*<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 7481 адамда коронавирус індеті ПТР арқылы расталды, деп хабарлайды coronavirus2020.kz.*
Аймақтар бойынша:
Нұр-Сұлтан қаласы – 1270,
Алматы қаласы – 1531,
Шымкент қаласы – 575,
Ақмола облысы – 259,
Ақтөбе облысы – 356,
Алматы облысы – 311,
Атырау облысы – 406,
Шығыс Қазақстан облысы – 308,
Жамбыл облысы – 196,
Батыс Қазақстан облысы – 115,
Қарағанды облысы – 941,
Қостанай облысы – 261,
Қызылорда облысы – 210,
Маңғыстау облысы – 181,
Павлодар облысы – 292,
Солтүстік Қазақстан облысы – 147,
Түркістан облысы – 122.
Жалпы ел бойынша ауырғандар саны – 595 433.

Өткен тәулікте 210 қызылордалықтан коронавирус анықталды

<a href="https://kyzylorda-news.kz/">Kyzylorda-news.kz</a>. Қызылорда қаласының әкімі Ғанибек Қазантаев пен облыстық мәслихат хатшысы Наурызбай Байқадамов аймақ орталығындағы бірнеше медициналық мекемелерге барып, дәрігерлермен кездесті. Медицина қызметкерлерімен тілдескен шаһар басшысы емдеу мекемелеріндегі бірнеше мәселені назарға алды.
Алдымен шаһар басшысы көпбейінді облыстық ауруханаға барды. Мұнда қала тұрғындарына қажеттілік туындаған аурухана жанындағы 7650 шаршы метрді құрайтын автотұраққа күрделі жөндеу жұмыстары жүруде. Бүгінде тегістеу жұмыстары басталып, тас төселіп, асфальт жабындысын жаюға жұмыстар жүргізілуде.
ШаҺар басшысы одан кейін көпбейінді қалалық ауруханаға барып, медицина саласындағы мәселелерге назар салды. Мәселен қалалық аурухананының бас дәрігері Бауыржан Төлегенұлы қазіргі таңда 220 науқас емделуде, кислородты баллондар жеткілікті, яғни аурухана толық 100 пайыз жұмыс жасап тұрғанын айтты. Алайда ауруханаға сырттан мамандар шақыру үшін баспана мәселесі туындап отырғанын жеткізді. Өз кезегінде бұл мәселені қала әкімі назарға алатын болды.
Айта кетейік, вируспен күресте аймағымыздың ерікті тұрғындары екпе салудан белсенділік танытып, қауіпті кеселден арылуға үлкен септігін тигізіп келеді.
Одан әрі облыстық мәслихат хатшысы мен қала әкімі облыс орталығындағы 200 орындық модульді жұқпалы аурулар ауруханасына барды.
<blockquote>
 «Жаңадан салынған жұқпалы аурулар ауруханасының бүгінде құжаттарын рәсімдеу жұмыстары аяқталған. Енді лицензиясын алып, бір апта көлемінде модульді жұқпалы аурулар ауруханасы өз жұмысын бастайтын болады», – деді облыстық денсаулық сақтау басқармасының басшысы Сәбит Пазылов.
 «Заманауи үлгіде салынған ғимаратта науқастарды емдеу үшін барлық жағдай жасалған. Қазіргі кезде эпидемиологиялық ахуалдың ушығып тұрған шағында ендігі кезекте ғимаратты газге қосып, коммуналдық мәселелерін қолға алып, апта көлемінде жаңа модульді жұқпалы аурулар ауруханасының ашылуына жұмыс жасаймыз», – деді қала әкімі Ғанибек Қазантаев.
</blockquote>
<img src="https://kyzylorda-news.kz/wp-content/uploads/2021/08/228118996_2887061344893938_2917015946020485179_n.jpg" alt="" />
<img src="https://kyzylorda-news.kz/wp-content/uploads/2021/08/228757482_2887061518227254_2191506912262294579_n.jpg" alt="" />
<img src="https://kyzylorda-news.kz/wp-content/uploads/2021/08/228858717_2887061198227286_5217172587017322167_n-1.jpg" alt="" />

Қызылорда: Жаңа модульді жұқпалы аурулар ауруханасы қашан ашылады?

<a href="https://kyzylorda-news.kz/">Kyzylorda-news.kz</a>. Соңғы тәулікте аймағымызда короновирустың 206 жағдайы тіркелсе, оның 142 дерегі облыс орталығынан анықталған. Жұқтырғандардың 42-сі 14 жасқа толмаған балалар, олардың ішінде 3-еуі 1 жасқа толмаған нәресте. Бұл туралы бүгін Өңірлік коммуникациялар қызметінде өткен баспасөз конференциясында облыстық санитариялық-эпидемиологиялық бақылау департаменті басшысының орынбасары Әлия Әбдіқайымова айтты.
<blockquote>
 «Бүгінгі күні өткен жылдың шілде айынан кейін аурушаңдықтың 3-ші толқындық бас көтеруі орын алып отыр. Ағымды жылдың сәуір айында ауру саны күрт өсіп, 1540 жағдай тіркелсе, шілде айының 15-ші жұлдызынанда індет жұқтырғандар саны 3341-ге жетті. Ал 29 шілдеден бастап тәулігіне 200-ден аса жағдай анықтала бастады. Қазіргі уақыттағы ең жоғарғы дерек саны – 220. Бұндай жағдай былтырғы пандемияның кезінде болған емес, былтырғы шілде айында ең жоғарғы ауру тіркелген саны 118 болатын. Эпидемиологиялық ахуал өте күрделі», -деді Ә.Әбдіқайымова.
</blockquote>
Бүгінге дейін аймақ бойынша коронавирус инфекциясының барлығы 10 741 жағдайы тіркелді. Оның ішінде 59% клиникалық белгілерімен анықталса, симптомсыз түрінің үлесі 41%. Барлық тіркелген коронавирус инфекциясының 2% сырттан тасымалданған, 58% скринингтік тексеру нәтижесінде және 40% қарым-қатынас арқылы жұқтырғандар болды. Тіркелген жағдайлардың басым бөлігі, яғни 62,4% Қызылорда қаласының үлесінде. Сонымен қатар аудандар арасында жоғары көрсеткіш Жаңақорған, Шиелі және Сырдарияда тіркеліп отыр.
Облыста тіркелген 8095 ошақтың 2014-нің инкубациялық мерзімдері аяқталмай, әлі де бақылануда. Оның ішінде үй ошағының саны – 1800, ұйымдасқан ошақтар саны-214. Барлық ошақтарда қорытынды залалсыздандыру жұмыстары жүргізіліп, індетке қарсы, профилактикалық шаралар ұйымдастырылды. Ошақтардағы қарым-қатынастағыларға 14 күнге медициналық бақылау орнатылды.

Қызылордада бір жасқа толмаған балалар арасында коронавирус анықталуда

<a href="https://kyzylorda-news.kz/">Kyzylorda-news.kz</a>. Медицина саласында 53 жылдық тәжірибесі бар, сала ардагері Сағындық Шәмшиев халықтың індеттен сақтануы өз деңгейінде емес деген пікірде. Бұл туралы ардагер Өңірлік коммуникациялар қызметінің ақпарат алаңында мәлімдеді.
Індет өршіген кезеңде тығылып той жасап, мерекелік жиындарды азайтпай отырған тұрғындардың сақтық шараларына да салғырт қарап, аурудың алдын алуға келгенде нұмқұрайдылығы басым деген ардагер қоғамдық орындарда санитарлық талаптардың орындалмауы індеттің көбірек таралуына мүмкіндік беріп отырғандығын атап өтті.
<blockquote>
 «Вакцинаның тиімділігін жоққа шығарып жүргендер өз-өзіне, жақындарына, айналасына, қала берді қоғамға жаны ашымайтын адамдар. Маман ретінде айтарым екпе алудан қорқудың еш қажеті жоқ. Осы жасқа келіп мен де вакцина алдым. Денсаулығым жақсы. Індетті жеңеміз десек вакцина алайық. Әрине вакцина індеттің 100 пайыз емі болмайды. Бірақ аурудың жеңіл өтуіне 90 пайызға ықпал етеді», – деді Сағындық Шамшиев.
</blockquote>
Брифингте білім саласының ардагері Мылтықбай Байымбетов те тұрғындарды барынша санитарлық талаптарды сақтап, індеттен қорғануға шақырды. Ардагер ұстаз індеттің өршуіне бей-жай қарап, вакцина туралы түрлі алып-қашпа сөзге еретін азаматтардың әрекетін сынға алды.
<blockquote>
 «Соңғы күндері індеттің балалар арасында таралу көрсеткішін ескеріп, біз қазір балғындарымыздың денсаулығына көбірек алаңдауымыз керек. Жаңа оқу жылы таяп қалды. Сондықтан сала ардагерлері білім беру ұйымдарындағы санитарлық талаптардың сақталуын басты назарға алудамыз. Бұл ретте педагогтармен қатар ата-аналар да жауапкершілікті сезінсе. Жақындарымызға жанашыр болып, айналдамыздың амандығын ойлап, екпе алудың маңыздылығын ұғынайық», – деді Мылтықбай Мұстафаұлы.
</blockquote>

Сағындық Шәмшиев: Вакцина &#8211; аурудың 90 пайыз жеңіл өтуіне ықпал етеді

<a href="https://kyzylorda-news.kz/">Kyzylorda-news.kz</a>. 1 тамыздағы эпидемиологиялық жағдай бойынша Қазақстанда ПТР арқылы 7 573 адамда коронавируспен ауырғаны расталды, деп хабарлайды <a href="https://www.coronavirus2020.kz/kz">coronavirus2020.kz</a>.
Аймақтар бойынша:
Нұр-Сұлтан қаласы – 1 489,
Алматы қаласы – 1 540,
Шымкент қаласы – 650,
Ақмола облысы – 268,
Ақтөбе облысы – 238,
Алматы облысы – 313,
Атырау облысы – 408,
Шығыс Қазақстан облысы – 193,
Жамбыл облысы – 250,
Батыс Қазақстан облысы – 85,
Қарағанды облысы – 901,
Қостанай облысы – 256,
Қызылорда облысы – 206,
Маңғыстау облысы – 224,
Павлодар облысы – 280,
Солтүстік Қазақстан облысы – 157,
Түркістан облысы – 115.
Жалпы ел бойынша ауырғандар саны 587 952.

Қызылордада 206 адамнан коронавирус анықталды

<a href="https://kyzylorda-news.kz/">Kyzylorda-news.kz</a>. Елімізде коронавирус инфекциясының өршуіне байланысты ұжымдық иммунитетті қалыптастыру, эпидемиологиялық ахуалды тұрақтандыру, денсаулықты нығайту мақсатында вакцина қабылдау жұмыстары жүргізілуде.
Осы орайда, Қорқыт ата атындағы Қызылорда университеті «Вакцина алып, ұтысқа қол жеткіз!» атты науқанын ұйымдастыруда. Аталған науқанға вакцина алған білім ордасының қызметкерлері мен студенттері белсене қатысып, керемет мүмкіндіктерге ие болды.
ҚР Тәуелсіздігінің 30 жылдығын мерекелеу аясында Нұр-Сұлтан қаласына 30 студентке жолдама;
қызметкерлер мен студенттер үшін «Сейхун» спорттық-сауықтыру кешенінің бассейніне 30 тегін абонемент;
студенттер үшін жазғы тынығу лагеріне 30 жолдама;
қызметкерлер мен студенттер үшін фитнес залға 30 тегін абонемент;
30 студентке бір оқу жылына жатақханаға тұруға 50% жеңілдік берілді.
Шарада есімдері жазылған қатысушылар лото жәшігінің көмегімен кездейсоқ тәсілмен анықталды. Науқан университеттің Instagram парақшасындағы тікелей эфир арқылы өткізілді.
<blockquote>
 «Қазіргі таңда Қорқыт Ата атындағы Қызылорда университетінде қызметкерлер мен профессор-оқытушылардың 87%, білім алушылардың 51 % вакцина алған. Жаңа оқу жылын оффлайн форматта бастау үшін ұжымдық иммунитетті қалыптастыру маңызды. Бүкіл әлемдік пандемияны тоқтату үшін әрбір адам екпе алып, санитарлық талаптарды қатаң сақтап, сақтық шараларына аса көңіл бөлуі қажет. Ұжымдық иммунитетті бірлесе қалыптастыруға шақырамын. Бүгінгі ұтыс ойынына қатысып, белсенділік танытқан баршаңызға алғыс білдіремін. Жеңімпаздарды шын жүректен құттықтаймын. Алдағы уақытта осындай ынталандыру шаралары жалғасатын болады», дейді университеттің Әлеуметтік және тәрбие жұмыстары жөніндегі проректоры Жандос Базартай.
</blockquote>
Ұтыс жеңімпаздарына Тәрбие және жастар саясаты бөлімі өкілдері байланысатын болады.
<img src="https://kyzylorda-news.kz/wp-content/uploads/2021/08/229033146_2323891014414978_6022258085780890940_n.jpg" alt="" />

Қызылордалық студенттер вакцина алып жеңілдіктерге ие болды

Kyzylorda-news.kz. Өткен тәулікте коронавирус инфекциясын жұқтырған 7 803 жағдай тіркелді, деп хабарлайды ҚР Үкіметі жанындағы Қазақстанда коронавирустың таралуына жол бермеу жөніндегі ведомствоаралық комиссиясы.
Елімізде коронавирус инфекциясын жұқтырғандар саны 580 379 жетті.
Оның ішінде: Нұр-Сұлтан қаласында – 1507, Алматы қаласында – 1535, Шымкент қаласында – 585, Ақмола облысында – 256, Ақтөбе облысында – 251, Алматы облысында – 334, Атырау облысында – 415, Шығыс Қазақстан облысында – 198, Жамбыл облысында – 222, Батыс Қазақстан облысында – 185, Қарағанды облысында – 974, Қостанай облысында – 252, Қызылорда облысында – 201, Маңғыстау облысында – 254, Павлодар облысында – 300, Солтүстік Қазақстан облысында – 151, Түркістан облысында – 183.

Қызылордада 201 адамнан коронавирус анықталды

<a href="https://kyzylorda-news.kz/">Kyzylorda-news.kz</a>.&nbsp;Қызылордада модульді аурухана өз жұмысын бастамақ. Бұл туралы Қызылорда облысы әкімінің орынбасары Балжан Шәменова айтты.
<blockquote>
 «Өңірімізде эпидахуал тым күрделеніп барады. Ауру саны өршуде. Соңғы тәулікте 220 жағдай тіркелді. Науқастардың көбеюіне байланысты аурухана жүктемесі артып отыр. Осыған орай, облыс әкімінің тапсырмасы негізінде аймақ орталығындағы модульді аурухана алдағы аптада ашылып, пайдалануға беріледі», – деді облыс әкімінің орынбасары Балжан Шәменова.
</blockquote>
Өңірлік коммуникациялар қызметінде өткен баспасөз конференциясында облыс әкімінің орынбасары індеттің таралуы ұжымдастар арасында, отбасылық іс-шаралардан және көпшіліктің жиналуынан белең алып жатқандығын айтты. Сондай-ақ «Соңғы кездегі науқастардың көбісінің қайдан жұқтырғанын анықтау қиынға түсуде. Яғни, кез-келген адамнан жұғу ықтималдығы жоғары», – деді.
Өткен тәулікте тіркелген 220 жағдайдың 65 пайызы симптомды түрімен анықталып, инфекциялық стационарларға жатқызылған. Науқастардың көбі зейнеткерлер, жұмыссыздар және балалар. Сондай-ақ, олардың 99 пайызы екпе алмағандар. Ал жыл басынан тіркелген 10 077 жағдайдың 6290-ы Қызылорда қаласының үлесінде. Аудандар бойынша жоғары көрсеткіш Жаңақорған, Шиелі және Сырдария аудандарында анықталып отыр.
<blockquote>
 «Былтыр дәл мұндай көрсеткіш болған жоқ. Індет жұқтырғандардың 1147-і 14 жасқа дейінгі балалар. Былтыр 213 қана бала ауырғанын ескерсек, көрсеткіш 5,3 есеге өсіп отыр. Өткен жылы 99 оқушы ауырса, осы жылы 719 оқушы ауырған», – деді облыстық санитариялық-эпидемиологиялық бақылау департаменті басшысының орынбасары Әлия Әбдіқайымова.
</blockquote>
Облыстық денсаулық сақтау басқармасының басшысы Сәбит Пазиловтың айтуынша, аймағымызда инфекциялық стационарда 1059 науқас, реанимациялық төсек-орында 67 науқас ем қабылдап жатыр.
Өңірдегі ахуалға сәйкес медициналық мекемелер күшейтілген режимде жұмыс жасауда. 28 шілдеден бастап ауруханалардағы төсек-орын саны артып, 1970-ке, оның ішінде реанимациялық орын саны 146-ға жеткен. Амбулаторлы түрдегі емдеу жұмыстары да жүргізілуде. 138 дәрігерлік мобильдік топ күніне 40 шақырысқа барса, жедел жәрдем қызметі 1500 шақырысқа дейін орындауда.
Айта кету керек, індеттің алдын алу бағытында мониторингтік мобильді топтар да жұмысын күшейткен. Осы уақытқа дейін карантин талаптарын бұзған 431 дерек тіркеліп, оның ішінде 286 тұрғынның той жасағаны анықталған.

Қызылордада модульді аурухана өз жұмысын бастайды

<a href="https://kyzylorda-news.kz/">Kyzylorda-news.kz</a>.&nbsp; Коронавирусқа қарсы екпе салуға қатысты Қазақстан Мұсылмандары Діни басқармасы мәлімдеме жасады.
Құрметті отандастар! Ислам дінінде адамның өмірі мен денсаулығынан асқан құндылық жоқ. Сондықтан әрбір адам өз денсаулығына аса мән беруі қажет.
Алла Тағала «Бақара» сүресінің 195-аятында: «Өздеріңді өз қолдарыңмен қауіп-қатерге салмаңдар», – деп бұйырған.
Алла Елшісі (оған Алланың салауаты мен сәлемі болсын): «Емделіңдер, расында Алла әрбір дертті шипасымен қоса жаратты», – деген.
Дана халқымыз: «Ауырып ем іздегенше, ауырмайтын жол ізде», – деп шипа іздеуге үндеген. Сол үшін кез келген адам емделудің және аурудың алдын алу жолдарын қарастыруы тиіс.
Арнайы медицина мамандары қазіргі таңда әлемге қауіп төндірген коронавирус індетінің алдын алу үшін вакцинациялаудың адам денсаулығын сақтап қалудың қауіпсіз және тиімді әдіс екенін айтуда.Ал шариғат бойынша зәру жағдайда екпе салуға болады. Алайда екпе салдыру – әр азаматтың өз еркі.
Өздеріңізге белгілі, әлемде және елімізде пандемиялық жағдай күн сайын күрделенуде. Жұқпалы дерттен бір отбасында бірнеше адам жан тапсыруда. Бұл жағдай екпе салдыруға қатысты оң шешім қабылдау қажеттігін көрсетіп отыр. Осы ретте халықты барынша сақтанып, денсаулығымыз бен өмірімізді сақтап қалу үшін екпе салдыруға үндейміз. Алла Тағала халқымызды жұқпалы індеттен сақтап, науқас жандарға шипа нәсіп етсін! Әмин!

Коронавирусқа қарсы екпе салуға қатысты ҚМДБ мәлімдеме жасады

<a href="https://kyzylorda-news.kz/">Kyzylorda-news.kz</a>. Байқоңырдың жедел штабы 2021 жылдың басынан бері Байқоңыр қаласындағы COVID-19 ауруы бойынша санитарлық-эпидемиологиялық жағдайдың деректерін ұсынды, деп хабарлайды ҚазАқпарат.
Талдауға сәйкес, 2021 жылдың 1 қаңтарынан 25 шілдесіне дейін Байқоңыр қаласының аумағында жаңа коронавирус инфекциясын жұқтырған 527 адам анықталды. 61 % – бұл 2021 жылдың қаңтарынан маусымына дейінгі кезеңдегі науқастар, ал 39 % – тек бір айда, 2021 жылдың шілдесінде тіркелген.
Жақында аурулардың күрт өсуі тіркелді. Егер 2021 жылдың 21 шілдесінде барлығы 1633 инфекция оқиғасы тіркелген болса, бүгінгі таңда 29 шілдеде бұл көрсеткіш 1716-ға дейін өсті, яғни бір апта ішінде 83 адам ауырып, 6 адам қайтыс болды.
Қазіргі уақытта инфекциялық стационарда 36 науқас емделуде. Ағымдағы жылдың шілде айында Байқоңыр қаласының аумағында COVID-19 ауруының күрт өсуінің ықтимал себептерінің қатарында жедел штаб әкелу сипатын, жыл сайынғы ақылы демалыстарды пайдаланудың маусымдылығын, сондай-ақ азаматтардың карантин талаптарын формальды сақтауын атайды.
Қалалық жедел штаб хатшылығы осы күрделі эпидемиологиялық жағдайда байқоңырларды қолданыстағы қатаң шектеу шараларын сақтауға шақырды.
Естеріңізге сала кетейік, Байқоңыр қаласының аумағында карантин 16 тамызға дейін ұзартылған болатын.

Байқоңырда COVID-19 күрт көбейді

<a href="https://kyzylorda-news.kz/">Kyzylorda-news.kz</a>. Қызылорда қаласының Бас мемлекеттік санитариялық дәрігерінің 2021 жылғы 27 шілдедегі «Қызылорда қаласы бойынша шектеу, оның ішінде карантиндік шаралары туралы» №1 Қаулысына өзгерістер енгізілді.
Бұған дейін «Ashyq» жүйесіне қосылғанына қарамастан сенбі, жексенбі күндері барлық нысандардың қызметіне тыйым салынған болатын. Жаңа Қаулыға сәйкес бұл шектеулер алынып тасталды.
Енді «Ashyq» жүйесіне тіркелген объектілер сенбі, жексенбі күндері де өз жұмыстарын күшейтілген санитариялық-дезинфекциялық режиммен жалғастырады.
Қаулы 30 шілдеден бастап күшіне енеді

Қызылорда: Демалыс күндері нысандар қызметіне қойылған шектеулер алынып тасталды

<a href="https://kyzylorda-news.kz/">Kyzylorda-news.kz</a>. Мемлекет басшысы XVI жазғы Паралимпиада ойындарының қарсаңында Ұлттық құрама командасының мүшелерімен кездесті,-деп хабарлайды Akorda.kz.
Президент спортшылардың Тәуелсіз Қазақстан тарихында алғаш рет Паралимпиада ойындарына 25 жолдама ұтып, байрақты бәсекеге үлкен құраммен аттанып бара жатқанын атап өтті. Қасым-Жомарт Тоқаевтың айтуынша, паралимпиадашылар – қажымас қайрат пен қайсарлықтың символы. &nbsp;
<blockquote>
 «Әлемдегі жүз мыңдаған спортшының арасынан үздік шығып, осы ойындарға жолдама алу екінің бірінің қолынан келе бермейді. Сіздер бұған табандылық пен кәсіби дайындықтың арқасында қол жеткізуге болатынын дәлелдедіңіздер. Демек, әрбір пара спортшымызды қазірдің өзінде жеңімпаз деуге болады. Өздеріңізді барша отандасымыз мақтан тұтады», – деді Мемлекет басшысы. Президент еліміздегі пара спорт түрімен айналысатын азаматтарға мемлекет тарапынан қолдау жалғаса беретінін айтты.
 «Бүкіл еліміз бойынша 20 мыңға жуық азамат пара спорт түрімен жүйелі түрде айналысады. Соның ішінде 500 спортшы ұлттық құрама сапында өнер көрсетеді. Біз паралимпиадалық спорт түрлерін дамыту үшін қажетті жағдайды жасай береміз. Қазір өңірлерде 16 арнайы клуб пен мектеп жұмыс істейді. Осы ретте, Нұр-Сұлтан қаласында 2018 жылы ашылған Паралимпиадалық жаттығу орталығын ерекше атап өткен жөн. Заман талабына сай жабдықталған мұндай орталық АҚШ, Ұлыбритания, Жапония, Оңтүстік Корея елдерімен қатар біздің елордамызда да бар. Спорт саласы барлық азаматымыз үшін бірдей қолжетімді болуға тиіс. Осы орайда мүмкіндігі шектеулі азаматтарға қолайлы орта қалыптастыру мемлекет міндеті екенін баса айтқым келеді», – деді Қасым-Жомарт Тоқаев.
</blockquote>
Қазақстан Ұлттық паралимпиада құрамасы осыған дейін бұл ойындардан&nbsp; екі алтын және екі күміс медаль жеңіп алған болатын. Бұл жетістіктерді спортқа деген сүйіспеншілік пен ерен еңбектің нәтижесі деп бағалаған Мемлекет басшысы құрама команда мүшелеріне зор сенім артты. Парадзюдодан Азия чемпионы, Әлем кубогының иегері Теміржан Дәулет мемлекеттің тиісті қолдау көрсеткені үшін Қазақстан Президентіне ұлттық құрамадағы спортшылар атынан алғыс айтты.
<blockquote>
 «Биыл – Қазақстан Республикасының&nbsp;Тәуелсіздігіне 30 жыл. Мен тәуелсіздіктің құрдасымын. Азат елде туып-өскен мен сияқты жастардың арман-мақсаты – көк байрағымызды биікте желбірету. Бапкерлеріміз жан-жақты дайындалуымызға зор еңбек сіңірді. Токиода бар күш-жігерімізді саламыз», – деді спортшы.
</blockquote>
Паратаэквондодан екі дүркін әлем чемпионы Нұрлан Домбаев спортшылардың жаттығуына жақсы мүмкіндік жасалғанын айтты.
<blockquote>
 «Параспортшылардың тұрақты түрде оқу-жаттығу жиындарын өткізуіне жағдай жасалды. Өзім Қазақстанның үш қаласында дайындалдым. Қатарымызда шетелде жаттыққандар да бар. Соның нәтижесінде Риоға он спортшы ғана барса, биыл қатарымыз екі еседен асты. Паратаэквондо паралимпиада ойындарына алғаш рет енгізіліп отыр. Ұлтымызды ұйыстырып, халқымызға жігер беретін жеңіске жету – басты мақсатымыз», – деді Нұрлан Домбаев.
</blockquote>
Ұлттық паралимпиада комитетінің президенті Қайрат Боранбаев пен ұлттық құраманың пауэрлифтинг бойынша Бас бапкері Артур Томицкий спортшылардың дайындығы туралы мәлімет берді.&nbsp; Жиын соңында Мемлекет басшысы спортшыларымыздың өнерін бүкіл халқымыз тамашалап, жанкүйер болатынын айтты. Сондай-ақ олардың жеңісі Тәуелсіздігіміздің 30 жылдығына тамаша тарту болатынын атап өтіп, ұлт намысы сынға түсетін сайыста сәттілік тіледі.

Қазақстан және Қызылорда облысының жаңалықтары: COVID-19

Өткен тәулікте 210 қызылордалықтан коронавирус анықталды

Қызылорда: Жаңа модульді жұқпалы аурулар ауруханасы қашан ашылады?

Қызылордада бір жасқа толмаған балалар арасында коронавирус анықталуда

Сағындық Шәмшиев: Вакцина – аурудың 90 пайыз жеңіл өтуіне ықпал етеді

Қызылордада 206 адамнан коронавирус анықталды

Қызылордалық студенттер вакцина алып жеңілдіктерге ие болды

Қызылордада 201 адамнан коронавирус анықталды

Қызылордада модульді аурухана өз жұмысын бастайды

Коронавирусқа қарсы екпе салуға қатысты ҚМДБ мәлімдеме жасады

Байқоңырда COVID-19 күрт көбейді

Қызылорда: Демалыс күндері нысандар қызметіне қойылған шектеулер алынып тасталды

Қасым-Жомарт Тоқаев Қазақстан Ұлттық паралимпиада құрама командасының мүшелерімен кездесті

Қазақстан және Қызылорда облысының жаңалықтары: COVID-19

Өткен тәулікте 210 қызылордалықтан коронавирус анықталды

Қызылорда: Жаңа модульді жұқпалы аурулар ауруханасы қашан ашылады?

Қызылордада бір жасқа толмаған балалар арасында коронавирус анықталуда

Сағындық Шәмшиев: Вакцина &#8211; аурудың 90 пайыз жеңіл өтуіне ықпал етеді

Қызылордада 206 адамнан коронавирус анықталды

Қызылордалық студенттер вакцина алып жеңілдіктерге ие болды

Қызылордада 201 адамнан коронавирус анықталды

Қызылордада модульді аурухана өз жұмысын бастайды

Коронавирусқа қарсы екпе салуға қатысты ҚМДБ мәлімдеме жасады

Байқоңырда COVID-19 күрт көбейді

Қызылорда: Демалыс күндері нысандар қызметіне қойылған шектеулер алынып тасталды

Қасым-Жомарт Тоқаев Қазақстан Ұлттық паралимпиада құрама командасының мүшелерімен кездесті

Сағындық Шәмшиев: Вакцина – аурудың 90 пайыз жеңіл өтуіне ықпал етеді