<a href="https://kyzylorda-news.kz/">Kyzylorda-news.kz</a>. Үкімет басшысының орынбасары Ералы Тоғжанов барлық қазақстандықты вакциналауды енгізу мүмкіндігіне қатысты пікір білдірді, деп хабарлайды&nbsp;<a href="https://sputnik.kz/archive/">Sputnik Қазақстан</a>.
“Меніңше, қалай болғанда да бәріміз вакцина салдырамыз. Осы бағытты ұстанамыз. Сондықтан қолдау болады деп сенемін. Қалғаны эпидемиологиялық жағдайға байланысты болады. Жағдайды ушықтырып жіберуге болмайды. Сол себепті бүгінде алғашқы әрі нақты қадамдар жасалды”, – деді Тоғжанов орталық коммуникациялар қызметінде өткен онлайн брифингте.
Оның айтуынша, қазіргі кезде барлық аймақта алдымен қызмет көрсету саласының қызметкерлерін вакциналау шаралары қолға алынып жатыр.
<blockquote>
 “Алдағы шаралар осы жұмыстың нәтижесіне байланысты болады”, – деп атап көрсетті Тоғжанов.
</blockquote>
Ал денсаулық сақтау министрі вакцина салдыру міндетін барлығына бірдей енгізу үшін заңнамаға өзгеріс енгізу керектігін жеткізді. Оған да біраз уақыт қажет.&nbsp;
<blockquote>
 “Кез келген заңды өзгерту үшін оны талқылаудан өткізу керек. Оған кем дегенде жарты жыл кетеді. Ондай өзгерістер мен түзетулерді енгізу үшін кей кезде бір жыл қажет. Дегенмен, қазіргі кезде бір қолданыстағы заңнаманың механизмдерін іске қосып жатырмыз, кейбір адамдарға таңдау беріп отырмыз. Вакцина салдыра ма, ПТР-тест тапсыра ма, өздері шешеді. Жалпы, халық үшін екпе салу ерікті түрде болып қалып отыр”, – деді Цой.
</blockquote>
Айта кетейік, коронавирустың таралуына жол бермеу жөніндегі ведомствоаралық комиссия қызмет көрсету саласында, өнеркәсіп кәсіпорындарында және өзге де 20 адамнан асатын ұжымдарда міндетті вакциналауды енгізуді ұсынды. Ал екпеден бас тартқандар апта сайын ПТР-тест тапсырады. Бас мемлекеттік санитар дәрігердің қаулысынан кейін осы талаптар заңды күшіне енеді.

Барлық қазақстандық вакцина салдыруға міндеттеле ме?

<a href="https://kyzylorda-news.kz/">Kyzylorda-news.kz</a>.&nbsp; Қазақстанда өткен тәулікте 1496 адамда коронавирус індеті ПТР-сынама арқылы расталды, деп хабарлайды coronavirus2020.kz.
Аймақтар бойынша: 
Нұр-Сұлтан қаласы – 568, 
Алматы қаласы – 186, 
Шымкент қаласы – 47, 
Ақмола облысы – 36, 
Ақтөбе облысы – 40, 
Алматы облысы – 37, 
Атырау облысы – 60, 
Шығыс Қазақстан облысы – 78, 
Жамбыл облысы – 21, 
Батыс Қазақстан облысы – 91, 
Қарағанды облысы – 145, 
Қостанай облысы – 30, 
Қызылорда облысы – 29, 
Маңғыстау облысы – 36, 
Павлодар облысы – 40, 
Солтүстік Қазақстан облысы – 25, 
Түркістан облысы – 27.Жалпы ел бойынша ауырғандар саны&nbsp;–&nbsp;413267

COVID-19: Қызылордада 29 адамнан анықталды

<a href="https://kyzylorda-news.kz/">Kyzylorda-news.kz</a>. Алматының бас санитар дәрігері Жандарбек Бекшин коронавирустың жаңа «дельта» штамы туралы айтты, деп хабарлайды ҚазАқпарат.
Оның айтуынша, жаңа «дельта» штамының белгісі суық тию симптомдарына ұқсас.
<blockquote>
 «Бұл штамды көбінесе жастар жұқтырады. Басты симптомы – бас ауруы, тұмау, ангина, жоғары температура. Иіс сезу қабілеті жоғалмайды және жөтел болмайды», – деді Жандарбек Бекшин.
</blockquote>
Сондай-ақ іштің ауыруы, құсу, тыныс жолының тарылуы мүмкін.
Жандарбек Бекшин тек вакцина ғана ауруды жұқтырмауға әрі өлімді азайтуға септігін тигізетінін атап өтті.
<blockquote>
 «Бүгінде Алматыда 386 222 адам вакциналанды. Өткен тәулікте коронавирусқа қарсы 5 840 адам екпе алды. 60 жастан жоғары екпе алған адам саны – 49 314. Жастар қорғаныс шараларына жауапкершілікпен қарап, вакцина алуға баруы керек»,- деді ол.
</blockquote>

«Дельта» штамын көбіне жастар жұқтыруы мүмкін

<a href="https://kyzylorda-news.kz/">Kyzylorda-news.kz</a>.&nbsp; Ауруды ерте кезеңде анықтау – оның дамуына жол бермейді. Соның ішінде онкологиялық ісіктерді ерте анықтау арқылы адам өмірін сақтап қалуға да болады. Скринингтік зерттеулер скрининг түріне байланысты ТМККК және МӘМС бойынша жүргізіледі. Әлеуметтік медициналық сақтандыру қоры скринингтердің қалай жүргізілетінін және олардан кім өтуі керегін айтты.
&nbsp;Скринингтік зерттеулер дегеніміз не?
Скринингтік зерттеулер – бұл ауруларды ерте кезеңінде &nbsp;анықтау үшін денсаулығына шағымдары жоқ адамдардың медициналық тексерілуі.
Скринингтер қоғамдық денсаулықты сақтауға бағытталған. &nbsp;Оларды өту әр азаматтың &nbsp;міндеті. «Халық денсаулығы және денсаулық сақтау жүйесі туралы» ҚР Кодексіне сәйкес, жұмыс берушілер өз қызметкерлерінің скринингтен өтуі үшін барлық жағдайды жасауға, оның ішінде адам асықпай тексерілуден &nbsp;өтуі үшін жұмыстан босатуға міндетті.
Скринингтен өту үшін пациенттің МӘМС жүйесінде сақтандырылған мәртебесі болуы қажет.
Скринингтік зерттеулерден кімдер өтуі керек?
Скринингтерді тексерулерде қарастырылған белгілі бір жас тобына кіретіндер өтеді. Мысалы, жатыр мойны обырын скринингтен 30-70 жас аралығындағы әйелдер 4 жылда 1 рет өтеді.
Егер осы жылы науқас скринингтен өту үшін тізімге енгізілсе, учаскелік медбике оны скринингке шақырады және тексеруге қалай дайындалу керектігін айтады.
Скринингке жататын ауруы бойынша «Д» есепте тұрған адамдарға тексеру жүргізілмейді.
Скринингтер&nbsp;&nbsp; түрлері, оларды қашан және кімдер тапсыру керек?
<ul>
<li>МІНЕЗ-ҚҰЛЫҚ ҚАУІП ФАКТОРЛАРЫН ЕРТЕ АНЫҚТАУҒА БАҒЫТТАЛҒАН</li>
</ul>
Мақсатты топ: 30-70 жас аралығындағы ерлер мен әйелдер. Тексеру артериялық гипертонияны, жүректің ишемиялық ауруын, қант диабетін, глаукоманы, онкопатологияны ерте анықтауға жүргізіледі.
Өту мерзімі: 4 жылда 1 рет.
<ul>
<li>АРТЕРИЯЛЫҚ ГИПЕРТОНИЯНЫ, ЖҮРЕКТІҢ ИШЕМИЯЛЫҚ АУРУЫ МЕН ҚАНТ ДИАБЕТІН ЕРТЕ АНЫҚТАУҒА АРНАЛҒАН</li>
</ul>
Нысаналы топ: артериялық гипертониямен, жүректің ишемиялық ауруымен &nbsp;және қант диабетімен динамикалық &nbsp;бақылауда тұрмайтын 40-70 жастағы ерлер мен әйелдер.
Өту мерзімі: 2 жылда 1 рет
<ul>
<li>ГЛАУКОМАНЫ ЕРТЕ АНЫҚТАУҒА АРНАЛҒАН</li>
</ul>
Мақсатты топ: глаукомамен динамикалық бақылауда тұрмайтын 40-70 жастағы ерлер мен әйелдер.
Өту мерзімі: 2 жылда 1 рет
<ul>
<li>ЖАТЫР МОЙНЫ ОБЫРЫН ЕРТЕ АНЫҚТАУҒА АРНАЛҒАН</li>
</ul>
Мақсатты топ: жатыр мойнының қатерлі ісіктерімен динамикалық бақылауда тұрмайтын 30-70 жастағы әйелдер.
Өту мерзімі: 4 жылда 1 рет
<ul>
<li>СҮТ БЕЗІ ОБЫРЫН ЕРТЕ АНЫҚТАУҒА АРНАЛҒАН</li>
</ul>
Мақсатты топ: сүт безінің қатерлі ісіктерімен динамикалық бақылауда тұрмайтын 40-70 жастағы әйелдер.
Өту мерзімі: 2 жылда 1 рет
<ul>
<li>КОЛОРЕКТАЛЬДЫ ОБЫРДЫ ЕРТЕ АНЫҚТАУҒА АРНАЛҒАН&nbsp;</li>
</ul>
Нысаналы топ: тоқ ішектің қатерсіз және қатерлі ісіктерімен динамикалық бақылауда &nbsp;тұрмайтын 50-70 жастағы ерлер мен әйелдер.
Өту мерзімі: 2 жылда 1 рет
<ul>
<li>В ЖӘНЕ С ВИРУСТЫҚ ГЕПАТИТТЕРІН ЕРТЕ АНЫҚТАУҒА АРНАЛҒАН</li>
</ul>
Зерттеудің бұл түрі келесі тәуекел топтары арасында жүргізіледі.
1. Медицина қызметкерлері:
– Қанды қайта өңдеуге қатысатын инвазивтік емшаралар жүргізетін; гемодиализбен айналысатын қан қызметі ұйымдары; &nbsp;
– хирургиялық, стоматологиялық, гинекологиялық, акушерлік, гематологиялық бейіндер, сондай-ақ диагностика мен емдеудің инвазиялық әдістерін жүргізетін; – клиникалық, иммунологиялық, вирусологиялық, бактериологиялық, паразитологиялық зертханалар;
2. Жоспарлы және шұғыл операцияларға түсетін тұлғалар;
3. Гемодиализ, гематология, онкология, транспланттау, жүрек-тамыр және өкпе хирургиясы орталықтары мен бөлімшелерінің пациенттері;
4. Гемотрансфузия, ағзаларды (ағзалардың бөліктерін), тіндерді, жыныстық, феталдық, дің жасушаларын және биологиялық материалдарды транспланттау мен ауыстырып салуды алатын пациенттер
5. Жүкті әйелдер
6. Өмір салтының ерекшеліктеріне байланысты АИТВ-инфекциясын жұқтыру қаупі жоғары халықтың негізгі топтарындағы адамдар
В және С вирустық гепатиттерін ерте анықтауға скринингтік зерттеулерден қауіп топтарының өкілдері 6 айда 1 реттен жиі өтпеуі тиіс.
Скринингтік зерттеулерді кім жүргізеді?
Скринингтерді тіркелген жері бойынша емханалар жүргізеді.
Ауылдық жерлерде тұратын пациенттер үшін олардың медициналық ұйымдарынан басқа (медициналық пункттер, фельдшерлік-акушерлік пункттер, амбулаториялар, емханалар және аудандық ауруханалар) жылжымалы медициналық кешендер мен медициналық поездар скринингтер жүргізеді.
Скринингтік зерттеулерді жүргізу кезеңдері
Скринингтік зерттеулер жүргізу мыналарды қамтиды: дайындық кезеңі, қарап-тексеру және (немесе) зерттеу кезеңі, қорытынды кезең.
Дайындық кезеңін емханада медбике жүзеге асырады және мыналарды қамтиды:
– скринингтік зерттеулерден өту қажет азаматтардың тізімін жасау;
– бұл азаматтарды скринингтік зерттеулерден өту қажеттілігі мен шарттары туралы хабардар ету;
– халықты скринингтік тексеруге шақыру;
– халықтың скринингтен уақтылы өтуін бақылау.
Содан кейін тексеру кезеңі жүргізіледі – бұл учаскелік дәрігердің, бейінді мамандардың, медбикелердің қабылдауы, сондай-ақ скринингтік зерттеу түріне байланысты зертханалық және диагностикалық зерттеулер.
Қорытынды кезең толық тексеруді және анықталған патологиясы бар адамдарды динамикалық бақылауға қоюды қамтиды. Скринингтердің нәтижелері медициналық ақпараттық жүйеге енгізіледі, ал пациент толық тексеру және бақылау бойынша ұсынымдар алады.
Қарап-тексеру барысында анықталған созылмалы аурулары бар адамдар есепке қойылады және динамикалық бақылауда болады. Жіті аурулар анықталған кезде тексеру жүргізіледі, толық сауыққанға дейін пациенттің денсаулық жағдайын кейіннен бағалау арқылы емдеу тағайындалады.
Скринингтік зерттеулер денсаулықты сақтау үшін өте маңызды, өйткені олар аурудың дамуын уақтылы анықтауға және алдын алуға мүмкіндік береді. Әлеуметтік медициналық сақтандыру қоры азаматтарды осы мүмкіндікті өткізіп алмай, емхананың шақыруы бойынша скринингтен өтуге шақырады.

Скринингтен не үшін өтеді және ол қалай жүргізіледі?

<a href="https://kyzylorda-news.kz/">Kyzylorda-news.kz</a>. Әлем әбігерге түсті, дерт дендемеуі үшін дабыл қақты. Елімізде жаппай екпе егу арқылы ұжымдық иммунитет қалыптастыру, індеттің алдын алу жұмыстары жүруде.
Қазіргі пандемия жағдайынан тек вакцина қабылдау арқылы ғана шыға алатынмыз белгілі. Қазіргі таңда, Жаңақорған ауданы бойынша 10106 азамат «Спутник V» (5175), «Hayat vax» (4619) және «CoronaVac» (312) вакцинасын ерікті түрде қабылдады.
Сонымен қатар, ауданда орналасқан кәсіпорындар белсенділігі өсіп отыр. Атап айтқанда, «СКЗ-У» ЖШС-нің 229 қызметкері (жалпы қызметкердің 85,44%), «Қызылқұм» ЖШС-нің 362 қызметкері (жалпы қызметкердің 80,11%), «Шалқия Цинк» ЛТД АҚ-ның 405 қызметкері (жалпы қызметкердің 72,23%) және «Байкен-У» ЖШС-нің 194 қызметкері (жалпы қызметкердің 51,45%) ерікті түрде вакцина қабылдады.
Бұл денсаулыққа деген елдің көзқарасы кеңейгенін көрсетті. Жалпы, Жаңақорған жұртшылығына жеңіл болу үшін вакцина егу жұмыстары көшпелі жағдайға көшкен. Қазір аудандағы барлық медицина ұйымдары күнделікті сағат 8:00 ден түнгі сағат 22:00 аралығында короновирусқа қарсы вакцина егу жұмыстарын тұрақты жүргізуде.

Жаңақорғандықтардың вакцина егуге ынтасы артты

<a href="https://kyzylorda-news.kz/">Kyzylorda-news.kz</a>. Қазақстанның денсаулық сақтау министрлігі ел аумағында үнді штаммының таралу ықтималдығын <a href="https://sputnik.kz/society/20210621/17399748/undi-shtamm-Qazaqstan.html">анықтады.</a>
Нұр-Сұлтанда аурушаңдықтың күрт өсуіне байланысты денсаулық сақтау министрлігі вирус жұқтырған науқастардан алынған оң зертханалық үлгілердің ПТР скринингін өткізген.
<blockquote>
 “Скрининг нәтижелері бойынша “Дельта” штаммына (“үнді” штаммы) тән мутацияның ықтималдығы анықталды. Мутацияның бары және оның “Дельта” штамына жататыны ДНҚ үлгілерін толық геномдық секвенирлеу аяқталғаннан кейін белгілі болады”, – делінген хабарламада.
</blockquote>
Ведомстваралық комиссияның ақпаратынша, коронавирустың “Дельта” штаммы жоғары жұққыштығымен ерекшеленеді және анықталған штаммдарға қарағанда 60%-ке тез жұғады. Қазіргі айналымдағы штаммдар 1 адамнан орташа есеппен 3-4 адамға таралса, “үнді” штаммы 5-6 адамға бірден жұғады. Инкубациялық кезеңі небәрі 7 күнге созылады.
Сонымен қатар “үнді” штаммын жұқтырғандардың буындары мен іші ауырады, жүрегі айнып, лоқсиды, тіпті, ауру салдарынан саңырау болып қалуы әбден мүмкін, аяқтардың микротромбозына әкеп соғады.
Соңғы зерттеулер коронавирустың “үнді” штаммымен ауырғандар арасында аурухана төсегіне таңылғандар және қайтыс болғандар көбірек екенін көрсетті.
Осыған байланысты денсаулық сақтау министрлігі әрбір қазақстандықты өз денсаулығы мен жақындарының өміріне аса сақтықпен, жауапкершілікпен қарауды сұрайды.
Ведомство азаматтарды инфекциядан сақтану үшін COVID-19-ға қарсы вакциналаудың толық курсынан өтуге шақырды.
Сондай-ақ бетперде тағу, арақашықтықты сақтау, қол гигиенасы, үй-жайларды желдету және тағы басқа профилактикалық шараларды сақтаған абзал.
Дүниежүзілік денсаулық сақтау ұйымының мәліметінше, SARS-CoV-2&nbsp; “Дельта” штаммы әлемнің 74 елінде анықталған.

Қазақстанда &#8220;үнді&#8221; штаммына тән мутация анықталды: министрлік мәлімдеме жасады

<a href="https://kyzylorda-news.kz/">Kyzylorda-news.kz</a>. 2020 жылдың наурызынан 2021 жылдың мамырына дейін Қызылорда облысының COVID-19 және вирустық пневмониямен күресіп жүрген 23 800 медицина қызметкеріне қаржылық қолдау көрсетілді. Бұл мақсаттарға 4 586 992,5 мың теңге бағытталды, деп хабарлады Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; 2020 жылғы наурызда 476 медицина қызметкеріне 63 291,2 мың теңге сомасында ынталандыру төлемдері бөлінді;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; наурызда – 476 медицина қызметкеріне 63 291,2 мың теңге сомасында;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; сәуірде – 1 921 медицина қызметкері, 319&nbsp;305,9 мың теңге;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; мамырда – 1 784 медицина қызметкері, 317&nbsp;273,2 мың теңге;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; маусымда – 1 906 медицина қызметкері, 419&nbsp;430,9 мың теңге;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; шілдеде – 3 452 медицина қызметкері, 947&nbsp;557,1 мың теңге;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; тамызда – 2 453 медицина қызметкері, 407&nbsp;345,1 мың теңге;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; қыркуйекте – 839 медицина қызметкері, 96&nbsp;410,1 мың теңге;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; қазанда – 896 медицина қызметкері, 124 207,2 мың теңге;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; қарашада – 825 медицина қызметкері, 138 734,5 мың теңге;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; желтоқсанда – 984 медицина қызметкері, 169 430,7 мың теңге;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; 2021 жылғы қаңтар айында – 1 062 медицина қызметкеріне 152 767,9 мың теңге;&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; ақпанда – 1 287 медицина қызметкеріне 169&nbsp;840,6 мың теңге сомасында;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; наурыз айында – 1&nbsp;185 медицина қызметкеріне 201&nbsp;892,3 мың теңге сомасында;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; сәуірде – 2 244 медицина қызметкеріне 431 920,2 мың теңге сомасында;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; 2021 жылғы мамыр айында – 2 486 медицина қызметкеріне 627 585,2 мың теңге сомасында;
Еске сала кетейік, көтермелеу сомасы еңбек жағдайларының қауіптілік дәрежесіне байланысты және сәйкесінше 20, 10 және 5 ЕТЖ құрайды.

Мамыр айында 2,5 мыңға жуық медицина қызметкеріне үстемақы төленді

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 966 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 228, 
Алматы қаласы – 174, 
Шымкент қаласы – 13, 
Ақмола облысы – 26, 
Алматы облысы – 56, 
Атырау облысы – 124, 
Шығыс Қазақстан облысы – 69, 
Жамбыл облысы – 30, 
Батыс Қазақстан облысы – 48, 
Қарағанды облысы – 50, 
Қостанай облысы – 29, 
Қызылорда облысы – 4, 
Маңғыстау облысы – 28, 
Павлодар облысы – 53, 
Солтүстік Қазақстан облысы – 18, 
Түркістан облысы – 16.
Қазақстан бойынша жазылғандар саны – 385 043.

Қызылордада өткен тәулікте коронавирустан жазылғандар бар

Kyzylorda-news.kz. Қазақстанда өткен тәулікте 1119 адамның коронавируспен ауырғаны ПТР арқылы расталды.
Аймақтар бойынша: Нұр-Сұлтан қаласы – 342, Алматы қаласы – 12, Шымкент қаласы – 42, Ақмола облысы – 37, Ақтөбе облысы – 32, Алматы облысы – 28, Атырау облысы – 47, Шығыс Қазақстан облысы – 73, Жамбыл облысы – 20, Батыс Қазақстан облысы – 78, Қарағанды облысы – 151, Қостанай облысы – 33, Қызылорда облысы – 20, Маңғыстау облысы – 28, Павлодар облысы – 35, Солтүстік Қазақстан облысы – 6, Түркістан облысы – 26.
Жалпы ел бойынша ауырғандар саны 408650.

Қызылордада 20 адамнан коронавирус анықталды

Kyzylorda-news.kz. Қазақстанда өткен тәулікте 778 адам коронавирустан жазылып шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 102,
Алматы қаласы – 105,
Шымкент қаласы – 76,
Ақмола облысы – 35,
Ақтөбе облысы – 32,
Алматы облысы – 24,
Атырау облысы – 28,
Шығыс Қазақстан облысы – 72,
Батыс Қазақстан облысы – 24,
Қарағанды облысы – 123,
Қостанай облысы – 4,
Қызылорда облысы – 4,
Маңғыстау облысы – 41,
Павлодар облысы – 87,
Солтүстік Қазақстан облысы – 19,
Түркістан облысы – 2.
Қазақстан бойынша жазылғандар саны – 383239.

Қызылордада коронавирустан жазылғандар бар

<a href="https://kyzylorda-news.kz/">Kyzylorda-news.kz</a>.&nbsp;Бүгін облыс әкімі Гүлшара Әбдіқалықова медицина қызметкерлері күніне арналған салтанатты шараға қатысып, дәрігерлерге құрмет көрсетті.
Аймақ басшысы күрделі кезеңде үлкен жауапкершілік танытып, шынайы жанашырлықпен күндіз-түні еңбек еткен әрбір ақ халатты абзал жандардың еңбегін ерекше атап өтіп, кәсіби мамандарға игі тілегін арнады.
<blockquote>
 «Ауырған жанды емдеу, оның өмірін сақтау – Сіздердің Отан, адамзат алдындағы қасиетті борыштарыңыз. Соңғы жылдары әлемдік індет бізге медицина мамандарының қажеттілігін бұрынғыдан да артық сезіндіріп, мәртебесін биіктете түсті. Сіздердің бұл еңбектеріңіз шын мәнінде барлық құрметке лайық! Бұл орайда, әлемдегі ең ізгі, ең қастерлі мамандық иелерінің қызметі мемлекет тарапынан жоғары бағаланып келеді. Әрине, ең үлкен баға – халықтың шынайы көңілі екені сөзсіз. Сындарлы кезеңде дертіне шипа іздеген әрбір жерлесіміз бұл ретте Сіздерге дән риза деп білемін»,-деді Гүлшара Әбдіқалықова.
</blockquote>
Індетті ауыздықтауда алдыңғы шепте жүрген медицина мамандарына мемлекет тарапанынан қолдау жоғары деңгейде жүруде. Өткен жылы облыс бойынша вируспен күрескен 3 мыңға жуық медицина қызметкеріне 3 млрд.теңге көлемінде үстемеақы төленді. Ал, жиырмадан астам медицина қызметкері жоғары мемлекеттік наградамен, 107 қоғам белсендісі «Халық алғысы» медалімен марапатталды.
Кәсіби мерекеде облыс әкімі Гүлшара Әбдіқалықова қажырлы еңбек еткен, қысылтаяң шақта кәсібиліктің жоғары үлгісін көрсеткен бірқатар медицина мамандарын марапаттады. ҚР Денсаулық сақтау министрлігінің «Еңбек ардагері» медалімен облыстық фтизиопульмонология орталығының фтизиатр дәрігері Төрехан Бектеген, көпбейінді облыстық аурухананың хирург дәрігері Мамытбек Кәрібаев, облыстық кеңес беру диагностикалық орталығының нефролог дәрігері Патмаш Құрманаева, «Сенім» емханасының акушер гинеколог дәрігері Зоя Даирова, «Арал» дәрігерлік емханасының мейіргері Ибагүл Балшымбаева лайық деп танылды. Ал, «Республикалық электронды денсаулық орталығы» Қызылорда облысы бойынша филиал директоры Сәуле Нәлібаева Ұлттық медициналық Ассоциациясының «Алтын дәрігер» төсбелгісінің иегері атанды. Сонымен бірге 7 азамат облыс әкімінің Алғыс хатымен, 13 маман «Денсаулық сақтау ісінің үздігі» төсбелгісімен, 11 медицина дәрігері «Денсаулық сақтау ісіне қосқан үлесі үшін» төсбелгісімен марапатталады.
Салтанатты жиында “Біздің сүйікті дәрігер – 2021” конкурсының жеңімпаздары да құрмет төрінен көрінді. «Үздік денсаулық менеджері» номинациясымен облыстық психикалық денсаулық орталығының бас дәрігері Әділбай Медетбаев марапатталса, «Үздік аурухана дәрігері» номинациясын Арал ауданаралық ауруханасның дәрігері Гүлжанат Тулепова жеңіп алды. Қос марапат иесіне 1 миллион теңгенің ақшалай сертификаты табысталды. Ал, көпбейінді қалалық ауруханасының мейірбикесі Раушан Томанова «Үздік аурухана мейіргері» номинациясына лайық деп танылып, 700 мың теңге қаржылай сыйақыны иеленді.
Еңбегі еленген медицина мамандарына шынайы алғысын жеткізген облыс әкімі Гүлшара Әбдіқалықова індеттің беті әлі толық қайтпағанын қаперге салып, қалыпты тіршілікке оралу үшін екпе егудің маңызды екенін айтып, дәрігерлерге сенім білдірді.
<blockquote>
 «Бүгінде көпшілігіңіз пандемиямен күрестің алдыңғы шебінде жүрсіздер. Медицина қызметкерлерінің осындай қиын уақытта басымызға түскен ауыртпалықты жеңе алатынына сенеміз. Қазірдің өзінде еліміз бойынша ахуал жақсарып келеді. Өткен айлармен салыстырғанда елімізде індет жұқтырғандардың саны екі есе қысқарған. Республика бойынша өлім-жітім көрсеткіші 2 аптаның ішінде 1,6 есеге төмендеген. Аймақтарда ауруханаларда ем алып жатқан науқастардың саны да азайған. Сіздермен кездесудің орайлы сәтін пайдалана отырып, біз де өз тарапымыздан қалыпты өмір сүру дағдысына оралу үшін екпе салдырудың маңызды екенін атап өткім келеді. Вакцинациялау шарасына біздің медицина мамандарының өздері де бастамашы болады деп сенеміз»,-деді Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2021/06/201305144_3459789440790767_53857159918896866_n.jpg" alt="" />
Дәрігерлер қауымының құрметіне арналған жиын соңында жергілікті өнерпаздар «Мың алғыс дәрігерлерге» атты жаңа туындыны шырқап, кәсіби мереке иелеріне ерекше көңіл-күй сыйлады.
<img src="https://kyzylorda-news.kz/wp-content/uploads/2021/06/200953758_3459789600790751_3658086081771331322_n.jpg" alt="" />
<img src="https://kyzylorda-news.kz/wp-content/uploads/2021/06/202337326_3459790434124001_537617426010347183_n-1.jpg" alt="" />

Қызылордада екі дәрігер миллионер атанды

<a href="https://kyzylorda-news.kz/">Kyzylorda-news.kz</a>. Қорқыт ата атындағы Қызылорда университеті ұжымының 71 пайызы коронавирусқа қарсы вакцина алды. Бұл туралы оқу орнының әлеуметтік және тәрбие жұмыстары жөніндегі проректоры Жандос Базартай мәлімдеді.
Оның айтуынша университет оқытушыларымен қатар студенттердің 20 пайызы екпе салдырған.
<blockquote>
 «Өз денсаулығымыз өз қолымызда. Ел арасындағы алып-қашпа әңгімелерге емес маман пікіріне құлақ асқан жөн болар. Отбасымыздың саулығын, ұжым қауіпсіздігін ойласақ вакцина алуымыз қажет. Қорқыт ата атындағы Қызылорда университетінің бас оқу ғимаратында арнайы вакцина салуға арналған орын бар. Ұжымдық иммунитетті қалыптастыру мақсатында қызметкерлердің 71 пайызы екпе алды. Қазіргі таңда қашықтан оқу және жазғы демалыс кезеңі болғандықтан денсаулық басқармасымен бірігіп студенттер арасында түсіндірме жұмыстары жүргізіліп жатыр. Жаңа оқу жылына дейін оқытушылар мен студенттерге екпе егу жалғасады», – дейді Жандос Нұртайұлы.
</blockquote>

Қазақстан және Қызылорда облысының жаңалықтары: Денсаулық

Барлық қазақстандық вакцина салдыруға міндеттеле ме?

COVID-19: Қызылордада 29 адамнан анықталды

«Дельта» штамын көбіне жастар жұқтыруы мүмкін

Скринингтен не үшін өтеді және ол қалай жүргізіледі?

Жаңақорғандықтардың вакцина егуге ынтасы артты

Қазақстанда “үнді” штаммына тән мутация анықталды: министрлік мәлімдеме жасады

Мамыр айында 2,5 мыңға жуық медицина қызметкеріне үстемақы төленді

Қызылордада өткен тәулікте коронавирустан жазылғандар бар

Қызылордада 20 адамнан коронавирус анықталды

Қызылордада коронавирустан жазылғандар бар

Қызылордада екі дәрігер миллионер атанды

Университет ұжымының 71 пайызы вакцина салдырды

Қазақстан және Қызылорда облысының жаңалықтары: Денсаулық

Барлық қазақстандық вакцина салдыруға міндеттеле ме?

COVID-19: Қызылордада 29 адамнан анықталды

«Дельта» штамын көбіне жастар жұқтыруы мүмкін

Скринингтен не үшін өтеді және ол қалай жүргізіледі?

Жаңақорғандықтардың вакцина егуге ынтасы артты

Қазақстанда &#8220;үнді&#8221; штаммына тән мутация анықталды: министрлік мәлімдеме жасады

Мамыр айында 2,5 мыңға жуық медицина қызметкеріне үстемақы төленді

Қызылордада өткен тәулікте коронавирустан жазылғандар бар

Қызылордада 20 адамнан коронавирус анықталды

Қызылордада коронавирустан жазылғандар бар

Қызылордада екі дәрігер миллионер атанды

Университет ұжымының 71 пайызы вакцина салдырды

Қазақстанда “үнді” штаммына тән мутация анықталды: министрлік мәлімдеме жасады