<a href="https://kyzylorda-news.kz/">Kyzylorda-news.kz</a>.&nbsp; Соңғы тәулікте коронавирус инфекциясын жұқтырудың 45 жағдайы тіркелді. Оның ішінде 20 адамда эпидемиологиялық көрсеткіштер бойынша, 12 адамда ПТР тапсыру кезінде, 13 жағдай коронавирус инфекциясымен ауырған адамдармен жақын қарым-қатынаста болғандар арасында анықталды. Індет жұқтырғандар қазір толықтай бақылауда. Бұл туралы Өңірлік коммуникациялар қызметінің алаңында өткен онлайн баспасөз конференциясы кезінде облыстық санитариялық-эпидемиологиялық бақылау департаменті басшысының орынбасары Әлия Әбдіқайымова мәлімдеді.
<blockquote>
 «Бүгінде барлық ауру ошақтарына залалсыздандыру жұмыстарын жүргіздік. Әрі науқастармен қарым-қатынаста болған 217 адамды жергілікті емдеу-сауықтыру мекемелерімен 14 күнге медициналық бақылауға алдық. Жалпы, барлығыңызға белгілі, ковид ауа тамшылары арқылы таралатындықтан вирустың адамға әсер ету жылдамдығы өте жоғары. Сондықтан баршаңыздан ойын-сауық, отбасылық салтанатты, естелік іс-шараларын өтізуді кейінге қалдыруды сұраймыз. Індетті өз қолымызбен өршітпейік, – деді департамент басшысының орынбасары Әлия Мүтәліпқызы.
</blockquote>
Айта кетейік, бүгінде дәріханаларда халықтың қажеттілігін қамтамасыз етететін әрі «ковидке қарсы» дәрілік заттар қоры жеткілікті. Оның үстіне дәрі бағамы да арнайы мониторингтік топтың бақылауында болады.
<blockquote>
 «Биыл өңірде дәрі тапшылығы болмайды. Қазірдің өзінде қорда антибиотиктердің 358 805 қорабы, вирусқа қарсы препараттардың 24 485 қорабы, антикоагулянттардың 93 902 қорабы, ыстықты түсіретін препараттардың 179 723 қорабы, қақырық түсіретін препараттардың 15 643 қорабы бар. Тағы бір жаңалық, биыл «ковидке қарсы» препараттардың бағалары 27%-ға төмендеді. Бұл халықтың қалтасына былтырғыдай ауырлық салмайтын болады. Дәрі бағамын қалыпты ұстау үшін арнайы мониторингтік топ жұмыс істейді», – деді облыстық медициналық және фармацевтикалық бақылау департаментінің бөлім басшысы Нұрбек Әділханов.
</blockquote>

Әлия Әбдіқайымова: Вирустың адамға әсер ету жылдамдығы өте жоғары

<a href="https://kyzylorda-news.kz/">Kyzylorda-news.kz</a>. Шиелі аудандық пробация есебіндегі азамат ҚР ҚК-нің 188-бабының 3-бөлігінде көзделген ұрлық қылмысын жасағаны үшін, оған сот үкімімен 3 жылға бас бостандығын шектеу жазасы тағайындалып, тұрғылық жері бойынша жергілікті атқарушы орган айқындайтын орындарда жылына жүз сағат мәжбүрлі еңбекті атқару міндетін орындауды жүктеген.
Сот үкімінің талаптарын орындау мақсатында Шиелі кентінің әкімшілігі сотталған азаматты санитарлық тазалық жұмыстарға қойып, мәжбүрлі еңбекке тарту туралы өкім шығарған.
Қазіргі таңда ол сот үкімімен өзіне жүктелген міндеттерін атқару мақсатында қоғамдық орындарда санитарлық тазалық, «COVID-19» індетіне қарсы дезинфекциялау жұмыстарын атқаруда.
Айта кетейік, бас бостандығынан шектелгендерді мәжбүрлі еңбекке тартуды жергілікті атқарушы органдар Қазақстан Республикасы Қылмыстық-атқару кодексінің 57-59-баптарына сәйкес ұйымдастырады. Сот үкімімен тағайындалған мәжбүрлі еңбекті себепсіз атқармау, жаза өтеу тәртібін қаскөйлікпен бұзған болып есептеледі.
Аудандық пробация қызметінің инспекторы әділет аға лейтенанты Ғ.Биқабыловтың айтуынша, пробация есебінде 70 сотталған есепте тұр, оның ішінде бас бостандығынан шектеудегі 41 адамның 29-ы мәжбүрлі еңбекке тарту бойынша есепке алынған. Олар ұрлық, денсаулыққа қасақана зиян келтіру, алаяқтық секілді құқықбұзушылықтарына сәйкес жазаларын өтеуде.

Қызылорда: Пробация есебіндегі азамат дезинфекциялау жұмыстарын атқаруда

<a href="https://kyzylorda-news.kz/">Kyzylorda-news.kz</a>. Мектептер дәстүрлі оқыту форматына көшкелі бері вирус жұқтырған оқушылар саны артқан. Бұл туралы денсаулық сақтау министрі Алексей Цой мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.
<blockquote>
 “Дәстүрлі оқыту форматы енгізілгеннен бастап оқушылардың вирус жұқтыруы көбейді. Төртінші тоқсан басталғалы бері 3706 оқушы індетке шалдықты, соның ішінде оффлайн режимде –1093, онлайн режимде – 2613”, – деді Цой үкімет отырысында.
</blockquote>
Айтуынша, дәстүрлі форматта оқитын вирус жұқтырған оқушылардың ең көбі Қарағанды, Қызылорда, Солтүстік Қазақстан облыстарда тіркелсе, онлайн режимде оқитындар Нұр-Сұлтан мен Алматы қалаларында.
<blockquote>
 “Осыған байланысты әкімдіктер мектептерде санитарлық-эпидемиологиялық талаптардың сақталуын үнемі бақылап, аурудың алдын алу шараларының орындалуын қамтамасыз етуі қажет. Сондай-ақ “қызыл” аймақта тұрған өңірлерде оффлайн режимде оқытуды бастамау қажет”, – деді министр.
</blockquote>

Covid-19: Вирус жұқтырған оқушылардың ең көбі Қызылорда облысында

<a href="https://kyzylorda-news.kz/">Kyzylorda-news.kz</a>. ҚР Үкіметі жанындағы Қазақстанда коронавирустың таралуына жол бермеу жөніндегі ведомствоаралық комиссияның Telegram каналында өңірлеріндегі эпидемиологиялық жағдайды бағалау матрицасы жарияланды.
2021 жылдың 20 сәуіріндегі жағдайы бойынша:
«Қызыл аймақта» Нұр-Сұлтан, Алматы, Шымкент қалалары мен Ақмола, Атырау, Ақтөбе, Батыс Қазақстан және Қарағанды облыстары тұр.
«Сары аймақта» Алматы, Шығыс Қазақстан, Жамбыл, Қызылорда, Павлодар, Солтүстік Қазақстан және Маңғыстау облыстары тұр.
«Жасыл аймақта» әзірге Қостанай мен Түркістан облыстары ғана тұр.
Айта кетейік, 19сәуір күні Ақмола облысы «қызыл аймақтан» шығып «сары аймаққа» өткен болса, бүгін қайтадан «қызыл аймақта» орналасты.

&#8220;Қызыл аймақта&#8221;  қалалар саны артуда

<a href="https://kyzylorda-news.kz/">Kyzylorda-news.kz</a>. Дүниежүзілік денсаулық сақтау ұйымының бас хатшысы Тедрос Гебрейесус арнайы брифингте коронавирус індеті жақын арада бақылауға алынатынын айтты.
Оның айтуынша, вирусты түбегейлі жеңу үшін халықаралық қауымдастықтың қолында барлық тетік бар. Тек осы әдіс-тәсілдерді ретімен әрі тиімді түрде қолдану керек. Сондай-ақ Гебрейесус әлем бойынша 25 пен 59 жас аралығындағы азаматтар арасында індеттің тез таралып жатқанына алаңдаушылық білдірді.
<blockquote>
 “Коронавирустан қайтыс болғандар саны 5 ай бойы еш кеміген жоқ. Құрбандар қатары 9 айда 1 миллионға, 4 айда 2 миллионға, ал бар болғаны 3 айда 3 миллионға жетті. Соңғы кездері коронавирустың түпнұсқасы емес, оның штамдары тез таралып жатыр”,- деді ДДСҰ бас хатшысы Тедрос Гебрейесус.
</blockquote>

ДДСҰ: Коронавирустың түпнұсқасы емес, оның штамдары тез таралып жатыр

<a href="https://kyzylorda-news.kz/">Kyzylorda-news.kz</a>. 18 сәуірдегі дерек бойынша елімізде 33 адам коронавирус инфекциясынан көз жұмған. Оның үшеуі КВИ-, 30-ы КВИ+.
Аймақтар бойынша:
Нұр-Сұлтан қаласы – 5,
Алматы қаласы – 11,
Шымкент қаласы -3,
Ақтөбе облысы -4,
Алматы облысы – 5,
Батыс Қазақстан облысы – 1,
Қарағанды облысы – 2,
Қызылорда облысы – 1,
Маңғыстау облысы -1.

Қызылордада бір адам коронавирустан көз жұмды

Kyzylorda-news.kz. Қазақстандағы коронавирусқа қатысты 19 сәуір 23:59-дағы эпидемиологиялық жағдай жарияланды. Қазақстанда өткен тәулікте 2 530 адам коронавирус инфекциясын жұқтырды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 401,
Алматы қаласы – 682,
Шымкент қаласы – 49,
Ақмола облысы – 101,
Ақтөбе облысы – 121,
Алматы облысы – 285,
Атырау облысы – 97,
Шығыс Қазақстан облысы – 67,
Жамбыл облысы – 53,
Батыс Қазақстан облысы – 237,
Қарағанды облысы – 217,
Қостанай облысы – 31,
Қызылорда облысы – 45,
Маңғыстау облысы – 29,
Павлодар облысы – 58,
Солтүстік Қазақстан облысы – 27,
Түркістан облысы – 30.
Жалпы ел бойынша ауырғандар саны 292 250.

Қызылордада 45 адам коронавирус жұқтырды

<a href="https://kyzylorda-news.kz/">Kyzylorda-news.kz</a>. Ковид-19-ға қарсы вакцинаның иммуногендік көрсеткіші толықтай зерттелмегендіктен оны туберкулез бен қызылша немесе тұмауға қарсы екпелермен бір мезгілде алуға болмайды.
Бұл жөнінде бүгін сарапшы-иммунолог Эльмира Битанова Алматыда өткен онлайн брифингте мәлімдеді. Сондай-ақ кене энцефалитіне қарсы вакцинамен де бірге салуға рұқсат жоқ. Маманның сөзінше, алдағы уақыттары «Спутник V» немесе отандық вакциналардың иммундық нәтижесі белгілі болған соң дәрігерлер&nbsp; өзге вакциналармен үйлестіруге рұқсат етуі де мүмкін. Қауіпті індетті таратпаудың ең маңызды жолы вакцина алу және салауатты өмір салтын ұстану.
<blockquote>
 “Адам өзінің салауатты өмір салтын ұстау керек. Циркатты ритмдер өте маңызды. Яғни ұйқы толық болуы керек. Тамақтану балансты болу керек. Көп емес, балансты болу керек. Минералдар, витаминдер болу керек тағамдарында.&nbsp; Сонымен қатар адамның көңіл күйі өте маңызды. Сөйтіп иммундық жүйенің жұмысы өзіміз баяғыдан білетін ешқандай құпия жоқ мұнда. Мен осыны көп жерде айтам. Бірақ айта бастасам елдер жалыға бастайды. Себебі оларға не керек иммнологтан? Таблетка керек. 1 таблетка жеймін сондай иммунитетім жоғарылайды деген. Ол олай емес және&nbsp; ондай жеңіл жолмен иммундық&nbsp; жүйемізді&nbsp; түзете алмаймыз”,- дейді С. Асфендияров атындағы ҚазҰМУ жалпы иммунология кафедрасының меңгерушісі Эльмира Битанова.
</blockquote>
Алматыда өткен бір тәулікте 665 адам қауіпті індетті жұқтырса, олардың 77-сі симтомсыз науқастар. Қазіргі уақытта қаладағы жұқпалы ауруханаларда СOVID-19 диагнозы қойылған 4 мыңнан астам адам жатыр. Сондай-ақ бір тәулік ішінде 3 мың 50 адам&nbsp; вакцина алған. Жалпы Алматыда вакцина алғандардың саны 134 мың адамнан асты.
<a href="https://24.kz/kz/zha-aly-tar/bylu-manyzdy/item/468647-kovidke-arsy-vaktsinany-zge-ekpemen-aralastyru-a-bolmajdy">Хабар 24</a>

Ковидке қарсы вакцинаны өзге екпемен араластыруға болмайды

<a href="https://kyzylorda-news.kz/">Kyzylorda-news.kz</a>. Өткеннен сабақ алу керек. Жағдай қайтадан күрделенбес үшін сақтық шарасына мән беріп, вакцина салдыру қажет. Өңірлік коммуникациялар қызметінің ақпарат алаңында өткен онлайн брифингте облыстық психикалық денсаулық орталығының дәрігері Нұрлан Нұрпейісов осылай деді.
Өңіріміз коронавирустық инфекция бойынша “Сары аймаққа” еніп, карантиндік шаралар күшейтілді. Ауруды жұқтыру деңгейі өршіп барады. Ғалымдар коронавирусты жеңетін жалғыз ғана жолдың бар екенін көрсетуде. Бұл – вакцина салдыру.
<blockquote>
 “Өткен жыл көпшілігімізге сабақ болуы керек. Мен “Сейхун” провизорлық стационарында жұмыс жасадым. Күн, түн демей отбасымыздан алыстап, ел үшін еңбек еттік. Адамдарға дем жетпей қиналғанын көру бізге оңай болған жоқ. Сондықтан да осы жағдайдың қайталанбауы үшін санитарлық ережелерді сақатап, екпе салдыру қажет. Менде өз еркіммен екпе салдырған медицина саласы қызметкерлерінің бірімін. Вакцинадан кейін өзімді жақсы сезіндім. Күнделікті бетперде тағып, әлеуметтік арақашықтықты сақтаудың маңыздылығы айтылып жатыр. Құрметті қызылордалықтар, осы кеңеске құлақ асатын кез келді. Өздеріңіздің өмірлеріңіз бен денсаулықтарыңыз үшін той-томалақтардан бас тартқан дұрыс. Ауыз біршілік танытып, қауіпті кеселді жеңгеннен кейін бұрынғы алаңсыз күнімізге оралатынымызға сенемін”, – деді Нұрлан Нұрпейісов.
</blockquote>

Нұрлан Нұрпейісов: Өткеннен сабақ алу керек

<a href="https://kyzylorda-news.kz/newsadminpanel.php">Kyzylorda-news.kz.</a> Ақпан айынан бері облыста 19732 адам екпе салдырды. Бұл туралы Өңірлік коммуникациялар қызметінің ақпарат алаңында өткен онлайн брифингте облыстық денсаулық сақтау басқармасының басшысы Сәбит Пазилов мәлімдеді.
Облыста 4798 адам коронавирус індетін жұқтырды. Соңғы тәулікте 35 дерек тіркелді. Инфекциялық және провизорлық стационарларда 3200-ге дейін төсек-орын дайын. 518 орын орталықтандырылған оттегімен қамтылған. Кеселмен күресу үшін облыстағы медициналық ұйымдар 686 оттегі концентратор, 251 ИВЛ, 8 компьютерлік томограф және 66 рентген аппаратымен қамтылған. Аймағымызда 6 оттегі шығару станциялары бар. Сондай-ақ, 9 ПТР аппараты жұмысқа қосылған. Тәулігіне 1000-1100 аралығында сынама алынуда.
<blockquote>
 «Бүгінде медициналық мекемелер мен дәріханалар қорғаныш киімдерімен қамтамасыз етілді. Дәрі-дәрмектің 2 айға жететін қоры жасақталды. Жалпы, дәрілік заттардың тұрақтандыру қорын қалыптастыру мақсатында жергілікті бюджеттен 488 млн. теңге қаржы бөлінді. Науқастарды белгіленген хаттамаға сәйкес емдеп жатырмыз. Медицина қызметкерлерінің індетті жұқтыру көрсеткіші азайды. Қазір барынша сақтық шарасына мән беріп, ем-дом жүргізілуде», – деді облыстық денсаулық сақтау басқармасының басшысы Сәбит Пазилов.
</blockquote>

Сәбит Пазилов: Қызылордада 19732 адам екпе салдырды

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 21773 адам коронавирустан жазылып шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 538,
Алматы қаласы – 340,
Шымкент қаласы – 7,
Ақмола облысы – 70,
Ақтөбе облысы – 15,
Алматы облысы – 260,
Атырау облысы – 25,
Шығыс Қазақстан облысы – 32,
Батыс Қазақстан облысы – 102,
Қарағанды облысы – 129,
Қостанай облысы – 120,
Қызылорда облысы – 34,
Маңғыстау облысы – 3,
Павлодар облысы – 47,
Солтүстік Қазақстан облысы – 46,
Түркістан облысы – 5.
Қазақстан бойынша жазылғандар саны – 248096.

Қызылордада 34 науқас коронавирустан жазылып шықты

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте ПТР арқылы 2719 адамнан коронавирус анықталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 436,
Алматы қаласы – 665,
Шымкент қаласы – 114,
Ақмола облысы – 98,
Ақтөбе облысы – 206,
Алматы облысы – 251,
Атырау облысы – 110,
Шығыс Қазақстан облысы – 85,
Жамбыл облысы – 46,
Батыс Қазақстан облысы – 205,
Қарағанды облысы – 220,
Қостанай облысы – 30,
Қызылорда облысы – 35,
Маңғыстау облысы – 80,
Павлодар облысы – 50,
Солтүстік Қазақстан облысы – 35,
Түркістан облысы – 53.
Жалпы ел бойынша ауырғандар саны 289720.

Қазақстан және Қызылорда облысының жаңалықтары: COVID-19

Әлия Әбдіқайымова: Вирустың адамға әсер ету жылдамдығы өте жоғары

Қызылорда: Пробация есебіндегі азамат дезинфекциялау жұмыстарын атқаруда

Covid-19: Вирус жұқтырған оқушылардың ең көбі Қызылорда облысында

“Қызыл аймақта” қалалар саны артуда

ДДСҰ: Коронавирустың түпнұсқасы емес, оның штамдары тез таралып жатыр

Қызылордада бір адам коронавирустан көз жұмды

Қызылордада 45 адам коронавирус жұқтырды

Ковидке қарсы вакцинаны өзге екпемен араластыруға болмайды

Нұрлан Нұрпейісов: Өткеннен сабақ алу керек

Сәбит Пазилов: Қызылордада 19732 адам екпе салдырды

Қызылордада 34 науқас коронавирустан жазылып шықты

Қызылордада 35 адамнан коронавирус анықталды

Қазақстан және Қызылорда облысының жаңалықтары: COVID-19

Әлия Әбдіқайымова: Вирустың адамға әсер ету жылдамдығы өте жоғары

Қызылорда: Пробация есебіндегі азамат дезинфекциялау жұмыстарын атқаруда

Covid-19: Вирус жұқтырған оқушылардың ең көбі Қызылорда облысында

&#8220;Қызыл аймақта&#8221; қалалар саны артуда

ДДСҰ: Коронавирустың түпнұсқасы емес, оның штамдары тез таралып жатыр

Қызылордада бір адам коронавирустан көз жұмды

Қызылордада 45 адам коронавирус жұқтырды

Ковидке қарсы вакцинаны өзге екпемен араластыруға болмайды

Нұрлан Нұрпейісов: Өткеннен сабақ алу керек

Сәбит Пазилов: Қызылордада 19732 адам екпе салдырды

Қызылордада 34 науқас коронавирустан жазылып шықты

Қызылордада 35 адамнан коронавирус анықталды

“Қызыл аймақта” қалалар саны артуда