<a href="https://kyzylorda-news.kz/">Kyzylorda-news.kz.</a> Ресей ғылым академиясы Медико-биологиялық мәселелер жөніндегі институтында бөлім меңгерушісінің орынбасары Светлана Поддубко коронавирустан қорғану үшін азық-түлікті қалай тазалау керегін айтып берді, деп хабарлайды&nbsp;<a href="https://ria.ru/">РИА Новости</a>.
Оның айтуынша, супермаркет немесе базардан алған азық-түлікті құрамында&nbsp;спирт бар дезинфекциялық құралдармен&nbsp;тазалау керек. Ал, хлор қосылған құралдармен тазалау денсаулыққа қауіпті болуы мүмкін.
<blockquote>
 “Яғни, сіз алып келген барлық затты, қаптаманы құрамында спирт бар дезинфекциялық заттармен тазалау керек. Хлоры бар құралдарды пайдаланбаған абзал. Бұл – айтарлықтай қауіпті”, – деді Поддубко.
</blockquote>
Оның айтуынша, кез келген дезинфекциялық құралдың қолданатын орны бар. Хлор қосылған құралдар сыртқы қабатты, есіктің тұтқаларын сүртуге арналған. Оның үстіне, хлор қосылған құралды жарты сағаттан кейін сүртіп тастау керек.&nbsp;
Поддубко жеміс-жидек пен көкөністі&nbsp;ыстық сумен жуу керегін&nbsp;ескертті. Себебі вирус 40 градустан асқан ыстыққа шыдамайды. Ал, жуылмаған азықты тоңазытқышқа бірден салуға болмайды, себебі вирус ауаға қарағанда суық жерде ұзақ сақталады.

Мамандар коронавирустан қорғану үшін азық-түлікті қалай жуу керектігін айтты

<a href="https://kyzylorda-news.kz/">Kyzylorda-news.kz</a>. Қызылорда облысында коронавирустық инфекциядан жазылған науқастардың саны 149 адамға жетті. Індеттен айыққандардың қатарына соңғы қосылған науқас – Сырдария ауданының тұрғыны.
8 мамыр 13:25-тегі&nbsp;ақпарат бойынша Қызылорда облысында тағы 1 адам қауіпті індеттен жазылып шыққан.
Ерекше атап өтерлігі – Сырдария ауданында осы індетке шалдыққан 26 науқастың барлығы жазылды.
Осылайша коронавирустық инфекциядан жазылғандар саны өңірде 149 адамға жетіп отыр.
Аталған науқастан 2 реттен сынама тест алынып, бәрі теріс мәнді нәтиже көрсеткен.
Олар алдағы 14 күнде дәрігерлердің бақылауында болады.

COVID-19: Сырдария ауданындағы барлық науқас айықты, облыста жазылғандар саны 149-ға жетті

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 225 адамға жетті. Соңғы тәулікте жаңадан анықталған 2 жағдай туралы бүгін облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте баяндады.
<blockquote>
 «Қазіргі таңда Қызылорда облысында коронавирустық инфекцияны жұқтырған 225 жағдай тіркелді. Соңғы тәулікте жаңадан 2 жағдай анықталды. Екеуі де – Қызылорда қаласынан. Олар алдында анықталған науқастармен тікелей қарым-қатынаста болып, карантиндік бақылауға алынған еді. Бұл науқастарда 14 күндік бақылау аяқталған соң, қайтадан сынама тест алған кезде инфекция анықталып отыр. Осылайша, Қызылорда қаласында анықталған науқастар саны 88 адамға жетті», – деді Жақсылық Абдусаметов.
</blockquote>
Оның айтуынша, COVID-19 індетін жұқтырған өңірдегі 225 науқаспен байланыста болғандардың жалпы саны – 3294.&nbsp;Оның ішінде, жақын қарым-қатынаста болғандар саны – 1794, потенциалды байланыста болғандар – 1500 адамды құрап отыр. Бүгінгі таңда барлығы бақылауға алынып, оқшауланған. Барлығының жағдайы қанағаттанарлық.
Сондай-ақ, бүгінгі таңда облысымыздағы жұқпалы аурулар ауруханасында – 77, правизорлық стационарда – 19, карантиндік стационарда – 297 адам бақылауда.
Брифингте Жақсылық Әбілқасымұлы мәлімдегендей, өткен тәулікте облысымызда коронавирустық инфекцияға байланысты 288 тест сынамасы жасалыпты.
<blockquote>
 «Соңғы тәулікте 288 тест сынамасы жасалды. Оның 279 – теріс мәнді болып шықты. Бүгінде облысымызда 4665 тест сынамасының қоры қалды», – деді ол.
</blockquote>
Сондай-ақ, басқарма басшысы облыс тұрғындарын мереке және демалыс күндері карантин талаптарын сақтап, ардагерлердің өміріне қауіп төндірмеуге шақырды.
<blockquote>
 «Жеңістің 75 жылдық мерейтойы демалыс күндерімен қатар келіп отыр. Әрине, тұрғындар осы мерекемен ата-әжелерімізді құттықтағысы келетіні жасырын емес. Үлкен кісілердің бұл індетті тез жұқтыру қаупі басым екендігін естен шығармаған жөн. Олар жұқтырған жағдайда ауыр ағымда өткізеді. Сондықтан, ардагерлерді онлайн құттықтауға, адамдардың шоғырлануына жол бермеуге, мерекелік басқосулар мен отырыстар өткібеуге, сіздерді тағы да қарым-қатынас арқылы індет жұқтырудың алдын алуға шақырамын», – деді Ж. Әбілқасымұлы.
</blockquote>

COVID-19: Қызылорда облысында қауіпті індет жұқтырғандар саны 225 болды

<a href="https://kyzylorda-news.kz/">Kyzylorda-news.kz.</a> Қазақстанда коронавирустан 30-шы науқас қайтыс болды.
Бұл туралы арнайы брифингте ҚР Денсаулық сақтау министрлігі Тауарлар мен қызметтердің қауіпсіздігін бақылау комитетінің төрағасы Тимур Сұлтанғазиев мәлімдеді.
<blockquote>
 «Жалпы, эпидемия кезінде Қазақстанда күні бүгінге дейін 30 науқас қайтыс болды», – деді ол брифингте.
</blockquote>

Қазақстанда коронавирустан көз жұмғандар саны 30-ға жетті

<a href="https://kyzylorda-news.kz/">Kyzylorda-news.kz.</a> Жаңа коронавирус COVID-2019 – адамдарда осы уақытқа дейін анықталмаған коронавирустың жаңа штаммы.
COVID-2019 жұқпасының белгілері басқа да респираторлық аурулардың симптомдарына ұқсас және түшкіру, жөтелу, осы ауруды жұқтырған адамдармен байланыста болу арқылы тарайды. Аурудың ауыр түрі егде жастағы, сонымен қатар ағзасында басқа да патологиялары (мысалы, қант диабеті, өкпе, жүрек-қан тамыр жүйесінің аурулары, т.б.) бар адамдарда кездесуі ықтимал.Уақытылы еммен қамтылмаған жағдайларда аурудың асқынған түріне, әрі қарай өлім жағдайларына соқтыруы мүмкін.
COVID-2019 вирусының заттардың бетінде өмір сүру ұзақтығы әлі анықталмаған, бірақ алдын ала мәліметтер бойынша олардың тіршілік ету ұзақтығы бірнеше сағат болуы мүмкін.
Жаһанды жайлаған бұл кесірлі кесел біздің өңірімізді де айналып өткен жоқ. 28 наурыз күні алғашқы науқас тіркелсе, 05.05.2020 жылғы мәлімет бойынша ін­дет жұқ­тырғандар саны 217-ге жетті. Оның ішінде 22-сі 14 жасқа дейінгі балалар арасында, 6-уы 15-19 жас аралығындағы жасөспірімдер, қалған жағдайлар ересектер арасында тіркелді.
Қызылорда облысында коронавирус жұқ­тыру де­ректері тіркел­мей тұрып-ақ облыс шека­ра­ларында бақылау күшейтілді, сонымен қатар шетелден кел­гендер қа­таң тексерілді. Коронавирус бойын­ша қауіпті елдер санатына жа­татын мем­лекеттерден келген аза­маттар бірден ка­рантинге жат­қы­зылып, бақылауға алын­ды.
Президент Қ. Тоқаевтың Жар­лығы бойынша 16 наурыздан бастап Қазақстан Республикасын­да төтен­ше жағдай енгізіліп, ірі сауда объектілерінің жұ­мыс істеуіне шектеу қойылды, сауда ойын-сауық орталықтарының, кино­театр­лар­дың, театрлардың, көрмелердің және адам­дар көп жи­налатын басқа да объек­ті­лердің қыз­меті тоқтатылды. Ойын-сауық, спорт­тық іс-шараларды, сондай-ақ той-томалақтарды өткізуге тыйым салынды.
Алайда төтенше жағдай талаптарын сақтамай, салғырттық танытқандар да табылды. Дертке шал­дыққандардың өз ауруын жасырып қана қоймай, айналасындағылармен байланысты үзбеуі, ел тұрғындарының мем­лекет қабылдаған шектеу шаралары мен ескертулеріне құлақ аспауы, халықтың қарапайым гигиена талаптарын орын­дамауы аурудың көбеюіне себеп болды. Наурыз мейрамы, туған күн, түрлі дәстүрлі той-жиындарды тойлауды жалғастыру инфекцияның бұрқ еткен жағдайларына әкеп соқтырды. Жаңақорған, Шиелі, Сырдария (Амангелді) аудандарында аз уақыттың ішінде ауру санының өршуі осыған дәлел. Коронавирус инфекциясының нақтыланған 40-тан аса жағдайы бір ғана Қодаманов ауылында тіркелді және бір ауру көзінен таралды.
05.05.2020 жылғы жағдай бойынша облыста 120 ошақ анықталып отыр. Бұл әлі де біздің бейқамдығымыздың, коронавирус індетіне қатысты қалыптасып отырған жағдайға бейжайлығымызды көрсетіп отыр.
Өңірімізде аурудың әрі қарай өршуіне жол бермей, шоғырландыру, тоқтату мақсатында облыстың, қала, аудандардың бас санитариялық дәрігерлерінің Қаулыларымен карантиндік режимдегі шектеу шаралары енгізілді. Карантин аумағына кіру-шығу тәртібін реттеу үшін блок-бекеттер қойылды, қоғамдық тамақтану мен қоғамдық көліктер жұмыстарына шектеу жасалды, көшеде бей-берекет жүруге тыйым салынды, көліктің кез-келген түрлерінің қозғалысына шектеулер қойылды. Мұндағы мақсат – инфекцияны тасымалдау тізбегін кесу, ауруды шоғырландырып, жою. Облысымызда енгізілген мұндай карантиндік шектеу шаралары өз нәтижесін бере бастады.
Бұдан бөлек, қауіпті топарды скринингтік тексеру, ауруды белсенді анықтау жұмыстары да басталып кетті. Ағымдағы жылдың 17 сәуірінен бастап скринингтік тексеруден 4131 адам өтіп, оның 0,31%-нен коронавирус инфекциясы анықталды.
Қолға алынған осындай жедел жұмыстардың арқасында ауру ерте анықталып, науқастармен қарым-қатынаста болғандар карантиндік стационарларға уақытылы оқшауландырылып, аурудың басым көпшілігі жеңіл түрде өтуде. Барлығы толық және уақытылы адекватты ем алуда. Бүгінгі күні облысымызда коронавирус инфекциясынан емделіп, қанағаттанарлық жағдайда үйлеріне шығарылғандар саны 140 адамға жетті, өлім жағдайлары тіркелген жоқ.
Менің, яғни Қызылорда облысының Бас мемлекеттік санитариялық дәрігерінің 28.04.2020 жылғы №11 Қаулысымен халықтың тыныс тіршілігін қалпына келтіру мақсатында экономиканың жекелеген салалар бойынша шектеу шараларын кезең-кезеңімен жеңілдету шаралары жүзеге асырылуда.
Қызметін қайта бастайтын салалар мен объектілер жұмысына күшейтілген санитарлық-дезинфекциялық режиммен рұқсат етіліп отыр. Әзірге ұжымдарда кез келген корпоративтік, көпшілік іс-шараларын, жанұялық (туылған күн, үйлену тойы, құдалық, ауызашар, басқа да дәстүр мен әдет-ғұрып шаралары, т.б ) барлық жиындарға, көрші, туған-туыстарға қонаққа баруды шектей тұрған дұрыс.
11 мамырдан бастап эпидемиологиялық ахуалды ескере отырып, жеңілдетудің келесі кезеңі жүргізіледі. Соған байланысты жұмыс берушілер тарапынан сақтық шаралары күшейтілуі керек: жұмыскерлердің жұмысқа кіруі кезінде қолды тері антисептиктерімен қамтамасыз етулерін, гигиеналық процедураның сақталуын бақылауы қажет.Жоқ болу себептерін анықтау арқылы қызметкерлердің жұмысқа шығуына күнделікті мониторинг жүргізіп, ЖРВИ, тұмау және басқа да вирустық ауруларға ерекше назар аударылуы керек.
Үй-жайларда температуралық режимнің оңтайлы параметрлерінің сақталуын бақылап, жұмыс үй-жайларын тұрақты (әрбір 2 сағат) желдетіп тұруға кеңес береміз. Үйде, жұмыс орындарында есік тұтқаларын, ажыратқыштарды, жұмыскерлердің үстелдері мен орындықтарын, кеңсе техникасы, көпшілік пайдаланатын орындарды (тамақ ішетін, демалатын бөлмелер, дәретхана бөлмелері, спортпен айналысуға арналған бөлмелер мен жабдықтар және т. б.) дезинфециялауға баса назар аудара отырып, үй-жайларды дезинфекциялау құралдарын қолдану арқылы сапалы жинауды, барлық үй-жайларда әр 2 сағат сайын өңдеу жүргізілуі тиіс.
Тұрмыстық қатты қалдықтар жинайтын орын және оның аймағын таза ұстауды, уақытылы қалдықтарды шығарып отыру қамтамасыз етілуі керек.Адам көп шоғырланатын орындарда 1,5 метр қашықтықты, бетперде кию ережелерін сақтауды ұмытпаған жөн. Қоғамдық көліктерде әр рейс сайын санитариялық-дезинфекциялық шаралар жүруі тиіс. Қол жуу ережелері, жеке бас гигиенасы сақталуы керек және жолаушыларды көліктегі орын санынан артық алмауды жүйелендіру керек.
Ғалымдардың айтуынша, бұл да маусымдық аурулар сияқты күнделікті тіршілікте кездесіп отырады. Сондықтан карантиндік шектеу шараларын алып тастауендікоронавирус инфекциясын жұқтыру оқиғасы мүлдем тіркелмейді деген ой тудырмауы тиіс.
Осы ретте жұмыс берушілер назарына төтенше жағдай кезіндегі шектеу шаралары орындалмаған жағдайда Қазақстан Республикасының заңнамаларына сәйкес жауапкершілікке тартылып, кәсіпкерлік нысанның жұмысын тоқтатып, жабуға дейін шаралар қолданылатындығын жеткіземіз.
Сондықтан эпидемиологиялық ахуалды тұрақты ұстап тұру үшін, халықтың санитариялық-эпидемиологиялық саламаттылығын қамтамасыз ету мақсатында жоғарыда аталған нұсқаулар мен талаптарға құ­лақ асып, сақтық шараларын мұқият орын­дау өзге үшін емес, ең әуелі өзіміздің жә­не жақындарымыздың қауіпсіздігі үшін қажет екенін ескергеніміз абзал.
Әлия ӘБДІҚАЙЫМОВА,
Қызылорда облысының Бас
мемлекеттік санитариялық дәрігері

Әлия Әбдіқайымова: Аймақтағы эпидемиологиялық ахуал мен вирустың алдын алу бойынша атқарылып жатқан шаралар

<a href="https://kyzylorda-news.kz/">Kyzylorda-news.kz.</a> Қазақстанда коронавирус жұқтырғандардың дені 20-25 жас аралығындағы жастар.&nbsp;
Бұл санатта 666 адамда COVID-19 расталып отыр, деп хабарлады&nbsp;<a href="https://www.ktk.kz/ru/news/video/2020/05/05/147466/">КТК телеарнасы.</a>
Оның айтуынша, соңғы бірнеше күнде бір тәулікте коронавирусқа шалдығудың жаңа жағдайлары 3 проценттен көп емес.
Сондай-ақ, министр COVID-19 жұқтырғандар скрининг кезінде анықталғанын айтты.
Соңғы ақпаратқа сәйкес, Қазақстанда 4 277 адамда коронавирус расталды. Науқастардың саны Алматы (1 392 адам) мен астана (754 адам) ең көп.
Өңірлер арасында әлі де ең көп жағдай Қызылорда облысында тіркелген. Облыста 216 адам індетке шалдықты.

Қазақстанда коронавирусты жастардың жиі жұқтыратыны белгілі болды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 222 адамға жетті. Соңғы тәулікте жаңадан анықталған 5 жағдай туралы бүгін облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте баяндады.
<blockquote>
 «Қазіргі таңда Қызылорда облысында коронавирустық инфекцияны жұқтырған 222 жағдай тіркелді. Соңғы тәулікте жаңадан 5 жағдай анықталды. Науқастардың барлығы – Қызылорда қаласынан. Оның төртеуі – бұрын анықталған науқастармен тікелей қарым-қатынаста болып, карантиндік бақылауға алынғандардың арасынан тіркелді. Ал, біреуі – облысымызда жүргізіліп жатқан медицина қызметкерлерін скринингтік тексеруден өткізу барысында белгілі болды», – деді Жақсылық Абдусаметов.
</blockquote>
Оның айтуынша, COVID-19 індетін жұқтырған өңірдегі 222 науқаспен байланыста болғандардың жалпы саны – 3242.&nbsp;Оның ішінде, жақын қарым-қатынаста болғандар саны – 1746, потенциалды байланыста болғандар – 1496 адамды құрап отыр. Бүгінгі таңда барлығы бақылауға алынып, оқшауланған. Барлығының жағдайы қанағаттанарлық.
Сондай-ақ, бүгінгі таңда облысымыздағы жұқпалы аурулар ауруханасында – 82, правизорлық стационарда – 27, карантиндік стационарда – 348 адам бақылауда.
Брифингте Жақсылық Әбілқасымұлы мәлімдегендей, өткен тәулікте облысымызда коронавирустық инфекцияға байланысты 553 тест сынамасы жасалыпты.
<blockquote>
 «Соңғы тәулікте 553 тест сынамасы жасалды. Оның 543 – теріс мәнді болып шықты. Бесеуі оң нәтиже берді. Ал, 5 – әлі тексерілу үстінде. Бүгінде облысымызда 5000 тест сынамасының қоры қалды», – деді ол.
</blockquote>
Айта кетейік, бүған дейін Қызылорда облысында коронавирустық инфекцияға шалдыққан науқастардың саны&nbsp;<a href="https://kyzylorda-news.kz/densawlyq/qyzylorda-oblysynda-qawipti-indet-zhuqtyrghandar-sany-222-ge-zhetti-60545/">222 адамға жеткенін</a>&nbsp;хабарлаған болатынбыз.

COVID-19: Қызылорда қаласында індет жұқтырған науқастар саны өсуде

<a href="https://kyzylorda-news.kz/">Kyzylorda-news.kz</a>.&nbsp;Қызылорда облысында коронавирустық инфекция жұқтырған тағы 5 науқас тіркелді.
6 мамыр 09:00-дегі&nbsp;мәлімет бойынша қауіпті індетке шалдыққан 5 науқастың барлығы – Қызылорда қаласынан.
Айта кетейік, осымен облыс бойынша коронавирустық инфекция жұқтырған науқастардың жалпы саны 222 адамға жетті.

Қызылорда облысында қауіпті індет жұқтырғандар саны 222-ге жетті

<a href="https://kyzylorda-news.kz/">Kyzylorda-news.kz</a>. Қызылорда облысында коронавирустық инфекциядан жазылған науқастардың саны 140 адамға жетті.
5 мамыр 12:00-дегі&nbsp;мәлімет бойынша Қызылорда облысында тағы 2 науқас қауіпті індеттен жазылып шықты. Індеттен айыққандардың қатарына соңғы қосылған науқастар – Қызылорда қаласының тұрғындары.
Осылайша коронавирустық инфекциядан жазылғандар саны өңірде 140 адамға жетіп отыр.
Аталған науқастардан 2 реттен сынама тест алынып, бәрі теріс мәнді нәтиже көрсеткен.
Олар алдағы 14 күнде дәрігерлердің бақылауында болады.

Қызылорда облысында қауіпті індеттен жазылғандар саны 140 болды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 217 адамға жетті. Соңғы тәулікте жаңадан анықталған 3 жағдай туралы бүгін облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте баяндады.
<blockquote>
 «Қазіргі таңда Қызылорда облысында коронавирустық инфекцияны жұқтырған 217 жағдай тіркелді. Соңғы тәулікте жаңадан 3 жағдай анықталды. Оның біреуі – Атырау қаласында вахтада болып келген жұмысшылардың арасынан тіркелді. Ол Атыраудан қаламызға алғашқы келген рейсте вирус жұқтырған науқаспен қарым-қатынаста болып, карантиндік бақылауға алынған. Екінші науқас – облыстық жұқпалы аурулар ауруханасының кіші қызметкері. Ол медицина қызметкерлерін скринингтік тексеруден өткізу барысында белгілі болды. Үшінші науқастың дене қызуы көтеріліп, қалалық жедел жәрдем бөліміне хабарласқан. Аталған тұрғын ЖРВИ диагнозына скринингтік тексеруден өткізіліп, одан тест сынамасы алынған. Сынама тест қорытындысы оң нәтиже берген. Осы үшінші науқас қалада жаңа ошақ ретінде анықталып отыр. Осылайша, Қызылорда қаласында коронавирустық инфекцияны жұқтырғандар саны 80 адамға жетті», – деді Жақсылық Абдусаметов.
</blockquote>
Оның айтуынша, COVID-19 індетін жұқтырған өңірдегі 217 науқаспен байланыста болғандардың жалпы саны – 3242.&nbsp;Оның ішінде, жақын қарым-қатынаста болғандар саны – 1746, потенциалды байланыста болғандар – 1496 адамды құрап отыр. Бүгінгі таңда барлығы бақылауға алынып, оқшауланған. Барлығының жағдайы қанағаттанарлық.
Сондай-ақ, бүгінгі таңда облысымыздағы жұқпалы аурулар ауруханасында – 79, правизорлық стационарда – 25, карантиндік стационарда – 411 адам бақылауда.
Брифингте Жақсылық Әбілқасымұлы мәлімдегендей, өткен тәулікте облысымызда коронавирустық инфекцияға байланысты 471 тест сынамасы жасалыпты.
<blockquote>
 «Соңғы тәулікте 471 тест сынамасы жасалды. Оның 453 – теріс мәнді болып шықты. Үшеуі оң нәтиже берді. Ал, 15 – әлі тексерілу үстінде. Бүгінде облысымызда 5297 тест сынамасының қоры қалды», – деді ол.
</blockquote>
Сондай-ақ, басқарма басшысы соңғы тәулікте анықталған науқас туралы да пікірін айтты.
<blockquote>
 «Бүгінде облыстағы карантин талаптарының маңызы – қарым-қатынас арқылы таралудың алдын алу. Осыған орай, мынаған баса назар аударғым келеді. Соңғы анықталған науқас, яғни, жаңа ошақтағы тұрғын осы қауіпті індетті жұқтырудан өзін қалай қорғады? Қаншалықты сақтық шараларына мән берді? Өзі жұқтырғаннан кейін отбасын қалай сақтандырды? Әрине, оның отбасындағы және қарым-қатынаста болған адамдар бақылауға алынып, тест сынамасы жасалады. Осы жағдайдан кейін аталған тұрғынның өзін қорғауға қаншалықты мән бергеніне баға беріледі. Сіздерді тағы да қарым-қатынас арқылы індет жұқтырудың алдын алуға шақырамын», – деді Ж. Әбілқасымұлы.
</blockquote>
Айта кетейік, бүған дейін Қызылорда облысында коронавирустық инфекцияға шалдыққан науқастардың саны&nbsp;<a href="https://kyzylorda-news.kz/densawlyq/qyzylorda-oblysynda-qawipti-indet-zhuqtyrghandar-sany-214-boldy-60031/">214 адамға жеткенін</a>&nbsp;хабарлаған болатынбыз.

COVID-19: Қызылорда қаласында індеттің жаңа ошағы анықталды

<a href="https://kyzylorda-news.kz/">Kyzylorda-news.kz.</a> Карантиннен кейін қозғалыссыз қалған адамға үйден жұмысқа барғанға дейінгі жолға үйрену керек болады. Спорт психологы, Дене тәрбиесі және спорт орталығының жетекші ғылыми қызметкері Ольға Тиунова карантиннен кейін дене формасын қалай қалпына келтіруді айтып берді, деп хабарлайды&nbsp;<a href="https://ria.ru/20200504/1570938149.html">РИА Новости</a>.
<blockquote>
 «Біз физикалық қалыпты екі айдың ішінде реттейміз. Бұл – барлығы білетін ғылыми факт. Бірақ оны екі есе тез жоғалтамыз. Физикалық тұрғыдан айтсақ, барлығымыз отырып қалдық. Қазір күнделікті режимге қарапайым жаттығулар қосатын кезең. Бірақ мұны қағазға түсіріп отырған дұрыс. Себебі жаттығу жасағаннан кейін бақылау керек. Саналы түрде орындаған жөн», – деді Ольга Тиунова.
</blockquote>
Бұл әдіс артық салмақпен күресте де жарайды екен. Кесте құрып, тастайтын салмақтың мөлшерін жазу керек. Сосын күнде салмақты өлшеп, жазып алу керек. Психологтың айтуынша, бұл мақсатыңызға жақындап келе жатқаныңызды түсінуге көмектеседі.
Сондай-ақ, Тиунова карантин режиміне дейін спорт залдарына барғандарға жаттығуларын бұрынғы режимінен екі есе төмен ырғақпен орындауға кеңес берді.&nbsp; Еске салайық, Қазақстанда төтенше жағдай режимі <a href="https://kyzylorda-news.kz/kogam/elimizde-toetenshe-zhaghdaj-merzimi-11-mamyrgha-dejin-uzartylady-58852/">11 мамырға дейін ұзартылды</a>.

Сарапшы карантиннен кейін не істемеу керегін айтты

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 214 адамға жетті. Соңғы тәулікте жаңадан жағдай анықталған жоқ. Бүгін облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте облыстағы ахуалды баяндады.
<blockquote>
 «Қазіргі таңда Қызылорда облысында коронавирустық инфекцияны жұқтырған 214 жағдай тіркелді. Соңғы тәулікте жаңадан жағдай анықталған жоқ», – деді Жақсылық Абдусаметов.
</blockquote>
Оның айтуынша, COVID-19 індетін жұқтырған өңірдегі 214 науқаспен байланыста болғандардың жалпы саны – 3242.&nbsp;Оның ішінде, жақын қарым-қатынаста болғандар саны – 1746, потенциалды байланыста болғандар – 1496 адамды құрап отыр. Бүгінгі таңда барлығы бақылауға алынып, оқшауланған. Барлығының жағдайы қанағаттанарлық.
Сондай-ақ, бүгінгі таңда облысымыздағы жұқпалы аурулар ауруханасында – 76, правизорлық стационарда – 24, карантиндік стационарда – 402 адам бақылауда.
Брифингте Жақсылық Әбілқасымұлы мәлімдегендей, өткен тәулікте облысымызда коронавирустық инфекцияға байланысты 70 тест сынамасы жасалыпты.
<blockquote>
 «Соңғы тәулікте 70 тест сынамасы жасалды. Оның 60 – теріс мәнді болып шықты. Ал, 10 – әлі тексерілу үстінде. Бүгінде облысымызда 5392 тест сынамасының қоры қалды. Мереке күндері осы ПТР аппараттары техникалық қызмет көрсетуге қойылған болатын. Бүгіннен бастап қайтадан күнделікті жоспар бойынша іске қосылатын болады», – деді ол.
</blockquote>
Сондай-ақ, басқарма басшысы облысымызда бүгіннен бастап карантин талаптарын жеңілдетудің келесі кезеңі басталғанын мәлімдеді.
<blockquote>
 «Облысымызда бүгіннен бастап карантин талаптарын жеңілдетудің екінші кезеңі басталды. Бұл дегеніміз – тұрғындар арасындағы қарым-қатынас көбейеді деген сөз. Сондықтан, карантин талаптарын сақтап, қоғамдық орындар мен жұмыста, отбасында жұғуға жол бермеуге баса назар аударған жөн», – деді Ж. Әбілқасымұлы.
</blockquote>
Айта кетейік, кеше Қызылорда облысында коронавирустық инфекцияға шалдыққан науқастардың саны&nbsp;<a href="https://kyzylorda-news.kz/densawlyq/qyzylorda-oblysynda-qawipti-indet-zhuqtyrghandar-sany-214-boldy-60031/">214 адамға жеткенін</a>&nbsp;хабарлаған болатынбыз.

Қазақстан және Қызылорда облысының жаңалықтары: Денсаулық