<a href="https://kyzylorda-news.kz/date/2020/09/18/">Kyzylorda-news.kz.</a> Әлеуметтік медициналық сақтандыру қорына күн сайын пациенттерден медициналық ұйымдарда көрсетілетін медициналық қызмет сапасына қатысты түрлі сауал көп.
Қордың негізгі міндеттерінің бірі – пациенттің құқығын қорғау. Осыған байланысты Қор сарапшылары медициналық көмектің сапасына мониторинг жүргізеді, сондай-ақ науқасқа не себептен қызмет көрсетілмегенін тексереді.
Медициналық ұйымда қызмет көрсетуге қатысты түсініспеушілік туындаса, &nbsp;көбінесе азаматтар пациент ретінде өз құқығын қорғау үшін қайда жүгіну керек екенін &nbsp;білмейді.
Сондытан Қызылорда облысы бойынша Әлеуметтік медициналық сақтандыру қорының филиалы «пациент құқықығын қорғаудың 6 тәсілі» деген жадынама-кеңес дайындады:
1. Мәселені жылдам&nbsp; шешу үшін мән-жайды сол жерде түсінуге тырысыңыз. Ол үшін әрбір медициналық ұйымда пациентті қолдау және ішкі сараптама қызметі жұмыс істейді. Ол медициналық қызметтің сапасын, олардың толықтығын және стандарттарға сәйкестігін бақылау үшін құрылған. Бұл қызмет медициналық ұйымдағы медициналық көмектің&nbsp; сапасына және клиникалық қызметке ішкі талдау жүргізеді, медициналық қызмет көрсету стандарттары мен тәртіптің бұзылуын анықтайды. Сондай-ақ, азаматтардан келген&nbsp; өтініш, шағымдарды қарайды. Сондықтан, уақыт жоғалтпай бірден&nbsp; пациентті қолдау қызметіне хабарласып, жағдайды сол жерде шешуге, көмек пен ақпарат алуға болады.
2. Егер пациентті қолдау қызметі түйіткілді шеше алмаса және сіздің мәселеңіз медициналық көмекті ұйымдастыруға қатысты болса, онда өңірдегі Денсаулық сақтау басқармасының байланыс-орталығына жүгініңіз. Барлық медициналық ұйым Денсаулық сақтау басқармасына қарасты, сондықтан байланыс-орталығының қызметкерлері ұйымға тікелей хабарласып, мәселені шешуге ықпал ете алады.
3. Әлеуметтік медициналық сақтандыру қорында кері байланыс үшін бірнеше арна бар. Мысалы, Qoldau 24/7 мобильді қосымшасы арқылы (Play Market және App Store орнатуға болады) өтініш қалдыруға болады. Өтінішке нөмір беріледі, содан кейін өңдеуге алынады. Оны&nbsp; Қор мамандары қарайды. Олар медициналық ұйыммен байланысқа шығып, ақпарат сұратады, медициналық көмек көрсету немесе көрсетуден бас тарту себептерін тексереді.
4.Телефонға қосымша орнатуды ұнатпайтындар үшін Telegram-да Saqtandyrubot арқылы өтініш беру мүмкіндігі қарастырылған. «Негізгі мәзір» пәрменін басқаннан кейін бірнеше бөлім бар. «1406-ға өтініш жіберу» таңдаңыз. Бот «өтінішті жіберу» және «өтініштердің тарихын» ұсынады, осылайша өтінімнің мәртебесін тексеруге болады. Өтініште бот командаларына сәйкес өңір, медициналық ұйымның атауы және мәселенің мәні көрсетіледі.
5. 1406 бірыңғай байланыс орталығы тәулік бойы қоңырау қабылдайды және өтініштерді үш деңгейлі модель бойынша қарастырады. Бірінші деңгейге консультациялық сипаттағы мәселелер жатады. Екінші және үшінші – егжей-тегжейлі зерттеуді қажет ететін өтініштер. Қордың мамандары медициналық ұйыммен байланысады, ақпарат сұратады, медициналық көмек көрсету немесе көрсетуден бас тарту себептерін тексереді.
6.Ресми сайт пайдаланушыларға Әлеуметтік медициналық сақтандыру қорының fms.kz &nbsp;сайтына кіріп өтініш жасаған ыңғайлы және&nbsp; «Халықтық бақылау» бөліміненқажетті тапсырманы таңдаңыз: шағымдану немесе ұсыныс қалдыру. Бірінші жағдайда аймақ, емхана, диагноз, келу күні, ЖСН нөмері көрсетіледі және шағымның себептерінің бірі таңдалады. Ұсынысты бос өрістерге жіберген кезде бастапқы деректерді толтырып, мәтінді тұжырымдау керек.
Әлеуметтік медициналық сақтандыру қорының филиалы халықпен диалогқа қызығушылық танытатынын атап көрсетеді. Ең алдымен, пациенттердің өтініштері Әлеуметтік медициналық сақтандыру қорының жеткізушілері көрсететін медициналық қызметтердің қолжетімділігі мен сапасына әсер етуге мүмкіндік береді.

Қызылорда: ӘМСҚ пациент құқығын қорғайтын 6 әдісті атады

<a href="https://kyzylorda-news.kz/date/2020/09/17/">Kyzylorda-news.kz.</a> Қызылорда облысының медициналық мекемелері жаңа жедел жәрдем көліктерін пайдалануға алды. Бұған дейін облысқа ӨЖЖ аппараттары, пульсоксиметрлер және оттегі концентраторлары бар гуманитарлық жүк келген болатын.
Бұл көмек «Самұрық-Қазына» АҚ мен ҚР Денсаулық сақтау министрлігі арасындағы ынтымақтастық туралы Меморандум аясында көрсетілді. «Самұрық-Қазына» АҚ компаниялар тобы қайырымдылығының бірыңғай операторы – «Samruk-Kazyna Trust» Әлеуметтік жобаларды дамыту қоры қажетті жабдықтарды сатып алып, оларды өңірлерге жіберді.
Қызылорда облысына 20 оттегі концентраторы, 50 пульсоксиметр және бір өкпені жасанды желдету аппараты (ӨЖЖ) жеткізілді. Сондай-ақ, облысқа Shevrolet Damas маркалы 4 жедел жәрдем көлігі келді.
<blockquote>
 «Қармақшы аудандық ауруханасына жеткізілген медициналық көлік халық игілігі үшін жұмыс істейтін болады. Осының арқасында жедел жәрдем бөліміне келіп түскен шұғыл шақыруларға уақытылы қызмет көрсету мүмкіндігі артады. Дәрігерлердің жұмысына көмек көрсету – халықтың денсаулығын жақсартуда үлкен қолдау деп есептеймін», – деп атап өтті Қармақшы аудандық ауруханасының бас дәрігері Бақытжан Нысанбаев.
</blockquote>
Айта кетейік, мұндай жиынтықтарды әрбір облыс, сондай-ақ республикалық маңызы бар қалалар алады.
<blockquote>
 «Бұл шаралардың барлығы біздің медицинамыздың жұқпалы аурулармен, соның ішінде COVID-19 коронавирустық инфекциямен күресуге дайындық деңгейін арттыруға және ұлттық денсаулық сақтау жүйесін нығайтуға бағытталған», – дейді «Samruk-Kazyna Trust» Қорының ресми өкілі Мирас Іргебаев.
</blockquote>
Еске сала кетейік, Меморандум аясында республикамыздың Денсаулық сақтау жүйесін ұйымдастыруға 100 жедел жәрдем көлігі, 1 000 оттегі концентраторы, 50 ӨЖЖ аппараты, 1 000 пульсоксиметр жеткізілетін болады.
<img src="https://kyzylorda-news.kz/wp-content/uploads/2020/09/foto-001-scaled.jpg" alt="" />
<img src="https://kyzylorda-news.kz/wp-content/uploads/2020/09/foto-003-5-scaled.jpg" alt="" />
<img src="https://kyzylorda-news.kz/wp-content/uploads/2020/09/fb_img_1600341123314.jpg" alt="" />

COVID-19: Қызылордадағы ауруханаларға медициналық жабдықтар мен жедел жәрдем көліктері жеткізіліп жатыр

Kyzylorda-news.kz. Қазақстанда өткен тәулікте 72 адамда коронавирус індеті ПТР арқылы расталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 9
Алматы қаласы – 4
Ақмола облысы – 3
Ақтөбе облысы – 1
Алматы облысы – 2
Атырау облысы – 7
Шығыс Қазақстан облысы – 20
Жамбыл облысы – 1
Батыс Қазақстан облысы – 4
Қарағанды облысы – 6
Қостанай облысы – 2
Қызылорда облысы – 2
Павлодар облысы – 5
Солтүстік Қазақстан облысы – 5
Түркістан облысы – 1
Жалпы ел бойынша ауырғандар саны 107056.

Қызылордада коронавирус жұқтырған 2 адам тіркелді

&nbsp;<a href="https://kyzylorda-news.kz/date/2020/09/16/">Kyzylorda-news.kz</a>. COVID-19-бен күресте қандай дәрі-дәрмек тиімділігін көрсетіп отыр? Коронавируспен ауырған жағдайда ілеспе патологиясы бар пациенттерді қараудың ерекшеліктері бар ма? Осы сауалдарға С.Асфендияров атындағы Қазақ ұлттық медицина университеті ішкі аурулар кафедрасының меңгерушісі, медицина ғылымдарының кандидаты, Еуропалық кардиологтар қоғамы тромбозам және инсульт пен жүрек жөніндегі жұмыс тобының мүшесі Ахметжан Сүгірәлиев жауап берді, деп хабарлайды <a href="https://lenta.inform.kz/kz/covid-19-ben-kureste-kanday-dari-darmek-tiimdiligin-korsetip-otyr_a3695373">ҚазАқпарат</a>.
Оның атап өтуінше, әлемдегі бүгінгі ахуалға шолу өзінің тиімділігін көрсеткен емдеу әдістеріне негізделіп отыр. Ең алдымен бұл – қан ұюға қарсы терапияны қолдану. Француз дәрігерлерінің мәліметтеріне сәйкес, амбуторлық амбулаторлық жағдайда қан ұюға қарсы терапияны қолдану науқасты ауруханаға жатқызу тәуекелін төмендетеді. Ал ауруханада алдын алу дозасын қолданған жағдайда аталған науқастардың қарқынды терапия бөлімшесіне ауыстырылу тәуекелін азайтып, тромбоэмболиялық асқынудың күрделі формасынан өлім-жітімді төмендетеді. Бұған қоса америкалық дәрігерлердің ауыр халдегі науқастарға қан ұюға қарсы терапияны қолдану өлім-жітімнің 18 пайызға жуық төмендеуіне сеп болған.
<blockquote>
 «Дәрі-дәрмектің екінші тобы – стероидтық терапияны қолдану. Әрине, бұл – дексаметазон мен өзге де дәрі-дәрмектер. Оттекке тәуелді пациенттерге осы препараттарды қолдану өлім-жітімді төмендететіндігін көрсетіп отыр. Пациентке көмек бере алатын препараттардың үшінші тобы – антибиотиктер қолдану. Олар қайталама бактериялық инфекцияның болу белгілері зертханалық жағдайда анықталып, ауруханаға жатқызылған пациенттерге тағайындалады», – деп түсіндіреді медицина ғылымдарының кандидаты.
</blockquote>
Сонымен қатар ол жанама аурулары бар COVID-19 жұқтырған науқастар жүрегінің зақымдануының алдын алу үшін колхицин препаратын қолдану мүмкіндігіне қатысты да айтып берді. Жалпы халықаралық сарапшылардың пайымынша, коронавирус кезінде жүрегі ауыратын немесе жүрегі зақымданған пациенттерге бұл препаратты қолдауға болады.
<blockquote>
 «Грекияда колхицинмен емдеу тәуір нәтиже көрсетіп отыр. Бірақ, зерттеу әлі аяқталған жоқ», – деді Ахметжан Сүгірәлиев.
</blockquote>
Оның сөзіне қарағанда, салмағы шамадан тыс науқастар, қант диабетімен, артериалды гипертониямен, жүрек, өкпе ауруларымен ауыратын адамдар коронавирусты тез жұқтырып алуы мүмкін. Сонымен қатар олардың арасында өлім-жітім де жиі кездеседі.
<blockquote>
 «Коронавирустан өлген пациенттерді сою бойынша алғашқы үлкен зерттеуді Гамбургте немістер жүргізді. Зерттеу барысында олар өлгендердің басым бөлігі созылмалы аурулары бар адамдар екендігін анықтады. Ерлер арасында да ауру ауыр формада өтетіндігі белгілі болды. Сонымен қатар жанама аурулары бар адамдарда да дерт өте ауыр өтеді. Егер адам ауру болса, онда кей жағдайда емдеу әдістерін өзгертуге тура келеді. Жүрегі ауыратын адам бұрын басқа дәріне қабылдап келсе, онда ол коронавирус жұқтырғаннан кейін өзге дәрілік препаратқа көшуі тиіс. Мұндай науқастарды COVID-19-ға шалдыққан кезде қарау ерекшеліктері бар», – деді кафедра меңгерушісі.
</blockquote>
Оның түсіндіруінше, коронавируспен аурғандар өлімінің негізгі себептерінің бірі қан ұюының дамуы болуы отыр. Дегенмен қазіргі уақытта аталған қан ұюының алдын алудың және емдеудің халықаралық хаттамасы да бар.
<blockquote>
 «Санитарлық-эпидемиологиялық шаралардың жүргізуге қатысты айтар болсақ, барлығы да эпидемиологиялық ахуалға байланысты. Тіпті 6 адамнан артық жиналуға жол бермейтін Ұлыбритания сынды елдер де бар. Барлығы да аурудың таралуына байланысты болып отыр. Әзірше, жақсы зерттелген вакцина жоқ. Сондықтан алдын алу ерекшеліктері жайлы айту мүмкін емес. Сондықтан үлкен топ болып жиналмау керек. Маска тағып, далаға шығып келгеннен кейін қолды жақсылап жуу қажет», – деді Ахметжан Сүгірәлиев.
</blockquote>

COVID-19-бен күресте қандай дәрі-дәрмек тиімділігін көрсетіп отыр?

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 64 адамда коронавирус індеті ПТР арқылы расталды.
Коронавирус жұқтырғандар саны Шығыс Қазақстан (18 адам), Атырау облысы (8) және астанада (7) басым болды.
Шымкент қаласы, Маңғыстау және Атырау облыстарында вирус жұқтырғандар тіркелген жоқ.
Аймақтар бойынша:
<ul>
<li>Нұр-Сұлтан қаласы – 7</li>
<li>Алматы қаласы – 1</li>
<li>Ақмола облысы – 2</li>
<li>Алматы облысы – 4</li>
<li>Атырау облысы – 8</li>
<li>Шығыс Қазақстан облысы – 18</li>
<li>Жамбыл облысы – 2</li>
<li>Батыс Қазақстан облысы – 4</li>
<li>Қарағанды облысы – 5</li>
<li>Қостанай облысы – 2</li>
<li>Қызылорда облысы – 1</li>
<li>Павлодар облысы – 1</li>
<li>Солтүстік Қазақстан облысы – 6</li>
<li>Түркістан облысы – 3</li>
</ul>
Жалпы ел бойынша ауырғандар саны 106 984.

Қызылордада коронавирус індеті қайта тіркелді

<a href="https://kyzylorda-news.kz/">Kyzylorda-news.kz.</a> Қармақшы аудандық ауруханасы тағы бір жаңа автокөлікпен толықты.
“Samruk Kazyna Trust” әлеуметтік жобаларды қорғау қоры Қармақшы аудандық ауруханасына көмек ретінде медициналық көлік табыстады.
Chevrolet Damas көлігінің базасында жасалған медициналық-санитарлық көлік (ИВЛ аппапраты,пульсоксиметр, экг аппараты, дәрігерге арналған көмек көрсету жиынтығы бар) алдағы уақытта халықтың игілігі үшін қызмет ететін болады.
Ал қайырымдылық қорына аурухана басшылығы алғаусыз алғысын білдіреді. Енді жедел жәрдем бөліміне келіп түскен шұғыл шақыртуларға дер кезінде қызмет көрсету мүмкіндігі көбейді.
Халықтың денсаулығы қашанда ең маңызды мәселе болып қалады. Ал азаматтардың денсаулығын жақсарту, ем-дом шараларын жүргізу ақ халатты абзал жандардың міндеті.
Сол дәрігерлерге көмек пен қолдау көрсетіліп жатса медицина саласы қарқынды дамитыны сөзсіз.Медицина көлігі Жосалы кентіндегі “Шипагер ” бөлімшесіне пайдалануға берілді.

Қармақшы аудандық ауруханасына жаңа көлік табысталды

<a href="https://kyzylorda-news.kz/date/2020/09/15/">Kyzylorda-news.kz.</a> Солтүстік Қазақстан облысында санитария дәрігерлері биыл тұмау мен коронавирус инфекциясының қатар жүретінін ескертіп, жұқпалы аурулардан сақтану жолдарын айтты, деп хабарлайды <a href="https://lenta.inform.kz/kz/biyl-tumau-men-koronavirus-katar-zhuredi-bosansuga-bolmaydy-dariger_a3694821">ҚазАқпарат</a>.
СҚО тауарлар мен көрсетілетін қызметтердің сапасы мен қауіпсіздігін бақылау департаменті баспасөз қызметінің мәліметінше, 15 қыркүйектен бастап өңірде тұмауға қарсы екпе егу жұмыстары басталды. Тек бір күннің ішінде 3 мыңға жуық адам вакцинациядан өтті.
Мамандардың айтуынша, коронавирустық инфекция бастапқы кезеңінде вирустық инфекцияға ұқсас келеді. Уақыт өте келе айырмашылықтары шығады. Әдетте суық тигенде дене қызуы көтеріледі, мұрыннан су ағып, түшкіреді, тамағы ауырады. Ал коронавирусты инфекцияда дене қызуы қатты көтеріліп, құрғақ жөтел пайда болады.
<blockquote>
 «Коронавирусты жұқтырғанда әлсіздік болып, сүйек сырқырауы мүмкін. Тамақ ауырып, демалу қиындайды. Бас ауырады. Тұмаудан тағы бір өзгешелігі – дәм мен иіс сезбейді. Жедел респираторлы вирустық инфекция 3 күннен бір аптаға дейін созылса, қауіпті ауруда ол 14 күннен 3 аптаға дейін жүруі мүмкін.
 Маусымдық тұмау бірден жоғары температурадан басталады. Бас ауырып, буындар мен сүйектер сырқырап ауырады. Жөтел мүлде болмауы да мүмкін. Тұмауда бұл жағдай әдетте 5 күнге ғана созылады», – дейді СҚО тауарлар мен көрсетілетін қызметтердің сапасы мен қауіпсіздігін бақылау департаменті басшысының орынбасары Татьяна Горлова.
</blockquote>
Санитария дәрігерінің айтуынша, тұмауды емдеуге вирусқа қарсы осельтамивир және занамивир препараттары қолданылады екен. Облыстың емдеу мекемелерінде қазір 2037 қаптама осындай дәрі бар.
<blockquote>
 «Биыл жедел респираторлық вирустық инфекциялардың басталуы коронавирусты инфекцияның таралуымен тұспа-тұс келмекші. Сол себепті босаңсымау керек. Коронавирусты жеңгеніміз жоқ, вирус бар. Оны біз ғана емес, әлемнің ешқандай мемлекеті жеңе алмай отыр. ЖРВИ, тұмау және коронавирусты инфекцияның алдын алудың ең оңай жолы – маска тағу. Масканы ауырғандар ғана емес, сау адамдар да тағуы тиіс. Сонай-ақ әлеуметтік қашықтықты сақтап, бөлмелерді жиі желдетіп тұрған жөн. Қолды сабындап жуу, мұрынды әлсіз тұзды сумен шаю және дұрыс тамақтанып, полидәрумендер ішу – жұқпалы аурулармен күресте сеп», – дейді Татьяна Горлова.
</blockquote>

Биыл тұмау мен коронавирус қатар жүреді, босаңсуға болмайды – дәрігер

<a href="http://kyzylorda-news.kz">Kyzylorda-news.kz.</a> Алматыда жақында тұмау мен жұқтырылған респираторлы вирусты инфекция (ЖРВИ) ауруларына қарсы вакцинация маусымы басталды, деп хабарлайды <a href="https://lenta.inform.kz/kz/kamalzhan-nadyrov-dal-kazirgidey-zhagdayda-tumauga-karsy-vakcinanyn-manyzy-zor_a3694815">ҚазАқпарат.</a>
Қалалық Қоғамдық денсаулық сақтау басқармасының басшысы Камалжан Надыровтың сөзінше, тұмау тарайтын уақыт келіп қалды. Сонымен қатар қазір коронавирус індетінің де тарап жатқанын ескерсек, вакцина қабылдаудың маңызы зор.
«Биыл біз тұмауға қарсы вакцинаға қазір ерекше маңыз беріп отырмыз. Себебі, пандемия кезінде екі вирустық инфекцияның қосарласу қаупі бар. Алматылықтарға осы мәселеге баса назар аударып, қауіптің алдын алуға кеңес беремін. Әкімдік алған вакцина бұрыннан тиімділігін көрсетіп келеді. Ол қауіпсіз», – деді Камалжан Надыров.
Айта кету керек, биыл жергілікті бюджет қаржысына 3 валентті тұмауға қарсы вакцина сатылып алынды.
«Гриппол Плюс» вакцинасының 130 мың дозасы алынды. Қазанда коронавирус қаупіне байланысты 300 мың доза жеткізіледі.
Биыл Алматыда тұмауға қарсы вакцинация жылдағыдан ерте басталып, желтоқсан айының басына дейін жалғасады.

Дәл қазіргідей жағдайда тұмауға қарсы вакцинаның маңызы зор

<a href="https://kyzylorda-news.kz/">Kyzylorda-news.kz</a>. Денсаулық сақтау министрі Алексей Цой вакцинаны тұмаудың белгілері, дене қызуы бар адамдарға салуға болмайтынын айтты.
Оның айтуынша, дәрігерлер екпе салардан бұрын респираторлық инфекцияның симптомдары бар-жоғын міндетті түрде сұрайды. &nbsp;
<blockquote>
 “Тұмаудың белгілері, дене қызуы болғанда, әсіресе, ауру асқынған кезде вакцина салуға болмайды. Сондықтан дәрігерлер осы іспетті белгілердің бар-жоғын қарайды. Сосын жеке аллергиялық реакциялар болады. Оны да сұрайды. Бұл – вакциналауға дейінгі басты талап”, – деді Цой журналистерге берген сұхбатында.
</blockquote>
Бүгін министр елордадағы №6 емханада тұмауға қарсы вакцина салдырды. Вакциналау биыл екі апта бұрын басталып отыр. Себебі вирустық инфекциялар маусымына коронавирус қосылып кетеді деген қауіп бар.
<blockquote>
 “Мына бір мәселе маңызды болып тұр: тұмауға қарсы вакцина қалыптастыратын қорғаныс алдағы уақытта бізге көмектесуі тиіс. Яғни, инфекциялар бір-бірімен қабаттасып кетпейді”, – дейді Цой.
</blockquote>
<a href="https://sputniknews.kz/">Sputnik Қазақстан</a>.

Денсаулық сақтау министрі вакцинаны кімдерге салуға болмайтынын айтты

<a href="http://kyzylorda-news.kz">Kyzylorda-news.kz</a>. Қызылорда облысына Біріккен Араб Әмірліктері, Германия мемлекетінен және Дүниежүзілік денсаулық сақтау ұйымынан гуманитарлық көмек келді.
Қазақстан Республикасы Сыбайлас жемқорлыққа қарсы іс-қимыл агенттігі Қызылорда облысы бойынша департаментінің қызметкерлері және Сovid-19 Қазақстан қоғамдық бақылау ұйымының еріктілерімен бірлесіп, келіп түскен дәрілік препараттар мен медициналық қорғану құралдарының облыстық арнайы дәрі-дәрмек қоймасына қабылдау барысына қоғамдық бақылау жүргізді.
Алдағы уақытта келген гуманитарлық көмектің облыстың емдеу мекемелеріне бекітілген бөлініске сәйкес таратылу барысына да департамент қызметкерлері мен қоғамдық ұйымдар бақылау жасайтын болады.
<img src="https://kyzylorda-news.kz/wp-content/uploads/2020/09/119542365_322530712416197_7293874964721403585_o.jpg" alt="" />

Қызылорда облысына ДДСҰ-дан гуманитарлық көмек  келді

<a href="https://kyzylorda-news.kz/date/2020/09/14/">Kyzylorda-news.kz.</a> Қазақстанның бас мемлекеттік санитар дәрігері Айжан Есмағамбетова қыркүйектің соңында карантинді күшейтуге қатысты алыпқашпа әңгімені жоққа шығарды, деп хабарлайды&nbsp;<a href="https://sputniknews.kz/">Sputnik Қазақстан</a>.
Бас санитардың айтуынша, мұндай әңгімені ойдан шығара салады. Мәселен, адамдар жиналып, осы мәселені талқылайды да, біреудің “болжамынан” кейін сыбыс тез тарап кетеді.&nbsp;&nbsp;
<blockquote>
 “Мұндай ақпаратқа сенбеңіздер. Мемлекеттік органдардың ақпаратын, яғни ресми мәліметті пайдалануды сұраймыз. Соған сенгеніңіз дұрыс “, – деді Есмағамбетова журналистерге берген сұхбатында.&nbsp;
</blockquote>
Оның айтуынша, бүгінде санитарлық-эпидемиологиялық жағдай тұрақты. Мамандар күн сайын жалпы республика бойынша, сондай-ақ, әрбір аймақ мен елді мекен бойынша жағдайды қадағалап отырады.&nbsp;&nbsp;
<blockquote>
 “Ауруға шалдыққандардың саны азайып келеді. Дегенмен, науқастар әлі анықталып жатыр. Бүгінде ПТР-тесті оң нәтижесі бар коронавирус та, ПТР-тесті теріс нәтиже көрсеткен коронавирус та тіркелуде. Біз жағдайды бақылап отырамыз. Барлық шешім санитарлық-эпидемиологиялық жағдайға қарай қабылданады”, – деп атап көрсетті Есмағамбетова.
</blockquote>
Айта кетсек, елде індет басталғалы 106 855 адам коронавирус, 29 658 адам пневмониямен ауырды.
Бұған дейін денсаулық сақтау министрлігі егер Қазақстанда коронавирустан емделіп жатқан науқастар саны тәулігіне 30 мыңға жетсе, ең қатаң карантин жарияланатынын хабарлаған болатын.

Қыркүйектің соңында карантин күшейе ме – бас санитар дәрігер жауабы

<a href="https://kyzylorda-news.kz/date/2020/09/14/">Kyzylorda-news.kz.</a> Қыркүйектің 15-інде Қазақстанда емханаға тіркелу науқаны басталады. Екі айға созылатын жыл сайынғы дәстүрлі компания 15-қарашада аяқталады.
Дәрігер тіркелген пациенттердің денсаулығын бақылауы үшін емхананы тұрғылықты жеріне жақын жерде таңдау ұсынылады. Бұл жағдайда, қажет болғанда, емхана дәрігерлері пациенттердің үйіне бара алады, бұл әсіресе пандемия кезінде өте маңызды.
<blockquote>
 «Кампания кезінде алғашқы медициналық – санитариялық көмек (бұдан әрі – МСАК) ұйымына тіркелген азаматтар 2021 жылдың 1 қаңтарынан бастап медициналық көмек ала бастайды. Бұл ретте медициналық ұйым Қормен алдағы жылға арналған тегін медициналық көмектің кепілдік берілген көлемі шеңберінде және МӘМС жүйесінде МСАК қызметтерін көрсетуге шарт жасасуы тиіс. Тіркелу науқанының қорытындысы бойынша медициналық ұйымдар бөлінісінде халықтың бөлінуін ескере отырып, 2021 жылға арналған қаржыландыру жоспарланады. Қор дерекқорындың абсолютті дұрыстығына мүдделі, өйткені әрбір тіркелген тұрғын үшін медициналық ұйымдарға ай сайын жан басына шаққандағы қаржыландыру төленеді», – деп хабарлады Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов.
</blockquote>
Қор филиалының директоры түсіндіріп өткендей, емханаға тіркелу бірнеше жолмен жүзеге асырылады:
Электрондық үкіметтің <a href="http://www.e.gov.kz">www.e.gov.kz</a> веб-порталы арқылы жүгінген кезде тіркеу ЭЦҚ болған кезде жүргізіледі. Денсаулық сақтау бөлімінде « Медициналық – санитарлық алғашқы көмек көрсететін медициналық ұйымға тіркелу» қызметін таңдау қажет. Емхана пациент туралы ақпаратты мемлекеттік ақпараттық жүйелерден автоматты түрде алады. Операция сәтті болған жағдайда азаматқа медициналық ұйымның ЭЦҚ қойылған электрондық құжат түрінде тіркеу туралы хабарлама беріледі.
&nbsp;&nbsp;&nbsp;&nbsp;&nbsp; &nbsp;&nbsp;&nbsp;&nbsp;&nbsp; Халықтың жекелеген санаттары тікелей емханаға тіркеле алады. Ол үшін еркін нысандағы өтініш пен жеке басын куәландыратын құжатты беру қажет. Бұл санаттарға зейнеткерлер, мүгедектер, заң бойынша бала кезінен мүгедекке тағайындалған қамқоршылар, сондай-ақ қорғаншылар немесе қамқоршылар, патронат тәрбиешілер; колонияларда (өтеу орны бойынша) жазасын өтеп жатқан сотталғандар, студенттер, мерзімді қызметтегі әскери қызметшілер, шет мемлекеттерде туған балалар, сенімхат бойынша тіркеуді ресімдейтін адамдар жатады.
<blockquote>
 «Тіркеу науқаны Денсаулық сақтау субъектілерінің дерекқорында тіркелген және ТМККК және МӘМС бойынша Медициналық қызмет көрсетуге үміткер медициналық ұйымдар арасында ғана жүргізілетінін атап өтеміз. Тіркелу үшін қолжетімді емханалардың тізімімен Қордың <a href="http://www.fms.kz">www.fms.kz</a> сайтында «Емхананы таңдау» бөлімінде танысуға болады. Осы жылдың 31 желтоқсанына дейін азаматтар бұрын бекітілген емханада қызмет көрсетуді жалғастырады. Ағымдағы жылдың қыркүйек айындағы жағдай бойынша аймақтың 12 мыңнан астам адам МСАК ұйымдарына тіркелмеген күйінде қалып отыр» – деді Бақыт Исмаханбетов.
</blockquote>
Медициналық көмекке қол жеткізе алмай қалмау үшін оларға тікелей тұрғылықты жері бойынша емханада немесе ЭЦҚ арқылы электрондық үкіметтің веб-порталында тіркелу мәртебесін тексеру ұсынылады.
Естеріңізге сала кетейік, сақтандыру мәртебесіне қарамастан, барлық азаматтар тегін медициналық көмектің кепілдік берілген көлеміне құқылы. Жоспарлы емдеуге жатқызу, бейінді мамандардың қабылдауы, қымбат тұратын тексерулерден өту және жоғары технологиялық ем алу үшін МӘМС жүйесінде сақтандырылған болуы қажет. Сақтандыру мәртебесін Электрондық үкімет порталында, Қор сайтында және Telegram-дағы SaqtandyryBot арқылы білуге болады.
<img src="https://kyzylorda-news.kz/wp-content/uploads/2020/09/prikreplenie-kaz.jpeg" alt="" />
<img src="https://kyzylorda-news.kz/wp-content/uploads/2020/09/prikreplenie-kaz-.jpeg" alt="" />

Қазақстан және Қызылорда облысының жаңалықтары: Денсаулық