<a href="https://kyzylorda-news.kz/">Kyzylorda-news.kz.</a> Қазақстанның бас санитары Жандарбек Бекшин Ухань қаласынан қазақстандықтарды эвакуациялағанда бір студенттің не себепті қалып қойғанын түсіндірді, деп хабарлайды&nbsp;<a href="https://sputniknews.kz/society/20200206/12754778/Kazakhstan-student-Uhan.html">Sputnik Қазақстан</a>.
Өткен демалыс күндері Қытайдың Ухань қаласынан 80 қазақстандық студент арнайы бортпен эвакуацияланған болатын. Сол кезде бір студент қалып қойыпты.
<blockquote>
 “Оның дене қызуы сәл көтеріліп кетті. Бір-екі сағат ішінде температурасы нормаға келді. Бірақ ол кезде арнайы борт ұшып кеткен. Біз оны тастап кеткен жоқпыз. Ол көрші елдердің ұшақтарымен келді”, – деді Бекшин.
</blockquote>
Маманның айтуынша, Уханьда қалып қойған студент Ресей немесе Өзбекстан ұшағымен қаладан шығарылды. Алайда бас санитар оның қайда екенін нақтылап айтпады.
<blockquote>
 “Ресей Федерациясында біздің үш азаматымыз және Өзбекстанда бес азаматымыз бар. Студент екі елдің біреуінде, ең бастысы, ол Ухань қаласынан шығарылды. Қазір карантинде жатыр. 14 күннен кейін Қазақстанға жетеді”, – деп атап өтті Жандарбек Бекшин.
</blockquote>
Екінші ақпанда Ухань қаласында болған 83 қазақстандық елге жеткізілген болатын, олардың 80-і – студент.
Бұдан бөлек, Қырғызстанның 18 азаматы, Беларусьтің бес азаматы мен Арменияның бір азаматы бар. Қырғызстандықтар бірден өз еліне ұшып кетті.
Ухань қаласынан арнайы бортпен елге жеткізілген қазақстандықтар және шетелдіктер Нұр-Сұлтан қаласынан жеті шақырым жердегі арнайы ауруханаға жатқызылды. Олардан анализ алынды, киімдері мен жеке заттары жиналып, аурухана киімі таратылды.
Қазақстанның бас санитар дәрігері Жандарбек Бекшиннің айтуынша, азаматтардың ешқайсысынан коронавирус табылған жоқ. Соған қарамастан олар 16-шы ақпанға дейін карантинде болады.
Пациенттерге туыстарымен кездесуге тыйым салынған. Ал аурухананың орналасқан жері құпия мәлімет ретінде жарияланған жоқ.

Қазақстандық студент Уханьда неліктен қалып қойды?

<a href="https://kyzylorda-news.kz/">Kyzylorda-news.kz.</a> Қызылорда облысы бойынша ҚАЖ департаментіне қарасты ЗК-169/1 мекемесінде жұмыс істеп жүрген 12 дәрігер қызмет етіп жатыр.
Жаза басып, қылмыс жасаған айыпталушылар мен сотталушылар қамаққа алынып, темір торға телміріп жаны жүдеп, сырқаты үдеген шақта, жанға – дауа, дертке – шипа болар дәрігерлер мен мейірбике, мейіргерлер тергеу изоляторында да тегеурінді еңбек етіп келеді.
Қызылорда облысы бойынша ҚАЖ департаментіне қарасты ЗК-169/1 мекемесінде жұмыс істеп жүрген 12 дәрігер бар. Соның ішінде фтизиатор А.Асқарова, хирург Б.Жұмандықов, стомотолог С.Шадиев, терапевт Г.Бисенбаева мен фелдшер Т.Назар, мейіргер М.Орынбасардың еңбектері ерекше. Тергеу изоляторына келіп түскен айыпталушылар мен сотталғандар мекемеге келген кезде, мекемеден айдауылданып кеткенде, босатылар алдында және 6 ай сайын флюграфиялық, АИТВ тексеруден өткізіліп, дене жарақаттарының бар жоғы медицина қызметкерлері тарапынан тексеріліп тұрады. Сотталғандар мен айыпталушылар арасында ауру мен өлім жағдайларын төмендетуге бағытталған ауруға шалдыққандарға уақытылы диагноз қою мақсатында №6 қалалық емханадан уролог, эндикринолог, лор мамандарымен бірігіп профилактикалық, медициналық тексеру жүргізіледі.
Жүргізілген профилактикалық тексеру бойынша 2019 жылдың 12 айында 114 арнайы контигент өтті. Мекемедегі денсаулық жағдайына шағыммен келген науқастар дәрігердің тағайындауымен дәрігерлік бөлім палатасына жатқызылады.&nbsp; Мекемеде 7 емдеу палатасы бар. Оның бірі ана мен балаға арналған бөлме. Мекемедегі сотталушылар мен айыпталушылар тарапынан ең көп сұранысқа ие хирург, кардиолог, стоматолог дәрігерлері.
Стоматолог дәрігер С.Шадиев қабылдауында болған 396 сотталған азаматтың 169-ның тісін емдеп жазған. Дәрігердің ем қабылдауында болған сотталушылардың айтар алғысы шексіз. Ақ халат киген бұл мамандық иегерлерінің жалынды жастық шақтары осылайша жабық мекемедегі жаны жаралы, жүрегі қаяу мұңға толы жандарды науқасынан айықтыруға арналған. Дәрігерлер мен мейіргер, медбикелердің сотталушылар мен айыпталушыларға деген кәсіби тұрғыдағы жылы қарым-қатынасы, аз да болса көңілдеріне қуаныш сыйлап, мейірім ұялатары анық.

Қазақстан және Қызылорда облысының жаңалықтары: Денсаулық

Қазақстандық студент Уханьда неліктен қалып қойды?

Қызылорда түрмесінде стомотолог дәрігерлер көп сұранысқа ие