<a href="https://kyzylorda-news.kz/">Kyzylorda-news.kz</a>. Қыркүйектің бірінші жексенбісі – мұнай және газ саласы қызметкерлерінің кәсіби меркесі аясында облыс әкімі Гүлшара Әбдіқалықова сала мамандарымен кездесіп, төл мереке иелеріне құрмет көрсетті. Жиынға мұнай компанияларының өкілдері мен сала ардагерлері шақырылды.
Аймақ басшысы бүгінгі кезде игерілген кен орындарының көпшілігі өндірістің соңғы сатысына шығып, қалдық қорларын өндіру ісі қиындық тудырғанымен мұнай-газ саласы аймақ экономикасын дамытуда үлкен рөл атқаратынын ерекше атап өтіп, сала мамандарын кәсіби мерекесімен құттықтады.
<blockquote>
 «Қарапайым халықтың несібесі болған қара алтынды игерген мұнайшылар күнімен Сіздерді құттықтаймын! Ел Президенті Қасым-Жомарт Кемелұлы Тоқаев жаңа Жолдауында геология саласын дамытуға аса көңіл бөлу қажеттігін атап өтті. Сондықтан жаңа перспективалы учаскелерді барлау мәселесі өзекті болып отыр. Қазіргі таңда Республикалық бюджет есебінен үш шөгінді бассейндерін геологиялық зерделеу жұмыстары жүргізілуде. Осы ретте, өңіріміздің мұнай өндіруші және барлаушы компаниялары да атсалысуы қажет», – деді Гүлшара Әбдіқалықова.
</blockquote>
Қазіргі таңда «Кеңқияқ-Атырау» мұнай құбырының реверсін кеңейту жобасы аяқталу үстінде. Жоба толығымен іске асырылғанда Қызылорда облысының мұнай өндіруші компаниялары үшін ішкі нарыққа мұнай жеткізу жүктемесін төмендетуге мүмкіндік береді.
Жиын барысында аймақ басшысы қара алтынды игерген мұнайшылар қауымын марапаттап, ел игілігі жолындағы еңбектеріне толағай табыс тіледі.
Өз саласының үздігі атанған 6 сала маманы: «Құмкөл Транс Сервис» ЖШС Басқарушы директоры Байқадам Абласановқа, «ПетроҚазақстан Құмкөл Ресорсиз» АҚ жобалау бөлімінің басшысы Құрманғазы Асановқа, «Kazpetrolgroup» ЖШС мұнай және газ өндіру мастері Дәулет Ешмұратовқа, «СНПС-Айдан Мұнай» АҚ бұрғылау жұмыстары бойынша супервайзері Самет Қалыбаевқа, «ҚОР» Мұнай компаниясы» АҚ сату бөлімінің маманы Серік Төлегенов пен «КМНПЗ» ЖШС машинисті Мұрат Көшкінбаевқа облыс әкімінің «Құрмет грамотасы» табысталды.
<img src="https://kyzylorda-news.kz/wp-content/uploads/2021/09/240481614_3683541081748934_3249895128996301385_n.jpg" alt="" />
<img src="https://kyzylorda-news.kz/wp-content/uploads/2021/09/241543947_3683541191748923_547984292660561076_n.jpg" alt="" />
<img src="https://kyzylorda-news.kz/wp-content/uploads/2021/09/240491467_3683541278415581_3618115070248208842_n.jpg" alt="" />
<img src="https://kyzylorda-news.kz/wp-content/uploads/2021/09/240488232_3683541225082253_2693711609555553487_n.jpg" alt="" />
<img src="https://kyzylorda-news.kz/wp-content/uploads/2021/09/240463386_3683541161748926_5563746525279449728_n.jpg" alt="" />
<img src="https://kyzylorda-news.kz/wp-content/uploads/2021/09/241366784_3683541268415582_7390260043537523862_n.jpg" alt="" />

Гүлшара Әбдіқалықова мұнай-газ саласы қызметкерлеріне құрмет көрсетті

<a href="https://kyzylorda-news.kz/">Kyzylorda-news.kz</a>. Қазгидромет 7 қыркүйекте ауа райы қандай болатынын болжады.
Синоптиктердің мәліметінше, ертең Қазақстанның батысы, оңтүстік-батысы, солтүстік-батысы және солтүстігінде жаңбыр жауады, найзағай ойнайды. Республиканың басқа аймақтарында жауын-шашын жаумайды.
Республиканың солтүстігі мен оңтүстік-батысында жел күшейеді, солтүстік-батысында тұман болады.
Күндіз Қызылорда облысының солтүстік-батысында найзағай ойнайды, Ақмола облысында жел 15-20 м/с дейін күшейеді.
Қызылорда облысының басым бөлігінде төтенше өрт қаупі сақталады.

7 қыркүйекте ауа райы қандай болады?

<a href="https://kyzylorda-news.kz/">Kyzylorda-news.kz</a>. Елімізде 5 қыркүйек Қазақстан халқы тілдері күні болып бекітілген. Ұлт ұстазы саналатын, қазақ әліпбиінің негізін салған Ахмет Байтұрсынұлының туған күніне орайластырылған бұл мерекенің маңызы зор. &nbsp;
Аталған мерекеге орай, Қорқыт Ата атындағы Қызылорда университетінің «Мұстафа Шоқай» ғылыми орталығында «Жеті жұрттың тілін біл» атты дөңгелек үстел ұйымдастырылды. Оған білім ордасының тіл мамандары мен студенттер қатысып, белсенділік танытты.
<blockquote>
 «Бүгінгі шара жастарға, өскелең ұрпаққа мемлекеттік тілді қадірлеу, қазақ тілінің мемлекеттік тіл ретінде қолданыс аясын кеңейту мақсатында өткізілді. Тәуелсіз елдің ұрпағы ретінде ана тілімізді этносаралық тіл деңгейіне жеткізу біздің азаматтық парызымыз. Қай тілді мықты тіл деп санауға болады десек, оның жауабы сөйлеушісі көп тіл – мықты тіл. Сондықтан қазақ тілін дамыту үшін оның сөйлеушілерінің санын арттыруымыз керек. Ол үшін осындай іс-шаралар, үгіт-насихат жұмыстары тоқтамауы керек», – деді филология ғылымдарының профессоры Аман Абасилов.
</blockquote>
Еске сала кетейік, бұған дейін мемлекеттік тілді дамыту мақсатында бірқатар шаралар өткізіліп келеді. Сонымен қатар, университетте Алаш арысы, ұлы ұстаз Ахмет Байтұрсыновтың 150 жылдық мерейтойы қарсаңында ауқымды шаралар ұйымдастыру жоспарланған.
<img src="https://kyzylorda-news.kz/wp-content/uploads/2021/09/1-10.jpg" alt="" />

Тіл мәртебесі &#8211; ел мәртебесі

<a href="https://kyzylorda-news.kz/">Kyzylorda-news.kz</a>. Мемлекет басшысы Қасым – Жомарт Кемелұлы Тоқаев үстіміздегі жылдың 1 қыркүйегінде «Халық бірлігі және жүйелі реформалар – ел өркендеуінің берік негізі» атты Қазақстан халқына жолдауын ұсынды.
Биылғы Жолдау Тәуелсіздігіміздің 30 жылдығымен тұспа – тұс келіп отыр. Жолдау жеті бөлімнен және бес бастамадан тұрады. Жолдаудың қай бөлігінде де, Президентіміз еліміздің әл – ауқатының артуы мен экономикамыздың алға басуына және өзіміздің білім саласының дамуына айрықша назар аударған.
Өзім жиырма жылдан аса еңбек жолымның он бес жылында техникалық және кәсіптік білім беру саласында атқарып келемін. Осы жылдардың барлығында да кезекті Жолдауларда техникалық және кәсіптік білім беру саласы назардан тыс қалған емес. Жолдауды жүзеге асыруға арналған іс – шаралар жоспарына сәйкес түрлі мемлекеттік бағдарламалар қабылданып, техникалық және кәсіптік білім саласында оң нәтижеге бағытталған көп өзгерістер орын алды.
Ал, биылғы Жолдауда да білім саласының алға басатындығы ерекше айтылған. Жыл сайын педагогтардың жалақысының өсуі, педагог мамандығын таңдаған түлектердің көбеюі, дарынды балалардың көбеюі, сұранысқа сай мамандықтарға сай мемлекеттік тапсырыстың көбеюі осының дәлелі.
Пандемия кезіндегі қашықтықтан оқыту да өз кезегінде ұстаздар қауымына оң өзгерістер әкелді. Яғни, барлық ұстаздарымыз ақпараттық – комминациялық технологиялар мен ақпараттық құралдарды басқаруды, түрлі бағдарламалармен жұмыс жасауды меңгерді.
Алда «Цифрлы ұстаз» білім беру жобасы іске асырылатын болады. Педагогтардың кәсіби біліктіліктіліктерін арттыруды 5 жылда емес, 3 жылда бір рет қайта даярлау өте дұрыс қолға алынған. Өйткені білім жүйесінде түрлі оқыту технологиялары мен оқу бағдарламалары енгізілуде. Әрбір педагог жаңартылған білім беру бағдарламалары бойынша, ақпараттық – комминикациялық құзіреттіліктерін қалыптастыру, оқу- тәрбие процесін ұйымдастыру мен ғылыми – әдістемелік құзіреттіліктерін дамыту бағытындағы біліктілікті арттыру курстарынан өткені дұрыс.
Жолдаудағы тағы бір білім саласына қатысты айтылған балаларды ерте жастан мамандыққа бейімдеуді толық қуаттаймын. Өскелең ұрпақ болашақ мамандығын жастайыннан таңдап, бейімделуі қажет. Бұл «Атамекен» Ұлттық кәсіпкерлер палатасымен бірлесе жүзеге асырылмақ. Бұған дейін қабылданған «Тегін техникалық және кәсіптік білім беру» жобасының алдағы уақытта та жүзеге асырыла беретіні осы саланың оқытушылары мен инженер – педагогтары үшін қуанышты жағдай. Жұмыссыз жастарды мамандыққа оқытуға, тұрмысы төмен отбасы балаларының жағдайын түзетуге нақты тапсырмалар қабылданбақ. Алда сұранысқа ие барлық мамандық бойынша техникалық және кәсіптік білім жүз пайыз тегін берілмек. Сонымен қатар әскердегі сарбаздардың экономикадағы нақты сектор үшін қажетті жұмысшы мамандығын игеру мәселесі көтерілгені өте орынды.
Президентіміздің жыл сайын 1 – қыркүйек – Білім күні Қазақстан халқына Жолдауын ұсынатыны ұстаздар қауымы үшін үлкен жігер мен зор жауапкершілікті жүктей отырып, көңілге қуаныш ұялатады.
Арман МУСАЕВ,
Қазалы аграрлы-техникалық колледжінің директоры

Арман Мусаев: Сұранысқа ие мамандықтар 100 пайыз тегін оқытылады

<a href="https://kyzylorda-news.kz/">Kyzylorda-news.kz</a>. ҚР Президенті Қасым-Жомарт Тоқаевтың алғысөзімен бұқаралық ақпарат құралдары мамандарына арналған «Сөзтүзер» сөздігі жарық көрді. Мемлекет басшысының сөздікке жазған алғысөзін ҚР Президенті Әкімшілігі басшысының бірінші орынбасары Дәурен Абаев Орталық коммуникациялар қызметіндегі кітаптың тұсаукесер рәсімінде оқып берді, деп хабарлайды ҚазАқпарат.
<blockquote>
 «Тіл – ұлттың өзегі. Онда халқымыздың бүкіл бітім-болмысы көрініс тапқан. Бай әрі шұрайлы тіліміз ұрпақтан ұрпаққа жалғасып, елімізбен бірге жасап келеді. Шын мәнінде тіл – жанды ағза іспетті, ұдайы жаңарып отырады. Заман талабына сай жаңа сөздер қосылады. Кейбірі көнеріп, сирек қолданыла бастайды. Бұл – заңды құбылыс. Біз үшін ең бастысы – қастерлі тіліміздің ғасырлар бойы қалыптасып, уақыт сынынан сүрінбей өткен табиғатын бұзбай одан әрі дамыта түсу. Сауатты жазып, дұрыс сөйлей білетін халықтың тілі ғұмыры болады. Сондай-ақ кез келген салада емін-еркін қолданылады. Тәуелсіздік жылдарында ана тіліміздің өрісі кеңейе түсті. Білім мен ғылымның, интернет пен бизнестің тіліне айналды», – деп атап өтеді Мемлекет басшысы.
</blockquote>
Дегенмен, Қасым-Жомарт Тоқаев ақпараттық технологиялардың зардабын тигізетін тұстары да жоқ емес екендігін баса айтады.
<blockquote>
 «Қазіргі жастар әдеби шығарма оқығаннан гөрі тіл мәдениетінің талаптары сақтала бермейтін әлеуметтік желіде отырғанды жөн көреді. Бұл өскелең ұрпақтың дұрыс жазып, сөйлей білу қабілетіне кері әсерін тигізуде. Тіл тазалығын сақтау ісінде бұқаралық ақпарат құралдары ерекше рөл атқарады. Жұрттың бәрі маман емес. Журналистер қай сөзді немесе терминді қалай қолданыса көпшілік солай керек деп қабылдайтындығы жасырын емес. Сондықтан медиа саласы қызметкерлерінің сөз өнерін жетік меңгеруі аса маңызды», – деді ҚР Президенті.
</blockquote>
Мемлекет басшысы өкінішке қарай, ақпарат құралдарында сөздер мен тіркестерді орынсыз немесе қате қолдану фактілері жиі кездесетіндігіне назар аудартады.
<blockquote>
 «Бұл кемшілікті дер кезінде түзету маңызды міндет. Осыған орай арнайы сөздік жасалып, көпшілікке ұсынылып отыр. Мұнда сөздерді қате қолдаудың 2 мыңнан астам нақты мысалы жинақталған. Оның бәрі ақпарат құралдарынан өзіміз күнделікті көріп жүрген мысалдар. Сөздікте қате қолданыстардың туындау себебі айқындалып, дұрыс нұсқасы көрсетілген. Бұл еңбектің ерекшелігі мен практикалық құндылығы осында. Осы сөздікті дайындаған білікті мамандарға ризашылығымды білдіремін. «Сөзтүзер» БАҚ саласы мамандарының ғана емес қалың көпшіліктің игілігіне жарайды деп сенемін», – деді Қасым-Жомарт Тоқаев.
</blockquote>

Қасым-Жомарт Тоқаевтың алғысөзімен «Сөзтүзер» сөздігі жарық көрді

<a href="https://kyzylorda-news.kz/">Kyzylorda-news.kz</a>.&nbsp;Қызылорда қаласындағы №198 орта мектебінде «Мемлекеттік тілдің қолдану аясын кеңейту» мәселесіне арналған офлайн кездесу болып өтті. &nbsp;&nbsp;
Кездесу Қызылорда облыстық ішкі саясат басқармасының «Қоғамдық келісім» КММ &nbsp;Қазақстан халқы Ассамблеясының «Мың бала» республикалық мәдени-ағартушылық жобасын өңірде іске асырылуын көздейді.
Шараға «Қоғамдық келісім» КММ директорының кеңесшісі Ержан Уайс, ҚХА мүшесі Анжела Садықбекова, қазақ тілі пәні мұғалімі Гүлстан Бақтыбаева, бастауыш сынып мұғалімі Эльмира Мкртумэн және Ж. Нұрманов атындағы №198 орта мектебі директорының ғылыми-методикалық ісі жөніндегі орынбасары Әйгерім Қоңырбаева қатысты.
Қатысушылар мемлекеттік тілдің қолдану аясын кеңейту бағытында сөз сөйлеп, баяндама жасады. Кездесу соңы сұрақ-жауап пен пікір алмасуға ұласты. Тіл мерекесі қарсаңындағы кездесу нәтижелі аяқталды.
Айта кететіні, 30-ға тарта түрлі этнос оқушылары білім алатын Ж. Нұрманов атындағы 198 орта мектебі білім алушыларының 70 пайызы қазақ тілінде еркін сөйлейді. Мемлекеттік тілді ерекше құрметтейді. Облыстық, республикалық сайыстарда этнос оқушылары қазақ тілі бойынша топ жарып жүр. “Өзге тілдің бәрін біл, өз тіліңді құрметте”, – дегендей олардың мемлекеттік тілді қолдану аясы кең.

Қызылордада мемлекеттік тілдің қолдану аясын кеңейту мәселесіне арналған кездесу өтті

<a href="https://kyzylorda-news.kz/">Kyzylorda-news.kz</a>. Өздеріңізге белгілі, ағымдағы жылдың 1 қыркүйек күні Қазақстан Республикасының Президенті Қасым-Жомарт Кемелұлы Тоқаев Қазақстан халқына «Халық бірлігі және жүйелі реформалар – ел өркендеуінің берік негізі» атты Жолдауын жариялады.
Президентіміздің әрбір Жолдауы – еліміз үшін маңызды саяси оқиғалардың біріне айналып келеді. Жолдауда қоғамдық-саяси, білім беру, медицина, кәсіпкерлік, өзге де маңызды салалардың барлығы жан-жақты қамтылған. Жолдаудың басты мақсаты – халықтың тұрмыс-тіршілігін жақсартып, әл-ауқатын арттыру болып табылады.
Биылғы Жолдауда қоғамға ауыр тиіп отырған инфляция тақырыбы назардан тыс қалмады. Қазіргі таңда Ұлттық қор мен Үкіметті инфляцияны 6-4 пайыз дəлізіне қайтаруға міндеттеп, мәселенің нақты шешімін ортаға салды.
“Соңғы кезде мемлекеттік шығыс міндеттемелерін жабу үшін бюджет тапшылығы мен Ұлттық қордан алынатын трансферттің арту тенденциясы байқалуда. Үнемі мұндай жеңіл жолмен жүру мүмкін емес. Қаржылық тұрақтылық қоры шексіз емес. Бюджеттің кірісін арттыру бойынша шаралар қажет екені анық. 
Бірақ, бірінші кезекте мемлекеттік шығындардың көлемі мен тиімділігіне бақылау керек. Ұлттық қор активтерін қалпына келтіру үшін бюджеттік ережені енгізуді жеделдету керек. Тиісті заңнамалық түзетулер жылдың соңына дейін қабылдануы қажет”, – деді Президент.
Жолдау – Тәуелсіз еліміздің тұрақты дамуына жол ашатын, мемлекетіміздің барлық саласына серпін беретін, халқымыздың игілігіне бағытталып, нақты іс-жоспарға негізделген тарихи құжат.
Сондықтан, баршаңызды Президент Қ.К.Тоқаев ұсынған бастамаларды толық қолдай отырып, әрбір қазақстандықты Жолдауда қойылған міндеттерді ауызбіршілікпен тиімді іске асыруға шақырамын.
Бахытжан Жарылқап, 
Қазалы аудандық мәслихатының хатшысы.

Бахытжан Жарылқап: Еліміздің тұрақты дамуын қамтитын құжат

<a href="https://kyzylorda-news.kz/">Kyzylorda-news.kz</a>.&nbsp;1-қыркүйектен «Ұлттық санақ 2021» ІІ кезеңі басталды. 15 қазанға дейін санақтың онлайн түрі өткізілсе, онан соң 30 қазанға дейін планшет қолдану арқылы жаппай сауалнама жүргізіледі. Дегенмен, бүгінге дейін бар болғаны 14 575 адам ғана санақтың онлайн түрі арқылы тіркелген. Осы орайда, халықтың белсенді болуы маңызды дейді облыстық статистика департаментінің басшысы Мәриям Баекеева бүгінгі өткен баспасөз конференциясында.
Интернет сауалнамада 91 сұрақ болады. Респонденттер санақтан өтуге және өзі, отбасы мүшелері үшін санақ парақтарын толтыруға мүмкіндік бар. Sanaq.gv.kz сайты 24 сағат бойы қолжетімді. Екінші әдіс – дәстүрлі жаппай сауалнама 1-30 қазан аралығында интервьюрлермен электронды планшеттерді пайдалана отырып жүргізіледі. Интервьюрлерде куәлігі, мойынорағышы, портфелі бар. Егер алаяқтарға ұрынып қалмайын деп күмәндансаңыз, 1446 нөмірі арқылы хабарласып, нақты ақпаратыныңызды алуыңызға болады.
<blockquote>
 «Санақ жұмыстарының ІІ кезеңінде 1113 адам уақытша жұмысқа тартылады, оның ішінде 139 нұсқаушы-бақылаушы, 974 сұқбатшы. Жұмыссыз жүрген жандар болса, бізбен хабарласуға болады. Қазіргі кезде бізге 374 адам қажет. Нұсқаушы-бақылаушыларға 45 күнге берілетін жалақысы 125 000 теңге, ал сұқбатшыларға бір айға 104 000 теңге төленеді», – деді Мәриям Жәдігерқызы.
</blockquote>
Жалпы, санақ қорытындысы халықтың саны мен жыныстық-жас құрылымын бағалау үшін, халықтың әртүрлі әлеуметтік-демографиялық топтарының жағдайын сипаттайтын ақпарат. Демографиялық және әлеуметтік-экономикалық көрсеткіштердің есептері жүргізіледі. Ұлттық халық санағының нәтижелері бойынша алынған деректер экономикалық және әлеуметтік бағдарламаларды әзірлеу, жұмыспен қамту саласындағы мемлекеттік саясатты нақтылау үшін пайдаланады. Сондықтан, азаматтардың белсенділігі мен шынайы жауаптары халық туралы сапалы деректерді алуға негіз болады.

«Ұлттық санақ 2021»: Қызылордада 14 575 адам онлайн тіркелген

<a href="https://kyzylorda-news.kz/">Kyzylorda-news.kz</a>. Қазалы ауданының диқандары алқаптардан өнімін жинауға кірісті.
Бүгін облыстық мәслихат депутаты Мнажадин Өтеев басқаратын «Сыр маржаны» жауапкершілігі шектеулі серіктестігінің Ақтан батыр ауылындағы күріш алқаптарында егінге алғашқы орақ түсті.Бүгін Қазалы ауданында егінге алғашқы орақ түсті.
Салтанатты шараға аудан әкімі Мұхтар Оразбаев, облыстық мәслихат депутаты Ібайдулла Тілеп, аудандық мәслихат депутаттары, мекеме-кәсіпорын мен шаруашылық басшылары, еңбек ардагерлері қатысып, егіншілердің қуаныштарымен ортақтасты.
«Сыр маржаны» ЖШС егістік алқабы басында аудандық ауыл шаруашылығы бөлімінің басшысы Нұрлан Аманбай мен серіктестік директоры, облыстық мәслихат депутаты Мнажадин Өтеев биылғы жылғы егіннің жай-күйіне тоқталып, белгіленген мерзімде астықты төкпей-шашпай жинап алу қажеттігін тілге тиек етті.
Шарада аудан әкімі МұхтарОразбаев пен ел ағалары алғашқы егін орағының лентасын қиса, Ақтан батыр ауылы ардагерлер кеңесінің төрағасыӘнуар Оқас бата берді.
Осылайша биылғы егістікке сақадай сай әзірлікпен бел буып, білек түре кіріскен сырмаржандықтар дала төсін еңбек дүбіріне бөледі.
Айта кетейік, Қазалы ауданы бойынша биыл 17090 гектар жерге ауыл шаруашылығы дақылдары орналастырылды. Негізгі дақыл – күріштің көлемі 6587 гектар. Бүгінгі таңда аудан бойынша күріш орағына қатысатын 42 комбайн, 29 жатка, 115 трактор, 40 жүк көлігі және 59 трактор тіркемесі толықтай жөндеуден өткізіліп, егіс алқаптарында жұмыс атқаруда.
<img src="https://kyzylorda-news.kz/wp-content/uploads/2021/09/626db57d-0c6b-4ee6-a145-0125017519b7.jpg" alt="" />

Қазалыда егінге орақ түсті

<a href="https://kyzylorda-news.kz/">Kyzylorda-news.kz</a>. Қызылорда облысында қарақшылар шөп тасып жүрген әкесі мен баласын ұрып кетті. Бұл туралы ҚР Ішкі істер министрлігінің ресми өкілі Нұрділдә Ораз хабарлады.
<blockquote>
 “Қызылорда облысында әкесі мен баласы шөп тиелген жүк көлігімен жолға шығады. Алайда жолда оларға қарақшылар кездесіп, соққыға жыққан. Сол кезде жол-патрульдік полиция қызметкерлері келіп, араша түскен. Полиция қызметкерлері оларды күшпен бағындырып ұстады. Әкесі мен баласы ауруханаға жатқызылды”,&nbsp;дейді Нұрділдә Ораз.
</blockquote>
Осы оқиғаға байланысты зардап шеккендердің туыстары полцияға алғыс білдірген.

Қызылордада қарақшылар шөп тасып жүрген әкесі мен баласын ұрып кетті

<a href="https://kyzylorda-news.kz/">Kyzylorda-news.kz</a>.&nbsp;Қазақстан бойынша 2021 жылдың 7-9 қыркүйегіне арналған ауа райы болжамы жарияланды.
Ел аумағында жаңбыр жауып, температура төмендейді деп күтілуде. Синоптиктер кейбір аймақта үсік жүретінін айтты.&nbsp;
<blockquote>
 “Республиканың көп бөлігінде фронтальді бөліктің әсерінен жаңбыр жауады: солтүстікте қатты жаңбыр болжануда. Тек оңтүстік өңірлерде ауа райы жауын шашынсыз. 8-9 қыркүйекте түнде Қостанай, 9 қыркүйекте Ақмола және Солтүстік Қазақстан облыстарында 2 градус үсік жүреді. Республиканың батысында, солтүстік-батысында түнде ауа температурасы 5–10, күндіз 14–22 жылу, солтүстікте және орталықта ауа температурасы түнде 2–7, күндіз 13-23 жылу, шығыста түнде 7–12, күндіз 20–25 жылуды көрсетеді. Республиканың оңтүстігі мен оңтүстік-шығысында түнде ауа температурасы 10–15, күндіз 22–27 жылыға дейін күтіледі”, –&nbsp;дейді синоптиктер.
</blockquote>

Алдағы үш күнге арналған ауа райы болжамы

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 4982 адам коронавирустан жазылып кетті, деп хабарлайды <a href="https://www.coronavirus2020.kz/kz/kazakstanda-otken-taulikte-4982-adam-koronavirus-indetinen-emdelip-shykty_a3832551">coronavirus2020.kz</a>.
Аймақтар бойынша:
Нұр-Сұлтан қаласы – 549,
Алматы қаласы – 613,
Шымкент қаласы – 552,
Ақмола облысы – 278,
Ақтөбе облысы – 58,
Алматы облысы – 152,
Атырау облысы – 601,
Шығыс Қазақстан облысы – 131,
Жамбыл облысы – 159,
Батыс Қазақстан облысы – 5,
Қарағанды облысы – 1013,
Қостанай облысы – 73,
Қызылорда облысы – 159,
Маңғыстау облысы – 193,
Павлодар облысы – 267,
Солтүстік Қазақстан облысы – 120,
Түркістан облысы – 59.
Қазақстан бойынша жазылғандар саны – 721627.

Қазақстан және Қызылорда облысының жаңалықтары: Қоғам

Гүлшара Әбдіқалықова мұнай-газ саласы қызметкерлеріне құрмет көрсетті

7 қыркүйекте ауа райы қандай болады?

Тіл мәртебесі – ел мәртебесі

Арман Мусаев: Сұранысқа ие мамандықтар 100 пайыз тегін оқытылады

Қасым-Жомарт Тоқаевтың алғысөзімен «Сөзтүзер» сөздігі жарық көрді

Қызылордада мемлекеттік тілдің қолдану аясын кеңейту мәселесіне арналған кездесу өтті

Бахытжан Жарылқап: Еліміздің тұрақты дамуын қамтитын құжат

«Ұлттық санақ 2021»: Қызылордада 14 575 адам онлайн тіркелген

Қазалыда егінге орақ түсті

Қызылордада қарақшылар шөп тасып жүрген әкесі мен баласын ұрып кетті

Алдағы үш күнге арналған ауа райы болжамы

Covid-19: 159 қызылордалық індеттен айықты

Қазақстан және Қызылорда облысының жаңалықтары: Қоғам

Гүлшара Әбдіқалықова мұнай-газ саласы қызметкерлеріне құрмет көрсетті

7 қыркүйекте ауа райы қандай болады?

Тіл мәртебесі &#8211; ел мәртебесі

Арман Мусаев: Сұранысқа ие мамандықтар 100 пайыз тегін оқытылады

Қасым-Жомарт Тоқаевтың алғысөзімен «Сөзтүзер» сөздігі жарық көрді

Қызылордада мемлекеттік тілдің қолдану аясын кеңейту мәселесіне арналған кездесу өтті

Бахытжан Жарылқап: Еліміздің тұрақты дамуын қамтитын құжат

«Ұлттық санақ 2021»: Қызылордада 14 575 адам онлайн тіркелген

Қазалыда егінге орақ түсті

Қызылордада қарақшылар шөп тасып жүрген әкесі мен баласын ұрып кетті

Алдағы үш күнге арналған ауа райы болжамы

Covid-19: 159 қызылордалық індеттен айықты

Тіл мәртебесі – ел мәртебесі