<a href="https://kyzylorda-news.kz/">Kyzylorda-news.kz.</a> 2022 жыл – балалар жылы. Ел тұрғындарының шамамен 34%-ы 17 жасқа толмаған балалар. Қызылорда облысында 316 мыңнан астам балалар тұрады. Әлеуметтік медициналық сақтандыру қорының филиалына балаларға медициналық көмек көрсету тәртібі бойынша көптеген сұрақтар келіп түсуде. Жиі қойылатын сұрақтарға ӘМСҚ Қызылорда облысы бойынша филиалының директоры Бақыт Исмаханбетов жауап берді.
– Балаларға міндетті әлеуметтік медициналық сақтандыру жарналарын төлеуім керек пе?
– Жоқ, 18 жасқа дейінгі балалар жеңілдікті санатқа жатады, олар үшін мемлекет МӘМС үшін аударымдар жасайды. Сондықтан медициналық сақтандыру пакетіндегі медициналық көмек балаларға толық көлемде қолжетімді.
– Балаларға арналған стоматологиялық қызметтер МӘМС пакетіне кіреді ме және қандай қызметтерді тегін алуға болатындығын көрсете аласыз ба?
– 18 жасқа дейінгі балаларға стоматологиялық көмек шұғыл және жоспарлы түрде тегін көрсетіледі. Медициналық сақтандырудың стоматологиялық қызметтер пакетіне мыналар кіреді:
– тісті жансыздандыру және жұлу;
– пломба салу;
– абсцесстерді ашу;
– пульпит, периодонтитті емдеу;
– гипоплазия, флюороз кезінде тістің анатомиялық пішінін толық функционалдық қалпына келтіру;
– еріндер мен тілдердің пластикасы;
– рентгенография;
– ортодонтиялық қызметтер: жақ-бет аймағының туа біткен патологиялары және таңдайдың бөлінуі (қасқырдың аузы) болған кезде.
Стоматологиялық көмек алу үшін&nbsp; емханаға да, стоматологиялық клиникаға да жүгіне аласыз. Бұл ретте, стоматологиялық қызмет көрсететін клиника Қордың әлеуетті жеткізушісі болуы тиіс және әлеуетті жеткізушісі тізімінде болуы маңызды.
Стоматологиялық қызметтерді жеткізушілердің тізімін қордың сайтынан көруге болады <a href="https://fms.kz/kz/zakupki/postavshchiki-kdu-uslug/">https://fms.kz/kz/zakupki/postavshchiki-kdu-uslug/</a>.
– Қандай жағдайларда балалар құрғақ сүт қоспаларымен тегін қамтамасыз етіледі?
Бір жасқа дейінгі балалар үшін бейімделгіш құрғақ қоспалар тіркелген жеріндегі емханаларда мынадай жағдайларда беріледі:
– емшектегі нәрестені асырап алу;
-анасында АИТВ инфекциясының немесе туберкулездің белсенді түрінің, жіті психикалық аурулардың, туа біткен және пайда болған жүрек ақауларының, жүрек-қантамыр жүйесінің декомпенсациясымен ілесе жүретін аурулардың, эндокриндік және аллергиялық аурулардың ауыр түрлерінің болуы;
– балада туа біткен лактаза жеткіліксіздігінің, галактоземияның, фенилкетонурияның, “үйеңкі шәрбаты” ауруының болуы;
– ананың цитостатикалық, радиоактивті, тиреоидты, психотроптық және есірткі дәрілік препараттарды қабылдауы;
– бірнеше баланың дүниеге келуі және емшек сүтінің жетіспеушілігі;
– әйелдің күндізгі оқу нысанында оқуы;
– әйелдің стационарда емделуде болуы.
Ананың жағдайына байланысты оған тек жасанды және аралас тамақтандыру тағайындалуы мүмкін. Дәрі-дәрмекпен қамтамасыз ету тізбесімен толығырақ мына сілтеме бойынша танысуға болады: Денсаулық сақтау министрінің 2020 жылғы 09 қаңтардағы № ҚР ДСМ-1/2020 бұйрығы.
– &nbsp;Созылмалы аурулары бар балаларға қандай оңалту шаралары қарастырылған?
– Созылмалы аурулары бар балалар мен жасөспірімдер жылына екі-үш рет тұрақты медициналық оңалтудан өте алады. Бұл асқынулардың алдын алу үшін емханаларда динамикалық бақылау кезінде жасалады.
Үшінші кезеңді оңалтуды пациенттің ауруына байланысты емхананың медицина қызметкерлерінің жолдамасы бойынша емханаларда, күндізгі және тәулік бойы жұмыс істейтін стационарларда, оңалту орталықтарында және үйдегі стационарларда жүргізеді.
– Спорттық секцияларға жазылмас бұрын ЭКГ, жүрек ультрадыбысын тегін алуға және балаға кардиологтың қорытындысын алуға бола ма?
– Әрине. Ол үшін тіркелген жері бойынша учаскелік дәрігердің/педиатрдың қабылдауына жазылу, консультация кезінде жүгіну себебін көрсету қажет. Дәрігер кардиологқа жолдама береді және ол спортқа қарсы көрсеткіштерді болдырмау үшін қажетті шараларды тағайындайды.
– Қандай жағдайларда балалар дәрігерін үйге шақыруға болады?
– 5 жасқа дейінгі балаларға денсаулық жағдайының кез келген нашарлауы кезінде учаскелік дәрігер үйде қызмет көрсетеді.
5 жастан асқан балаларға үйге шақырған кезде оның шақыру себебіне және баланың жағдайына байланысты алғашқы медициналық – санитариялық көмек маманы-дәрігер, орта медицина қызметкері көмек көрсетеді.
– Жеке клиникаларда жоспарлы егуді тегін алуға бола ма, ол үшін не істеу керек?
– ҚР Үкіметінің 2020 жылғы 24 қыркүйектегі № 612 қаулысына сәйкес, инфекциялық ауруларға (туберкулез, гепатит, полиомиелит, көкжөтел, дифтерия және сіреспе, B типті гемофильді инфекция, пневмококкты инфекция, қызылша, қызамық және паротит (свинка) қарсы жоспарлы профилактикалық екпелер – балаларға меншік нысанына қарамастан, тіркелген жеріндегі медициналық ұйымда тегін жүргізіледі.
Естеріңізге сала кетейік, Қазақстанда вакцинация жүргізу мерзімі жасына сәйкес Ұлттық егу күнтізбесімен белгіленген.
– Балаға туа біткен жүрек аномалиясы диагнозы қойылды, оған қандай көмек қажет?
– Туа біткен жүрек кемістігі бар балаларға медициналық көмек диагностикалау мен емдеудің барлық кезеңдерінде тегін көрсетіледі
&nbsp;– Балабақшаға немесе мектепке ресімдеу кезінде медициналық анықтама сатып алу керек пе
– Жоқ, сатып алудың қажеті жоқ. Балабақшаға немесе мектепке қабылдау үшін медициналық анықтаманы тіркелген жері бойынша емханадан сұратуға болады. Анықтамаға баланың физиологиялық параметрлері, бар аллергиялық реакциялар, созылмалы және бұрын болған инфекциялық аурулар, алынған екпелер, профилактикалық тексерулердің және зертханалық талдаулардың нәтижелері және т. б. енгізіледі.
Бала балабақшаға түскеннен кейін картаны балабақшаның медицина қызметкері толтыруды жалғастырады.
–&nbsp; Балаларға профилактикалық тексерулерді қаншалықты жиі өткізуі керек?
– Балаларды профилактикалық тексеру жыл сайын – туғаннан бастап кәмелетке толғанға дейін жүргізіледі. Мектепке дейінгі мекемелердің тәрбиеленушілерін, мектеп оқушыларын, орта арнаулы оқу орындарының оқушыларын және 18 жасқа дейінгі студенттерді білім беру ұйымдарындағы көшпелі бригада тексереді. Мектепке дейінгі мекемелерге бармайтын балаларды тексеру емханада немесе отбасылық денсаулық орталығында жүргізіледі.
Профилактикалық қарап-тексерулердің жиілігі мен кезеңділігі Қазақстан Республикасы Министрінің 2020 жылғы 15 желтоқсандағы № ҚР ДМС-264/2020 “Мектепке дейінгі, мектеп жасындағы балаларды, сондай-ақ техникалық және кәсіптік, орта білімнен кейінгі және жоғары білім беру ұйымдарының оқушыларын қоса алғанда, халықтың нысаналы топтарына профилактикалық медициналық қарап-тексерулерді жүргізу қағидаларын, көлемі мен кезеңділігін бекіту туралы” бұйрығымен белгіленген.

МӘМС пакетіндегі балаларға көрсетілетін медициналық көмек

<a href="https://kyzylorda-news.kz/">Kyzylorda-news.kz.</a>&nbsp;Бүгін облыс әкімдігінің мәжіліс залында облыс әкімінің орынбасары Балжан Шәменованың қатысуымен, Қазақстан Республикасы Денсаулық сақтау министрлігінің Ана мен бала денсаулығын сақтау департаменті директоры Мағрипа Ембергенованың төрағалық етуімен Қызылорда облысы бойынша ана және сәби өлімін төмендетуге арналған штаб отырысы өтті.
Оған облыстық денсаулық сақтау басқармасының басшысы Сәбит Пазилов Сабит, ҚР ДСМ медициналық және фармацевтикалық қызметті бақылау комитетінің Қызылорда облысы бойынша департаментінің басшысы Ғалия Байменова, ҚР ДСМ «Республикалық электрондық денсаулық сақтау орталығы» ШЖҚ РМК Қызылорда облыстық филиалының басшысы Сауле Налибаева қатысты.
ҚР ДСМ Ана денсаулығын сақтау басқармасының басшысы Шакизат Халыкова «Республикада 2021 жылдың қорытындысы және 2022 жылдың 1 тоқсанының нәтижесімен ана өлімі бойынша ағымдағы жағдайды» баяндаса, «Қызылорда облысы бойынша босандыру саласында өзекті мәселелер және оның шешу жолдарын» «Акушерия, гинекология және перинатология ғылыми орталығы» акционерлік қоғамының басқарма төрағасы Динара Мирзахметова«Республикада және Қызылорда облысы бойынша сәби шетінеуі жағдайлары» – «Бала жасындағы ауруларды ықпалдастыра қарау» және «Патронаждық қызметтің әмбебап-прогрессивті моделі» бойынша Республикалық координатор – Н.Г.Ким, «Қызылорда облысы бойынша медициналық көмек көрсету сапасының бағалауда арнайы мониторингтік топ жұмысының анықтамасын» «М.Оспанов атындағы Батыс Қазақстан Медициналық Университетінің» акушерия-гинекология кафедрасының басшысы Светлана Шиканова &nbsp;жеткізді.
Қызылорда облыстық денсаулық сақтау басқармасының дерегінше облыс бойынша акушер-гинекологпен – 93%, анестезиолог-реаниматологпен – 70,0%, неонатологтармен – 90,3% қамтылған. 2022 жылы 20 маман оқуын аяқтап, жұмысқа қабылдануы жоспарланып отыр. Оның ішінде анестезиолог-реаниматолог – 7, акушер-гинеколог – 4, неонатолог – 1.
&nbsp;«UMC» КҚ базасында туа біткен аномалиялардың скринингтік зерттеуін жетілдіру мақсатында «Ерте пренаталды скринингтегі заманауи әдістер» тақырыбында 5 УДЗ мамандары білімін жетілдірді, алдағы уақытта жоспар бойынша мамандар жолданатын болады.
Облыстық перинаталды орталықта нәрестелер жансақтау бөлімшесіндегі реанимациялық керуеттер ауданы қайта қарастырылды.
Сонымен қатар, нәрестелер-жансақтау бөліміне 4 теонды ауа залалсыздандырғыш, 15 инфузомат алынды. Орта буын қызметкерлерінің нормативті штаты қайта қаралып, 1 мейірбике, 2 науқас (1/2) арақатынасы бекітіліп, тәуліктік ем-шара мейірбике посты ашылды. Босану бөлімінде және оперблокта кіндікбау кесу алдында «30 секунд дауыстап санау» әдісі жандандырылды.
Жүкті әйелдер мен нәрестелерге және 5 жасқа дейінгі балаларға арналған патронаждық әмбебап-прогрессивті моделі бойынша патронаждық қызмет жұмысын жандандыру мақсатында жауапты облыстық координатор бекітілді және супервизия жүргізу үшін 3 топ құрылып, облыстағы емдеу мекемелеріне жоспар бойынша мониторинг жүргізілетін болады.
Шала туылған және қауіпті топтағы балаларға мониторинг жүргізу көпбейінді облыстық балалар ауруханасында катанамнестикалық кабинет арқылы жүзеге асырылуда.

Ана мен бала денсаулығын жақсарту мақсатында штаб отырысы өтті

<a href="https://kyzylorda-news.kz/">Kyzylorda-news.kz.</a>&nbsp; 2022 жылдың тақырыбы – «Біздің әлем, біздің денсаулық». Бұл ұран адам денсаулығы мен қоршаған ортаны сақтау және қоғамдық денсаулығын белсенді түрде нығайту бойынша шұғыл әрекет етуді талап етеді.
Әлемде жалғасып жатқан пандемия, экологиялық, экономикалық дағдарыстар аясында қатерлі ісік, астма, жүрек аурулары және т. б. сияқты аурулар өсуде.
<blockquote>
 «Денсаулық – бұл аурыдың немесе мүгідектіктің болмауы ғана емес, толық физикалық, психикалық және әлеуметтік әл-ауқат жағдайы. Міндетті әлеуметтік медициналық сақтандыру – бұл медициналық қызметтерге тең қолжетімділікті қамтамасыз етуге, пациенттердің құқықтарын қорғауға және халықтың денсаулығын сақтауға бағытталған әлеуметтік жүйе. Биыл аймақта МӘМС жүйесімен қамту бойынша Жол картасы іске қосылды. Бүгінде өңір халқының 80% – ы сақтандырылған. Бұл көрсеткішті 85% – ға дейін жеткізу міндеті қойылды», – деп мәлімдеді «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов.
</blockquote>

7 сәуір &#8211; Дүниежүзілік денсаулық күні

<a href="https://kyzylorda-news.kz/">Kyzylorda-news.kz.</a> Дүниежүзілік денсаулық сақтау ұйымы (ДДСҰ) 2021 жылдың қараша айында бүкіл әлемде қызылша ауруының өршу тәуекелі туралы мәлімдеген болатын. Себебі коронавирус пандемиясына байланысты 2020 жылы 22 млн баланың, ал одан бір жыл бұрын 19 млн баланың ҚПҚ (қызылша, паротит және қызамыққа қарсы) вакцинациясының бастапқы дозасын алмағандығы үлкен алаңдаушылық туғызып отыр. Бұл бүкіл әлем бойынша 93 миллионнан астам адамның осы ауруды жұқтыруына әкелуі мүмкін.
Қызылша – жай ғана балалар ауруы емес, бұл ауа тамшылары арқылы жұғатын әлемдегі ең жұқпалы дерттің бірі, ол түшкіру, жөтелу және жақын қарым-қатынас арқылы беріледі. Вирус ауада және үстіңгі қабаттарда екі сағатқа дейін белсенді болып қалады, ауа ағынымен, мысалы, желдету жүйелері арқылы өте оңай таралады, сондықтан гигиенаны сақтау қызылшадан қорғануға көмектесе бермейді. Ауру адам денесінде бөртпе пайда болғанға дейін және ол жоғалғаннан кейін төрт күнге дейін ауруды таратушы болып қала береді.
Егер қызылша ауруының белгілері тек бөртпе мен жоғары дене қызуымен шектелетін болса, соншалықты қорқынышты болмас еді. Қауіптілігі сол – індетке шалдыққандардың үштен бірінде болатын асқыну жағдайлары. Көбінесе бұл бес жасқа дейінгі балаларда және жиырмадан асқан ересектер арасында кездеседі. Науқастарда құлақ инфекциясы дамуы мүмкін, бұл есту қабілетінің жоғалуына, сондай-ақ диареяға әкеледі. Жиырма баланың бірінде пневмония, ал мыңнан бірінде энцефалит дамуы мүмкін.
Қызылшамен ауырған адам жеті немесе он жылдан кейін сол дертті қайтадан жұқтыруы мүмкін. Бұл склерозды панэнцефалит-мидың прогрессивті ауруы. Ақыл-ой қабілетінің нашарлауы мен құрысуларға және әдетте өлім жағдайларына соқтырады. Жүкті әйелдер үшін қызылша аса қауіпті, себебі ол мерзімінен бұрын босануға немесе салмағында ақауы бар баланың туылуына әкелуі мүмкін.
Қызылша белгілері бірден пайда болмайды, инфекция жұқтырғаннан бастап бір-екі аптадан кейін байқалады және олар жедел респираторлық вирустық инфекцияға ұқсас келеді: температура көтеріліп, көз қызарып, ылғалданады, жөтел пайда болып, мұрыннан су ағады. Алғашқы белгілер байқалғаннан бастап екі-үш күн өткен соң ауыздағы шырышты қабықта Коплика дақтары — қызыл шекарасы бар кішкентай ақшыл-сұр дақтар пайда болады. Көп жағдайда олар беттің ішкі қуысында, төменгі азу тістердің артында орналасады. Бұл қызылшаның ең ерте көрінетін және айқын симптомы. Ауру басталғаннан кейінгі үшінші немесе бесінші күндері аурудың екінші кезеңі басталады — бөртпелер. Кішкентай қызғылт дақтар түріндегі бөртпе бүкіл денеге тез таралады. Алдымен беттің шаш өсетін аймағынан басталып, әрі қарай мойынға, денеге, қол мен аяққа дейін таралады. Алқызыл дақтар өткір қызыл түсті қышыма бөртпелерге айналады. Осы кезеңде дене қызуы 40 градусқа дейін көтерілуі мүмкін, жөтел өрши түседі. Қызылша ауруында бөртпелердің пайда болуы мен жойылу тәртібі: аурудың алтыншы немесе жетінші күнінде бөртпе кеудеге, арқаға, іштің аймағы мен жамбас тұсына таралады, ал сегізінші күні дененің аяқ бөлігіне жеткен кезде бірдей ретпен жоғала бастайды — бас, бет, мойын және т.б. Бөртпелердің орнында қоңырқай дақтар ұзақ уақыт қалып қояды.
Өкінішке қарай, қызылшаға қарсы дәрі-дәрмектер жоқ. Асқынулардың алдын алу үшін тек симптоматикалық терапия жүргізіледі. Яғни, егер көз, құлақ немесе пневмония инфекциясының белгілері байқалған болса, дәрігерлер антибиотик тағайындайды, құсу мен диарея кезінде сұйықтық пен электрит теңгерімдігін қалпына келтіруге көмектесетін ерітінділер енгізіледі.
Қызылшадан қорғанудың жалғыз жолы — вакцинация. ДСҰ мәліметтері бойынша, 2000-2016 жылдары вакцинация көмегімен қызылшадан болатын өлімнен 20,4 миллион өмірді сақтап қалды. Қызылшаға қарсы екпе екі рет жүргізіледі: 12-ден 15 айға дейін және 4-6 жаста. Десек те медициналық қарсы көрсетілімдер болмаса вакцинацияны кез-келген жаста жасауға болады.
Қызылшаның жұғу жылдамдығы өте жоғары, ал вакцинация болмаған жағдайда оның салдары Сіз үшін ғана емес, жақын адамдарыңыз үшін де ауыр болуы мүмкін. Сондықтан иммундаудан өту арқылы қауіпті аурудан сақтаныңыз.
Қызылорда облысының санитариялық-эпидемиологиялық бақылау департаменті

Пандемиядан кейін қызылша ауруы өршуі мүмкін

<a href="https://kyzylorda-news.kz/">Kyzylorda-news.kz.</a> Дүниежүзілік аутизм туралы ақпарат тарату күнінде Болат Өтемұратов Қоры ата-аналарды балалардағы аутизмнің алғашқы белгілеріне назар аударуға шақырады.
АҚШ Ауруларды бақылау және алдын алу орталығының соңғы есебіне сәйкес, аутизм спектрінің бұзылуы 44 баланың біреуінде кездеседі. Зерттеу жыл сайын мұндай диагноздардың жоғарылау үрдісін көрсетеді. Ұлдарда аутизм диагнозы қыздарға қарағанда төрт есе жиі кездеседі. Ерте диагностика және интервенция аутизмі бар адамдардың толық және тәуелсіз өмір сүру мүмкіндігін арттырады.
<blockquote>
 «Аутизм спектрінің бұзылуы көптеген көріністерге ие, сондықтан аутизм диагнозы бар екі бірдей адам бола алмайды. Және егер кейбір көріністер, мысалы, тілдің шықпауы, ұйқының бұзылуы немесе агрессия, ата-аналарды тезірек медициналық көмекке жүгінуге мәжбүр етсе, бала ұялшақ немесе жатырқағыш болып көрінетін жағдайларда уақыт босқа өткізілуі мүмкін. Сондықтан ата-ананың аутизмнің алғашқы белгілері байқалған кезде қырағы болып, мамандарға жүгінгені абзал», – дейді Болат Өтемұратов Қорының директоры Марат Айтмағамбетов.
</blockquote>
Қазақстанда «аутизм» диагнозы 3 жастан кейін қойылады. Дегенмен, әлемдік тәжірибеде ерте диагностикалау үшін арнайы құралдар қолданылады. Мысалы, M-Chatтесті ата-аналарға баланың бастапқы диагнозын өз бетінше қоюға мүмкіндік береді. Болат Өтемұратов қоры M-Chat тестін қазақ тіліне алғаш аударып, оны одан да көп қазақстандық отбасыларына қолжетімді етті. Қазақ және орыс тілдеріндегі тегін тест www.asylmiras.org сайтында бар. Сынақ нәтижелері диагноз қою үшін негіз болып табылмайтынын, тек кеңестік сипатта ұсынылатынын және білікті мамандардың растауын талап ететінін атап өткен жөн.
<img src="https://kyzylorda-news.kz/wp-content/uploads/2022/04/whatsapp-image-2022-04-01-at-16.54.08.jpeg" alt="" />
Ата-аналар мен отбасы мүшелері баланың мінез-құлқын тәулік бойы бақылайтындықтан, аутизмнің алғашқы белгілеріне назар аудару маңызды:
• көзбен байланыстың, жауап ретінде күлімсіреудің және атымен шақырған кезде реакцияның болмауы; 
• дене қимылын шектеулі қолданылуы, нұсқаулық қимылдың болмауы; 
• сөйлемей, дыбыс шығармауы; 
• құрдастар мен бірлескен ойындарға қызығушылықтың аз болуы; 
• заттарды (ойыншықтарды) бір сапқа тұрғызуға ынтасы; 
• жағымсыз мінез-құлық көрінісі: агрессия, өз-өзіне агрессия, өтініштерді орындамау; 
• дыбыстық тітіркендіргіштерге сезімталдықтың жоғарылауы.
Аутизм туралы ақпарат тарату айлығында Болат Өтемұратов Қоры аутизм мәселелеріне назар аудару мақсатында ақпараттық науқан жүргізеді. Қордың науқанын Алматы, Нұр-Сұлтан, Павлодар, Петропавл, Өскемен, Тараз, Орал, Шымкент, Қызылорда және Ақтөбе қалаларының әкімдіктері қолдады – бұл «Асыл Мирас» тегін аутизм орталықтары жұмыс істейтін қалалар. Науқанға Beeline Қазақстан қосылды, оның абоненттері балалардағы аутизмнің ерте белгілерін қалай тануға болатыны туралы ақпарат алады.
Еске салайық, «Аутизм. Баршамызға бір әлем» бағдарламасын Болат Өтемұратов Қоры 2015 жылдан бері жүзеге асырып келеді. «Асыл Мирас» орталықтары Қазақстанның 10 қаласында жұмыс істеп жатыр, ал жақын арада Қарағандыда тағы бір орталық ашылады. Орталықтардың қызметтері тегін түрде көрсетіледі. Орталықтардың барлық мамандары сертификатталған халықаралық оқудан өтті, бұл оларға АСБ белгілерін ерте жаста анықтауға және балалардың жетіспейтін дағдыларын дамытуға мүмкіндік береді. Өткен жылдың өзінде 2 150 бала курстан өтті, ал орталықтарда7 жыл ішінде 11 мыңнан астам бала интервенция бағдарламаларынан өтті.

Болат Өтемұратов ата-аналарды балалардағы аутизмнің алғашқы белгілеріне назар аударуға шақырады

<a href="https://kyzylorda-news.kz/">Kyzylorda-news.kz.</a>&nbsp; Көктемде созылмалы аурулар күшейеді. Әсіресе, қыстан көктемге дейінгі өтпелі кезең жүрек-қан тамырлары аурулары бар адамдарға әсер етеді. Сондықтан аурыдын алдын-алу және күндізгі стационарда уақытылы емдеу маңызды. Қызылорда қаласындағы көпбейінді облыстық аурухананың күндізгі стационарында жыл сайын 500-ге жуық жүрек-қан тамырлары аурулары бар адамдар ем алады.
Махамбет ауылдық округінің тұрғыны Әлібай Сүлейменов дәрігерлердің тұрақты бақылауында. Науқаста созылмалы жүрек жеткіліксіздігі, артериялық гипертензия, жүректің ишемиялық ауруы бар. Жергілікті дәрігердің жолдамасымен бойынша жылда 2-3 рет облыстық аурухананың күндізгі стационарында емделуде.
<blockquote>
 «Мен «Қазсушар» кәсіпорнында механик болып жұмыс істеймін, 3-ші топтағы мүгедекпім. Маған бірнеше рет жүрекке ота жасалды, елордалық ауруханада электрокардиостимулятор орнатылды. Жыл сайын күндізгі стационарда емделемін. МӘМС жүйесінің арқасында медициналық қызметтердің толық көлемін аламын, дәрі-дәрмектерді де тегін беріледі. Айтпақшы, дәрі – дәрмек бағасын есептесек, ай сайын 20-30 мың теңге үнемдеймін», – дейді Әлібай Сүлейменов.
</blockquote>
Облыстық аурухананың кардиолог-дәрігері Бекзат Әлішеровтың айтуынша, стационарды алмастыратын көмек жоспарлы және шұғыл түрде көрсетіледі. Шұғыл көмек дәрігердің жолдамасынсыз көрсетіледі. Жоспарлы түрде науқастын күндізгі стационарға емделуге жолдама, зертханалық, аспаптық зерттеулердің нәтижелері, бейінді мамандардың кеңестері болуы тиіс.
Жыл басынан аймақтың медициналық ұйымдары күндізгі стационар жағдайында 33 642 жағдай бойынша ем-дом көрсетілді. Бұл мақсатқа Әлеуметтік медициналық сақтандыру қорынан 2,9 млрд.теңге бөлінді.

Сақтандыру қоры арқылы күндізгі стационарда тегін емделе аласыз

<a href="https://kyzylorda-news.kz/">Kyzylorda-news.kz.</a>&nbsp;Қазақстанда өткен тәулікте 484 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 4,
Шымкент қаласы – 2,
Ақмола облысы – 1,
Алматы облысы – 2,
Атырау облысы – 15,
Шығыс Қазақстан облысы – 8,
Жамбыл облысы – 211,
Батыс Қазақстан облысы – 175,
Қарағанды облысы – 39,
Қостанай облысы – 1,
Қызылорда облысы – 1,
Солтүстік Қазақстан облысы – 25.
Қазақстан бойынша жазылғандар саны – 1288751.

Қызылордада өткен тәулікте 1 адам коронавирустан жазылды

<a href="https://kyzylorda-news.kz/">Kyzylorda-news.kz.</a>&nbsp; Халықтың нысаналы топтарына биыл скринингтік зерттеулер жүргізуге, оның ішінде онкологиялық түзілімдерді анықтауға арналған скринингтерді қоса алғанда, 23,7 млрд теңге көзделген. Әлеуметтік медициналық сақтандыру қоры скринингтің кімге және қандай түрлерінен өту керектігін еске салды.
Профилактикалық тексерулердің арқасында қатерлі ауруларды ерте кезеңде анықтап, уақтылы емдеуді бастауға болады. Скринингтерді денсаулықтарына шағымдары жоқ және аталған аурулар бойынша есепте тұрмайтын азаматтар белгілі бір жаста өтеді.
2022 жылға Әлеуметтік медициналық сақтандыру қорында медициналық ұйымдардың ересек тұрғындарға скринингтік зерттеулер мен профилактикалық тексерулерді жүргізуіне шамамен 23,7 млрд теңге қарастырылған.
Тұрғындар бекітілген емханасында учаскелік мейірбикенің шақыруы бойынша скринингтен өтеді. Скринингтен өтуге қажетті жасқа жеткен кезде азаматтар емханаға өз бетінше де жүгіне алады.
Айта кетейік, жұмыс берушілер скринингтерді өту үшін қызметкерлерді &nbsp;жұмыс уақыты кезеңінде лауазымын және орташа жалақысын сақтай отырып, кедергісіз жіберуі керек («Халық денсаулығы және денсаулық сақтау жүйесі туралы» Кодексінің 87 бабына сәйкес).
Скринингтік зерттеулердің түрлері және нысаналы топтар
<ul>
<li>30-39 жас аралығындағы әйелдер мінез-құлық қауіп факторларын ерте анықтау үшін скринингтен өтеді. Темекіні пайдалануға, дұрыс тамақтанбауға, дене белсенділігінің төмен болуына немесе алкогольді шамадан тыс тұтынуға байланысты пациентке салауатты өмір салты мен дұрыс тамақтану жөнінде ұсынымдар беріледі. Скрининг жүргізу кезінде пациенттің денсаулығы тексеріледі. Созылмалы аурулар немесе олардың даму қаупі анықталған жағдайда пациентті дәрігерлердің қадағалауына қояды, қажетті емдеу-диагностикалық іс-шаралар жүргізіледі.</li>
<li>40-тан 70 жасқа дейінгі ерлер мен әйелдер артериялық гипертонияны, жүректің ишемиялық ауруын, қант диабетін және глаукоманы ерте анықтауға арналған скринингтен өтеді. Қан қысымының, холестериннің, қан глюкозасының деңгейі және дене салмағының индексі анықталады. Скрининг осы аурулардың дамуын болдырмауға және қауіп тобындағы пациенттерді бақылауға жүргізіледі, қажет болған жағдайда – есепке алуға және емдеу мен дәрі-дәрмектермен қамтамасыз етуге мүмкіндік береді.</li>
<li>30-дан 70 жасқа дейінгі әйелдер жатыр мойны обырын ерте анықтауға тексеруден өтеді, оның ішінде ПАП-тест немесе тереңдетілген диагностика – (бейне) кольпоскопия, биопсия және гистология, бейінді мамандардың консультациясын алады.</li>
<li>Әйелдер 40 жастан 70 жасқа дейін сүт безі обырын ерте анықтау үшін тексеруден өтеді – екі проекциядағы маммография. Қажет болған жағдайда тереңдетілген диагностика – нысаналы маммография, сүт бездерінің УДЗ-і, трепанобиопсия, пункциялық немесе аспирациялық биопсия, гистология, бейінді мамандардың консультациясы.</li>
<li>50-ден 70 жасқа дейінгі ерлер мен әйелдер гемокульт-тест көмегімен колоректальды обырды ерте анықтауға тексеруден өтеді. Қажет болған жағдайда тереңдетілген диагностика – жаппай бейне колоноскопия, оның ішінде наркозбен, эндоскопиялық шертпелі биопсия, гистология, мамандардың консультациясы жүргізіледі.</li>
</ul>
Егер сізде скринингтен өтуге қатысты қосымша сұрақтар туындаса, сіз оларды учаскелік дәрігерге немесе өз емханаңыздағы Пациенттерді қолдау қызметіне қоя аласыз.
Егер жағдайды сол жерде шешу мүмкін болмаса, онда ыңғайлы байланыс арнасы арқылы Әлеуметтік медициналық сақтандыру қорына жүгінуге болады: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot.
<img src="https://kyzylorda-news.kz/wp-content/uploads/2022/03/skrining_kaz.jpg" alt="" />

МӘМС: Скринингтен не үшін өтеді және ол қалай жүргізіледі?

<a href="https://kyzylorda-news.kz/">Kyzylorda-news.kz</a>. Қызылорда облысы бойынша эпидемиологиялық маусымда жедел респираторлық вирусты инфекциясын 19745 адам жұқтырған.
Ауруға шалдыққандардың 64,7 пайызы 14 жасқа дейінгі балалар. Оның ішінде 24,1 пайызы 1 жасқа дейінгі нәрестелер.&nbsp; Есепте тұрған жүкті әйелдер арасындағы ЖРВИ-ға шалдығу көрсеткіші 25 пайызды құрап отыр. Ауруханаға жатқызу&nbsp; көрсеткіші&nbsp; жалпы облыс бойынша 11%.&nbsp;
<blockquote>
 «Жүргізілген эпидемиологиялық мониторингке сәйкес облыстық аурушаңдық апталық көрсеткіштің бақылау деңгейінен асып, эпидахуалдың күрделенуі байқалған жоқ. Дегенмен өткен жылдың ағымдағы мерзімімен салыстырғанда аурушаңдық деңгейі 39%-ке жоғары. 2021-2022 жылғы эпидмаусымда&nbsp; ауыр ағымдағы жедел респираторлы вирусты инфекциясымен 3087 науқастан алынған анализдер Ұлттық сараптама орталығының вирусологиялық зертханасында ПТР әдісімен тексеріліп, 9 сынамадан тұмау анықталды. Басым бөлігі облыс орталығында тіркелді. Сонымен қатар 1871 сынама тұмау емес ауруларға тексеріліп, нәтижесінде 15 аденовирус, 1 парагрипп, 2 РС вирус тіркелді», – делінген облыстық санитариялық-эпидемиологиялық бақылау департаментінің хабарламасында.
</blockquote>
Айта кетейік, тұмау&nbsp; ауруының алдын алу мақсатында&nbsp; 80186 доза вакцина алынған. Бүгінгі күні облыс тұрғындарының 95,6 пайызына тұмауға қарсы вакцина салынды.

Қызылорда облысында эпидахуал тұрақты

<a href="https://kyzylorda-news.kz/">Kyzylorda-news.kz</a>. Облыста туберкулезге шалдығу көрсеткіші соңғы он жылда 2 есеге азайды. Былтыр өңірде аурушаңдық деңгейі 46,2 пайызды құрады. Бұл туралы Өңірлік коммуникациялар қызметінде өткен брифингте облыстық фтизиопульмонология орталығы бас дәрігерінің емдеу ісі жөніндегі орынбасары Айгүл Алтекешева хабарлады.
<blockquote>
 «Облыста туберкулезге шалдығу фактісі бойынша тұрақты эпидемиологиялық ахуал қалыптасқан. Өткен жылы аурушаңдық көрсеткіші 48,5-тен 46,2-ге пайызға төмендеп, туберкулезге шалдығу қарқыны 4,9 пайызды құрады. Сондай-ақ, аталмыш аурудан өлім-жітім көрсеткіші 4,8 есеге төмендеді. Бұл дертті ерте анықтау мақсатында ДДСҰ ұсынған бактериологиялық және молекулярлық-генетикалық диагностикалаудың жеделдетілген әдістері енгізілді. Қазіргі таңда арнайы құрал-жабдықтар облыстық фтизиопульмонология орталығы мен аудандық деңгейдегі зертханаларда қамтылған», – деді Айгүл Алтекешева.
</blockquote>
Айта кетейік, биыл Дүниежүзілік туберкулезге қарсы ұран: «Туберкулезге қарсы күреске инвестиция салыңыз. Өмірге араша болыңыз!» деген атаумен өтеді.

Қызылордада туберкулезге шалдығу көрсеткіші төмендеді

<a href="https://kyzylorda-news.kz/">Kyzylorda-news.kz</a>.&nbsp; 2022 жылды ҚР Президенті Қасым-Жомарт Тоқаев Балалар жылы деп жариялады. Әлеуметтік медициналық сақтандыру қоры «Сүйікті бала» арнайы жобасының аясында балаларға медициналық көмекті қаржыландыру туралы ақпарат беруді жалғастыруда. Бұл туралы Қызылорда облысы бойынша ӘМСҚ филиалының директоры Бақыт Исмаханбетов айтты.
Аурулардың алдын алу үшін
Қазіргі медицинада аурудың алдын-алу маңызды болып табылады. Біздің елімізде балалардың денсаулығына ерекше назар бөлінеді және дені сау ұлт қалыптастыруға қажетті іс-шаралар жүзеге асырылады. Соның ішінде, біріншіден, отбасын жоспарлау бойынша кешенді шаралар қарастырылған. Екіншіден, жүкті әйелдердің пренатальды скринингі 3 рет жүргізіледі, бұл ұрықтың патологиясы мен кемшіліктерді уақтылы анықтауға мүмкіндік береді. Үшіншіден, перзентханада жаңа туған нәрестеге неонаталдық скрининг жүргізіледі. Бұдан басқа, педиатриялық көмек көрсетуді ұйымдастыру стандарттарына сәйкес балалардың аурушаңдығының, мүгедектігінің және өлім-жітімінің алдын алу, төмендету бойынша шаралар көзделген.
Бақыт Исмаханбетовтың айтуынша, ағымдағы жылы ҚР-да МӘМС жүйесінде скринингтер мен профилактикалық тексерулерді жүргізуге 39,7 млрд теңге қарастырылған, оның ішінде аудиологиялық скринингке – 5,1 млрд теңге, 5 жасқа дейінгі балаларды профилактикалық тексеруге – шамамен 11,7 млрд теңге, мектеп медицинасы шеңберінде профилактикалық тексеруге – 22,9 млрд-тан астам теңге.
Қорда балалар жеңілдікті санаттардың біріне кіретінін, сондықтан олар үшін 18 жасқа дейін міндетті әлеуметтік медициналық сақтандыру жарналарын мемлекет төлейтінін еске салды. Осылайша, барлық балалар автоматты түрде сақтандырылған және МӘМС жүйесінде қажетті медициналық көмекке құқылы.
Балаларға қандай тексерулер жүргізіледі?
Жаңа туған нәрестелерге, ерте жастағы және 6 жасқа дейінгі балаларға аудиологиялық скрининг жүргізіледі. Бұл баланың есту қабілетінің бұзылуын анықтауға мүмкіндік беретін жаппай стандартталған тексеру. Ол екі кезеңде жүзеге асырылады. Біріншісі – бала өмірінің алғашқы үш күнінде тікелей перзентханада. Екіншісі – өз емханасындағы баланы дамыту кабинеттеріндегі белгілі бір жастағы балаларға жүргізіледі. Бұл жағдайда учаскелік медбике ата-аналармен байланысып, белгіленген мерзімде скринингтен өтуге шақырады.
Балалардың есту қабілетінің бұзылуы анықталған жағдайда мүгедектікке әкелетін ауруларды оңалту және алдын алу бойынша шаралар қабылданады. Егер құлақ мүкістігі немесе кереңдік қаупі туындаса, онда баланы одан әрі тереңдетіп тексеру үшін сурдологиялық кабинеттерге, сондай-ақ тексеру және түзете-дамыта оқыту мәселелерін шешу үшін психологиялық-медициналық-педагогикалық консультацияға жібереді.
Мектепке дейінгі, мектеп жасындағы балалар, сондай-ақ техникалық және кәсіптік, орта білімнен кейінгі және жоғары білім беру ұйымдарының он сегіз жасқа толмаған оқушылары профилактикалық медициналық қарап-тексеруден өтеді. Оны білім беру ұйымына бару арқылы емхана мамандары жүргізеді. Егер мектепке дейінгі жастағы бала балабақшаға бармаса, онда ол бекітілген емханасында алдын ала тексеруден өтеді.
Профилактикалық қарап-тексеру дәрігерге дейінгі, білікті және мамандандырылған кезеңдерді қамтиды.
Дәрігерге дейінгі кезеңде дененің өсуі мен салмағын анықтау, бас пен кеуде қуысының көлемін өлшеу (3 жасқа дейін), физикалық және психоәлеуметтік дамуды бағалау, қан қысымын өлшеу (7 жастан бастап), көру және есту өткірлігін анықтау, ЭКГ өткізу және т. б.
Екінші кезеңде теріні және бас терісін, шырышты қабықтарды тексеру, қалқанша без аймағын тексеру және пальпациялау, кеуде, омыртқа, аяқ-қолдарды тексеру, тыныс алу, ас қорыту және т. б. тексеру жүргізіледі. Патологиялық өзгерістер анықталған кезде баланы бейінді маманға қосымша тексеруге жібереді.
Мамандандырылған кезеңді бейінді мамандықтардың дәрігерлері жүргізеді.
Егер сізде медициналық көмектің сапасы мен уақтылы көрсетілуі бойынша сұрақтар туындаса, сіз емхананың Пациенттерді қолдау және ішкі аудит қызметіне немесе өзіңізге ыңғайлы келесі байланыс арналары бойынша Әлеуметтік медициналық сақтандыру қорына жүгіне аласыз: fms.kz ресми сайты, 1406 байланыс орталығы, Goldau 24/7 мобильді қосымшасы және Telegram-дағы SaqtandyryBot

МӘМС: Балаларды профилактикалық тексеруге 40 млрд теңге бөлінді

<a href="https://kyzylorda-news.kz/">Kyzylorda-news.kz</a>.&nbsp; Денсаулық сақтау министрлігі «Ашық НҚА» порталындаа Қазақстаннан тысқару әкетуге тыйым салынатын дәрілердің санаты белгіленген бұйрықтың&nbsp;<a href="https://legalacts.egov.kz/npa/view?id=14039888">жобасы</a>&nbsp;талқылауға шығарды.
Бұйрықтың жобасы бойынша, Қазақстан аумағынан кез келген нысандағы дәрілік заттарды, оның ішінде фармацевтикалық субстанцияларды, медициналық бұйымдарды, сондай-ақ оларды өндіруге арналған материалдар мен жинақтауыштарды әкетуге 6 ай көлемінде тыйым салу ұсынылған.
Дегенмен, дәрі-дәрмектің бірнеше санатына бұл құжаттың талабы жүрмейтіні айтылған. Олар:
– Қазақстанның аумағы арқылы өтетін транзиттік тауарлар;
– жеке тапсырыстар бойынша тек жеке пайдалануға арналған медициналық бұйымдар;
– халықаралық ізгілік көмек көрсетуге арналған тауарлар;
– бөлшек саудада өткізу шеңберінде жеке пайдалану үшін әкелінген және сатып алынған тауарлар;
– тегін медициналық көмектің кепілдік берілген көлемі және МӘМС шеңберінде алынған дәрілер;
– өткізу құқығынсыз көрмелер өткізуге арналған үлгілер;
– зерттеулер мен сынақтар жүргізуге арналған үлгілер;
– денсаулық сақтау ұйымдарында дайындалып, қолданылған радиофармацевтикалық препараттар;
– мемлекеттік тіркеу кезінде сараптама жүргізуге арналған үлгілер;
– пациенттің немесе оның донордың аутологиялық биоматериалдарын пайдалана отырып қабылданатын, жеке қолдануға арналған алдыңғы қатарлы терапия дәрілері;
– ЕАЭО кедендік аумағына келген көлік құралдарының жолаушылары мен экипаж мүшелерін емдеуге арналған дәрі-дәрмектер;
– халықаралық мәдени, спорттық іс-шараларға қатысушыларды және халықаралық экспедицияларға қатысушыларды емдеуге арналған дәрі-дәрмектер;
– Қазақстан тауар өндірушілері өндірген, оларға қатысты тыйым салынған «СТ-1» нысанындағы тауардың шығу тегі туралы сертификатпен сүйемелденетін дәрі-дәрмектер.
Құжат көпшіліктің талқылауына 6 сәуірге дейін ұсынылмақ. Жобаның мәтінімен&nbsp;<a href="https://legalacts.egov.kz/npa/view?id=14039888">мына</a>&nbsp;жерден танысуға болады.

Қазақстан және Қызылорда облысының жаңалықтары: Денсаулық

МӘМС пакетіндегі балаларға көрсетілетін медициналық көмек

Ана мен бала денсаулығын жақсарту мақсатында штаб отырысы өтті

7 сәуір – Дүниежүзілік денсаулық күні

Пандемиядан кейін қызылша ауруы өршуі мүмкін

Болат Өтемұратов ата-аналарды балалардағы аутизмнің алғашқы белгілеріне назар аударуға шақырады

Сақтандыру қоры арқылы күндізгі стационарда тегін емделе аласыз

Қызылордада өткен тәулікте 1 адам коронавирустан жазылды

МӘМС: Скринингтен не үшін өтеді және ол қалай жүргізіледі?

Қызылорда облысында эпидахуал тұрақты

Қызылордада туберкулезге шалдығу көрсеткіші төмендеді

МӘМС: Балаларды профилактикалық тексеруге 40 млрд теңге бөлінді

Қазақстан дәрі-дәрмекті елден шығаруға тыйым салмақ

Қазақстан және Қызылорда облысының жаңалықтары: Денсаулық

МӘМС пакетіндегі балаларға көрсетілетін медициналық көмек

Ана мен бала денсаулығын жақсарту мақсатында штаб отырысы өтті

7 сәуір &#8211; Дүниежүзілік денсаулық күні

Пандемиядан кейін қызылша ауруы өршуі мүмкін

Болат Өтемұратов ата-аналарды балалардағы аутизмнің алғашқы белгілеріне назар аударуға шақырады

Сақтандыру қоры арқылы күндізгі стационарда тегін емделе аласыз

Қызылордада өткен тәулікте 1 адам коронавирустан жазылды

МӘМС: Скринингтен не үшін өтеді және ол қалай жүргізіледі?

Қызылорда облысында эпидахуал тұрақты

Қызылордада туберкулезге шалдығу көрсеткіші төмендеді

МӘМС: Балаларды профилактикалық тексеруге 40 млрд теңге бөлінді

Қазақстан дәрі-дәрмекті елден шығаруға тыйым салмақ

7 сәуір – Дүниежүзілік денсаулық күні