<a href="https://kyzylorda-news.kz/">Kyzylorda-news.kz</a>. Коронавирусқа&nbsp;қарсы вакцина алған әйелдер&nbsp;кез келген уақытқа жүктілікті жоспарлай беруіне болады. Бұл туралы денсаулық сақтау министрлігінің өкілі айтты,&nbsp;деп хабарлайды &nbsp;<a href="https://www.youtube.com/watch?v=TUUUYuMl8Qk&list=PLn2OyECVOtB9nzyFgVi1QIuXTrI0-4qKg&index=5">“Информбюро”</a>.
Қазақстанда сәуір айының ортасына дейін 505 мың адам ғана коронавирусқа қарсы екпе салдырыпты. Бұл үкімет осы айда жоспарлаған сандардың жартысына да жетпейді. Бұған себеп, мамандардың айтуынша, жұртшылықтың екпеге деген сенімінің аздығы. Бірі – екпеден соң бала көтере алмаймыз деп қорықса, ал енді бірі өзге ауруымды қоздырып аламын деп алаңдайды екен.
Әйелдердің дені екпеден соң бала көтере алмаймын деп алаңдайды екен. Денсаулық сақтау министрлігінің өкілі, бұл жалған ақпарат екенін мәлімдеді. Ковидке қарсы вакцина алған әйелдердің кез келген уақытқа жүктілікті жоспарлай беруіне болады екен. Алайда жүкті және емізулі баласы барларға екпе алуға тыйым салынған.
<blockquote>
 “Вакцинаны қабылдағаннан кейін үш күндей міндетті түрде кейбір азаматтарымызда дене қызуы көтерілуі мүмкін. Уколдың орны ауырып кішкене ісінуі мүмкін. Вакцинаны қабылдағаннан кейін үш күнге дейін суға түспеуге біз кеңес береміз. Егерде бірінші компонентті алған азаматымыз 21 күннің ішінде коронавирус инфекциясын жұқтырып алса, коронавирустан толық айығып алған соң 6 айдан кейін вакцина салдыруына болады”, – деді санитария-эпидемиология бақылау комитетінің ресми өкілі Ержан Байтана.
</blockquote>
Дәрігерлер&nbsp;соңғы күндері елорда емханаларына ковидке қарсы екпе алуға келетіндер саны артып жатқанын айтады. Алайда сандар керісінше сайрайтын сияқты. Мысалға, елордалық емханаға қарасты 80 мыңнан астам адамның ішінен тек 1900-ы ғана сәуір айында вакцинацияланған.
<blockquote>
 “Температурасын өлшейміз, сатурациясын өлшейміз, қан қысымын өлшейміз. Сұрақтар қоямыз, жүкті ме, емізулі баласы бар ма, онкологиялық аурулары бар ма, соңғы алты айда ауырды ма коронавируспен. Соңғы бір айда басқа да екпелерді алды ма?”, – деді&nbsp;терапевт дәрігер Әлия Өскембаева.
</blockquote>
Мамандар екпенің орны ісіп, сыздап ауырса жылы киіну керек екенін айтады, ал тіпті шыдатпаса 103 нөміріне хабарласуға кеңес береді. Дәрігерлердің айтуынша, екпе бұрынғы ауруларды қоздырмайды, қанды ұйытпайды. Өйткені вакцина алдында пациент толық медициналық тексеруден өтеді.

«Вакцина алған әйелдерге жарты жыл бала көтеруге болмайды»: Ақпарат қаншалықты рас?

<a href="https://kyzylorda-news.kz/">Kyzylorda-news.kz.</a> Облыстағы дәріханаларда халықтың қажеттілігін қамтамасыз ететін дәрілік заттар қоры жеткілікті. Қазір қорда антибиотиктердің 358 805 қорабы, вирусқа қарсы препараттардың 24 485 қорабы, антикоагулянттардың 93 902 қорабы, ыстықты түсіретін препараттардың 179 723 қорабы, қақырық түсіретін препараттардың 15 643 қорабы бар.
<blockquote>
 «Былтыр коронавирус инфекциясын жұқтырғандар санының өсуіне байланысты жаз айларында еліміздің ауруханалары мен провизорлық орталықтарында дәрі-дәрмек тапшылығы байқалды. Соның салдарынан баға да біраз уақытқа дейін тұрақтамай, халықтың қалтасына ауырлық салды. Бүгінде біз өткен жылдан сабақ алып, осындай келеңсіздіктерді болдырмауға күш салып жатырмыз. Қазір дәрі қоры жеткілікті. Әрі биыл «ковидке қарсы» препараттардың бағалары 27%-ке төмендеді», – деді облыстық медициналық және фармацевтикалық бақылау департаментінің бөлім басшысы Нұрбек Әділханов.
</blockquote>
Айта кетейік, қазіргі таңда «Қызылорда» Өңірлік инвестициялық орталығы» ЖШС-мен 17 фармацевтикалық ұйымға барлығы 281,2 млн. теңге қаржы берілді. 17 ұйымның 9-ы қалада, 8-і аудандарда орналасқан. Бөлінген қаражаттан 280 млн. теңгеге ыстықты түсіретін, антибиотиктер, вирусқа қарсы, иммуностимуляторлар, медициналық бұйымдар, инъекциялық және гормондық препараттар сатып алынды. Сонымен қатар 1,2 млн. теңгені құрайтын дәрілік зат жолда. Айтпақшы, енді кез келген дәрі-дәрмек жайлы ақпаратты үйден шыпай-ақ көруге болады.
<blockquote>
 «Қазір Android және Appstore платформаларында «DARI.KZ» мобильді қосымшасы іске қосылды. Осы мобильдік қосымшаның көмегімен кез келген азамат республика аумағында тіркелген дәрілік заттардың барлық тізбесін көре алады. Пайдаланушыға медицинада қолданылуы жөніндегі нұсқаулық, қаптама макеттері, қолдану тәсілдері, сертификаттар, дәрілік заттың толық атауы, өндіруші туралы ақпарат, тіркеу куәлігінің нөмірі, баламалар тізбесі, шекті бағалары да көресетілген. Сондай-ақ, осы мобильді қосымшаның көмегімен шекті бөлшек сауда бағасынан асып кету фактілері анықталған кезде шағым беруге болады», – деді Нұрбек Уалиханұлы.
</blockquote>

Биыл коронавирусқа қарсы препараттардың бағасы 27%-ке төмендеді

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Жұмысшының вакцинадан кейін демалыс алуына мүмкіндігі бар ма? Бұл сауалға ҚР Еңбек және халықты әлеуметтік қорғау вице-министрі Ержан Біржанов жауап берді, деп хабарлайды <a href="https://lenta.inform.kz/kz/zhumysshynyn-vakcinadan-keyin-demalys-aluyna-mumkindigi-bar-ma-enbek-ministrliginin-zhauaby_a3776841">ҚазАқпарат.</a>
<blockquote>
 «Көптеген адам вакцинациядан кейінгі алғашқы күнде өзін жайсыз сезінетіндігіне шағымдануда. Заңнамада вакцинациядан кейін тым болмағанда бір күн демалыс алу мүмкіндігі қарастырылған ба? Болмаса мұндай норма енгізу көзделіп отыр ма?», – деп сұраған еді БАҚ өкілдері вице-министрден Орталық коммуникациялар қызметіндегі баспасөз мәслихаты барысында.
 «Иә, қазіргі уақытта жаппай вакцинация жүріп жатыр. Бұл өте дұрыс іс-шара деп санаймын. Өйткені, кез келген кәсіпорынның, тіпті біздің ұйымымыздың одан арғы қызметі вакцина алғандардың санына байланысты. Тезірек вакцина алсақ, онда жұмысшы өзінің жұмыс орнына оралады»,- деді вице-министр.
</blockquote>
Оның атап өтуінше, адам вакцина алғаннан кейін өзін жайсыз сезінсе, онда еңбекке жарамсыздық парағын аштыра алады.
<blockquote>
 «Жайсыз сезінуге қатысты айтар болсам, ондай адамдар көп емес. Вакцинадан кейін қандай да бір жанама әсер пайда болған жағдайда арнайы 30 минут беріліп, адам бақылауда болады. Егер қандай да бір жанама әсер болса, онда дәрігерге жүгіну керек. Дәрігерге жүгінген кезде симптомдар білінсе, еңбекке жарамсыздық парағын аштыра алады. Мұның бәрі жеке-жеке қаралады. Ал вакцинадан кейін барлығына жаппай демалыс беру мәселесін қарастыру тиімсіздеп ойлаймын», – деді Ержан Біржанов.
</blockquote>

Жұмысшының вакцинадан кейін демалыс алуына мүмкіндігі бар ма?

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қызылордада «Мәртебеде бол! МӘМС жүйесінде өзмәртебеңді анықта!» акциясы өтті. Мақсаты – міндетті әлеуметтік медициналық сақтандыру және тегін медициналық көмектің кепілдік берілген көлемінің қағидаттары мен артықшылықтарын, пациенттердің құқықтары мен мүмкіндіктерін түсіндіру, МӘМС жүйесінде азаматтардың сақтандырылу мәртебесін өзектендіру.
<blockquote>
 «Қызылорда облысында МӘМС жүйесінде сақтандырылмаған 144 мыңнан астам азамат бар, бұл өңір халқының жалпы санының 20%. Олардың басым бөлігі облыс орталығының, Қазалы ауданының және Байқоңыр қаласының тұрғындары. Негізінде біріңғай жиынтық төлем төлеушілері мен әр түрлі мекемеде жұмыс жасайтын жалдамалы жұмысшылар. Медициналық сақтандыру қорының міндеттері – барлық азаматтарды МӘМС жүйесімен қамту, халықты сапалы медициналық көмекпен қамтамасыз етуге жәрдемдесу», – деп атап өтті «Әлеуметтік медициналық сақтандыру қоры» КЕАҚ Қызылорда облысы бойынша филиалының халықты ақпараттандыру және өтініштерді қарау бөлімінің басшысы Абылайхан Рахымов.
</blockquote>
Медициналық сақтандыру қоры филиалының мамандары №3 қалалық емханаға келушілерге МӘМС жүйесі туралы ақпараттық-материалдар, брошюралар, постерлер таратып, сұрақтарға жауап берді.
Атап айтқанда, тұрғындар МӘМС мәртебесін анықтау, қымбат медициналық қызмет алу, пациент ретінде өз құқықтарын қорғау сияқты мәселелерге қызығушылық танытты.
<img src="https://kyzylorda-news.kz/wp-content/uploads/2021/04/20210415_110506-scaled.jpg" alt="" />
<img src="https://kyzylorda-news.kz/wp-content/uploads/2021/04/osms-1.jpeg" alt="" />

Қызылордада МӘМС жүйесінде сақтандырылмаған 144 мыңнан астам азамат бар

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қазақ халқы қашаннанда басынан небір нәубет кезеңдерді өткерді. Дегенмен соның барлығынан бекем бірлігінің арқасында аман-есен өтіп келеді. «Күн жаманы кетер» деген халық даналығы бар. Бұл індеттің де іркілетін өз уақыты бар. Ол үшін әрбір жас бүлдіршіндер мен қазыналы қарияларға дейін өз ортамызға үлкен жауапкершілікпен және жанашырлықпен қарап карантин талабын сақтауымыз қажет.
Мейлінше көпшілік ортаға бармай барлық жағдайды онлайн режимі арқылы бітіруге қалыптасуымыз қажет.
Қарусыз соғыс секілді бұл індет былтыр ғана талай текті азаматтарды арамыздан алып кетті. Қателікті қайталап, індетті ушықтырып алмайық. Сол сәтте ағайынмен араласу адыра қалып, көршіңмен көрісу мұң болды. Қатаң талап қадағаланды. Қала ішіне блок-посттар орнатылып, дүкендер мен қоғамдық көліктерге шектеулі уақыт енгізілді.
Дегенмен сол тұста індет саябырсып, еркіндік беріліп елдің бәрі есіктен шығуға ұмтылды. Алайда асығыстық пен салғырттыққа жол беріп, ережелерді есімізге алмадық. Басым көпшілігіміз бетперделер мен қолғаптарды қажетсіз қалдырып, еркінсуге ерте екенін естен шығардық. Ащы да болса ақиқаты осы. Енді міне жыл өтпей жатып жағдай қайтадан қайталанып отыр. Бұған өзімізден басқа ешкім кінәлі емес. «Жақсылық көрсем өзімнен, жамандық көрсем өзімнен» деген Сұлтанмахмұт Торайғыровтың сөзінен үлгі алуымыз керек.
Статистика сөйлеп тұр. Соңғы деректерге сүйенсек коронавирус індетімен ауырған адамдар саны өңірімізде күн санап артып келеді. Бұл күнделікті жайбарақат тірлік жасап жатқан халыққа төбесінен жай түскендей әсер етуде. Ендеше ел болып іргемізге дендеген дертті елден аластатайық ағайын. Ол үшін ең әуелі дәрігерлер кеңесіне құлақ асқан жөн.Таразы басындағы ұлт саулығы тұр. Ұрпақ амандығына жауапты екенімізді естен шығармайық. Денсаулық өзімізге керек. «Сақтансаң сақтаймын» дегенді ұмытпайық. «Тәртіпке бас иген құл болмайды» деген батыр Бауыржан бабаның сөзі бағдаршамымыз болуы керек.
Сайлаубай ӘБІШОВ,
Қызылорда қалалық ардагерлер кеңесінің төрағасы

Сайлаубай Әбішов: Індетті ушықтырып алмайық

<a href="https://kyzylorda-news.kz/">Kyzylorda-news.kz.</a>&nbsp; Қазақстан 18 жасқа дейінгі балаларға коронавирусқа қарсы вакцина салынуы мүмкін екенін жоққа шығармайды. Бұл туралы денсаулық сақтау бірінші вице-министрі Марат Шоранов мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.
<blockquote>
 “Қазір көптеген өндіруші вакцинаның балаларға әсерін зерттеп, тестілеу жүргізуде. Зерттеу нәтижелеріне қарай біз қосымша талдау жасап, аталған санатты вакциналауға қосу мүмкіндігін бағалаймыз”, – деді Шоранов брифингте.
</blockquote>
Айта кетсек, қазір Қазақстанда 18 жасқа дейінгі балаларға коронавирусқа қарсы вакцина егілмейді.
Республикада вирусқа қарсы вакциналау науқаны биыл 1 ақпанда басталды. Вице-министр Шорановтың айтуынша, бүгінге дейін “Спутник V” вакцинасының бірінші компоненті 435 мың адамға егілген, екіншісі 107 мың қазақстандыққа салынды.
Сәуір айының соңына дейін өңірлерге “Спутник V” вакцинасының 910 мың дозасы жеткізіледі. Бұдан бөлек, басқа өндірушілерден 500 мың доза және отандық QazVac вакцинасының 25 мың дозасы түседі.
Министрлік осы жылдың қыркүйегіне дейін 10 миллион адамды вакциналауды көздеп отыр.

Қазақстанда балаларға коронавирусқа қарсы вакцина салынуы мүмкін бе?

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Өңірдегі арнаулы әлеуметтік қызмет көрсету мекемелерінің 524 маманы індетке қарсы екпе алды. Бұл туралы Өңірлік коммуникациялар қызметінің ақпараттық алаңында өткен брифингте облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Мейрамбек Абдукаримов мәлімдеді.
Аймақта жыл басынан бері әлеуметтік қызмет көрсету орталықтарының стационарында 677 азаматқа, күндізгі бөлімшелерде 184 адамға қызмет көрсетілді.
<blockquote>
 «Қазір бізге қарасты медициналық мекеменің үшеуі Талсуат елді мекенінде, бірі Қазалы да, енді бірі қалада орналасқан. Бүгінде бұл мекемелерге облыстық бюджеттен азық-түлік, дәрі-дәрмек, коммуналдық шығындары мен басқа да қажеттіліктеріне толығымен қаржы бөлінген. Сондай-ақ, Covid-2019 пандемиясына байланысты 2-3 айға жететін қажетті дезинфекциялық құрал-жабдықтар қоры да дайын. Оның ішінде, 5 тепловизор, 31701 бетперде, 273 литр антисептик, 258 дана қорғаныш костюм, 12603 дана қолғап, 2710 бахила, 340 бір реттік халат пен 593 термометр бар», – деді Мейрамбек Жақсылықұлы.
</blockquote>
<a href="https://www.facebook.com/photo/?fbid=1268990000163176&set=a.135180260210828&__cft__[0]=AZUepbkG_7SXBJek82cbyZcMLo_SuUXQ-WrEHSoV1XFR7S3hLJ9zqtqSt_ZiHW-L2wEbrRwEk-u315vbp_2QcjRXu4kuoPEcSGtyqgGhEjAcaZ4mTX6beHjk_xv71GIDMR3svhoxKVqYbYNi1FXnXYLlKf40f_FvQN03YVEGottmtw&__tn__=EH-R"></a>

Қызылорда: Әлеуметтік қызмет көрсету орталықтарында 524 адам вакцина салдырды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Бүгінде əлемдегі бірнеше ірі мемлекет өршіп бара жатқан инфекцияны болдырмау жолында барын салып жатыр. Біздің елімізде де ахуал айтарлықтай мəз емес. Қазақстан таяуда əлемдік эпидемиологиялық бағалау матрицасы бойынша «қызыл аймаққа» өтті. Қызылорда облысы «сары аймаққа» еніп, індетке ілінгендер көрсеткіші едəуір өсіп тұрғанын, қарым-қатынас арқылы жұқтырған жағдайлар да жиілеп отырғанын біліп отырмыз. Қазіргі таңда коронавирус инфекциясынан сақтанудың ең тиімді жолы – вирусқа қарсы екпені қабылдау.
Қызылорда облыстық перинаталдық орталығында бүгінге дейін &nbsp;257 қызметкер «Спутник-V» екпесін салдырды. Вакцина алған қызметкерлердің жағдайы қалыпты. Жұмыстарын ойдағыдай жалғастырып жатыр.
Сонымен қатар, қазір елімізде жас айырмашылығына қарамай екпе алуға рұқсат етілді. Оларға қатысты медициналық қарсы көрсетілімдерін ескере отырып, егде жас санатындағы адамдарды вакцинациялауға рұқсат беру туралы шешім қабылданды. Өз денсаулығымыз бен жақындарымыздың амандығы үшін мамандардың кеңесіне құлақ түрген абзал.
Жалпыға ортақ сақтық шараларын сақтай отырып, біз бұл індетті жеңеміз деп сенемін. Еліміз аман болып, жұртымыз тыныш болғай.
Сәуле ЖАҚАНОВА,
Облыстық перинаталдық орталығы бас дәрігердің пациенттерді қолдау және медициналық көмектің сапасын бақылау жөніндегі орынбасары

Сәуле Жақанова: Екпе алған қызметкерлердің жағдайы қалыпты

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Қазақстанда өткен тәулікте 2229 адамнан коронавирус инфекциясы ПТР арқылы анықталды, деп хабарлайды coronavirus2020.kz.
Аймақтар бойынша: 
Нұр-Сұлтан қаласы – 465, 
Алматы қаласы – 612, 
Шымкент қаласы – 74, 
Ақмола облысы – 98, 
Ақтөбе облысы – 100, 
Алматы облысы – 226, 
Атырау облысы – 93, 
Шығыс Қазақстан облысы – 25, 
Жамбыл облысы – 36, 
Батыс Қазақстан облысы – 115, 
Қарағанды облысы – 197, 
Қостанай облысы – 29, 
Қызылорда облысы – 32, 
Маңғыстау облысы – 31, 
Павлодар облысы – 41, 
Солтүстік Қазақстан облысы – 33, 
Түркістан облысы – 22.
Жалпы ел бойынша ауырғандар саны 276054.

Қызылордада 32 адам коронавирус жұқтырған

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Бүгін Қорқыт ата атындағы Қызылорда университетінің бас оқу ғимаратында коронавирусқа қарсы «Спутник-V» вакцинасын егу жұмыстары басталды.
Ұжымдық иммунитетті қалыптастыру мақсатында университет қабырғасынан вакцинациялауға арнайы кабинет ашылып, онда алдын-ала залалсыздандыру жұмыстары жүргізілді. Сонымен бірге барлық санитарлық қауіпсіздік шараларын сақтай отырып, оқытушы-профессорлар мен білім алушыларға екпе салынды. Айта кетерлік жайт екпе жұмыстары оқытушылар мен студенттерге ерікті түрде жүргізілді. Алдағы күндері вакцинациялау жұмыстары күнделікті ұйымдастырылады.
<img src="https://kyzylorda-news.kz/wp-content/uploads/2021/04/p1266506-scaled.jpg" alt="" />
Екпені алғашқылардың бірі болып университет ректорының міндетін атқарушы Абайбек Жүнісов алды. Сонымен қатар университеттің әлеуметтік және тәрбие жұмыстары жөніндегі проректоры Жандос Базартай екпе қабылдап, барша азаматтарды вакцина салдыруға шақырды. Екпені қаладағы №6 емхананың қызметкерлері салды. Олар әр екпе салушынының денсаулық жағдайын таразылап, вакцина қабылдауға рұқсат берді. Вакцина егілген қызметкерлердің барлығы дәрігерлердің жіті бақылауында болады
<img src="https://kyzylorda-news.kz/wp-content/uploads/2021/04/p1266319-scaled.jpg" alt="" />
<img src="https://kyzylorda-news.kz/wp-content/uploads/2021/04/p1266519-scaled.jpg" alt="" />
<img src="https://kyzylorda-news.kz/wp-content/uploads/2021/04/p1266407-scaled.jpg" alt="" />

Қорқыт ата атындағы Қызылорда университетінің ұжымы коронавирсқа қарсы вакцина салдырды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Өзі біздің жастық шағымыз Кеңес үкіметінің тұсында өтті ғой. Ол уақытта да ел ішінде түрлі аурулар болды. Сол кезеңдерде әлгі вирустарға қарсы екпе салдырып, талай адам ажалдан аман қалғанын көзімізбен көрдік. Мына жұрттың құтын алған коронавирус инфекциясында жеңудің бірден бір жолы вакцина деп есептеймін.
Қараңызшы, бүгінде әлемді дүрліктірген тәж-тажалмен күресіп келе жатқанымызға бір жылдан асты. Алайда коронавирус қарқынының басылар түрі жоқ. Бүгінге дейін індеттің ілмегіне ілінгендердің саны елімізде 276 мыңнан асты. Ал өңірімізде 4490 науқас тіркелді. Міне, сондықтан вакцина салдыруда, сақтық шараларын жасауда адамдардың ат-тонын ала қашуы дұрыс емес.
Жалпы өз денсаулығына, халықтың, елдің амандығына алаңдаған әрбір адам екпе салдыру қажет. Төтеннен келген ауруға осылай ғана тойтарыс бере аламыз.
Үрмия БЕЙСОВА,
Медицина саласының ардагері

Үрмия Бейсова: Індетті жеңу – әрбір азаматтың өз қолында

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Коронавирус індетінің әлем бойынша белең алғанына да жылдан астам уақыт өтті, бұл індеттің салдары адамдардың денсаулығына үлкен зардап алып келді, мемлекет экономикасы шығынға ұшырады.
Өткен 2020 жылдың маусым-шілде айларында індет өзінің шарықтау шегіне жетіп, қаншама адам ауырып, ауруханаларда емделді, қаншама адамдар ауруханада орын жетіспей үй жағдайында емделуге мәжбүр болды, қаншама адам аурудың асқынуынан қайтыс болды.
Өкінішке орай, аудан халқының кейбір топтары осы қиын кезеңдерді естен шығарып, 2020 жылдың соңында аурудың сәл саябырлағанына тоқмейілсіп, қайтадан көп адам жинап, үйлену тойы, құдалық, туған күн тойлауды бастап кетті. Жаңа жыл, 8 наурыз, Наурыз мерекелерінде де қыдырыс көбейіп, адамдар сақтық шараларын сақтамай, бұл өз кезегінде аурудың өршуіне әкеліп соғып отыр.
Барлық аудан тұрғындарын сақтық шараларын сақтауға шақырамын. Ол қағидалар қарапайым, яғни жиын-тойларды жасамау және бармау, көпшілік жиналатын орындарда, көшеге шыққанда үнемі бетперде тағып жүру, әлеуметтік арақашықтықты сақтау, қолды антисептикпен өңдеу, қолды сабынмен жиі жуу.
Сонымен қатар 13 сәуірден бастап ораза басталатынын ескере отырып, ораза ұстаған адамдарға ауыз ашарды өз отбасында өткізуді, ал сауап алу үшін ауыз ашар жасағысы келген тұрғындарға азық-түлік түрінде ораза тұтқан адамдардың үйіне апарып беруге кеңес береміз.
Коронавирустан қорғанудың сенімді жолы – бұл коронавирусқа қарсы егілу, егу шарасы бүгінгі таңда аудандағы 200 медицина қызметкеріне егілді.
«Жақыныңа жанашыр бол» деген сөздің мағынасына терең үңіліп, көпшілік жиын-тойларға бармай, үйлеріңізге сырттан ауру апармай, отбасы мүшелерін аурудан қорғаңыз!
Ақзия САТЕКЕЕВА,
Арал ауданының Бас мемлекеттік санитариялық дәрігері

Қазақстан және Қызылорда облысының жаңалықтары: Денсаулық