<a href="https://kyzylorda-news.kz/date/2020/09/10/">Kyzylorda-news.kz.</a> Денсаулық сақтау министрі Алексей Цой қашықтан білім беру форматын қай уақытқа дейін созылатынын айтты, деп хабарлайды&nbsp;<a href="https://sputniknews.kz/">Sputnik Қазақстан</a>.
<blockquote>
 “Қазіргі кезде ЖРВИ-ге коронавирус қосылып кетеді деген қауіп бар. Ал 15 қыркүйек пен 15 қазан аралығында тұмауға қарсы вакцинация жүреді. Осылайша, әлеуметтік осал топтарды және&nbsp; балаларды тұмаудан қорғай аламыз. Ал, ең бастысы, тұмауға коронавирустың қосылуына жол бермейміз”, – деді Цой орталық коммуникациялар қызметінде өткен онлайн брифингте.
</blockquote>
Министрдің айтуынша, жаңа оқу жылы басталғалы бері коронавирустық инфекцияның инкубациялық кезеңі, яғни 14 күн де өткен жоқ. Оған қоса, ЖРВИ пен тұмау маусымы жақындап келеді. Сол себепті бірінші тоқсанда қашықтан оқыту форматын сақтауға қатысты ұсыныс бар.&nbsp;
<blockquote>
 “Біз бірінші тоқсанды осы форматта сақтауды ұсынып отырмыз. Одан кейін ұжымдарда ауруды жұқтыруы көрсеткішіне қарай осы мәселені ведомствоаралық комиссияның қарауына шығарып, тағы қосымша қарайтын боламыз”, – деп атап көрсетті Цой.
</blockquote>
Оның сөзіне қарағанда, негізгі мақсат – коронавирустық инфекцияның екінші толқынына жол бермеу. Қашықтан оқыту шарасы да осы мақсатта қолға алынды.&nbsp;
<blockquote>
 “Қазіргі кезде біз жеңілдету шараларын қарастырып жатырмыз. Бірақ бұның бәрі кезең-кезеңімен жасалатын болады”, – дейді Цой.
</blockquote>

Денсаулық министрі қашықтан білім беру қай уақытқа дейін созылатынын айтты

[Kyzylorda-news.kz.](http://Халықтың әлеуметтік осал топтары мемлекет есебінен, МӘМС аясында медициналық көмек ала алады.Сіз үйден шықпай-ақ, жарнадан босатылған 15 санаттарға жататын болсаңыз, Qoldau 24/7 қосымшасын қолдана отырып, уақытша сақтандыру мәртебесін ала аласыз (кейбір санаттағы азаматтардың мәртебесі сақтандырылмаған жағдайда), немесе емханаға келіп 1 ғимараттың 125 кабинетінде жауапты маман кеңесі арқылы жолдауға мүмкіндік жасалған. Бұл қосымша Android және iOS платформаларында қол жетімді және қолданыста өте қарапайым. Qoldau 24/7 қосымшасы көмегімен уақытша сақтандыру мәртебесін алудың толық нұсқаулығын ұсынамыз. · Qoldau 24/7 мобильді қосымшасын AppStore немесе Play Market-тен жүктеп, орнатыңыз; · Жүйеге тіркеліңіз: электрондық пошта мекенжайын, тегін, атын және байланыс телефонын енгізу; · Тіркеліп, жүйеге кіргеннен кейін төменгі оң жақ бұрыштағы «Бізге жазыңыз» түймесін басыңыз; · «Өтініш құру»нысанында «Кеңес алу» санатын таңдаңыз; · Әрі қарай, тұратын аймақты таңдаңыз; · «Өтініш мәтіні»өрісінде жеңілдік санатын және ЖСН көрсетуді ұмытпаңыз; · Растайтын құжаттың фотосыннемесе сканерленген түрін тіркеңіз. «Файл тіркеу» түймесін басып, галереядан құжатты таңдаңыз немесе суретке түсіріңіз; · «Өтінішті жіберу» түймесін басыңыз; Құжат дұрыс толтырылған жағдайда, «Өтініш сәтті құрылды! Терезені жабу үшін басыңыз» жазбалары шығады. Барлық талаптар дұрыс орындалған жағдайда, 30 минут ішінде МӘМС жүйесіндегі мәртебеңіз жаңартылады.) Халықтың әлеуметтік осал топтары мемлекет есебінен, МӘМС аясында медициналық көмек ала алады. Сіз үйден шықпай-ақ, жарнадан босатылған 15 санаттарға жататын болсаңыз, Qoldau 24/7 қосымшасын қолдана отырып, уақытша сақтандыру мәртебесін ала аласыз (кейбір санаттағы азаматтардың мәртебесі сақтандырылмаған жағдайда), немесе емханаға келіп 1 ғимараттың 125 кабинетінде жауапты маман кеңесі арқылы жолдауға мүмкіндік жасалған.
Бұл қосымша Android және iOS платформаларында қол жетімді және қолданыста өте қарапайым. Qoldau 24/7 қосымшасы көмегімен уақытша сақтандыру мәртебесін алудың толық нұсқаулығын ұсынамыз.
· Qoldau 24/7 мобильді қосымшасын AppStore немесе Play Market-тен жүктеп, орнатыңыз;
· Жүйеге тіркеліңіз: электрондық пошта мекенжайын, тегін, атын және байланыс телефонын енгізу; 
· Тіркеліп, жүйеге кіргеннен кейін төменгі оң жақ бұрыштағы «Бізге жазыңыз» түймесін басыңыз;
· «Өтініш құру»нысанында «Кеңес алу» санатын таңдаңыз;
· Әрі қарай, тұратын аймақты таңдаңыз;
· «Өтініш мәтіні»өрісінде жеңілдік санатын және ЖСН көрсетуді ұмытпаңыз;
· Растайтын құжаттың фотосыннемесе сканерленген түрін тіркеңіз. «Файл тіркеу» түймесін басып, галереядан құжатты таңдаңыз немесе суретке түсіріңіз;
· «Өтінішті жіберу» түймесін басыңыз;
Құжат дұрыс толтырылған жағдайда, «Өтініш сәтті құрылды! Терезені жабу үшін басыңыз» жазбалары шығады. Барлық талаптар дұрыс орындалған жағдайда, 30 минут ішінде МӘМС жүйесіндегі мәртебеңіз жаңартылады.

Qoldau 24/7 арқылы уақытша сақтандыру мәртебесін қалай алуға болады?

<a href="https://kyzylorda-news.kz/date/2020/09/09/">Kyzylorda-news.kz.</a> Қазақстанда коронавирустың таралуы тұрақтанғанымен, басқа елдерде инфекция қайта өршіді. Бұл туралы денсаулық сақтау министрі Алексей Цой мәлім етті, деп хабарлайды&nbsp;<a href="https://stan.kz/">Stan.kz</a>&nbsp;ақпарат агенттігі.&nbsp;
Министр қазіргі таңда коронавирус қайта өршіп, қиын жағдайда қалған мемлекеттер тізімімен бөлісті. Қауіпті елдердегі жағдай Қазақстаннан бес есеге жоғары.&nbsp;
<blockquote>
 “Еліміздегі жағдайдың бір қалыпқа келгені байқалды. Еуропа мен Азияның бірқатар елдерінде коронавирустық инфекцияның кең таралуы байқалуда. Мәселен Италия, Австрия, Германия, Оңтүстік Корея мен Түркияда өсім байқалды”, – дейді Цой.
</blockquote>
Министр коронавирустың кең таралуын болдырмау үшін халықты тағы да сақтық шараларын сақтауға шақырды.&nbsp;
<blockquote>
 “ТМД елдеріндегі вирус таралуының орташа көрсеткіші Қазақстаға қарағанда бес есе көп. Қазіргі таңда коронавирустық инфекциясымен&nbsp;күресудің нәтижелі болуы&nbsp;адамдардың сақтық ережелерін сақтауымен тығыз байланысты. ДДСҰ-ның бас директоры Тедрос Аданом Гебреисус мәлімдегендей, бұл соңғы пандемия емес”, – дейді министр.
</blockquote>

&#8220;Бұл соңғы пандемия емес&#8221;: Цой Еуропа мен Азияда коронавирус тағы өршігенін жеткізді

<a href="https://kyzylorda-news.kz/date/2020/09/08/">Kyzylorda-news.kz.</a> Қызылорда облысына жұмыс сапарымен келген ҚР Парламенті Сенатының депутаты А.Әлназарова мен ҚР Денсаулық сақтау вице-министрі А.Гиният 3 қалалық емханаға ат басын бұрды.
Меймандар мұнда патронаждық қызметтің жұмыс барысымен танысты.
Патронаждық қызмет емханада 2016 жылдан бастап жұмыс істеп келеді. Әмбебап прогрессивті модель бойынша дені сау балаларға және жүктіліктің 12-32–ші аптасындағы дені сау әйелдерге патронаж жасалынады. Патронаж жасаудағы мақсат-сол отбасындағы сәбидің, жүкті әйелдің&nbsp;психологиялық, эмоционалды, әлеуметтік және медициналық тұрғыда саулығын қорғау. Егер осы мәселелерге байланысты сол үйде қандайда да бір шағым туындайтын болса соны шешуге атсалысу. Патронаж қызметінің аға медбикесі Ақмарал Исамбекова мәртебелі меймандарға жұмыс барысын баяндады.
Вице-министр сонымен қатар потранаждық медбикенің көмек көрсету сөмкесіндегі алғашқы көмек көрсетуге жалпы бала мен әйелге жасалатын көмекке керекті медициналық жабдықтармен танысты.
Халық қалаулысы А.Әлназарова мен ҚР Денсаулық сақтау вице-министрі А.Гиният мұнан соң, жалпы тәжірибелік бөлім жұмысымен танысты. Қауіпті індетпен күресті бәсеңдетпей, тұрғындарға түсіндірме жұмыстарын жиі өткізу қажеттігін алға тартты.
Айта кетейік, емханада барлығы 3 жалпы тәжірибелік дәрігерлік бөлімше жұмыс істейді.
<img src="https://kyzylorda-news.kz/wp-content/uploads/2020/09/119054420_777977423038606_939641834774888191_n.jpg" alt="" />
<img src="https://kyzylorda-news.kz/wp-content/uploads/2020/09/119081112_777977519705263_1212061029800337007_n.jpg" alt="" />
<img src="https://kyzylorda-news.kz/wp-content/uploads/2020/09/119042910_777977696371912_3832043917467281139_n.jpg" alt="" />

ҚР Денсаулық сақтау вице-министрі емхана жұмысымен танысты

<a href="https://kyzylorda-news.kz/date/2020/09/08/">Kyzylorda-news.kz.</a> Дүниежүзілік денсаулық сақтау ұйымының (ДДСҰ) басшысы Тедрос Гебрейесус коронавирус пандемиясымен бәрі бітпейтінін, оның тағы бір жаңа түріне алдын ала дайындалу керегін айтты.
<blockquote>
 «Бұл – соңғы пандемия емес. Тарих бізге аурудың өршуі мен пандемия, шын мәнінде, өміріміздің бір бөлшегі екенін көрсетіп беріп отыр. Сондықтан келесі пандемия келгенде, әлем оған осы уақыттағыдан гөрі әлдеқайда дайын болуы керек», – деді Гебрейесус.
</blockquote>
Оның пайымдауынша, COVID-19 пандемиясы әлем халқына сабақ болды.
«Денсаулық сақтау жүйесі – әлеуметтік, экономикалық және саяси тұрақтылықтың негізі», – деді Гебрейесус.
Осыған байланысты Гебрейесус аурудың алдын алу, анықтау, сондай-ақ халықтың денсаулығына, әсіресе, алғашқы медициналық-санитарлық көмекке алдын ала инвестиция салуға шақырды. Мысал ретінде ДДСҰ басшысы Таиландтың денсаулық сақтау саласын дамытуға бағыттап жатқан күш-жігерін, сондай-ақ Италия қабылдаған шешімдерді келтірді. Шұғыл қабылданған шешімдер COVID-19-ды ауыздықтауға мүмкіндік берген.
<a href="https://kaz.zakon.kz/">Zakon.kz.</a>

ДДСҰ жаңа пандемияға дайын болуға шақырды

<a href="https://kyzylorda-news.kz/">Kyzylorda-news.kz.</a> ҚР Парламенті Сенатының депутаты &nbsp;Ақмарал Әлназарова мен ҚР Денсаулық сақтау вице-министрі Гиният Ажар жұмыс сапарымен Қызылорда облысына келді.
Жұмыс сапарын Жалағаш ауданынан бастаған меймандар аудандағы аурухана құрылысымен және аудандық емхананың&nbsp;күзгі дайындығымен танысты.
Аудандық аурухананың бас дәрігері Баян Бурамбаева Жалағаш аудандық ауруханасының эпидемияға қарсы іс-шаралардың іске асырылу барысы туралы баяндады. 
Жалағашта коронавирус инфекциясына қарсы күреске барлығы 182 қызметкер, оның ішінде 24 дәрігер, 138 орта буынды қызметкер, 20 кіші аяжан жұмылдырылды. 8 мобильді топ құрылып, мобильді топпен орындалған шақыртулар саны 960 болды.
Айта кету керек, наурыз-шілде айында медицина қызметкерлеріне 65 млн теңге көлемінде үстемақы төленді. Қазіргі таңда ауданда 4 өкпені жасанды желдету аппараты, 28 оттегі концентраторы бар. Бір айта кетерлігі ауданға қарасты барлық емханадағы шақыртулар саны 90 пайызға төмендеген.
<img src="https://kyzylorda-news.kz/wp-content/uploads/2020/09/119034004_1038090199976391_2083795375072038341_n.jpg" alt="" />
<img src="https://kyzylorda-news.kz/wp-content/uploads/2020/09/119039943_1038090289976382_7119236767404039703_n.jpg" alt="" />

Сенат депутаты Жалағаш ауданына барды

<a href="https://kyzylorda-news.kz/date/2020/09/07/">Kyzylorda-news.kz.</a> Ғалымдар коронавирус инфекциясының жасушаға енуіне тосқауыл қоя алатын наноденелер ойлап тапты. Зерттеу нәтижелері Nature Communications журналында жарияланды.
Швециядағы Каролинск университетінің мамандары альпака жануарына тікенді ақуыз салған, оның көмегімен коронавирус ағзаның жасушаларына енеді. Ал 60 күннен кейін жануардың қан үлгісін зерттеу нәтижесі күшті иммундық жүйе қалыптасқанын көрсеткен. Содан соң ғалымдар жануардың В-лимфоциттерінен тұратын наноденелердің тізбегін клондап, зерттейді.
Нәтижесінде, ғалымдар ACE2 рецепторымен байланысқанда оның тікенді ақуыз бөліктеріне жабысатын және вирустың ағза жасушаларына енуіне жол бермейтін Ty1 наноденелерін анықтады.
Айта кетейік, жаңа табылған наноденелер әдеттегі антиденелерге қарағанда көлемі жағынан әлдеқайда кіші. Солай десек те, ғалымдар оның шығару жолын қарапайым деп түсіндіріп, адамдарға бейімдеу мүмкіндігін жоққа шығармайды.
<a href="https://sputniknews.kz/world/20200907/14902105/Galymdar-koronavirus-nanodene.html">Sputnik</a>

Ғалымдар коронавирустан қорғанудың жолын тапты

<a href="https://kyzylorda-news.kz/date/2020/09/07/">Kyzylorda-news.kz.</a> Қазақстан ресейлік вакцинаны сынақтың үшінші кезеңі аяқталғаннан кейін ғана сатып алады. Бұл туралы премьер-министрдің орынбасары Роман Скляр мәлімдеді, деп хабарлайды&nbsp;<a href="https://sputniknews.kz/">Sputnik Қазақстан</a>.&nbsp;
<blockquote>
 “Біріншіден, Ресейдің Гамалея атындағы вирусология институты коронавирусқа қарсы вакцинаны алғаш болып тіркеді. Біз Ресейде вирусологияның ғылым ретінде жоғары деңгейде екенін мойындаймыз. Сол себепті осы жылдың 24 тамызында үкіметтік делегациямен барып, тиісті алдын ала келісімге қол қойдық. Оған сәйкес, Ресей вакцинаны сынақтың үшінші кезеңінен өткеннен кейін, бірінші Қазақстанға сатуға міндеттелді”, – деді Скляр онлайн баспасөз мәслихатында.&nbsp;
</blockquote>
Ал қазір, оның айтуынша, сынақтың екі фазасы ғана өткен. Үшінші кезең желтоқсан айына қарай аяқталады.&nbsp;
<blockquote>
 “Ол азаматтардың ауқымды тобын қамтиды, соның ішінде тәуекел тобына кіретін санаттар да бар. Барлық тиісті сынақ аяқталғаннан кейін, екпені сатып алуға қатысты шешім қабылданады”, – деді ол.&nbsp;
</blockquote>
Ресейлік “Спутник V” екпесі әлемде коронавирусқа қарсы тіркелген алғашқы вакцина атанды.&nbsp;
Бұған дейін денсаулық сақтау вице-министрі Марат Шоранов халықтың тәуекел тобына кіретін азаматтарға ресейлік вакцинаны егуге болмайтынын айтқан еді. Олар: балалар, жүкті және бала емізетін әйелдер, қарттар.

Қазақстан ресейлік вакцинаны қашан сатып алады?

<a href="https://kyzylorda-news.kz/date/2020/09/07/">Kyzylorda-news.kz</a>. Жүйе іске қосылған 2017 жылдың 1 шілдесінен 2020 жылдың 31 тамызына дейінгі аралықта Қызылорда облысының тұрғындары әлеуметтік медициналық сақтандыру қорына 11,6 млрд. теңге аударды, оның 9,9 млрд. теңгесі (85,3%) жұмыс берушілердің аударымдары болса, қалған 1,7 млрд. теңге (14,7%) – жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі.
«Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетовтің айтуынша жарна төлеу жағынан Қызылорда қаласы, Шиелі мен Жанақорған аудандар көш бастап тұр.
Жинақталған қаржы сенімгерлік басқару туралы келісім бекітілген Ұлттық банкте сақталады және МӘМС пакеті шеңберіндегі қызметтер ақысын төлеуге жұмсалуда.

Қызылордалықтар МӘМС қорына 11,6 млрд. теңге аударды

<a href="https://kyzylorda-news.kz/date/2020/09/07/">Kyzylorda-news.kz.</a> Қазақстан Үкіметі ТЖ жағдайында медициналық сақтандыру жарналары бойынша берешектері қалыптасқан халықтың кейбір санаттарына МӘМС жүйесінде сақтандыру мәртебесін беру бойынша әлеуметтік медициналық сақтандыру қорының бастамаларына қолдау көрсетті.
<blockquote>
 «Біз әлеуметтік медициналық сақтандыру қорына келіп түскен өтініштерге талдау жасадық және азаматтардың сақтандырылған мәртебесінің болмауының негізгі себептерін анықтадық. Қазақстандықтардың бір бөлігі қатаң карантин мен төтенше жағдай кезінде МӘМС жүйесіне жарна төлеу мүмкіндігінен айрылды, оларға медициналық көмекке қол жеткізу үшін қолдау қажет болды. Қор Денсаулық сақтау министрлігі мен ҚР Үкіметі қолдаған осындай ұсыныстарды әзірледі», – деп атап өтті Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов.
</blockquote>
Талдау көрсеткендей, «сақтандырылған» мәртебесінің болмауының негізгі себебі 42,5 мың теңге мөлшерінде біржолғы әлеуметтік төлем алу үшін жеңілдікті санаттағы өкілдермен БЖТ төленуі болды. Осыған байланысты ақпараттық жүйелер оларды автоматты түрде БЖТ төлеушілер санатына ауыстырды. Тиісінше, олар «Saqtandyry» базасында жеңілдетілген санаттардан «шығарылды».&nbsp; Сондай-ақ, төтенше жағдай кезінде төлемдерінде үзілістер туындаған жалдамалы қызметкерлер, жеке кәсіпкерлер, жеке практикамен айналысатын тұлғалар МӘМС жүйесінен тыс қалды.
Осыған байланысты, Үкімет келесі шараларды қолдады:
– жалдамалы қызметкерлер соңғы 3 айда кемінде 1 төлем болған кезде және егер төлемдер бойынша берешек жыл басынан бері 2 айдан аспаса, МӘМС жүйесінде қалпына келтіріледі;
– жеке кәсіпкерлер, жеке практикамен айналысатын адамдар, сондай-ақ соңғы 3 айда төлем болған жағдайда, жыл басынан бастап 2 айдан аспайтын берешегі барлар (мемлекеттік кірістер комитетінің ресми ақпаратына сәйкес, олар қызметін тоқтатқан жағдайда) сақтандырылған адамдардың мәртебесін алады;
– ТЖ кезеңінде жеңілдік санатымен БЖТ төлегендердің&nbsp; төлемі есепке алынбайды және сақтандыру мәртебесі автоматты түрде қайтарылады;
– COVID-19-ға қарсы күрес шеңберіндегі шектеу іс-шараларына байланысты қызметкерлердің мәжбүрлі демалыстарда күтімсіз болған кезеңдері берешек ретінде есепке алынбайды. Бұл ретте табысты жоғалтудың дәлелі табыстың жоғалуына байланысты біржолғы әлеуметтік төлем алу болып табылады (42500 теңге).
<blockquote>
 «Бұл шаралар медициналық сақтандыру жүйесіне 740 мыңға жуық қазақстандықты қайтарды. Бұл санаттарды қосу жұмыстары әлі де жүргізілуде және үкімет шараларының арқасында сақтандырылғандар саны әлі де арта түседі. Осылайша, коронавирустық пандемияға байланысты табысынан айырылған немесе бенефициарлардың арасынан шыққан азаматтар медициналық сақтандыру жүйесіне қайтарылады және медициналық көмектің барлық көлемін ала алады», – – деп атап өтті Қор филиалының директоры.
</blockquote>
Мәртебені алу үшін азаматтарға қандай-да бір жерге барудың қажеті жоқ. Барлық деректер ақпараттық жүйелерде автоматты түрде жаңартылады.
Сондай-ақ, Қор уәкілетті министрліктермен бірлесіп, 2020 жылдың 1 қазанына дейін МӘМС жарналары мен аударымдарынан босатылған ШОБ-тың сақтандырылған қызметкерлеріне мәртебе беру бойынша жұмыс жүргізуде. Бұл 800 мыңнан астам жұмыскерге әсер етеді.
Сақтандыру мәртебесі бойынша сұрақтар туындаған жағдайда, Play Market және App Store-да орнатуға болатын «Qoldau&nbsp; 24/7» мобильді қосымшасы арқылы Әлеуметтік медициналық сақтандыру қорына жүгіну қажет.
<img src="https://kyzylorda-news.kz/wp-content/uploads/2020/09/vremen-statws-kaz.jpeg" alt="" />

МӘМС жүйесінен «шығарылған» қазақстандықтар, сақтандыру мәртебесіне ие болды

<a href="https://kyzylorda-news.kz/date/2020/09/07/">Kyzylorda-news.kz.</a> Қызылорда қаласынан Сарыағаш қаласына мүмкіндігі шектеулі азаматтар ем алу мақсатында жолға шықты.
Қалалық жұмыспен қамту және әлеуметтік бағдарламалар бөлімінің дерегінше санаторий-курорттық емделуді ұсыну қағидалары бойынша жеке оңалту бағдарламасына сәйкес Қызылорда қаласы бойынша бүгінгі күнге 1260 адам өтініш білдірген.
2020 жылға Сарыағаш қаласы «Салма Караван» шипажайына – 634 жолдама, Көкшетау қаласы «Алмаз» шипажайына – 203 жолдама бөлініп, 14 күн ем алуға белгіленіп, кезең-кезеңімен ем алуда.
Жолға шыққан ем алушыларды бөлім басшысы Индира Ақжігітова ақ жол тілеп, шығарып салды.
Сондай-ақ, бөлім басшысы мемлекет тарапынан мүмкіндігі шектеулі азаматтарға әрқашанда қолдау жасалатынын айтып, әлі де бірнеше топ бойынша ем алушылар жолға шығатынын жеткізді.

Қызылордадағы мүмкіндігі шектеулі азаматтар шипажайға жіберілді

<a href="https://kyzylorda-news.kz/">Kyzylorda-news.kz.</a> Коронавируспен ауырғандардың ағзасында вирусқа төзімді антидене түзіледі. Алайда ғалымдар оның қанша уақыта дейін шыдамды екенін дөп басып айта алмайды.
Инфекцияның түріне байланысты түзілетінін&nbsp;иммунитет әркелкі келеді. Мысалы, адам ағзасы қызылша вирус өмір бойына “есте сақтайды”. Бала кезде жасалған екпенің арқасында мүлдем қызылша жұқтырмауға болады. Алайда тұмауды бір маусымда бірнеше мәрте жұқтыруы мүмкін. Өйткені оның штаммдарды да әркелкі келеді.&nbsp;
SARS-CoV-2 вирусы жақында ғана пайда болғанына байланысты оған қарсы түзілген иммунитетті зерттеу мүмкін емес. Дегенмен ғалымдар антидене кем дегенде 2-3 ай ағзаны қорғайды дейді. Ал жақында ғана сынақтан өткен Ресейдің “Спутник V” вакцинасы 2 жыл бойы иммунды жауап қайтаруға қабілетті екен.&nbsp;
<a href="https://massaget.kz/layfstayl/Zdorove/63098/">Massaget</a>

Қазақстан және Қызылорда облысының жаңалықтары: Денсаулық

Денсаулық министрі қашықтан білім беру қай уақытқа дейін созылатынын айтты

Qoldau 24/7 арқылы уақытша сақтандыру мәртебесін қалай алуға болады?

“Бұл соңғы пандемия емес”: Цой Еуропа мен Азияда коронавирус тағы өршігенін жеткізді

ҚР Денсаулық сақтау вице-министрі емхана жұмысымен танысты

ДДСҰ жаңа пандемияға дайын болуға шақырды

Сенат депутаты Жалағаш ауданына барды

Ғалымдар коронавирустан қорғанудың жолын тапты

Қазақстан ресейлік вакцинаны қашан сатып алады?

Қызылордалықтар МӘМС қорына 11,6 млрд. теңге аударды

МӘМС жүйесінен «шығарылған» қазақстандықтар, сақтандыру мәртебесіне ие болды

Қызылордадағы мүмкіндігі шектеулі азаматтар шипажайға жіберілді

Коронавирусқа қарсы иммунитет қанша уақытқа жеткілікті

Қазақстан және Қызылорда облысының жаңалықтары: Денсаулық

Денсаулық министрі қашықтан білім беру қай уақытқа дейін созылатынын айтты

Qoldau 24/7 арқылы уақытша сақтандыру мәртебесін қалай алуға болады?

&#8220;Бұл соңғы пандемия емес&#8221;: Цой Еуропа мен Азияда коронавирус тағы өршігенін жеткізді

ҚР Денсаулық сақтау вице-министрі емхана жұмысымен танысты

ДДСҰ жаңа пандемияға дайын болуға шақырды

Сенат депутаты Жалағаш ауданына барды

Ғалымдар коронавирустан қорғанудың жолын тапты

Қазақстан ресейлік вакцинаны қашан сатып алады?

Қызылордалықтар МӘМС қорына 11,6 млрд. теңге аударды

МӘМС жүйесінен «шығарылған» қазақстандықтар, сақтандыру мәртебесіне ие болды

Қызылордадағы мүмкіндігі шектеулі азаматтар шипажайға жіберілді

Коронавирусқа қарсы иммунитет қанша уақытқа жеткілікті

“Бұл соңғы пандемия емес”: Цой Еуропа мен Азияда коронавирус тағы өршігенін жеткізді