоғам