<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда коронавирусқа қатысты 14 қарашадағы эпидемиологиялық жағдай бойынша коронавирус инфекциясын жұқтырған ПТР тестінің оң нәтижесі бар өткен 1 038 жағдай тіркелді, деп хабарлайды Коронавирустың таралуына жол бермеу жөніндегі ведомствоаралық&nbsp;<a href="https://t.me/MVK_kz_Covid19/15853">комиссия</a>.
Елімізде коронавирус инфекциясын жұқтырғандар саны 957 537 жетті.
Оның ішінде:
Нұр-Сұлтан қаласында – 112,
Алматы қаласында – 143,
Шымкент қаласында – 4,
Ақмола облысында – 79,
Ақтөбе облысында – 15,
Алматы облысында – 52,
Атырау облысында – 16,
Шығыс Қазақстан облысында – 55,
Жамбыл облысында – 9,
Батыс Қазақстан облысында -17,
Қарағанды облысында – 112,
Қостанай облысында – 113,
Қызылорда облысында – 18,
Маңғыстау облысында – 13,
Павлодар облысында – 125,
Солтүстік Қазақстан облысында – 141,
Түркістан облысында – 14.

Қызылордада 18 адамнан коронавирус табылды

Kyzylorda-news.kz. Дүниежүзілік денсаулық сақтау ұйымы келесі жылы ғаламда шприц тапшылығы басталатынын мәлімдеді. Дүниежүзі халқын вакцинамен қамту үшін 2 млрд шприц жетпей қалуы мүмкін.
Денсаулық сақтау ұйымының хабарлауынша, биыл жаппай вакцина салуға 7 млрд 250 млн дана шприц қолданылған. Бұл жыл сайынғы орташа статистикалық көрсеткіштен екі есе көп. Содан екі жылда қолданылатын шприц бір жылда іске асырылып, келесі жылға жетпей қалды.
Ал шприцті шығару өндірісі сол күйде, әлі ұлғайған жоқ. Кейбір елдер шприцтің жетпей қалатынын біліп, қаптап сатып алып жатыр.
Ұйымның есебінше, дефициттің алдын алу үшін өндіріс иелері қазірден бастап шприц өндірісін көбейтіп, ғаламдық ажиотаждың алдын алуға тырысу қажет.
<blockquote>
 “Пандемия басталған 2020 жылдың алғашқы кезінде әлемде медициналық бетперде жетпей, біршама қиындық туғаны белгілі. Бірақ өндірісті ұлғайту арқылы мұның орнын толтыра алдық. Енді шприц өндірісіне де сондай тәсілді қолдануымыз қажет”, – деп хабарлады ДДҰ.
</blockquote>
<a href="https://massaget.kz/layfstayl/Zdorove/66654/">Massaget.kz</a>

ДДҰ: Шприц тапшылығы басталды

Kyzylorda-news.kz. Қызылорда облысында өткен жылмен салыстырғанда қант диабетімен ауырғандар саны 2,6 пайызға өскен. Дәрігерлердің айтуынша қант диабеті жастар арасында да көбейгенін мәлімдеді. Бұл туралы Өңірлік коммуникациялар қызметінде өткен брифингте облыстық денсаулық сақтау басқармасының штаттан тыс эндокринолог дәрігері Гүлнара Уразова хабарлады.
Дәрігердің айтуынша, жыл сайын әлемде 2 типті қант диабетімен ауыратын науқастардың саны артып келеді. Статистикалық мәліметтерге сүйенсек, бүкіл әлемде қант диабетімен ауыратын 400 миллионға жуық адам бар екен. Қант диабеті жүрек-қан тамыр ауруларынан кейінгі екінші орында. Бүгінде ауруға шалдыққан науқастардың жалпы саны – 14 700 құрайды. Бұл өткен жылмен салыстырғанда 2,6 пайызға артқан. 2011 жылдан бастап қант диабетін анықтау үшін скрининг жүргізіліп, барлық емханалар осы бағдарламамен жұмыс істеуде.
<blockquote>
 «Қант диабеті әсер ете алатын және әсер ете алмайтын болып екіге бөлінеді. Біз әсер ете алмайтын факторлардың бірі – адамның жасы. Яғни адам жасы ұлғайған сайын қант диабетіне шалдығу мүмкіндігі жоғарылай бастайды. Екінші фактор – бұл тұқым қуалаушылық факторы. Яғни сырқат адамға ген арқылы беріледі. Сондай-ақ, қимыл қозғалыстың аз болуы, дұрыс тамақтанбау, зиянды әдеттердің барлығы қант диабеті ауруына әкеп соқтыруы мүмкін», – деді өз сөзінде №6 қалалық емхананың эндокринолог дәрігері Гүлжан Абсатова.
</blockquote>

Қызылордада қант диабетіне шалдыққандар саны артып барады

Kyzylorda-news.kz. Қазақстанда өткен тәулікте 2365 адам коронавирус инфекциясынан жазылып шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 175,
Алматы қаласы – 188,
Шымкент қаласы – 35,
Ақмола облысы – 133,
Ақтөбе облысы – 41,
Алматы облысы – 46,
Атырау облысы – 44,
Шығыс Қазақстан облысы – 364,
Жамбыл облысы – 15,
Батыс Қазақстан облысы – 420,
Қарағанды облысы – 137,
Қостанай облысы – 312,
Қызылорда облысы – 24,
Маңғыстау облысы – 4,
Павлодар облысы – 254,
Солтүстік Қазақстан облысы – 131,
Түркістан облысы – 42.
Қазақстан бойынша жазылғандар саны – 912611.

24 қызылордалық індеттен айықты

<a href="https://kyzylorda-news.kz/ru/obshestvo/">Kyzylorda-news.kz</a>. Ересектер Pfizer екпесімен ревакцинация жасай ала ма? Бұл сауалға брифинг барысында Алматы қаласы санитарлық-эпидемиологиялық бақылау департаменті басшысының орынбасары Әсел Қалықова жауап берді, деп хабарлайды ҚазАқпарат.
<blockquote>
 «Sputnik векторлық екпе болғандықтан, кез келген инактив вакцинамен ревакцинация жасауға болады. Алматыда азаматтар Sputnik, Pfizer сияқты екпелермен ревакцинация жасай алады, таңдау бар. Егер керісінше бірінші инактив екпе салдырған болса, онда Sputnik векторлық вакцинасымен ревакцинация жасай алады. Pfizer екпесімен ревакцинация жасағысы келетіндер тұрғылықты мекенжайы бойынша емханаға барып, өтінім қалдыруы тиіс. Қосымша доза болған жағдайда ревакцинация жасалады»,- деді спикер.
</blockquote>
Оның айтуынша, Алматы қаласында Pfizer екпесін сақтауға арналған екі арнайы тоңазытқыш бар. Олар екпе сақтау орталығында орналасқан. Әрқайсысының сыйымдылығы – 35 мың доза. Тағы дәл осындай 4 тоңазытқышқа тапсырыс берілді.

Pfizer екпесімен кімдер ревакцинация жасай алады?

<a href="https://kyzylorda-news.kz/ru/obshestvo/">Kyzylorda-news.kz</a>. Қашықтықтан көрсетілетін қызметтердің арқасында медициналық көмектің ауыл тұрғындары үшін қолжетімділігі арта &nbsp;түсуде. Бейінді профильді дәрігерлердің, оның ішінде қазақстандық және шетелдік ғылыми орталықтардың мамандарының консультациясы пациенттің өз тұрғылықты орнынан &nbsp;кетуін қажет етпей-ақ, дәл сол жерде онлайн режимінде жүзеге асырылуы мүмкін. Бұл мүмкіндік туралы толығырақ айтып береміз.
Медициналық қызметтер қай кезде қашықтықтан көрсетіледі?
Көпшілігі медициналық көмекті қашықтан алу мүмкіндігіне тап болған шығар, атап айтатын болсақ, учаскелік дәрігердің қабылдауына жазылу уақытында. Бұл қызмет әсіресе науқасты коронавирустан емдеу кезеңінде өзекті болып табылады. Науқастың жағдайын және ұсыныстардың орындалуын бақылау мақсатында дәрігер келесі кездесуді аудио немесе видео байланыс арқылы өткізе алады, ал пациентке емханаға барудың қажеті жоқ. Сондай-ақ, ауыл тұрғындарының әрдайым аудандық немесе облыстық орталыққа кеңес алу үшін баруға мүмкіндіктері болмайтындықтан, қашықтықтан көрсетілетін қызметтер олар үшін медициналық көмек алу мүмкіндігін жеңілдетеді.
Қашықтықтан көрсетілетін медициналық қызметтер тегін медициналық көмектің кепілдік берілген көлемі шеңберінде және міндетті әлеуметтік медициналық сақтандыру жүйесінде көрсетіледі. Аталған медициналық көмекті &nbsp;алу үшін емдеуші дәрігердің жолдамасы қажет.
Қашықтықтан көрсетілетін медициналық қызметтер медициналық көмектің мынадай түрлері бойынша жүзеге асырылады: дәрігерге дейінгі медициналық көмек; алғашқы медициналық-санитариялық көмек; мамандандырылған медициналық көмек; медициналық оңалту; паллиативтік медициналық көмек.
Қашықтықтан медициналық қызметтер келесі себептер бойынша көрсетіледі:
<ol>
<li>консультациялық көмек көрсету, оның ішінде ғылыми-зерттеу институттары, ғылыми орталықтар, университеттік ауруханалар мамандарының, сондай-ақ шетелдік клиникалардың;</li>
<li>пациентті көзбе-көз консультацияға жіберудің орындылығын айқындау;</li>
<li>жоғары деңгейдегі мамандардың ауылдық денсаулық сақтау емханасының мамандарына практикалық көмек көрсетуі;</li>
<li>диагностикалау мен емдеудің тиімділігін бағалау, пациенттің денсаулық жағдайын медициналық бақылау;</li>
<li>диагнозды нақтылау, пациентті одан әрі жүргізу тактикасын түзету және айқындау және диагностикалық рәсімдерді, емдеу тактикасын тағайындау;</li>
<li>пациентті тасымалдау мүмкіндігін, оның ішінде медициналық авиация құралдарын пайдаланудың орындылығын айқындау;</li>
<li>консилиумдарды қашықтықтан ұйымдастыру;</li>
<li>медициналық оңалту қызметтерін көрсету.</li>
</ol>
Қашықтан қызмет көрсету үйде, медициналық ұйымнан тыс жерде, сондай-ақ амбулаториялық, стационарлық, стационарды алмастыратын жағдайларда, санаториялық-курорттық ұйымдарда көрсетілуі мүмкін..
Қызметтер қандай нысанда көрсетіледі?
Қашықтан қызмет көрсетуге болады:
<ul>
<li>шұғыл түрде – науқастың өміріне айқын қауіп төндірмейтін кенеттен жедел аурулар мен жағдайлар, созылмалы аурулардың өршуі кезінде. Мұндай жағдайларда қызметтер консультациялық медициналық ұйымға (оның жұмыс кестесіне байланысты) өтініш түскен сәттен бастап 3 сағаттан 24 сағатқа дейінгі мерзімде ұсынылуы тиіс.</li>
<li>жоспарлы түрде – емделушінің өміріне қауіп төндірмейтін, белгілі бір уақытқа кешіктіру науқастың жағдайының нашарлауына әкеп соқпайтын аурулар мен жағдайлар үшін, сондай-ақ профилактикалық іс-шаралар кезінде.</li>
</ul>
Қызметті кейінге қалдырылған консультациялар режимінде көрсету кезінде маман пациенттің медициналық құжаттарын және оның денсаулық жағдайы туралы ақпаратты қашықтықтан зерттейді. Содан кейін емдеуші дәрігермен және науқаспен тікелей байланыссыз медициналық қорытынды дайындайды.
Нақты уақыт режимінде қызмет көрсету кезінде пациент дербес немесе оны медицина қызметкері қашықтан форматында медициналық көмек көрсетуге немесе консультацияға жазуды жүзеге асырады. Консультацияның ұзақтығы кеңес беретін медициналық ұйымның жұмыс кестесіне байланысты.
Нақты уақыт режимінде қызмет көрсету мерзімі басталған кезде медицина қызметкері пациентпен аудио-визуалды байланыс форматындағы байланыс құралының көмегімен байланысады.
Қашықтық деңгейіндегі &nbsp;консилиум
Науқас орналасқан елді мекенде суретті бағалай алатын қажетті сарапшылар болмаған жағдайда консилиумдарды ұйымдастыру кезінде қызмет көрсетудің қашықтықтан нысанын қолдану ерекше маңызды.
Консилиум нақты уақыт режимінде жүргізілген кезде диагностикалық зерттеу жүргізетін емдеуші дәрігер немесе медицина қызметкері және пациент ақпараттық-коммуникациялық технологиялар арқылы консилиум қатысушыларымен тікелей өзара іс-қимыл жасайды.
Консилиум кейінге қалдырылған консультациялар режимінде жүргізілген кезде консультанттар немесе бейінді мамандар пациенттің электрондық медициналық құжаттамасын және оның денсаулық жағдайы туралы ақпаратты қашықтықтан зерделейді. Олар байланыс технологиялары арқылы бір-бірімен пікірталас өткізеді және диагностикалық зерттеу жүргізетін пациентпен және медицина қызметкерімен байланыспай-ақ медициналық қорытынды дайындайды.
Науқасты қашықтықтан бақылау
Қашықтықтан көрсетілетін қызметтер арқылы пациенттің денсаулық жағдайын бақылау жүргізілуі мүмкін. Мұндай тәсіл, әсіресе, науқас өзінің дәрігері жоқ ауылдық жерде тұрғанда тиімді болып табылады.
Қашықтықтан бақылауды емдеуші дәрігер тағайындайды және бағдарламаны, қашықтықтан бақылау тәртібін және аурудың диагнозын белгілеуді қамтиды.
Пациенттің денсаулық жағдайын қашықтықтан бақылаудың қатысушылары тікелей пациент және емдеуші дәрігер болып табылады. Науқас өзінің әл-ауқаты туралы сұрақтарға жауап береді, шағымдарды айтады, дәрігер ауру белгілерінің болуын зерттейді, физиологиялық көрсеткіштерді жинайды.
Қажет болған жағдайда дәрігер пациенттің денсаулық жағдайы көрсеткіштерінің шекті мәннен аса ауытқуы кезінде шұғыл әрекет ете алуы тиіс.
Қашықтан қызмет көрсетудің нәтижелері
Қашықтықтан медициналық қызмет көрсететін дәрігерлердің қорытындысы, пациенттің денсаулығы мен диагнозы туралы барлық материалдар пациенттің электрондық денсаулық паспортына енгізіліп, дәрігердің ЭЦҚ-сына қол қойылуы тиіс.
Пациент өзінің денсаулығына қашықтықтан қызмет көрсету қорытындылары бойынша ақпаратқа қол жеткізе алуы тиіс. Ал оның дербес деректері қорғалуы тиіс.
Егер сізде медициналық қызметтерді қашықтықтан алуға қатысты сұрақтарыңыз болса, онда сіз оларды учаскелік дәрігерге немесе өз емханаңыздағы пациенттерді қолдау қызметіне қоя аласыз. Қажетті ақпаратты ала алмаған жағдайда Әлеуметтік медициналық сақтандыру қорына келесі байланыс арналары арқылы өтініш беруге болады: fms.kz ресми сайты, 1406 байланыс орталығы, Telegram-да SaqtandyryBot және Qoldau 24/7 мобильді қосымшасы.

Ауыл тұрғындары мамандардан қашықтан кеңес ала алады

<a href="https://kyzylorda-news.kz/ru/obshestvo/">Kyzylorda-news.kz</a>. Эпидемиологиялық ахуал бойынша соңғы күндері Қызылорда облысы – «жасыл аймақта». Дегенмен босаңсып кетпеуіміз қажет. «Covid-19» дертімен күресте алдыңғы шепте медицина саласының мамандарының еңбегі зор. Осы жайында Өңірлік коммуникациялар қызметінде өткен брифингте сала мамандары карантиндік талаптарды қатаң ұстап, екпе алуға шақырды.
<blockquote>
 «Қазіргі күні облысымыздағы екпе алуға жататын тұрғындардың 83 пайыздан астамы вакцина қабылдаған. Ендігі кезекте осы көрсеткішті көбейтіп, ұжымдық иммунитет қалыптастыруға атсалысуымыз қажет. Мен – өзім эндокринолог дәрігермін. Күнделікті науқастармен жұмыс жасап, түрлі іс-шаралар ұйымдастырамын. Сол себепті қауіпсіздігімді сақтап, айналамдағы адамдарға зияным тиіп кетпеу мәселесі өте өзекті. Сындарлы кезеңнен ауызбіршілікпен, тәртіпке бағынумен өтіп кетуге болатынына сенемін»,- деді №6 қалалық емхананың эндокринолог дәрігері Гүлжан Абсатова.
 «Өткен жылдан бері әлем елдері коронавирус індетімен күресіп келеді. Өкінішке орай, қауіпті кеселді ауыздықтау әлі күнге дейін мүмкін болмай отыр. Оның үстіне, қазіргі таңда әлемде вирустың мутацияланған жаңа түрлерінің де қауіптілігі аса жоғары болып отыр. Вирустың бұндай түрлерінің жұғу пайызы жоғары. Бұл дерттің алдын алып, сақтанудың жалғыз жолы – вакцина салдыру. Екпе алу арқылы біз өзімізді ғана емес, айналамыздағы адамдарды да қорғай аламыз. «Сovid-19» пандемиясы кезінде вакцина алу өте маңызды. Бұл жұқпалы аурудың таралуын бәсеңдетеді»,- деді «Сенім» емханасының терапевт дәрігері Әйгерім Ғалымжанқызы.
</blockquote>

Гүлжан Абсатова: 83 пайыздан астам қызылордалық вакцина қабылдады

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда өткен тәулікте 1936 адам коронавирус инфекциясынан жазылып шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 163,
Алматы қаласы – 215,
Шымкент қаласы – 41,
Ақмола облысы – 138,
Ақтөбе облысы – 44,
Алматы облысы – 236,
Атырау облысы – 27,
Шығыс Қазақстан облысы – 304,
Жамбыл облысы – 11,
Батыс Қазақстан облысы – 59,
Қарағанды облысы – 144,
Қостанай облысы – 284,
Қызылорда облысы – 22,
Маңғыстау облысы – 17,
Павлодар облысы – 92,
Солтүстік Қазақстан облысы – 100,
Түркістан облысы – 39.
Қазақстан бойынша жазылғандар саны – 908126.

Қызылордада тағы 22 адам коронавирустан жазылды

<a href="https://kyzylorda-news.kz/ru/obshestvo/">Kyzylorda-news.kz</a>. Нұр-Сұлтан қаласындағы №2 көпбейінді қалалық ауруханасы отбасын жоспарлау орталығының гинеколог-эндокринологы Айгүл Мұсабаева «экоға» қатысушылардың жас шектеуіне қатысты өзгерістерді атады, деп хабарлайды ҚазАқпарат.
<blockquote>
 «Аңсаған сәби» бағдарламасы бойынша бала сүюге кімнің мүмкіндігі бар? Бұл бағдарлама бойынша жасанды жолмен ұрықтандыру әдісін бала сүюге үмітті, репродуктивті жастағы кез келген жұп пайдалана алады. Консервативті жолмен емдеу нәтиже бермейтін бедеулік диганозы қойылған пациенттерге арналған. «Экоға» отбасылық жұптар да, жалғызбасты әйелдер де қатыса алады. Қазақстан азаматы болу және пациенттердің міндетті медициналық сақтандыруы болу керек», – деген маман медициналық сақтандыру жүйесінде «экоға» қатысушылар қандай критериймен іріктелетінін айтты.
 «Ең бірінші репродуктивті жастағы пациенттер, ерлер факторына байланысты бедеулік, әйелдің жатыр түтікшелерінің екеуі де бітелген жағдайда немесе отамен алынған кезде хирургиялық гистероскопия, лапароскопия, ем-шара нәтижесі болмаған кезде «экоға» жүгіне алады. Гормоналды емдеу нәтижесіз болған бедеулік түрі де «экоға» жатады. Жоғары технологиялардың бәрін пайдаланса да, бір жылдан аса бала көтере алмаудың белгісіз генезі де «эко» жасатуға негіз болады. Жамбас мүшелерінің эндометриозына байланысты бедеулік те «экоға» жатады», – деді гинеколог-эндокринологы.
</blockquote>
Маманның мәліметі бойынша, экоұрықтандыруға қатысатын әйелдердің жасына қатысты шектеу алынған.
<blockquote>
 «Денсаулық сақтау министрлігінің №272 бұйрығы бойынша квота беру мүмкіндігі кеңейді. Бұрын үміткерлердің жасы 42 жасқа дейін шектеулі болған. Жаңа бұйрық бойынша әйел репродуктивті жаста болуы керек. Осы аталған көрсеткіштер бұрынғы бұйрықта болмаған. Сондықтан бұл «экоға» үміткерлердің санын арттырады», – деді Айгүл Мұсабаева.
</blockquote>

Жалғызбасты әйелдер де тегін «эко» жасатып, бала сүйе алады

&nbsp;<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; ҚР ДСМ Санитарлық-эпидемиологиялық бақылау комитетінің төрағасы Айжан Есмағамбетова «12 жасқа дейінгі балаларды ата-ана келісімімен вакциналауға бола ма?» деген сұраққа жауап берді, деп хабарлайды ҚазАқпарат.
Маманның айтуынша, қазір Қазақстанда балаларға тек 12 жастан бастап екпе жасауға рұқсат етілген.
<blockquote>
 «Қазіргі уақытта Қазақстан Республикасында қолданылатын және тіркелген нұсқаулыққа, яғни Comirnaty Pfizer нұсқаулығына сәйкес, 12 жастан бастап вакцина жүргізіледі. Бірақ бұл өндіруші компания қазір Америкада балаларды 5 жастан бастап вакциналауды бастады. Яғни сол Pfizer, бірақ 5 жасар балалар үшін басқа доза қолданылады. Егер өндіруші біздің органға тиісті құжаттарды енгізсе, яғни тіркеу үшін Дәрілік заттарды экспертизалау ұлттық орталығының нұсқаулығына «5 жастан бастап вакциналауды» енгізсе, бұл балаларды 5 жастан вакциналауға мүмкіндік береді. Бірақ қазір бекітілген нұсқаулық тек 12 жастан бастап вакциналауға рұқсат етеді», – деп түсіндірді Айжан Есмағамбетова Үкімет отырысынан кейін журналистерге.
</blockquote>
Комитет төрағасының айтуынша, вакциналау үшін жас санатының кеңеюін вакцина өндірушілер клиникалық зерттеулер аясында анықтайды.
<blockquote>
 «Егер өндіруші клиникалық зерттеулерден нәтиже алса, тиісінше осы өзгерістерді нұсқаулыққа енгізеді. Нұсқаулық біздің заңнамаға сәйкес Қазақстанда тіркелуі тиіс. Содан кейін ғана бұл бізге вакцинаны қолдануға мүмкіндік береді. Мысалы, Қытайдағы Sinopharm қазірдің өзінде 3 жастан асқан балаларға қолданылады. Қазақстанда бүгінгі күні тек 12 жастан бастап Pfizer вакцинасын егуге болады», – деп нақтылады А.Есмағамбетова.
</blockquote>

12 жасқа дейінгі балаларды ата-ана келісімімен вакциналауға бола ма – Министрлік жауабы

<a href="https://kyzylorda-news.kz/ru/obshestvo/">Kyzylorda-news.kz</a>. Соңғы жылдары ауылдық медицинаны дамытуға басты назар аударылуда. Міндетті әлеуметтік медициналық сақтандыру жүйесін енгізудің арқасында ауыл тұрғындары үшін медициналық көмекті қаржыландырудың көлемі артты.
2021 жылы ауыл тұрғындарын стационарлық емдеуге 121 млрд теңге қарастырылған, оның 72,2 млрд теңгесі МӘМС аясында. 9 айдың қорытындысы көрсеткендей ТМККК және МӘМС бойынша ауылдық медициналық ұйымдар көрсеткен стационарлық және стационарды алмастыратын жағдайларда көрсетілген қызметтердің құны 88,6 млрд теңгені құрады.
Медициналық көмек қол жетімді болуы керек
«Халық денсаулығы және денсаулық сақтау жүйесі туралы» ҚР Кодексінде денсаулықты нығайту, алдын алу, емдеу және оңалту бойынша қызметтер денсаулық сақтаудың барлық деңгейлерінде ауыл тұрғындары үшін қолжетімді болуы тиіс екендігі атап өтілген.
Шалғайдағы және қатынасу қиын аудандарда тұратын азаматтарға медициналық көмектің қолжетімділігін қамтамасыз етуді және арттыруды жергілікті атқарушы органдар, денсаулық сақтау басқармалары жүзеге асырады.
Ауыл тұрғындарының денсаулығын сақтау үшін медициналық көмектің көлемін жоспарлау кезінде географиялық алыстығы, халықтың тығыздығы, демографиялық көрсеткіштері, жыныстық-жастық құрамының ерекшеліктері және медициналық көмектің қолжетімділігіне әсер ететін өзге де өлшемшарттар ескеріледі.
Әлеуметтік медициналық сақтандыру қорында атап өтілгендей, бүгінгі таңда ауыл тұрғындарына стационарлық және стационарды алмастыратын жағдайларда мамандандырылған медициналық көмекті 235 медициналық ұйым ұсынады, олардың 227-сі осы қызметтерді алғашқы медициналық-санитариялық көмек деңгейінде көрсетеді.
&nbsp;Халыққа консультациялық-диагностикалық көмек көрсететін 731 медициналық ұйым Қордың жеткізушілері болып табылады, оның ішінде ауылдық денсаулық сақтау деңгейінде – 234 ұйым бар.
Ауылға арналған стационарлар
2021 жылы Қор ауыл халқына стационарлық көмек көрсету қызметтерін жеткізушілермен 121,2 млрд теңге сомаға шарт жасасты, оның ішінде тегін медициналық көмектің кепілдік берілген көлемі шеңберінде 49 млрд теңге және міндетті медициналық сақтандыру жүйесінде 72,2 млрд теңге сомасында. Осылайша, медициналық сақтандырудың арқасында ауылдық медицинаны қаржыландырудың көлемі айтарлықтай өсті.
Осы жылдың 9 айында ауылдық пациенттер ТМККК бойынша 36,2 млрд теңгеден астам сомаға емделді. Стационарлық жағдайдағы медициналық көмектің ең көп көлемі Алматы облысының ауылдық медициналық ұйымдарында – 7,2 млрд теңгеден астам сомаға көрсетілді.
МӘМС бойынша осы кезеңде ауылдық стационарларда 52,4 млрд теңгеден асатын сомаға 500 мыңнан астам пациент емделді. Түркістан облысындағы ауыл тұрғындары МӘМС бойынша стационарлар деңгейіндегі ең көп медициналық көмекті алды – 13 млрд теңгеге жуық сомаға 110 мың пациент емделді.
Биыл еліміз айтулы оқиға – Тәуелсіздіктің 30 жылдығын атап өтуде. Егемендік алған сәттен бастап біздің еліміз бүкіл қоғамның өмірінде көрініс тапқан мәселелерге тап болды. Осындай мәселелердің бірі шалғай ауылдарда тұратын тұрғындарға медициналық көмек көрсету болды. Әдетте, оларда тек медициналық пункттер ғана бар, олардың жабдықтары мен штаты толыққанды зерттеулер жүргізуге мүмкіндік бермейді.
Мемлекет басшысы Қ. Тоқаев 2020 жылғы 1 қыркүйектегі Қазақстан халқына Жолдауында шалғайдағы ауылдық пункттер үшін көлік медицинасын дамыту бойынша шаралар қабылдауды тапсырды.&nbsp;
Әлеуметтік медициналық сақтандыру қоры биылғы жылы республика бойынша ауыл тұрғындарына 149 жылжымалы медициналық кешен медициналық қызмет көрсететінін атап өтті.
Жылжымалы медициналық кешендер-бұл қажетті медициналық жабдықтармен жабдықталған доңғалақты клиникалардың бір түрі болып табылады. Олар аудандық ауруханаларға бекітіліп, жергілікті тұрғындарға қызмет көрсету мақсатында, ауылдық округтерге шығады.
Жылжымалы медициналық кешендер маңызды функциялардың бірін орындайды-кейіннен динамикалық бақылау және сауықтырумен профилактикалық медициналық тексерулер жүргізеді. Қызметтер арасында ең көбі медициналық кеңес беруге &nbsp;қабылдау болып табылады (қызметтердің жалпы санының шамамен 75%-ы). Сонымен қатар, зертханалық зерттеулер, ЭКГ, ультрадыбыстық зерттеу, рентген қызметтерін де осы санаттан көруге болады.
2021 жылға Қормен ТМККК бойынша жылжымалы медициналық кешендерге қызмет көрсету мақсатында 830,5 млн. теңге сомаға шарттар жасалды. Ал МӘМС жүйесінде – 3,4 млрд теңгеден астам сомаға.
9 айда ауыл тұрғындарына 1,2 млрд теңгеге жуық 650 мың қызмет көрсетілді. ЖМК қызметтерінің ең көп саны Алматы, Қызылорда және Түркістан облыстарында көрсетілді.
Егер сізде елді мекендегі медициналық көмектің қолжетімділігі жөнінде сұрақтар туындаған жағдайда, сіз өз облысыңыздың денсаулық сақтау басқармасына жүгіне аласыз. Егер мәселені шешу мүмкін болмаса, Әлеуметтік медициналық сақтандыру қорына сізге ыңғайлы байланыс арнасы арқылы хабарласуға болады: fms.kz ресми сайты, 1406 байланыс орталығы, Telegram-да SaqtandyryBot және Qoldau 24/7 мобильді қосымшасы.

МӘМС: Ауыл тұрғындарын стационарларда емдеуге 88,6 млрд теңге жұмсалды

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда өткен тәулікте 2356 адам коронавирустан жазылды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 168,
Алматы қаласы – 279,
Шымкент қаласы – 77,
Ақмола облысы – 121,
Ақтөбе облысы – 54,
Алматы облысы – 15,
Атырау облысы – 45,
Шығыс Қазақстан облысы – 323,
Жамбыл облысы – 7,
Батыс Қазақстан облысы – 443,
Қарағанды облысы – 160,
Қостанай облысы – 263,
Қызылорда облысы – 49,
Маңғыстау облысы – 22,
Павлодар облысы – 124,
Солтүстік Қазақстан облысы – 200,
Түркістан облысы – 6.
Қазақстан бойынша жазылғандар саны – 906190.

Қазақстан және Қызылорда облысының жаңалықтары: Денсаулық