<a href="https://kyzylorda-news.kz/">Kyzylorda-news.kz</a>. Қазақстанның бас мемлекеттік санитар дәрігері Ерлан Қиясов “карантиндік шектеу шаралары және оларды кезең-кезеңмен жеңілдету туралы” қаулысына өзгеріс пен толықтыру енгізді.
Құжатта&nbsp;діни нысандар жұмысына қатысты толықтыру енгізіліп отыр. Бұл өңірдің коронавирус таралуы бойынша қандай аймақта тұрғанына байланысты.
<blockquote>
 “Қызыл” және “сары” аймақтағы діни нысандарда адам жиналатын шараларды өткізуге тыйым салынады. “Жасыл” аймақтағы мешіттерге бес намазға рұқсат етіледі. Мешіт сыйымдылығының 30 процентінен және адам саны 100-ден аспауы тиіс”, – делінген қаулыда.
</blockquote>
Жұма намаз тек ауыл мешіттерінде ғана өтеді. Келушілер саны ғимарат сыйымдылығының 25 процентінен көп болмауы керек.
Сондай-ақ, қаулыда елге келушілерге байланысты шектеу шаралары да қамтылған.
Шекара кесіп өту кезінде адамдар берілген күннен бастап есептегенде 3 тәулік бұрын берілген (қазақ немесе орыс немесе ағылшын тілдерінде) теріс нәтижесі бар анықтама&nbsp;ұсынуға міндетті.
Кімдер үшін міндетті емес:&nbsp;
<ul>
<li>5 жасқа дейінгі балалар (оларды ертіп жүретін адамдарда теріс нәтижесі бар анықтама болса);</li>
<li>Қазақстан Республикасының үкіметтік делегациялары;</li>
<li>авиакомпаниялар экипажы.</li>
</ul>
Теміржол, теңіз, өзен, жеңіл көлікпен келетін азаматтарға қатысты шектеулер де жазылған.
Қаулының толық мәтінімен&nbsp;<a href="https://www.gov.kz/memleket/entities/kkkbtu/press/news/details/156308?lang=kk">мына сілтеме</a>&nbsp;бойынша танысуға болады.

Қазақстанның бас санитар дәрігері жаңа қаулыға қол қойды

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 1450 адам коронавирус індетінен емделіп шықты, деп хабарлайды coronavirus2020.kz.
Өңірлер бойынша:
Нұр-Сұлтан қаласы – 107,
Алматы қаласы – 73,
Шымкент қаласы – 11,
Ақмола облысы – 134,
Ақтөбе облысы – 16,
Алматы облысы – 73,
Атырау облысы – 88,
Шығыс Қазақстан облысы – 25,
Жамбыл облысы – 46,
Батыс Қазақстан облысы – 64,
Қарағанды облысы – 55,
Қостанай облысы – 149,
Қызылорда облысы – 6,
Маңғыстау облысы – 9,
Павлодар облысы – 328,
Солтүстік Қазақстан облысы – 256,
Түркістан облысы – 10.

Қызылордада 6 адам коронавирус індетінен айықты

<a href="https://kyzylorda-news.kz/">Kyzylorda-news.kz.</a> Елімізде бір тәулікте 1200-ге жуық адамнан коронавирус анықталды.
«Коронавирус бойынша 4 ақпан, сағат 23:59-дағы эпидемиологиялық жағдайға сәйкес, Қазақстанда өткен тәулікте 1186 адамда коронавирус індеті ПТР-сынама арқылы расталды», – делінген coronavirus2020.kz сайтының ақпаратында.
Өңірлер бойынша:
Нұр-Сұлтан қаласында -22763(+120),
Алматы қаласында – 22551(+112),
Шығыс Қазақстан облысында – 20534 (+64),
Атырау облысында – 16335(+44),
Павлодар облысында – 14538(+225),
Қарағанды облысында – 14175(+79),
Ақмола облысында – 11661(+164),
Батыс Қазақстан облысында – 11395(+88),
Солтүстік Қазақстан облысында – 11243(+64),
Қостанай облысында – 10646(+83),
Алматы облысында – 9556(+71),
Шымкент қаласында -5914(+9),
Жамбыл облысында – 5636(+22),
Түркістан облысында – 4157(+9),
Маңғыстау облысында – 4098(+17),
Ақтөбе облысында -3993(+12),
Қызылорда облысында -3630(+3).
Жалпы пандемия басталғалы Қазақстанда коронавирус 192 825 адамда тіркелді.

Қызылордада 3 адамнан коронавирус анықталды

<a href="https://kyzylorda-news.kz/">Kyzylorda-news.kz</a>. Жыл сайын 4 ақпанда Дүниежүзілік қатерлі ісікке қарсы күрес күні атап өтіледі. Оның мақсаты – қоғамның назарын осы жаһандық проблемаға аудару, қазір онкологиялық аурулардың қаншалықты қауіпті және кең таралғанын еске салу және қатерлі ісік ауруынан болатын өлімді едәуір азайту.
Қазақстанда онкологиялық аурулар басым әлеуметтік маңызды аурулар тізіміне енгізілген. Онкологиялық ауруларды диагностикалау, осы санаттағы науқастарды емдеу тегін медициналық көмектің кепілдік берілген көлемі (бұдан әрі – ТМККК) шеңберінде ғана тегін жүзеге асырылады. Бұл қызметті қаржыландыру еліміздің барлық тұрғындары үшін медициналық қызметтер пакетін сатып алатын медициналық сақтандыру қоры есебінен жүзеге асырылады.
Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетовтың айтуынша, ТМККК аясында онкологияның алдын алу және сауықтырушыларды емдеу үшін бірқатар шаралар жүргізілді:
– Ауруды немесе оған бейімділікті ерте кезеңде анықтауға және уақтылы көмек алуға мүмкіндік беретін тегін скринингтер (профилактикалық тексерулер).
– Тегін жоспарлы емдеуге жатқызу, бейінді мамандардың кенесі, сондай-ақ әлеуметтік мәні бар аурулар шеңберінде дәрі-дәрмекпен қамтамасыз ету.
2020 жылы Қызылорда облысында ТМККК шеңберінде 3 960 онкологиялық науқас емделді, оның ішінде шұғыл – 560, жоспарлы түрде – 2921 адам, күндізгі стационарда – 479 адам. Бұл мақсатқа Әлеуметтік медициналық сақтандыру қорынан 1 561 706 362, 77 теңге бөлінді.
<img src="https://kyzylorda-news.kz/wp-content/uploads/2021/02/gobmp-i-osms-kaz.png" alt="" />

Бүгін &#8211; Дүниежүзілік қатерлі ісікке қарсы күрес күні

<a href="https://kyzylorda-news.kz/">Kyzylorda-news.kz</a>.&nbsp;Қазалы аудандық ауруханасының жанынан оттегі станциясы іске қосылды.
Автоматтандырылған заманауи құрылғы сағатына 40 текше метр тазалығы 99 процент болатын оттегі шығарады. Техникалық қауіпсіздігі толық ескерілген аппарат тәулік бойы 120 баллонды толтыруға қауқарлы. Оның жартысынан көбі Арал, Қармақшы аудандары мен Байқоңыр қаласындағы емдеу мекемелеріне жіберіледі. Айта кетейік, Қазалыдан бөлек, көпбейінді облыстық аурухана маңынан да оттегі өндіру бекеті ашылған болатын.&nbsp; &nbsp;
<blockquote>
 “Аурухананың жансақтау, оңалту бөлімшелеріне тікелей тартылып, беріліп жатыр. Босану бөлімі аурухананың «Б» блогында орналасқан, 2-ғимаратта орналасқан провизорлық-инфекциялық бөлімшелерге баллонмен беріліп тұрады”, – Қазалы аудандық аурухана бас дәрігерінің орынбасары Раушан Қалуова.
</blockquote>
<a href="https://24.kz/kz/zha-aly-tar/o-am/item/453317-azalyda-ottegi-stantsiyasy-iske-osyldy?fbclid=IwAR1c7FEdlynaGEGl_B9Cqe3M4I7nDQvyRST1fA5cIXceQ2eNQYEDXdMGG1A">Хабар 24</a>

Қазалыда оттегі станциясы іске қосылды

<a href="https://kyzylorda-news.kz/">Kyzylorda-news.kz</a>. Әлеуметтік медициналық сақтандыру қорына күн сайын пациенттерден медициналық ұйымдарда көрсетілетін медициналық қызмет сапасына қатысты түрлі сұрақ келеді.
Қордың негізгі міндеттерінің бірі – пациенттің құқығын қорғау. Осыған байланысты қор сарапшылары медициналық көмектің сапасына мониторинг жүргізеді, сондай-ақ науқасқа не себептен қызмет көрсетілмегенін тексереді.
Медициналық ұйымда қызмет көрсетуге қатысты түсініспеушілік туындаса,&nbsp; көбінесе азаматтар пациент ретінде өз құқығын қорғау үшін қайда жүгіну керек екенін&nbsp; білмейді.
Сондытан Әлеуметтік медициналық сақтандыру қорының Қызылорда облысы бойынша филиалы науқастың құқықығын қорғау үшін 6 тәсіл ұсынды.
1. Мәселені жылдам&nbsp; шешу үшін мән-жайды сол жерде түсінуге тырысыңыз. Ол үшін әрбір медициналық ұйымда пациентті қолдау және ішкі сараптама қызметі жұмыс істейді. Ол медициналық қызметтің сапасын, олардың толықтығын және стандарттарға сәйкестігін бақылау үшін құрылған. Бұл қызмет медициналық ұйымдағы медициналық көмектің&nbsp; сапасына және клиникалық қызметке ішкі талдау жүргізеді, медициналық қызмет көрсету стандарттары мен тәртіптің бұзылуын анықтайды. Сондай-ақ, азаматтардан келген&nbsp; өтініш, шағымдарды қарайды. Сондықтан, уақыт жоғалтпай бірден&nbsp; пациентті қолдау қызметіне хабарласып, жағдайды сол жерде шешуге, көмек пен ақпарат алуға болады.
2. Егер пациентті қолдау қызметі түйіткілді шеше алмаса және сіздің мәселеңіз медициналық көмекті ұйымдастыруға қатысты болса, онда 8(7242)400001 нөмірі бойынша Қызылорда облысының денсаулық сақтау басқармасының байланыс-орталығына жүгініңіз. Барлық медициналық ұйым Денсаулық сақтау басқармасына қарасты, сондықтан байланыс-орталығының қызметкерлері ұйымға тікелей хабарласып, мәселені шешуге ықпал ете алады.
3. Әлеуметтік медициналық сақтандыру қорында кері байланыс үшін бірнеше арна бар. Мысалы, «Qoldau – 24/7» мобильді қосымшасы арқылы (Play Market және App Store орнатуға болады) өтініш қалдыруға болады. Өтінішке нөмір беріледі, содан кейін өңдеуге алынады. Оны Қор мамандары қарайды. Олар медициналық ұйыммен байланысқа шығып, ақпарат сұратады, медициналық көмек көрсету немесе көрсетуден бас тарту себептерін тексереді.
4.Телефонға қосымша орнатуды ұнатпайтындар үшін Telegram-да Saqtandyrubot арқылы өтініш беру мүмкіндігі қарастырылған. «Негізгі мәзір» пәрменін басқаннан кейін бірнеше бөлім бар. «1406-ға өтініш жіберу» таңдаңыз. Бот «өтінішті жіберу» және «өтініштердің тарихын» ұсынады, осылайша өтінімнің мәртебесін тексеруге болады. Өтініште бот командаларына сәйкес өңір, медициналық ұйымның атауы және мәселенің мәні көрсетіледі.
5. 1406 бірыңғай байланыс орталығы тәулік бойы қоңырау қабылдайды және өтініштерді үш деңгейлі модель бойынша қарастырады. Бірінші деңгейге консультациялық сипаттағы мәселелер жатады. Екінші және үшінші – егжей-тегжейлі зерттеуді қажет ететін өтініштер. Қордың мамандары медициналық ұйыммен байланысады, ақпарат сұратады, медициналық көмек көрсету немесе көрсетуден бас тарту себептерін тексереді.
6. Ресми сайт пайдаланушыларға Әлеуметтік медициналық сақтандыру қорының fms.kz&nbsp; сайтына кіріп өтініш жасаған ыңғайлы және&nbsp; «Халықтық бақылау» бөлімінен қажетті тапсырманы таңдаңыз: шағымдану немесе ұсыныс қалдыру. Бірінші жағдайда аймақ, емхана, диагноз, келу күні, ЖСН нөмері көрсетіледі және шағымның себептерінің бірі таңдалады. Ұсынысты бос өрістерге жіберген кезде бастапқы деректерді толтырып, мәтінді тұжырымдау керек.
Әлеуметтік медициналық сақтандыру қорының филиалы халықпен диалогқа қызығушылық танытатынын атап көрсетеді. Байланыс телефондары: 8 (7242) 551016, 551017. Ең алдымен, пациенттердің өтініштері Әлеуметтік медициналық сақтандыру қорының жеткізушілері көрсететін медициналық қызметтердің қолжетімділігі мен сапасына әсер етуге мүмкіндік береді.
<img src="https://kyzylorda-news.kz/wp-content/uploads/2021/02/pacient-quqyghyn-qorghajtyn-6-aedisi-.jpg" alt="" />

МӘМС: Науқастың құқығын қорғайтын 6 әдіс

<a href="https://kyzylorda-news.kz/">Kyzylorda-news.kz</a>. Қызылорда қаласында «COVID-19» жұқпасына қарсы екпе жасау жұмыстары қарқынды жүруде. Ағымдағы жылдың 1 ақпанынан бүгінге дейін 340 адам вакцина салдырған. Оның ішінде 320-сы медицина қызметкерлері болса, қалған 20-сы екпе салдыруға ниет білдірген тұрғындар.
Қалаладағы №6 қалалық емхананың аға мейірбикесі Ләззат Байтабынова ерікті түрде екпе алғандардың бірі. Вакцина салдырғаннан кейін денсаулығымда еш өзгеріс болған жоқ дейді.
<blockquote>
 «Тұрғындармен жиі қатынасқа түсетіндіктен медицина қызметкерлінің вирус жұқтыру қаупі өте жоғары. Сондықтан дәрігерлердің екпе салдырғаны дұрыс деп есептеймін. Қазіргі таңда осы вакцинацияның арқасында көптеген дерттің алдын алуға қол жеткіздік. Бұл вакцинаның да коронавирус инфекциясының қаупін сейілтеріне сенімдімін. Екпе салдырғалы бері денсаулығымда еш өзгеріс орын ала қойған жоқ. Сондықтан өзге азаматтарды да вакцина салдыруға шақырамын», – дейді Ләззат Байтабынова.
</blockquote>
Бүгін өңірімізге «Спутник V» ресейлік вакцинасының 1000 дозасы жеткізілді. Қалғаны кезең-кезеңімен келетін болады. Бұл жұмыстарға қазір №1, №3 және №6 қалалық емханалардан 3 егу кабинеттері дайындалды және екпе жұмыстарын жүргізуге облыс бойынша барлығы 133 мейірбике, 89 дублер тартылған. Алғашқы кезеңде екпе қабылдағандардың денсаулығы бірқалыпты, еш шағымдары жоқ дейді мамандар.
<img src="https://kyzylorda-news.kz/wp-content/uploads/2021/02/145824766_3096768230426225_3545182145976239229_o.jpg" alt="" />

Қызылорда қаласында 3 күнде 340 адам вакцина салдырды

<a href="https://kyzylorda-news.kz/">Kyzylorda-news.kz</a>.
Менингококк инфекциясы – бактериялармен қоздырылатын жіті инфекциялық ауруы, түрлі клиникалық көріністерімен – симптомсыз тасымалдау, назофарингит (мұрын және жұтқыншақ қабынуы), менингит (ми қабықтарының қабынуы) және менингококк сепсисі (қан зақымдануы) өтеді. Ауру адамдар мен сау тасымалдаушылар инфекция көзі болып табылады, яғни клиникалық көріністері жоқ, бірақ олар менингококк тасымалдаушылары болады.
Менингококк инфекциясы аурушаңдық кезеңімен сипатталады – қыста және ерте көктемде аурушаңдық жоғары.
Инфекцияның берілу жолы: ауалы-тамшылы (жөтелгенде, түшкіргенде, сөйлескенде). Инфекция қоздырғышы сыртқы ортада өте тұрақсыз. Микроб дені сау адамның ағзасына науқас немесе тасымалдаушымен ұзақ және тығыз қарым-қатынаста болғанда жоғарғы тыныс алу жолдарының шырышты қабығы арқылы енеді. Жұқтырып алған кезден бастап аурудың басталуына дейін бір күннен он күнге дейін өтеді. Науқас алғашқы күнінен бастап айналадағыларға жұқтырады.
Менингиттің басталуы: күтпеген жерден катты бас ауыруы пайда болып, құсу, 6-15 сағаттан кейін дене бөртіп, температурасы 39-40°С жетеді, қалтырау. Тері бозғылт. Жалпы әлсіздік байқалады, арқа және аяқ-қол ауырады. Науқастар шөлдейді, тәбеті төмендейді. Бұл ауру жеңіл өтуі мүмкіндігін атап өту қажет, сондықтан тұмау, ангина, тонзиллиты және т. б. ауруларды еліктіреді. Ағзаның қорғаныс күшінің әлсіреуі туындаған кезде қатты тоңу, шаршау, қажу қолайлы жағдайда пайда болады менингококк мидың қабатына еніп, қабынуды қоздырады.
<img src="https://kyzylorda-news.kz/wp-content/uploads/2021/02/1527571784_0000.jpg" alt="" />
Профилактика:
– Аурудың алғашқы белгілері пайда болған кезде катаралдық құбылыстармен (тамақ қызарып, дене қызуының көтерілуі, бас ауруы, әлсіздік) дәрігерге көріну қажет, оның барлық ұсыныстарын орындаңыз;
– Түрлі мәдени-бұқаралық іс-шараларға, жүзу бассейндері, сауда-ойын-сауық орталықтарында ойын алаңдарына баруды шектеу, жеке гигиенаны сақтау қажет.
– Ғимараттарды жиі желдетіп, ұйымдасқан ұжымдарда ылғалды жинау жүргізу.
– Созылмалы инфекция ошақтарының санация жүргізу маңызды, балалар жасында бұл жиі ЛОР-органдарына қатысты, сондықтан балаларды оториноларингологтарға тұрақты апару тиіс және мүмкіндігінше алдын-алу мақсатында.
– Тек қайнаған немесе бөтелкедегі суды ішу қажет.
– Тоңу, ашығу, ұйқысыз, стресс және т. б. аулақ болу.
– Ауруды әрқашан емдегеннен алдын алған жеңіл екендігін есте сақтау қажет.
Мақпал ҚАСБАЕВА,
Қармақшы аудандық Ұлттық сараптама орталығының бактериологиялық және паразитологиялық зерттеулер зертханасының зертханашысы

Менингит ауруының қалай алдын алуға болады?

<a href="https://kyzylorda-news.kz/">Kyzylorda-news.kz</a>. Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов тұрғындардың МӘМС туралы өзекті сұрақтарына жауап берді.
Егер тұрғын жұмыссыз, мәртебесі «сақтандырылмаған» болса, қай кезеңнен бастап төлеу керек? Егер бірыңғай жиынтық төлем (БЖТ) төлеп жүрсек, МӘМС-ға төлемеуге бола ма?
Егер жеке тұлға жұмыспен қамту орталығында жұмыссыз ретінде ресми тіркелмесе, онда мұндай тұлға өз бетімен төлеуші болып саналады және мұндай тұлға МӘМС-ке төлем жасалмаған уақыты үшін 2125 теңге көлемінде жарна төлеуі тиіс (бірақ, 12 айдан көп емес мерзімге). Дегенмен, егер адам 2020 жылдың қараша айында жұмыстан шығып қалса, 2020 жылдың қарашасынан бастап төлеуі керек. Яғни, өз бетімен төлеушілер жасаған төлем жұмыс беруші тарапынан аударылатын жарна мен төлемдер тоқтаған сәттен бастап тұрақты төленуі тиіс.
Бірыңғай жиынтық төлемде (БЖТ) міндетті әлеуметтік медициналық сақтандырудың жарнасы да бар. БЖТ төлеушілер – жеке кәсіпкер ретінде тіркелмей кәсіпкерлікпен айналысатын жеке тұлға.
МӘМС жүйесінде медициналық көмек алу құқығына ие болу үшін БЖТ төлеушілер бірыңғай жиынтық төлемді медициналық көмек алудың алдында үш ай үзбей және соңғы ай үшін де төлеуі тиіс.
Есте сақтаныз, МӘМС жүйесінде сақтандырылу мәртебесі осы ай үшін төлем болған жағдайда осы айға және айдың соңына дейін жарамды.
Пациент бір ай бұрын Қарулы күштер қатарындағы борышын өтеп келді, «сақтандырылмаған», мұндай жағдайда не істеу керек?
Егер пациенттің әскери қызметін өтеуі кезінде төленбеген қарызы жиналып қалса, борышын алып тастау үшін Әлеуметтік медициналық сақтандыру қорына жазбаша жүгіну қажет. Ол үшін өтініш жазып, әскери қызметте болғанын дәлелдейтін құжаттарды қоса беру керек. Өтініш пен құжаттардың скандалған көшірмелерін ӘМСҚ-ың kanc@fms.kz электронды көшірмесіне жіберу керек. Алдағы уақытта бұл азамат сақтандырылған мәртебесін жалғастыру үшін МӘМС жүйесіне тұрақты төлем жасап тұруы керек.
Егер науқас уақытша биыл ауруы бойынша мүгедектік алса, ал өткен 2020 жыл бойы МӘМС жүйесіне жарна аудармаса, оның мәртебесі «сақтандырылған» бола ма?
Жеңілдік санатын алған соң науқас МӘМС жүйесінде «сақтандырылған»мәртебесін алады, өткен мерзімдегі қарыздарына қарамастан. Әзірге науқастың жеңілдік мәртебесі бар кезде өткен мерзімдегі қарызы МӘМС жүйесінде медициналық көмек алуға кедергі болмайды. Ал егер науқастың жеңілдік мәртебесі алынып тасталса, онда оған жеңілдік мәртебесі бар кезінен бөлек мерзімдегі қарызын төлеуі керек (өз бетімен төлеуші ретінде).

Жұмыссыз азамат мәртебесі «сақтандырылмаса» қай кезеңнен бастап жарна төлеу керек?

<a href="https://kyzylorda-news.kz/">Kyzylorda-news.kz</a>.&nbsp; “Спутник V” вакцинасын салдырғаннан кейін коронавирусқа қарсы иммунитет екі жыл сақталады. Бұл туралы денсаулық сақтау вице-министрі – бас мемлекеттік санитар дәрігер Ерлан Қиясов мәлімдеді.
1 ақпанда қазақстандықтарға коронавирусқа қарсы ресейлік “Спутник V” вакцинасы егіле бастады.
<blockquote>
 “Күні кеше ғана әлемдегі жетекші медициналық ғылыми журналдардың бірі – Lancet (Ұлыбритания) SARS-CoV-2 коронавирусына қарсы вакцинаның тиімділігі 91,6%-ті құрағанын хабарлады. Бұған қоса, “Спутник” вакцинасын алғаннан кейін иммунитет кем дегенде екі жыл сақталатыны дәлелденді. Вакцина коронавирустың жаңа “британдық” және “оңтүстікафрикалық” штаммдарына да тойтарыс бере алады”, – деді Қиясов онлайн брифингте.
</blockquote>
Ол вакциналау кезең-кезеңмен жүргізілетінін атап өтті.
Ең алдымен, медицина қызметкерлері, кейін педагогтер, күш құрылымдарының қызметкерлері егіледі.
<a href="https://sputnik.kz/">Sputnik Қазақстан</a>

&#8220;Спутник V&#8221; вакцинасынан кейін иммунитет екі жыл сақталады

<a href="https://kyzylorda-news.kz/">Kyzylorda-news.kz</a>. Жүйе іске қосылған 2017 жылдың 1 шілдесінен 2021 жылдың 1 ақпанына дейінгі аралықта Қызылорда облысының тұрғындары әлеуметтік медициналық сақтандыру қорына 15,2 млрд. теңге аударды, оның 12,1 млрд. теңгесі (79,6%) жұмыс берушілердің аударымдары болса, қалған 3,1 млрд. теңге (20,3%) – жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі. Бұл туралы «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов мәлімдеді.
Жарна төлеу жағынан Қызылорда қаласы, Шиелі мен Жанақорған аудандар көш бастап тұр.
Жинақталған қаржы сенімгерлік басқару туралы келісім бекітілген Ұлттық банкте сақталады және МӘМС пакеті шеңберіндегі қызметтер ақысын төлеуге жұмсалуда.

Қызылордалықтар әлеуметтік медициналық сақтандыру қорына 15,2 млрд. теңге аударды

<a href="https://kyzylorda-news.kz/">Kyzylorda-news.kz</a>. Lancet ғылыми журналы коронавирусқа қарсы “Спутник V” вакцинасын клиникалық зерттеудің үшінші кезеңінің нәтижесін жариялады, деп хабарлады Ресейдің тікелей инвестициялар қоры (РТИҚ).
<blockquote>
 “Гамалея &nbsp;атындағы ЭМҰЗО мен РТИҚ әлемдегі ең көне және ең беделді медициналық журналдардың бірі The Lancet-те “Спутник V” вакцинасының тиімділігі мен қауіпсіздігін растайтын клиникалық сынақтың III кезеңінің нәтижесі туралы материал жарияланғанын хабарлайды”, – деп мәлімдеді қор. &nbsp;&nbsp;
</blockquote>
РТИҚ бас директоры Кирилл Дмитриев жарияланымды пандемиямен күрестегі маңызды оқиға деп атады. &nbsp;
<blockquote>
 “The Lancet жариялаған деректер “Спутник V” әлемде алғаш тіркелген вакцина ғана емес, сонымен қатар ең үздіктердің бірі екенін дәлелдейді. Тәуелсіз сарапшылар жинаған және The Lancet журналында жарияланған мәліметтерге сәйкес, ол коронавирустың ауыр жағдайларынан толық қорғайды”, – деді Дмитриев.
</blockquote>
Айта кетейік, Ресей денсаулық сақтау министрлігі “Спутник V” вакцинасын 2020 жылы тамызда тіркеді. Вакцинаны РТИҚ қолдауымен Гамалея &nbsp;атындағы ЭМҰЗО жасады. Бұл COVID-19 індетінің алдын алуға арналған әлемде алғаш тіркелген препарат.
<h3 id="iii">III кезеңнің нәтижесі</h3>
Клиникалық сынақтардың үшінші кезеңінде “Спутник V” жоғары тиімділік, иммуногенді және қауіпсіз екенін көрсетті.
Вакцинаның тиімділігі бірінші және екінші вакцина немесе плацебо инъекциясын алған 19 866 еріктінің мәліметтерін талдау негізінде 91,6% құрады. &nbsp;
Ал AstraZeneca тиімділігі – 62,1%, Sinovac – 50,4%, Sinopharm – 79,3%. Қазір AstraZeneca компаниясы өз вакцинасының тиімділігін 62,1% -тен жоғары деңгейге көтеріп жатыр, оған “Спутник V” екпесінің екі компонентінің бірімен үйлесуі көмектескен.&nbsp;
<a href="https://sputnik.kz/Russia/20210202/16195909/Lancet-Sputnik-V-vaktsina.html">Sputnik</a>

Қазақстан және Қызылорда облысының жаңалықтары: Денсаулық

Қазақстанның бас санитар дәрігері жаңа қаулыға қол қойды

Қызылордада 6 адам коронавирус індетінен айықты

Қызылордада 3 адамнан коронавирус анықталды

Бүгін – Дүниежүзілік қатерлі ісікке қарсы күрес күні

Қазалыда оттегі станциясы іске қосылды

МӘМС: Науқастың құқығын қорғайтын 6 әдіс

Қызылорда қаласында 3 күнде 340 адам вакцина салдырды

Менингит ауруының қалай алдын алуға болады?

Жұмыссыз азамат мәртебесі «сақтандырылмаса» қай кезеңнен бастап жарна төлеу керек?

“Спутник V” вакцинасынан кейін иммунитет екі жыл сақталады

Қызылордалықтар әлеуметтік медициналық сақтандыру қорына 15,2 млрд. теңге аударды

“Спутник V” вакцинасының зерттеу нәтижесі жарияланды

Қазақстан және Қызылорда облысының жаңалықтары: Денсаулық

Қазақстанның бас санитар дәрігері жаңа қаулыға қол қойды

Қызылордада 6 адам коронавирус індетінен айықты

Қызылордада 3 адамнан коронавирус анықталды

Бүгін &#8211; Дүниежүзілік қатерлі ісікке қарсы күрес күні

Қазалыда оттегі станциясы іске қосылды

МӘМС: Науқастың құқығын қорғайтын 6 әдіс

Қызылорда қаласында 3 күнде 340 адам вакцина салдырды

Менингит ауруының қалай алдын алуға болады?

Жұмыссыз азамат мәртебесі «сақтандырылмаса» қай кезеңнен бастап жарна төлеу керек?

&#8220;Спутник V&#8221; вакцинасынан кейін иммунитет екі жыл сақталады

Қызылордалықтар әлеуметтік медициналық сақтандыру қорына 15,2 млрд. теңге аударды

&#8220;Спутник V&#8221; вакцинасының зерттеу нәтижесі жарияланды

Бүгін – Дүниежүзілік қатерлі ісікке қарсы күрес күні

“Спутник V” вакцинасынан кейін иммунитет екі жыл сақталады

“Спутник V” вакцинасының зерттеу нәтижесі жарияланды