<a href="https://kyzylorda-news.kz/">Kyzylorda-news.kz.</a> «СК-Фармация» ЖШС басқарма төрағасы Берік Шәріп сыбайлас жемқорлыққа қарсы іс-қимыл агенттігінің Facebook парақшасы арқылы&nbsp;тікелей эфирде ПТР тестілеу бағасы неге қымбат екенін түсіндірді, деп хабарлайды&nbsp;<a href="https://stan.kz/">Stan.kz</a>.
<blockquote>
 «Біз коронавирустық инфекцияны анықтауға арналған сынамалардыі бағасын талқыладық. ПТР сынамасы қымбат әдіс екенін түсіну керек. Мысалы, 10 доллар – бұл тесттің өзінің бағасы. Сонымен қатар, рибонуклеин қышқылын бөлуге арналған жинақ бар, оның бағасы 3 доллар, сізге түтікшелер, тампонмен зонд сатып алу керек. Зертхана таза бөлмеде жабдықталуы керек, үлгіні алдын-ала тексеруге арналған арнайы жабдықтар бар. ПТР зертханасының өзі өте күрделі. Онда жұмыс істейтін қызметкерлерінде&nbsp;қауіптің төртінші деңгейі бар. Олар да тәуекелге барады. Олар маска, арнайы көзілдірік, қорғаныс костюмдерін кию керек. Инфекцияның үлкен қаупі бар. Сондықтан бұл тест арзан емес», – деп түсіндірді Берік Шәріп.
</blockquote>
Оның айтуынша, қазірдің өзінде сынама&nbsp;жасай бастаған компаниялар бар. Қазір бұл сынамалардың дәлдігі туралы мәселе пысықталуда.
<blockquote>
 «ПТР сынамалары тек зертханада жасалады. Вирусқа антиденелердің болуын көрсететін жедел сынамалар&nbsp;бар. Бізге Ұлыбританиядан сынама 19 долларға ұсынылды, 5-7 долларға ұсынылған сынамалар&nbsp;болды. Бірақ мұнда нәтиженің дәлдігі маңызды. Вирустың ағзада бірінші рет тексергеннен анықталмаған кездері болды. Тек бірнеше тексеруден кейін&nbsp;инфекция анықталып жатты», – деді спикер.
</blockquote>
Сондай-ақ, «СК-Фармация» басшысы карантинге уақытында дәрі-дәрмектерді қалай сатып алатындығы туралы әңгімеледі.
<blockquote>
 «Бізде көптеген келісім-шарттар бар. 1400 тауарлар бірыңғай дистрибьютор ретінде берілген. Коронавирустық инфекцияны емдеу үшін сатып алған дәрілердің негізгі үлесі бірдей. Біз тек келісім-шартты кеңейттік. Дәрілермен проблемалар туындамайды. Маска, қолғап жеткізуді қамтамасыз еттік.&nbsp;Қазір жеке қорғаныс құралдарын сатып алу үшін қосымша резерв жасалады. Осыған байланысты біз сыртқы істер министрлігімен жағдайды пысықтайтын боламыз. Қазір&nbsp;айтарлықтай көлемде гуманитарлық көмек алдық. Сонымен қатар, сынамалар, маскалар, қорғаныс киімдерінің өндірісін құру туралы мәселе туындап отыр», – деп қорытындылады Берік Шәріп.
</blockquote>

Қазақстанда коронавирусты анықтайтын сынамалар неліктен қымбат?

<a href="https://kyzylorda-news.kz/">Kyzylorda-news.kz</a>. Қызылорда облысында коронавирустық инфекциядан жазылған науқастардың саны 118 адамға жетті. Індеттен айыққандардың қатарына соңғы қосылған науқастар – Сырдария, Шиелі және Жаңақорған ауданының тұрғындары.
30 сәуір 11:45-тегі&nbsp;ақпарат бойынша Қызылорда облысында тағы 3 адам қауіпті індеттен жазылып шыққан.
Осылайша коронавирустық инфекциядан жазылғандар саны өңірде 118 адамға жетіп отыр.
Аталған науқастардан 2 реттен сынама тест алынып, бәрі теріс мәнді нәтиже көрсеткен.
Олар алдағы 14 күнде дәрігерлердің бақылауында болады.

Қызылорда облысында 118 науқас қауіпті індеттен жазылып шықты

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 198 адамға жетті. Соңғы тәулікте жаңадан анықталған 11 жағдай туралы бүгін облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте баяндады.
<blockquote>
 «Қазіргі таңда Қызылорда облысында коронавирустық инфекцияны жұқтырған 198 жағдай тіркелді. Соңғы тәулікте жаңадан 11 жағдай анықталды. Науқастардың барлығы – Қызылорда қаласынан. Оның төртеуі – күні кеше пневмонияға байланысты емханаға көрініп, скринингтік тексеру барысында індет жұқтырғаны белгілі болған науқастың отбасы мүшелері. Қалған жетеуі – алдында анықталған науқастармен қарым-қатынаста болып, 14 күн карантинге алынғандардың арасынан анықталды», – деді Жақсылық Абдусаметов.
</blockquote>
Оның айтуынша, COVID-19 індетін жұқтырған өңірдегі 198 науқаспен байланыста болғандардың жалпы саны – 2941.&nbsp;Оның ішінде, жақын қарым-қатынаста болғандар саны – 1560, потенциалды байланыста болғандар – 1381 адамды құрап отыр. Бүгінгі таңда барлығы бақылауға алынып, оқшауланған. Барлығының жағдайы қанағаттанарлық.
Сондай-ақ, бүгінгі таңда облысымыздағы жұқпалы аурулар ауруханасында – 83, правизорлық стационарда – 44, карантиндік стационарда – 387 адам бақылауда.
Брифингте Жақсылық Әбілқасымұлы мәлімдегендей, өткен тәулікте облысымызда коронавирустық инфекцияға байланысты 625 тест сынамасы жасалыпты.
<blockquote>
 «Соңғы тәулікте 625 тест сынамасы жасалды. Оның 547 – теріс мәнді болып шықты. 11 оң нәтиже берді. Ал, 67 – әлі тексерілу үстінде. Бүгінде облысымызда 6002 тест сынамасының қоры қалды», – деді ол.
</blockquote>
Сондай-ақ, басқарма басшысы соңғы тәулікте анықталған науқастардың қауіпті індетті қайдан жұқтырғанын да мәлімдеді.
<blockquote>
 «Соңғы тәулікте анықталған жағдайларға келсек, коронавирустық инфекцияны отбасында және жұмыс орнында жұқтыру көрсеткіштері басым екендігін көреміз. Бірақ, жұмыс орнында жұқтыру мәселесі карантин енгізілгенге дейін анықталған. Осыған орай, карантин талаптарын қатаң сақтап, инфекцияның отбасы мүшелері арасында таралуына жол бермеу қажет. Бұл – карантиннің жеңілдетілген кезінде ерекше мән беретін нәрсе», – деді Ж. Әбілқасымұлы.
</blockquote>
Айта кетейік, кеше Қызылорда облысында коронавирустық инфекцияға шалдыққан науқастардың саны&nbsp;<a href="https://kyzylorda-news.kz/densawlyq/qyzylorda-oblysynda-qawipti-indet-zhuqtyrghandar-sany-198-boldy-59491/">198 адамға жеткенін</a>&nbsp;хабарлаған болатынбыз.

COVID-19: Соңғы тәулікте тіркелген науқастар індетті отбасы мен жұмыс орнында жұқтырған

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекция жұқтырған тағы 11 науқас тіркелді.
30 сәуір 08:40-тағы&nbsp;мәлімет бойынша қауіпті індетке шалдыққан 11 науқастың барлығы – Қызылорда қаласынан.
Айта кетейік, осымен облыс бойынша коронавирустық инфекция жұқтырған науқастардың жалпы саны 198 адамға жетті.

Қызылорда облысында қауіпті індет жұқтырғандар саны 198 болды

<a href="https://kyzylorda-news.kz/">Kyzylorda-news.kz</a>. Қызылорда облысында коронавирустық инфекциядан жазылған науқастардың саны 114 адамға жетті. Індеттен айыққандардың қатарына соңғы қосылған науқастар – Арал және Шиелі ауданының тұрғындары.
29 сәуір 16:35-тегі&nbsp;ақпарат бойынша Қызылорда облысында тағы 3 адам қауіпті індеттен жазылып шыққан. Оның ішінде, Аралда – 2, Шиеліде – 1 науқас қауіпті індеттен айыққан.
Ерекше атап өтерлігі – Арал ауданында осы індетке шалдыққан 4 науқастың барлығы жазылды.
Осылайша коронавирустық инфекциядан жазылғандар саны өңірде 114 адамға жетіп отыр.
Аталған науқастардан 2 реттен сынама тест алынып, бәрі теріс мәнді нәтиже көрсеткен.
Олар алдағы 14 күнде дәрігерлердің бақылауында болады.

COVID-19: Аралда барлық науқас айықты, облыста жазылғандар саны 114-ке жетті

<a href="https://kyzylorda-news.kz/">Kyzylorda-news.kz</a>. Дәрігерлері жаппай коронавирус жұқтырып, үлкен дау туған Алматыдағы №12 орталық клиникалық аурухана қызметкерлерінің барлығына бірдей Мемлекет басшысының тағайындаған 2 миллион теңгесі төленбеуі мүмкін. Бұл туралы&nbsp;<a href="https://www.ktk.kz/kz/news/video/2020/04/28/146720/">КТК</a> арнасы хабарлады.
Өйткені, елімізде дәрігерлер арасында Covid-19-ды сырттан жұқтырғандар көп.
Денсаулық сақтау вице-министрі Людмила Бюрабекова 820 медициналық қызметкердің 66 пайызы ауруды науқастарға күтім жасап, оларды емдеу барысында жұқтырмағандарын жазды.
Олардың көбі – Алматыдағы қалалық орталық клиникалық ауруханада істейтін қызметкерлер. Қазір осы мекемеде індетке шалдыққан сала мамандарының жағдайымен денсаулық сақтау министрлігімен қоса бас прокуратура танысып жатыр. Оларға қызметін барысында жұқтырмады деп, 2 млн теңге үстемақыны төлемеуі мүмкін.
<blockquote>
 «Ауру, науқас адамдардың жанында жүріп, сол кісілерді емдеп, ауруды жұқтырп алған дәрігерлер ғана алады. Ал сыртта, ауруханада немесе басқа бір жерлерде вирус жұқтырып алған дәрігерлер бұл тізімге кірмейді. Олар 2 млн теңге алмайды. Біз білеміз ғой, қай дәрігер, қай медбике қай жерде жұмыс істейтінін. Егер, мен айтап өткен инфекциялық провизорлық стационарда тұрса, ол кісілер автоматты түрде тізімге ілінеді», – деді денсаулық сақтау министрлігінің ресми өкілі Диас Ахметшәріп.
</blockquote>
Ал денсаулық сақтау вице-министрі Людмила Бюрабекова әлеуметтік желідегі парақшасында медициналық қызметкерлердің барлығы скрингтік тексеруден өткізілетінін мәлімдеді. 2 аптада сала қызметкерлерінің 70 пайызы тексеріліпті.
Айта кетейік, бүгінде Ақтөбе облысынан өзге республиканың барлық өңірінде медицина қызметкерлері коронавирус жұқтырған.

Қазақстанда коронавирус жұқтырған кейбір дәрігерлер 2 млн теңге үстемақыны алмауы мүмкін

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 187 адамға жетті. Соңғы тәулікте жаңадан анықталған 5 жағдайдың мән-жайы туралы бүгін облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте баяндады.
<blockquote>
 «Қазіргі таңда Қызылорда облысында коронавирустық инфекцияны жұқтырған 187 жағдай тіркелді. Соңғы тәулікте жаңадан 5 жағдай анықталды. Науқастардың барлығы – Қызылорда қаласынан. Оның төртеуі – алдында қарым-қатынаста болып, карантиндік бақылауға алынғандар. Ал, біреуі – пневмонияға байланысты емханаға көрініп, скринингтік тексеру барысында белгілі болды», – деді Жақсылық Абдусаметов.
</blockquote>
Оның айтуынша, COVID-19 індетін жұқтырған өңірдегі 187 науқаспен байланыста болғандардың жалпы саны – 2910.&nbsp;Оның ішінде, жақын қарым-қатынаста болғандар саны – 1529, потенциалды байланыста болғандар – 1381 адамды құрап отыр. Бүгінгі таңда барлығы бақылауға алынып, оқшауланған. Барлығының жағдайы қанағаттанарлық.
Сондай-ақ, бүгінгі таңда облысымыздағы жұқпалы аурулар ауруханасында – 76, правизорлық стационарда – 51, карантиндік стационарда – 490 адам бақылауда.
Брифингте Жақсылық Әбілқасымұлы мәлімдегендей, өткен тәулікте облысымызда коронавирустық инфекцияға байланысты 1079 тест сынамасы жасалыпты.
<blockquote>
 «Соңғы тәулікте 1079 тест сынамасы жасалды. Оның 781 – теріс мәнді болып шықты. Бесеуі оң нәтиже берді. Ал, 293 – әлі тексерілу үстінде. Бүгінде облысымызда 6177 тест сынамасының қоры қалды», – деді ол.
</blockquote>
Сондай-ақ, басқарма басшысы облысымызда бүгіннен бастап карантин талаптары жеңілдетілгенін мәлімдеді.
<blockquote>
 «Облысымызда бүгіннен бастап карантин талаптары босаңсыды. Қызылорда облысының Бас мемлекеттік санитариялық дәрігерінің №11 қаулысына сәйкес, кейбір мекемелердің жұмысы жанданып, қоғамдық көліктер белгілі бір уақыт аралығында жүруді бастады. Бұл – облыста тұрғындардың жүріп-тұруы артады деген сөз. Осыған орай, тұрғындар қарым-қатынас арқылы инфекцияның жұғуының алдын алу керек. Мысалы, қоғамдық көліктерде, дүкенде, көшеде арақашықтық сақтау, адамдардың шоғырлануын болдырмауға мән берген жөн. Сондай-ақ, тұрғындар үнемі бетперде тағып, антисептик қолдануы қажет», – деді Ж. Әбілқасымұлы.
</blockquote>
Айта кетейік, кеше Қызылорда облысында коронавирустық инфекцияға шалдыққан науқастардың саны&nbsp;<a href="https://kyzylorda-news.kz/densawlyq/qyzylorda-oblysynda-qawipti-indet-zhuqtyrghandar-sany-186-boldy-59176/">186 адамға жеткенін</a>&nbsp;хабарлаған болатынбыз.

COVID-19: Қызылордада пневмониямен ауырған тұрғыннан қауіпті індет анықталды

<a href="https://kyzylorda-news.kz/">Kyzylorda-news.kz.</a> Ұлыбританиядағы Кент университетінің вирусологы Джереми Россман (Jeremy Rossman) коронавирус адамдардың миына қалай әсер ететінін және неврологиялық симптомдарды тудыратынын ашты. Инфекцияның орталық жүйке жүйесіне қаупі туралы «The Conversation» басылымы жазады.
Ғалымның айтуынша, көп жағдайда COVID-19 – безгек, тамақтың ауыруын, жөтел, ал ауыр жағдайларда ентігу және респираторлық ауруларды тудыратын респираторлық инфекция. Коронавирус сондай-ақ құсу, диарея, жүрек жұмысының бұзылуы және қанның ұюы сияқты симптомдарды тудыра отырып, басқа да тіндерді зақымдауы мүмкін.
Сондай-ақ инфекция миды да зақымдайды. COVID-19 вирусына шалдыққан емделушілерде Гийен-Барре синдромының белең алуы да кездеседі. Мұндайда иммундық жүйе инфекцияға жауап бере отырып, перифериялық нервтердің жасушаларына қате шабуыл жасайды. Бұл алдымен бұлшықеттің әлсіреуіне, кейінірек сал ауруына әкеледі. Ал кейде коронавирус мидың қабынуы мен ісінуі бар ауыр энцефалит, сондай-ақ ми тіндеріндегі қан айналымының жіті бұзылуы (инсульт) тудырып отырған. Жалпы, әртүрлі ауырлықтағы неврологиялық симптомдар бас ауруына, бас айналуға, дәм мен иіс сезудің жоғалуына, құрысуға және галлюцинацияға шағымданатын пациенттердің 36 пайызында көрініс тапқан. Бұл көріністер көбінесе аурудың асқынған кезінде байқалған және сауыққаннан кейін де сақталып қалған.
SARS-CoV-2 қан және орталық жүйке жүйесін бөліп тұратын гематоэнцефалдық кедергіні еңсеруге және тікелей миды зақымдауға қабілетті. Неврологиялық симптомдар вирустың жүйке тіндеріне әсер етуінен немесе иммундық жүйенің шамадан тыс активтенуінен пайда болады. Инфекцияның миға енуінің тағы бір жолы мұрындағы иіс сезу нейрондары болуы мүмкін.
Миды тұмау, қызылша вирустары, респираторлық-синцитиалды вирустар және маусымдық коронавирустар, мысалы HCoV-OC43 сияқты вирустар зақымдауы мүмкін. Сонымен қатар инфекцияның орталық жүйке жүйесіне түсуі салыстырмалы түрде сирек кездесетіні айтылған.
<h4 id="baqkzhttpsbaqkznewsothernewskoronavirustymiaaterianytaldy"><a href="https://baq.kz/news/othernews/koronavirusty-mi-a-ateri-any-taldy/">BAQ.KZ</a></h4>

Коронавирустың миға қатері анықталды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекция жұқтырған тағы 4 науқас тіркелді.
28 сәуір 15:30-дағы&nbsp;мәлімет бойынша қауіпті індетке шалдыққан 4 науқастың барлығы – Қызылорда қаласынан.
Айта кетейік, осымен облыс бойынша коронавирустық инфекция жұқтырған науқастардың жалпы саны 186 адамға жетті.

Қызылорда облысында қауіпті індет жұқтырғандар саны 186 болды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 182 адамға жетті. Соңғы тәулікте анықталған 3 жағдайдың мән-жайы туралы бүгін облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте баяндады.
<blockquote>
 «Қазіргі таңда Қызылорда облысында коронавирустық инфекцияны жұқтырған 182 жағдай тіркелді. Соңғы тәулікте жаңадан 3 жағдай анықталды. Оның екеуі – Қызылорда қаласынан, біреуі – Қазалы ауданынан. Бұл науқастардың барлығы алдында анықталған науқастармен жақын қарым-қатынаста болып, карантиндік бақылауда болғандар. Қазалы ауданының тұрғыны Атырау облысында вахталық әдіспен жұмыс жасап келген. Сондай-ақ, соңғы тәулікте 11 науқас жазылып, отбасыларына оралды», – деді Жақсылық Абдусаметов.
</blockquote>
Оның айтуынша, COVID-19 індетін жұқтырған өңірдегі 182 науқаспен байланыста болғандардың жалпы саны – 2830.&nbsp;Оның ішінде, жақын қарым-қатынаста болғандар саны – 1495, потенциалды байланыста болғандар – 1335 адамды құрап отыр. Бүгінгі таңда барлығы бақылауға алынып, оқшауланған. Барлығының жағдайы қанағаттанарлық.
Сондай-ақ, бүгінгі таңда облысымыздағы жұқпалы аурулар ауруханасында – 72, правизорлық стационарда – 54, карантиндік стационарда – 452 адам бақылауда.
Бүгін Қызылорда облысында коронавирустық инфекцияның алғашқы жағдайы тіркелгеніне тура 1 ай болды. Брифингте басқарма басшысы осы 1 айдың ішіндегі ахуалға тоқталды.
Оның айтуынша, аймақтағы қауіпті індетті жұқтырған науқастардың жасы – 0 мен 87 жас аралығында. Күні бүгінге дейін облыста 93 ер адам, 89 әйел адам осы індетке шалдыққан.
<blockquote>
 «Қазіргі таңда өңірдегі 1 науқастың жағдайы ауыр. 10 науқастың жағдайы орташа ауырлықта. Ал, 171 науқастың жағдайы қанағаттанарлық деңгейде. Бүгінге дейін осы инфекцияны жұқтырған 182 науқастың 16 – студент, 18 – мектеп оқушылары, 22 – зейнеткер, 44 – жұмыс жасайтындар, 49 – жұмыссыз тұрғындар, 26 – медицина қызметкерлері, 7 – балалар. 26 медицина қызметкерлерінің 4-еуі – дәрігер, 14 – медбикелер», – деді ол.
</blockquote>
Сондай-ақ, бүгінге дейін правизорлық стационарда – 284, карантиндік стационарда – 1551 науқас ем қабылдаған. Облыста барлығы 245 – правизорлық, 920 – карантиндік төсек-орын дайындалған. Қазіргі таңда оның 50%-ы – бос тұрған көрінеді.
<blockquote>
 «Ұлттық сараптама орталығының облыстағы филиалында 3 сараптамалық ПТР, 1 жылжымалы ПТР аппараты жұмыс жасауда. Осы аппараттар арқылы тәулігіне 500 сынама тест жасауға мүмкіндік бар. Бір айдың ішінде облыста барлығы 9527 сынама тест жасалған», – деді Ж. Әбілқасымұлы.
</blockquote>
Айта кетейік, бүгін Қызылорда облысында коронавирустық инфекцияға шалдыққан науқастардың саны&nbsp;<a href="https://kyzylorda-news.kz/densawlyq/qyzylorda-oblysynda-qawipti-indet-zhuqtyrghandar-sany-182-boldy-58915/">182 адамға жеткенін</a>&nbsp;хабарлаған болатынбыз.

COVID-19: Қызылордада 1 айда 93 ер, 89 әйел адам қауіпті індетке шалдыққан

<a href="https://kyzylorda-news.kz/">Kyzylorda-news.kz</a>. Қызылорда облысында коронавирустық инфекциядан жазылған науқастардың саны 110 адамға жетті. Індеттен айыққандардың қатарына соңғы қосылған науқастар – Сырдария және Шиелі ауданының тұрғындары.
27 сәуір 17:05-тегі&nbsp;ақпарат бойынша Қызылорда облысында тағы 2 адам қауіпті індеттен жазылып шыққан. Олар – Сырдария және Шиелі аудандарынан.
Осылайша коронавирустық инфекциядан жазылғандар саны өңірде 110 адамға жетіп отыр.
Аталған науқастардан 2 реттен сынама тест алынып, бәрі теріс мәнді нәтиже көрсеткен.
Олар алдағы 14 күнде дәрігерлердің бақылауында болады.

Қызылордада қауіпті дерттен жазылған науқастар саны 110-ға жетті

<a href="https://kyzylorda-news.kz/">Kyzylorda-news.kz</a>. Қызылорда облысында коронавирустық инфекциядан жазылған науқастардың саны 108 адамға жетті. Індеттен айыққандардың қатарына соңғы қосылған науқастар – Қазалы, Сырдария және Шиелі ауданының тұрғындары.
27 сәуір 12:50-дегі&nbsp;ақпарат бойынша Қызылорда облысында тағы 9 адам қауіпті індеттен жазылып шыққан. Оның ішінде, Қазалыда – 1, Сырдария – 6, Шиеліде – 2 науқас қауіпті індеттен айыққан.
Осылайша коронавирустық инфекциядан жазылғандар саны өңірде 108 адамға жетіп отыр.
Аталған науқастардан 2 реттен сынама тест алынып, бәрі теріс мәнді нәтиже көрсеткен.
Олар алдағы 14 күнде дәрігерлердің бақылауында болады.

Қазақстан және Қызылорда облысының жаңалықтары: Денсаулық