<a href="https://kyzylorda-news.kz/">Kyzylorda-news.kz.</a> Халықтың әлеуметтік қорғалмаған топтары мемлекеттен медициналық сақтандыру жарналарының арқасында МӘМС шеңберінде медициналық көмек ала алады. Уақытша сақтандырылу мәртебесін (жеке тұлғалар санаттары бойынша сақтандырылмағандығы анықталған жағдайда) Qoldau 24/7 қосымшасының көмегімен үйден шықпай-ақ алуға болады.
Сіздердің назарларыңызға Qoldau – 24/7 қосымшасының көмегімен сақтандырылудың уақытша мәртебесін қалай алуға болатыны туралы толық нұсқаулықты ұсынамыз.
<ul>
<li>Ұялы телефонда Qoldau – 24/7 мобильді қосымшасын AppStore-дан немесе Әлеуметтік медициналық сақтандыру қорының ресми сайтында <a href="https://fms.kz/kz/kontaktnaya-informatsia/mobilnoe-prilozhenie/">сілтеме</a> бойынша жүктеп алыңыз;</li>
<li>Жүйеде тіркеліңіз: электрондық мекенжайды, тегін, атын және байланыс телефонын енгізіңіз;</li>
<li>Тіркелгеннен және кіргеннен кейін төменгі оң жақ бұрыштағы «бізге жазыңыз» түймесін пайдаланыңыз;</li>
<li>«Өтінішті құру» нысанында «консультация» санатын таңдаңыз;</li>
<li>Әрі қарай, тұратын аймақты таңдаңыз;</li>
<li>«Өтініш мәтіні» жолында міндетті түрде жеңілдік санатын және өз ЖСН көрсетіңіз;</li>
<li>Сканерленген құжатты немесе растайтын құжаттың суретін тіркеңіз. «Файлды тіркеу» түймесін басып, галереядан құжатты таңдаңыз немесе суретке түсіріңіз;</li>
<li>«Өтінішті жіберу» батырмасын басыңыз;</li>
</ul>
Сәтті толтырылған жағдайда «Өтініш сәтті жасалды! Терезені жабу үшін» батырмасы шығады. Барлық талаптарға сәйкес болған жағдайда МӘМС жүйесіндегі Сіздің мәртебеңіз 40-50 минут ішінде жаңартылады.
Сондай-ақ, Qoldau-24/7 қосымшасында сіз кеңес ала аласыз, шағым жолдай аласыз, алғыс білдіре аласыз, өз ұсыныстарыңызды білдіре аласыз, сақтандыру мәртебесін тексере аласыз, МӘМС жүйесінде сақтанушының уақытша мәртебесін ала аласыз.

МӘМС жүйесінде қалай уақытша сақтандыруға болады?

Дүниежүзілік денсаулық сақтау ұйымы бүкіл әлем бойынша шығу тегі белгісіз гепатиттің 920 болжамды жағдайы анықталғанын мәлімдеді, деп хабарлайды Zakon.kz.
ДДСҰ баспасөз&nbsp;<a href="https://www.who.int/publications/i/item/9789240052710">хабарламасында</a>&nbsp;айтылғандай, күмәнді ауру 33 мемлекетте анықталған.
27 мамырда осы ауру туралы алдын ала үнпарақ жарияланғаннан бері ДДСҰ-ға тағы 270 жаңа ықтимал жағдайлар жайлы ақпарат келіп түсті. Органдарды трансплантациялау бойынша ота жасауды 45 бала қажет етті, ал 18 науқас қайтыс болды.
Шығу тегі белгісіз гепатит жағдайларының жартысы Еуропа елдерінде анықталып жатыр.
8 маусымда Дүниежүзілік денсаулық сақтау ұйымының (ДДСҰ) бас директоры Тедрос Адханом Гебрейюс аурудың 700-ден астам ықтимал жағдайлары тіркелгені туралы хабарлады.
ДДСҰ тәуекелді жаһандық деңгейде қалыпты деп бағалайды.

Әлемде балалар арасында «шығу тегі белгісіз» гепатиттің 920 жағдайы анықталды

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев Қазалы ауданына жұмыс сапарымен барып, жаңа үлгідегі 250 орындық емхананың ашылу салтанатына қатысты.
Аймақ басшысы тұрғындарды жаңа емхананың ашылуымен құттықтап, ауданға қажетті нысандарды салу алдағы уақытта да жалғасын табатынын жеткізді.
<blockquote>
 “Бүгін сіздермен көптен күткен ауысымына 250 келушіге арналған аудандық емхананың ашылу салтанатында жүздесіп отырмыз. 
 Бұл – тек қазалылықтар үшін ғана емес, барша облыс халқы үшін аса маңызды жаңалық. 
 Жаңа аурухана науқастарға сапалы, жоғары технологиялық медициналық көмек көрсету үшін заманауи медициналық техникамен, құралдармен жабдықталған. 
 Ресейден «Ангиограф» медициналық аппараты алынып, орнатылды. Бұл коронарография жасайтын аппарат аудандар ішінде тек Қазалыда ғана бар. 
 Бұның барлығы сіздердің сапалы дәрігерлік көмек алуларыңыз үшін жасалған игі істер”, – деді аймақ басшысы.
</blockquote>
Іс-шарада «РЗА» акционерлік қоғамының президенті, Қызылорда облысының құрметті азаматы Самұрат Имандосов жерлестерін құттықтап, жылы лебізін білдірді.
Облыс әкімі емхананың 1 қабаттағы орналасқан медициналық кабинеттердің жұмыстарымен танысты. «Жасыл дәлізден» өтіп, балалар бөлімін аралап шықты және рентген, флюрография, маммография және ФГДС кабинеттерінің жұмыстарымен танысып шығады.
Айта кетейік, емхана құрамында қабылдау бөлімі, педиатрия, жұқпалы аурулар бөлімі, рентгендік диагностикалық бөлім, ортопедия және бронхоскопия, УДЗ кабинеті сынды бөлімдерде білікті дәрігерлер мен тәжірибелі мейірбикелер қызмет көрсететін болады.
<img src="https://kyzylorda-news.kz/wp-content/uploads/2022/06/poliklinika1.jpg" alt="" />
<img src="https://kyzylorda-news.kz/wp-content/uploads/2022/06/poliklinika2.jpg" alt="" />

Қазалы ауданында 250 орындық емхана ашылды

<a href="https://kyzylorda-news.kz/">Kyzylorda-news.kz.</a>&nbsp; Егер сіз көрсетілген медициналық қызметтердің сапасына қанағаттанбасаңыз, медициналық персонал тарапынан дөрекілікке, тегін медициналық көмектің кепілдік берілген көлемі шеңберінде және міндетті әлеуметтік медициналық сақтандыру жүйесінде ұсынылатын медициналық қызметтер үшін ақшалай қаражатты талап ету фактілеріне немесе басқа да проблемалық мәселелерге тап болсаңыз, сіз:
• пациенттерге қолдау көрсету және ішкі аудит қызметіне көмек сұраңыз. мұндай қызмет әрбір медициналық ұйымда жұмыс істейді. Кері байланыс үшін байланыс деректерін көрсете отырып, жазбаша өтініш жазу жеткілікті. Толығырақ ақпаратты емхананың немесе аурухананың қабылдау бөлімінен білуге болады.
<img src="https://kyzylorda-news.kz/wp-content/uploads/2022/06/image.png" alt="" />
• аймақтың денсаулық сақтау басқармасының колл-орталығына жүгіну. барлық медициналық ұйымдар денсаулық сақтау басқармаларына бағынатындықтан, олардың өкілдері Сіздің мәселеңізді шешуге әсер ете алады.
<img src="https://kyzylorda-news.kz/wp-content/uploads/2022/06/image-1.png" alt="" />
• Qoldau 24/7 қосымшасында өтінім қалдыру. сіздің Qoldau 24/7 өтінішіңізден кейін әлеуметтік медициналық сақтандыру қорының мамандары медициналық ұйыммен хабарласады және қызмет көрсету сапасын тексереді, Егер сіз қандай да бір себеппен оны алмаған болсаңыз, онда олар бас тарту себебін анықтайды. Барлық өтініштер тізілімге тіркеу нөмірін берумен енгізіледі, соның арқасында өтініштің мәртебесін қадағалауға болады.
<img src="https://kyzylorda-news.kz/wp-content/uploads/2022/06/image-2.png" alt="" />
• @SaqtandyryBot Telegram-ботында өтінім қалдырыңыз. ол үшін негізгі мәзірде “1406-ға хабарлама жіберу”пәрменін таңдау керек. Өтінімде мәселенің мәні, сондай-ақ аймақтың және медициналық ұйымның атауы болуы керек.
<img src="https://kyzylorda-news.kz/wp-content/uploads/2022/06/image-3.png" alt="" />
• Қордың тәулік бойы жұмыс істейтін 1406 бірыңғай байланыс орталығына жүгіну қажет. Қазақстанның барлық аумағында ұялы және қалалық телефондардан қоңырау шалу тегін.
<img src="https://kyzylorda-news.kz/wp-content/uploads/2022/06/image-4.png" alt="" />
• Өтінішті бөлімде қалдыру “Сұрақ қою / шағымдану”

Науқастың құқығын қалай қорғауға болады?

<a href="https://kyzylorda-news.kz/">Kyzylorda-news.kz.</a> Жастар денсаулық орталықтары міндетті әлеуметтік медициналық сақтандыру аясында жұмыс істегеннен бері оған жүгінушілер саны да айтарлықтай артты. Осы жылы медициналық қызметтер үшін 2,2 млрд теңгеге шарт жасалды. 5 айда 182 мыңнан аса қызмет көрсетіліп, оған 431 млн-нан астам қаржы жұмсалды, деп хабарлайды Әлеуметтік медициналық сақтандыру қоры.
Жастар денсаулық орталықтары жас буынның денсаулығын сақтау мен нығайтуда маңызды рөл атқарады. Бүгінде орталық қызметтеріне деген сұраныс өсіп отыр. Міндетті түрде құпиялылықты сақтау әдісімен жастарға арналған қызметтерді ұсынады.
<blockquote>
 «Пациенттердің медициналық көрсеткіштеріне қарай, кешенді диагностикалық, емдеу, кеңестік, профилактикалық, медициналық, әлеуметтік, зертханалық зерттеулер және оңалту шараларына жолдама беріледі. Қабылдауды білікті мамандар жүргізеді. Олардың қатарында акушер-гинеколог, психолог, уролог-андролог, психотерапевт, психиатр, дерматовенеролог, әлеуметтік қызметкер және фельдшер бар», – дейді Әлеуметтік медициналық сақтандыру қорының заңды және жеке тұлғалармен жұмыс жасау департаменті директорының орынбасары Жанар Ботагарина.
</blockquote>
Орталықтарда 12–17 жас аралығындағы жасөсіпірімдер және 18–29-дағы жастарға қызмет көрсетіледі. Олардың ерекшеліктеріне қарай кешенді медициналық-әлеуметтік және психологиялық көмек беріледі. Қазір Қазақстан бойынша қалалық, аудандық емхана мен жекеменшік клиникаларда барлығы 218 орталық міндетті әлеуметтік медициналық сақтандыру аясында жұмыс істейді.
<blockquote>
 «Жастар денсаулық орталықтары кәмелетке толмағандарға медициналық психологиялық көмек көрсететін денсаулық сақтау субъек-тілеріне айналды. Басты мақсат – жасөспірімдер мен жастар арасында салауатты өмір салтын насихаттау, ре¬продуктивті денсаулықты қорғау, оның ішінде ерте жыныстық белсенділік пен ерте жүктіліктің алдын алу, контрацептивтерді қолдану, отбасын жоспарлау және жыныстық жолмен берілетін инфекциялар туралы ақпараттандыру», – дейді Жанар Ботагарина.
</blockquote>
Жасөспірім шақ − сенімді серік іздейтін, көңілдің албырт шағы. Ата-ананың баласының шешімдерін түсінбеуі, қолдамауы, тіпті балаға мүлде көңіл бөлмеуі психикалық өзгерістерге алып келеді немесе біреуге айтуға қорқатындай жағдайға тап болуы мүмкін. Мектептегі қудалану, үлкендердің немесе құрдастарының сексуалдық алымсақтығы, бәлкім танысының зорланған болуы, жыныстық жолмен берілетін ауру белгілерін өз бойынан табуы немесе ерте жүктілікке тап болуы секілді түрлі мәселелер бойынша Жастар денсаулық орталығында жағдайдың басын ашуға және оң шешімін табуға көмектеседі. Дегенмен, әрбір жас өз денсаулығы үшін басты жауапкершілікті өзі сезінгені дұрыс. Бұл ретте ата-ана тәрбиесінің де маңызы зор.
Егер сұрақтарыңыз болса, сіз оларды емханаңыздан Пациенттерге қолдау көрсету қызметіне хабарласып сұрай аласыз. Егер сізге ол жерде көмек көрсетілмесе, онда өзіңізге ыңғайлы байланыс арнасы арқылы Әлеуметтік медициналық сақтандыру қорына өтініш жібере аласыз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot. Дәл осы құралдар сақтандырылу мәртебесін тексеруге мүмкіндік береді. Сондай-ақ, медициналық сақтандыру жүйесіндегі өз мәртебеңізді тексеріп, жүргізілген төлемдер туралы ҚР электрондық үкіметінің egov.kz сайтындағы «Денсаулық сақтау» бөлімінде «Медициналық қызметтер туралы және МӘМС-ға аударылған сомалар туралы ақпарат» мемлекеттік қызметі арқылы біле аласыз.

МӘМС: Жасөспірімдерге 182 мыңнан астам медициналық қызмет көрсетілді

<a href="https://kyzylorda-news.kz/">Kyzylorda-news.kz.</a> Бүгін «Саламатты Қазақстан» мамандандырылған медициналық пойызы Алматы облысының Байсерке станциясынан жолға шықты, деп хабарлайды ҚазАқпарат.
Медициналық пойыз Жетісу облысына барып, шалғай станциялар мен разъездерде тұрғындарға қызмет көрсетеді.
Пойыз 20 маусым мен 2 қараша аралығында еліміздің 67 шалғай станциясына барады. Маршрут келесі облыс аумақтары арқылы өтеді: Алматы, Шығыс Қазақстан, Павлодар, Солтүстік Қазақстан, Ақмола, Қостанай және Қарағанды облыстары, сондай-ақ үш жаңа өңір – Жетісу, Абай және Ұлытау.
<img src="https://www.inform.kz/radmin/fotofiles/a/2022/06/20/2206200952462320g.jpg" alt="" />
<blockquote>
 «Саламатты Қазақстан» пойызы жапон және неміс өндірісінің медициналық жабдықтарымен қамтылған: қажет болған жағдайда кеңейтілген жалпы және биохимиялық талдауларды, рентгенография мен флюрографияны, ішкі ағзалар мен тамырлардың УДЗ-зерттеулерін, электрокардиограмма және гастрофиброскопияны, диагностикалық зерттеулердің өзге де түрлерін жасауға мүмкіндік бар. Сонымен қатар биыл стамотологиялық құрылғылар да жаңартылған», – деді «Саламатты Қазақстан» пойызының аға дәрігері Арман Исайнов.
</blockquote>
<img src="https://www.inform.kz/radmin/fotofiles/a/2022/06/20/2206200952516621g.jpg" alt="" />
Мамандандырылған медициналық пойыз 8 вагоннан тұрады: дизель-генератор вагоны, 4 медициналық вагон, 1 конференц-зал және мейрамхана, 2 купе вагон. Дизель-генератор вагоны қажет болған жағдайда төтенше жағдай кезінде шағын елді мекенді электр энергиясымен қамтамасыз ете алады.
Пойыздар республиканың жетекші клиникаларымен телемедициналық консультациялар жүргізу үшін телефон байланысымен, интернет желісімен жабдықталған.
Медициналық персонал білікті мамандардан құралған: терапевт, педиатр, кардиолог, невропатолог, окулист, ЛОР, гинеколог, хирург, уролог, маммолог, стоматолог, рентгенолог, кардиолог, УДЗ дәрігері, эндоскопист, функционалдық диагностика дәрігері. Биыл медицина мамандарының құрамына психолог және дерматовенеролог қосылды, жобаға барлығы 36 маман қатысады. Дәрігерлер бригадасы халыққа барлық қызметті тегін көрсетеді.
<img src="https://www.inform.kz/radmin/fotofiles/a/2022/06/20/2206200952540222g.jpg" alt="" />
Жоба «Самұрық-Қазына» АҚ компаниялар тобының атынан «Samruk-Kazyna Trust» әлеуметтік жобаларды дамыту қорының қаржылай қолдауымен, ҚР Денсаулық сақтау министрлігінің қатысуымен, «Қазақстан темір жолы» ҰК АҚ жанындағы «Әлеуметтік жобалар қоры» корпоративтік қорымен бірлесіп іске асырылуда.
Айта кетейік, «Саламатты Қазақстан» – жоба бойынша екінші пойыз. Себебі, 23 мамырдан бастап «Жәрдем» медициналық пойызы шалғай аудандарда тегін медициналық көмек көрсете бастады.
<img src="https://www.inform.kz/radmin/fotofiles/a/2022/06/20/2206200952596024g.jpg" alt="" />

«Саламатты Қазақстан» медициналық пойызы жолға шықты

<a href="https://kyzylorda-news.kz/">Kyzylorda-news.kz.</a> Медицина қызметкерлерінің кәсіби мерекесі қарсаңында Сыр төрінде салтанатты шара өткізіліп, аймақтың бірқатар дәрігері құрмет төрінен көрінді.
Мерейлі мерекеге облыс әкімі Нұрлыбек Нәлібаев қатысып, абзал жандарды иелерін мерекемен құттықтады.
Дәрігер мамандығын таңдауға үлкен жүрек керек. Сонан соң сүйіспеншілігің мен өзіңе деген сенімің болуы қажет. Өйткені, өлім мен өмір арасындағы жанталастың жауабын нағыз дәрігер ғана дөп басады. Адам денсаулығын сақтау мен нығайту, сырқатты емдеу мен аурудың алдын алу жауапкершілігін кездейсоқ кісі атқара алмайды.
<blockquote>
 «Екі жыл бойына әлемді әурелеген коронавирус кезінде ақ халатты абзал жандар ерен ерлікке пара-пар еңбек етті. Олар отбасынан жырақ жүріп, басын қатерге тігіп, қауіпті індетпен қаймықпай күресті. Осы ретте, батылдық танытқан барша медицина саласының мамандарына Сыр жұртшылығы атынан зор ризашылығымды білдіремін», – деді Нұрлыбек Нәлібаев.
</blockquote>
Аймақ медицинасының дамуына сүбелі үлес қосып, салада табысты еңбек еткен бірқатар дәрігерлер мен сала ардагерлері түрлі марапатқа ие болды. Атап айтқанда 70-тен астам дәрігерге түрлі дәрежедегі наградалар табысталды. Оның ішінде 11 азамат «Еңбек ардагері» медалімен, 19 азамат «Денсаулық сақтау саласының үздігі» төсбелгісімен, 22 азамат «Денсаулық сақтау ісіне қосқан үлесі үшін» төсбелгісін тақты.
Мұнан бөлек, «Алтын дәрігер» төсбелгісімен №1 қалалық емханасының дәрігер-педиатры, медицина саласының ардагері Бибізат Бермаханова марапатталды.
Облыс әкімі медицина қызметкерлерінің дәстүрлі спартакиадасының жеңімпазы атанған «Облыстық психикалық денсаулық орталығына» 200 мың теңгенің сертификатын табыс етті. Сондай-ақ, «Медицина үздіктеріне» 500 мың теңгелік сертификат берілді.
Мерекелік іс-шарада дәрігерлер әріптестеріне деген жүрекжарды тілегін әнмен жеткізді. Ал, белгілі әнші-композитор, Қазақстанның еңбек сіңірген қайраткері Елена Әбдіқалықова медицина қызметкерлерін төл мерекемен құттықтап, Сыр төрін әнге бөледі.
<img src="https://kyzylorda-news.kz/wp-content/uploads/2022/06/288668649_323500066637911_8587464826806050292_n.jpg" alt="" />
<img src="https://kyzylorda-news.kz/wp-content/uploads/2022/06/288638095_323500139971237_6484363472645867982_n.jpg" alt="" />
<img src="https://kyzylorda-news.kz/wp-content/uploads/2022/06/288643096_323500176637900_4254658315426602937_n.jpg" alt="" />
<img src="https://kyzylorda-news.kz/wp-content/uploads/2022/06/288664345_323500209971230_5415160218374715734_n.jpg" alt="" />
<img src="https://kyzylorda-news.kz/wp-content/uploads/2022/06/288638095_323500139971237_6484363472645867982_n-1.jpg" alt="" />
<img src="https://kyzylorda-news.kz/wp-content/uploads/2022/06/288805695_323500256637892_1319465999801918432_n.jpg" alt="" />

Қызылордада «Медицина үздіктеріне» 500 мың теңге берілді

<a href="https://kyzylorda-news.kz/">Kyzylorda-news.kz.</a> Уақыт өтеді, заман өзгереді, бірақ заңдылық сақталып қалады. Білікті, білімді адамдар әр заманда да қажет болады. Ал медицинада тәжірибелі маманның орны бір бөлек. Ем өздігінен берілмейді, қарапайым екпе де өздігінен салынбайды.
Бүгінгі жаңа технологиялар, компьютерлер қаншалықты дамыған заман болса да, адамның жұмысын компьютер жасап бермейді. Білімді, әрі білікті дәрігерлер қоғамға әрдайым ауадай қажет. Сондықтан бүгін де, ертең де медицинаны майталман мамандарсыз елестету мүмкін емес.
Біздің кейіпкеріміз денсаулық сақтау саласында жұмыс істеп келе жатқан тәжірибелі дәрігер ретінде өз өңіріне кеңінен танымал деуге болады. Ол өз ісіне берілген азамат. Адам бойында мейірімділік, жауапкершілік, адалдық және тұрақтылық сияқты қасиеттері болу керек деп түсінетін ақ халатты абзал жан науқастарының жағдайына қатты алаңдайды. Олармен бірге аурудың халін түсініп, қашан сауығып кеткенше жандарынан табылып, жылы сөзін арнап бағады.
Жоғары санатты балалар хирургі және бірінші санатты балалар урологы Әлімжан Шағанбекұлы антына адал, адамгершілігі зор, ортасына беделді, сыйлы, еңбекқор, талапшыл, үлкен ізденістің адамы.
Төлегенов Әлімжан Шағанбекұлы –Жалағаш аудандық орталық ауруханасында дәрігер-хирург кызметін атқарып, кәсібі біліктілігін жетілдіру мақсатында, облыс денгейінде балаларға көмек көрсету үшін облыстық медицина орталығына балалар хирург дәрігер болып ауысты.
Өз саласының білікті маманы. Ұжым ықыласына бөленген Әлімжан Шағанбекұлы көпшілдігімен, еңбекқорлығымен, ізденімпаздығымен медицина саласының белгілі тұлғасы боларына сенім мол. Алматы НЦПиДХ орталыгында балалар урологиясы бойынша білім жетілдіріп, бірнеше рет семинар-конференцияларға қатысқан.
2019 жылы Жапон және Оңтүстік Корея мемлекетінде сала бойынша практикалық білім жетілдіріп қайтты.

Білікті маман &#8211; ел болашағы

<a href="https://kyzylorda-news.kz/">Kyzylorda-news.kz.</a> Операция үстелі – өмір мен өлімнің арпалысқан мекені. Осы жерде дәрігерлер адам өміріне тіршілік нәрін беремін деп жанталасып жатады. Солардың шипалы қолдарының арқасында өмірден күдерін үзген науқас адамдар аман-есен жарық дүниеге қайта оралады.
Алтын қолды хирург Болат Маханбетияров талай балаларды емдеп, оларға өмірге деген екінші мүмкіндік берген.
Маханбетияров Болат Үмбетиярұлы – 2009 жылдан бастап Қызылорда облыстық медициналық орталығына балалар хирургі болып қызметке орналасқан. Негізгі жұмысын атқара жүріп жаңа туған нәрестелер арасында ақаумен туылған сәбилердің хирургиялық патологияларына көңіл аударып, олардың ақауларын анықтап, емдеумен айналысқан.
2011 жылдың желтоқсан айында Санкт-Петербург қаласында неонтальды хирургия бойынша курстан өткен. Осында алған білімін ақаумен туған балалардың сауығып кетуіне арнаған. 
2016 жылы Санкт-Петербург қаласында және 2018 жылы Оңтүстік Кореяның «Северанс» клиникасында неонтальды хирургия бойынша туа болатын ақауларға байланысты ерекшелікті игеріп, ота жасау тәсілдерін жандандырды.
2020 жылдан бастап жоспарлы хирургия болім меңгерушісі қызметін атқарады.
<blockquote>
 «Халық жанына шипа іздеп бірінші дәрігерлерден көмек сұрап келеді. Бар үміті бізде. Сондықтан біз олардың сенімін ақтауға тырысып, жылдар бойы жинаған тәжірибелеріміз арқылы емдеп жазуға тырысамыз. Алдымызға келген азаматтардың сауығып отбасына оралуынан асқан бізге сый жоқ. Себебі қанша еңбек, маңдай теріміз, жұмысымыздың нәтижесі осы халық саулығынан көрінеді. Күнде ауруханаға түрлі аурумен көп балалар түседі. Бірінен кейін, бірі қатарласып «Пилоростеноз» диагнозымен түскен қос нәрестемізге, «Лапароскопиялық пилоромиотомия» операциясын сәтті жасап шықтық. Тараз қаласына жолға шығуды жоспарлап отыр едім, екі періштеміз бірінің артынан бірі түспесі барма. Құдай қалап, сәтін салып, екеуіне де операция жасап үлгердік. Енді жолға уайымдамай шыға беруіме болады. Ал нәрестелерімізді жолдан келгенде аналырының қасында болады деген үміттемін», – дейді Болат Маханбетияров.
</blockquote>

Алғысқа бөленген дәрігер Болат Маханбетияров

<a href="https://kyzylorda-news.kz/">Kyzylorda-news.kz.</a> 2022 жылы жеңілдік санатындағы бір адамға мемлекет ай сайын 3 621 теңге жарна төлейді. Сонымен, МӘМС-ке жарна төлеуден кімдер босатылған және жеңілдікке ие 15 санаттың қатарына кіру үшін қайда жүгіну керек? Осы және өзге де сұрақтарға Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов жауап берді.
Міндетті әлеуметтік медициналық сақтандыруға жарналар мен аударымдар Ұлттық банктің арнайы шотына түседі. Олардың едәуір бөлігі – мемлекеттің шамамен 11 млн адам үшін төлейтін ай сайынғы жарналары. Сол себепті олар «сақтандырылған» мәртебесіне ие және МӘМС тізіміне кіретін медициналық қызметтердің барлық спектрін ала алады.
Мемлекет есебінен МӘМС жарналары келесі тұлғалар үшін төленеді:
1) 18 жасқа дейінгі балалар. Балаға туу туралы куәлігі табысталған яғни жеке сәйкестендіру нөмірі (ЖСН) берілген уақыттан бастап «сақтандырылған» болып саналады.
2) Жұмыссыз ретінде ресми тіркелген тұлғалар. Мұндай мәртебе алу үшін Халықты&nbsp;жұмыспен қамту орталығына барып, жұмыссыз&nbsp;ретінде тіркелу қажет.
3) Жұмыс істемейтін жүкті әйелдер. Аталған жеңілдік санатына ену үшін әйел тіркелген емханада жүктілігі бойынша уақтылы есепке тұруы тиіс. Соңғы 2 айда ол үшін зейнетақы жарналары мен әлеуметтік аударымдардың болмауы шарт. Жеке кәсіпкерлер ретінде тіркелген және өз қызметін тоқтатпаған әйелдер, сондай-ақ БЖТ төлейтін әйелдер жұмыс істейтін болып саналады және жеңілдік санатына енгізілмейді.
4) Үш жасқа толмаған бала тәрбиесімен айналысатын жұмыс істемейтін тұлға. Бұл санаттағылар автоматты түрде «сақтандырылған» мәртебесіне ие болады, бірақ ресми түрде жұмыс істемеу және де олардың атына соңғы 2 айда зейнетақы жарналары мен әлеуметтік аударымдар жасалмаған болуы керек.
5) Жүктілікке және босануға, жаңа туған баланы асырап алуға байланысты, сондай-ақ бала үш жасқа толғанға дейін оның күтіміне байланысты демалыстағы тұлға. Олар демалысқа ресми түрде шыққан кезде «сақтандырылған» мәртебесін алады.
6) Мүгедек баланы күтіп-бағуды жүзеге асыратын жұмыс істемейтін адамдар. Баланың тиісті құжаттарын дайындаған кезде күтім жасайтын тұлғаның мәліметтері базаға енгізіледі. Кейін автоматты түрде «сақтандырылған» мәртебесін иеленеді.
7) Бірінші топтағы мүгедекке күтімді жүзеге асыратын жұмыс істемейтін адам. Мүмкіндігі шектеулі жанның тиісті құжаттарын дайындаған кезде күтім жасайтын тұлғаның мәліметтері базаға енгізіледі. Ізінше «сақтандырылған» мәртебесі автоматты түрде беріледі.
8) Зейнетақы төлемдерін алушылар, оның ішінде Ұлы Отан соғысының ардагерлері. Бұл жерде мемлекеттен сақтандырылғандардың тізіміне Қазақстанның Бірыңғай жинақтаушы зейнетақы қорынан зейнетақы алатындардың ғана енгізілгенін атап өту қажет. Зейнетақыны әлі ресми түрде рәсімдемеген адамдар және басқа мемлекеттерден зейнетақы алатын адамдар жеңілдік мәртебесін ала алмайды. Зейнеткерлік жасқа жеткендерге жеңілдік мәртебесі берілмейді, бірақ зейнетақының орнына асыраушысынан айырылу бойынша жәрдемақы ала алады.
9) Қылмыстық-атқару (пенитенциарлық) жүйесі еңбектерінде сот үкімі бойша жазасын өтеп жүрген адамдар. Бұл жеңілдік санатына ену үшін қамаудағы мекеменің жауапты қызметкері жазасын өтеуші адамның деректерін ақпараттық жүйеге енгізуі қажет.
10) Тергеу изоляторларындағы адамдар, сондай-ақ үйқамақ түріндегі бұлтартпау шарасы қолданылған жұмыс істемейтін адамдар. Бұл санаттағы жандар туралы мәліметті уәкілетті органның қызметкерлері жүйеге енгізеді.
11) Жұмыс істемейтін қандастар. «Қандас» куәлігін алған соң, соңғы екі айда МӘМС үшін төлем жасалмаған болу керек. Сонда автоматты түрде жеңілдік санатына енгізіледі.
12) «Алтын алқа», «Күміс алқа» алқаларымен наградталған немесе бұрын «Батыр Ана» атағын алған, сондай-ақ I және II дәрежелі «Ана даңқы» ордендерімен наградталған көп балалы аналар. Автоматты түрде «сақтандырылған» мәртебесіне ие болады.
13) Мүгедектер. Ресми құжаты шыққан кезде, мәртебе автоматты түрде беріледі.
14) Орта, техникалық және кәсіптік, орта білімнен кейінгі, жоғары білім беру, сондай-ақ жоғары оқу орнынан кейінгі білім беру ұйымдарында күндізгі оқу нысанында білім алатын адамдар. Қазақстанда оқитын студенттер жеңілдетілген санатқа автоматты түрде қосылады.
Бұл жерде шетелдік оқу орындарында оқитын қазақстандық күндізгі оқу студенттері МӘМС жүйесінде «сақтандырылған» тұлғалардың автоматты түрдегі жеңілдік мәртебесін бірден ала алмайтынын ескеру керек. Олар&nbsp; egov.kz&nbsp; электрондық үкімет порталындағы сервисті пайдалана отырып, жүйеде өз бетінше тіркелуі қажет. Ол үшін төмендегі әрекеттерді орындау керек.&nbsp;
✅ Іздеу жолағына «Шетелде оқитын студенттерді тіркеу» деп теру;
✅ Ашылған терезеде өтінішті толтыру және оқуды растайтын құжаттарды қоса беру;
✅ Өтінішке ЭЦҚ көмегімен қол қою;
✅ Көп жағдайда сақтандырудың жеңілдікті мәртебесі жолдарды дұрыс толтырған уақытта 10 жұмыс күні ішінде беріледі;
✅ Егер сақтандырудың жеңілдікті мәртебесін беру көрсетілген мерзімнің&nbsp; ішінде&nbsp; жүзеге асырылмаса, ҚР Білім және ғылым министрлігінің Халықаралық департаментіне хабарласу қажет.
Студент әрбір семестр аяқталғаннан кейін сақтандырылу мәртебесін тексеруі және оқудың өзектілігін растауы қажет екендігін есінде ұстағаны дұрыс. Өйткені дерекқордағы мәліметтер өзгеруі мүмкін.
15) Жұмыс істемейтін мемлекеттік атаулы әлеуметтік көмек алушылар. Әлеуметтік төлем тағайындалған кезде «сақтандырылған» мәртебесі автоматты түрде беріледі.
Егер сіз осы 15 санаттың біріне кірсеңіз, бірақ «сақтандырылмаған» болсаңыз, растайтын құжаттар тізімін жинап, халыққа қызмет көрсету орталығына тапсыру керек. Ақпарат мемлекеттік органдарға бағытталып, тиісті шаралардан соң мемлекет сіз үшін жарна төлей бастайды және «САҚТАНДЫРЫЛҒАН» мәртебесі беріледі.
Сіздер үшін fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot жұмыс істейді. Дәл осы құралдар сақтандырылу мәртебесін тексеруге мүмкіндік береді. Сондай-ақ электрондық үкіметтің egov.kz сайтындағы «Денсаулық сақтау» бөліміне өтіп, «Медициналық қызметтер туралы және МӘМС-ға аударылған сомалар туралы ақпарат» мемлекеттік қызметі арқылы медициналық сақтандыру жүйесіндегі өз мәртебеңізді тексеруге мүмкіндік бар.
<img src="https://kyzylorda-news.kz/wp-content/uploads/2022/06/lgotnye-kategorii-kaz.jpg" alt="" />

МӘМС: Жеңілдік санатына кімдер және қалай кіре алады?

<a href="https://kyzylorda-news.kz/">Kyzylorda-news.kz.</a> Жүйе іске қосылған 2017 жылдың 1 шілдесінен 2022 жылдың 1 маусымына дейінгі аралықта Қызылорда облысының тұрғындары әлеуметтік медициналық сақтандыру қорына 31,8 млрд. теңге аударды. Бұл туралы «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов мәлімдеді.
Аударыдған қаржының 21,6 млрд. теңгесі (64,7%) жұмыс берушілердің аударымдары болса, қалған 11,8 млрд. теңге (35,3%) – жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі.
Жарна төлеу жағынан Қызылорда қаласы, Шиелі мен Жанақорған аудандар көш бастап тұр.
Жинақталған қаржы сенімгерлік басқару туралы келісім бекітілген Ұлттық банкте сақталады және МӘМС пакеті шеңберіндегі қызметтер ақысын төлеуге жұмсалуда.

Қызылордалықтар әлеуметтік медициналық сақтандыру қорына 33,4 млрд теңге аударды

<a href="https://kyzylorda-news.kz/ru/">Kyzylorda-news.kz</a>. Қызылордада дәстүрлі медицина қызметкерлерінің спартакиадасы өз мәресіне жетті. Биыл 54-ші мәрте жалауын көтерген іс-шара денсаулық сақтау саласының ардагерлері Дина Абпазова мен Әлайдар Әбдуайтұлының 80 жылдық мерейтойына арналды. Қорытынды жиында үздіктер марапатталып, құрметке бөленді.
Аталған спартакиадада спорттың 8 түрінен өткізілді. Тартысты додаға облыстың медицина мекемелерінің барлығы 23 команда қатысып, сынға түсті.
Жарыс қорытындысымен, облыстық психикалық денсаулық орталығының мамандары командалық есепте І орынды жеңіп алды. Қызметкерлер арқан тартудан, эстафетадан, баскетболдан, орнында тұрып секіруден үздік көрсеткішке ие болды. Сонымен қатар, үстел теннисі, волейбол мен тоғызқұмалақ ойнаудан да жақсы нәтиже көрсетті. Ал ІІ орынды – облыстық көпбейінді аурухана иемденсенсе, ІІІ орынды – Қызылорда медициналық колледжі алды.
<blockquote>
 «Біздің команда дәстүрлі спартакиада жыл сайын жоғары жетістікке жетеді. Бұл мамандарымыздың ұдайы салауатты өмір салтын ұстанып, спортпен үздіксіз шұғылдануының нәтижесі. Биыл жарыс екі ардагеріміздің 80 жылдық мерейтойтойына орай ұйымдастырылуда. Оның ішінде Дина Абпазова көп жыл облыстық психикалық денсаулық орталығында еңбек еткен алдыңғы буын әріптесіміз. Бұл кісінің медицина саласына сіңірген еңбегі бізге үлгі”, – деп атап өтті облыстық психикалық денсаулық орталығының директоры Әділбай Медетбаев.
</blockquote>
<img src="https://kyzylorda-news.kz/wp-content/uploads/2022/06/54aa7f8d-3392-4d93-8902-7b3d41111d78.jpg" alt="" />
<img src="https://kyzylorda-news.kz/wp-content/uploads/2022/06/65d7ca18-29ed-47d8-831a-5389d9aaf2f4.jpg" alt="" />

Қазақстан және Қызылорда облысының жаңалықтары: Денсаулық

МӘМС жүйесінде қалай уақытша сақтандыруға болады?

Әлемде балалар арасында «шығу тегі белгісіз» гепатиттің 920 жағдайы анықталды

Қазалы ауданында 250 орындық емхана ашылды

Науқастың құқығын қалай қорғауға болады?

МӘМС: Жасөспірімдерге 182 мыңнан астам медициналық қызмет көрсетілді

«Саламатты Қазақстан» медициналық пойызы жолға шықты

Қызылордада «Медицина үздіктеріне» 500 мың теңге берілді

Білікті маман – ел болашағы

Алғысқа бөленген дәрігер Болат Маханбетияров

МӘМС: Жеңілдік санатына кімдер және қалай кіре алады?

Қызылордалықтар әлеуметтік медициналық сақтандыру қорына 33,4 млрд теңге аударды

Медицина қызметкерлерінің спартакиадасы өз мәресіне жетті

Қазақстан және Қызылорда облысының жаңалықтары: Денсаулық

МӘМС жүйесінде қалай уақытша сақтандыруға болады?

Әлемде балалар арасында «шығу тегі белгісіз» гепатиттің 920 жағдайы анықталды

Қазалы ауданында 250 орындық емхана ашылды

Науқастың құқығын қалай қорғауға болады?

МӘМС: Жасөспірімдерге 182 мыңнан астам медициналық қызмет көрсетілді

«Саламатты Қазақстан» медициналық пойызы жолға шықты

Қызылордада «Медицина үздіктеріне» 500 мың теңге берілді

Білікті маман &#8211; ел болашағы

Алғысқа бөленген дәрігер Болат Маханбетияров

МӘМС: Жеңілдік санатына кімдер және қалай кіре алады?

Қызылордалықтар әлеуметтік медициналық сақтандыру қорына 33,4 млрд теңге аударды

Медицина қызметкерлерінің спартакиадасы өз мәресіне жетті

Білікті маман – ел болашағы