<a href="https://kyzylorda-news.kz/">Kyzylorda-news.kz</a>. Облыс әкімі Гүлшара Әбдіқалықованың төрағалығымен төтенше жағдайларды алдын алу және жою жөніндегі облыстық комиссияның кезекті отырысы өткізілді. Жиынға облыс әкімінің орынбасары, салалық басқарма басшылары мен қала, аудан әкімдері онлайн режимде қатысты.
Отырыста 2021-2022 жылғы жылу беру маусымында көмірқышқыл газы мен табиғи газға улану жағдайларының алдын алу мәселелері талқыланды. Аймақ басшысы биылғы жылу беру маусымында тұрғын үйлерде 205 өрт оқиғасы тіркеліп, бұл өткен жылмен салыстырғанда 2 пайызға өскендігін атап өтіп, алапат өрт жағдайларын алдын алу үшін бірлескен жұмыстарды күшейту қажеттігін қаперге салды.
Бүгінде облыс аумағында әлеуметтік жағдайы төмен 11 мыңға жуық отбасы тіркелген. Оның ішінде қатты отынмен жылытылатын пештерді пайдаланатын 7 691 отбасы бар. Бұған дейін облыс бюджетінен бөлінген 4,1 млн. теңгеге 3 750 отбасына көмірқышқыл газын анықтайтын құрылғылар орнатылған.
Жиында төтенше жағдайлар департаменті бастығының міндетін атқарушы Бауыржан Ізбасаров маусымдық кезеңде орын алатын оқиғаларды алдын алу бағытында атқарылған жұмыстарды тізбеледі. Сондай-ақ, орын алған жағдайлардың басым бөлігі тұрғындардың қарапайым өрт қауіпсіздік шараларын сақтамауынан, тұрмыстық пештердің техникалық жағдайына мән бермеуінен, балаларды қараусыз қалдыру, электр желілерінің қысқаша тұйықталу салдарынан туындайтынын жеткізді.
Биылғы жылу беру маусымында 126337 тұрғын үй секторының ауласына бақылау жүргізіліп, тұрмыстағы өрт қауіпсіздігі талаптары бойынша үгіт-насихат жұмыстары жасалған. Тұрғындармен 223 рет кездесу ұйымдастырылып, ZOOM платформасы арқылы 42 онлайн сабақ өткізілген.
Анықталған жағдайларды саралаған облыс әкімі Гүлшара Әбдіқалықова маңызды мәселенің бірі газ балондарынан болатын жарылыс салдарын зерттеп, алдын алу бағытында түсіндірме жұмыстарын тұрақты түрді іске асыру қажеттігін қатаң тапсырды.
Комиссия отырысында өнеркәсіптік қауіпсіздік комитетінің Қызылорда облысы бойынша департаментінің басшысы Жанмұрат Балғабаев, облыстық жұмылдыру даыйындығы басқармасының басшысы Медет Усаин, облыстық энергетика және тұрғын үй коммуналдық шаруашылық басқармасының басшысы Руслан Нұрмағамбетов үйлерге көмірқышқыл газын анықтайтын құрылғылар орнату, газ құю бекеттерінде газ жарылу жағдайларын талдап берді.
Өз кезегінде облыс әкімі тиісті сала басшыларына газ құю бекеттеріндегі талаптарды бұзу деректерін анықтау үшін рейдтік іс-шаралар ұйымдастыруды, тұрмыстық газ баллондарды автогаз бекеттерінде толтырудың қауіптілігін түсіндіру туралы арнайы медиажоспар әзірлеп, ақпараттық түсіндірме жұмыстарын күшейту қажеттігін қаперге салды.
Күн тәртібіндегі мәселелерді саралаған аймақ басшысы Қызылорда қаласы мен аудан әкімдеріне, облыс аумағындағы әлеуметтік тұрмыс жағдайы төмен 97 отбасының жарамсыз жылыту пештерін жөндеу немесе қайта салу, 42 отбасының тозығы жеткен электр желілерін өрт қауіпсіздігі талаптарына сай келтіруді тапсырды.
Сонымен бірге облыстық мемлекеттік сәулет-құрылыс бақылауы басқармасы, Қызылорда қаласы және аудандар әкімдерімен бірлесіп, тұрмыстық газ баллондары мен газбен жабдықтау жүйесін қауіпсіз пайдалану бойынша қажетті шараларды қабылдауды міндеттеді. Ал, облыстық энергетика және тұрғын үй коммуналдық шаруашылық басқармасының басшысына жыл соңына дейін тұрғын үйлерге табиғи газды анықтайтын құрылғыларды орнату бойынша жұмыстарды ұйымдастыруды жүктеді.
<img src="https://kyzylorda-news.kz/wp-content/uploads/2021/07/210043488_3491463257623385_191085107449355425_n.jpg" alt="" />

Қызылорда облысында әлеуметтік жағдайы төмен 11 мыңға жуық отбасы бар

<a href="https://kyzylorda-news.kz/">Kyzylorda-news.kz</a>. Қазгидромет 1-3 шілдедеге арналған ауа райы болжамын жариялады
Иран аудандарынан ыстық және құрғақ ауа массасының жылжуы, елдің көп бөлігінде өте ыстық ауа райының сақталуына әсер етеді. Тек республиканың батысында, содан кейін солтүстік-батысында циклон шұңқырының келуімен, найзағай жарқылдап, қысқа мерзімді жаңбыр, сондай-ақ бұршақ жаууы мүмкін.
Түнде термометрлер солтүстік, оңтүстік және орталықта 12-25℃ жылы, күндізгі 30-44℃ ыстық, шығыста түнде 12-20℃, күндіз 27-35 градус ал батыста түнде 15-26℃, күндіз 28-36 градус ыстық болады.
Еске салсақ, Төтенше жағдайлар министрлігі Қазақстанда аптап ыстық болатындығын&nbsp;ескерткен еді.&nbsp;Мамандар күннен қалай қорғану&nbsp;керектігін айтты.

Күн 44 градус ыстық болады

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова Қорқыт ата атындағы Қызылорда университетінде өткен Қазақстан Республикасы Тәуелсіздігінің 30 жылдығы мен Астана күні аясында ұйымдастырылған «Қазіргі сын-қатерлер, дәстүрлер мен инновациялар: «Әлеумет. Тұлға. Құндылықтар» атты І Халықаралық форумға қатысты.
Ауқымды шарада шетелдік және отандық жетекші ғалымдар, саясаткерлер, қоғам қайраткерлері пікір алмасты. Бірқатар шетелдік ғалымдар жиынға онлайн байланыс арқылы қосылды. Форумның мақсаты – әлеуметтік-экономикалық факторлар мен рухани-өнегелік ерекшеліктерді ескере отырып, қазіргі қоғамның құндылықтарын талдау және аймақты одан әрі дамытуға ұсынымдар әзірлеу.
Аймақ басшысы жиында қазіргі қоғамның құндылықтары мен облыстың әлеуметтік-экономикалық факторлары талданып, тың ғылыми тұжырымдар жасалатындығына сенім білдірді.
<blockquote>
 «Елбасы Нұрсұлтан Әбішұлы Назарбаев Алаштың анасына балаған Сыр өңіріне қош келдіңіздер! Сыр өңірі – белгілі бір дәстүрдің ғана жеке дамыған жері емес, сан түрлі тарихи оқиға мен көзқарастар бір мүддеге тоғысқан өлке. Мемлекет басшысы Қасым-Жомарт Кемелұлы Тоқаев «Барымыз да, бағымыз да – Тәуелсіздік», – деп айқындай түсті. Әлемде белең алған пандемияның жаһандық экономикаға, сондай-ақ еліміздің экономикасына кері әсерін тигізгені белгілі. Сондықтан тез өзгерістерге бейімделетін қазіргі жаһандану заманында коронавирус пандемиясы жаһандық қоғам үшін бұрын-соңды болмаған сын-тегеурінге айналды. 
 Бүкіл әлемнің даму үрдісі ретінде жаһан жылдамдығы одан әрі күшейтіп, аса күрделі құралдар мен жабдықтар дамып келеді, әлеуметтік-саяси жүйе өзгеруде. Осы құндылықтар өзгерістері мен жаңалықтардың барлығы еңбек нарығына әсер етіп, оған жағдай жасайды. Демек мұндай өзгерістерден кейін жұмысқа қойылатын және тұлға факторына қатысты талаптар да өзгереді. Сыр өңірінде отбасы институтындағы дәстүрлі мәдени құндылықтарға негізделген қарым-қатынастар қазіргі қоғам аясындағы жаңа әлеуметтік-экономикалық жағдайлармен үйлесе отырып, дұрыс бағытта дамып келе жатыр», – деді Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2021/06/9d844e2a40c492cbc00abe8cd435c359_1280x720.jpg" alt="" />
Форумның модераторы, Қорқыт ата атындағы Қызылорда университетінің ректоры Бейбіткүл Кәрімова оқу орнында еңбек нарығында бәсекеге қабілетті мамандықтарды дайындау мақсатында университеттің профессор-оқытушылар құрамы үшін жаңа дағдыларды игеру, цифрлық біліктіліктерін арттыру жұмыстары жүйелі түрде жүргізіліп жатқандығын айтты.
Мұнан бөлек форумда ЮНИСЕФ-тің Қазақстандағы басшысы Артур ван Дизен «Халықаралық стандарттарды ескере отырып, балалықты қорғау мәселелері» тақырыбында, шетелдік ғалымдар, Гази Түрік университетінің профессоры Ченгел Хулия «Тәуелсіздіктің 30-жылында Түркия мен Қазақстанның мәдени байланыстары» тақырыбында, П.А. Столыпин атындағы Поволжье басқару институтының профессоры Александр Неверов «Қоғамды цифрландыру жағдайында құндылықтарды қалыптастыру және тұлғаны дамыту ерекшеліктері» тақырыбында және Борнмут Университетінің Phd докторы Вячеслав Филимонов «Туризмдегі әйелдер кәсіпкерлігі өңірлік даму мен кедейшілікпен күрес құралы ретінде: Өзбекстандағы Арал теңізі аймағының мысалында» тақырыбында баяндама жасады. Ал, еліміздің жетекші ғалымдары мен саясаткерлері экономикалық және әлеуметтік қызметке ғалымдарды тарту саласында жобалар мен бастамаларды іске асыруға бағытталған әрекеттерді және Қызылорда облысының әлеуметтік-экономикалық дамуына қатысты ғаламдық және аймақтық интеграциялық бірлестіктердің бастамаларын жүзеге асырудағы қауымдастықтардың белсенді рөлі жайлы өз пікірлерін ортаға салды.
<img src="https://kyzylorda-news.kz/wp-content/uploads/2021/06/788b0e4092b25054e3e6c25d298dc609_1280x720.jpg" alt="" />
<img src="https://kyzylorda-news.kz/wp-content/uploads/2021/06/aef47099003323c6235383a29fa82206_1280x720.jpg" alt="" />
<img src="https://kyzylorda-news.kz/wp-content/uploads/2021/06/efab1839fc896a0d993e6ab42ec7dcb4_1280x720.jpg" alt="" />

Қызылордада «Әлеумет. Тұлға. Құндылықтар» атты І Халықаралық форум өтті

<a href="https://kyzylorda-news.kz/">Kyzylorda-news.kz</a>. Қызылорда облысының Арал ауданында 1942 жылы майданға аттанып, 1943 жылы сұрапыл шайқастардың бірінде қаза тапқан Ұлы Отан соғысының жауынгері Емберген Асайыновтың сүйегін қайта жерлеу рәсімі өтті.
Сарбаздың сүйегі Ресей Федерациясының Омск қаласынан Павлодарға, әрі қарай Арал қаласына жеткізілді. Ағайын-туыстарына жеткізілгеннен кейін, барлық әскери рәсімді сақтай отырып, сарбаздың сүйегі жер қойнына тапсырылды.
<img src="https://syrboyi.kz/wp-content/uploads/2021/06/el2-1024x655.jpg" alt="" />
Ұлы Жеңістің 75 жылдығына байланысты әр-жерлерде іздеуші топтары қарқынды жұмыс жасауда. Соғыс жылдарында хабарсыз кеткен біраз майдангерлердің дерегі анықталып жатыр. Ресей еліндегі «ОПОРА» Челябинск – Санкт-Петербург іздестіру орталығы мүшелерінің жұмысының нәтижесінде тағы бір жауынгердің дерегі анықталды. 2019 жылдың қараша айында Ресей Федерациясы Ленинград облысы Киров ауданы маңайынан соғыс кезінде оққа ұшқан үш жауынгердің мүрдесі табылған. Солардың бірі 327-ші атқыштар дивизиясында қызмет еткен, сарбаздың мойынтұмарын сараптаудан өткізу арқылы белгілі болған Арал ауданының тумасы – Емберген Аса­йынов.
Соңғы кездері Қазақстандық сарбаздардың сүйектерін іздестіруде және туған-туыстарына жеткізіп беруде«Майдан жолы» Павлодар іздестіру-зерттеу жасағы мен Ресей еліндегі «ОПОРА» Челябинск – Санкт-Петербург іздестіру орталығы мүшелерінің көрсеткен көмегін ерекше атап өткен жөн.
<blockquote>
 Әкем 63 жасына дейін әкесінің сүйегін жерлеп кетуді армандап өмірден озды. Міне, сол атамның сүйегін елге әкеліп жерлегісі келгенәкемнің арманы маған бұйырды. Бүгін марқұм әкемнің арманы орындалды. Біз әулетімізбен бұл іске өте қуаныштымыз және ризамыз, – деп Емберген Асайыновтың немересі Серік Емберген әскери қызметшілер мен іздестіру тобына алғысын білдірді.
</blockquote>

Ұлы Отан соғысының жауынгерінің сүйегі туған жерге жеткізілді

<a href="https://kyzylorda-news.kz/">Kyzylorda-news.kz</a>.&nbsp;Қызылорда облысында Ресейге бет алған 20 тонна орама жіп тиелген жүк көлігі өртенді. Бұл туралы Қызылорда облыстық төтенше жағдайлар департаменті өрт сөндіру және авариялық құтқару жұмыстары қызметі хабарлады.
Оқыс оқиға 30 маусымда «Шымкент-Самара» тас жолының Жаңақорған ауданы аумағында болған. Тәжікстаннан Ресейге бет алған жүк көлігі ортқа оранған.
<blockquote>
 «Бұл жайындағы хабарлама сағат 5.33-те аудандық №14 өрт сөндіру бөлімінің бекетіне келіп түсті. Оқиға Жаңақорған ауданының орталығына 45 шақырым қалған аумақта болған. Тәжікстаннан Ресейге бет алған көлік тіркемесінде 20 тонна орама жіп тиелген. Өрт сөндірушілер күшімен көліктің кабинасы толықтай сақталып қалды. Өрт 07.22-де толығымен сөндірілді. Оқиғаның себебі анықталуда», – делінген хабарламада.
</blockquote>

Қызылордада 20 тонна жіп тиген жүк көлігі өртенді

<a href="https://kyzylorda-news.kz/">Kyzylorda-news.kz</a>. «Назарбаев Зияткерлік мектептері» дербес білім беру ұйымы ұйымдастырған журналистерге арналған «Жаңа жағдайдағы білім беру» республикалық байқауында сырбойылық бұқаралық ақпарат құралдарының өкілдері үш бірдей жүлдеге ие болды.
«Кызылординские вести» газетінің тілшісі Әлібек Байшүленов жеңімпаз атанса, «Qyzylorda» телеарнасының редакторы Толқын Қабылша мен өңірдің бас газеті «Сыр бойы» ұжымы жүлдегерлер қатарынан көрінді.
Білім беру тақырыбындағы материалдарды республикалық және өңірлік БАҚ-тың 110-нан астам тілшісі, сондай-ақ фрилансерлер ұсынды. Байқауға қазақ және орыс тілдерінде әртүрлі жанрдағы 500-ден астам материал келіп түсті.
Журналистердің жұмысын Ақпарат және қоғамдық келісім министрі Аида Балаева, Қазақстан Республикасы Президентінің кеңесшісі Бауыржан Омаров,, «Egemen Qazaqstan» республикалық газеті» акционерлік қоғамының Басқарма төрағасы Дархан Қыдырәлі, «Пресс-служба» журналының бас редакторы, «Пресс-служба года» халықаралық байқауының қазылар алқасының төрағасы Тимур Асланов (Ресей Федерациясы), «Назарбаев Зияткерлік мектептері» дербес білім беру ұйымы баспасөз қызметінің басшысы Мира Алипинова қазылар алқасы сарапқа салды.
<blockquote>
 «Жаңа жағдайдағы білім беру» қазіргі уақытта өте актуалды тақырып. Масс-медиа өкілдері білім берудегі инновациялар мен жаңа бағыттарды және оқу бағдарламаларының ұтымдылығы мен сараптау, зертиеу және насихаттауда үлкен рөл атқаратыны сөзсіз. Пандемия кезінде журналистер, дәрігерлер мен полицейлер секілді алғы шебінде болып, халықты дер кезінде шынайы ақпарат жеткізіп отырды. Эпидемиологиялық жағдай оқыту жүйесін қайта қарап, өзгерістер енгізуге сеп болды. Оқушылар мен мұғалімдер аз уақыт ішінде бұрын сомды болмаған жағдайда білім алуға дағдыланды. Өз кезегінде білім беру ұйыдары мен педагогтер инновациялық ізденісті бастады. Бүгінгі жинаған тәжірибе алдағы жаңа сын-қатерлер кезінде лайықты төтеп бере алады. NIS – бұл инновациялық білім бағдарламалары мен ғылыми жобалар сәтті жүзеге асырылатын білім беру саласындағы озық алаң, – дейді байқау жеңімпазы Алибек Байшуленов.
</blockquote>
Журналистерге арналған келесі байқау NIS жүйеcінің 15 жылдығына орай 2023 жылға жоспарланған.
<img src="https://kyzylorda-news.kz/wp-content/uploads/2021/06/25bced01-8dc7-4e30-a3fd-d778e867debb.jpg" alt="" />
<img src="https://kyzylorda-news.kz/wp-content/uploads/2021/06/dbc5ac66-baa3-4a4c-9396-547f6355c176.jpg" alt="" />
<img src="https://kyzylorda-news.kz/wp-content/uploads/2021/06/902ddc7b-8d26-4851-b4d3-6ab3e1e127cc.jpg" alt="" />

Қызылордалық журналистер – республикалық дода үздігі

<a href="https://kyzylorda-news.kz/">Kyzylorda-news.kz</a>. Жоғары оқу орындарының жас педагог-түлектерін Ұлттық біліктілік тестілеуін тапсырғаннан кейін ғана жұмысқа қабылдау жоспарланып отыр.
Бұл жаңашылдық кадр сапасын арттыруға бағытталған. Біліктілік тестілеуі түлектердің пән бойынша білімі мен оқыту әдістемесінің деңгейін анықтауға мүмкіндік береді.
<blockquote>
 «Мұндай жаңашылдық білікті педагогтер балаларымызға сапалы білім берулері үшін енгізіліп отыр. Биыл оқуын тәмамдаған жоғары оқу орындарының түлектері мен осы уақытқа дейін мектепте жұмыс істемеген педагогтер Ұлттық біліктілік тестілеуін тапсыруы тиіс. Тестілеуді тапсырып, қажетті балл жинаған түлектерді ғана жұмысқа қабылдау жоспарланып отыр. Ұлттық біліктілік тестілеуінде біліктілігін дәлелдегеннен кейін түлектер өз кәсіби дағдыларын мектеп қабырғасында көрсете алады. Бұл жаңашылдық оқуын аяқтап, педагог болып жұмыс істеуге ниет білдірген тұлғаларға ғана қатысты. Яғни, жұмыс істеп жүрген мұғалімдерге бұл талаптар қойылмайды», – деді ҚР БҒМ Мектепке дейінгі және орта білім комитетінің төрайымы Майра Мелдебекова.
</blockquote>
Қазақстандық жоғары оқу орындарына жаңашылдықтың орындылығы мен қажеттілігі туралы түлектер арасында ақпараттық-түсіндіру жұмыстарын жүргізу тапсырылды. Ұлттық біліктілік тестілеуі басталды. Тестілеуді тапсыру үшін Ұлттық тестілеу орталығының сайтында алдын ала тіркелу қажет.
Еске сала кетейік, 2020 жылдан бастап жоғары оқу орындарына педагогикалық мамандықтар бойынша түсуге ниет білдірген түлектерге қойылатын талаптар күшейтілді. Егер бұрын ҰБТ-да болашақ педагогтер үшін шекті балл 50 болса, енді шекті балл 75-ке дейін көтерілді. Шәкіртақы көлемі де 26 мыңнан 42 мың теңгеге дейін ұлғайтылды. Осы жылдың қыркүйек айынан бастап еліміздегі барлық студенттің шәкіртақысы 20%-ке өсетінін айта кеткен жөн.
<a href="https://24.kz/kz/zha-aly-tar/bilim-zh-ne-ylym/item/483531-zhas-pedagogter-ltty-biliktilik-testileuin-tapsyr-annan-kejin-ana-zh-mys-a-abyldanuy-m-mkin">24.kz</a>

Жас педагогтер Ұлттық біліктілік тестілеуін тапсырғаннан кейін ғана жұмысқа қабылдануы мүмкін

<a href="https://kyzylorda-news.kz/">Kyzylorda-news.kz</a>. Қызылордада 1 млн теңгенің затын алып, кейін қарызын бермеген алаяқ әйел ұсталды
Қызылорда облысы Полиция департаментінің Шиелі ауданы полиция бөліміне жергілікті тұрғын алаяқтық дерегі бойынша арыз түсірген.
2021 жылдың ақпан айында кенттегі сауда орталығынан бір әйел сеніміне кіріп, тоңын және алтын алқасын қарызға алып, 1 млн теңге ақшасын беруге уәде берген. Көп ұзамай жәбірленуші ақшасын беруді талап етеді, бірақ ешқандай нәтиже болмайды.
Аудандық полиция бөлімі қызметкерлерінің жүргізген жедел-іздестіру шараларының нәтижесінде көршілес аудан тұрғыны анықталып, ұсталды.Күдіктіге қатысты «ешқайда кетпеу және өзін дұрыс ұстау туралы» қолхат түрінде бұлтартпау шарасы қолданылды.
Аталған дерек бойынша Қазақстан Республикасы Қылмыстық кодексінің 190-бабының 1-бөлігі (Алаяқтық, яғни бөтеннің мүлкін жымқыру)&nbsp;бойынша сотқа дейінгі тергеп-тексеру жүргізілуде.

Қызылордада 1 млн тенгенің затын алдап алған алаяқ әйел ұсталды

<a href="https://kyzylorda-news.kz/">Kyzylorda-news.kz</a>.&nbsp;Қызылордалық төтеншеліктер шаһардағы екі жағажайға ғана суға түсуге болатынын ескертеді.
Олар облыс орталығындағы «Сыр-Самалы» және Белкөл кентіндегі «Абай» жағажайы. Сондай-ақ, қала аумағындағы «Эдельвейс» тұсында коммуналдық саяжайдың құрылысы жүруде. Яғни тұрғындарға жабдықталған жағажайда су шомылуға барлық жағдай жасалуда.
<blockquote>
 «Жыл басынан бері судағы қауіпсіздік ережелерін сақтамау салдарынан 25 оқиға тіркеліп, 28 адам қайтыс болды. Бүгінде азаматтардың әртүрлі себептермен қайғылы жағдайларға ұшырауы өзекті мәселе болып отыр. Осы орайда департамент қызметкерлері су айдындарында, балық аулайтын орындарда 531 рейд өткізіп, 5450 адамға судағы қауіпсіздік ережелері бойынша түсіндіріп, үнпарақтар таратуда», – деді облыстық ТЖД бастығының орынбасары Саид Молдақараев.
 «Суға шомылуға болмайтын аймақтарға 301 ескерту тақтайшасы орнатылды. Бұған қоса, адамдар көп жиналатын орындарда, Арай сити молл ойын-сауық орталығы, жаңа және ескі базарға күнделікті дыбыстық зорайтқыштары арқылы түсіндірме жұмыстары жүргізілуде. Ата-аналарға балаларды бақылаусыз қалдырмауларын және ересек азаматтарға су жағасында демалу кезінде спирттік ішімдіктерге шектеу қойып, өз қауіпсіздіктерін сақтау қажеттігін ескертеміз», – деді облыстық жұмылдыру дайындығы басқармасы басшысының орынбасары Бағдат Алиев.
</blockquote>

Қызылордада жыл басынан бері 28 адам суға кетті

<a href="https://kyzylorda-news.kz/">Kyzylorda-news.kz</a>. Мемлекеттік органдар МӘМС енгізу жөніндегі ВАК отырысы барысында күндізгі оқу студенттерінің мәртебесінің болмауы және оқудың өткен кезеңі үшін берешектердің туындауы мәселелерін талқылады.
Әлеуметтік медициналық сақтандыру қоры азаматтардың Qoldau 24/7 мобильді қосымшасы арқылы жеңілдік санатына жататынын растайтын құжаттармен, оның ішінде мемлекеттік органдармен салыстыру арқылы жүгінген кезде 1 айға уақытша жеңілдік мәртебесін беру бойынша жұмыс жүргізуде.
2020 жылы 11 445 адамға уақытша жеңілдік мәртебесі берілді, 2021 жылдың басынан бастап – 14 067 адам өтініш берушілер арасында орта, орта білімнен кейінгі, жоғары білім беру ұйымдарында күндізгі оқу нысанында білім алып жатқан адамдар жиі жүгінеді.
Осылайша, 2020 жылдың қараша-желтоқсан айларында Қорға 30 өтініш түсті, ағымдағы жылдың басынан бастап – оқу кезеңінде МӘМС жарналары бойынша берешекті қалыптастыру туралы оқуды аяқтаған тұлғалардан 94 өтініш түсті. ҚР БҒМ-де расталғаннан кейін берешек жойылды.
Ағымдағы жылы “Ұлттық білім беру деректер қоры” ақпараттық жүйесінде олар туралы мәліметтердің болмауына байланысты күндізгі оқу нысаны бойынша оқитын 860 студентке Qoldau 24/7 мобильді қосымшасы бойынша 1 ай мерзімге бір рет уақытша жеңілдікті мәртебе берілді
Шетелдік оқу орындарында оқитын студенттерге МӘМС жүйесінде сақтандыру мәртебесін беру мақсатында Қор ҚР Сыртқы істер министрлігі мен ҚР Елшіліктерінің ресми сайттарында электрондық үкімет порталы арқылы студент ретінде тіркелу қажеттілігі туралы ақпараттық-түсіндіру сипатындағы хабарламаны орналастыру мәселесін пысықтады.
Сонымен қатар, қорға “Шетелде оқитын студенттерді тіркеу” сервисі бойынша “Электрондық үкімет” порталына жіберілген шетелде оқитын студенттердің өтінімдерін БҒМ уақтылы өңдемегені туралы шағыммен және растайтын құжаттармен өтініштер келіп түседі. Осыған байланысты, Қор жоғары және жоғары оқу орнынан кейінгі білім беру ұйымдарына, техникалық және кәсіптік білім беру ұйымдарына ақпараттық жүйеде деректерді уақтылы өзектендіру туралы хаттар жіберді.
Сонымен қатар, оқу жылының аяқталуына байланысты МӘМС жарналарын мемлекет жүзеге асыратын он сегіз жасқа толған тұлғалардың жеңілдікті санаттан түсу тәуекелі байқалады. Мысалы, 18 жасқа толған, бірақ оқуын жалғастыратын Назарбаев Зияткерлік мектептерінің оқушылары орта білім беру ұйымдарындағы білім алушылар санатынан шығады.
Білім алушыларды МӘМС жүйесімен қамтуды қамтамасыз ету мақсатында ҚР Білім және ғылым министрлігіне студенттер, оның ішінде шетелде оқитындарға және 18 жасқа толған орта, техникалық және кәсіптік, орта білімнен кейінгі білім беру ұйымдарының оқушылары бойынша online режимге деректерді уақтылы енгізуді, өзектендіруді және беруді қамтамасыз ету тапсырылды.
Сондай-ақ, мүдделі құрылымдармен бірлесіп:
– ведомстволық оқу орындарының студенттері бойынша мәліметтердің тұрақты берілуін қамтамасыз ету;
– білім алу үшін Қазақстанға келген көшіп келушілер үшін ерікті медициналық сақтандыру шартын уақтылы ресімдеу бойынша білім беру ұйымдарымен жұмысты ұйымдастыру;
– Ұлттық білім беру деректер базасында шетелдік студенттер туралы мәліметтердің бар-жоғын тексеру;
– ҚР-да оқитын шетелдік студенттердің медициналық сақтандыруды есепке алу жөніндегі деректер базасын құруды аяқтау және олардың БМСК ұйымдарына тіркелу және МӘМС жүйесіне қатысу жағдайларын болдырмау мақсатында оны уақтылы толықтыруды қамтамасыз ету;
– студенттер, оның ішінде шетелде білім алушылар бойынша деректерді уақтылы енгізу, өзектендіру және оларды Еңбек және халықты әлеуметтік қорғау министрлігінің ақпараттық жүйесіне беру үшін оқу орындары бөлінісінде жауапкершілікті белгілеу жөніндегі регламентті әзірлеу және бекіту.

Күндізгі оқу студенттеріне МӘМС мәртебесін алу үшін E-gov порталында тіркеуден өту қажет

<a href="https://kyzylorda-news.kz/">Kyzylorda-news.kz</a>. Міндетті әлеуметтік медициналық сақтандыру жүйесіндегі халықты қамту мәселелері бүгін МӘМС енгізу жөніндегі ведомствоаралық комиссияның кезекті отырысында талқыланды.
<blockquote>
 «МӘМС енгізілуіне байланысты медициналық көмекті қаржыландыру өсімі 2019 жылмен салыстырғанда 80%-ды құрады. Осы қаражат есебінен еліміздің сақтандырылған халқы 81 млн мамандар консультациясын және диагностикалық қызметтерді ала алады, бұл 2020 жылға қарағанда 25%-ға артық, оның ішінде 930 мың қымбат тұратын зерттеулер (КТ/МРТ), медициналық оңалтудың 1 млн-нан астам қызметі 3 есе өсумен, азаматтарды дәрі-дәрмекпен қамтамасыз етуге қолжетімділік 30,9%-ға артады, – деп атап өтті өз сөзінде денсаулық сақтаудың бірінші вице-министрі Марат Шоранов.
</blockquote>
Алайда, М.Шорановтың айтуынша, медициналық көмекке қолжетімділігі шектеулі МӘМС жүйесімен қамтылмаған тағы 3,2 млн. қазақстандық қалып отыр, олардың 1,7 млн. адамы жарналарды тұрақты негізде төлемейді, 1,5 млн адам бірде-бір төлем жасаған жоқ.
<blockquote>
 «2021 жылдың маусым айындағы жағдай бойынша МӘМС жүйесіндегі медициналық қызметтерді тұтынушылар саны (Әлеуметтік медициналық сақтандыру қорының «Saqtandyrý» АЖ деректері бойынша) 15,8 млн адамды немесе ҚР халқының жалпы санының 83%-ын құрайды», – деді «Әлеуметтік медициналық сақтандыру қоры» КЕАҚ Басқарма төрағасы Болат Төкежанов.
</blockquote>
Оның айтуынша, сақтандырылған халықтың төмен көрсеткіші Қостанай (77%), Алматы (78%), Түркістан (78%), Жамбыл (80%), Қызылорда (80%), Шығыс Қазақстан (81%) облыстарында және Алматы мен Шымкент қалаларында (81%-дан) байқалады.
Халықтың сақтандырылуының ең жоғары көрсеткіштері Атырау (86%), Маңғыстау (86%), Ақмола (85%), Батыс Қазақстан (84%) және Павлодар (84%) облыстарында.&nbsp;
2020 жылы қордың жинақталған активтері есебінен пандемия және шектеу шаралары кезеңінде табыссыз қалған азаматтарға (Үкімет актілеріне сәйкес), сондай-ақ БЖТ төлеушілерге жеңілдік нормасы бойынша МӘМС жүйесінде медициналық көмек көрсетілгенін атап өту қажет.
Осылайша, 2020 жылы МӘМС жүйесіне бұрын қатыспаған 1,7 млн адам БЖТ-ны жалпы сомасы 1,8 млрд теңгеге төледі. Оның ішінде 84 мың адам стационарларда 11 млрд теңгеге ем алды. Осылайша, қордан БЖТ төлеушілерге түскеннен 6 есе көп қаражат жұмсалды.
Ұлттық статистика бюросының мәліметінше, елдегі өзін-өзі жұмыспен қамтыған халық саны 2 млн 78 мың адамды құрайды. МӘМС жүйесінде орта есеппен 1 млн 48 мың адам есептелетінін ескере отырып, 1 млн 30 мың адам өзін-өзі жұмыспен қамтығандар сәйкестендірілмеген болып қала береді.

Халықты МӘМС жүйесімен қамту мәселелері талқыланды

<a href="https://kyzylorda-news.kz/">Kyzylorda-news.kz</a>. Қармақшы ауданында әкімдігінде облыстық мәслихат хатшысы Н. Байқадамовтың төрағалығымен ауыл шаруашылығы саласындағы мал шаруашылығын дамыту мен субсидия беру мәселелері бойынша актив отырысы өтті.
Жиынға Қазақстан Республикасы Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің басшысы, генерал-майор Қ. Қожахметов, облыстық ауыл шаруашылығы басқармасының басшысы Талғат Дүйсебаев, Қызылорда облысы «Атамекен» ұлттық кәсіпкерлер палатасы директорының орынбасары Пірмұхаммед Сыздықов және аудан әкімінің орынбасарлары мен дербес бөлім басшылары, шаруа қожалықтарының иелері мен кәсіпкерлер қатысты.
Кездесуде аудан әкімі Мұса Қалдарбеков сөз алып, күн тәртібіндегі мәселенің өзектілігіне арнайы тоқталып, ауданға арнайы келген сала басшыларын таныстырды. Облыстық мәслихаттың хатшысы Наурызбай Байқадамов бүгінгі жиынның негізгі мақсаты – шаруалармен бетпе-бет кездесіп, елдің ішіндегі өзекті мәселелерді тыңдау, ауыл шаруашылығы саласын субсидияландыруда кездесетін қиындықтар туралы ұсыныстарды білу екендігін жеткізді.
«Ауыл шаруашылығын дамытпай, бәсекеге қабілетті экономика құру мүмкін емес» деген Наурызбай Сейітқалиұлы осы салаға бөлінетін субсидия мен басқа да мемлекеттік қаржылай қолдау көрсету кезінде жасалатын сыбайлас жемқорлық қылмыстың азаймай отырғандығын айтты.
Сонымен қатар жиын барысында Қазақстан Республикасының Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаментінің басшысы, Қанат Қожахметов сыбайлас жемқорлықтың алдын алу құралдарының күшейтілгенін, ол үшін бірқатар маңызды заңнамалық шаралар қабылданғанын атап өтті.
Одан кейін Агенттік басшысының бірінші орынбасары Ғ.Әлімқұлова қабылданған заңнамалық шараларға кеңінен тоқталып, ауыл шаруашылығы өндірушілерін субсидиялау саласына кешенді сыбайлас жемқорлыққа қарсы талдау жүргізілетіні туралы айтып өтті. Мұнан соң аудандық ауыл шаруашылығы бөлімінің басшысы Ә. Омаров аудандағы агроөнеркәсіптік кешеннің даму барысы жөнінде хабарлама жасап, негізгі көрсеткіштерге тоқталды.
Кездесуде шаруа қожалығының жетекшілері, жеке кәсіпкерлер, өздерін толғандырған мәселелерді ортаға салып, субсидиалау шарасына қатысты ұсыныстарымен бөлісті.
Кездесуді қорытындылаған облыстық мәслихаттың хатшысы Н.Байқадамов тұрғындар тарапынан көтерілген мәселелердің өзектілігіне тоқталып, жиында аталған ұсыныстар ескерілетінін жеткізді. Кездесуден соң Қазақстан Республикасының Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаментінің басшысы Қанат Қожахметов жеке қабылдау өткізіп, тұрғындардың мәселелерін тыңдады.
Қармақшы ауданына сапары кезінде Қазақстан Республикасының Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаментінің басшысы Қанат Қожахметов Дүр Оңғар ауылында болып, «Жаңажол» ЖШС -нің жұмысымен танысты. Шаруашылыққа тиесілі күріш өңдеу зауытының жұмысымен «Жаңажол» ЖШС –нің директоры, облыстық мәслихат депутаты О. Төлепов арнайы таныстырып, атқарылған жұмыстарды баяндады.
<img src="https://kyzylorda-news.kz/wp-content/uploads/2021/06/206680414_2914667755473123_2924475577402214583_n.jpg" alt="" />
<img src="https://kyzylorda-news.kz/wp-content/uploads/2021/06/206255188_2914667808806451_1530239028504189155_n.jpg" alt="" />

Қазақстан және Қызылорда облысының жаңалықтары: Қоғам