Қызылорда ОПД ЕҚҚІҚБ тарапынан жарияланған байқауға
Жетеді әлі қасіреті ғаламның,
Қас жауы бар есірткідей адамның.
Қаптамасын алқабында сорасы,
Кең жазира менің алтын даламның.
Егеменді еліміздің, көк байрағымыздың тұғырлы, елімнің ертеңі жарқын болуы болашақ ұрпақтың қолында екені баршамызға аян. Білімді де саналы, салауаттылықты жанына серік еткен бүгінгі жас ертеңгі елімнің бейнесі, иесі десем, қателеспеген болар едім.
Қазіргі таңда күн тәртібінен түспей жүрген қоғамымыздың дерті жастардың зиянды әдеттерге бой алдыруы. Ол қоғам үшін қаншалықты қауіпті?!
Есірткі…тағы да есірткі… өкінішке орай қоғамдағы зияны жайлы, қаншалықты қауіпті екенін айтып, ғалымдар дабыл қағуда! Есірткіге тәуелді адамды нашақор деп атайды.
Нашақорлық – адам ағзасын өте тез уландыратын, аса қауіпті психикалық дерт.
Оны әсіресе, жас ағзалар тез қабылдайды. Қазір республикамыздағы нашақорлардың дені 15 пен 25 жас аралығындағы жастар екені өкініш тудырып отыр. Медицинада «наркотизм», ал оның ауыр түрін «наркомания» деп атайды.
Грек тілінен аударғанда «нарк» – жасанды ұйқы, «мания» – есі кету, есіру деген ұғым береді. Нашақорлықтың адам ағзасына тигізетін зияны өте қауіпті және психикаға әсер ететін есірткі, адамды біршама уақытқа дейін көңілдендіреді, ең өкініштісі адам өліміне соқтыруы әбден мүмкін екені дәлелденген жайт.
Есірткі заттарын қолданып дағдыға айналдырған нашақорлар 12-18 сағаттан кейін тағы қайталамаған жағдайда денесі құрысып-тырысып, көздерінен жас ағып, тамақ ішсе құсып, тәбеттері ашылмайды. Басы жиі ауырып, буын-буыны, аяқ-қолының бұлшық еттері шаншып, ішек-қарыны бүріп, іші өтіп, бойынан сұп-суық тер шығып, мазасызданады. Мұны олардың тілінде «ломка» дейді. Сырқат адам ашушаң болып, ызақорлық көрсетеді. Жүйке жұқарған көріністер, өзін-өзі жарақаттау, тіпті кейде өзіне қолданып жүрген емдеу тәсілдеріне қарсы мінез көрсетеді. Ақырын ғана шыққан дыбыс нашақорға тау құлап жатқандай болып естіледі. Алдында жатқан бір тал шыбық бөрене боп, тау төбе болып елестейді.
Адамның аңғару, ойлау қабілеті нашарлап, бос сандырақтайды, жөнсіз күлетін күй кешеді. Содан соң оны бірнеше сағатқа шейін ұйқы басады. Оянған соң нашақордың есіл-дерті қайдан да болса да есірткі заттарды тауып ішуде болады. Ең қатерлісі – нашақор есірткіге ақша табу үшін кісі тонау, ұрлық жасауға барады. Осы қауіпті ісі үшін жақындарынан, жақсы ортадан алыстай бастайды,оларды жеңіл ақша табу қоғамға келтіретін залалын ойлап, туысы, отбасы бас тартары анық. Есірткіге елітіп,қылмыстық іске баратындар қаншама?! Дәл осы жағдайда өз денсаулығының қас жауы сонымен бірге қоғамға өте қауіпті болып саналатыны өкінішті болып отыр.
Көп жағдайда есірткіге үйір болған жандар кімдер?
Зерттеу нәтижесінде анықталғандай жиі ұрыс-керіс орын алатын отбасылар, толық емес отбасылар, ата-ана бақылауынсыз қалған жасөспірімдер өздеріне жұбанышты есірткіден іздейтіні кездесіп отыр.
Біз дәстүрі мықты, қаймағы бұзылмаған, қариясын сыйлап, төрге оздырған халық ретінде ұрпағымыздың бұл дертке бой алдырмауының алдын алу шараларын тек дәрігер, ұстаздар ғана емес қоғам болып қолға алуымыз керек.
Бұл орайда мектеп психологы мен сынып жетекшісі айрықша рөл атқарады.
Мектеп табалдырығын аттаған әрбір бүлдіршіннің отбасы жағдайы толық зерттеліп, әлеуметтік карта толтырылып, сол карта бойынша түрлі санаттағы отбасылармен тығыз байланыс орнату – әр жасөспірімнің жарқын болашағының кепілі ғана болып қоймай, өз ісінің нағыз маманы екенін аңғартары сөзсіз.
Күнделікті сабақта отырған оқушының көңіл күйі сенің назарыңнан тыс қалмау керек. Оны аңғару, дер кезінде көмек қолын созу, жақсы жол көрсету, зиянды заттар мен әдеттерден бойын аулақ ұстауға тәрбиелеу – сенің шеберлігің әрі ұрпақ алдындағы адамзаттық борышың.
Есірткіге еліту… Қоғам дерті – ұлт дерті. Дерті бар ел қалай өркен жайып, гүлденбек, жасарып, жаңғырмақ. Олай болса, білімді де білікті ұрпағымыз азбасын десек, осы тақырыптағы насихаттау жұмысының түрлі формаларын жүзеге асыра отырып, «Есірткіге жол жоқ!» ұранымен қоғамдағы дерттің алдын алуға бірге ат салысайық!
Балғын ЕГІЗБАЕВА,
Қызылорда қаласындағы №12 ІТ-мектеп-лицейінің
тарих және құқық пәнінің мұғалімі

Ұстаздар есірткіге қарсы

<a href="https://kyzylorda-news.kz/">Kyzylorda-news.kz</a>. Аймақта коронавирус инфекциясының болжамды екінші толқынына дайындық жұмыстары күшейтілді. Бүгінде облыста жалпы жағдай тұрақты. Медициналық ұйымдар штаттық режимде жұмыс істеуді. Қазір 3500 медицина қызметкерлерінің резерві құрылды.
Қызылорда қаласында 200 орындық модульдік жұқпалы аурулар ауруханасының құрылысы жүріп жатыр. Көпбейінді облыстық ауруханада және Қазалы ауданаралық ауруханасында демеушілер есебінен оттегі&nbsp;станциясы салынуда.
<blockquote>
 “Тез соғылатын модульді инфекциялық аурухананың құрылысы желтоқсан айының бірінші онкүндігінде аяқталады. Онда науқастардың ем алуына толық жағдай жасалынады. Жергілікті жердің дәрігерлері жұмыс істейтін болады”, – облыстық денсаулық сақтау басқармасының басшысы Сәбит Пазылов.
</blockquote>
Жыл басында облыста өкпені жасанды желдету (ИВЛ) аппаратының саны 76 болса, қазіргі таңда 244-ге жетті.

Қызылордада 3500 медицина қызметкерлерінің резерві құрылды

&nbsp;<a href="https://kyzylorda-news.kz/">Kyzylorda-news.kz</a>. Қазақстанда 820 адам коронавирус жұқтырған, деп хабарлайды &nbsp;<a href="https://www.coronavirus2020.kz/kz">coronavirus2020.kz</a>.
Коронавирусқа қатысты 25 қараша 23:59-дағы эпидемиологиялық жағдай бойынша, Қазақстанда 820 адам коронавируспен ауырғаны ПТР арқылы расталды.
Аймақтар бойынша:
Нұр-Сұлтан қаласы – 77 
Алматы қаласы – 77 
Шымкент қаласы – 11 
Ақмола облысы – 75 
Ақтөбе облысы – 7 
Алматы облысы – 30 
Атырау облысы – 14 
Шығыс Қазақстан облысы – 164 
Жамбыл облысы – 14 
Батыс Қазақстан облысы – 37 
Қарағанды облысы – 19 
Қостанай облысы – 63 
Қызылорда облысы – 3 
Маңғыстау облысы – 3 
Павлодар облысы – 110 
Солтүстік Қазақстан облысы – 114 
Түркістан облысы – 2
Жалпы ел бойынша ауырғандар саны 128 400.

Өткен тәулікте Қызылордада 3 адам коронавирус жұқтырған

<a href="https://kyzylorda-news.kz/">Kyzylorda-news.kz</a>. Сальмонеллез – сальмонелла бактерияларымен қоздырылатын, фекальды-оральды механизммен берілетін, жиі гастроинтестинальды, сирек жайылмалы түрлерінде өтетін жедел антропозоонозды ауру.
Ол – өте қауіпті, жұқпалы ауру. Онымен адам да, жан-жануарлар да ауырады. Ауру малдың етін жегенде, сүтін ішкенде, құстың жұмыртқасын пайдаланғанда жұғуы мүмкін.
Тамақ арқылы ауру қоздырғыш микробтар асқазанға, одан аш ішекке түсіп, өсіп-өне бастайды, өзінен улы заттар бөледі де, ішектің ішкі қабығын ісіндіріп зақымдайды. Ауру қоздырғыштар және бұлардан бөлінген улы заттар лимфа және қан тамырлары арқылы организмге таралады да, кей органдарға қонып, олардын қызметін бұзады. Ауру қоздырғыш микробтардан бөлінген улы заттар қан тамырын уландырады.
Ауру қоздырғыш микроб сау баланың денесіне түскеннен кейін бірнеше сағаттан соң, кейде 2-3 күннен кейін, тіпті 5-6 күн өткен соң барып аурудың алғашқы белгілері біліне бастайды. Кейде ауру күрт басталып, баланың температурасы тез көтеріледі, түсі боп-боз болып кетеді, әлсірейді. Тамаққа тәбеті болмайды, ойынға зауқы соқпайды. Көңіл күйі төмендейді, басы ауырып, лоқсып құсады. Іші кеуіп, өтеді. Үлкен дәреті көпіршіктеніп, түсі сұрғылттанады және өте иісті болады. Кейінірек оған жалқық пен қан араласа бастайды. Іші ауырып, етпетінен жатқысы келе береді. Жігері мен көк бауыры ісінеді.
Көбінесе бұл ауру әр түрлі басталады. Ұзақ емдеуді қажет етеді. Баланы ауырған сәтте дәрігерге көрсету керек. Науқас бала жұқпалы ауруларды емдейтін ауруханада емделеді.
Ауырып жазылған баланың үйдегі күтімінің жақсы, тамағының құнарлы, көңіл-күйінің көтеріңкі болуына жағдай жасау керек. Таза ауада дене шынықтыру мен гимнастика жасаумен шұғылданғаны дұрыс.
Күнделікті тағамға жеміс-жидек, олардың шырындарын беріп отырған пайдалы. Сальмонеллез созылмалы ауру болғандықтан ұзақ емдеуді қажет етеді.
Мақпал ҚАСБАЕВА,
Қармақшы аудандық Ұлттық сараптама орталығының бактериологиялық және паразитологиялық зерттеулер зертханасының зертханашысы

Сальмонеллез ауруынан қалай сақтануға болады?

<a href="https://kyzylorda-news.kz/">Kyzylorda-news.kz</a>. Жыл басынан бері Қызылорда облысы бойынша медициналық ұйымдарына 49,63 млрд. теңге төленді. Бұл қаржыландыруды Әлеуметтік медициналық сақтандыру қоры мемлекеттік тапсырыс шеңберінде тегін медициналық қызметтер үшін және міндетті әлеуметтік медициналық сақтандыру пакеті шеңберінде жүзеге асырады. Бұл туралы Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов мәлімдеді.
49,63 млрд теңгенің 38,96 млрд теңгесі тегін медициналық көмектің кепілдік көлеміне берілген, 10,67 млрд теңгесі МӘМС аясындағы қызметтерге бөлінген.
2020 жылға Әлеуметтік медициналық сақтандыру қорының филиалымен 56 медициналық қызмет көрсетушілермен келісім – шарт жасалды, оның ішінде – 29 мемлекеттік медициналық ұйым, 27 – жеке меншік.
Барлығы 60,9 млрд теңгеге шарттар жасалды, оның ішінде 44,3 млрд теңге (72,7%) тегін медициналық көмектің кепілдік берілген көлемі шеңберінде, 16,6 млрд теңге (27,3%) МӘМС қаржысы құрайды.

МӘМС: Қызылордада медициналық ұйымдарға 49,63 млрд теңгеден астам қаржы төленді

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 720 адамда коронавирус індеті ПТР арқылы расталды.
Аймақтар бойынша: 
Нұр-Сұлтан қаласы – 50 
Алматы қаласы – 43 
Шымкент қаласы – 3 
Ақмола облысы – 69 
Ақтөбе облысы – 6 
Алматы облысы – 22 
Атырау облысы – 8 
Шығыс Қазақстан облысы – 160 
Жамбыл облысы – 14 
Батыс Қазақстан облысы – 29 
Қарағанды облысы – 18 
Қостанай облысы – 66 
Қызылорда облысы – 1 
Маңғыстау облысы – 2 
Павлодар облысы – 112 
Солтүстік Қазақстан облысы – 112 
Түркістан облысы – 5
Жалпы ел бойынша ауырғандар саны – 127 580.

Қызылордада коронавирус тіркелді

<a href="https://kyzylorda-news.kz/">Kyzylorda-news.kz.</a>&nbsp;Міндетті әлеуметтік медициналық сақтандыру жүйесінде сақтандырылған азаматтар қымбат тұратын медициналық қызметтерге жүгіне алады.
№6 емханаға қарасты Қызылорда қаласының тұрғыны жатыр миомасы және аналық без кистасы диагнозы қойылды. Қызылорда қалалық ауруханасының дәрігерлері оған лапароскопиялық отаны сәтті жасады. Қазір науқас өзін жақсы сезініп, емханада емін жалғастыруда.
Әйел уақытша жұмыс істемейді, бірақ ай сайын МӘМС жарналарын төлейді, сондықтан оған сақтандыру пакетінің барлық медициналық қызметтері қол жетімді.
<blockquote>
 «Осы жылдың қаңтар айынан бастап мен МӘМС жүйесіне ай сайын 2 125 теңге аударамын. Бұл менің УДЗ, МРТ, және қымбат анализдер үшін өз қалтамнан қанша ақша төлегенімді ескерсек, бұл аз сома. Мен сақтандырылғандықтан, маған да ота жасалды, емханада эндометриозды емдеуге арналған дәрілер тегін беріледі. Көмек үшін дәрігерлерге алғыс айтамын. Мен медициналық сақтандырудың жұмыс істейтінін түсіндім», – дейді қала тұрғыны.
</blockquote>
Қызылорда облысында 30-35 жастағы әйелдер арасында қатерсіз ісік, миома, киста, қалыптан тыс қан кетулер жиі кездеседі. Сондықтан дәрігерлер скринингтік тексерулерге ерекше назар аударады.
<blockquote>
 «Мысалы, егер жатыр мойнының скринингі барысында дисплазия, адамның папилломавирусы, қатерлі ісік анықталса, біз пациентті жеке клиникаларға, зертханалық және диагностикалық тексерулерге жібереміз. Егер онда диагностикалық жабдықтарда ақаулар туындаса, біз Қызылорда немесе Нұр-Сұлтан, Алматы, Шымкент қалаларының басқа клиникаларына жібереміз. Сақтандырылған азаматтарға медициналық қызметтің барлық түрлері қолжетімді болуы тиіс», – деп атап өтті №6 емхананың гинекологиялық бөлімшесінің меңгерушісі Индира Ермаханова.
</blockquote>
Дәрігерлердің айтуынша, тұрғындар МӘМС жүйесінің артықшылықтарын сезініп келеді.

МӘМС: Тұрғындар қымбат медициналық қызметтерге жүгіне алады

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Қазақстанда 23 қарашада 840 адам коронавирус індетінен емделіп шыққаны белгілі болды, деп хабарлайды&nbsp;<a href="http://www.coronavirus2020.xn--kz--tddy/">coronavirus2020.kz</a>.
Аймақтар бойынша
Алматы қаласы – 97 
Ақмола облысы – 75 
Атырау облысы – 3 
Шығыс Қазақстан облысы – 111 
Жамбыл облысы – 31 
Батыс Қазақстан облысы – 64 
Қарағанды облысы – 15 
Қостанай облысы – 116 
Қызылорда облысы – 15 
Павлодар облысы – 55 
Солтүстік Қазақстан облысы – 258
Қазақстан бойынша жазылғандар саны – 113 646.

Қызылорда облысында 15 адам коронавирустан жазылып шықты

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Аймақта коронавирус инфекциясымен тіркелгендердің саны 3285-ке жетті. Соңғы аптада облыс бойынша коронавирус инфекциясын жұқтырудың 17 дерегі анықталды. Оның ішінде, аурудың жоғары көрсеткіші 20 жастан 69 жас аралығындағы азаматтар арасында жиі тіркелуде.
<blockquote>
 “Жүргізілген талдауларға сәйкес коронавирус инфекциясы бойынша барлық тіркелген жағдайдың 69-ы сырттан тасымалданған, қарым-қатынас арқылы жұқтырғандар саны –1301, скрининг арқылы анықталғандар – 1915 құрайды. Бұл әлі де болса жастардың ойын-сауық басқосуларының жалғасып, карантин режиміне қарамастан үлкен кісілердің ас беру, үй жағдайында той, беташар өткізу секілді көпшілік іс-шараларына баруы тыйылмай отырғандығын көрсетеді”,-деді облыстың Бас мемлекеттік санитариялық дәрігері Әлия Әбдіқайымова.
</blockquote>
Карантиндік шаралардың сақталуы мониторингтік топтың күнделікті бақылауында. Халыққа қызмет көрсету орындарында карантиндік талап қатаң сақталуы тиіс. Олай болмаған жағдайда нысан әкімшілігі жауапкершілікке тартылып, айыппұл арқалайды.

Соңғы аптада Қызылордада 17 адам коронавирус инфекциясын жұқтырған

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Биылғы жылдың 9 айында міндетті әлеуметік медициналық сақтандыруға шамамен 399 млрд теңге аударылды.
Экономикалық белсенді емес халық үшін мемлекеттен транш, ал бұл 11 млн адам, 222 млрд теңгені құрады. 115 млрд астам теңгені жұмыс берушілер, 49,5 млрд теңгені – жалдамалы жұмысшылар, 7 млрд теңгені – жеке кәсіпкерлер, 2,5 млрд теңгені – БЖТ төлеушілер, 1,5 млрд теңгені – азаматтық – құқықтық сипаттағы шарт бойынша еңбек ететін жеке тұлғалар, 1 млрд теңгені – өз-өзіне төлем жасаушылар жіберді.
МӘМС үшін жарналар мен аударымдар Ұлттық банктегі арнайы шотқа түсетінін атап өткен жөн. Бұл қаражат Әлеуметтік медициналық сақтандыру қорының жеткізуші – медициналық ұйымдары көрсеткен МӘМС пакетінің медициналық қызметтеріне ақы төлеуге жұмсалады.
Қазіргі уақытта медициналық сақтандырумен 15,8 млн адам қамтылды.
Қаңтардан қыркүйекке дейін Қор МӘМС пакетінің медициналық көмегін қаржыландыруға 215,4 млрд теңге жіберді. Шығындардың басым бөлігі – 90 млрд теңге-стационарлық және стационарды алмастыратын жағдайларда мамандандырылған медициналық көмекті қамтамасыз етумен байланысты. Жалпы, МӘМС бойынша тәуліктік стационарларда 591 мың пациент, күндізгі стационарларда 373 мың пациент емделді.
Әлеуметтік медициналық сақтандыру қоры 17 млрд теңгеден астам соманы қаңтардан қыркүйекке дейін жоғары технологиялық медициналық қызметтерді төлеуге бағыттады – бұл, ең алдымен, қымбат тұратын операциялар: емделген жағдайлардың саны 5 мыңнан асады, олардың орташа құны – шамамен 3,1 млн теңге.
Қалпына келтіру емі мен медициналық оңалту үшін 16,6 млрд теңге төленді, емделген жағдайлардың саны – 80 мыңнан астам. Естеріңізге сала кетейік, қазіргі уақытта азаматтардың коронавирус пен коронавирустық инфекциямен аурығаннан кейін оңалтудан өту мүмкіндігі бар.
Есептік кезеңде консультациялық-диагностикалық қызметтерге ӘМСҚ 65,6 млрд теңге бағыттады, 7,7 млн зерттеу жүргізілді. Тұрғындар арасында жүргізілген скринингтер үшін 2 млрд теңгеден астам төлем жасалды.
9 айда халықтың жекелеген санаттарына 10 млрд теңгеге жуық сомаға 5,3 млн-нан астам стоматологиялық қызмет көрсетілді.
<blockquote>
 «Әлеуметтік медициналық сақтандыру қоры пациенттердің құқықтарын қорғау – Қордың жұмысындағы басымдық екенін еске салады. Егер пациент медициналық көмек көрсетуден бас тартуға тап болса немесе ол тиісті түрде көрсетілмесе, онда кері байланыс арналары – 1406 нөмірі бойынша байланыс орталығы, Qoldau 24\7 мобильді қосымшасы немесе SaqtandyruBot Telegram-боты арқылы ӘМСҚ-на жүгінуі қажет. Қордың мамандары мен сарапшылары Жедел әрекет етіп, қажетті көмек көрсетеді», – деп атап өтті ӘМСҚ баспасөз қызметінде.
</blockquote>
Айта кету қажет, тек қаңтар-қыркүйек айларында Әлеуметтік медициналық сақтандыру қорына халықтан 469 мың өтініш түсті. Барлық өтініштердің 454 мыңнан астамы консультациялық сипатқа ие, алты мыңға жуығы – шағымдар, екі мыңнан астамы – медициналық ұйымдар мен дәрігерлерге алғыс.

ӘМСҚ: Жыл басынан бері 399 млрд теңге аударылды

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Қызылорда облысында коронавирус инфекциясының болуы мүмкін екінші толқынына дайындық жұмыстары күшейтілген. Халыққа бірінші кезектегі қажетті дәрі-дәрімектің екі айлық қоры жасақталған. Мұнан бөлек, тұрақтандыру қоры арқылы дәрілік заттарды алуға 488 млн.теңгеге қаржы бөлінген. Бұл&nbsp; туралы облыстың әкімі Гүлшара Әбдіқалықова брифингте баяндады.
<blockquote>
 «Індетпен күресте өкпен жасанды желдету (ИВЛ) аппаратын 244-ке жеткіздік. 9 ПТР, 60 рентген аппараты, 682 оттегі концентраторы бар. Қажетілігіне қарай 21 инфекциялық стационарда 3200 төсек орнын дайындауға мүмкіндігіміз бар. Жақын күндері 200 төсектік жаңа модульдік инфекциялық аурухананың құрылысы аяқталады», – деді Гүлшара Әбдіқалықова.
</blockquote>
Облыста медицина мамандары үшін 44 санитарлық автокөлік табысталған. Сонымен бірге демеушілер есебінен облыстық көпбейінді ауруханасында оттегі станциясы іске қосылса, Қазалы ауданында тағы бір станцияпайдаланылуға берілмек. Емдеу мекемелерінде маман тапшылығын болдырмау мақсатында 3600 медицина қызметкерінен кадрлық резерв қалыптастырылған.

Қызылордада  дәрі-дәрмектің екі айлық қоры жасақталған

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a>&nbsp;Қазақстанда өткен тәулікте 716 адамда коронавирус індеті ПТР арқылы расталды.
Шығыс Қазақстан облысында 180-нен астам, Павлодар және Солтүстік Қазақстан облыстарында жүзге жуық адам COVID жұқтырды.
Аймақтар бойынша:
<ul>
<li>Нұр-Сұлтан қаласы – 40</li>
<li>Алматы қаласы – 42</li>
<li>Шымкент қаласы – 2</li>
<li>Ақмола облысы – 61</li>
<li>Ақтөбе облысы – 8</li>
<li>Алматы облысы – 12</li>
<li>Атырау облысы – 15</li>
<li>Шығыс Қазақстан облысы – 188</li>
<li>Жамбыл облысы – 10</li>
<li>Батыс Қазақстан облысы – 42</li>
<li>Қарағанды облысы – 20Қостанай облысы – 77</li>
<li>Қызылорда облысы – 1</li>
<li>Маңғыстау облысы – 2</li>
<li>Павлодар облысы – 98</li>
<li>Солтүстік Қазақстан облысы – 96</li>
<li>Түркістан облысы – 2</li>
</ul>
Жалпы ел бойынша ауырғандар саны 126 182.

Қазақстан және Қызылорда облысының жаңалықтары: Денсаулық