<a href="https://kyzylorda-news.kz/">Kyzylorda-news.kz</a>&nbsp; Каспий теңізі – бір елдің ғана емес, бүкіл аймақтың тағдырына қатысы бар мәселе. Бұл туралы Президент Қасым-Жомарт Тоқаев Қазақстан халқына Жолдауы барысында<a href="https://kyzylorda-news.kz/qarzhy/prezident-salykhtan-tuesken-aer-tengge-halykhtyng-igiligine-zhumsalugha-tiis-08-09-2025"> айтты.</a><blockquote>- Су үнемдейтін технологияны енгізу жұмысы баяу жүруде, нақты нәтиже әлі жоқ. Бұл жұмысқа белгілі шетелдік компанияларды тартқан жөн. Сондай-ақ Қытайда жасалған әлемдегі ең озық технологияларды сатып алуға болады. Су тапшылығына байланысты қиындық болуы мүмкін екені алдын ала ескертіліп жатады. Соған қарамастан диқандар суды көп қажет ететін дақыл егуді азайтар емес. Тіпті егін суаруға қажетті суды еш рұқсатсыз, шартсыз бұрып алатын жайттар жиі кездеседі. Тағы бір келеңсіз жағдай, бұл – «қара нарықтағы» суды заңсыз сату я сатып алу. Құқық қорғау мекемелері бұл мәселемен айналысуы қажет, - деді Қасым-Жомарт Тоқаев.</blockquote>Президент Аралға қатысты жақсы мысал бар екенін еске салды.<blockquote>- Әрине, теңіздің тартылуы Қазақстан үшін үлкен қасірет болды. Бірақ одан қорытынды жасалып, теңізді қалпына келтіру үшін жүйелі жұмыс жүргізіліп жатыр. Бұл кешенді жұмыс 20 жылдан астам уақыт бойы үздіксіз жалғасуда. Соның арқасында Солтүстік Аралды сақтап қалдық. Оның айдыны 36 пайызға ұлғайып, су көлемі екі есе өсті. Су құрамындағы тұздың мөлшері екі есе азайды. Бірақ Аралды толтыру жұмыстары қарқынды жалғаса беруге тиіс. Каспий теңізінің тартылып бара жатқаны жұртты алаңдатып отыр. Тиісті шара қолданбасақ, бұл аса үлкен экологиялық апатқа айналуы мүмкін. Сол себепті мен жақында Қытайда өткен Шанхай ынтымақтастық ұйымының кеңейтілген отырысында осы маңызды мәселеге арнайы тоқталдым, Ұйым аясында Су мәселелері жөніндегі кеңес құру туралы ұсыныс айттым. Каспий теңізі – бір елдің ғана емес, бүкіл аймақтың тағдырына қатысы бар мәселе. Сондықтан жұмылып әрекет ету қажет. Үкімет Каспийдің су ресурстарын сақтау туралы мемлекетаралық бағдарлама әзірлеуді қолға алуы керек. Оны серіктес мемлекеттермен келісу қажет. Бұл құжат Каспий маңындағы елдердің үйлесімді әрі жедел әрекет етуіне арқау болуға тиіс, - деді Мемлекет басшысы.</blockquote>Осы орайда Президент су мәселесі бойынша дұрыс және орынды шешім табатын болсақ, ертең соның игілігін кейінгі ұрпақ көретінін атап өтті.<blockquote>- Балаларымыз бен немерелеріміздің тағдыры біздің әрекетімізге тікелей байланысты болмақ. Біз – өз болашағымызға өзіміз жауаптымыз. Суды үнемдеу мәдениетін қалыптастыру – институционалдық және технологиялық шешімдерден, тіпті, осы бағытта бөлінетін қаражаттан да маңызды іс, - деді Қасым-Жомарт Тоқаев.</blockquote>Фото: Ақорда

Үкімет Каспийді сақтау туралы мемлекетаралық бағдарлама әзірлеуі керек - Президент   

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев экологиялық мәселелерді талқылауға Сыр еліне жұмыс сапарымен келген Парламент Мәжілісінің депутаттары Еділ Жаңбыршин, Мархабат Жайымбетовпен және «Хуанрань Медикал» компаниясы директорлар кеңесінің төрағасы, «Майжике Инвестмент менеджмент» компаниясының басқарма төрағасы Лю Бо, аталған компанияның тең төрағасы Юй Шимао, «Иньцзян Эко-пром» компаниясының басқарма төрағасы Е Вэйумен кездесті.Басқосуға жауапты салалардың, өнеркәсіптік кәсіпорындардың басшылары, халықаралық сарапшылар мен шетелдік компаниялардың өкілдері қатысты.Аймақ басшысы өңірдің инвестициялық әлеуетіне, атқарылған жұмыстарға тоқталды.<blockquote>«Екі Мемлекет басшыларының сарабдал саясаты нәтижесінде қазақ-қытай қарым-қатынасында сенімді экономикалық серіктестік пен табысты мәдени-гуманитарлық байланыстар қалыптасты.Қытай Халық Республикасы – Қызылорда облысының ең ірі сауда серіктестерінің бірі. Өңірімізде қара және түсті металдардың, пайдалы қазбалар мен сирек кездесетін жер элементтерінің қорлары бар. Еліміздің ваннадий қорының 66%,-ы мырыштың 16%,-ы қорғасынның 11% және уранның 15%-ы Қызылорда облысында орналасқан.Аймағымыздағы әлеуеті зор 61 инвестициялық жобаның тизерлерін қарастырып, медициналық өнімдер шығаратын өндіріс орнын ашуға шақырамын. Сондай-ақ, Қызылорданың құрылыс саласындағы инвестициялық әлеуетін ескеріп, ламинат шығаруға қызығушылық танытудамыз. Облыс әкімдігі қажетті техникалық шарттарды алуға жан-жақты қолдау көрсетуге дайын», – деді Н. Нәлібаев.</blockquote>Басқосуда қоршаған ортаны қалпына келтіру, суды тазарту, өнеркәсіптік қалдықтарды қайта өңдеу және қайталама шикізат негізінде құрылыс материалдарын өндіру бағытындағы жұмыстар да талқыланды.Еділ Жаңбыршин қоршаған ортаны қорғау мемлекеттік саясаттың басым бағыттарының бірі екенін және жүйелі бақылауды талап ететінін атап өтті.Қытайлық компаниялардың өкілдері сөз сөйлеп, қазақстандық кәсіпорындарда инновациялық шешімдерді енгізуге, қолданыстағы өндірістерді жаңғыртуға және экологиялық таза технологияларға негізделген жаңа өндірістерді құруға дайын екендіктерін білдірді.Айта кетейік, 5-6 қыркүйекте Парламент Мәжілісінің Экология мәселелері және табиғат пайдалану комитеті Қызылорда облысы әкімдігімен бірлесіп, жұмыс кеңесін өткізуде. Іс-шараның мақсаты – экологиялық заңнаманың жекелеген нормаларының орындалу барысын зерделеу, оны жетілдіру бойынша ұсыныстар әзірлеу. Кеңесте Қызылорда облысындағы өзекті экологиялық мәселелер қаралуда.Мәжіліс депутаттары мен шетелдік қонақтар өнеркәсіптік нысандарды, «Өндіріс» индустриялық аймағын, құрылысы қарқын алған газтурбиналық электр станциясын аралап көрді.Фото: Қызылорда облысы әкімінің баспасөз қызметі

Экологиялық мәселелер талқыланды

<a href="https://kyzylorda-news.kz/">Kyzylorda-news.kz</a> Биыл Сырдария өзені арнасында орналасқан көлдер жүйесін сумен толтыруға 1 960 млн текше метр су жіберілген. 5 сәуір күні Самарқанд қаласында өткізілген Мемлекетаралық су шаруашылығын үйлестіру комиссиясының 89 отырысында вегетация кезеңінде Шардара су қоймасына 3,694 млрд текше метр су түсу болжанған еді. Алайда, жылдың 1 жартыжылдығында түскен су көлемі 62 пайызды құрады. Ал Арал теңізіне түсетін су көлемі 85 пайыз. Бұл туралы Арал-Сырдария бассейндік инспекциясы басшысының міндетін атқарушы Сейтқасым Әбуов айтты.<blockquote>- Қызылорда облысы бойынша биылға 5 131,3 млн текше метр лимит белгіленіп, бірінші жартыжылдығында нақты 2 918 млн текше метр су пайдаланылды. Оның ішінде: шаруашылық ауыз суға және өндіріс мұқтаждарына 24,6 млн текше метр лимит белгіленіп 12 млн текше метр су алынды. Ауыл шаруашылығына 3 901,7 млн текше метр лимит белгіленіп, 57 пайыз су алынды, экологиялық жағдайды жақсартуға 1 200 млн текше метр лимит белгіленіп, нақты 657 млн.текше метр су алынды, балық шаруашылығына 5 млн текше метр лимит белгіленіп, нақты 2,5 млн текше метр су алынды. Биылғы жылы инспекцияның тұрақты түрде су пайдаланушыларға түсіндірме жұмыстарын жүргізу, бақылау, талдау жұмыстары біршама өз нәтижесін берді деп айтуға болады,- деді Сейтқасым Әбуұлы.</blockquote>Фото: Қызылорда облысының Өңірлік коммуникациялар қызметі

Су қорын тиімді пайдалану бойынша жұмыстар нәтиже беруде

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаевтың бастамасымен жарияланған «Таза Қазақстан» экологиялық жобасы аясында Шиелі ауданында ауқымды жұмыстар жүргізіліп келеді. Жобаның басты мақсаты - қоршаған ортаны қорғау, елді мекендерді көркейту, халыққа қолайлы өмір сүру ортасын қалыптастыру.Аудан орталығында бірқатар әлеуметтік нысандардың аумақтары абаттандырылып, жаңа демалыс орындары пайда болды.«Руханият» орталығының ауласы толықтай көркейтіліп, тамшылатып суару жүйесімен жасыл көгал егілді, субұрқақ, жарық шамдар мен орындықтар орнатылды. Сондай-ақ, И.Әбдікәрімов көшесі бойынан жоба құны 118,5 млн теңгені құрайтын жаңа аллея салынды.Кентке кіреберіс Н.Бекежанов көшесінің бойында «Шиелі кенті» аркасы орнатылып, шаңырақ бейнелі арка, түнгі жарық шамдары, сәнді қоршаулар қойылды.ХҚКО маңындағы аумақ заманауи келбетке ие болды. Мұнда автотұрақ, жаяу жүргіншілер жолы, декоративті жарық шамдары, дизайнды темір қоршаулар, бастырмалы орындықтар орнатылды. №244 Ы.Жақаев атындағы мектеп ауласында «Baikonyr Solar» ЖШС демеушілігімен балалар ойын және жаттығу алаңы салынды. Аумағы 364 м² құрайтын алаңға 15 жабдық қойылып, қоршалды. Жоба құны -19,2 млн теңге.<img src="https://knadmin.beoblood.kz/uploads/1_Shieli_109998a90a.jpg" alt="1 Шиелі.jpg">Дәулеткерей көшесі бойында жалпы ұзындығы 480 метрді қамтитын абаттандыру жұмыстары атқарылды. 22 дана түнгі жарық шамы орнатылып, жол жиегіне дейін тас төселді. Сонымен қатар, Байтұрсынов және Жақаев көшелері қиылысында да 18,6 млн теңгенің жобасы жүзеге асырылып, ландшафтық дизайнмен безендіріліп, LED-экран қойылды.Ауылдық округтердегі жұмыстарға тоқталар болсақ, &nbsp;Жөлек ауылында 1640 тұрғын бар. Мұнда барлық көшелер асфальтталған, жарықтандыру 98 пайыз қамтылған. Биыл ауыл кіреберісіне аудандық бюджет есебінен арка салынып, қосымша құрылыстар демеушілердің қолдауымен жүргізілуде. 850 түп ағаш отырғызылып, көшелерге қиыршық тас төселді.<img src="https://knadmin.beoblood.kz/uploads/2_Shieli_6b14104f28.jpg" alt="2 Шиелі.jpg">Иіркөл ауылдық округінде 493 млн. теңгеге 10 көшеге асфальт төселіп жатыр. Жансейіт елді мекенінде 40 көше жарығы орнатылды. Сонымен бірге «Қазсушар» мекемесінің демеушілігімен су қашыртқылары тазартылды.Ақмая ауылдық округінде әлеуметтік нысандардың аумағы абаттандырылып, гүлдер отырғызылды. Ауылда спорт және балалар ойын алаңдары бар. 2025 жылы тағы бір футбол және жаттығу алаңы бой көтермек. Сонымен қатар «Сәт Сервис» ЖШС тарапынан ауылдың сыртқы электр желілері жаңартылып, жұмыстардың 95 пайызы аяқталды. Жыл басынан бері ауыл халқы сенбіліктерге белсене қатысып, шаруашылықтар арнайы техникамен қолдау көрсетіп келеді. 1500-ге жуық ағаш көшеті отырғызылды.<img src="https://knadmin.beoblood.kz/uploads/3_Shieli_3019f7d8a2.jpg" alt="3 Шиелі.jpg">«Таза Қазақстан» акциясы Шиелі ауданында тек тазалықты сақтаумен шектелмей, кең көлемді абаттандыру мен көркейту шараларын қамтып отыр. Мемлекеттік қолдаумен қатар, жергілікті кәсіпкерлер мен шаруашылықтардың демеушілігі бұл істі жандандыра түсті.<img src="https://knadmin.beoblood.kz/uploads/4_Shieli_5db1a2b564.jpg" alt="4 Шиелі.jpg">Бұл игі бастамалар - тұрғындар үшін жайлы орта қалыптастыруға, ауылдар мен кенттің ажарын ашуға бағытталған нақты қадамдар.&nbsp;«Таза Қазақстан»&nbsp;-&nbsp;болашаққа жасалған үлкен инвестиция.

Шиеліде «Таза Қазақстан» экологиялық жобасы аясында кешенді жұмыстар жүргізілуде

<a href="https://kyzylorda-news.kz/">Kyzylorda-news.kz</a>&nbsp; Мемлекет басшысының «Таза Қазақстан» жалпыұлттық бастамасы аясында партия қолға алған «Таза бейсенбі» экологиялық акциясы бүгін аманаттықтармен Қызылорда облысы, Шиелі ауданы, Иіркөл ауылдық округінде ұйымдастырылды.Акция шеңберінде жұмысшы мамандықтар жылына орай Шиелі ауданы, Иіркөл ауылдық округі, Ы.Жақаев ауылында орналасқан екі мәрте Социалистік Еңбек Ері Ыбырай Жақаев&nbsp;ескерткіші маңына тазалық жұмыстарын жүргізді.Тазалық акциясына аудандық партия филиалының атқарушы хатшысы Жібек Баймұратова, "Иіркөл" бастауыш партия ұйымының төрағасы Айнұр Архабаева, партия мүшелері, еліміздің ортақ бренді - «QAZAQSTAN»-ды дәріптеу мақсатында Жастар рухының еріктілері мен филиал қызметкерлері қатысты.<blockquote>«Тазалық – тәртіптің, мәдениеттіліктің, денсаулықтың бастауы», деп халық бекер айтпаған. Адам өзін, үйін, айналасын таза ұстаса, дені сау, көңілі көтеріңкі болады. Тазалық тек сыртқы көрініс емес, ол – ішкі мәдениеттің де көрінісі. Біз әр апта сайын тазалық акциясын өткізу арқылы аудан тұрғындарын табиғатты аялауға, айналаны таза ұстауға, тазалық мәдениетін сақтауға үлес қосып келеміз»,- дейді партия филиалының атқарушы хатшысы Жібек Баймұратова.</blockquote>Экологиялық мәдениетті қалыптастыруға бағытталған акцияға 40 тан астам адам қатысып, ескерткіш маңын күл-қоқыстан тазартты.

Тазалық – iшкі мәдениеттің көрінісі

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаевтың бастамасымен елімізде «Таза Қазақстан» ауқымды республикалық экологиялық акциясы өтуде. Бұл бастаманың мақсаты – еліміздегі экологиялық жағдайды жақсарту ғана емес, сонымен қатар азаматтардың экологиялық жауапкершілікті ойлауын қалыптастыру, сана мен ой тазалығын сақтау, отансүйгіштік, табиғатты аялау мәдениетін дамыту, сондай-ақ қоршаған ортаны қорғау мәселелеріне қоғамның қатысуын арттыру.Елімізде жүріп жатқан экологиялық акция барған сайын қоғам өмірінің саналы бөлігіне айналып келеді. Аулаларын, көшелерін, саябақтарын таза ұстап, ағаш отырғызуға, сенбіліктерге және қоршаған орта мен өмір сапасын жақсартуға бағытталған басқа да іс-шараларға белсене қатысатын қазақстандықтар көбейіп келеді. Бастама іске қосылғалы бері 10,4 млн-нан астам адам экологиялық акцияға қатысты.Мемлекеттік шаралар және заңнамалық өзгерістерҮкімет қоғамдық бастамалармен қатар, Мемлекет басшысының «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауын және өзге де тапсырмаларын жүзеге асыру аясында экологиялық саясатты жаңғырту бағытында ауқымды жұмыстар жүргізуде. Басым бағыттардың бірі – экологиялық бақылауды цифрландыру, озық табиғатты қорғау технологияларын енгізу, сондай-ақ қоршаған ортаны қорғау мәселелерін реттейтін нормативтік-құқықтық базаны жаңарту.Президент Қасым-Жомарт Тоқаевтың тапсырмасын орындау мақсатында 2024 жылдың қазан айында «Таза Қазақстан» экологиялық мәдениетті дамытудың 2024-2029 жылдарға арналған тұжырымдамасын бекіту туралы Үкімет қаулысы қабылданды. Бұл құжат қоғамда экологиялық құндылықтар қалыптастыру саласындағы мемлекеттік саясаттың стратегиялық бағытын айқындайды.<img src="https://knadmin.beoblood.kz/uploads/Taza_aza_stan_ekologiyaly_akcziyasy_10_4_mln_nan_astam_adamdy_igilikke_jystyrdy_1f4e25edb0.jpg" alt="Таза Қазақстан экологиялық акциясы 10,4 млн-нан астам адамды игілікке ұйыстырды.jpg">«Таза Қазақстан» тұжырымдамасының негізгі бағыттарыТұжырымдама экологиялық мәдениетті қалыптастырудың кешенді тәсіліне бағытталған. Негізгі бағыттар арасында:халықтың экологиялық санасы мен тәртібін дамыту;экологиялық жауапкершілікке құрылған өмір салтына ынталандыру жүйесін құру;экологиялық ағартушылық және білім беру;экология мәселелерін ақпараттық тұрғыда кеңінен жариялау.«Тұжырымдама азаматтардың табиғатқа деген құрметін қалыптастыруға, қоршаған ортаны қорғаудың маңыздылығын түсінуге және экологиялық мәселелерді шешуге белсенді қатысуға бағытталған», — деп атап өтті экология және табиғи ресурстар министрі Ерлан Нысанбаев.Мұндағы бизнес пен ірі кәсіпорындардың рөліне ерекше назар аударылып отыр – &nbsp;олар табиғатты қорғау бастамаларын жүзеге асыруда маңызды серіктестер ретінде қарастырылады. Қазақстандағы көптеген компаниялар қазірдің өзінде-ақ «Таза Қазақстан» аясындағы іс-шараларға қатысып, орнықты технологияларды енгізуде және өздері орналасқан өңірлердегі экожобаларды қолдауда.Тұжырымдаманы іске асыру үшін аумақтарды көгалдандыру, эковолонтерлік қозғалысты дамыту, экологиялық конкурстар өткізу және орнықты даму мәселелері бойынша халықпен белсенді жұмыс істеу жөніндегі нақты іс-шараларды қамтитын іс-қимыл жоспары әзірленді. Сонымен қатар, жергілікті атқарушы органдар өңірлік жоспарларын бекітті, бұл бастаманы еліміздің әрбір өңірінің ерекшеліктеріне қарай бейімдеуге мүмкіндік береді.<img src="https://knadmin.beoblood.kz/uploads/1_Taza_aza_stan_ekologiyaly_akcziyasy_10_4_mln_nan_astam_adamdy_igilikke_jystyrdy_63fd644ec4.jpg" alt="1 Таза Қазақстан экологиялық акциясы 10,4 млн-нан астам адамды игілікке ұйыстырды.jpg">Көпшіліктің қатысуы және аймақтық акциялар2025 жылдың басынан бері «Таза Қазақстан» республикалық бастамасы аясында бүкіл ел бойынша 767-ден астам іс-шара өткізілді. Олардың ішінде дәстүрге айналған белгілі экологиялық акциялар бар:«Таза кәсіп – таза аймақ» – таза өндіріс құру,«Киелі мекен» – табиғи және қасиетті жерлерді қорғау,«Таза өлке» – аумақтарды көпшілікпен тазалау,«Мөлдір бұлақ» – бұлақтар мен су айдындарының тазалығын сақтау.Бұл акциялардың әрқайсысы қоршаған ортаны жақсартуға үлес қосады және қоғамның әртүрлі топтарының: азаматтардың, бизнестің, студенттердің, мектеп оқушыларының және билік өкілдерінің күш-жігерін біріктіреді.<img src="https://knadmin.beoblood.kz/uploads/2_Taza_aza_stan_ekologiyaly_akcziyasy_10_4_mln_nan_astam_adamdy_igilikke_jystyrdy_b37245e9c2.jpg" alt="2 Таза Қазақстан экологиялық акциясы 10,4 млн-нан астам адамды игілікке ұйыстырды.jpg">Қалдықтарды басқару &nbsp;– проблемадан шешімге жасалған қадамМемлекет басшысы «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауында «Таза Қазақстан» шарасы аясында бірнеше айдың ішінде жүздеген мың үй ауласы тазартылып, миллион тоннадан астам қоқыс жиналғанын атап өтті. Осындай игі шаралардың арқасында елімізде жаңа мәдениет, жаңа қоғамдық этика орнығып келеді. Ұлттың жаңа сапасы осындай нақты шаралар арқылы қалыптасады.«Таза Қазақстан» тұжырымдамасының негізгі бағыттарының бірі – қалдықтармен жауапты жұмыс істеу. Ресми деректер бойынша, елімізде жыл сайын 4,5 млн тоннадан астам коммуналдық қалдық шығады, бұл ретте 2024 жылы қайта өңдеу деңгейі 25,8% ғана болды, демек әрі қарай да инфрақұрылымды дамытып, халықты хабардар ету жұмыстарын жалғастыру қажет. Осы мақсатта еліміздің қалаларында қайта өңделетін шикізат қабылдайтын әрі тұрғындарды тапсырған пластик пен алюминий үшін бонуспен ынталандыратын экобокстар мен фандоматтар белсенді түрде орнатылып жатыр. Бүгінде жеке бизнес Астана, Алматы, Ақтөбе және Өскемен сияқты ірі қалаларда 100-ден астам фандомат орнатты.«Бұдан басқа, тамыз айының соңына дейін пилоттық жоба аясында Астана мен Жезқазғандағы 129 мектепте қоқысты бөлек жинауға арналған мыңнан астам экобокс орнатылды», — деді Ерлан Нысанбаев.Министр бұл шаралар полигондарға жіберілетін қалдық көлемін азайтып, әрі өскелең ұрпақтың экологиялық санасын дамытуға мүмкіндік беретінін атап өтті.<img src="https://knadmin.beoblood.kz/uploads/3_Taza_aza_stan_ekologiyaly_akcziyasy_10_4_mln_nan_astam_adamdy_igilikke_jystyrdy_1af50aeb6c.jpg" alt="3 Таза Қазақстан экологиялық акциясы 10,4 млн-нан астам адамды игілікке ұйыстырды.jpg">Жасыл экономика және табиғатты қайта қалпына келтіруМемлекет басшысы «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауында орман-тоғайды көбейту бүкіл елді жұмылдыратын нағыз халықтық идеяға айналуы керек екенін атап өтті. «Таза Қазақстан» бастамасы аясында елімізде кең ауқымда көгалдандыру жұмыстары жүргізіліп, орман алқаптарының аумағы ұлғайып келеді.«Атап айтқанда, мемлекеттік орман қоры аумағына 1 млрд 369 млн көшет, оның ішінде Арал теңізінің құрғаған түбіне сексеуіл көшеттерінің 48,7 млн данасы егілді», — деп мәлімдеді Ерлан Нысанбаев.Былтыр жыл соңында Қазалыда 33 га алаңға жылына 3 млн көшет беретін орман питомнигінің құрылысы аяқталды. Агротехникалық талаптар ескеріле отырып, питомниктегі 10 га алаңға сексеуіл тұқымы егілді.Биыл ауданы 15 га питомникті жобалау және Аралдың құрғаған түбінде тікелей ұңғымыларды бұрғылау жұмыстары жүргізілуде, қызметкерлер үшін өндірістік контейнерлер (модульдер) жеткізілді.Экологияға көмектесетін цифрлық құралдарПрезиденттің «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауын және Мемлекет басшысының өзге де тапсырмаларын жүзеге асыру шеңберінде республикада өмірдің барлық салаларын цифрландыру бойынша жұмыстар қарқынды жүргізілуде.Қазіргі заманғы технологиялар экологиялық сын-қатерлерге жедел ден қою үшін де белсенді қолданылады. 2024 жылдан бастап Қазақстанда @TazaQazBot телеграм-боты жұмыс істейді, оның көмегімен азаматтар өз елді мекендерінде экология және абаттандыру саласындағы мәселелер туралы хабарлай алады.Платформа жұмысының нәтижесінде:2025 жылдың басынан бастап порталға 16,5 мың өтінім келіп түсті;оның ішінде 15 мыңнан астам өтініш орындалды;өтініштердің ең көп тараған тақырыптары: аумақтарды жинау (4 965 хабарлама), қоқыстарды шығару (1181 өтінім), тротуарларды күтіп ұстау және көшелерді абаттандыру (1 232 хабарлама).Пайдаланушыларға ыңғайлы болу үшін бот өтініштерді 21 санат бойынша бөледі, сондай-ақ сұрауларды автоматты түрде тиісті қызметтерге жібереді. Бұл мәселелерді жою үдерісін жеделдетуге және биліктің халықпен өзара іс-қимылының ашықтығын арттыруға мүмкіндік береді.Таза ел – ортақ игілік«Таза Қазақстан» экологиялық акциясы басталғаннан бері бүкіл республика бойынша 1,1 мың экологиялық акция өткізілді, оған 10,4 млн-нан астам адам, оның ішінде 586 мың ерікті қатысты.«Жалпы күш – жігермен 1,6 млн тоннадан астам қалдық жиналып, 859,6 мың гектар аумақ тазартылды», — деп нақтылады Ерлан Нысанбаев.Бүгінгі таңда «Таза Қазақстан» бастамасы жүйелі тәсіл, саяси ерік-жігер мен азаматтардың белсенді қатысуы нақты нәтиже бере алатынын көрсететті. Ел тұрақты экологиялық даму бағытында айқындады, бұл бастама әрбір тұрғынның қоршаған орта үшін жауапкершілік мәдениетін қалыптастыру үшін берік негіз жасайды.Экологиялық қозғалысқа кез келген адам қосыла алады: сенбіліктерге қатысу, қоқыстарды сұрыптау, ағаш отырғызу, балаларды экологиялық әдеттерге үйрету – мұның бәрі Қазақстанның таза, қауіпсіз және жасыл болашағына қосқан үлесі.Фото: primeminister.kz

Президенттің 2024 жылғы Жолдауы: «Таза Қазақстан» экологиялық акциясы 10,4 млн-нан астам адамды игілікке ұйыстырды

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауын және өзге де тапсырмаларын жүзеге асыру шеңберінде Қазақстанда қоғамда қалдықтарды кәдеге жарату әдетін қалыптастыру және қоқысты бөлек-бөлек жинау жүйелерін енгізу бойынша жұмыстар жүргізілуде.Қалаларда қайта өңделетін шикізатты қабылдайтын экобокстар мен фандоматтар қарқынды түрде енгізілуде. Оған пластик пен алюминий тапсырған азаматтар бонустармен көтермеленеді. Қазірдің өзінде жекеменшік бизнес иелері Астана, Алматы, Ақтөбе және Өскемен сияқты ірі қалаларда 100-ден астам фандомат орнатты.«Бұдан басқа, тамыз айының соңына дейін пилоттық жоба аясында Астана мен Жезқазғанның 129 мектебінде қоқысты бөлек-бөлек жинауға арналған 1000-нан астам экобокс орнатылады»,&nbsp; – деп атап өтті экология және табиғи ресурстар министрі Ерлан Нысанбаев.Оның айтуынша бұл шаралар полигондарға жіберілетін қалдық көлемін азайтуға мүмкіндік береді және сонымен қатар өсіп келе жатқан ұрпақтың экологиялық санасын дамытуға көмектеседі.Фото: KZgovernment

Жолдау 2024: Елімізде қоқысты бөлек жинау жүйесі қарқынды түрде енгізілуде

<a href="https://kyzylorda-news.kz/">Kyzylorda-news.kz</a> Қысқы маусым жақындаған сайын аймақтағы тұрғындарды үздіксіз әрі қауіпсіз көгілдір отынмен қамту мәселесі басты назарда. Осы мақсатта &nbsp;Өңірлік коммуникациялар қызметінің ұйымдастыруымен Бұқаралық ақпарат құралдары өкілдеріне арналған баспасөз туры ұйымдастырылып, «QazaqGaz Aimaq» АҚ Қызылорда өндірістік филиалының күнделікті қызметі мен жылыту кезеңіне дайындық жұмыстары көрсетілді.Журналистер қала ішінде орналасқан бірқатар нысандарды аралап, мамандардың жұмыс барысымен жақыннан танысты. Сала өкілдері газ құбырларының техникалық жай-күйі, қауіпсіздік шаралары және жоспарлы жұмыстар туралы жан-жақты мәлімет берді. БАҚ өкілдері өз кезегінде сұрақтарын қойып, пікірлерін білдірді.Аймағымызда көгілдір отын тұтынушыларының саны жылдан жылға артып келеді. Бүгінгі таңда аймақта 147 995 абонент газға қосылған. Бұл көрсеткіш тұрғындардың тұрмыс сапасын арттырып қана қоймай, өңірдің әлеуметтік-экономикалық дамуына да оң әсерін тигізуде.Облыстағы газ жүйесін қалыпты ұстау және оны үздіксіз жеткізу мақсатында «QazaqGaz Aimaq» АҚ Қызылорда өндірістік филиалы үлкен ауқымда жұмыс жүргізіп отыр. Қазіргі таңда филиалдың теңгерімінде ұзындығы 4250,4 шақырымды құрайтын газ құбыры бар.<blockquote>- Қысқы маусымға дайындық жұмыстарын біз сәуір айының 15-інен бастадық. Тамыз айының соңына дейін толық аяқтап, жүйені сақадай-сай ету - басты мақсатымыз. Бұл ең әуелі облыс тұрғындарының үздіксіз әрі сенімді газбен қамтылуын қамтамасыз етуге бағытталған. Бүгінде барлық жоспарланған жөндеу және техникалық қызмет көрсету шаралары толық орындалды. Құбырлар мен газ реттеу нысандары тексеріліп, ақаулар жойылды. Сонымен бірге мамандар арнайы оқу-жаттығулардан өтіп, кез келген жағдайға дайындықтарын шыңдауда. Алдағы жылыту кезеңінде халық пен әлеуметтік нысандарды тұрақты газбен қамтамасыз ету - біздің негізгі міндетіміз. Осы мақсатта филиал ұжымы бар күшін салып жұмыс істейтін болады, - деді «QazaqGaz Aimaq» АҚ директорының міндетін атқарушы Бауыржан Әбдіғаппарұлы.</blockquote>Келер жылыту маусымына толыққанды дайындық жасау үшін арнайы паспорт әзірленіп, ол облыстық Энергетика және тұрғын үй-коммуналдық шаруашылық басқармасымен келісілген. Жоспарға сәйкес барлық ағымдағы және күрделі жөндеу жұмыстары орындалды.Дайындық кезеңінде бірқатар маңызды шаралар жүзеге асырылды. Мамандар оқу-жаттығулар өткізіп, газ реттеу пункттері мен шкафтық пункттерге жөндеу жұмыстарын жасады. Жер үстіндегі ажыратқыш құрылғыларға техникалық қызмет көрсетіліп, газ реттеу пункттерінің жылыту жүйесі де әзірленді. Сондай-ақ катодты қорғау құрылғылары тексерістен өтті.Филиал мамандарының мәлімдеуінше, бүгінде Қызылорда облысы алдағы күзгі-қысқы жылыту маусымына толық дайын. Ал баспасөз-турына қатысқан журналистер өндірістік нысандарды аралау барысында атқарылған жұмыстардың ауқымымен танысып, сала қызметкерлерінің жүйелі еңбегін жоғары бағалады.Фото: Қызылорда облысының Өңірлік коммуникациялар қызметі

Газбен жабдықтау жүйесі қысқы маусымға толық дайын

<a href="https://kyzylorda-news.kz/">Kyzylorda-news.kz</a> Мемлекеттік реттеуді алып тастағаннан кейін, АИ-92 бензинінің бағасы біртіндеп өсіп келеді. Бұл ретте Энергетика министрлігі бағаның күрт өсуіне жол берілмейтінін айтып отыр. Бұл туралы kaz.inform.kz хабарлады.<blockquote>– ҚР Энергетика министрінің 2025 жылғы 27 қаңтардағы бұйрығымен ведомствоның 2023 жылғы 12 сәуірдегі № 139 «Бағаларына мемлекеттік реттеу белгіленген стационарлық автожанармай құю станциялары үшін көтерме саудада өткізілетін мұнай өнімдеріне шекті бағаларды белгілеу туралы» бұйрығының күші жойылды. 2025 жылғы 28 қаңтарда Энергетика министрінің ЖЖМ-нің шекті көтерме және бөлшек бағаларын жою жөніндегі бұйрығы Әділет министрлігінің № 35683 мемлекеттік тіркеуінен өтіп, 30 қаңтарда күшіне енді. Қаңтар айында ЖЖМ бағасына мемлекеттік реттеу алынып тасталғанға дейін, автобензин жанар-жағармай құю станцияларындағы АИ-92-нің бағасы литріне 205 теңге және дизель отыны 295 теңге болған еді. Ал қазіргі уақытта бөлшек саудадағы автобензиннің бағасы АИ-92 маркасына – 204-221 теңгені құрады, – делінген министрліктің Kazinform агенттігіне берген жауабында.</blockquote>Ведомствоның хабарлауынша, Үкімет пен уәкілетті органдар бағаның күрт өсуіне жол бермейді, ал жанармайды жеткізу саласында заңсыз әрекеттерге қатысты барынша қатаң шаралар қабылданады.<blockquote>– Министрлік мүдделі мемлекеттік органдармен тұрақты өзара іс-қимылда жұмыс атқарып, ақпарат алмасып отыр. Сондай-ақ, жанармай бағасының негізсіз көтерілуіне жол бермеу бойынша барлық 20 өңірдің әкімдіктері жанындағы ЖЖМ бойынша өңірлік штабтар жандандырылды, - деп аталып өткен Энергетика министрлігі ақпаратында.</blockquote>Фото: Freepik

Бензин бағасының күрт өсуіне жол берілмейді - Энергетика министрлігі  

<a href="https://kyzylorda-news.kz/">Kyzylorda-news.kz</a> Аймағымызда сұйытылған мұнай газын тұтыну көлемі жыл сайын артып келеді. Сұраныстың өсуіне байланысты облыста газ бағасын тұрақты ұстап тұру, жеткізілімді жүйелі ұйымдастыру бағытында кешенді шаралар қабылдануда. Бұл туралы Өңірлік коммуникациялар қызметінің ақпарат алаңында облыс әкімінің орынбасары Ардақ Зебешев баяндады.<blockquote>– Қазақстан бойынша сұйытылған мұнай газын тұтыну көлемі 2022 жылы 1,8 млн тонна болса, 2024 жылы бұл көрсеткіш 2,4 млн тоннаға жетті. Ал біздің облыста 2022 жылы газбен жүретін 7 290 автокөлік тіркелсе, биыл олардың саны 35 690-ға дейін артып, тұтыну көлемі 5 есеге ұлғайды. Бұл - өңірде газға деген сұраныстың қаншалықты артқанын көрсетеді. Соған қарамастан, біз бағаны тұрақтандыру бағытында нақты жұмыстарды жүзеге асырып келеміз. Қазіргі таңда Қызылорда облысында автогаздың бөлшек саудадағы бағасы 102 теңге шамасында сақталып отыр. Ал облыс орталығынан 200 шақырым қашықтықта орналасқан елді мекендерде 107 теңгені құрайды. Бұл - еліміз бойынша ең төмен баға тіркелген өңірлердің бірі. Мысалы, 12 облыста газ бағасы 117 теңгеге дейін көтерілген. Шілде айында операторлармен бірнеше рет мәжіліс өткізіліп, қолайлы келісімге қол жеткізілді. Атап айтқанда, шілде айында алынған газ қалдығы ескі бағамен - 85-90 теңгеден сатуға мүмкіндік берілді. Қазіргі уақытта облыстағы газ құю бекеттерінде 586 тонна көлемінде қор сақтаулы. Сонымен қатар, Атырау мұнай өңдеу зауытынан 648 тонна газ жолда келе жатыр. Тамыз айына жалпы 7 562 тонна көлемінде газ бөлінді. Бұған қоса, Энергетика министрлігімен келіссөздер нәтижесінде қосымша 1 044 тонна газ бөлінді.&nbsp;Бұл - өңірде газ тапшылығын болдырмауға бағытталған нақты шаралардың бірі. Операторлар шекті бағадан 5 теңгеге төмен бағада сату туралы бастама көтеріп, облыс орталығында автогаз 1 литр үшін 97 теңгеден (бекітілгені 102), ал аудандарда 102 теңгеден (бекітілгені 107) сатылатын болады. Ресми бекітілген шекті баға - 102 теңге екенін ескерсек, бұл халыққа жасалған қолайлы мүмкіндік. Газ тапшылығын болдырмау мақсатында қосымша бірқатар шаралар қабылданды. Атап айтқанда, мемлекеттік мекемелердегі газбен жүретін автокөліктерге бензинге көшу ұсынылды. Газдың ресурстық базасын ұлғайту бағытында да нақты жұмыстар қолға алынған. Энергетика министрлігі мен «Қазгермұнай» компаниясы арасында жасалған үшжақты меморандум аясында өндіріс көлемін жылына 60 мың тоннадан 120 мың тоннаға дейін ұлғайту жоспарланып отыр. Қыркүйек айынан бастап «Казпетрол групп», «Галаз и Компания» және «Тұзколь Мұнай Газ Оперейтинг» компаниялары өз кен орындарынан «Қазгермұнай» зауытына газ жеткізуді бастайды. Нәтижесінде ай сайынғы өндіріс көлемі 200 тоннаға артып, 5 200 тоннадан 5 400 тоннаға дейін жетеді. Газбен қамту тұрақты жүргізілуде. Әкімдік тарапынан күнделікті мониторинг ұйымдастырылып, тұрғындардың қажеттілігін үздіксіз қамтамасыз етуге күш салынуда,-деді Ардақ Темірханұлы.</blockquote>

Аймақта сұйытылған мұнай газының қолжетімділігі мен өсімі тұрақты қамтамасыз етілуде

<a href="https://kyzylorda-news.kz/">Kyzylorda-news.kz</a>&nbsp; Жаңақорған ауданында тұрғындарды көгілдір отынмен қамту бағытында нақты жұмыстар жүргізілуде. Қазіргі таңда газбен қамтылған елді мекендер саны артып, жаңа ауылдарға газ жеткізу үшін құрылыс жұмыстары басталып кеткен. Бұл – өңір халқының тұрмыс сапасын арттырып, әлеуметтік инфрақұрылымды нығайтуға бағытталған маңызды қадам. Бұл туралы бүгін Өңірлік коммуникациялар қызметінің ақпарат алаңында Жаңақорған ауданының әкімі Мәжит Самитов мәлімдеді.<blockquote>– Қазіргі таңда 8 елді мекен газдандырылып, аудан халқының 52 пайызы көгілдір отынмен қамтылып отыр. Биыл тағы 7 елді мекен - Сунақата, Еңбек, Екпінді, Қожамберді, Ақжол, Ақсуат және Өзгент ауылдарын газбен қамту жұмыстары басталды. Аталған жобалар аяқталғаннан кейін бұл көрсеткіш 65 пайызға дейін өседі. Ал елді мекендер бойынша қамту деңгейі 23 пайыздан 43 пайызға жетеді. Сондай-ақ, Сырдария өзенінің батыс жағалауында орналасқан Қожакент, Жаңарық, Қыркеңсе, Байкенже, Билібай, Ақжол, Ақсуат және Өзгент ауылдарын газдандыру мақсатында қажетті құжаттамалар әзірленіп, құрылыс жұмыстары келесі жылы басталады. Бұдан бөлек, Бесарық ауылына автоматты газ тарату станциясын орнату және Түгіскен елді мекеніне дейін жоғары қысымды газ құбыры мен ауылішілік желілерді тарту бойынша жоба әзірленуде. Бұл жоба жүзеге асқанда, 13 елді мекен – Түгіскен, Келінтөбе, Қаратөбе, Қандөз, Қалғансыр, Қашқанкөл, Көктөбе, Бесарық, Кеңес, Бесарық бекеті, Манап, Талап бекеті және Аққұм ауылдарына көгілдір отын жеткізіледі. Газдандыру – тұрғындар үшін ең өзекті әрі маңызды мәселелердің бірі. Біз бұл бағыттағы жұмыстарды кезең-кезеңімен әрі жүйелі түрде жалғастырамыз, &nbsp;– деді Мәжит Самитұлы.</blockquote>Жаңақорған ауданында жол сапасын арттыру, ауылішілік инфрақұрылымды жаңғырту және тұрғындарға ыңғайлы жағдай жасау мақсатында ауқымды жұмыстар атқарылуда. Елді мекендердің көлік қатынасы мен қауіпсіздігін қамтамасыз етуге бағытталған жобалар кезең-кезеңімен жүзеге асырылып келеді.&nbsp;<blockquote>– Аудан халқының өмір сүру сапасын арттырудың маңызды бағыттарының бірі – жол инфрақұрылымын дамыту. Биыл облыстық маңыздағы «Байкенже-Қарғалы-Шиелі» жолының бір бөлігін қайта жаңғырту жұмыстары басталды. Сонымен қатар аудандық маңыздағы жолдардың жағдайы жақсарып келеді. Қазіргі таңда бұл көрсеткіш 96 пайыздан асты. Атап айтқанда, «Самара-Шымкент-Екпінді» және «Әбдіғаппар-Төлек ата-Хорасан ата» бағытындағы екі жолда орташа жөндеу жұмыстары жүргізілуде. Бұл жұмыстар толық аяқталған соң аудандық маңыздағы жолдардың қанағаттанарлық деңгейі 98 пайызға жетеді. Ауылішілік көшелерге келсек, қазіргі таңда 15 елді мекенде 35 көшеде жөндеу жұмыстары жүргізіліп жатыр. Бұл жалпы ұзындығы 50 шақырымнан асатын жолдарды қамтиды. Жыл соңына дейін аяқталған соң, көше жолдарының жағдайы да едәуір жақсарып, қанағаттанарлық деңгейі 66 пайызға дейін жетеді деп күтілуде. Жаяу жүргіншілер мен тұрғындардың қауіпсіздігін қамтамасыз ету үшін бірқатар қосымша шаралар қабылданған. 7 елді мекенде 8 көшеге тротуарлар салынуда. Сонымен қатар, 10 елді мекеннің 27 көшесіне көше шамдары орнатылып, жарықтандыру жүйелері жаңартылып жатыр. Бұл жұмыстардың барлығы – аудан тұрғындары үшін қолайлы әрі қауіпсіз орта қалыптастыруға бағытталған нақты қадамдар. Алдағы уақытта да бұл бағыттағы жұмыстар жалғасып, ауданның инфрақұрылымы жүйелі түрде жаңғыртыла беретін болады, – деді Мәжит Самитұлы.</blockquote>Жаңақорған ауданында ауыл шаруашылығы саласы тұрақты дамып келеді. Биылғы жылы егіс көлемі ұлғайып, су үнемдеу технологиялары енгізіліп, агротехникалық шаралар уақытылы атқарылуда. Шаруашылық құрылымдары өз әлеуетін тиімді пайдаланып, жаңа техникалармен жарақтануда.&nbsp;<blockquote>– Биыл ауданда 35 мың гектардан астам жерге ауыл шаруашылығы дақылдары орналастырылды. Оның ішінде күріш - негізгі дақыл ретінде 7 300 гектарды құрап отыр. Бұдан бөлек, күздік және жаздық бидай, тары, жүгері, майлы дақылдар, картоп, көкөніс, бақша өнімдері мен жоңышқа сынды дақылдар кең көлемде егілді. Жалпы ауданда 781 шаруашылық тіркелсе, соның 460-ы егін шаруашылығымен, 234-і күріш дақылын өсірумен айналысады. Су тапшылығын болдырмау мақсатында көктемгі егіс науқанына дейін 43 шақырымды құрайтын 17 канал тазаланып, су айналымы бойынша кезектілік кестесі әзірленіп, бекітілді. Қазіргі таңда су жетіспейтін танаптарға насос орнатылып, қашыртқы суларды қайта пайдалану жұмыстары жүргізіліп жатыр. Сонымен қатар, суды үнемдеу және тиімді пайдалану мақсатында аудан бойынша 100 гектарға жуық жерге тамшылатып суару технологиясы енгізілді. Мәселен, Сунақата ауылдық округіндегі «Әмір» шаруа қожалығы 14 гектар жерге осы технологиямен бақша өнімдерін екті. 2025 жылдың егісіне қажетті минералды тыңайтқыштар мен гербицидтер алынған. Егілген дақылдар толық агротехникалық шаралармен қамтылып, уақтылы күтім жасалуда. Тау бөктеріндегі шаруашылықтар жер асты суларын тиімді пайдалана отырып, бақша өнімдерінің көлемін арттырды. Әсіресе қарбыз дақылының көлемі 1 500 гектарға жуықтады. Жиналған өнімдер Ресейге және еліміздің солтүстік өңірлеріне жөнелтілуде. Ауыл шаруашылығы - біздің аудан экономикасының басты тірегі. Бұл салада еңбек өнімділігін арттыру үшін жаңа технологиялар мен заманауи техникалар қажет. Биыл шаруашылық құрылымдары өз қаражаттары мен лизинг есебінен 15 ауыл шаруашылығы техникасын сатып алды. Сонымен қатар, биылғы жылы 4 000 гектар күріш алқабы лазерлік тегістеуден өткізілді. Бұл – өнім сапасын арттыру мен суды тиімді пайдаланудың нақты көрінісі, – деді Мәжит Самитұлы.</blockquote>

Жаңақорған: Газдандыру жұмыстары қарқын алуда

<a href="https://kyzylorda-news.kz/">Kyzylorda-news.kz</a>&nbsp; Бүгін ҚР Президентінің ішкі саясат мәселелері жөніндегі көмекшісі Арман Қырықбаевтың төрағалығымен мәжіліс өтті. Күн тәртібінде туристік аймақтардың тазалығы, «Таза Қазақстан» республикалық экологиялық бағдарламасының іске асырылу барысы қаралды.Оған облыс әкімі Нұрлыбек Нәлібаев селекторлық режим арқылы қатысты.Осы жылдың бірінші тоқсанында өңірге 48 мың турист келген. Келушілер саны өткен жылмен салыстырғанда 89,2 пайызға артты. Туристерге 653 миллион теңгеге қызмет көрсетіліп, бұл көрсеткіш те 81,4 пайызға өсті.Байқоңыр қаласы мен Төретам кенті курорттық аймақтар тізіміне енгізілді. Биыл «Байқоңыр» ғарыш айлағына 4 мыңнан астам турист келген, бұл көрсеткіш жыл соңына дейін артады деп күтілуде.«Батыс Еуропа – Батыс Қытай» халықаралық автодәлізі бойында 55 сервистік кешен, сондай-ақ қала мен кенттерде 15 демалыс орны жұмыс істейді. Арнайы жұмыс тобы туристік нысандардағы қауіпсіздік пен санитарлық талаптардың сақталуын тұрақты бақылауда ұстайды.Мемлекет басшысының бастамасымен қолға алынған «Таза Қазақстан» экологиялық бағдарламасы аясында санитарлық тазалық, абаттандыру және тұрғындар үшін қолайлы орта қалыптастыру бағытында кешенді жұмыс жүргізілуде. Бюджетпен қатар, кәсіпкерлердің қолдауымен орталық алаңдар, демалыс, ойын және спорт алаңдары жаңғыртылуда. Қызылорда қаласындағы орталық алаң 1 млрд теңгеге, мәдени-демалыс паркі 6,3 млрд теңгеге қайта жаңартылып, пайдалануға берілді. Президент саябағындағы жаңғырту жұмыстары тамыз айында аяқталмақ. Саябақта спорт, ойын алаңдары, санитарлық тораптар, экобокстар мен фандоматтар орнатылады.Бұл бағыттағы жұмыстар, яғни жаңа демалыс орындары мен аллеялар салу, көшелерді абаттандыру, жарықтандыру аудандарда да жалғасын тапқан. 2023 жылы өңірде бірыңғай дизайн код бекітіліп, облыс орталығы мен елді мекендердегі ғимараттар, аялдамалар, ойын алаңдары мен жарық бағаналары жаңа стандартқа сәйкестендірілді.Қызылордада 60 көпқабатты тұрғын үйдің қасбеті мен 20 үйдің ауласы абаттандырылды. Биыл тағы 20 үйді жаңартуға 1 млрд теңге бөлінді.Облыс орталығындағы теміржол вокзалы мен перроны 577 млн теңгеге жөнделді. «Қазақстан Темір Жолы» ҰК-мен бірлескен бұл жұмыстар аудан орталықтарындағы вокзалдарда да жүргізілуде.Мемлекеттік-жекеменшік әріптестік шеңберінде Қызылордада 992 гектар аумақта жасыл белдеу құрылуда. Жалпы 2030 жылға дейін 2,5 млн ағаш отырғызу, тұқымбақтар мен зертханалар салу жоспарланған. Сонымен қатар, 2025-2030 жылдар аралығында 80 көшеге 71 мың ағаш егу, 66 гектар жасыл алаң, 430 мың гүлзар және 500 шағын архитектуралық форма орнату көзделген.Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары: Экология