<a href="https://kyzylorda-news.kz/">Kyzylorda-news.kz.</a> Коронавирустың таралуына байланысты зімбірге сұраныс артып, бағасы көтерілген. Осы орайда диетолог Маргарита Королева зімбірдің қымбаттауына бола дүрбелең тудырмауға шақырды. Оның айтуынша, басқа да азықпен иммунитетті көтеруге болады деп жазады <a href="https://kaz.nur.kz/1848629-driger-immuniteti-kteru-sin-zimbirdi-ne-almastyratynyn-ajtty.html">KAZ.NUR.KZ.</a>
<blockquote>
 «Ағзаның беріктігін бір қалыпта ұстау үшін және коронавирусқа немесе басқа да бактериялық, вирустық инфекцияға қарсы тұру үшін тамақтану барысында бірқатар ережені сақтаған жөн», – дейді маман.
</blockquote>
Королеваның айтуынша, зімбір, лимон, пияз бен сарымсақ табиғи өнім болғандықтан, пайдасы да мол. Бұлар бактерияларға қарсы тұра алады, сондықтан міндетті түрде ас рационына қосу керек.
Диетолог ішкі жасушалардың қорғанысын бекіту үшін адам ағзасына қажетті компонент цинк екенін айтты. Оның вирусқа қарсы тұру әрекеті бар. Сол үшін толыққанды ақуыз, ет, дақылдар, бұршақтар, жаңғақтар жеу керек. Мүмкін болса, теңіз өнімдерімен тамақтанған жөн.
<blockquote>
 «Цинк А дәруменімен бірге ағзаға жақсы сіңеді. Дәрумен пайдалы майлар құрамында кездеседі. Бұған барлық тазартылмаған май жатады: зәйтүн майы, жүгері майы, күнбағыс майы. Е дәрумені де иммунитеті қалыптастырады. Сондай-ақ табиғи өнімдердің құрамында бар В дәрумені ағзаға өте қажет», – дейді Маргарита Королева.
</blockquote>
Королева су және сұйықтықты көбірек ішу керек екенін жеткізді. Бұл ағзаның детоксикациясына көмектеседі, тыныс алу жүйесіне, ауыз қуысына, асқазанның қышқыл ортасына түсу қаупі бар вирустарды шайып өтуге жәрдемдеседі.
<blockquote>
 «Әрине, көкөніс пен жеміс-жидектің құрамындағы үлкен көлемде сақталатын С дәрумені жайлы ұмытпау керек. Айтпақшы, ашытылған қырыққабат – ішек жолдарына арналған керемет пробиотик. Ал біздің иммундық жүйеміздің 80 пайызы осы ішек жолдарының жұмысына тікелей байланысты», – дейді диетолог.
</blockquote>

Дәрігер иммунитетті көтеру үшін зімбірді не алмастыратынын айтты

<a href="https://kyzylorda-news.kz/">Kyzylorda-news.kz.</a> Қазақстанда карантиндік типтегі үш медициналық кешен салынады. Бұған 14,8 миллиард теңге бөлу көзделіп отыр. Бұл туралы бірінші қаржы вице-министрі Берік Шолпанқұлов мәлімдеді, деп хабарлайды <a href="https://sputniknews.kz/society/20200402/13517414/karantin-meditsinalyk-keshen.html">Sputnik Қазақстан.</a>
<blockquote>
 «Карантиндік типтегі үш медициналық модульдық кешен құрылысына 14,8 миллиард теңге қарастырылған», – деді Шолпанқұлов.
</blockquote>
Сонымен қатар, 19,5 миллиард теңге коронавирус жұқтырған және жұқтыруы мүмкін пациенттерді емдеп жатқан медициналық ұйымдарға медициналық қызметті төлеуге жұмсалады.
40,6 миллиард теңге коронавируске күреске тартылған медицина қызметкерлерін ынталандыруға бағытталған.
Жалпы, президенттің тапсырмасымен 2020 жылға арналған бюджетті нақтылау аясында эпидемияға қарсы шараларға қосымша 125,2 миллиард теңге бөлінбек.

Қазақстанда карантиндік типтегі үш медициналық кешен салынады

<a href="https://kyzylorda-news.kz/">Kyzylorda-news.kz.</a> Коронавирус пандемиясына қарсы шаралар әрбір мемлекет үшін ауыр тиюде. Инфекцияны онымен күресіп жүрген дәрігерлер жұқтыруда. Қазірдің өзінде індеттен көз жұмған ақ халаттылардың саны күн санап артуда.
Қорғаныс киімдері мен маскаларға қарамастан дәрігерлер, медбикелер мен аурухананың басқа да қызметкерлері ауруды жұқтыруға бейім келеді. Оның себебі айтпаса да түсінікті.
Індетке шалдыққан медициналық қызметкерле вирустың асқынған түріне тап боладыі. Мамандардың пікірінше, бұл жағдай олардың вирус ортасында көп уақыттарын өткізетіндіктен екен. 
Ағзаға түскен вирус жасушалардың қызметіне кедергі келтіріп, жылдам көбейе бастайды. Ол инфекция тудырушылардың көптігі науқастың жағдайын одан сайын ушықтыратын көрінеді. 
Вирустардың адам денесінде көбеюі, оның өміріне қауіп төндіріп қана қоймай, науқасты күшті ауру таратушы етеді.
<blockquote>
 «Менің ағзамда вирустың көптігі, менің ауруды басқаларына тарату қауіптілігін жоғарылатады», – дейді.
</blockquote>
Лондондық инфекциялық институтының профессоры Уэнди Барклай. 
Яғни, бұл дегеніміз ауруға шалдыққандармен қарым-қатынаста жиі болатын медицина қызметкерлері жай ғана індетті жұқтырмай, вирустың көп мөлшерін өзіне қабылдайды деген сөз.
<blockquote>
 «Әрбір адамның иммундық жүйесі бұл вирустармен әрең күреседі. Вирустың көптігінен ағза оған қарсы бар күшін жұмсайды. Егер жануарларға вирустарды енгізетін болсақ, вирус көбейіп кеткендердің жағдайы ушыққанын байқаймыз», – дейді британдыө профессор.
</blockquote>
<a href="https://stan.kz/news-329290/">Stan.kz</a>

Коронавирус: Медициналық қызметкерлер неліктен аурудың асқынған түрімен ауырады?

<a href="https://kyzylorda-news.kz/">Kyzylorda-news.kz.</a> Қазақстандық ғалымдар COVID-19 коронавирус инфекциясын анықтайтын екі тест жасап шығарды, деп хабарлайды <a href="https://24.kz/kz/zha-aly-tar/o-am/item/385701-aza-standy-alymdar-koronavirusty-any-tajtyn-eki-test-zhasap-shy-ardy">Хабар 24.</a>
Отандық өнім шетелдік тестпен салыстырғанда дәлдігі жағынан жоғары және адам ағзасындағы қауіпті инфекция туралы мәліметті небәрі 5 сағатта анықтап береді. Қазіргі кезде адамзат үшін өте маңызды тест аса қауіпті инфекциялар ұлттық ғылыми орталығының Орталық референц-зертханасында жасалған.
Мына пакеттердің ішінде реагенті бар кішкентай құтылар жатыр. Ғылыми аты қарапайым көрерменге аса таныс болмағанымен, пайдасы мол. Бұл тест дәріханаларда сатылатын өзге тестерге де ұқсамайды. Тынымсыз еңбектің арқасында отандық биотехнологтар үлкен табысқа қол жеткізіп отыр.
<blockquote>
 «Бұл тест бүгінде регистрацияға берілді. Оны да болашақта қолданысқа береміз деп отырмыз. Бізде ресейлік бар, европалық тест бар, Қытай Республикасынан келген тестер бар. Біздің тест олардан, өзінің сезімталдылығы жағынан бірдей. Бізге жаңағы материал түскен кезде біз осыны 5-6 сағаттың ішінде дәлелдеп оның жаңағы оң нәтиже, теріс нәтиже екені туралы қорытындымызды бере аламыз», – дейді М.Айқымбаев атындағы аса қауіпті инфекциялар ҰҒО бас директоры Тоқтасын Ерубаев.
</blockquote>
Шын мәнінде елімізде қазір екі тест жүйесі бар. Қазақстандық ғалымдардың екі тобы бір мезгілде тест жасауды қолға алған болатын. Олар зерттеу жұмыстарына қаңтар айында, елімізде коронавирус инфекциясы тіркелмей тұрып-ақ кіріскен. Денсаулық сақтау, сондай-ақ Білім және ғылым министрлігінің биотехнологтары екі зертханада, бірақ бір ғимараттың ішінде жұмыс істейді.
Айта кетерлігі, Орталық референц-зертхананы американың құпия зертханасы деп шатасып жүргендер бар екен.
<blockquote>
 «Ол сөздер еш жерде дәлелденбеген. Бұл Орталық референттік лаборатория. Тек қана Қазақстанның мамандары жұмыс істейді. Осы уақытқа дейін 20 жылдың бірінші қаңтарынан бастап мынау финанстың барлығы Қазақстан үкіметі толық бөлген. Басында америкалық мамандар инженер дайындауға, маман дайындауға өздерінің көмегінің көрсетті. Бүгінде біздің өзіміздің инженер мамандарымыз жаңағы ғалымдарымыз, вирусолог мамандарымыз, бактериолог мамандарымыздың бәрі дайын», дейді Тоқтасын Ерубаев.
</blockquote>
Орталықтың негізгі міндеті Қазақстанның биологиялық қауіпсіздігін қамтамасыз ету. Қазіргі таңда Ұлттық ғылыми орталық обаға қарсы вакцина шығарады. Бұдан өзге 41 диаогностикалық препарат жасайды. Олардың көмегімен адамзат үшін өте қаупті түйнеме, тырысқақ секілді ауруларды анықтауға болады.
<blockquote>
 «Қазақстандағы аса қауіпті аурулардың зеттеулері осында жүргізіледі. Бұл – үлкен ғылыми орталық. Мұндай лаборатория Орталық Азияда жоқ. Бұның өзінің үшінші реттіктегі биологиялық қауіпсіздікті қамтамасыз етеміз. Бұл лабораторияның Қазақстан үшін үлесі үлкен. Себебі біз негізінен ҚР территориясының 40 пайызы мына аса қауіпті аурулардың таралуы табиғатта бар. Сондықтан оның бәрін зерттеуді осы жерде жүргіземіз», – деп атап өтті аса қауіпті инфекциялар ҰҒО бас директоры.
</blockquote>
Коронавирус инфекциясы тараған сәттен бастап әлемдік ғалымдар вакцина жасаудың жолын іздестіруде. Вакцина мәселесі қазақстандық ғалымдарды да алаңдатып отыр.
<blockquote>
 «COVID-19 инфекциясына қарсы вакцина жасауға тек қана бір мемлекет емес, әлемдік қауымдастық көңіл бөліп отыр. Сол себепті тұтас консорциумдар құрылып, әр сала бойынша зерттеу жүргізіп жатыр. Біраз уақыт бұрын Ұлттық биотехнологиялар және аса қауіпті инфекциялардың Ұлттық ғылыми орталығы үкіметке отандық вакцинаны жасап, өндіріске беру туралы ұсыныс жасадық», – дейді «Ұлттық биотехнологиялар орталығы» АФ директорының орынбасары Юрий Скиба.
</blockquote>
Әрине, коронавирусқа қарсы дәрі немесе вакцина шығару тест жасаумен салыстырғанда қиын. Оған бірнеше жыл кетуі мүмкін. Кісідегінің кілті аспанда дейді. Эпидемия қайталанатын болса, вакцинаны елге жеткізгенше де біраз уақыт кетеді. Сондықтан отандық вакцинаның болуы өте маңызды. Ал біздің ғалымдар жасаған тест екі айдан кейін диагностикалық зертханаларға жеткізіледі деген болжам бар.
Мінеки, Орталық референц-зертхана қазақстандықтардың биологиялық қауіпсіздігін қамтамасыз ету үшін маңызды зерттеулермен айналысуда. Әрине стратегиялық нысан болғандықтан екінің бірі кіре алмайды. Биік қоршаумен қоршалған.
Бірақ америкалық сарбаздар мен шетелдік биотехнологтарды көргеніміз жоқ. АҚШ-тың құпия зертханасы бар екен деген қауесет қана. Жабық нысандардың төңірегінде түрлі әңгімелер болатыны бұрыннан белгілі жайт.

Қазақстандық ғалымдар коронавирусты анықтайтын екі тест жасап шығарды (видео)

<a href="https://kyzylorda-news.kz/">Kyzylorda-news.kz.</a> Мемлекеттік комиссияның жедел штабы COVID-19 індеті бойынша кімдердің бірінші тексерілетінін мәлімдеді.
Жедел штабтың мәліметтері бойынша, алғашқылардың бірі болып тексеруден:
– коронавирустың таралуын болдырмау жөніндегі іс-шараларға қатысатын адамдар,
– жедел жәрдемнің, амбулаториялық-емхана ұйымдарының, стационарлардың қабылдау бөлмелерінің медицина қызметкерлері;
– тыныс алу органдарының ауыр созылмалы аурулары бар, диспансерлік есепте тұрған адамдар;
– науқастармен байланыста болған адамдар;
– коронавирустың таралуын болдырмау жөніндегі іс-шараларға тартылған орталық және жергілікті мемлекеттік органдардың қызметкерлері;
– карантин аймақтарының тыныс-тіршілігін қамтамасыз ететін кәсіпорындардың қызметкерлері (коммуналдық қызметтердің, азық-түлік, дәрі-дәрмек сататын сауда нысандарының, тамақ жеткізумен айналысатын қоғамдық тамақтану объектілерінің, зарарсыздандыру қызметін көрсететін ПИК қызметкерлері, көлік жүргізушілері және т. б.)
Нұр-Сұлтан және Алматы қалаларында 220 000 адамға дейін экспресс-тесттен өте алады.
Экспресс-тесттердің дұрыстығы 90%-дан кем емес.
ҚР ДСМ Республикалық электрондық денсаулық сақтау орталығының сайтында пациенттің деректерін енгізуге арналған сауалнама жасалды, эпидемиологиялық іріктеудің қорытындысы бойынша тестілеу жүргізілетін болады.

COVID-19: Қазақстанда экспресс-тесттен кімдер өте алады?

<a href="https://kyzylorda-news.kz/">Kyzylorda-news.kz.</a> Қауіпті пандемия бізге дейінгі дәуірлерде де адам өмірін жалмаған. Ұзақ уақытқа созылатын пандемияның бетін қайтаратын дәстүрлі дәрі-дәрмек те табылмады.
Әлбетте адам өмірін құтқару үшін әлем ғалымдары қолдан келгенді істеп бағуда. Аты жаман індет бізге дейінгі дәуірде миллионға жуық адамның ғұмырын құрбан еткен. 
Вирус адамда, жануарда, тіпті өсімдіктерде кездеседі. Оның кетуі де оңайға соқпайтыны анық. Жаңа дәрі-дәрмек пайда болып, кез келген ауруға қауқары жететін медициналық технология дамыған сайын, вирус та адамдарға ауыр соққымен шабуылдайды. Сондай-ақ араға ғасыр салып келген індет “тәж вирусы” деген атауға ие болды.
Вирус пайда болғанда, оның таралуына және өмір сүру ұзақтығына зер салған жөн. Себебі вирус жұқтырған адамды тез арада оқшауламаса, вирус адамның шашы, қолы және демі арқылы басқа адамдарға жұғуы әбден мүмкін. Сондықтан бұл өте қауіпті. Адам оқшауланғанда, басқа адамдарға қауіп төнбейді. Алайда науқас өмірі үшін күресіп баққан дәрігерге вирустың жұғу қаупі басымырақ. Адам ағзасына енген вирус онымен бірге өмір сүреді. Адам өлген кезде бірге өледі. Жер ғаламшарында адам санының тұрақтылығы да осы себептен болуы мүмкін. Яғни вирус араға жүз жыл салып, планетадағы адамдар санын тұрақтандыру үшін пайда болатын індет іспетті. Әр ғасырда жаңа індеттің қандай қауіппен келетінін ғалымдар болжай алмайды. Сондықтан оның шипасы да әлі күнге дейін табылмады.
Вирус қай ғасырда пайда болды? 
Вирустар ғаламшарымызда миллион жыл бұрын пайда болған. Олар адам ағзасында ғана емес, барлық тіршілік иесінде болады. Мысалы, бірнеше миллион жыл бұрын вирус алғаш рет браконид денесінен табылған. Осылайша вирус жәндіктердің иммундық жүйесін нашарлатып, өмір сүру ықтималдығын төмендетеді. Ағзасында вирусы бар жәндік оны басқа жәндіктерге тасымалдайды. Соның салдарынан жәндіктер саны азаяды. Микроағзалардың мөлшері 20-500 нанометр аралығында болады. Сол себепті вирусты арнайы жабдықсыз көру мүмкін емес.
Вирустың бары алғаш рет XIX ғасырдың аяғында дәлелденді. Бұл кездейсоқ болған жағдай еді. Темекі шегуден туындайтын ауруларды зерттейтін Ресей дәрігері патогендік бактерияларды зерттеумен айналысқан. Алайда дәрігер зерттеу жұмысынан жетістікке жете алмады. Оның орнына ғалым микроскоп астындағы кристаллдарды байқаған. Ол кристаллдар бактерия емес, вирустардың жинақталған түрі болып шықты. Әлгі кристаллдарды дәрігер қыздырғанда олар жоқ болып кетті. Нәтижесінде ғалым ауруды кәдімгі микроскопта көрінбейтін тірі микроорганизмдер қоздырды деген қорытындыға келді. Кейіннен сол кристалдар үшін америкалық ғалым Нобель сыйлығын иеленді.
Вирустар көп жағдайда адамның ДНҚ-сына енеді. Нәтижесінде ғалымдар қан арқылы ежелгі аурулар туралы тың мәліметтерді таба алады.
Ежелгі ғалымдар вирусты не үшін қолданды?
«Вирус» латын тілінен аударғанда «у» деген мағынаны білдіреді. Микроағзалар адам мен басқа тіршілік иесі үшін өте қауіпті. Планетамызда барлық тірі ағзаның біріктірілгеніне қарағанда вирустар әлдеқайда көп. Тіпті тұмауға ұқсас 2000-нан астам штамм бар. Вирустарды ғалымдар экожүйені сақтау үшін жиі қолданады. Мысалы, ХІХ ғасырда Аустралия континентінде қояндардың көбеюінен табиғатқа айтарлықтай зиян тиді. Ғалымдар бұл мәселені шешудің тиімді жолдарын қарастырды. Ол үшін қоян санын азайтып, көбею процесін бәсеңдететін арнайы вирус ойлап тапты.
2019 жылдың аяғында Қытайда коронавирус індеті пайда болды. Індеттің басымдығы соншалық, дүниежүзі халқы зардап шегуде. Біреулер “вирус құстан тарады” десе, енді біреуі “қолдан жасалған індет” деп топшылауда. Індеттің неден тарағаны және соңы немен бітетіні әзірге беймәлім.
<a href="https://massaget.kz/layfstayl/bilim/ol-kim-bl-ne/61551/">Massaget.kz</a>

Ежелгі ғалымдар вирусты не үшін қолданды?

<a href="https://kyzylorda-news.kz/">Kyzylorda-news.kz.</a> Коронавирус жұқтырған дәрігерге 2 миллион теңге мөлшерінде сақтандыру төлемі беріледі. Бұл туралы «Хабар 24» телеарнасының тікелей эфирінен ҚР Ақпарат және қоғамдық даму министрі Дәурен Абаев мәлімдеді.
<blockquote>
 «Медицина қызметкерлерінің денсаулығы мен өмірін сақтандыру мәселесі де пысықталды. Олар ауырып қалған жағдайда 2 миллион теңге мөлшерінде сақтандыру төлемі беріледі. Құдай сақтасын, бірақ егер медициналық қызметкер қайтыс болған жағдайда 10 миллион теңге мөлшерінде төлемақы беріледі. Бұл жаңалық тек дәрігерлердің ғана емес, барша қазақстандықтардың рухын көтеріп, көңілін серпілтеді деп ойлаймыз», – деді Дәурен Абаев.
</blockquote>
Сонымен қатар министр қазір күрделі де қиын уақыт екендігін баса айтты.
<blockquote>
 «Бірақ, бұл қиындықтан қашу, еңсені түсіру дегенді білдірмейді. Елімізде күн сайын жүздеген волонтерлер, меценаттар қайырымдылық жасауда. Өнер адамдары онлайн-концерт беруде. Одан басқа да мейірімділік мысалдары көп. Осының барлығы рухымыздың мықтылығын дәлелдейді», – деді ол.
</blockquote>
Оның атап өттуінше, бұл шараға бизнес өкілдері де атсалысуда. Мысалы, «Кар-Тел», «Кселл», «Мобайл Телеком-Сервис» компаниялары коронавируспен күресіп жатқан барлық дәрігерлерді тегін ұялы байланыспен қамтамасыз етті.
<blockquote>
 «Төтенше жағдай кезінде елімізде 20 мыңнан астам медицина қызметкерлеріне тегін байланыс және интернет пакеті берілді», -деді министр.
</blockquote>
Еске сала кетейік, бұған дейін Қызылордада <a href="https://kyzylorda-news.kz/kogam/koronavirwsqa-shaldyqqan-qyzylordalyq-ekinshi-turghynnyng-medbike-ekeni-anyqtaldy-52704/">23 жастағы медбике коронавирус жұқтырғанын</a> хабарлаған болатынбыз.

Коронавирус жұқтырған дәрігерге 2 млн теңге көлемінде сақтандыру төлемі беріледі

<a href="https://kyzylorda-news.kz/">Kyzylorda-news.kz.</a> АҚШ-тың Вашингтон университетінің ғалымдары коронавирустың қалай адам өкпесіне түсіп, зиян келтіретінін виртуалды технология арқылы көрсетіп берді. Мұны Джордж Вашингтон университеті жанындағы аурухананың ресми сайты хабарлады, деп жазады&nbsp;<a href="https://massaget.kz/layfstayl/Zdorove/61458/">massaget.kz</a>.
Университет мамандарының айтуынша, коронавирусқа шалдығуы мүмкін деген күдікпен ауруханаға 50 жастағы науқас келіп түскен екен. Басында аурудың белгілері еш байқалмаған. Бірақ бірнеше күн өткеннен кейін науқас адамның жағдайы қиындап, өкпесіне вирус тарап кеткені белгілі болады.
<blockquote>
 “Коронавирустың бастапқы белгілері әлсін-әлсін білінеді. Байқалмауы да мүмкін. Бірақ кейін ауру тез асқынып, өкпеге күш салады. Егер өкпенің қабынуы жақын арада басылмаса, өкпеге беріш түсіріп, ауыр зақым келтіреді. Содан адамның тыныс алуы да қиындайды”, – дейді Джордж Вашингтон университетінің омырау хирургиясы бөлімінің жетекшісі Кит Мортман.
</blockquote>
Ал науқастың өкпесіне жайылған вирустың сұлбасын визуалды технология арқылы көрсетіп, вирустың қаншалықты тез таралатынын бейнелеген. Кадрда COVID-19 вирусы 19 жасыл түспен белгіленген.
<blockquote>
 “Видеода вирустың өкпеге қалай тарағаны анық көрінеді. Өйткені өкпенің сау және ауру жасушасы бөлек-бөлек көрсетілген”, – дейді дәрігер.
</blockquote>
Дәрігердің айтуынша, COVID-19 инфекциясына шалдыққан науқастардың 20 пайызға жуығы қатты ауырады, өкпесі қабынуға душар болады. Мұндай науқастарды қолмен тыныс алдыруға тура келеді.
Вирустың ересек, қария адамдармен қатар жастарға да қауіпі зор. Өйткені АҚШ-та ауруханаға түсіп жатқандың көбі – жастар. Ауру жұқтырып, алайда симпоматикалары білінбеген азаматтардың өзі індет жаюшы ошаққа айналуы мүмкін. Өйткені вирус өте жұқпалы.
<blockquote>
 “Бұл бүкіл адамзатты жайлаған ғаламдық індет. Оған бейқам қарауға болмайды”, – дейді Кит Мортман.
</blockquote>

Коронавирус өкпені қалай зақымдайды? (видео)

<a href="https://kyzylorda-news.kz/">Kyzylorda-news.kz.</a> Нұр-Сұлтан қаласында 13 адам коронавирустан жазылып шықты, деп хабарлайды&nbsp;<a href="https://www.coronavirus2020.kz/kz">coronavirus2020.kz</a>.
<blockquote>
 “204 адамның коронавирус жұқтырғаны расталған. Олардың әшәнде, Нұр-Сұлтан қаласында – 117, Алматы қаласында – 58, Қарағанды қаласында – 4, Шымкент қаласында – 2, Ақмола облысы – 5, Алматы облысында – 4, Ақтөбе облысында – 1, Атырау облысында – 4, Шығыс Қазақстан облысы – 2, Жамбыл облысында – 3, Қызылорда облысы – 1, Павлодар облысында – 1, Солтүстік Қазақстан облысында – 1, Маңғыстау облысы – 1”, – &nbsp;делінген хабарламада.&nbsp;
</blockquote>
Естеріңізге сала кетейік, жалпы қазіргі таңда 15 адам коронавирустан айыққан.

Нұр-Сұлтан қаласында 13 адам коронавирустан жазылды

<a href="https://kyzylorda-news.kz/">Kyzylorda-news.kz.</a> Биолог маман қауіпті індеттен өлім-жітім қандай жағдайда азаятынын айтты. Маманның пікірінше, ауруды мейлінше көп адам жұқтыруы керек, содан кейін ауру азая бастайтын көрінеді, деп хабарлайды&nbsp;<a href="https://ria.ru/20200327/1569215435.html">РИА Новости</a>.
Биология ғылымдарының докторы, GMU Жүйелі биология мектебінің (АҚШ) профессоры Анча Баранова аурудың таралуы бәсеңдету үшін жаңа вирусты мүмкіндігінше көп адам жұқтыруы керек екенін айтты.
Маманның айтуынша, алдымен індет жұқтырғандардың саны ең жоғарғы көрсеткішке жетуі керек, содан соң ол шамамен 10 күнге созылатын үстіртке түседі, кейін жұқтырғандар саны біртіндеп азая бастайды. Бірақ ол үшін карантин шарттарын сақтау қажет.
Профессор АҚШ-та вирус жұқтырғандардың саны тіпті шыңға жетпей жатып, Италияда үстірт кезеңі басталып кеткенін атап өтті.
<blockquote>
 “Қазір бізде жоғарылау кезеңі, яғни ауруға шалдыққандар саны күн сайын өсіп жатыр. Үстірт – бұл кезең індет жұқтырғандар көрсеткіші бәсеңдеген кезең. Біз біраз уақыт үстірт кезеңінде боламыз, содан кейін індет азая бастайды”,– деді Анча Баранова.
</blockquote>
Маман үстірттен кейін жаңа инфекциялардың саны күн сайын азая бастауы керек деп сендірді. Алайда, бұл жағдай карантин талаптарын сақтаған жағдайда ғана мүмкін болады.

Биолог маман: коронавирусты мейлінше көп адам жұқтырса ғана ауру бәсеңдейді

<a href="https://kyzylorda-news.kz/">Kyzylorda-news.kz.</a> Алматы тұрғыны Мадина Серік коронавирус жұқтырғанын&nbsp;ауруханада дәрігерлер айтқан. Алғашында белгілері байқалмаған, сондықтан оны бірден анықтау мүмкін болмаған екен. Айтуынша, коронавирус инфекциясы әріптесінен анықталған, ал Мадина онымен қарым-қатынас жасағандардың қатарында болған. Коронавирусты&nbsp;қалай жұқтырғаны жайлы, оның қандай белгілері болатынын және сақтану шаралары айында&nbsp;Мадина&nbsp;<a href="https://stan.kz/belgileri-bolmagandiktan-virus-tez-taraladi-auruhanada-328939/">Stan.kz</a>&nbsp;<a href="https://stan.kz/"></a>тілшісіне сұхбат берді.
– Мадина, вирус жұқтырғаныңызды қайдан білдіңіз?
15 наурызда Whatsapp мессенждеріне жұмыстағы әріптесімнен коронавирус инфекциясы анықталғаны жайлы хабарлама келді. Онда сол қызбен қарым-қатынаста болғандар бірден басшылыққа хабарласу керек екені жазылды. Дәл осы кезде мен әпкемнің үйінде болдым. Бұл хабарды естігендер у-шу боп жатты. Менде қорқыныш пайда болды, өзім үшін емес, әпкемнің баласы үшін қорықтым. Осы аралықта орталықтарға хабарласып, мәселенің жәй-жапсарын білуге тырыстым. Бірден сынақ тапсырып, вирустың бар-жоғын анықтағым келді, алайда&nbsp;мені арнайы алып кетеді деп айтты. Жұмыста кезекшілігім болды, сондықтан жұмысқа баруға тура келді. Сағат 19:00-де СЭС-тен адамдар келді.
Барлығын тексерді де, мені алып кету керек екенін айтты. Сағат түнгі 11-де жұмыста мені ауыстыратын әріптесімді күтіп бірақ шықтық. Ауруханаға келіп, сараптама өткіздік: қан мен жағынды (мазок).
Таңертеңгі астан кейін киімдерімді жинап, мені боксқа жатқызды, себебін түсіндірген жоқ. Балаларға арналған &nbsp;жұқпалы аурулар ауруханасында екі күн жаттым. Онда төрт адам болдық. Екеуінен коронавирус анықталып, оларды ересектерге арналған ауруханаға ауыстырды. Осы уақыт аралығында біз қасымдағы тағы бір әйелмен үш сараптама анализін өткізіп үлгердік. Жауаптарын күттік.
Ертесінде мені басқа боксқа жалғыз өзімді жатқызды. Сол кезде ғана маған тест жасалып,&nbsp;вирустың бар екенін айтты. Ойымда менің кесірімнен адамдар вирус жұқтырып алған жоқ па деген&nbsp;бір ғана сұрақ тұрды. Түні бойы осы ой маза бермеді.
Ертесінде киімдерімді жинауды сұрады, жедел жәрдеммен вакуумға жатқызды. Осы уақытта СЭС-тен, ауруханадан хабарласып, кіммен қай уақытта байланыста болғанымды анықтады. Түнгі 3-те Есіктегі үйіме жедел жәрдем жіберген. Ең қызығы,&nbsp;тіпті мені жеткізген таксисті тауып алып, оны карантинге&nbsp;жатқызған.
– Коронавирус жұқтырған кезде белгілер болды ма?
–&nbsp;Менде аурудың белгілері болды деп айта алмаймын. Құдайға шүкір, ауыртпалық сезініп жатқан жоқпын. Қызуым да көтерілген жоқ, тек 3-4 күні құрғақ жөтел, тыныс алу кезінде жайсыздық сезілді. &nbsp;Бірақ ол менің уайымымнан деп ойлаймын. Дәм және иіс сезуім жоғалды. 
Айта кететін бір жайт, түсінгенім бойынша, белгілері&nbsp;болмағандықтан вирус тез таралады.&nbsp;
– Қазір жағдайыңыз қалай? Қандай ем қабылдап жатырсыз?
–&nbsp;Қазіргі уақытта И.С Жекенов атындағы қалалық клиникалық жұқпалы аурулар ауруханасында емделіп жатырмын. Осында келгелі бірден төрт сараптама өткіздім: оң нәтиже көрсетті. Вирусқа қарсы препараттар береді. Содан болар, жүрек айнып, бас айналып, құсқың келеді. Одан бөлек дәрі тамызғышта жатамыз. Иммундық жүйем ауруға қарсы тұратынына сенемін.
–&nbsp;Сіз жатқан палаталарыңыз қандай, дәрігерлерге көңіліңіз тола ма?
–&nbsp;Қазіргі уақытта бокстарда (жеке палата – авт.)&nbsp;жатырмыз. Одан шығуға болмайды, терезе ашуға да тыйым салынған. Он екі күн бойы ешқайда шықпау өте қиын екен, қалай жынданып кетпей жүрмін деп өзіме таңғалып қоямын. Қасымда тағы бір науқас бар, екеуіміздің жағдайымыз бірдей. Қызметкерлер, дәрігерлер өте жақсы.&nbsp;
–&nbsp;Тамақтану жағы қалай?
–&nbsp;Бір апта аурухананың тамағымен тамақтанып жүрдім.&nbsp;Туыстарым тамақ әкеліп тұрады. Бірінші, екінші тағам беріледі, компот және т.б. Тамақтары жалпы жаман емес.
– Қандай сақтық шараларын ұстануға кеңес бересіз, Мадина?
–&nbsp;СЭС пен дәрігерлер мен байланысқан адамдар санын естігенде шошып кетті. Себебі олар жиырмадан асады. Олардың барлығы карантинге жатқызылған. Біреулері ауруханада, бірі үй карантинінде. Осы үшін бәрінен кешірім сұраймын.
Адамдарға айтарым, барлық сатық шараларын сақтаңыздар! Сараптама анализдерін өткізу керек десе, өткізу керек. Өзіңізді де, басқаларды да қатерге тікпеңіздер! Ең бастысы, гигиена, тазалыққа үлкен көңіл бөлу керек

Коронавирус жұқтырған қыз: &#8220;Дәм және иіс сезуім жоғалды&#8221;

<a href="https://kyzylorda-news.kz/">Kyzylorda-news.kz.</a> Алматы облысында короновирус жұқтырғандар туралы ақпарат жарияланды.
Бұл туралы Алматы облысы әкімінің баспасөз қызметі хабарлаған.
<blockquote>
 «Коронавирус инфекциясын жұқтырған тағы екі жағдай облыстың екі ауданында тіркелді. Біріншісі – 1957 жылы туған əйел Іле ауданынындағы провизорлық госпитальда карантинде жатқан болатын. Ол коронавируспен ауырған адаммен байланыста болған. Əйел адамнан анализдер алынды. Талдау қорытындысы бойынша, ол Қарасай аудандық инфекциялық ауруханасына ауыстырылды. Екінші жағдай – Жамбыл ауданының тұрғыны, 1997 жылы туған қыз бала 20 наурызда Оңтүстік Кореядан Ие Чоу-Алматы OZ 577 рейсімен ұшып келген. Ал үшіншісі – 1995 жылы туған Қарасай ауданының тұрғыны. Вирус анықталған азаматша жүктіліктің 21-22 аптасында. Сырқаттардың барлығы Қарасай аудандық инфекциялық ауруханасында ем алуда», – делінген хабарламада.
</blockquote>

Қазақстан және Қызылорда облысының жаңалықтары: Денсаулық

Дәрігер иммунитетті көтеру үшін зімбірді не алмастыратынын айтты

Қазақстанда карантиндік типтегі үш медициналық кешен салынады

Коронавирус: Медициналық қызметкерлер неліктен аурудың асқынған түрімен ауырады?

Қазақстандық ғалымдар коронавирусты анықтайтын екі тест жасап шығарды (видео)

COVID-19: Қазақстанда экспресс-тесттен кімдер өте алады?

Ежелгі ғалымдар вирусты не үшін қолданды?

Коронавирус жұқтырған дәрігерге 2 млн теңге көлемінде сақтандыру төлемі беріледі

Коронавирус өкпені қалай зақымдайды? (видео)

Нұр-Сұлтан қаласында 13 адам коронавирустан жазылды

Биолог маман: коронавирусты мейлінше көп адам жұқтырса ғана ауру бәсеңдейді

Коронавирус жұқтырған қыз: “Дәм және иіс сезуім жоғалды”

Қазақстанда коронавирус жұқтырған әйелдің аяғы ауыр

Қазақстан және Қызылорда облысының жаңалықтары: Денсаулық

Дәрігер иммунитетті көтеру үшін зімбірді не алмастыратынын айтты

Қазақстанда карантиндік типтегі үш медициналық кешен салынады

Коронавирус: Медициналық қызметкерлер неліктен аурудың асқынған түрімен ауырады?

Қазақстандық ғалымдар коронавирусты анықтайтын екі тест жасап шығарды (видео)

COVID-19: Қазақстанда экспресс-тесттен кімдер өте алады?

Ежелгі ғалымдар вирусты не үшін қолданды?

Коронавирус жұқтырған дәрігерге 2 млн теңге көлемінде сақтандыру төлемі беріледі

Коронавирус өкпені қалай зақымдайды? (видео)

Нұр-Сұлтан қаласында 13 адам коронавирустан жазылды

Биолог маман: коронавирусты мейлінше көп адам жұқтырса ғана ауру бәсеңдейді

Коронавирус жұқтырған қыз: &#8220;Дәм және иіс сезуім жоғалды&#8221;

Қазақстанда коронавирус жұқтырған әйелдің аяғы ауыр

Коронавирус жұқтырған қыз: “Дәм және иіс сезуім жоғалды”