<a href="https://kyzylorda-news.kz/">Kyzylorda-news.kz.</a> Қызылорда облысында коронавирус инфекциясын жұқтырғандар саны 260 болса, сауығып шыққандар саны – 216. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасының басшысы Жақсылық Абдусаметов мәлімдеді.
<blockquote>
 «Жаңадан 5 дерек тіркелді. Оның екеуі – Қазалы ауданынан. Олар Атырау облысынан келген вахталық әдіспен жұмыс істейтін қызметкерлердің арасынан анықталды. Ал үшеуі – Қызылорда қаласынан. Науқастардың барлығы індет жұқтырғандармен байланыста болған. Қазіргі таңда жағдайлары бірқалыпты, емдерін алуда», – деді Жақсылық Әбілқасымұлы.
</blockquote>
Сондай-ақ, індет жұқтырғандармен байланыста болған – 3582 азамат анықталды. Оның ішінде, 1990-ы жақын қарым-қатынаста, 1592-сі жанама байланыста болған.

Қызылордада коронавирус инфекциясын жұқтырғандар саны 260-қа жетті

<a href="https://kyzylorda-news.kz/">Kyzylorda-news.kz.</a> Күзде коронавирустың екінші толқыны келсе, карантиндік шаралар қабылдануы мүмкін. Бұл туралы ҚР Денсаулық сақтау вице-министрі Людмила Бюрабекова мәлім етті, деп хабарлайды <a href="https://lenta.inform.kz/kz/vice-ministr-kuzde-de-karantindik-sharalar-kabyldanuy-mumkin_a3651662">ҚазАқпарат.</a>
Онлайн тәртіпте өткен баспасөз мәслихатында күзде коронавирустың екінші толқыны болатындығы туралы пікірлерге қатысты сұрақ қойылды. Бұл тұрғыда кәсіпорындардың жұмысына шектеу енгізу мүмкіндігі жайында сұралды.
<blockquote>
 «Шынымен де күзде біз екінші толқыны келуі мүмкін екенін жоққа шығармаймыз. Алайда күзде қабылданатын шаралар жағдайға қарай іске асырылады, яғни сол кездегі эпидемиологиялық ахуал назарға алынады. Күзде қандай да бір карантиндік шаралар қабылдануы мүмкін, бұл қадамдар індеттің таралуы қаупіне байланысты болады», – деді вице-министр.
</blockquote>
Бұдан бұрын хабарланғандай, ҚР ДСМ Қоғамдық денсаулық сақтау ұлттық орталығы директоры Дамир Көбжасаров коронавирустың екінші толқыны қай кезде келуі мүмкін екенін&nbsp;<a href="https://www.inform.kz/kz/koronavirustyn-ekinshi-tolkyny-kuzde-kelui-mumkin_a3647535">айтты</a>.
<blockquote>
 «Індет жұқтыру көрсеткіштері артуының екінші кезеңі күз мерзімінің екінші бөлігіне келуі мүмкін. Ел халқы вирустың бар екенін ұмытпауы керек. Бұл індет барша әлемде толықтай жойылмады. Кейбір адамдарда бұл ауру ешбір белгілерсіз болады, кейіннен бұл инфекция ағзасы індетке сезімтал кісілерге жұғуы мүмкін», – деді Д. Көбжасаров онлайн тәртіпте өткен брифингте.
</blockquote>

Вице-министр: Күзде де карантиндік шаралар қабылдануы мүмкін

<a href="https://kyzylorda-news.kz/">Kyzylorda-news.kz.</a> Полимеразды тізбекті реакция әдісімен COVID-19 тестінен кімдер тегін өте алады? Осы сауалға «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов жауап берді.
<blockquote>
 «Егер сіз емханаға, ауруханаға ЖРВИ (жіті респираторлық вирустық инфекция), пневмония, тұмау белгілерімен жүгінсеңіз, онда ТМККК (тегін медициналық көмектің кепілдік берілген көлемі) шеңберінде ИФТ (иммуноферменттік талдау) жедел тестілеу, ПТР (полимеразды тізбекті реакция) әдісімен COVID-19 тестілеу тегін жүргізіледі. Мұндай шарттар тыныс белгілері бар медицина қызметкерлері үшін де қарастырылған», – деді Бақыт Исмаханбетов.
</blockquote>
Халықтың келесі санаттары тегін тестіленеді:
<ul>
<li>COVID-19-ға күдікті провизорлық стационарға жатқызылғандар;</li>
<li>ЖРВИ және пневмония белгілері бар азаматтар;</li>
<li>COVID-19 науқастарымен тығыз байланыста болған адамдар;</li>
<li>стационарға жоспарлы емдеуге жатқызу кезіндегі науқастар;</li>
<li>тыныс алу органдарының, эндокриндік және жүрек-қантамыр жүйелерінің ауруларымен динамикалық бақылаудағы 50 жастан асқан пациенттер;</li>
<li>шетелден келген адамдар;</li>
<li>коронавирустың таралуын болдырмау жөніндегі іс-шараларға тартылған ІІМ қызметкерлері;</li>
<li>жүкті әйелдер т. б.</li>
</ul>
Сонымен қатар, Қорда ҚР Денсаулық сақтау министрлігі Тауарлар мен қызметтердің сапасы мен қауіпсіздігін бақылау комитетінің «Ұлттық сараптама орталығы» эпидемияға қарсы іс-шаралар шеңберінде келесі санаттағы азаматтар үшін ПТР-зерттеулер жүргізетінін хабарлады:
<ul>
<li>үй карантиніндегі байланыста болған тұлғалар;</li>
<li>арнайы контингент (тыныс белгілері бар және жұқтыру қаупі жоғары медицина қызметкерлері; эпидемияға қарсы іс-шараларға қатысатын мемлекеттік органдардың қызметкерлері; қарттар үйлеріндегі, интернаттық және өзге де мамандандырылған ұйымдардағы адамдар);</li>
<li>әскерге шақырылушылар және т.б.</li>
</ul>
Бір тесттің бағасы шамамен 11,5 мың теңгені құрайды. Жалпы, қызылордалықтарды ПТР арқылы коронавирусқа жаппай тексеру үшін республикалық бюджеттен 213,2 млн теңге бөлінді. Оның 60,2 млн теңгесі ауруханаларға жіберілген, 153 млн теңгесі емханаларға қарастырылған. Бүгінгі таңда Әлеуметтік медициналық сақтандыру қорының Қызылорда облысы бойынша филиалы 22 медициналық ұйыммен тест өткізу туралы келісімге қол жеткізді.
Бақыт Исмаханбетовтың айтуынша, аймаққа қатерлі індетпен күреске шамамен 2 млрд теңге бөлінді.

COVID-19 тестін кімдер тегін тапсыра алады?

<a href="https://kyzylorda-news.kz/">Kyzylorda-news.kz.</a> Дүйім дүниені дүрліктірген «коронавирус» бүгінгі күні әлемдік деңгейдегі ең өзекті мәселеге айналып отыр.
Ауру қоздырғышы – вирус. Табиғатта ауру тудыратын микроорганизмдер өте көп: бактериялар, коккалар, бациллалар, рикетсиялар, хламидиялар, саңырауқұлақтар, микоплазмалар, вирустар деп тізбектеліп кете береді. Бұлардың ішіндегі ең күрделілерінің біріне вирустар жатады.
Вирустар микроорганизмдердің басқа түрлеріне қарағанда өте күрделілігімен, зардаптылығымен және тез жұққыштығымен ерекшеленеді. Адамзат тарихындағы жүздеген, мыңдаған емес, тіпті миллиондаған адамды өлімге ұшыратқан эпидемиялық, пандемиялық жағдайлар осы вирустардың әсерінен болған.
Егер ауру бір елдің едәуір бөлігін қамтыса оны «эпидемия» дейді де, егер бұл құбылыс бірнеше елдерді қамтитын континенттік деңгейге дейін жетсе «пандемия» деп аталады. Тарихтағы пандемия деректеріне қарасақ, адам денсаулығымен байланысты пандемиялар 11-12 ғасырда, содан кейін 14 ғасырда тіркелген. Содан соң 19 тырысқақ пандемиясы, 20 ғасырдың басында испан тұмауы, 21 ғасырдың басында құс тұмауы тарады.
COVID-19 коронавирус инфекциясы деп аталатын жаңа коронавирус алғаш рет 2019 жылы белгілі болды. Бастапқыда онымен Қытайдағы Ухань қаласындағы балық базарына барған адамдар ауырды, олар жануарлардан жұқтырды деген болжам бар. 2020 жылы ақпанда дәрігерлер вирустың адамнан адамға жұғатынын дәлелдеді.
Негізгі жұғу жолы ауа-тамшылары арқылы, яғни адам жөтелгенде, түшкіргенде, сөйлегенде жұғады. Аурудың белгілері өкпе қабынуының және жедел респираторлық синдромның ауыр түрінің белгілеріне ұқсас келеді. Ауырған адамда құрғақ жөтел пайда болады, мұрыннан су ағады, тамағы жыбырлайды, температура 380 С және одан да жоғары болады, тыныс алу қиын­д­ап, ауа жетпей қалады, адамның көкі­рек тұсы, басы ауырады, еттерде ауыр­сыну белгілері пайда болады.
Аурудың біліне қоймайтын инкубация кезеңі 6-14 күнді құрайды.
Ауруды анықтау үшін ең нәтижелі әрі жылдам қойылатын диагноз әдісі – молекулярлық-генетикалық құбылысқа негізделген полимеразды тізбекті реакция (ПЦР). Оған сынама ретінде тамақ мен мұрыннан алынатын жұғынды қол­данады. Бұл әдіс арқылы диагноз қорытындысын бір күннің ішінде алуға болады.
Дүниежүзілік денсаулық сақтау ұйымының хаттамасы бо­йын­­ша науқас толық оқшауланады да, ауру­­дың ауыр, жеңілдігіне, індетті құбы­лыс­тың өту ерекшелігіне байланыс­ты жалпы вирусқа қарсы емдік шаралары жүргізіледі.
Індеттен қорғанудың қарапайым әдіс­теріне мыналар жатады: қолды сабындап жуу, соңынан құрамында спирті бар антисептиктермен сүрту, жөтелгенде немесе түшкіргенде ауыз бен мұрынды орамалмен жауып тұру, тұмау және суық тию белгісі бар адамдармен байланысты шектеу, жұмыртқа және ет өнімдерін мұқият термиялық өңдеуден кейін қолдану, жабайы аңдарға жақындамау және т.б.
Жаһанды жайлаған бұл кесірлі кесел біздің өңірімізді де айналып өткен жоқ. 28 наурыз күні алғашқы науқас тіркелсе, 18.05.2020 жылғы мәлімет бойынша індет жұқтырғандар саны 248-ге жетті. Оның ішінде 10,5% – 14 жасқа дейінгі балалар арасында, 5% 15-19 жас аралығындағы жасөспірімдер, қалған жағдайлар ересектер арасында тіркелді. 18.05.2020 жылғы жағдай бойынша облыста 128 ошақ анықталып отыр. Ауруға шалдығудың соңғы жеті күндегі өсімі 7 пайыздан аспайды.
Аурудың және оның таралуының алдын алу үшін Қызылорда облысының Бас мемлекеттік санитариялық дәрігерінің қаулыларымен облыс көлемінде енгізілген карантиндік шектеу шаралары өзінің оң нәтижесін берді. Бұл шектеулер санитарлық және медициналық қызметтердің жұмыс ауыртпалығын азайтып, науқас адамдармен қарым-қатынасты болдырмауға, ауруды шоғырландырып, оның таралу тізбегін тоқтатуға мүмкіндік береді.
Егер наурызда тек инфекцияға шалдыққан науқаспен байланыста болған адамдар мен сырттан келгендер лабораториялық тексеруден өткізілсе, сәуірде профилактикалық тестілеуге көштік. Профилактикалық тестілеудің мақсаты – ауру тасымалдаушыларды ерте анықтау. Егер осындай профилактикалық тестілеу жүргізілмесе, індет жұқтырғандармен байланыста болғандар саны артып, коронавирусқа шалдыққандар санының өсуі әбден мүмкін еді.
Елімізде төтенше жағдайдың аяқталғанына қарамастан, қауіп әлі де сейілмегенін атап өту керек. Бар тәуекелдерді бағаламау қателік болады.
Сондықтан сақтық шаралары күшейтілуі керек: үй-жайларда температуралық режимнің оңтайлы параметрлерінің сақталуын бақылап, жұмыс үй-жайларын тұрақты (әрбір 2 сағат) желдетіп тұруға кеңес береміз.Үйде, жұмыс орындарында есік тұтқаларын, ажыратқыштарды, жұмыскерлердің үстелдері мен орындықтарын, кеңсе техникасы, көпшілік пайдаланатын орындарды (тамақ ішетін, демалатын бөлмелер, дәретхана бөлмелері, спортпен айналысуға арналған бөлмелер мен жабдықтар және т. б.) дезинфециялауға баса назар аудара отырып, үй-жайларды дезинфекциялау құралдарын қолдану арқылы сапалы жинауды, барлық үй-жайларда әр 2 сағат сайын өңдеу жүргізілуі тиіс.
Тұрмыстық қатты қалдықтар жинайтын орын және оның аймағын таза ұстауды, уақытылы қалдықтарды шығарып отыру қамтамасыз етілуі керек.Адам көп шоғырланатын орындарда 1,5 метр қашықтықты, бетперде кию ережелерін сақтауды ұмытпаған жөн. Қоғамдық көліктерде әр рейс сайын санитариялық-дезинфекциялық шаралар жүруі тиіс. Қол жуу ережелері, жеке бас гигиенасы сақталуы керек және жолаушыларды көліктегі орын санынан артық алмауды жүйелендіру керек.
Ә. ИДРИСОВА,
Инфекциялық және паразиттік ауруларды
эпидемиологиялық қадағалау бөлімінің басшысы

COVID-19: Коронавирус инфекциясының профилактикасы туралы не білеміз?

<a href="https://kyzylorda-news.kz/">Kyzylorda-news.kz.</a> «Әлеуметтік медициналық сақтандыру қоры» КЕ АҚ Қызылорда облысы бойынша филиалының директоры Бақыт Исмаханбетовтың айтуынша, ағымдағы жылдың сәуір – тамыз айларында COVID-19 коронавирусының таралуының алдын алу және инфекция жұқтырған науқастарды емдеуге өңірге 291,7 млн. теңге бөлінді.
Сондай-ақ, осы кезеңде эпидемияға қарсы шараларға тартылған медициналық немесе медициналық емес ұйымдардың қызметкерлеріне 1 555,4 млн. теңгеден астам үстемеақы қарастырылған. Жалпы, Қызылорда облысына қатерлі індетпен күреске шамамен 2 млрд. теңге бөлінді.
Еске салайық, Мемлекет басшысы індетпен күрес жүргізетін медицина қызметкерлерін қолдау міндетін жүктеді. Үкімет қазақстандық дәрігерлер үшін төлем мөлшерін бекітті. Қаулыға сәйкес, эпидемияға қарсы іс-шараларға тартылған медицина қызметкерлері 212 мыңнан 850 мың теңгеге дейін қарастырылған.
Қауіптілігі аса жоғары – жансақтау бөлімшелерін қоса алғанда, инфекциялық стационар дәрігерлері, орта және кіші медицина қызметкерлері. Үстемеақы 20 ең төменгі жалақыны құрайды (жалақының ең төменгi мөлшерi – 850 мың теңге).
Қауіптілігі жоғары – провизорлық стационарлар мен жедел жәрдем дәрігерлері, орта және кіші медицина қызметкерлері. Үстемеақы 10 ең төменгі жалақы – 425 мың теңге.
Қауіптілігі орташа – карантиндік стационар дәрігерлері, орта және кіші медицина қызметкерлері, санитарлық дәрігерлер (мемлекеттік қызметкерлер), жедел жәрдем жүргізушілері және т.б. Үстемеақы 5 ең төменгі жалақы немесе 212,5 мың теңгені құрайды.

Қызылорда облысы медицина қызметкерлерінің еңбекақысына бір жарым миллиард теңгеден астам үстемеақы бөлінді

<a href="https://kyzylorda-news.kz/">Kyzylorda-news.kz.</a> Қызылорда облысында облыстық көпбейінді аурухана қызметкеріне коронавирус инфекциясы диагнозы қойылды. Бұл туралы Өңірлік коммуникациялар орталығында Қызылорда облыстық денсаулық сақтау басқармасының басшысы Жақсылық Абдусаметов мәлімдеді.
Өңірде бүгінгі күнге вирус жұқтырғандар саны 246 болса, 205 адам емделіп шықты.
<blockquote>
 «Коронавирус инфекциясымен 1 науқас анықталды. Ол облыстық көпбейінді аурухананың фильтр кабинетінің қызметкері. Облыс бойынша қазіргі таңда індет жұқтырғандардың 50-і медицина қызметкері. Жалпы соңғы тәулікте 12 науқас емделіп шығып, есеп 200-ден асты. Оның ішінде 34-і медицина саласының қызметкері», – деді Жақсылық Абдусаметов.
</blockquote>
Коронавирус инфекциясы анықталған азаматтармен байланыста болған – 3 343 азамат, оның тікелей қарым-қатынаста болғаны – 1 869, жанама қарым-қатынаста болғаны – 1 474 азамат. Облыс бойынша барлығы 560 сынама алынды. Нәтижесінде 559-ы теріс мәнді, 1-уі оң мәнді. Айта кетерлігі, Қызылордада бүгіннен бастап базарлар ашылады.

Қызылордадағы аурухана қызметкерінен коронавирус табылды

<a href="https://kyzylorda-news.kz/">Kyzylorda-news.kz.</a> Қазақстанда тағы 76 адам коронавирустан емделіп шықты, деп хабарлайды coronavirus2020.kz сайты.
Нұр-Сұлтан қаласы – 4, Алматы қаласы – 25, Шымкент қаласы – 3, Батыс Қазақстан облысы – 18, Атырау облысы – 7, Қостанай облысы – 5, Маңғыстау облысы – 3, Павлодар облысы – 5, Ақтөбе облысы – 6.
Қазақстан бойынша жазылғандар саны – 3056:
Нұр-Сұлтан қаласы – 582
Алматы қаласы – 743
Шымкент қаласы – 183
Ақмола облысы – 96
Ақтөбе облысы – 147
Алматы облысы – 126
Атырау облысы – 160
Шығыс Қазақстан облысы – 24
Жамбыл облысы – 123
Батыс Қазақстан облысы – 155
Қарағанды облысы – 146
Қостанай облысы – 45
Қызылорда облысы – 200
Маңғыстау облысы – 43
Павлодар облысы – 124
Солтүстік Қазақстан облысы – 29
Түркістан облысы – 130

Қазақстанда коронавирустан жазылып шыққандар саны 3 мыңнан асты

<a href="https://kyzylorda-news.kz/">Kyzylorda-news.kz.</a> Бүгінгі таңда облыс бойынша вирус жұқтырған 246 науқас. Барлығы бақылауда. Ал емделіп шыққан адам 200-ге жетті. Бұл туралы Өңірлік коммуникациялар қызметінің ақпарат алаңында өткен брифингте облыстық денсаулық сақтау басқармасының басшысы Жақсылық Абдусаметов мәлімдеді.
<blockquote>
 “Коронавирус инфекциясымен 1 науқас анықталды. Ол облыстық көпбейінді аурухананың фильтр кабинетінің қызметкері. Облыс бойынша қазіргі таңда індет жұқтырғандардың 50-і медицина қызметкері. Жалпы соңғы тәулікте 12 науқас емделіп шығып, есеп 200-ге жетті. Оның ішінде 34-і медицина саласының қызметкері”, – деді бас дәрігер.
</blockquote>
Коронавирус инфекциясы анықталған азаматтармен байланыста болған – 3343 азамат, оның тікелей қарым-қатынаста болғаны –1869, жанама қарым-қатынаста болғаны – 1474 азамат.
Облыс бойынша 16 мамыр күні барлығы 560 сынама алынды. Нәтижесінде 559-ы теріс мәнді, 1-уі оң мәнді. Қалдық текст-3464.

COVID-19: Қызылордада соңғы тәулікте 1 науқас тіркелді

<a href="https://kyzylorda-news.kz/">Kyzylorda-newd.kz.</a> Қызылорда облысының тағы бір тұрғыны “Covid-19” – дан емделді. Осылайша, өңірде коронавирус індетінен емделушілер саны 200 адамға жетті.
Облыстық денсаулық сақтау басқармасы хабарлағандай, емдеу курсы аяқталғаннан кейін екі сынама да теріс нәтиже көрсеткен.
Коронавирусты жеңген Жаңақорған ауданының тұрғыны жұқпалы аурулар ауруханасынан үйіне шығарылған.
Бүгінгі күні облыста індеттен айығып шыққандар: Қызылорда қаласы – 64; Арал ауданы – 4; Қазалы ауданы – 3; Қармақшы ауданы – 5, Сырдария ауданы – 26, Шиелі ауданы – 66, Жаңақорған ауданы – 32.

200 қызылордалық коронавирус инфекциясын жеңді

<a href="https://kyzylorda-news.kz/">Kyzylorda-news.kz.</a> Соңғы тәулікте облыс бойынша коронавирус инфекциясымен анықталған 13 науқас тіркелді. Қазіргі кезде індет жұқтырғандар 245-ке жетті. Бұл туралы Өңірлік коммуникациялар қызметінің ақпарат алаңында өткен брифингте облыс әкімінің орынбасары Наурызбай Байқадамов мәлімдеді.
<blockquote>
 “Бүгін коронавирус инфекциясымен 13 адам анықталды. Оның 2-уі Қызылорда қаласы, 2-уі Арал, 2-уі Қазалы, 2-уі Шиелі, 3-уі Жаңақорған, 2-уі Қармашы ауданынан. Бұл анықталған азаматтардың барлығы Атырау облысында мұнай-газ саласында жұмыс істейтін облысымыздың тұрғындары. Бүгінгі таңда барлығының жағдайы бақылау барысында бірқалыпты”, – деді Наурызбай Байқадамов.
</blockquote>
Облыс әкімінің орынбасары өз сөзінде сақтық шараларын қатаң сақтауға шақырды. Сонымен қатар, сырт өңірлерден әртүрлі жолдармен келген азаматтар болса, жергілікті медициналық мекемеге хабарласуын сұраймыз.

Қызылордада коронавирус індетін жұқтырған тағы 8 науқас тіркелді

<a href="https://kyzylorda-news.kz/">Kyzylorda-news.kz.</a> Бүгін, яғни 15.05.2020 ж. сағат 13:00 уақыты бойынша аймағымызда коронавирус індетінен тағы 5 науқас емделіп шықты.
Емделушілердің емі толық аяқталған соң, 2 рет тест сынамасы алынды. Сынама нәтижесі теріс көрсеткіш көрсетуіне орай, яғни науқастар “Covid-19” вирусынан айығуына байланысты ауруханадан үйлеріне қайтарылды.
Індетті жеңген 5 науқас Қызылорда қаласынан емделіп шықты.
Емделушілер алдағы уақытта 14 күн бойы аймақтық дәрігерлер бақылауында болады.
Осы күнге дейін өңірімізде індеттен айығып шыққандар саны – 188. 
(Кызылорда қаласы – 53, Арал ауданы – 4, Қазалы ауданы – 3, Қармақшы ауданы – 5, Сырдария ауданы – 26, Шиелі ауданы – 66, Жанакорған ауданы – 31).

Қызылорда облысында коронавирустан 188 науқас айықты

<a href="https://kyzylorda-news.kz/">Kyzylorda-news.kz.</a> Қызылорда облысында коронавирус инфекциясын жұқтырғандар саны 237-ні құрап отыр. Бүгінге дейін сауығып шыққандар саны -183. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасының басшысы Жақсылық Абдусаметов мәлімдеді.
<blockquote>
 «Жаңадан анықталған 5 жағдай, барлығы да Атыраудан вахталық әдісмен жұмыс жасайтындар. Таратып айтар болсақ, 1-уі қызылорда қаласынан, 1-уі Жаңақорған, 1-уі Шиелі, 1-уі Арал, 1-уі Қазалы аудандарынан. Соңғы тәулікте барлығы 722 зертханалық сынама алынса, оның 462 сынамасы теріс мәнді болды. 5 сынама оң мәнді. Қалдық тест – 3850. Облыс бойынша эпидемиологиялық маусым басталғалы 21 259 сынама алынған», – деді Жақсылық Әбілқасымұлы.
</blockquote>
Сондай-ақ, коронавирус инфекциясын жұқтырғандармен байланыста болған– 3278 азамат анықталды. Оның ішінде, 1806-і жақын қарым-қатынаста, 1472-сі жанама байланыста болған.
Құрметті облыс тұрғындары, облысымызға сырт өңірлерден немесе өзге республикадан келген азаматтар болса, жергілікті емханаларға ескертіп, денсаулығы жөнінде қанда да бір мәліметтер берулерін сұраймыз. Сонымен бірге, тымау немесе суықтау сияқты белгілер болған жағдайда да емхана қызметкерлеріне хабарласауды ұымытпаңыздар. Бұл шаралардың барлығы, инфекциядан алдын ала сақтануға алып келеді.

Қазақстан және Қызылорда облысының жаңалықтары: Денсаулық