<a href="https://kyzylorda-news.kz/">Kyzylorda-news.kz</a>.&nbsp;Еліміз халықаралық әуе рейстерін жандандырып жатыр. Қазір қазақстандықтар 20 елге емін-еркін ұша алады, деп хабарлайды <a href="https://24.kz/kz/zha-aly-tar/o-am/item/497583-aza-stan-20-elmen-ue-rejsin-zhandandyrdy">«Хабар 24»</a>.
Азаматтық авиация комитетінің хабарлауынша, әсіресе, Түркияға рейс ең көп орындалады. Ұшақтар Стамбұлға Қазақстанның алты қаласынан қатынайды. Барып-келу құны елордадан есептегенде 330 мың&nbsp; теңге. Сондай-ақ ішкі рейс саны да ұлғайған. Сәйкесінше жолаушылар ағыны 30 процентке артты. Әуе тасымалы бойынша халықаралық шектеулердің жеңілдеуінен бөлек, бұған Түркістанда әуежайдың ашылуы мен бюджеттік әуе желісінің іске қосылуы ықпал еткен. Мұнда сатылған билет саны 5 млн-ға жуықтайды.

Қазақстан 20 елмен әуе рейсін жандандырды

<a href="https://kyzylorda-news.kz/">Kyzylorda-news.kz</a>. Қазалы ауданындағы Абай мен Басықара ауылының арасындағы жолды асфальттау жұмыстары жүргізіліп жатыр.
Қазіргі таңда мердігер мекеме «Строй Модуль Астана» ЖШС 11 шақырым жолдың 89 пайызын жөндеп болған.
Аудан әкімі Мұхтар Оразбаев қос елді мекен аралығындағы жолды жөндеу жұмыстарымен танысты. Бұл бағытта атқарылып жатқан жұмыстар жөнінде аудандық тұрғын үй коммуналдық шаруашылығы, жолаушылар көлігі және автомобиль жолдары бөлімінің басшысы Мұрат Әбсұлтанов айтып берді.
Бөлім басшысы алдағы уақытта жолдың сапасын анықтау мақсатында белгіленген заңдылықтарға сәйкес сараптама жұмыстары жүргізілетінін жеткізді.
Аудан әкімі Мұхтар Оразбаев тиісті сала басшысына жолды жөндеу жұмыстары уақытында сапалы аяқталу қажеттігін ескертті.
<img src="https://kyzylorda-news.kz/wp-content/uploads/2021/09/zholl.jpg" alt="" />

Мұхтар Оразбаев: Жол сапалы салынуы керек

<a href="https://kyzylorda-news.kz/">Kyzylorda-news.kz</a>. Сыр өңірінде Дәулет Тапалов басқаратын «Louis Beton KZ» ЖШС мемлекет тарапынан қолдау тауып, өз жұмысын бастады.
Аталған бетон зауыты – бетон құю үшін құм, қиыршық қоспалар, ұшпа күл, шлак және цемент сияқты әртүрлі компоненттерді біріктіретін кешен болып табылады.
Кәсіпкер Дәулет Асанұлы бұл кәсіпті бастау үшін «Бизнестің жол картасы-2025» мемлекеттік бағдарламасы арқылы 6%-дық несие алып, бизнесін кеңейтіп отыр.
Айтуынша бетон секілді құрылыс материалдары әрдайым сұранысқа ие болады. Егер өнімнің жоғары сапасы мен кәсіпорынның тұрақты жұмысына қол жеткізілсе, тұтынушылар қатары артатын көрінеді.
Қазіргі уақытта зауытта барлық түрдегі темір-бетон бұйымдары, стандартты емес көлемдегі жабын плиталары, жол және тротуар жиектері, барлық маркалы тауарлық бетондар дайындалады. Сондай-ақ, кәсіпорын Жаңақорған қиыршық тастарын және түрлі маркалы цементті сатумен айналысады.
Кәсіпорынның өз қызметінің барлық салаларында айтарлықтай өндірістік тәжірибесі, өзінің жоғары білікті басқару қызметі, инженерлік персоналы бар жұмысшы кадрлар жетерлік.
<img src="https://kyzylorda-news.kz/wp-content/uploads/2021/09/bb.jpg" alt="" />
<img src="https://kyzylorda-news.kz/wp-content/uploads/2021/09/241665478_1288685898271272_6516284107203577297_n.jpg" alt="" />

Қызылордада бетон зауыты мемлекет қолдауына ие болды

<a href="https://kyzylorda-news.kz/">Kyzylorda-news.kz</a>. Қармақшы ауданының әкімі Әлем және Азия чемпионаттарының жүлдегерлерін қабылдады.
Спорт – елдің мерейін асырып, абыройын тасытатын сала. Тәуелсіздік жылдары ел спортшылары халықаралық ірі жарыстарда топ жарып, көк байрағымыз асқақтай түсуде.
Қармақшы өңірі де спорт саласында талай қыранды түлетіп, елдің байрағын желбірететін ерлерді шығаруда.Осы ретте, аудан әкімі Қайрат Ырзақұлұлы Әлем және Азия чемпионаттарының жүлдегерлерін қабылдады.
Аудан әкімі елдің туын биікке көтеріп, әлемдік ареналарда әнұранымызды ойнатып жүрген жігерлі, жалынды спортшыларға ризашылығын білдіріп, алғыс хаттармен марапаттады.
Айта кету керек, биыл аудан спортшылары Қазақстан Республикасы біріншіліктері мен чемпионаттарында 12 – алтын, 11 – күміс, 10 – қола медальды жеңіп алса, Әлем біріншілігінен 2 қола, Азия біріншілігінде 3-қола, Азия Кубогында 3-қола, әлемдік гран-при турнирінде 3-алтын, 3-қола медальды жеңіп алды.
<img src="https://kyzylorda-news.kz/wp-content/uploads/2021/09/241678832_1885749158262648_5651365275647907157_n.jpg" alt="" />
<img src="https://kyzylorda-news.kz/wp-content/uploads/2021/09/241649590_1885749081595989_8355164179529845852_n.jpg" alt="" />

Қармақшы ауданының әкімі спортшыларды қабылдады

<a href="https://kyzylorda-news.kz/">Kyzylorda-news.kz</a>. Сырдария ауданының әкімі Мұрат Ергешбаев жұмыс сапарымен Іңкәрдария, Ақжарма ауылдық округтерінде болып, ауыл кәсіпкерлерінің жұмыстарымен танысты.
Алдымен, Іңкәрдария ауылдық округіндегі «Баhадүр», »Мерей» жеке кәсіпкерліктерінде болды.
Жансая Жаппасова 2018 жылы «Микробизнес Қызылорда» бағдарламасымен «Шұбат өндіру» жобасы бойынша 2 млн теңге несие алып , «Баһадүр» жеке кәсіпкерлігі жұмысын бастады. 2021 жылы «Еңбек», «Нәтижелі жұмыспен қамту және жаппай кәсіпкерлікті дамыту» бағдарламасымен «Жылқы мал басын көбейту» мақсатында «Ауыл шаруашылығын қаржылай қолдау қорына» құжаттар өткізген. Қазіргі таңда ауыл тұрғындарын шұбат өнімімен қамтамасыз етуде.
«Мерей» жеке кәсіпкерлігі иесі Күншығаров Нұржан егін шаруашылығымен айналысу мақсатында 2019 жылы жер алып, өз қаражаты есебінен 2021 жылы 5 га жерге өнімді мол беретін саланың бірі – күріш егуді қолға алды. «Кәсіп түбі – береке» дегендей еңбегінің нәтижесін көріп, үлгі боларлық кәсіпкерлердің бірі. 2022 жылы елді мекеннен 5 км қашықтықта орналасқан жерге 15 га жоңышқа егуді жоспарлауда. Жеке кәсібін кеңейтіп, шаруашылығы қарқынды дамыту үстінде.
Аудан әкімі Мұрат Ергешбаев, жеке кәсіпкер Пірімов Асқардың «Досыбай» шаруашылығы иелігіндегі «Бегайдар» көлінде болды. Бұл шаруашылық балық өнімімен айналысып, тұрғындарды балықпен қамтамасыз етуде.
Мұнан соң, Ақжарма ауылдық округіндегі мал басын көбейту мақсатында айналысатын жеке кәсіпкерлердің жұмыстарымен танысты.
Аудан басшысы Мұрат Ергешбаев, Оспанова Гүлнар басқаратын «Мақсат» шаруа қожалығының мал фермасында болып, шаруашылық жұмысымен танысты. Қожалықта 150 бас асыл тұқымды ет бағытындағы «Қалмақ» тұқымды сиыр және жылқы мал бастарын көбейтуде.
Жомарт Әбілқасымов 3,2 млн несие алып жылқы бордақылау кәсібімен айналысуда.15 бас жылқы бордақылауда.
Арнұр Әбіласанов «Ауылшаруашылығын қаржылай қолдау қоры» арқылы мал басын көбейту, мал бордақылау бағытында 4 млн теңге алып, қорасында 20 бас жылқы бордақылануда, 5 бас жылқы сауында.
Аудан әкімі ауыл шаруашылығының әлеуеті орасан зор екенін көп айтылатынын, азық-түлік тауарларының бағасын тұрақтандыруды, мал басының амандығы және өнімділігі жергілікті ветеринарлардың тиімді жұмысында екенін, ауыл шаруашылығы саласының басты міндеті – халықты негізгі азық-түлік өнімімен қамтамасыз ету бұл ауыл тұрғындарының әл-ауқатына тікелей әсер ететінін айтты.
<img src="https://kyzylorda-news.kz/wp-content/uploads/2021/09/241661476_972731776623048_7413960211414180228_n.jpg" alt="" />
<img src="https://kyzylorda-news.kz/wp-content/uploads/2021/09/241667147_972732159956343_4397652729888812884_n.jpg" alt="" />
<img src="https://kyzylorda-news.kz/wp-content/uploads/2021/09/241652370_972732296622996_5477503389215140063_n.jpg" alt="" />

Сырдария: Кәсіпкерліктің дамуы &#8211; халықтың әл-ауқатының дамуы

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 6169 адамнан коронавирус анықталды, деп хабарлайды <a href="https://www.coronavirus2020.kz/kz/kazakstanda-otken-taulikte-6169-adam-koronavirus-indetinen-emdelip-shykty_a3834553">coronavirus2020.kz</a>.
Аймақтар бойынша:
Нұр-Сұлтан қаласы – 755,
Алматы қаласы – 1327,
Ақмола облысы – 261,
Ақтөбе облысы – 615,
Алматы облысы – 748,
Атырау облысы – 591,
Шығыс Қазақстан облысы – 130,
Жамбыл облысы – 67,
Батыс Қазақстан облысы – 125,
Қарағанды облысы – 449,
Қостанай облысы – 160,
Қызылорда облысы – 153,
Маңғыстау облысы – 246,
Павлодар облысы – 378,
Солтүстік Қазақстан облысы – 15,
Түркістан облысы – 149.
Қазақстан бойынша жазылғандар саны – 747978.

Қызылордада 153 адам коронавирустан жазылды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 4024 адамнан ПТР арқылы коронавирус анықталды, деп хабарлайды&nbsp;<a href="https://www.coronavirus2020.kz/kz/kazakstandagy-koronavirus-boyynsha-9-kyrkuyek-23-59-dagy-epidemiologiyalyk-zhagday_a3834550">coronavirus2020.kz</a>.
Аймақтар бойынша:
Нұр-Сұлтан қаласы – 320
Алматы қаласы – 931
Шымкент қаласы – 160
Ақмола облысы – 203
Ақтөбе облысы – 300
Алматы облысы – 290
Атырау облысы – 130
Шығыс Қазақстан облысы – 167
Жамбыл облысы – 75
Батыс Қазақстан облысы – 98
Қарағанды облысы – 581
Қостанай облысы – 176
Қызылорда облысы – 79
Маңғыстау облысы – 183
Павлодар облысы – 220
Солтүстік Қазақстан облысы – 72
Түркістан облысы – 39
Жалпы ел бойынша ауырғандар саны 832248.

Қызылордада 79 адамнан коронавирус анықталды

<a href="https://kyzylorda-news.kz/">Kyzylorda-news.kz</a>. Атмосфералық ауа ағындарының өтуіне байланысты еліміздің орталығында, солтүстіктігінде, шығыста, оңтүстіктің таулы аудандарында, күндіз найзағай жарқылдап, жаңбыр жауады, таңертең және күндіз Жамбыл облысының таулы аудандарында және тау бөктерінде нөсер жаңбыр, бұршақ жаууы ықтимал, деп хабарлайды Қазгидромет.
Тек Қазақстанның оңтүстігі мен батысында антициклон жотасының ықпалымен жауын-шашынсыз ауа райы сақталады. Республиканың басым бөлігінде жел 15-20 м/с, солтүстігінде, солтүстік-батысында жел 23-28 м/с күшейеді. Еліміздің оңтүстік-батысында, шығысында жекелеген аудандарда тұман түсуі мүмкін.
Түнде солтүстік-батыста, батыста, күндіз Ақмола облысының басым бөлігінде найзағай жарқылдайды, желдің жылдамдығы 15-20 м/с, ал облыстың солтүстігі мен оңтүстік-шығысында екпіні 25 м/с жетеді.
Қостанай облысының солтүстік-батысында, солтүстігінде найзағай, бұршақ күтіледі, басым бөлігінде жел 15-20 м/с күшейеді, күндіз облыстың оңтүстік-шығысында екпіні 23-28 м/с жетеді.
Солтүстік Қазақстан облысының батысында, солтүстігінде найзағай, түнде батысында, күндіз басым бөлігінде желдің жылдамдығы 15-20 м/с, оңтүстік-батысы мен оңтүстігінде екпіні 25 м/с.
Күндіз Павлодар облысының батысында, солтүстік-батысында найзағай жарқылдап, басым бөлігінде жел 15-20, батысында екпіні 25 м/с болады.
Жамбыл облысының шығысында, оңтүстік-шығысында, оңтүстігінде, таңертең және күндіз таулы, тау бөктеріндегі аудандарда найзағай, бұршақ жаууы ықтимал, найзағай жарқылдаған кезде жел 15-20 м/с күшейеді.
Күндіз Қарағанды облысының солтүстігінде найзағай күтіледі, батыста, солтүстікте, орталығында жел тұрып, жыылдамдығы 15-20 м/с жетеді.
Күндіз Қызылорда облысының солтүстік-батысында жел 15-20 м/с күшейеді. Маңғыстау облысының солтүстігінде, түнде және таңертең Шығыс Қазақстан облысының солтүстігінде, солтүстік-шығысында тұман күтіледі.
Күндіз Атырау облысының солтүстігінде, Батыс Қазақстан облысының оңтүстік-шығысында желдің жылдамдығы 15-20 м/с аралығында болады.
Шығыс Қазақстан облысының батысы мен солтүстік-шығысында түнде 2 градус үсік жүреді, Қарағанды облысының солтүстігінде 2 градус үсік сақталады.
Алматы, Жамбыл, Түркістан, Қызылорда, Маңғыстау, Атырау, Ақтөбе, Қостанай, Қарағанды облыстарының басым бөлігінде, Батыс Қазақстан облысының солтүстік-шығысы мен оңтүстігінде, Шығыс Қазақстан облысының оңтүстігінде өрт қаупі сақталады.

Жұмаға арналған ауа райы болжамы

<a href="https://kyzylorda-news.kz/">Kyzylorda-news.kz</a>&nbsp; Алдағы жылу беру маусымына дайындық жұмыстары бекітілген жоспарға сәйкес орындалуда. Биылғы жылы облыс орталығындағы 4 қосалқы станция және Қазалы ауданына қарасты Кәукей елді мекенінің электрмен қамту жүйесін жаңғырту жұмыстары басталды. Келесі жылы аяқталады деп көзделуде. Бұл туралы Өңірлік коммуникациялар қызметінде өткен брифингте облыстық энергетика және тұрғын үй-коммуналдық шаруашылық басқармасы басшысының орынбасары Ерлан Жаңабаев мәлімдеді.
<blockquote>
 «Жылу беру маусымына дайындық жұмыстары қала және аудан әкімдері мен кәсіпорындар және энергонысандар арқылы бекітілген кестелерге сәйкес жүруде. Оның ішінде, “Қызылордажылуэлектрорталығы” кәсіп орнында 2 қазандық және “Қызылорда Оңтүстік жылу орталығы” филиалының 7 қазандығы және “Қазалы-Теміржолжылу” филиалының 4 бу қазандығына жөндеу жұмыстары жүргізілген болатын. Қазіргі таңда бұл жұмыстар 99 пайызға орындалды. Жалпы 2021-2023 жылдарға арналған қолданыстағы электрмен қамту жүйелерін қайта жаңғыртуға бағытталған жалпы құны 10 млрд. теңгені құрайтын 6 жобалық сметалық құжаттамасын іске асыру жоспарланып отыр. Облыс көлемінде жылдық жоспарға сәйкес отын қоры бойынша әлеуметтік нысандарға 33 мың тонна көмір және 25 мың тонна дизель отыны қажет. Керекті отын көлемін жеткізу үшін жауапты мекемелермен келісім жүргізілуде. Сондай-ақ, әлеуметтік нысандарға 33 мың тонна көмір отыны бойынша 8,5 мың тоннасы жеткізілді. Ал сұйық отынның 23 мың тоннасы бар»,- деді Ерлан Жаңабаев. 
 Брифингте “Қызылордажылуэлектрорталығы” МКК-ның жылу беру маусымына дайындық жұмыстары туралы да айтылды.
</blockquote>
Қазіргі таңда станция бойынша барлық жоспарланған жөндеу жұмыстары 98 пайызға орындалған.
<blockquote>
 «Алдағы жылу беру маусымына дайындық мақсатында кәсіпорынның өз қаражаты есебінен қаржы қаралып, кварталаралық жылу құбырларына жөндеу жұмыстарының 95 пайызы орындалды. Биылғы жылдың 10 қыркүйегінен бастап 5 қазанға дейін қолданыстағы заңнамаларға сәйкес тиісті бағдарлама әзірленіп, магистралдық, кварталық және квартішілік жылу желілерін салқын айналымға қою жоспарлануда. Жалпы Қызылорда қаласы бойынша 1538 нысан жылу жүйесіне қосылған. Қала бойынша жылу есептегіш құралымен жылу энергиясын пайдаланып отырғандар саны – 178. Ал 13 көпқабатты тұрғын үй ыстық су жүйесіне қосылған. Биылғы жылдың 1 қыркүйегінен бастап тариф 1 м2-83,79 теңге»,- деді мекеме директоры Наурыз Сатханов.
</blockquote>

Қызылорда облысы жылу маусымына дайын ба?

<a href="https://kyzylorda-news.kz/">Kyzylorda-news.kz</a>&nbsp; Бүгін Қызылорда облыстық ардагерлер ұйымы бес жылдық есеп беру конференциясының қорытындысын баяндады. Осы орайда, Облыстық ардагерлер кеңесінің төрағасы Серік Дүйсенбаев Өңірлік коммуникациялар қызметінде өткен брифингте ардагерлер ұйымында атқарылған жұмыстарды тізбектеп, алға қойған міндеттерді атап өтті.
<blockquote>
 “Ардагерлердің басты мақсаты − үлкенді жолмен елді бірлікке шақыру. Кейінгі ұрпаққа ардагерлердің сара жолын үлгі ету және жастарды жақсылыққа шақыру. Ардагерлер ұйымында бес жылда бір рет арнайы конференция өтеді. Кешегі болған конференцияға облыс әкімі Гүлшара Әбдіқалықова қатысып, ардагерлердің келелі ойлары мен айтар пікірін тыңдады. Ал аудан ардагерлері онлайн түре байланыста болды. Оның өзі Сыр өңірінің ардагерлердің арасындағы үлкен ауызбіршілікті көрсетеді. Алдағы міндетіміз – Мемлекет басшысының Қазақстан халқына Жолдауында айтылған бірқатар тапсырмаларды орындап, өңірлік саясатты жетілдіруге атсалысу, ұлтты ел дамуына үлес қосуға ұйыстыру болып қала бермек”,- деді Облыстық ардагерлер кеңесінің төрағасы Серік Әбішұлы.
</blockquote>
Сондай-ақ, қалалық ардагерлер кеңесі төрағасының орынбасары Жақай Бодықбаев шаһар шегінде ардагерлер тарапынан атқарылып жатқан негізгі істерге тоқталып, алдағы бағыттарды бағамдады.
<blockquote>
 “Қала ардагерлінің конференциясы 24 тамызда өткізілген болатын. Ардагерлер бес жыл ішінде қандай жұмыстар жүргізгенін және халықтың көкейдегі мәселелері талқыланды. Ендігі кезекте алқалы жиында нақтыланған міндеттерді негізге алып, жүйелі жұмысымызды жалғастыру керек. Жалпы қарттар − уақыттың жарғысы. Бүгінде қалада 30 мыңға жуық ардагер тұрады. Біздің қалалық ардагерлердің бірінші жұмысы барлық бастауыш ұйымдарда есепке алынбаған қарттардың мәселесін көтеру болып табылады”, – деді Жақай Бодықбаев.
</blockquote>

Серік Дүйсенбаев: Ардагерлердің басты мақсаты − елді бірлікке шақыру

<a href="https://kyzylorda-news.kz/">Kyzylorda-news.kz</a>&nbsp; Журналистердің ынтымағы кәсіби тұрғыда орнаған. Ұлттық, әлеуметтік мәселелерде ортақ көзқарас қалыптасқан деп “Сыр медиа” ЖШС бас директорының орынбасары Дәурен Омаров өз пікірін білдірді.
<blockquote>
 «Бүгінде ақпарат кеңістігі кеңейді. Оқырман талғамынан шығу басты назарда. Журналистердің талабы шынайы ақпарат тарату. Бұл үдеден шығып та келеміз. 
 Бүгінде халық ақпарат пен қоса талдап, зерделенген мәселерді іздеп жүріп оқитын болды. Оқырманның сұранысы сараптамалық жарияланымда екені дәлелденіп келеді. Сондықтан, биылдан бастап біздің басылымдардағы тілшілерімізге сараптамаға аса ден қоюды талап етіп отырмыз. Әрі бұл баспасөздің өміршеңдігін білдіреді. 
 Расында, Сыр өңірінің жорналшылар арасында ынтымақ пен бірлік орнаған. Әсіресе кәсіби тұрғыда. «Сыр Медиа» ЖШС ұжымы өзге де аймақтық медиа құрылымдармен ынтымақтық байланысты берік орнатып жүр. Оңтүстік өңірлердегі «Түркістан Медиа Холдинг», «Әулие Ата Медиа» ЖШС, Батыс Қазақстан облысындағы «Жайық Пресс», және тағы басқа ірі баспасөз құралдары арасында меморандумға қол қойып, бүгінде түрлі тәжірибе алмасулар өткізіп келемдіз. Бұл біздің жас әріптестеріміз үшін де үлкен мектеп. 
 Жалпы, облыстағы барлық әріптестеріміздің ұлттық мәселеде, тіл, тарих жайында көзқарастары ортақ. Осы турасында кез келген сәтте бірігіп, шешуге ат салысамыз. Дегенмен, саяси мәселенің кейбір тұстарында қалыс қалатынымыз жасырын емес. Пікір тоғыспай қалатыны заңдылық», – деді Дәурен Сейітжанұлы.
</blockquote>
Айта кету керек, «Сыр Медиа» ЖШС жас тілшілерді даярлауда да үлестерін қосуда. Осыған орай, 2018 жылы «Сыр Медиа» академиясы құрылды. Мақсаты – жас журналистерді тарту, қалам тербеуге қызығушылық танытып жүрген оқушыларды тәрбиелеу. Бүгінде академия қабырғасында майталман журналистер, әлеуметтік желіде белсенді блоггерлермен өзекті тақырыптарда семинарлар ұйымдастырылуда.

Дәурен Омаров: Ұлттық мәселеде сыр журналистерінің көзқарасы ортақ

<a href="https://kyzylorda-news.kz/">Kyzylorda-news.kz</a> Қызылорда қалалық полиция басқармасының қызметкерлері есірткі еккендерге қарсы іс-қимыл шараларын күшейтуде.
Қала аумағына қарасты орталықтарда рейд жүргізіп, есірткімен айналысқан, оны сатып және тасымалдаған құқық бұзушыларға қатысты «Қарасора–2021»жедел профилактикалық іс – шарасын жүргізуде.
Мәселен ағымдағы жылдың 4 қыркүйегінде үйінің ауласында есірткі тектес сора өсімдігін өсірген 62 жастағы қала тұрғынын ұсталып, уақытша ұстау изоляторына қамалды.
Күдіктінің ауласынан 105 түп сора өсімдігін тауып, айғақ зат ретінде тәркіледі. Сараптама тағайындалды. Қорытындыға сәйкес алынған түптер 141,853 гр сора есірткісі болып шықты.
<blockquote>
 «Аталған жәйтсотқа дейінгі тергеп-тексерудің бірыңғай тізіліміне енгізіліп, Қазақстан Республикасының Қылмыстық Кодексінің 300-бабы 2 – бөлігімен (Құрамында есірткі заттар бар, өсіруге тыйым салынған өсімдіктерді заңсыз егіп-өсіру) қылмыстық іс қозғалды. Қазіргі таңда осы іс бойынша тергеп-тексеру амалдары жүргізілуде», – делінген полиция департаментінің таратқан хабарламасында.
</blockquote>

Қазақстан және Қызылорда облысының жаңалықтары: Қоғам

Қазақстан 20 елмен әуе рейсін жандандырды

Мұхтар Оразбаев: Жол сапалы салынуы керек

Қызылордада бетон зауыты мемлекет қолдауына ие болды

Қармақшы ауданының әкімі спортшыларды қабылдады

Сырдария: Кәсіпкерліктің дамуы – халықтың әл-ауқатының дамуы

Қызылордада 153 адам коронавирустан жазылды

Қызылордада 79 адамнан коронавирус анықталды

Жұмаға арналған ауа райы болжамы

Қызылорда облысы жылу маусымына дайын ба?

Серік Дүйсенбаев: Ардагерлердің басты мақсаты − елді бірлікке шақыру

Дәурен Омаров: Ұлттық мәселеде сыр журналистерінің көзқарасы ортақ

Қызылордада 105 түп сора өсімдігін еккен қала тұрғыны ұсталды

Қазақстан және Қызылорда облысының жаңалықтары: Қоғам

Қазақстан 20 елмен әуе рейсін жандандырды

Мұхтар Оразбаев: Жол сапалы салынуы керек

Қызылордада бетон зауыты мемлекет қолдауына ие болды

Қармақшы ауданының әкімі спортшыларды қабылдады

Сырдария: Кәсіпкерліктің дамуы &#8211; халықтың әл-ауқатының дамуы

Қызылордада 153 адам коронавирустан жазылды

Қызылордада 79 адамнан коронавирус анықталды

Жұмаға арналған ауа райы болжамы

Қызылорда облысы жылу маусымына дайын ба?

Серік Дүйсенбаев: Ардагерлердің басты мақсаты − елді бірлікке шақыру

Дәурен Омаров: Ұлттық мәселеде сыр журналистерінің көзқарасы ортақ

Қызылордада 105 түп сора өсімдігін еккен қала тұрғыны ұсталды

Сырдария: Кәсіпкерліктің дамуы – халықтың әл-ауқатының дамуы