<a href="https://kyzylorda-news.kz/date/2020/09/28/">Kyzylorda-news.kz</a>. «Педиатрия және балалар хирургиясы ғылыми орталығы» АҚ басқарма төрағасы Риза Боранбаева балаларда тіркеліп жатқан кавасакиге ұқсас синдром жағдайына қатысты түсінік берді.
<blockquote>
 «Осы жылдың наурыз айынан бері елде 2,5 мың бала коронавирус жұқтырып алды. Қазіргі уақытта балалардың коронавируспен ауыру жағдайы тұрақты. Балаларда коронавирус инфекциясынан кейін туындайтын мультижүйелі қабыну синдромы немесе кавасакиге ұқсас синдром бойынша да жағдай тұрақты. Қазіргі уақытта бұл синдроммен тіркелген балалардың саны – 39. Олардың 60 пайызы емделіп, ауруханадан жазылып шықты. 40 пайызы ем алуда», – деп келтірілген Риза Боранбаеваның сөздері coronavirus2020.kz-<a href="https://t.me/coronavirus2020_kz/3312">Telegram-ында.</a>
</blockquote>
Орталық басшысының айтуынша,&nbsp;кавасакиге ұқсас синдром&nbsp;анықталған барлық бала COVID-19-бен ауырғаны тіркелуде. Оның&nbsp;клиникалық белгілері&nbsp;– дене қызуының 38 градусқа дейін көтеріледі. Температура 24 сағатқа дейін сақталып, парацетамол, ибупрофен секілді ыстық түсіретін дәрілердің әсері болмайды.&nbsp;Сонымен бірге&nbsp;денеде бөртпе, іштің ауруы, диарея секілді белгілер пайда болып, тыныс алу жолдары зақымдалады, жөтел, тыныс жеткіліксіздігі, ентігу, жүрек тұсының ауыруы, конъюктивит пен алақанның домбығып ісінуі байқалады.
<blockquote>
 «Ауруды үйде емдеудің қажеті жоқ. Себебі ол өте ауыр өтеді. Тіпті кейде интенсивті реанимациялық көмек те қажет болуы мүмкін. Сондықтан осындай ауру белгілері пайда болса бірден учаскелік дәрігерді шақыру керек», – дейді маман.
</blockquote>
Басқа аурудан қарағанда кавасаки барлық жастағы балаға қауіп тудыруы мүмкін. Тіпті 21 жасқа дейінгі жастардан да анықталып жатады.
Бұл аурудың алдын алу үшін Риза Боранбаева мынадай&nbsp;кеңес береді:
– эпидемияға қарсы барлық шаралар – маска режимі мен арақашықтық режимін қатаң сақтау;
– адамдар көп шоғырланатын жерлерге, балалар алаңдарына, сауда орталықтарына бармау;
– балаларға қолымен бет-жүзін ұстатпай, қолын жууға үйрету;
– үйде ойыншықтарды тазалау;
– жедел вирусты инфекциясының белгілері бар адамдарға жақындамау;
– дұрыс тамақтанып, денеге қатты қысым түсірмеу.
<a href="https://lenta.inform.kz/kz/kavasaki-sindromy-kazakstandyk-maman-balalardy-korgau-zholdaryn-aytty_a3699810">ҚазАқпарат</a>

Кавасаки синдромы: Балаларды қорғау жолдары қандай?

<a href="https://kyzylorda-news.kz/date/2020/09/28/">Kyzylorda-news.kz</a>. Санитариялық-эпидемиологиялық қызметіне 5 жаңа көлік алынды. Қызметтік көліктер Қызылорда қаласы, Арал, Жалағаш, Жаңақорған аудандық тауарлар мен көрсетілетін қызметтердің сапасы мен қауіпсіздігін бақылау басқармаларына берілді.
Қазір пандемияның ықтимал екінші толқынына дайындық жұмыстары жүргізілуде. Маусым айынан бері облыста 17 дәріхана ашылды. Оның 9-ы облыс орталығында, 8-і аудандарда. Қазіргі таңда жұқпалы және провизорлық стационарларда, дәріханаларда COVID-19 індетін емдеуге арналған дәрілік заттардың 2 айға жеткілікті қоры жасақталды.
<blockquote>
 «Бүгінгі күні коронавирусты инфекция бойынша эпидахуал тұрақты. Облыс бойынша коронавирус инфекциясының 3234 жағдайы тіркелді. Эпидемиологиялық ахуал жақсарғанымен, әлі де босаңсуға ерте. Сондықтан дәл қазір жауапкершілікті мойнымызға алып, әрқайсымыз «жеке карантин» ережелерін мұқият үйренер және оны өмір салтына айналдырар кез келді», – деді облыс бойынша бас мемлекеттік санитариялық дәрігері Динара Жаңабергенова.
</blockquote>
Елімізде медицина саласындағы маман тапшылығын жою да кезек күттірмейтін мәселе. Әсіресе эпидемиолог, вирусолог, инфекционист, пульмонолог пен санитарлық дәрігерлер жеткіліксіздігі коронавирусты ифекциямен күрес кезінде ерекше сезілді. Ендігі кезекте денсаулық сақтау саласындағы кадр саясатына қатысты ұзақ мерзімді болжам әзірленетін болады.

Қызылордада санитариялық-эпидемиологиялық қызметіне 5 жаңа көлік алынды

<a href="https://kyzylorda-news.kz/">Kyzylorda-news.kz.</a> Поляк ғылым академиясы мен Варшава университетінің ғалымдары коронавирус пандемиясының басты себебін анықтады. Олардың пікірінше, індеттің бүкіл әлемге қарқынды түрде жайылуына «супертаратушылар» &nbsp;– вирусты бірден көп адамға жұқтыратын науқастар себепкер болды. Бұл туралы Royal Society Open Science журналында жарияланған мақалада айтылған.
Коронавирус енді тарай бастаған уақытта ғалымдар бір адам орта есеппен 3,8 адамға індет тарата алады деп топшылаған болатын. Алайда компьютерлік модельдеу қорытындысы 2020 жылдың наурыз және сәуір айларында «супертаратушылардың» әсерінен вирустың репродукция индексі &nbsp;11-ге жеткенін, яғни бір адам індетті 11 адамға жұқтыруы мүмкін екенін көрсетті.
Ғалымдардың айтуынша, «супертаратушылар» бұқаралық шараларға бару арқылы бірден көп адамға вирус жұқтырады. Егер олар футбол матчтары немесе концерттерге барса, індеттің таралу қарқыны тіпті үдей түспек. Мұны Испания мен Италия тәжірибесінен көруге болады. Шектеу шаралары енгізіліп, адамдардың топталып жиналуына тыйым салу арқылы аталған елдерде індетті жұқтыру көрсеткіші күрт төмендеді.
Джонс Хопкинс университетінің соңғы дерегінше, әлемде коронавирус жұқтырғандар саны 31,8 миллионнан асты. Індеттен 976 мыңнан астам адам қайтыс болды.
<a href="https://turkystan.kz/article/118845-koronavirus-pandemiyasyny-basty-sebebi-any-taldy?utm_source=fb&utm_medium=post&utm_campaign=cpc&fbclid=IwAR3-lpb0WH3fYSUUyaXZiA8saJo-W1l-7e9vvaSpC13KxXZD7M0PCG2u2j4">Turkystan</a>

Коронавирус пандемиясының басты себебі анықталды

<a href="https://kyzylorda-news.kz/date/2020/09/28/">Kyzylorda-news.kz.</a> Бір тәулікте коронавирус пен пневмониядан 4 адам қайтыс болды, деп хабарлайды денсаулық сақтау министрлігі.
Өткен тәулікте 3 адам COVID-19-дан, ал бір адам ковидтік пневмониядан көз жұмды.
Бір тәулікте 52 адамда коронавирус диагнозы расталды, 38 адам пневмонияға шалдықты.
13 наурыздан бері республика бойынша барлығы 107 775 адамда коронавирус анықталды. 1 725 адам қайтыс болды.
1 тамыздан бері 32 490 адам пневмонияға шалдықты, 350 науқас көз жұмды.
Қазіргі уақытта коронавирус инфекциясынан 3 314 адам ем қабылдауды жалғастыруда. Олардың арасында 46 бала бар. Стационарларда 1 827 науқас жатыр. 1 487 адам амбулаториялық жағдайда емделуде.
Жалпы науқастардың арасында 94 адамның жағдайы ауыр. Соның ішінде 15 пациенттің хәлі мүшкіл деп бағалануда. 23 науқас жасанды тыныс алдырту аппаратына қосылған.

Коронавирус пен пневмониядан қайтыс болғандар саны артты

Kyzylorda-news.kz. Соңғы зерттеулер коронавируспен ауырған науқастардың&nbsp; иммунитеті мықты екенін растап отыр. Бұл туралы “Ұлттық ғылыми кардиохирургия орталығы” АҚ Басқарма төрағасының міндетін атқарушы Махаббат Бекбосынова мәлімдеді, деп хабарлайды&nbsp;<a href="https://stan.kz/">Stan.kz</a>&nbsp;ақпарат агенттігі.
<blockquote>
 “Әлемдік қоғамдастықта тұрақты иммунитеттің бар-жоғы немесе бұл иммунитеттің қысқа мерзімді екендігі туралы көптеген пікірталастар мен көзқарастар бар. Бүгінгі таңда бұл мәселеде жалпы үйлесімділік жоқ, зерттелу үстінде. Бірақ соңғы шолу мақалаларда covid инфекциясынан кейін тұрақты әрі мықты&nbsp;иммунитет қалыптасады деген ақпарат бар. Сонымен қатар, егер бұрын covid-инфекциясының түрі неғұрлым ауыр болса, иммунитет соғұрлым тұрақты болады деп айтылса, қазір бұл сұрақтың жауабы болашақтың еншісінде деп ойлаймын”, – деді Бекбосынова ОКҚ брифингінде.
</blockquote>
Ол осы күнге дейін коронавирусты қайта жұқтырған бір ғана науқас болғанын, бірақ осы вирустың басқа штаммы сипатталғанын айтты.
“Бұл хабарлама Сингапурдан келді. Науқас жеңіл&nbsp;түрде COVID вирусының басқа штаммының инфекциясын жұқтырды”, – деді ол.

Коронавируспен ауырғандардың иммунитеті мықты болады &#8211; Дәрігер

Kyzylorda-news.kz. Денсаулық сақтау министрлігінің ресми өкілі Бағдат Қожахмет қатаң карантин енгізудің басты талабын жариялады, деп хабарлайды&nbsp;<a href="https://sputniknews.kz/">Sputnik Қазақстан</a>. &nbsp;
<blockquote>
 “Бұған дейін біз қажет болса, коронавирусқа шалдыққандар үшін 70 мыңнан астам орын ашылуы мүмкін екенін айтқан едік. Соның ішінде 51 мың орын стационарларда, яғни ауруханаларда болады. Дүниежүзілік денсаулық сақтау ұйымының ұсынымына сәйкес, егер осы 51 мың орынның 70 проценті толып қалса, қатаң карантин шараларын енгізуге тура келеді”, – деді Қожахмет орталық коммуникациялар қызметінде өткен онлайн брифингте.
</blockquote>
Оның айтуынша, қатаң карантиндік шаралардың барлығы бас мемлекеттік санитарлық дәрігердің қаулысында көрсетілген.
<blockquote>
 “Дегенмен, оған дейін бармайды деп сенеміз. Қазіргі жағдай тұрақты, науқастар мен құрбандардың саны күн сайын төмендеп келеді. Бұл дегеніміз, санитарлық нормалар жақсы сақталып жатыр. Әрине, барлығы өзімізге, қоғамдық тәртіпке байланысты болады”, – деп атап өтті Қожахмет.
</blockquote>
Айта кетейік, бүгінде республика бойынша коронавирусқа шалдыққандардың жалпы саны 107 590 адамға жетті. Олардың ішінде 102 360 науқас жазылып шыққан. 3 515-і емделіп жатыр. 1 699 науқас осы індет салдарынан қайтыс болды.
Бұдан бөлек, 1 тамыздан бастап елімізде коронавирустың белгілері бар пневмонияның статистикасы бөлек жүргізіледі. Осы уақытқа дейін 31 991 адам пневмонияға шалдықты, 347 науқас қайтыс болды.
Соңғы бір тәуліктің ішінде COVID-19 бен пневмониядан бес адам көз жұмды.

Қатаң карантин қай кезде енгізіледі – денсаулық сақтау министрлігі түсініктеме берді

<a href="https://kyzylorda-news.kz/">Kyzylorda-news.kz.</a> Шығыс Қазақстан облысының тауарлар мен көрсетілетін қызметтердің сапасы мен қауіпсіздігін бақылау департаменті кезекші сыныптар мен шағын мектептерде коронавируспен ауырып қалған төрт оқушы туралы ақпарат таратты.
<blockquote>
 “Бірінші қыркүйектен бастап облыста төрт бала коронавирус жұқтырды. Олар Шемонаиха ауданының төртінші сыныбында оқитын екі оқушы, Көкпекті ауданының 11-сынып оқушысы және Алтай ауданының 2-сынып оқушысы. Науқастар оқитын мектеп шағын жинақталған мектеп болып табылады”, – деп хабарлады департамент.
</blockquote>
Екі сынып пен бір мектеп екі апталық карантинге жабылды.
COVID-19 инфекциясы анықталған барлық мектепте эпидемияға қарсы дезинфекциялық шаралар жүргізілді.
Айта кетейік, 14 қыркүйекте 2-сынып оқушысының коронавирус жұқтырғаны белгілі болған.
Ал 18 қыркүйекте өткен брифингте тауарлар мен көрсетілетін қызметтердің сапасы мен қауіпсіздігін бақылау комитетінің жұқпалы ауруларды эпидемиологиялық қадағалау басқармасының басшысы Роза Қожапова кезекші сынып оқушылары арасында инфекция жұқтырғандар жоқ екенін хабарлады.
Алайда, коронавирус қашықтан білім алатын 9-сынып оқушысынан да анықталған.
<a href="https://m.sputniknews.kz/society/20200924/15042004/infektsiya-zhuqtygran-oqushylar.html">Sputniknews.kz</a>

COVID-19 инфекциясын жұқтырған кезекші сынып оқушыларының саны артты

<a href="https://kyzylorda-news.kz/">Kyzylorda-news.kz.</a> Коронавирус белгілері бар пневмониямен ауырған қазақстандықтарға қатысты жаңа статистика шықты деп хабарлайды Сoronavirus2020.kz Telegram арнасы.
Ресми деректерге сүйенсек, 22 қыркүйектегі аймақтар бойынша ауырғандардың саны:
Нұр-Сұлтан қаласы – 3845
Алматы қаласы – 3072
Шымкент қаласы – 732
Ақмола облысы – 934
Ақтөбе облысы – 1281
Алматы облысы – 1530
Атырау облысы – 1392
Шығыс Қазақстан облысы – 4382
Жамбыл облысы – 1747
&nbsp;Батыс Қазақстан облысы – 1045
Қарағанды облысы – 2101
Қостанай облысы – 2815
Қызылорда облысы – 901
Маңғыстау облысы – 877
Павлодар облысы – 1877
Солтүстік Қазақстан облысы – 1164
Түркістан облысы – 1472.

Қызылорда облысында 901 адам коронавирус белгілері бар пневмониямен ауырған

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 79 адамда коронавирус індеті ПТР арқылы расталды, деп хабарлайды&nbsp;<a href="https://www.coronavirus2020.kz/kz">coronavirus2020.kz</a>.
Аймақтар бойынша:
Нұр-Сұлтан қаласы –&nbsp;16 
Алматы қаласы –&nbsp;3 
Шымкент қаласы –&nbsp;1 
Ақмола облысы –&nbsp;4 
Алматы облысы –&nbsp;3 
Атырау облысы –&nbsp;8 
Шығыс Қазақстан облысы –&nbsp;21 
Батыс Қазақстан облысы –&nbsp;2 
Қарағанды облысы –&nbsp;5 
Қостанай облысы –&nbsp;2 
Қызылорда облысы –&nbsp;1 
Павлодар облысы –&nbsp;3 
Солтүстік Қазақстан облысы –&nbsp;6 
Түркістан облысы –&nbsp;4
Жалпы ел бойынша ауырғандар саны –&nbsp;107 529.

Қызылорда облысында коронавирус індеті тіркелді

<a href="https://kyzylorda-news.kz/">Kyzylorda-news.kz.</a> Қызылордада «МӘМС жүйесінде сақтандырылған бол! акциясы өтті. Мақсаты – міндетті әлеуметтік медициналық сақтандыру және тегін медициналық көмектің кепілдік берілген көлемінің қағидаттары мен артықшылықтарын, пациенттердің құқықтары мен мүмкіндіктерін түсіндіру.
Медициналық сақтандыру қоры филиалының, облыстық жастар денсаулығы орталығының мамандары “Arai citi mall” сауда-ойын-сауық орталығының келушілеріне МӘМС жүйесі туралы ақпараттық-материалдар, брошюралар, постерлер таратып, сұрақтарға жауап берді.
Атап айтқанда, тұрғындар МӘМС мәртебесін анықтау, қымбат медициналық қызмет алу, пациент ретінде өз құқықтарын қорғау сияқты мәселелерге қызығушылық танытты.
Сондай-ақ, емханаларға еркін тіркелу науқанының осы кезеңінде МӘМС жүйесінде халықты өзектендіру мәселелері аса өзекті. Аймақтын 8 мыңнан астам тұрғыны алғашқы медициналық-санитарлық көмек ұйымдарына тіркелмеген.
Медициналық көмекке қол жеткізбей қалмау үшін тұрғылықты жері бойынша емханада МӘМС жүйесінде тіркелу және сақтандырылу мәртебесін тексеру қажет.
Өзінің cақтандыру мәртебесін Электрондық үкімет порталында, Қор сайтында, Telegram-дағы SaqtandyryBot арқылы және «Qoldau 24/7» мобильді қосымшасы арқылы білуге болады.
Облыста халықтың 80% – ға жуығы міндетті әлеуметтік медициналық сақтандыру жүйесінің қатысушылары болып табылады, 147 мыңнан астам адам сақтандырылмаған.
<img src="https://kyzylorda-news.kz/wp-content/uploads/2020/09/osms-1-1-scaled.jpg" alt="" />
<img src="https://kyzylorda-news.kz/wp-content/uploads/2020/09/osms-2-1-scaled.jpg" alt="" />

МӘМС жүйесінде сақтандырылдыңыз ба?

<a href="https://kyzylorda-news.kz/">Kyzylorda-news.kz.</a> Жыл сайын тұмау мен жедел респираторлық вирустық инфекцияларды жұқтырушылардың саны көбейіп келеді. Соған орай ел тұрғындарына тұмауға қарсы вакцина салынады. Биыл елімізде екпе науқаны екі аптаға ерте басталды. Өйткені коронавирус індеті кезінде тұмау өршіп, салдары қауіпті болуы мүмкін. Сондықтан қазіргі таңда екпенің аурудың алдын алуға ықпалы зор.
Өткен жылы елімізде 430 мың адам тұмауратса, оның 60 пайыздан астамы 14 жасқа толмаған балалар. Соған орай екпе жұмыстарымен алдымен балабақша мен мектеп жасындағылар бірінші кезекте қамтылуда.
Сырдария ауданы бойынша 2020 жылдың 1 қазанына дейін 3646 адамға вакцина салу жұмыстары жүргізілуде. Қазіргі таңда диспансерлік есепте тұратын тұрғындарға, жүкті әйелдерге, медициналық ұйымдарда бақылауда тұрған балаларға, 6 айдан асқан жиі ауыратын балаларға, ересек адамдарға екпе егілуде. Бүгінгі күнге екпе жұмыстары 64,5 пайызға орындалып отыр.
<blockquote>
 «Қазір күн салқындады. Оның үстіне қауіпті індет түбегейлі жойылған емес. Сондықтан тұмауға қарсы екпені салдырып алған дұрыс. Статистикалық мәліметтер бойынша жыл сайын қазан айының ортасында тұмаумен және жіті респираторлы вирустық инфекциямен ауыратындар күрт көбейеді. Ал вакцинадан кейінгі иммунитет 2 аптадан кейін болады. Сол себепті де екпені ерте салдырып алу қажет. Осы бағытта ауданда ауданның медицина қызметкерлері тиісті жұмыстарды жүргізіп жатыр», – дейді аудандық аурухана бас дәрігерінің бастапқы медициналық көмек көрсету жөніндегі орынбасары Жанар Әшімқызы.
</blockquote>
Қауіпке қорған – сақтық екенін ескерсек, тұмау және жіті респираторлы вирустық инфекция жұқтырмас үшін екпе салдырып алу қажет. Айта кетейік, екпе жұмыстары аудандық емхана мен ауылдық округтердегі дәрігерлік амбулаторияларда жүргізілуде.
<img src="https://kyzylorda-news.kz/wp-content/uploads/2020/09/syrdarijada-tumawgha-2.jpg" alt="" />
<img src="https://kyzylorda-news.kz/wp-content/uploads/2020/09/syrdarijada-tumawgha-3.jpg" alt="" />

Сырдарияда тұмауға қарсы екпе жұмыстары 64,5 пайызға орындалды

<a href="https://kyzylorda-news.kz/">Kyzylorda-news.kz.</a> Бір тәулікте COVID-19 инфекциясынан 4 адам көз жұмды. Пневмониядан қайтыс болғандар жоқ, деп хабарлайды денсаулық сақтау министрлігі.
Өткен тәулікте коронавирустан 4 адам қайтыс болды, ковидтік пневмониядан көз жұмғандар 1 тамыздан бері алғаш рет тіркелген жоқ.
Бір тәулікте 76 адам жұқтырды, 364 адам пневмонияға шалдықты.
13 наурыздан бері республикада 107 450 пациентте коронавирус диагнозы расталды, 1 707 науқас қайтыс болды.
Ал 1 тамыздан бері 31 532 науқас пневмонияға шалдықты, 345 науқас көз жұмды.
Қазіргі уақытта коронавирус инфекциясынан 3 524 адам ем қабылдауды жалғастыруда. Олардың арасында 32 бала бар. Стационарларда 1 868 науқас жатыр. 1 656 адам амбулаториялық жағдайда емделуде.
Пациенттердің арасында 101 адамның жағдайы ауыр. Соның ішінде 14 науқас хәл үстінде жатыр. 20 науқас жасанды тыныс алдырту аппаратына қосылған.

Қазақстан және Қызылорда облысының жаңалықтары: Денсаулық

Кавасаки синдромы: Балаларды қорғау жолдары қандай?

Қызылордада санитариялық-эпидемиологиялық қызметіне 5 жаңа көлік алынды

Коронавирус пандемиясының басты себебі анықталды

Коронавирус пен пневмониядан қайтыс болғандар саны артты

Коронавируспен ауырғандардың иммунитеті мықты болады – Дәрігер

Қатаң карантин қай кезде енгізіледі – денсаулық сақтау министрлігі түсініктеме берді

COVID-19 инфекциясын жұқтырған кезекші сынып оқушыларының саны артты

Қызылорда облысында 901 адам коронавирус белгілері бар пневмониямен ауырған

Қызылорда облысында коронавирус індеті тіркелді

МӘМС жүйесінде сақтандырылдыңыз ба?

Сырдарияда тұмауға қарсы екпе жұмыстары 64,5 пайызға орындалды

Қазақстанда коронавирустан қайтыс болғандар саны көбейді

Қазақстан және Қызылорда облысының жаңалықтары: Денсаулық

Кавасаки синдромы: Балаларды қорғау жолдары қандай?

Қызылордада санитариялық-эпидемиологиялық қызметіне 5 жаңа көлік алынды

Коронавирус пандемиясының басты себебі анықталды

Коронавирус пен пневмониядан қайтыс болғандар саны артты

Коронавируспен ауырғандардың иммунитеті мықты болады &#8211; Дәрігер

Қатаң карантин қай кезде енгізіледі – денсаулық сақтау министрлігі түсініктеме берді

COVID-19 инфекциясын жұқтырған кезекші сынып оқушыларының саны артты

Қызылорда облысында 901 адам коронавирус белгілері бар пневмониямен ауырған

Қызылорда облысында коронавирус індеті тіркелді

МӘМС жүйесінде сақтандырылдыңыз ба?

Сырдарияда тұмауға қарсы екпе жұмыстары 64,5 пайызға орындалды

Қазақстанда коронавирустан қайтыс болғандар саны көбейді

Коронавируспен ауырғандардың иммунитеті мықты болады – Дәрігер