<a href="https://kyzylorda-news.kz/">Kyzylorda-news.kz</a>.&nbsp; Қазақстанда өткен тәулікте 807 адам коронавирус індетінен емделіп шықты. Бұл туралы &nbsp;<a href="http://www.coronavirus2020.kz/">coronavirus2020.kz</a>&nbsp;сайты хабарлайды.
Аймақтар бойынша:
Нұр-Сұлтан қаласы – 118,
Алматы қаласы – 224,
Шымкент қаласы – 3,
Ақмола облысы – 59,
Ақтөбе облысы – 43,
Алматы облысы – 35,
Атырау облысы – 84,
Шығыс Қазақстан облысы – 20,
Жамбыл облысы – 5,
Батыс Қазақстан облысы – 75,
Қарағанды облысы – 32,
Қостанай облысы – 42,
Қызылорда облысы – 15,
Маңғыстау облысы – 7,
Павлодар облысы – 30,
Түркістан облысы – 15.
Қазақстан бойынша жазылғандар саны – 208881.

COVID-19: Қызылордада 15 науқас емделіп шықты

<a href="https://kyzylorda-news.kz/">Kyzylorda-news.kz</a>.&nbsp; Қазақстанда өткен тәулікте 1186 адамнан коронавирус індеті ПТР арқылы расталды. Бұл туралы &nbsp;<a href="http://www.coronavirus2020.kz/">coronavirus2020.kz</a>&nbsp;сайты хабарлайды.
Аймақтар бойынша:
Нұр-Сұлтан қаласы – 307,
Алматы қаласы – 318,
Шымкент қаласы – 23,
Ақмола облысы – 55,
Ақтөбе облысы – 32,
Алматы облысы – 86,
Атырау облысы – 38,
Шығыс Қазақстан облысы – 18,
Жамбыл облысы – 11,
Батыс Қазақстан облысы – 64,
Қарағанды облысы – 100,
Қостанай облысы – 45,
Қызылорда облысы – 4,
Маңғыстау облысы – 8,
Павлодар облысы – 44,
Солтүстік Қазақстан облысы – 21,
Түркістан облысы – 12.
Жалпы ел бойынша ауырғандар саны 227953.
17 наурыздағы мәлімет бойынша, Қазақстанда бір тәулікте 1082&nbsp;адамнан коронавирус анықталған болатын.

Қызылордада өткен тәулікте 4 адамнан коронавирус анықталды

<a href="https://kyzylorda-news.kz/">Kyzylorda-news.kz</a>. Қазақстанда оқу жылының басынан бері 10 мыңнан астам оқушы коронавируспен ауырды. Бұл туралы ҚР Денсаулық сақтау вице-министрі – Бас мемлекеттік санитар дәрігер Ерлан Қиясов Орталық коммуникациялар қызметіндегі баспасөз мәслихатында мәлімдеді.
<blockquote>
 «Өкінішке орай, мектеп оқушылары арасында коронавирус жағдайларының тіркелуі жалғасып жатыр. Оқу жылы басталғаннан бері 10 мыңнан астам мектеп оқушысы коронавируспен ауырды. Оның ішінде 3324 бала оффлайн режимінде білім алған», – деді Ерлан Қиясов.
</blockquote>

Оқу жылы басталғалы 10 мыңнан астам оқушы коронавируспен ауырды

<a href="https://kyzylorda-news.kz/">Kyzylorda-news.kz</a>.&nbsp;80 мыңдай байқоңырлықтың 10% проценті екпе салдырған. Бұл көрсеткіш Ресей Федерациясының қалалары бойынша 2-орында екен.
Жалпы ғарыш айлағында қызмет ететін әскерилер, полицейлер мен конструктор-инженерлерден бөлек Байқоңырда тұратын Ресей азаматтарының белсенділігі жоғары. Ресейлік құрылымдарда жұмыс істейтін Қазақстан азаматтарына да көрші елдің медициналық ұйымдары «Sputnik-V» салып жатыр. Ал Қазақстан тарапынан жұлдызды қалашыққа қос компонентті 80 доза вакцина жіберіліп, барлығы көп бейінді аурухананың дәрігерлеріне салынды. 400-ден астам маманы бар емдеу мекемесі иммундық жүйені қалыптастыратын екпенің келесі партиясын күтіп отыр. Ақ халаттылардан кейінгі кезек полиция, педагог-тәрбиеші және құтқарушыларда. Байқоңырдағы емхананың қызмет көрсету аймағында Ақай мен Төретам халқын қосқанда 43 мыңдай тұрғын бар. Жергілікті жұрттың да вакциналау науқанына қатысуға ынтасы жоғары көрінеді.&nbsp;
<blockquote>
 «Егер вакцина үлкен көлемде келетін болса біз Төретам ауылдық емханасынан 2-бекет ашамыз. Ол жақ толығымен дайын. Тек ғана бізге термоконтейнер берсе біз жұмысты бастауға дайынбыз. Ерікті түрде жүргізілуде. Егер халықтан келіп, өз еркімен аламыз деушілер болса міндетті түрде біз вакцина саламыз», – дейді эпидемиолог Айнұр Жақыпова.
</blockquote>
<a href="https://24.kz/kz/zha-aly-tar/o-am/item/461836-baj-o-yrda-vaktsinalau-ar-yndy-zh-rip-zhatyr">24 kz</a>

Байқоңырда вакциналау қарқынды жүріп жатыр

<a href="https://kyzylorda-news.kz/">Kyzylorda-news.kz</a>. Әлемдік мамандардың айтуынша Covid – 19 коронавирус инфекциясының пандемиялық таралуын тоқтатудың ең тиімді тәсілі – қатаң карантиндік шаралар мен жаппай вакцина салу арқылы халықтың жасанды иммунитетін қалыптастыру. Алайда індетке қарсы жүргізіліп жатқан вакцинациялау бойынша халық арасында алып қашпа әңгімелер жиі айтылады.Онан бөлек, вакцинаны тасымалдау, сақтау, ағзаға әсері сынды мәселелер тұрғындарды әлі де алаңдатып отыр.
Бүгін осы және өзге де халықты алаңдатқан бірқатар мәселелер «Nur Otan» партиясы Қызылорда облыстық филиалы жанындағы партиялық бақылау комиссиясының отырысында талқыланды. 
Жиында облыстық денсаулық сақтау басқармасының басшысы Сәбитбек Пазылов баяндама жасап, өңірде осы бағытта атқарылып жатқан жұмыстарға тоқталды.
Бас дәрігердің айтуынша облысқа ағымдағы жылдың 31 қаңтарында, ҚР ДСМ Бас мемлекеттік санитариялық дәрігерінің 2021 жылғы, 27 қаңтардағы «ҚР халқы арасында коронавирустық инфекция ауруының алдын алу жөніндегі шараларды одан әрі жүргізу туралы» №3 қаулысы регламенті талаптарына сәйкес, “Спутник V” вакцинасының алғашқы 1000 дозасы қабылданып, 01-17 ақпан аралығында бұл вакциналар 100%- ға азаматтарға егілген. Олардың 939 – ы медицина қызметкерлері болса, 61-і қала тұрғындары. Қазіргі таңда, осы вакцинаның екінші партиясы яғни – 3600 дозасы қабылданып, бүгінде 1571 медициналық қызметкерлер, 252 оқытушылар, 29 полиция қызметкерлері мен өзге де 107 азаматқа егілген.
Вакцина алған барлық тұрғындардың денсаулық жағдайлары аймақ дәрігерлерінің бақылауында, қолайсыз жағдайлар немесе асқыну жағдайлары әзірге тіркелмеген.
Басқарма басшысы ҚР Денсаулық сақтау министрлігінің мәліметіне сәйкес, өңірге барлығы 80 000 доза вакцина кезең – кезеңімен жеткізілетін айтып, егу жұмыстары ағымдығы жылдың шілде айына дейін жоспарланып отырғандығын атап өтті.
Жиында вакцинаны сақтау мәселесі де сөз болды. Денсаулық сақтау басқармасы басшысының айтуынша препараттар минус 18°С төмен температурада, барлық деңгейлерде вакцинаны сақтау суықтық тізбегіне сәйкес тасымалданды. Тасымалдау, суық элементтері бар термоконтейнерлерінде, жабдықталған арнайы автокөлікте авторефрижератормен жүзеге асырылды.
Вакциналарды қабылдау үшін облыстық денсаулық сақтау басқармасымен арнайы комиссия құрылған. Қабылдау кезінде комиссия мүшелері толықтай қатысып, барлық санитарлық-эпидемиологиялық талаптар ережелерінің орындалуы қатаң қадағаланды. Вакцина авторефрижераторлардан түскен кезде экспедитор-жүргізуші бүкіл жол бойында температуралық тәртіптің сақталуын растайтын терморегистратордың деректерін ұсынды. Осы тәртіппен, вакциналар облыстағы 11 БМСК ұйымдарына жеткізілді. Оның 8 – і аудандық, 3- і қалалық БМСК ұйымдары. Вакцина қабылданған барлық медициналық ұйымдардың егу кабинеттері тоңазытқыштармен, басқа да сақтау және тасымалдауға арналған құрал-жабдықтармен толықтай қамтамасыз етіліп, егу жұмыстары санитарлық талаптарға сәйкес жүргізілуде.
Атап өту керек, вакцина бірінші кезекте ерікті түрде медицина қызметкерлері, оқытушылар, студенттер, құқық қорғау органдары қызметкерлері, медициналық-әлеуметтік мекеме қызметкерлері мен созылмалы аурулары бар тәуекел топтар өкілдеріне егіледі. “Вакцинация ерікті, яғни вакцинация алуға азаматтар өз еркімен келісім беруі керек”.

Вакцинациялау мәселесі партия алаңында талқыланды

<a href="https://kyzylorda-news.kz/">Kyzylorda-news.kz</a>. Қызылордалық дәрігерлер қан жоғалту, тыртық және ауырсынусыз балаларға&nbsp;ота жасау технологиясын меңгере бастады.
Жапонияда оқып келген жергілікті мамандар өңірде эндо-бейне хирургияның қазіргі заманғы бағытын табысты дамытуда. Енді мұндай емге мұқтаж бүлдіршіндер бұдан былай шетелге немесе өзге аймақтарға сабылып, уақыт жоғалтпайды.
Бір жарым жасар Саяның ішкі ағзаларында ақау болған дей алмайсың. Операциядан кейін бүлдіршіннің денесінде қылаудай ғана із қалғаны болмаса, дертінен құлан таза айыққан. Айгерім Сағымбаева, қала тұрғыны: &nbsp;
<blockquote>
 «Бұрын отаны ішті кесіп, наркозбен істейтін еді. Ал қазір жаңа тәсілмен жасалады, бір күннен кейін бала бірден жүріп кетеді. Ешқандай ауырсыну болмайды. Көңіл-күйі жақсы», – деді қала тұрғыны Айгерім Сағымбаева.
</blockquote>
Дәрігерлер хирургиялық емдеудің заманауи әдістерін Жапония мен Кореядағы әріптестерінен үйренген. «Жоғары технологиялық операциялар балалардағы қауіпті асқынуларды уақытылы анықтауға және емдеуге мүмкіндік береді», – дейді мамандар.
<blockquote>
 «Оптикалар арқылы науқастың ішкі қуысына кіріп, қандай өзгерістер барын, қыз балалардың жатырында, аналық бездерінде әртүрлі жарықтың бар-жоғын анықтауға болады. Яғни бір ота барысында бірнеше ота жасап кету мүмкіндігі бар», – дейді Облыстық балалар ауруханасындағы Шұғыл хирургия бөлімінің меңгерушісі Әлімжан Төлегенов.
</blockquote>
Соңғы 4 жылда облыстық балалар ауруханасын жабдықтауға жарты миллиард теңгеден астам қаражат жұмсалып, соңғы үлгідегі медициналық құрылғылар сатып алынған. Сондай-ақ жаңа оңалту бөлімшесін ашу жоспарланып отыр.
<blockquote>
 «Қамқорлық» оңалту орталығын ашу жоспарланып отыр. Қазір дайындық жұмыстары жүріп жатыр. Бізде үлкен 60 төсектік оңалту бөлімшесі бар. Ол жерде неврологиялық оңалту, кардиохирургиялық оңалту және ортопедиялық оңалту төсектері қойылған», – дейді Облыстық балалар ауруханасының бас дәрігері Зоя Көшенова.
</blockquote>
Пандемия ауруханалардың жабдықталу деңгейі мен дәрігерлер біліктілігін де сынға салғаны белгілі. Індет өршіп тұрған кезде облыстық балалар ауруханасында 3.5 мыңдай бүлдіршін емделген. Өкінішке қарай, коронавирустан екі дәрігер көз жұмса, 26-сы індетті жеңіп шығыпты. Балалар амандығын басты орынға қойған мамандар медицинаның технологиялық тұрғыдан жетілуі уақыт талабы екенін алға тартады.
<a href="https://khabar.kz/kk/news/kogam/item/132262-kyzylordalyk-darigerler-khirurgiyalyk-emdeudin-zamanaui-adisterin-mengergen?fbclid=IwAR2Npw-xefyoBrVyluuIDzwrGQHsHS2OBGIU_zIR8aU2FI3mhp0_NT3aHJk">Хабар 24</a>

Қызылордалық дәрігерлер хирургиялық емдеудің заманауи әдістерін меңгерген

<a href="https://kyzylorda-news.kz/">Kyzylorda-news.kz</a> Қазақстанда өткен тәулікте 703 адам коронавирус індетінен емделіп шықты, деп хабарлайды &nbsp;<a href="https://www.coronavirus2020.kz/kz">coronavirus2020.kz сайты</a>.
Өңірлер бойынша:
Нұр-Сұлтан қаласы – 127,
Алматы қаласы – 198,
Шымкент қаласы – 2,
Ақмола облысы – 64,
Алматы облысы – 26,
Атырау облысы – 15,
Шығыс Қазақстан облысы – 22,
Жамбыл облысы – 9,
Батыс Қазақстан облысы – 4,
Қарағанды облысы – 64,
Қостанай облысы – 48,
Қызылорда облысы – 12,
Маңғыстау облысы – 7,
Павлодар облысы – 66,
Солтүстік Қазақстан облысы – 31,
Түркістан облысы – 8.
Қазақстан бойынша жазылғандар саны – 208074.

COVID-19: Қызылордада 12 науқас жазылып шықты

<a href="https://kyzylorda-news.kz/">Kyzylorda-news.kz</a>. Қазақстанда өткен бір тәулікте 1082 адамда коронавирус індеті ПТР-тест арқылы расталды, деп хабарлайды &nbsp;<a href="https://www.coronavirus2020.kz/kz">coronavirus2020.kz сайты</a>.
Өңірлер&nbsp;бойынша:
Алматы қаласында – 28307 (+307),
Нұр-Сұлтан қаласында – 26936 (+203),
Шығыс Қазақстан облысында – 22505 (+14),
Павлодар облысында – 18597 (+45),
Атырау облысында – 17807 (+49),
Қарағанды облысында – 16388 (+101),
Ақмола облысында – 14638 (+60),
Батыс Қазақстан облысында – 13933 (+55),
Қостанай облысында – 13211 (+46),
Солтүстік Қазақстан облысында – 12784 (+27),
Алматы облысында – 11901 (+91),
Шымкент қаласында -6417 (+28),
Жамбыл облысында – 6181 (+14),
Ақтөбе облысында – 4556 (+25),
Түркістан облысында – 4373 (+3),
Маңғыстау облысында – 4311 (+11),
Қызылорда облысында – 3922 (+3).
Жалпы ел бойынша ауырғандар саны 226767.

Қызылордада 3 адамнан коронавирус  анықталды

<a href="https://kyzylorda-news.kz/">Kyzylorda-news.kz</a>.&nbsp;Қазақстан мұсылмандарының діни басқармасы ораза кезінде вакцина салдыру мәселесін түсіндірді, деп хабарлайды&nbsp;<a href="https://sputnik.kz/">Sputnik Қазақстан</a>.
Сәуірде қасиетті Рамазан айы басталады. Сол кезде коронавирусқа қарсы «QazCovid-in» атты қазақстандық вакцина да шығады. Ал ораза ұстағысы келетін мұсылмандар қауіпті вирустан да қорғануды қалайды. «Ауыз бекіткеннен кейін вакцина салдыруға бола ма? Ал, ең бастысы, екпе оразаны бұзбай ма?» деген сауал туындайды.
Мүфтияттың шариғат пен пәтуа бөлімнің маманы Хасан Аманқұлдың айтуынша, адам ағзасына ауыз, мұрын, ішек сияқты табиғи жолмен түскен нәрсе оразаны бұзады. Ал екпе бұлшықетке салынады. Сондықтан оразаны бұзбайды.
<blockquote>
 «Дене арқылы кірген нәрсе, мысалы, коронавирусқа қарсы екпе оразаны бұзбайды», – деді Хасан Аманқұл.
</blockquote>
Оның сөзіне қарағанда, қазір ислам ғалымдарының көбісі екпе арқылы денеге салынатын дәрі-дәрмекке ем және адам ағзасына қажетті энергия ретінде қарайды. Ал көктамырға салынатын екпеге қатысты ортақ бір шешім жоқ.
<blockquote>
 «Егер екпе терінің астына бұлшықетке салынса, ораза бұзылмайды. Жалпы, пенициллин, инсулин, вакцина, ауырсыну мен қызуды басатын дәрілер сияқты ауруды емдеуге және алдын алуға арналған препараттар мен дәрумендер қолданылған жағдайда ораза бұзылмайды», – деп атап көрсетті Хасан Аманқұл.
</blockquote>
Айта кетейік, 14 сәуірде қасиетті Рамазан айы басталады. Қадір түні 10 мамырға қараған түнге түсіп тұр. Ал Ораза айт 13 мамырда өтеді.
1 ақпанда республика бойынша коронавирусқа қарсы жаппай вакцинация басталған болатын. Қазіргі кезде ресейлік “Спутник V” вакцинасы салынып жатыр. Жылдың соңына дейін 6 миллион адам екпе қабылдайды деген жоспар бар.
Вакцина инфекцияны жұқтыру және тарату қаупі жоғары халықтың осал топтарына кезең-кезеңмен салынады. Олардың ішінде медицина қызметкерлері, педагогтар, құтқарушылар, полицейлер, әскерилер, созылмалы ауруы бар адамдар бар. Ал сәуір айынан бастап COVID-19-ға қарсы QazCovid-in қазақстандық вакцинасы шығарылады.
Денсаулық сақтау министрі Алексей Цойдың айтуынша, вакцинация басталғалы 76 мың адам ресейлік вакцинаның алғашқы компонентін салдырды. Сәуір айында созылмалы ауруы бар адамдар мен 65 жастан асқандарға екпе салу жоспарланып отыр.
<a href="https://sputnik.kz/society/20210316/16552418/vaktsina-oraza.html">Sputnik.kz</a>

Мүфтият ораза кезінде вакцина салуға қатысты түсініктеме берді

<a href="https://kyzylorda-news.kz/">Kyzylorda-news.kz</a>.&nbsp;Сырдария ауданында коронавирус инфекциясына қарсы «Спутник V» екпесін салу жұмысы биылғы 9 наурызда басталған болатын.
Ресейлік I, II типтік вакцинасының 200 дозасы жеткізіліп, алдымен аудан әкімі, аудан әкімінің орынбасары бастап ерікті түрде екпе салдырды. Одан кейін медицина қызметкерлеріне вакцина салу жұмыстары жүрді. Бүгінде І типтік екпенің 100 дозасы толығымен салынып бітті.Вакциналау жұмыстарына аудандық аурухананың арнайы егу бөлмелерінде 6 дәрігер, 4 мейірбике тартылған. Ереже бойынша медицина қызметкерлері екпе салмас бұрын әрбір адамның денсаулығын тексеріп алған. Ал екпе салынған соң жарты сағат бойы бақылау жүргізген.
<blockquote>
 «Күнделікті науқастармен тығыз жұмыс істейтін болған соң вакцина салдырдым. Алдымен денсаулығымызды тексеріп, содан кейін екпе екті. Одан кейін күту залында жарты сағат бақылауға алды. Негізі осы уақыттың ішінде адамға кері ықпалы болуы тиіс. Ал өзімде және менімен қатар салдырған медицина қызметкерлерінде екпенің теріс әсері болған жоқ. Қауіпті індеттен құтылудың бірден-бір жолы екпе салдыру екенін білеміз. Сондықтан вакцина салдырып, өз денсаулығымызға жауапкершілік таныттық», – дейді дәрігер Қайрат Ерманов.
</blockquote>
Жалпы, ауданда І типтік екпе жұмыстары медицина саласының қызметкерлеріне, оның ішінде қабылдау, жұқпалы аурулар бөлімінің, жансақтау және хирургиялық бөлім қызметкерлеріне жүргізілді. Енді алда наурыздың 30-ы күні ІІ типтік вакцина егу жұмыстары жүргізіледі.
<img src="https://kyzylorda-news.kz/wp-content/uploads/2021/03/161937009_870087280220832_8080511394961813934_o.jpg" alt="" />

Сырдария ауданында 100 адам екпе салдырды

<a href="https://kyzylorda-news.kz/">Kyzylorda-news.kz</a>. Міндетті медициналық сақтандыру шеңберінде скринингтік тексерулер мен кәсіби тексерулер сақтандырылған азаматтар үшін тегін. Бұл туралы Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов мәлімдеді.
Қор филиалы басшысының айтуынша, тегін онкоскринингтің үш түрі қарастырылған: сүт безі қатерлі ісігі (40 жастан 70 жасқа дейінгі әйелдер үшін), колоректальды қатерлі ісік (50 жастан 70 жасқа дейінгі ерлер мен әйелдер үшін), жатыр мойны обыры (30 жастан 70 жасқа дейінгі әйелдер үшін). Скрининг тұрғылықты немесе тіркелген жері бойынша емханада тегін жүргізіледі.
Айта кетейік, ерте сатысында анықталған&nbsp;көптеген ісіктерді емдеуге болады. Сонымен қатар, бүгінгі таңда қатерлі ісік ауруының ерте диагностикасы жақсарғаны қуантады.
Өткен жылдың қорытындысы бойынша 4 617 онкологиялық науқастарды емдеуге әлеуметтік медициналық сақтандыру қорынан 1&nbsp;575,8 млн теңге бөлінді. 2021 жылы онкоскринингтерді жүргізуге 1 648,5 млн.теңге жоспарланған.
<img src="https://kyzylorda-news.kz/wp-content/uploads/2021/03/skrining_kaz.jpg" alt="" />

Қызылорда: МӘМС бойынша онкосрининг қызметі тегін өткізіледі

<a href="https://kyzylorda-news.kz/">Kyzylorda-news.kz</a>. Қызылордада өткен тәулікте коронавирус инфекциясынан 9 адам емделіп шықты. Оның ішінде 8 науқас Қызылорда қаласының, 1 Шиелі ауданының тұрғыны.
24 сағат ішінде зертханаларға тапсырылған сынамалар саны – 186, тексерілгені – 178. Бүгінгі күні инфекциялық стационарда – 31, реанимация бөлімінде 5 науқас ем алуда.

Қазақстан және Қызылорда облысының жаңалықтары: Денсаулық