<a href="https://kyzylorda-news.kz/ru">Kyzylorda-news.kz.</a> Бүгін облыс әкімі Нұрлыбек Нәлібаев Чехия Республикасының бизнес өкілдерімен кездесіп, өңірдегі инвестициялық жобаларды таныстырды.Аймақ басшысы қызылордалықтар жаңа іскерлік байланыстар орнатуға, өзара тиімді қарым-қатынастарды дамытуға әрдайым ашық екенін жеткізді. Балық өнімдерін экспорттау, энергетикалық жобалар мен мұнай-газ құбырлары өндірісіне қызығушылық танытқан инвесторларға өңірдің мүмкіндіктері туралы айтты.<blockquote>«Біздің аймақ – ауыл шаруашылығы мен өнеркәсіп саласы дамыған, минералдық шикізат ресурстарына бай агро-индустриялық өңір. Қызылорда облысында Кіші Арал теңізі, Сырдария өзені және 201 көл бар, онда балық аулау кәсібі жолға қойылған. Өңірде жылына 36,5 мың тонна балық өндіретін 10 балық өңдеу зауыты жұмыс жасайды. Өткен жылы 8,3 млн. АҚШ долларына бағаланған 3,3 мың тонна балық өнімдері экспортталды. Оның ішінде құны 150 мың АҚШ долларын құрайтын 197,3 тоннасы Грузияға, 114,8 мың АҚШ доллары болатын 15,8 тоннасы Чехияға жіберілді.Энергетика саласына келсек, аймақта жиынтық қуаттылығы 89 мегаваттық 9 күн электр станциясы жұмыс жасайды. Оның үшеуі шетел инвесторларының қатысуымен жүзеге асты. «Акса энерджи» түрік компаниясы Қызылорда қаласында қуаттылығы 240 мегаваттық жылу-электр стансасын салуда. Оның қуаты өңірдің сұранысын толық қанағаттандырады. Экспортқа бағытталған, өңделген отандық өнімдерге бірқатар қолдау шаралары бар. Сыртқы нарыққа шығару үшін кәсіпорындарға жан-жақты сервистік қолдау көрсетіледі, жол шығындары 80%-ға дейін өтелуде. Сіздерге перспективалы жобаларды іске асыруда мүмкіндігінше жан-жақты қолдау көрсетеміз. Біздің өңірге келген сапарыңыз Қызылорда облысы мен Чехия арасындағы достық байланысты одан әрі кеңейтетініне сенімдімін», – деді Нұрлыбек Машбекұлы.</blockquote>Өз кезегінде, инвесторлар ұсынылған жобаларға қызығушылық танытып, алдағы уақытта аталған салалар бойынша әріптестік орнатуға ниет білдірді.

Облыс әкімі Чех инвесторларымен кездесті

<a href="https://kyzylorda-news.kz/ru">Kyzylorda-news.kz.</a> Парламент мәжілісінің отырысында депутат Темір Қырықбаев «AMANAT» партиясы фракциясының атынан Премьер-министрдің орынбасары Тамара Дүйсеноваға депутаттық сауал жолдап, мемлекеттік бюджеттен қаражатты тиімсіз жұмсау проблемасын қозғады, - деп хабарлайды<a href="https://turkystan.kz/article/238933-byudzhetti-b-linui-zh-ne-zh-msaluyna-o-amdy-ba-ylaudy-k-sheytu-kerek-temir-yry-baev"> turkystan.kz.</a><blockquote>«Әлеуметтік желілер Қазақстанның Ақтау, Павлодар, Семей қалаларында жаңа жылдық шыршалардың құлауы туралы ақпаратқа толы. Абырой болғанда, одан зардап шеккендер жоқ. Десе де, қайғылы салдарға ұрындыруы әбден мүмкін еді. Мысалы, Шахтинск қаласында жергілікті әкімшілік мұз айдыны үшін арнайы алаң дайындап, аумағын қоршаған, тиісінше жарықтандырған. Бірақ, мұз айдынын құюды ұмытып кеткен. Ал, Павлодарда шамамен 60 млн теңге жұмсалған мұз қалашығы еріп кетті. &nbsp;Осылайша, балаларды қуантудың орнына бюджет ақшасы желге шашылған. Демек, әкімдіктер қаражатты қазіргі заманғы технологиялар мен әдістерді ауа-райын ескермей жұмсайды. Бұл жағдай жылдан жылға қайталанып жатыр. Осыдан мынадай заңды сұрақ туындайды: қарапайым салық төлеушілерге мұндай шығындар қажет пе және кінәлі шенеуніктер қандай жауапкершілікке тартылды?</blockquote>Президент Қазақстан халқына Жолдауында аймақтағы атқарушы биліктің шешім қабылдау ісіне азаматтардың тікелей қатысу мүмкіндігін біртіндеп арттыру міндетін қойды.Осы міндетті орындау мақсатында жергілікті бюджеттен қаражаттың бөлінуіне және жұмсалуына қоғамдық бақылауды күшейту мәселесін қарауды сұраймын.<blockquote>Сонымен қатар, мәслихат сессиясында жыл сайынғы бюджетті бекіту кезінде, сондай-ақ, әкімдіктердің өткен қаржы жылындағы жергілікті бюджеттердің атқарылуы туралы есептерін тыңдау кезінде міндетті түрде жария тыңдаулар өткізу қажет деп санаймын. Жауапты заңнамада белгіленген мерзімде беруіңізді сұраймын», - деді ол. &nbsp;</blockquote>Фото: Нұрболат Нұржаубай

Бюджеттің бөлінуі мен жұмсалуына қоғамдық бақылауды күшейту керек – Темір Қырықбаев

<a href="https://kyzylorda-news.kz/ru">Kyzylorda-news.kz.</a> Алматы облысының Мамандандырылған ауданаралық экономикалық сотының судьясы сотталды. Бұл туралы Антикор мәлім етті, - деп хабарлайды<a href="https://turkystan.kz/article/238980-almaty-oblysynda-ekonomikaly-sotty-sudyasy-4-zhyl-a-sottaldy"> turkystan.kz.</a><blockquote>«Биылғы 17 қаңтарында Алматы облысының Мамандандырылған ауданаралық экономикалық сотының судьясы А. Абдрахмановқа және басқа да адамдарға қатысты үкім шығарылды. А. Абдрахманов Қарасай ауданы Мемлекеттік кірістер басқармасының Өндіріп алу бөлімінің басшысы А. Асилбековтың көмегімен екі ЖШС-ті банкрот деп танығаны үшін кәсіпкерден пара алды деп айыпталды», - делінген хабарда.</blockquote>Ведомство мәліметінше, Қонаев қалалық сотының үкімімен А. Абдрахманов 4 жыл мерзімге бас бостандығынан айырылды.Ал А. Асилбековке 122,5 млн теңге айыппұл түрінде жаза тағайындалған. Пара беруші 3 жыл 6 ай мерзімге бас бостандығынан айыруға сотталды.Сонымен қатар, сотталғандар өмір бойы мемлекеттік қызметте қызмет атқару құқығынан айырылады.Қылмыстық кодекстің 41-бабына сәйкес айыппұл белгіленген мерзімде төленбеген жағдайда жаза шарасы бас бостандығынан айыруға ауыстырылатыны хабарланды.&nbsp;Фото: Нұрболат Нұржаубай

Экономикалық соттың судьясы 4 жылға сотталды

&nbsp;<a href="https://kyzylorda-news.kz/ru">Kyzylorda-news.kz.</a> Ауыл шаруашылығы министрлігі көктемгі егіс, жиын-терім науқанына орай аграрларға берілетін несиені қаржыландыруды бастады. Бюджеттік кредит аясында 15 млрд теңге мөлшеріндегі несие берудің бірінші кезеңін «Аграрлық несие корпорация» АҚ жүзеге асырады, деп жазады <a href="https://egemen.kz/article/356455-dikhandargha-dgenhildetilgen-nesie-beriledi">Egemen.kz.</a>Осы жылы көктемгі егіс және егін жинау жұмыстарын жүргізу мақсатында жеңілдетілген кредит беру үшін бас-аяғы 140 млрд теңге көлемінде қаржы бөлінді. Бұл сумма кем дегенде 2 млн гектар алқапқа егін егуге мүмкіндік береді.Бағдарлама бойынша дихандарға кредит 2025 жылдың 1 наурызына дейін беріледі. Оның ішінде негізгі қарыз бен сыйақы сомасының 50 пайызын 2024 жылғы 1 желтоқсанға дейін, қалған 50 пайызын келер жылдың 1 наурызына дейін рәсімдеуге болады. Аграрларға арналған несие жылдық 5 пайыздан аспайтын мөлшерлеме бойынша беріледі. Несиені өтеу кестесі шаруалардың қарыз шарттарын жасасу кезінде жеке тәртіппен қарастырылады.«Аграрлық несие корпорациясы» АҚ жеңілдетілген несиені өңірлерде екінші деңгейдегі банктер, кредиттік серіктестіктер, микроқаржы ұйымдары және өңірлік инвестициялық орталықтар арқылы жүзеге асырады.<blockquote>«Айта кетейік, бұған дейін Ауыл шаруашылығы министрлігі сыйақы мөлшерлемелерін субсидиялау шарттарына өзгерістер енгізген болатын. Енгізілген өзгеріс қарыз алушы үшін қиындық тудыратын мән-жайлардың басталуына байланысты сыйақы мөлшерлемесін төлеу және (немесе) негізгі борышты өтеу бойынша кейінге қалдыру мерзімін 10 айдан 24 айға дейін ұзартуға мүмкіндік береді. Түзетулер осы жылдың 15 қаңтарында күшіне енді», деп хабарлады министрліктің баспасөз қызметі.</blockquote>«Кең дала» көктемгі дала және егін жинау жұмыстарына кредит беру бойынша жеңілдетілген бағдарламасы бюджеттік кредитті қайта құрылымдайды. Бұл бағдарлама қатысушыларына 2023 жылғы қарыздарын айыппұл санкцияларын қолданбай-ақ төлеу мүмкіндігін береді.&nbsp;Фото: Нұрболат Нұржаубай

Дихандарға жеңілдетілген несие беріледі

<a href="https://kyzylorda-news.kz/ru">Kyzylorda-news.kz.</a> &nbsp;Ауыл шаруашылығы – ел экономикасын дамытушы маңызды салалардың бірі. Соның ішінде Қызылорда облысының ауыл шаруашылығы саласына мемлекет тарапынан үлкен қолдаулар көрсетіліп келеді. Осы мемлекеттік қолдаудың арқасында есепті кезеңде 220,9 млрд теңгенің өнімі өндіріліп, өсім көрсеткіші 3,7 пайызға артса, ауыл шаруашылығының негізгі қорына салынған инвестиция көлемі 19,7 пайызды құрады. Ал тамақ өнімдерін өндірудегі негізгі капиталға салынған инвестиция 14,3 пайызға ұлғайды. Сонымен қатар, былтырдан бастап «Ауыл аманаты» жобасы арқылы 406 жоба қолдау тапты. Осы жобалар арқылы 713 жұмыс орны ашылмақ. Бұл туралы Өңірлік коммуникациялар қызметінің ақпарат алаңында облыстық ауыл шаруашылығы және жер қатынастары басқармасының басшысы Талғат Дүйсебаев хабарлады.<blockquote>Өткен жылы 193,4 мың гектарға ауыл шаруашылығы дақылдары егілді. Ал негізгі дақыл – күріштің көлемі 89,0 мың гектарды құрады. Жыл қорытындысы бойынша дәнді дақылдардан - 521,2 мың тонна, оның ішінде күріштен - 503,3 мың тонна, майлы дақылдардан - 4,8 мың тонна, малазықтық дақылдардан - 289,9 мың тонна, картоп, көкөніс, бақшадан - 493,0 мың тонна өнім алынды. Ал биыл 187,0 мың гектарға ауыл шаруашылығы дақылдарын егу межеленуде. Оның ішінде 938 тонна жаздық бидай, 736 тонна күздік бидай, 49 тонна арпа, 11 тонна тары, 65 тонна дәндік жүгері, 5 тонна күнбағыс, 105 тонна мақсары, 14 тонна соя, 21,8 тонна сүрлемдік жүгері және 298 тонна жоңышқа тұқымы құйылды. Ал негізгі дақыл күріш көлемі бойынша 21 304 тонна болып белгіленді. Күріш тұқымының 14725,5 тоннасы сапасын анықтау мақсатында зертханалық тексеруге өткізілді. Бұдан бөлек, аймақта мал шаруашылығын дамытуға жасалынған қолдаулардың нәтижесінде, төрт түлік мал басы өсіп, өнім өндіру тұрақты ұлғаюда. Атап айтқанда, облыс көлемінде 409,7 мың бас - МІҚ, 819,5 мың бас - қой мен ешкі, 213,4 мың бас - жылқы, 61,5 мың бас - түйе және 119,3 мың бас - құс өсірілуде,-деді Талғат Тұрсынұлы.</blockquote>Бүгінде ауыл шаруашылығы және жер қатынастары басқармасы облыстың стратегиялық ресурсын ұтымды пайдалану жөніндегі міндеттер кешенін іске асыруды жалғастыруда. Соның негізгісі – елді мекендер айналасындағы жайылымдық жерлердің тапшылығын азайту. Бүгінгі таңда облыс бойынша 1966,5 мың гектар жайылым қажет болса, бүгінде оның 73 пайызы қамтамасыз етілді.<blockquote>Мемлекет басшысының тапсырмасына сәйкес, пайдаланылмаған немесе заңсыз пайдаланудағы жерлерді мемлекетке қайтарып алу жөніндегі тапсырмасын орындау мақсатында бірқатар жұмыстар атқарылды. Мәселен, жыл басынан бері 225,4 мың гектар жер шаруашылықтардан қайтарып алынып, бекітілген жоспар 112 пайызға орындалды. Бұл бойынша әкімдіктер тұрғындармен кездесулер өткізіп, түсіндірмелер берілуде. Сондай-ақ, барлық шаруашылықтар басшыларына жылына 2 рет халық алдында есеп беру жиналысын өткізу бойынша тапсырма берілді. Ауылдық елді мекендердегі тұрғындардың жеке мал басын жайылыммен қамтамасыз ету үшін мыңнан астам шаруашылықпен келісім жүргізілді. Оның ішінде, 630,6 мың гектар жайылымдық алқаптары, 124,2 мың гектар егістік алқаптарын маусымында кедергісіз пайдалануға шаруашылық басшыларымен келісім жасалды, - деді басқарма басшысы.</blockquote>

Биыл Қызылорда облысында 187 мың гектарға егін егіледі

Фото: gov.kz<a href="https://kyzylorda-news.kz/ru">Kyzylorda-news.kz.</a> Аймақтағы электр желілерінің тозу деңгейін төмендету мақсатында биыл 10 жоба жүзеге асырылмақ. Осының нәтижесінде, 418 шақырым электр желісі мен 73 дана қосалқы станция жаңғыртылмақ. Сонымен қатар, жауапты басқарма арқылы қосымша 4 жобаның жоба-сметалық құжаттамасы әзірленуде. Жоба аясында қала және бірнеше елді мекеннің электр бағаналары мен желілері қайта жөнделеді. Бұл жөнінде Өңірлік коммуникациялар қызметінің ақпарат алаңында облыстық энергетика және тұрғын-үй коммуналдық шаруашылық басқармасының басшысы Медет Усаин мәлімдеді.<blockquote>Облысымызда әр түрлі кернеудегі 10 мың шақырымнан асатын электр желілері мен 2 мыңға жуық қосалқы станция бар. Былтыр электр желілерімен қамтудың 6 жобасы жүзеге асырылып, 232 шақырым электр желісі мен 95 дана қосалқы станция қайта жаңартылды. Нәтижесінде электр желілерінің тозу деңгейі 66 пайызға төмендеді. 2025 жылы қосымша қуаттылығы 10 МВт құрайтын күн электр станциясын салу жоспарлануда, - деді Медет Усаин.</blockquote>Тұрғындарды сапалы ауыз сумен қамту мәселесі де күн тәртібінен түскен емес. Сәйкесінше, 2023 жылы халықты тіршілік нәрімен қамту бойынша 23 жоба мемлекеттік бағдарламалардың көмегімен орындалып, жүйелі жұмыстар жүргізілді. Биыл аталмыш салаға қатысты 14 жоба қолға алынбақ.<blockquote>Облыстағы 230 ауылдық елді мекеннің 98,4 пайызы орталықтандырылған ауыз су жүйесіне қосылған. Былтыр Арал және Шиелі аудандарындағы 6 елді мекеннің ауыз су мәселесі шешіліп, ондағы тұрғындар тіршілік нәрінен тарықпай қажетінше пайдалануда. Қазіргі таңда қалған 26 ауылдық елді мекенді бекітілген жоспарға сәйкес, орталықтандырылған ауыз су жүйесіне қосу жұмыстары жүргізілуде, - деді басқарма басшысы</blockquote>Өңірдегі өзекті мәселелердің бірі – тозығы жеткен тұрғын үйлерді қайта жаңарту. Бұл ретте 2023 жылы 17 тұрғын үй күрделі жөндеуден өтіп, қайта жаңғыртылды. Ал осы жылы 36 тұрғын үйге жөндеу жұмыстары жүргізілмек.

Қызылорда: Электр желілерін жаңғырту мақсатында 10 жоба әзірленеді

<a href="https://kyzylorda-news.kz/ru">Kyzylorda-news.kz</a>. 2024 жылғы 1 қаңтардағы жағдай бойынша, жиынтық зейнетақының орташа мөлшері 120 744 теңге болды, оның ішінде ынтымақты зейнетақы – 82 868 теңге, базалық зейнетақы – 37 876 теңге.Ведомство мәліметінше, 2023 жылы республикалық бюджеттен 2,3 миллион адамға 3,3 триллион теңгеден аса сомаға зейнетақы төленген.«2024 - 2026 жылдарға арналған республикалық бюджет туралы» заңға сәйкес ынтымақты зейнетақы мөлшері 2024 жылғы 1 қаңтардан бастап 9%-ға өсті.Фото: Нұрболат Нұржаубай

Еліміздегі зейнетақының орташа мөлшері белгілі болды

Фото: aikyn.kz<a href="https://kyzylorda-news.kz/ru">Kyzylorda-new.kz.</a> Mudarabah Capital ЖШС-ның басшысы Руслан Бұрқановтың анасы жәбірленушілерге келтірілген шығынды өтеймін деп пәтерін сатып, қарттар үйіне түсті. Бұл туралы Алматыда өткен апелляциялық алқа отырысында Бұрқановтың адвокаты Анар Катебаева айтты, – деп хабарлайды<a href="https://halyq-uni.kz/"> halyq-uni.kz.</a>Оның айтуынша, Руслан Бұрқанов – анасының жалғыз ұлы. Қазір оның анасы мемлекет қамқорлығында, қарттар үйінде тұрып жатыр. Өйткені ол жәбірленушілерге келтірілген шығынды өтеу үшін пәтерін сатуға мәжбүр болған.Руслан Бұрқанов Mudarabah Capital компаниясының бас директоры болған. Ол 2021 жылғы қазанда қаржы пирамидасына қатысы бар деген айыппен сотталған еді. Сол кезде барлығы 12 адам сотқа тартылды. Іс бойынша айыпталушылар 262-бап бойынша бас бостандығынан айырылды.&nbsp;

Mudarabah Capital-дың сотталған басшысының анасы қарттар үйіне түсті

Фото: облыс әкімінің баспасөз қызметі<a href="https://kyzylorda-news.kz/ru">Kyzylorda-news.kz.</a> Өткен жылы Қызылорда облысында әлеуметтік маңызы бар нысандар мен білім ұйымдары, емханалар мен дәрігерлік амбулаториялар, көп қабатты тұрғын үйлердің іргетасы қаланып, жаңа ғимараттар пайдалануға берілді. Тиісінше, былтырғы жылдың қорытындысымен өңірдегі құрылыс көлемі 140 пайызды құрады. Бұл туралы Өңірлік коммуникациялар қызметінің ақпарат алаңында облыстық құрылыс, сәулет және қала құрылысы басқармасының басшысы Ерлан Төрәлиев хабарлады.<blockquote>-Былтыр құрылыс саласына 87,1 млрд теңге бөлініп, 2022 жылмен салыстырғанда бөлінген қаржы 3,5 есеге артты. Осыған сәйкес, облыста қарқынды құрылыс жұмыстары жүргізіліп, 177 жоба іске асырылды. Атап айтқанда, білім беру саласында - 36 нысан, денсаулық сақтау саласында - 23 нысан, мәдениет саласында - 7 нысан, спорт саласында - 15 нысан, халыққа қызмет көрсету бойынша - 3 нысан, 26 тұрғын үй құрылысы, инженерлік коммуникациялық инфрақұрылым тарту бойынша - 71 жоба жүзеге асырылды. Жалпы, құрылыс саласында негізгі екі көрсеткіш белгіленген. Олар: құрылыс жұмыстарының көлемі және пайдалануға берілген тұрғын үйлер. 2023 жылдың қорытындысы бойынша өңірдегі құрылыс көлемінің көрсеткіші 2022 жылмен салыстырғанда 140,4 пайызды құрады. Сондай-ақ, қаржыландырудың барлық көздерінен 740,7 мың шаршы метр тұрғын үй ел игілігіне пайдалануға беріліп, көрсеткіш 108,4 пайызды құрады, - деді басқарма басшысы Ерлан Кәрімбекұлы.</blockquote>

Қызылордада құрылыс саласына қатысты 177 жоба жүзеге асырылды

<a href="https://kyzylorda-news.kz/ru">Kyzylorda-news.kz.</a>&nbsp;«Атамекен» Ұлттық кәсіпкерлер палатасының бұрынғы басқарма төрағасы Абылай Мырзахметов Қайрат Боранбаевтың туыстарынан &nbsp;«30 миллион доллар берсеңдер, ағаларыңды түрмеден босатамын» деген желеумен пара сұраған, деп хабарлады <a href="https://www.ktk.kz/ru/live/">КТК арнасы.</a>Бүгін елордада былтыр мамырда Сыбайлас жемқорлыққа қарсы іс-қимыл агенттігі ұстаған Мырзахметовтің алдын ала сот тыңдауы өтті. Ол алаяқтық және пара беруге итермелеу бабымен күдікке ілінген еді.Бүгінгі сотта прокурор «Атамекеннің» бұрынғы басшысына қатысты біраз тың деректі айтты.Тергеу мәліметінше, Қайрат Боранбаев істі болған соң Мырзахметов оның туыстарын жағалай бастаған. «Бостандықты сатып алып беретін жоғарыда тамыр-таныстарым бар» деп, оның туған бауыры Талғат Боранбаевтан әуелі 15 миллион доллар алған. Кейін 5 миллион сұратып, қалғанын іс біткен соң алуға уағдаласқан.Фото: Нұрболат Нұржаубай

«30 миллион доллар берсеңдер, түрмеден босатамын»: Абылай Мырзахметов Қайрат Боранбаевтың туыстарынан пара талап еткен

<a href="https://kyzylorda-news.kz/ru">Kyzylorda-news.kz</a> Меншік иесін ауыстырып, Qarmet деген жаңа атау алған "АрселорМиттал Теміртау" (АМТ) металлургиялық комбинаттың қазақстандық кәсіпкерлер алдында 500 миллион доллар қарызы бар, - деп хабарлайды nur.kzҚарағанды металлургиялық комбинаты көмір шахталарына байланысты қайғылы оқиғалардан кейін 2023 жылдың соңында инвесторын ауыстырған еді. Премьер-министр Әлихан Смайыловқа жолданған депутаттық сауалда компанияның қазақстандық кәсіпкерлерге жеткізген тауарлары мен көрсеткен қызметтері, кәсіпорын қажеттіліктерін қанағаттандырғаны үшін 500 млн АҚШ доллары көлемінде қарызы болғаны жазылған. Тиісті депутаттық сауал парламент мәжілісі сайтында жарияланды. Бұл ретте депутаттардың айтуынша, аталған қаражаттың қайтарылуына қатысты мәселе бұлыңғыр болып тұр.&nbsp;Еске салайық, бұған дейін "АрселорМитталдың" "Қазақстан халқына" қорына берген 16 миллиард теңгесі қалай жұмсалатыны анықталған болатын.&nbsp;Депутаттардың премьер-министрге жолдаған сауалына сүйенсек, компанияның қазақстандық мердігерлер алдындағы берешегі көп жыл бойы жинала берген. Ал бүгінде олар комбинатқа жеткізілген материалдар мен құрал-жабдықтардың шығыны қалай өтелетінін сұрады, депутаттардың пайымдауынша, қаражатты қайтару жұмыстарын қадағалау үшін құжаттаманы толық ревизиядан өткізу керек болады.&nbsp;<blockquote>"Бұған дейін мердігерлер мен жеткізушілерде біртіндеп болсын ақшасы қайтарылатынына үміт болған еді, ал қазір олар банкроттыққа ұшырап, барлық қаражаттан айырылуымыз мүмкін деп уайымдайды. Оған қоса бұл қарыздардың артында кәсіпорындар мен олардың серіктестерінің ғана емес, мердігер ұйымдарда жұмыс істеген мыңдаған қызметкерлердің, олардың отбасыларының тағдыры жатыр", – деп атап өтті депутаттар.&nbsp;</blockquote>&nbsp;Депутаттық сауал мәтініндегі мәліметке сүйенсек, кәсіпкерлер туындаған қарыз өтелмеуі мүмкін деп алаңдайды. Бұл ретте сауалда бұған дейін де жұмыстар жүргізіліп, тиісті рұқсат беру комиссиялары құрылғаны жазылған.<blockquote>&nbsp;"Алайда қазіргі жағдайда аталған мәселе мүлдем шешімін таппағанын әрі іс жүзінде тоқтап қалғанын көрсетті. Сондай-ақ кәсіпкерлер қарыздан бөлек, салық төлеу мәселесіне тап болды. Салық органдарының айтуынша, мұндай жағдайда жиналып қалған берешек есептен шығарылмайды", – деп атап көрсетті депутат.</blockquote>&nbsp;Яғни кәсіпкерлер де фискалдық органдар тарапынан қаржыны қайтару бойынша талаптар мен қосымша салықтық есептеулерге тап болады. Бірақ борышкерлер аталған салықтарды төлей алмайды, себебі Қарағандыдағы металлургиялық комбинат тиісті ақысын төлемеген. Сондықтан депутаттар үкіметтен бұл мәселені қарастырып, комбинаттың отандық шағын және орта бизнес алдындағы қарызын өтеу бойынша қандай шаралар қарастырылғанын айтуды сұрады. Әзірге премьер-министр сауалға жауап қайтарған жоқ.&nbsp;Еске салайық, бұған дейін президент Қасым-Жомарт Тоқаев Qarmet – бұрынғы "АрселорМиттал Теміртау" компаниясына қатысты бірқатар тапсырма берген болатын.&nbsp;Фото: Нұрболат Нұржаубай

Бұрынғы "Арселлор Миттал Теміртау" компаниясының 500 млн доллар қарызын кім қайтарады?

<a href="https://kyzylorda-news.kz/ru">Kyzylorda-news.kz.</a>&nbsp; &nbsp;Сыбайлас жемқорлыққа қарсы қызмет Шымкент қалалық жұмыспен қамту орталығының басшысы Әсет Шағадатты ұстады, деп хабарлайды<a href="https://kaz.zakon.kz/sayasat/6037595-shymkentteg-zhmyspen-amtu-ortalyyny-basshysy-staldy.html"> Zakon.kz.</a> Отырардың хабарлауынша, Сыбайлас жемқорлыққа қарсы қызмет Шымкент қалалық жұмыспен қамту орталығы басшысы ұсталғанын растады. Оған қатысты тергеу жүріп жатыр.<blockquote>"ҚМУ "Еңбек мобильділігі орталығының" басшысына қатысты сотқа дейінгі тергеу амалдары жүргізіліп жатыр", - делінген хабарламада.</blockquote>

Қазақстан және Қызылорда облысының жаңалықтары: Экономика