Kyzylorda-news.kz. Білім гранттары бойынша бакалавр академиялық дәрежесінде техникалық, ауыл шаруашылығы, білім беру, өнер, журналистика, дін, ветеринария және медицина салаларының мамандары даярланатын болады. Бұл туралы Өңірлік коммуникациялар қызметінің ақпарат алаңында өткен брифингте облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Мейрамбек Абдукаримов жан-жақты баяндап берді.
Гранттар көпбалалы және аз қамтылған отбасыларға қосымша қолдау шараларын ұсыну мақсатында қабылданған 2019-2021 жылдарға арналған өңірлік Әлеуметтік жол картасы шеңберінде тағайындалды. Бұл мақсатқа облыстық бюджеттен қаржы бөлініп, облыс әкімінің 100 оқу гранты бөлінді. Ал оқу гранты 9 санат бойынша әлеуметтік осал топтарға енгізілген түлектерге табысталады. Грантты тағайындау туралы шешімді жергілікті аудан және қала әкімдіктері жанынан құрылған арнайы комиссия қабылдайды. Үміткерлердің ҰБТ, кешенді тестілеуден алған нәтижесі, жеке жоғары жетістіктері, әлеуметтік жағдайы, отбасының табыс деңгейі – іріктеудің негізгі критерийлері болып табылады.
<blockquote>
 «Атап айтқанда, Қорқыт ата атындағы Қызылорда мемлекеттік университетіне – 46, Қазақ Ұлттық аграрлық университетіне – 5, Нұр Мүбәрәк университетіне – 10, М.Оспанов атындағы Батыс Қазақстан мемлекеттік медицина университетіне – 20, С. Ж. Асфендияров атындағы Қазақ Ұлттық медицина университетіне – 19 грант бөлінді», – деді М.Абдукаримов.
</blockquote>
Ал, Қорқыт ата атындағы Қызылорда мемлекеттік университетінің проректоры Абайбек Жүнісовтың айтуынша, білім беру гранты конкурсына қатысуға ҰБТ-дан өткен және нәтижесі кемінде 50 балл, ал педагогикалық ғылымдар саласы бойынша кемінде 75 балл, шығармашылық емтихан бойынша кемінде 5 балл жинаған адамдар жіберіледі.
Жалпы, аймақта облыс әкімінің гранты 2013 жылдан бастап халықтың осал топтары қатарынан шыққан студенттерге әлеуметтік қолдау ретінде тағайындалып келеді. Бүгінде еліміздің алдыңғы қатарлы жоғары оқу орындарында оқитын 1 153 студент облыс әкімінің грантын иеленіп, оның 507-і оқуды бітіріп, 291 маман жұмыспен қамтылған. 24-і жұмыспен қамтудың белсенді шараларына тартылды.

Қызылорда облысы әкімінің 100 гранты бөлінді

<a href="https://kyzylorda-news.kz/">Kyzylorda-news.kz</a>. Бүгін Қызылорда облысының жұмылдыру дайындығы басқармасының басшысы М.Қалдарбеков «Қызылорда қаласының төңірегінде Сырдария өзенінің арнасын тазалау» жобасының жүзеге асырылу барысымен танысты.
Жобаның негізгі мақсаты – жер снарядын пайдалана отырып, Қызылорда қаласының шегіндегі Сырдария өзенінің 8,9 шақырым арнасын тазарту. Өткен жылдың қазан айында басталған жобаның іске асырылу мерзімі 3 жыл.
Бүгінгі күні нысанның басында жалпы 17 құрылыс техникасы жұмыс атқаруда. Оның ішінде 3 құмды соратын жер снаряды, 9 экскаватор, 2 погрузчик және 3 бульдозер.
Басқарма басшысы Мұса Оспанұлы мердігер «Павлодар өзен порты» Акционерлік қоғамының басшылығына техникалар санын арттыруды, жұмысты бригадаға бөлу арқылы бекітілген кестеге сәйкес жүзеге асыруды тапсырды.
Жұмыстың атқарылу барысын үнемі басқылауда ұстау облыстық жұмылдыру дайындығы басқармасы басшысының орынбасары Б.Алиев пен басқармаға қарасты жұмылдыру және шұғыл жұмыстар орталығының басшысы Е.Бейсенбаевқа тапсырылды.

Сырдария өзенінің арнасын тазалау жұмыстары жалғасуда

<a href="https://kyzylorda-news.kz/">Kyzylorda-news.kz</a>.&nbsp;Бүгін Қазалы ауданының әкімі Мұхтар Оразбаевтың төрағалығымен коронавирустық инфекцияның алдын алуға байланысты кезекті штаб отырысы өтті.
Штаб отырысында аудан көлеміндегі той-жиындардың тоқтамай тұрғандығы айтылды. Осыған орай аудан әкімі Мұхтар Оразбаев мониторингтік топтардың жұмысын сынап, қатаң шаралар қабылдануы қажет екендігін айтты.
Мұнан соң аудандық аудандық санитариялық-эпидемиологиялық бақылау басқармасының басшысы Гүлсім Имандосова Әйтеке би кентінде жұқпалы індетке шалдыққандардың қарасы қалың болып тұрғанын тілге тиек етті. Сол үшін де аудан орталығында той-жиындардың тоқтату қажеттігін айтты.
Қазалы ауданаралық ауруханасының бас дәрігері Бақыткүл Әлішева аудандағы вакцинациялау жұмыстары жөнінде хабарлама жасап, атқарылып жатқан жұмыстар жөнінде айтып берді.
Бас дәрігер Бақытгүл Әлмәмбетқызының айтуынша, қазіргі таңда ауруханадағы 6 науқастың жағдайы өте ауыр. Бір отбасыдан 3 адам індет жұқтырған деректер де бар. Барлығы да той-жиындарға барған.Басқосуға аудан прокуроры Бақытжан Мырзабаев та қатысып, өзінің ой-пікірлерін жеткізді.
<img src="https://kyzylorda-news.kz/wp-content/uploads/2021/08/229144917_3125862430968016_6153497873200289505_n.jpg" alt="" />

Covid-19: Қазалыда 6 науқастың жағдайы ауыр

<a href="https://kyzylorda-news.kz/">Kyzylorda-news.kz</a>.&nbsp;«En baqytty el» қоғамдық қоры «Жастар арасында отбасылық құндылықтарды нығайту жөніндегі шараларды институтционалдау» әлеуметтік жобасын «Азаматтық бастамаларды қолдау орталығы» КЕАҚ және Қазақстан Республикасы Ақпарат және қоғамдық даму министрлігінің тапсырысы бойынша «Жас отбасы 2021» отбасылық байқауы бастау алды.
Байқаудың мақсаты – жастар арасында отбасы институтын, отбасылық құндылықтар мен отбасылық дәстүрлерді дәріптеу.
Байқау 2021 жылдың 3 тамыздан бастап 11 қыркүйекке дейінгі кезеңде онлайн форматта өтеді. Бұл ретте қатысуға арналған электрондық өтінімдерді қабылдау мерзімі – 20 тамызға дейін (қоса алғанда) жалғсады.
Жас отбасы мүшелерінің жасы – 35 жасқа дейін (қоса алғанда).
Қатысуға өтінімді <a href="https://docs.google.com/…/1aSaOe1MGifr8wtWIEy2B…/edit….">мына сілтеме</a> бойынша сауалнаманы толтыру арқылы беруге болады.
Байқау қорытындысы бойынша жеңімпаздар дипломдармен және бағалы сыйлықтармен марапатталады. Байқау бойынша толық ақпаратты «<a href="https://www.instagram.com/p/CSI3k83qIqC/?fbclid=IwAR03ApY-SNN59DeG76g2cJbyE8ZO-oZu2di7u_coll_tFdP-vlvvBa78w-8">Instagram</a>» және «<a href="https://www.facebook.com/enbaqyttyel/">Facebook</a>» әлеуметтік желілеріндегі ресми парақшаларымыздан алуға болады.

«Жас отбасы 2021» республикалық байқауы басталды

<a href="https://kyzylorda-news.kz/">Kyzylorda-news.kz</a>. Сырдария ауданының әкімі Мұрат Ергешбаевтың төрағалығымен аппарат мәжілісі өтті.
«ZOOM» бағдарламасы арқылы ұйымдастырылған жиналысқа аудан әкімінің орынбасарлары, кеңесшісі, аппарат басшысы, дербес бөлім басшылары және бейнебайланыс арқылы ауыл әкімдері қатысты.
Мәжілістің күн тәртібінде негізгі үш мәселе қаралды.Аудан әкімі жылдың үшінші тоқсаны басталғанын айтып, бюджет қаржыларының тиімді әрі уақытылы игерілуі аса маңызды екенін атап өтті. Игерілмеген қаржылардың қалай, неден қалыптасқанын таразылап, атқарылған жұмыстардың кемшін тұстарын тізбектеді. Бюджет қаржыларының тиімді игерілмеуі аудандық қаржы бөлімі мен бюджет әкімшілерінің кінәсі екеніне назар аударып, жоспарлы жұмыстарды тез арада ретке келтіруді тапсырды.Күн тәртібіндегі бірінші мәселе аудан бюджетінің атқарылуы туралы аудандық қаржы бөлімінің басшысы А.Есмағанбетова баяндама жасады.
<blockquote>
 «Бүгінгі күнге аудан бюджеті 7715,8 млн теңгеге немесе 102,6 пайызға орындалып отыр. Оның ішінде ауданның өз кірістері 2284,0 млн теңгеге немесе 107,7 пайызға орындалып, 163,0 млн теңге артық түскен. Республикалық және облыстық бюджеттерден 5053,9 млн теңге трансферттер алынды. Ал шығындар жоспары 2021 жылдың 1 тамызына 6149,6 млн теңгеге немесе 96,8 пайызға орындалып отыр. Бюджет қаражатының игерілмеген қалдығы 202,3 млн теңгені құрады», – деген бөлім басшысы 2021 жылға арналған аудан бюджетінің кірістері 1494,0 млн теңге көлемінде түзетілгенін атап өтті.
</blockquote>
Бұл мәселе бойынша аудан әкімі М.Ергешбаев бюджет қаржысы уақытылы әрі заң аясында сапалы игерілу қажеттігін ескертіп, нақты тапсырмалар жүктеді.Күн тәртібіндегі екінші мәселе вакцинациялау жұмыстарының жүргізілу барысына арналды. Аудан әкімінің орынбасары Д.Байдушев қауіпті індеттің алдын алу мақсатында атқарылып жатқан жұмыстарды баяндады.
<blockquote>
 «Аудан бойынша карантин талаптарының сақталуын бақылау мақсатында 16 мониторинг топ жұмыс істеуде. Жыл басынан бері 47 жеке және заңды тұлғаға айыппұл салынды. Аудан бойынша екпе қабылдауы тиіс 18029 тұрғынның бүгінде 13380-і екпе қабылдады. Биыл 383 науқас қауіпті індетке шалдыққандар есебінде тіркеліп тұр. Бұл былтырғы жылғыдан жоғары. Екпе қабылдаудың тиімділігі жергілікті газетте, ресми парақшаларда тұрақты түрде жүргізілуде», – деді аудан әкімінің орынбасары.
</blockquote>
Екпенің екі кезеңін қабылдау арқылы ғана індетті жеңуге болатынын айтқан аудан әкімі мониторинг топтардың жұмысын күшейтуді, екпенің пайдасын білікті дәрігерлермен бірлесе түсіндіруді міндеттеді. Бұл жұмыстарға көпті көрген, өмірден түйгені мол ардагерлер мен қоғамдық кеңес мүшелерін тартуды тапсырды.
Мәжілісте қаралған үшінші мәселе аудан әкімінің төрағалығымен өткен жиналыстардың хаттамалық тапсырмаларының орындалуы жөнінде өрбіп, аппарат басшысы Т.Ерманов хабарлама жасады.
<blockquote>
 «Жыл басынан бері аудан әкімінің төрағалығымен 18 мәжіліс өтіп, 211 тапсырма берілген. Бүгінгі күнге тапсырмалардың 130-ы мерзімінде орындалып, бақылаудан алынса, 81 тапсырма бойынша жұмыс жасалуда. Тапсырмалардың орындалуы бойынша жауап хаттарды кешіктірумен қатар, сапасыз орындау мәселесі қайталануда. Кейбір жауапты дербес бөлім басшылары мен әкімдер «Электронды құжат айналымы» бағдарламасына «ұйымдастырылуда», «жұмыс жасалуда» деген жалпылама жауаптар жолдаумен шектеледі», – деген аппарат басшысы хаттамалық тапсырмалар бойынша мерзім бұзушылыққа жол берген лауазымды тұлғалардың орындаушылық тәртібін қарауды ұсынды.
</blockquote>
Осылайша, күн тәртібіндегі мәселелер толық қаралып, талқыланғаннан кейін аудан әкімі дербес бөлім басшылары мен кент және ауыл әкімдеріне бірқатар тапсырма берді. Тапсырмалардың орындалуын бақылау аудан әкімінің орынбасарларына жүктелді.

Мұрат Ергешбаев: Бюджет қаржысы тиімді игерілуі тиіс

<a href="https://kyzylorda-news.kz/">Kyzylorda-news.kz</a>. 16 маусымнан бастап Қызылорда облыстық Жастар ресурстық орталығы ғимаратында коронавирустық инфекцияға қарсы вакцинациялау пункті ашылып, екпе егу басталған болатын. Сол уақыттан бастап, сол жағалау тұрғындарына және сол жағалауда орналасқан мекеме қызметкелеріне ерікті түрде вакцина салынуда.
Ғаламды шарпыған індетке байланысты қазіргі таңда орталық ғимаратынан ашылған вакцинация пунктінде екпе егу жұмыстары әлі де жалғасып жатыр. Бүгінгі күнге дейін есептік қорытынды бойынша, өз еркімен келіп 1000 тұрғын екпе қабылдады.
Сонымен қатар, орталық ғимаратында алғашында тұрғындар тек екпенің І кезеңін салдырса, қазіргі уақытта ІІ кезеңін де егу жұмыстары жүргізіліп жатыр. Дәрігерлер екпе алғандар тарапынан әзірге ешқандай шағым жоқ екенін айтады. Науқастар үнемі бақылауда. Сондай-ақ, вакцинаны салу әр адамның еркіне қарай жүргізілуде.
<img src="https://kyzylorda-news.kz/wp-content/uploads/2021/08/235252514_1056332035141455_5587737956600004237_n.jpg" alt="" />

Қызылорда: Орталықтан екпе алғандар саны мыңға жетті

<a href="https://kyzylorda-news.kz/">Kyzylorda-news.kz</a>. Арал ауданы әкімінің орынбасары Еркін Əбішев бастаған төтенше жағдайды жою жөніндегі жұмысшы топ өкілдері ауданға қарасты Аманөткел ауылдық округіндегі «Бұрмақұлақ» арнасын бөгеу жəне «Аспай» суағытқысын жөндеу жұмыстарының жайымен танысты.
«Аспай» суағытқысы көлдер жүйесін суландыру үшін 1974 жылы салынған. Қазіргі таңда «Ақшатау-Қамыстыбас» көлдер жүйесін суландыру мақсатында «Аспай» суағытқысын қайта іске қосып, «Бұрмақұлақ» арнасын бөгеу маңызды.
Еске сала кетейік, осы орайда ағымдағы жылы жауапты мамандардан құрылған жұмысшы топ зерделеу жұмыстарын жүргізіп, нəтижесімен нысанның ақау актісі жасалған болатын. Бүгінде мінекей, аталған жұмыстарды іске асыру бағытында шұғыл шаралар қолға алынып, тиісті жұмыстар облыстық бюджет есебінен жүзеге асырылуда.
Жұмыстар толықтай аяқталғаннан соң «Ақшатау-Қамыстыбас» көлдер жүйесін толтыру жəне Аманөткел, Райым, Жетес би, Қамыстыбас, Жаңақұрылыс ауылдық округтеріндегі жайылымдық, шабындық жерлерін судландыруға қол жеткізілетін болады.
Осы аталған жұмыстардың іске асырылуын пысықтап қайтқан жұмысшы топ өкілдері дария арнасын бөгеу жұмыстарына жауапты мердігер «Сыр-Маржаны» ЖШС өкілдерімен кездесіп, жобаны сəтті аяқтап шығу бағытындағы жоспарларымен бөлісті.

Арал: Бұрмақұлақ арнасын бөгеу жұмыстары жүзеге асуда

<a href="https://kyzylorda-news.kz/">Kyzylorda-news.kz</a>.&nbsp;Қызылорда гарнизонындағы Әуе шабуылына қарсы қорғаныс әскерлерінің әскери бөлімінде сыбайлас жемқорлықтың алдын-алу мақсатында жеке құраммен жоспарлы іс-шара ұйымдастырылды.
Әуе шабуылына қарсы қорғаныс әскерлерінің әскери бөлім &nbsp;командирі капитан Жансейіт Жайдақпаев пен оның тәрбие және идеологиялық жұмыстар жөніндегі орынбасары аға лейтенант Ақылбек Болат бөлімде әскери қызметшілер мен азаматтық қызметкерлер арасында сыбайлас жемқорлықтың алдын-алу, әскери құқықтық біліктілікті арттыру мақсатында түсіндірме жұмыстарын жүргізіп, осы салада атқарылып жатқан жұмыстарға тоқталды. Сонымен қатар, шара кезінде жеке құрамға жемқорлыққа қарсы арнайы түсірілген әсерлі бейнероликтер көрсетілді. Азаматтардың Қарулы Күштерге сенімін арттыру, жемқорлықты азайту мақсатындағы «Қарулы Күштер – Адалдық Алаңы» жобасы аясында әрбір қызметші аянбай еңбек ету керектігі айтылды. Іс-шара барысында барлық санитарлық-эпидемиологиялық талаптар мен нормалар қатаң сақталды.
Шараның негізгі мақсаты – алдағы уақытта әскери бөлімдегі әскерилер арасында заң бұзушылықтарға жол бермеу, сыбайлас жемқорлықтың алдын-алу.
<blockquote>
 «Бөлімде ешқашан сыбайластыққа жол берілмеуі керек. Әрбір атқарылған жұмыстар заң аясында жүзеге асуы тиіс. Әрбір әскери қызметші адал істер атқарып, сыбайластықтың алдын – алуға өз үлесін қосуы біз үшін абыройлы іс», – деген бөлім командирі капитан Жансейіт Жайдақпаев, алдағы уақытқа осы салаға қатысты бірқатар тапсырмалар берді. &nbsp;
</blockquote>
Өз кезегінде бөлім командирінің орынбасары аға лейтенант Ақылбек Болат Қарулы Күштер қатарындағы әскери қызметшілердің қатысуымен орын алған сыбайлас жемқорлық құқық бұзушылықтарға тоқталып, мекеме жеке құрамын заң аясында бірлесе қызмет атқаруға шақырды. &nbsp;&nbsp;&nbsp;&nbsp;&nbsp;&nbsp;&nbsp;
Мемлекетіміздің өркендеуіне теріс әсерін тигізетін сыбайластықты болдырмау мақсатында аталған әскери бөлімде көптеген оң жұмыстар атқарылып келеді.
<img src="https://kyzylorda-news.kz/wp-content/uploads/2021/08/img-20210726-wa0000.jpg" alt="" />

Жансейіт Жайдақпаев: Сыбайластыққа жол жоқ

<a href="https://kyzylorda-news.kz/">Kyzylorda-news.kz</a>.&nbsp;Міндетті әлеуметтік медициналық сақтандыру Қазақстанның барлық сақтандырылған азаматтарына, жынысына, жасына, әлеуметтік мәртебесіне, тұрғылықты жері мен табысына қарамастан медициналық және фармацевтикалық көмекке тең қолжетімділікті кепілдік береді. Жарналардың болуы міндетті болып табылады. Әлеуметтік медициналық сақтандыру қорының Қызылорда облысы бойынша филиалының бөлім басшысы Абылайхан Рахымов кімге және қандай сомаға төлеу керектігін толық ақпарат берді.
Жалдамалы жұмысшы
Төлемді жұмыс берушінің бухгалтериясы жарналарды есептеу объектісінің 2% – ы және еңбекке ақы төлеу қорының 2% – ы мөлшерінде жүргізеді;
Жарнаны екінші деңгейдегі банктің кез келген бөлімшесі немесе Қазпошта арқылы келесі шотқа аудару қажет:
KZ92009MEDS368609103
БСН 160440007161
BSK GCVPKZ2A
Жұмыс берушілердің жарналары үшін төлем мақсаттарының коды – 121.
Егер егер қызметкер 15 жеңілдікті санаттардың біріне жататын болса, онда ол үшін аударым жасаудың қажеті жоқ.
Жеке кәсіпкер, жеке нотариус, адвокат, кәсіби медиатор, шаруа қожалығының иесі
Ай сайынғы сома бекітілген және 2021 жылы 2 975 теңгені құрайды – 1,4 ең төменгі жалақының 5%.
Жұмыс берушілердің жарналары үшін төлем мақсаттарының коды – 121.
ЖК төлем мақсатының коды: 122
Азаматтық-құқықтық сипаттағы келісім шарты бойынша жұмыс істейтін жеке тұлға
АҚС бойынша жұмыс істейтін жеке тұлғаның табысынан жарналарды ұстап қалады және көрсетілетін қызметті алушы (салық агенті) аударады.
2021 жылы – келісімшарт бойынша алынған кірістің 2%.
Өзін-өзі жұмыспен қамтығандар (Бірыңғай әлеуметтік төлемдер төлеушілер)
2021 жылы жарна сомасы 1 АЕК немесе 2917 теңгені құрайды – қалаларда тұратын жеке тұлғалар үшін, басқа елді мекендерде тұратын жеке тұлғалар үшін – 0,5 АЕК немесе 1459 теңге.
БЖТ-ны әрбір ай үшін бөлек төлеу қажет.
Дербес төлеуші (тұрақты табысы жоқ және азаматтардың жеңілдікті санаттарының тізіміне енгізілмеген жеке тұлға)
1 ЕТЖ – нің 5% (2021 жылы 2125 теңге, өйткені ЕТЖ мөлшері өзгерген жоқ);
Төлем мақсатының коды: 122
Сіз жарналарды төлеу екінші деңгейдегі банктер және олардың интернет-сервистері, Kaspi.kz, Halyk Bank мобильді қосымшалары, «Қазпошта» АҚ бөлімшелері, төлем терминалдары (Qiwi, Kassa24 және т.б.), медициналық ұйымдардағы төлем терминалдары арқылы аудара аласыз.
Алушының ЖСН мен аты-жөнін дұрыс көрсету, 2-3 жұмыс күні ішінде қаражаттың қайтарылуын тексеру маңызды.
<img src="https://kyzylorda-news.kz/wp-content/uploads/2021/08/razmer-platezha-kaz-1.jpg" alt="" />
<img src="https://kyzylorda-news.kz/wp-content/uploads/2021/08/razmer-platezha-kaz.jpg" alt="" />
<img src="https://kyzylorda-news.kz/wp-content/uploads/2021/08/kaz-lgotniki-osms-1.png" alt="" />

МӘМС жарнасын қалай төлеуге болады?

<a href="https://kyzylorda-news.kz/">Kyzylorda-news.kz</a>. Қызылорда гарнизонындағы Әуе шабуылына қарсы қорғаныс әскерлерінің әскери бөлімінде санитарлық-эпидемиологиялық талаптар мен нормаларды сақтай отырып, әскери қызметшілердің отбасы мүшелері қатысқан ашық есік күні іс-шарасы өтті.
Шараның мақсаты – жеке құрамның отбасы мүшелерін әскери бөлімнің тыныс-тіршілігімен таныстыру, жас буынды отансүйгіштікке тәрбиелеу және патриоттық рухтағы сананы ояту болды. Бөлім командирінің ұйымдастыруымен орын алған шарада бөлім командирінің тәрбие және идеологиялық жұмыстары жөніндегі орынбасары, аға лейтенант Ақылбек Болат әскери қызметшілердің отбасы мүшелерімен ашық сұхбаттар жүргізіп, бөлім аумағындағы барлық әскери нысандармен таныстырып және әскери бөлімде қызмет жасап жүрген ел қорғау саласындағы туыстарына түсіністікпен қарауға шақырды. Әскери бөлімдегі негізгі лауазымды тұлғалар қонақтардың бөлімдегі қызмет пен тіршілік жайлы сұрақтарына жауап берді.
<blockquote>
 «Менің әкем Отан қорғаушы. Бүгін осы аталған шара барысында әкемнің жұмыс орнымен таныстым. Әскери сала өте қызықты екен. Әскерге деген талпынысым да арта түсті. Алайда, Отан қорғау жауапты іс екенін де түсіндім», – дейді бөлімдегі әскери қызметшінің ұлы Әлихан Қаныбек.
</blockquote>
Әсіресе, әскери бөлім аумағына орнатылған заманауи үлкен батут пен ондағы ертегі кейіпкерлері келген әскери қызметшілердің балалары үшін аса қызығушылық туғызды. Іс-шара соңында әскерилердің ата-аналары мен жұбайлары жиынның қызықты ұйымдастырылғаны, маңызды мәселелер мен көкейдегі сұрақтарына жауап тапқандарын айтып, бөлім басшылығы мен жауапты салада жүрген әскери қызметшілердің алдағы жұмыстарына сәттілік тіледі.
<img src="https://kyzylorda-news.kz/wp-content/uploads/2021/08/img_20210728_124924_491.jpg" alt="" />
<img src="https://kyzylorda-news.kz/wp-content/uploads/2021/08/img_20210728_124916_409.jpg" alt="" />

Қызылордадағы әскери бөлімде ашық есік күні өтті

<a href="https://kyzylorda-news.kz/">Kyzylorda-news.kz</a>. «Қайырымды істер марафоны» аясында әлеуметтік желілерге халықтан киім-кешек, тұрмыстық заттар қабылданатындығы жарияланды. Жомарт жандар табылды. Әлеуметтік дүкенге жеткізілген 3000-нан астам киім-кешек, 10 тұрмысқа қажетті зат кезекті жәрмеңкеде тұрмысы төмен отбасыларға таратылып берілді. Бұл туралы бүгін Өңірлік коммуникациялар қызметінде өткен баспасөз конференциясында облыстық волонтерлер фронт офисінің жетекшісі Болатбек Айтбенбетов хабарлады.
<blockquote>
 «Облыстық жастар орталығына келе алмайтын жандарды ескеріп, тұрмысы төмен отбасыларды әуреге салмай, біз апта сайын әр шағын ауданда көшпелі жәрмеңке ұйымдастыруды жөн санадық. Нәтижесінде Баламекен елді мекенінде, Сабалақ және Ягодка саяжайында тұрғындарға киім-кешек үлестірдік. Алдағы уақытта, Белкөл кентіне бару жоспарда бар. Жәрмеңке аясында 600-ден астам отбасыға халықтың қолдауымен әлеуметтік көмек, сондай-ақ, мүгедек жандарға 7 арба, 3 ходунок, 2 балдақ берілді», – деді ол.
</blockquote>
Қайырымды істер бастамасы мұнымен біткен жоқ. Өткен айда Арал ауданына облысымыздың кәсіпкерлерінің, мешіт имамдары мен жамағаттарының, ерікті жастардың қолдауымен 12732 бау шөп жөнелтілді.
Тағы бір қуанышты жаңалық, Сабалақ саяжайында тұратын қос мүгедек баласы бар отбасыға кәсіпкерлердің қолдауымен баспана алып берілді. Шиеліде де тұрмысы төмен бір отбасыға үй табысталды.
Ал, Қазалы ауданы, Бірлік ауылдық округ әкімі аппараты және ауылдың ерікті жастарының бастамасымен «Рамберді ишан» мешіті жанына, мешіттің жабдықтарын қоятын сарайының іргетасы қаланды.
<img src="https://kyzylorda-news.kz/wp-content/uploads/2021/08/230955478_1347005209028321_1686487755332637189_n.jpg" alt="" />

Қызылордада 600-ден астам отбасыға әлеуметтік көмек көрсетілді

<a href="https://kyzylorda-news.kz/">Kyzylorda-news.kz</a>. Қазақстан бойынша 10-12 тамызға арналған ауа райы болжамы жарияланды.
<blockquote>
 «Орталығы Сібірдің батысында орналасқан циклон және онымен байланысты фронтальды бөлімдер, елдің солтүстік, орталық, шығыс және оңтүстік-шығыс аймақтарына әсерін сақтайды. Қазақстанның солтүстігінде, орталығында және шығысында кей жерлерде қатты жаңбыр, найзағай, бұршақ жауып, екпінді жел соғады. Бұл аймақтардағы температура фоны түнде 8…15-ке дейін төмендейді, ал күндіз 17… 22 градус жылуға дейін жетеді. Республиканың қалған аумағында кең антициклон құрғақ және шуақты ауа райын қамтамасыз етеді. Республиканың батысы мен оңтүстік-батысында 45 градусқа дейін қатты ыстық күтіледі», – делінген хабарламада.
</blockquote>

Қазақстан және Қызылорда облысының жаңалықтары: Қоғам