<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 7217 адамның коронавирус жұқтырғаны ПТР арқылы расталды, деп хабарлайды&nbsp;<a href="https://www.coronavirus2020.kz/kz/kazakstandagy-koronavirus-boyynsha-15-tamyz-23-59-dagy-epidemiologiyalyk-zhagday_a3824257">coronavirus2020.kz</a>.
Аймақтар бойынша:
Нұр-Сұлтан қаласы – 943,
Алматы қаласы – 1503,
Шымкент қаласы – 560,
Ақмола облысы – 283,
Ақтөбе облысы – 336,
Алматы облысы – 370,
Атырау облысы – 526,
Шығыс Қазақстан облысы – 266,
Жамбыл облысы – 177,
Батыс Қазақстан облысы – 75,
Қарағанды облысы – 1003,
Қостанай облысы – 289,
Қызылорда облысы – 166,
Маңғыстау облысы – 143,
Павлодар облысы – 311,
Солтүстік Қазақстан облысы – 163,
Түркістан облысы – 103.
Жалпы ел бойынша ауырғандар саны 694476.

Қызылордада 166 адамнан коронавирус анықталды

<a href="https://kyzylorda-news.kz/">Kyzylorda-news.kz</a>.&nbsp;Солтүстік Қазақстан облысының дәрігерлері соңғы кезде өңірде жүкті әйелдердің коронавирус жұқтыру көрсеткішінің өсуіне алаңдаулы.
Пандемия басталғалы бері облыста 517 әйел коронавирус жұқтырған.
Мамандардың айтуынша, жүкті әйелдерде сырқат ағымы ауыр өтеді. Кейде дәрігерлер жүктілікті үзуге мәжбүр болады.
Коронавирус салдарынан нәрестелер көп жағдайда уақытынан ерте дүниеге келеді. Сондықтан түрлі патологиямен туады. Кесарь тілігі жасалған 15 әйелдің 12-сінің баласы уақытынан ерте туды.
Қазір оның төртеуі жансақтау бөлімінде. Небәрі 700 грамм салмақпен дүниеге келген нәресте шетінеп кетті.
Жүкті әйелдерді дерттен сақтау үшін айналасындағылардың вакцина алуы маңызды.
<blockquote>
 “Жүкті әйелдер вакциналау тізіміне енбеген осал топтағы жандар. Олар коронавирустық инфекцияның алдында дәрменсіз. Жүкті әйелдің денсаулығын сақтау және сәбиінің денсаулығына нұқсан келтірмеу қоғамның санасына байланысты болып тұр. Жүктілер мен балаларды оларға инфекциясыз қауіпсіз орта қалыптастыру арқылы ғана қорғай аламыз”, – дейді Солтүстік Қазақстан облыстық денсаулық сақтау басқармасының басшысы Құмар Күсемісов.
</blockquote>
<a href="https://sputnik.kz/densauly/20210814/17862301/Uaytynan-erte-tuady-drgerler-COVID-t-zhkt-yelderge-ser-turaly-aytty.html">Sputnik.kz</a>

Дәрігерлер коронавирустың жүкті әйелдерге әсері туралы айтты

Kyzylorda-news.kz. Қазақстанда өткен тәулікте 6240 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша: Нұр-Сұлтан қаласы – 1719, Алматы қаласы – 827, Шымкент қаласы – 567, Ақмола облысы – 256, Ақтөбе облысы – 120, Алматы облысы – 149, Атырау облысы – 81, Шығыс Қазақстан облысы – 191, Батыс Қазақстан облысы – 35, Қарағанды облысы – 1179, Қостанай облысы – 81, Қызылорда облысы – 213, Маңғыстау облысы – 295, Павлодар облысы – 261, Солтүстік Қазақстан облысы – 76, Түркістан облысы – 190.
Қазақстан бойынша жазылғандар саны – 566613.

Қызылордада 213 адам дерттен айықты

Kyzylorda-news.kz. Қазақстанда өткен тәулікте 7427 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша: Нұр-Сұлтан қаласы – 950, Алматы қаласы – 1511, Шымкент қаласы – 572, Ақмола облысы – 280, Ақтөбе облысы – 440, Алматы облысы – 360, Атырау облысы – 552, Шығыс Қазақстан облысы – 150, Жамбыл облысы – 178, Батыс Қазақстан облысы – 147, Қарағанды облысы – 1098, Қостанай облысы – 274, Қызылорда облысы – 139, Маңғыстау облысы – 173, Павлодар облысы – 315, Солтүстік Қазақстан облысы – 170, Түркістан облысы – 118.
Жалпы ел бойынша ауырғандар саны 687259.

Қызылордада 139 адам коронавирус жұқтырды

Kyzylorda-news.kz. Дәрігерлер коронавирустың “жасарып” жатқанын айтып дабыл қағуда. Соңғы уақытта елімізде пайда болған жаңа штаммдарды жұқтырған балалардың саны күрт артқан. Балаларды қауіпті вирустан қалай қорғауға болады? COVID-19 баланың ағзасына қалай әсер етеді? Бұл сұрақтарға Алматы қалалық №1 емхананың педиатрия бөлімшесінің жетекшісі, дәрігер Бақытгүл Ракишева жауап берді.
Не себепті балалар арасында коронавирус кең таралуда?
Дәрігер балалар арасында коронавирустың асқынуын тікелей ата-аналардың вирус жұқтыруымен байланыстырады. Оған қоса, маман балалар сақтық шараларын толыққанды орындауды білмегендіктен, бір-бірінен және үлкендерден коронавирус жұқтырып жатқанын жеткізді.
<blockquote>
 “Биылғы жылдың наурыз, сәуір айларынан бастап балалар арасында коронавирустық инфекция кең таралып жатыр. Біріншіден, балалар вирусты көп жағдайда үлкендерден жұқтырады. Екіншіден, балалар санитарлық норманы дұрыс сақтай алмайды. Ата-аналар балаларды адам көп жүретін жерлерге, әсіресе ірі сауда орындарына ертіп барады. Балалар маскасыз, арақашықтықты сақтамай ойнап, бір-бірімен қарым-қатынас жасап, осылай ауру жұқтыруда. Қазір тіпті жаңа туылған нәрестелер де ауырып қалып жатыр. Коронавирус оған тікелей анасынан жұғады. Өйткені бала ешкіммен байланыста болмаған. Сондықтан жүкті әйелдер де өзін күтіп, сақтық шараларын ұстанғаны жөн”, –дейді дәрігер.
</blockquote>
Балалар коронавирустың жеңіл түрімен ауырадыДәрігер балалардың басым бөлігі коронавирустың жеңіл формасымен, тіпті кейде симптомсыз формасымен ауыратынын айтты. Өйткені баланың ағзасы әртүрлі вирустармен күресуге әлдеқайда бейім келеді.
<blockquote>
 “Балаларда ешқандай клиникалық симптоматика болмауы мүмкін, бірақ ПТР тестілеу оң нәтиже көрсетеді. Балаларда ауырған кезде көбінесе дене қызуы көтеріліп, оған бірден баланың ағзасындағы қорғаныс қабілеті іске қосылады. Сонымен қатар балалар жылына бірнеше рет қарапайым вирустық инфекциялармен де ауырады. Бұл олардың ағзасы вирустарды өз бақылауына алып үйренгенін көрсетеді, қорғаныс күші жоғары екенін байқатады. Қазіргі Қазақстан бойынша ауырып жатқан балалардың басым көпшілігі үйде бақылауда, 20% ғана ауруханаға жатқызылған”, – дейді дәрігер.
</blockquote>
Баланың бойында коронавирус белгілері байқалса, не істеу керек?
Педиатр балаңызда коронавирус белгісі көріне бастаса, бірден емханаға алып барып, дәрігер көмегіне жүгіну қажеттігін айтты. Коронавирустың қандай түрі болмасын, балаларға педиатр кеңесі қажет. Әрі қарай жекеленген жағдай бойынша, ем тағайындалады.
<blockquote>
 “Соңғы уақыттары балаларда іш өтуі, іштің ауруы, тамақ ауруы, жөтел және дене қызуының көтерілуі сияқты белгілері өте жиі кездеседі. Сондықтан балаңызда коронавирус белгілері бірден байқалатын болса, дене қызуы 38 градусқа дейін көтерілсе, дене қызуын түсіретін дәрілер беріп, емханаға жүгінген жөн”, – дейді маман.
</blockquote>
Баланы коронавирустан үйде емдеуге бола ма?
Дәрігер елімізде коронавирус жұқтырған балалардың басым бөлігі үйден ем алып жатқанын алға тартты. Алайда ол алдымен дәрігерге жүгіну керектігін жеткізді.
<blockquote>
 “Егер бала коронавирус жұқтырып алса, симптомына байланысты оны үйде емдеуге болады. Ешқандай клиникалық смиптоматика болмаса немесе жеңіл түрде өтетін болса, үйде емдеу қажет. Егер ауыр форма болатын болса, дәрігер стационарға өзі жатқызады. Клиникалық симптомдар байқалатын болса, міндетті түрде ауруханаға жүгіну керек. Дәрігер келгенше парацетомол, ибуфен беру қажет. Сондай-ақ, физикалық тәсілдермен де дене қызуын түсірген жөн. Сұйықтық көп беру керек. Бала құсып, лоқсып жатса, барынша аз мөлшерде беріңіз. Тәбеті болмаса, тамақты мәжбүрлеп бермеңіз. Балаларда алғашқыда он төрт күн инкубациялық кезең болады. Бастапқы ауру жеті күнде байқалады. Содан кейінгі кезең аурудың өршу уақыты деп аталады. Осы уақыттарға байланысты емдеу шараларын қолданамыз”, – дейді дәрігер.
</blockquote>
Коронавирустан кейінгі асқынуларДәрігер коронавирустан кейін балалар арасында қатты асқынулар болмайтынын жеткізді.
<blockquote>
 “Жалпы, балалар арасында кездесетін ауыр асқынулар жайлы айтатын болсақ, балалар ағзасында өлімге алып келетін асқынулар, соның ішінде тыныс жетіспеушілігі байқалуы мүмкін. Жедел респираторлық дистросиндром, сепсис, септикалық шок, полиоргандық жетіспеушілік, яғни, жүрек, бауыр, бүйрек зақымдануы болуы ықтимал. Бірақ бізде балаларда ондай асқыну аз кездеседі”, – дейді ол.
</blockquote>
Дегенмен коронавируспен ауырып болғаннан кейін біраз уақыттан соң балаларда мультиқабыну синдромы байқалуы әбден мүмкін, деп қосты ол.
“Кейінгі кезде балалардың ішінде коронавируспен ауырып кеткеннен кейін үш төрт апта өткен соң педиатрлық мультиқабыну синдромы тіркеле бастады. Бұл коронавирус инфекциясынан кейін қабынумен байланысты синдром. Белгілері Кавасаки синдромына ұқсас. Бірақ айырмашылықтары бар. Кавасаки синдромында көбіне балалар екі жасқа дейін ауырады. Ал мультиқабыну синдромымен ауырған жасөспірімдер де тіркеліп жатыр. Оған терапияны ерте бастаса, науқас оңай жазылып кетеді. Бұл синдромның клиникалық белгілері: 24 сағат бойы дене қызуының түспеуі, екіден көп органның зақымдануы, бастың қатты ауыруы, құсу, бөртпелердің шығуы. Кавасаки ауруы жаппай таралатын ауру емес. Балалар коронавируспен ауырып кеткеннен кейін біраз уақыттан кейін пайда болатын иммундық құбылыс. Бұл өте сирек кездеседі”, – дейді дәрігер.
Балаңыз коронавирус жұқтырмасын десеңіз
Сонымен қатар, маман баланың коронавирус жұқтыруының алдын алу үшін бірқатар сақтық шараларына мән беру керектігін айтты. Баланың дұрыс тамақтануына, спортпен айналысуына жағдай жасау қажеттігін жеткізді.
“Балалар коронавирус инфекциясын жұқтырып алмау үшін алдымен сақтық шараларын білген, мән берген абзал. Ең бірінші балаларды дұрыс тамақтандыру қажет. Жеміс-жидектер, көкөністер, ет өнімдері, сұйық тамақ берген дұрыс. Тыныс алу жаттығуларын жасау, дене шынықтырумен айналысудың да маңыздылығы жоғары. Адамдар көп жиналатын орындарға бармаған абзал. Ата-аналар ұл-қыздарына арақашықтық сақтап үйрету, маска тағу ережелерін түсіндіруі керек. Балалар далаға шығып ойнап, басқаларымен де қарым қатынасқа түседі. Олар вирус тасымалдаушысы болуы да мүмкін. Сол себепті балалардың бөлмесінде үнемі дезинфекция жасалып, ойыншықтарын үнемі жуып тұру қажет. Балаларда созылмалы ауруы болса, оның иммунитеті төмен болады. Сондықтан қант диабеті, ісікпен, астмамен ауырған балаларға ерекше күтім қажет”, – дейді Бақытгүл Ракишева.
Коронавирустан кейін баланы күнге шығаруға бола ма?
Соңғы уақыттары ата-аналар арасында коронавируспен ауырып кеткен баланы күнге шығару қауіпті екені туралы жиі айтылып жүр. Педиатр жаңсақ пікір екенін айтты.
<blockquote>
 “Коронавируспен ауырып кеткеннен кейін балаларды күнге шығаруға болмайды деген ұғым дұрыс емес. Бала толығымен жазылып шығып, тестілеу нәтижесі теріс болса да, жергілікті дәрігер бақылауына алынады. Дәрігер ары қарай баланың қосымша ауруларын да қатар емдеуі керек. Күннің сәулесі вирустың алдын алуға да, ауырып жатқан кезде де, ауырып қойғаннан кейін де өте пайдалы. Өйткені ең бірінші ол күн көзінен витамин түзіледі. Жаз кезінде біз балаларға күн ыстық болғандықтан, қосымша Д витаминін қабылдау қажеті жоқ деп айтамыз. Күн көзі қазан айына қарай азая бастайды, сол кезде қосымша витаминдер жазып береміз. Бұл виаминді балалар күннен алады. Короновируспен ауырып болғаннан кейін, баланың ағзасына оттегі өте қажет. Арнайы жаттығулар берген кезде де оларды оттегі мол жерлерде, далада орындаған абзал”, – дейді педиатр.
</blockquote>

&#8220;Асқынулар 3-4 аптадан кейін байқалуы мүмкін&#8221;: Педиатр балалар коронавируспен қалай ауыратынын айтты

Kyzylorda-news.kz. Қазақстанда өткен тәулікте 6195 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша: Нұр-Сұлтан қаласы – 1777 Алматы қаласы – 1021 Шымкент қаласы – 499 Ақмола облысы – 283 Ақтөбе облысы – 219 Алматы облысы – 228 Атырау облысы – 277 Батыс Қазақстан облысы – 171 Қарағанды облысы – 365 Қостанай облысы – 294 Қызылорда облысы – 170 Маңғыстау облысы – 183 Павлодар облысы – 355 Солтүстік Қазақстан облысы – 237 Түркістан облысы – 116.
Қазақстан бойынша жазылғандар саны – 560373.

Covid-19: Қызылордада 170 адам жазылды

Kyzylorda-news.kz. Қазақстанда өткен тәулікте 7510 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша: Нұр-Сұлтан қаласы – 998 Алматы қаласы – 1519 Шымкент қаласы – 565 Ақмола облысы – 279 Ақтөбе облысы – 434 Алматы облысы – 350 Атырау облысы – 467 Шығыс Қазақстан облысы – 192 Жамбыл облысы – 149 Батыс Қазақстан облысы – 153 Қарағанды облысы – 1084 Қостанай облысы – 278 Қызылорда облысы – 220 Маңғыстау облысы – 209 Павлодар облысы – 323 Солтүстік Қазақстан облысы – 165 Түркістан облысы – 125.
Жалпы ел бойынша ауырғандар саны 679832.

Қызылордада 220 адамнан коронавирус анықталды

Kyzylorda-news.kz. Коронавирус пандемиясы басталғанда Қызылорда облысында барлығы 76 өкпені жасанды желдету аппараты (ИВЛ) болды. Бүгінде медицина ұйымдарында 251 ИВЛ аппараты бар. Орталықтандырылған оттегімен 518 төсек орны жабдықталған. Бұл туралы бүгін Өңірлік коммуникациялар қызметінде өткен баспасөз конференциясында облыстық денсаулық сақтау басқармасының басшысы Сәбит Пазылов мәлімдеді.
Өңірімізде көп бейінді облыстық аурухана мен Қазалы ауданында 2 оттегі стансасы орнатылған. Өткен жылдың қараша айында іске қосылған көп бейінді облыстық аурухана жанындағы оттегі өндіруші станса күніне 160-қа жуық баллонды оттегімен толтырып, айына 4200-ге жуық баллонды оттегімен қамтамасыз етуде. Бұл аурухананы толық қамтамасыз етуге жеткілікті.
Ал, Қазалы ауданаралық ауруханасы жанынан ашылған оттегі өндіруші стансасы күніне 60-қа жуық, айына орта есеппен 1800 баллонды оттегімен толтыруда.
Одан бөлек, оттегіні қажет ететін тыныс ауруларын емдеу кезінде және ауруханаларға ауыр жағдайда түскен науқастарға, реанимациялық бөлімшелерде және интенсивті терапия бөлімшелерінде оттегіні жеткізу мақсатында денсаулық сақтау ұйымдарына демеушілер есебінен 682 дана оттегі концентраторлары жеткізіліп берілді.
<blockquote>
 «Оттегімен қамтамасыз етіп отырғандармен қоса, аймақтағы волонтер жастарымызға да алғыс айтқым келеді. Күніне 100-160 баллонды тасу да оңай емес. Сонымен қатар, «ҚазгерМұнай» және «ПетроҚазақстан» мекемесі де біздің ауруханаларға 40 «Hi-Flow» ағынды оттегі терапиясы аппаратын сатып алып берді. Әр аппараттың құны шамамен 2,5 млн теңге», – деді Сәбит Пазылов.
 «Көктем айларында тәулігіне 30, 40, 50 баллон тұтынатын. Қазіргі уақытта 160 баллонға дейін пайдаланамыз. Ешқандай қажеттілік туып жатқан жоқ. Оттегі жетпей жатқанда, оттегі шығаратын стансалармен келісім-шарт жасап қойдық», – деді көпбейінді облыстық аурухананың бас дәрігері Нұриддин Амитов.
</blockquote>
Ал қалалық аурухананың бас дәрігері Бауыржан Төлеген қазіргі таңда 170-ке жуық баллон оттегі бар екенін айтты.
<blockquote>
 «Шілде, тамыз айына дейін көпбейінді қалалық ауруханада 30-35 баллон оттегі қолданылып келсе, бүгінде науқастардың санының тым артуына байланысты 140-170 баллон оттегі пайдалануда. Үй жағдайында өз бетімен емделген науқастардың ауруы асқынып, ауруханаға түсуі көбейді. Сондықтан, оттегіні көп қажет етіп жатырмыз дейді. Дегенмен, оттегі баллондарының жетіспеушілігі болған жоқ»,- деді Бауыржан Төлеген.
</blockquote>

Қызылорданың ауруханалары оттегі аппаратымен толық қамтылған

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 5816 адам коронавирус індетінен емделіп шықты, деп хабарлайды <a href="http://www.coronavirus2020.kz/">coronavirus2020.kz</a>.
Аймақтар бойынша:
Нұр-Сұлтан қаласы – 1530,
Алматы қаласы – 823,
Шымкент қаласы – 599,
Ақмола облысы – 272,
Ақтөбе облысы – 215,
Алматы облысы – 246,
Атырау облысы – 283,
Шығыс Қазақстан облысы – 79,
Жамбыл облысы – 75,
Батыс Қазақстан облысы – 132,
Қарағанды облысы – 285,
Қостанай облысы – 399,
Қызылорда облысы – 171,
Маңғыстау облысы – 179,
Павлодар облысы – 361,
Солтүстік Қазақстан облысы – 48,
Түркістан облысы – 119.
Қазақстан бойынша жазылғандар саны – 554178.

171 қызылордалық коронавирустан жазылды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 7798 адамда коронавирус індеті ПТР арқылы расталып ауырғаны белгілі болды, деп хабарлайды <a href="http://www.coronavirus2020.kz/">coronavirus2020.kz</a>.
Аймақтар бойынша:
Нұр-Сұлтан қаласы – 1276,
Алматы қаласы – 1507,
Шымкент қаласы – 532,
Ақмола облысы – 278,
Ақтөбе облысы – 416,
Алматы облысы – 300,
Атырау облысы – 470,
Шығыс Қазақстан облысы – 259,
Жамбыл облысы – 145,
Батыс Қазақстан облысы – 161,
Қарағанды облысы – 1144,
Қостанай облысы – 271,
Қызылорда облысы – 219,
Маңғыстау облысы – 213,
Павлодар облысы – 329,
Солтүстік Қазақстан облысы – 170,
Түркістан облысы – 108.
Жалпы ел бойынша ауырғандар саны 672322.

Қызылордада 219 адамнан коронавирус анықталды

Kyzylorda-news.kz. Қызылорда облысының әкімі Гүлшара Әбдіқалықова модульді жұқпалы аурулар ауруханасына барып, жан сақтау бөлімінде жатқан науқастардың жағдайымен танысты. Бұл туралы аймақ басшысы өзінің “Facebook” парақшасында жазды.
Қымбатты жерлестер! Қазіргі таңда елімізде коронавирус індеті өршіп тұрғанын білесіздер. Вирустың таралу деңгейі бойынша әлі «қызыл аймақтан» шыға алмай отырмыз. Соңғы 10 күнде осы індетпен ауырғандар саны 2 мыңнан асып барады. Осы жағдайды ескеріп, өңірде инфекциялық төсек-орын санын 4 есеге дейін ұлғайттық.
Бүгін медициналық мекемелердің індеттің одан әрі таралуына әзірлігін пысықтау үшін модульді жұқпалы аурулар ауруханасына барып, реанимацияда жатқан науқастардың жағдайымен таныстым.
Үкіметтің қолдауымен 200 төсектік модульді стационар осы аптадан бастап ауруларды қабылдауда. Вирус жұқтырған азаматтардың жағдайы тұрақты бақылауға алынған. Науқастарға қажетті дәрі-дәрімек толық жеткілікті, мамандардың жұмыс режимі жолға қойылған.
Десек те, бұл індетпен ауырмаудың жолы – өз қолымызда. Көпшілік адамдар жиналатын шараларды, жиын-тойларды әзірге қоя тұрған дұрыс. Біз әсіресе, балаларымызды індеттен сақтауға міндеттіміз.
Вирустың жаңа штаммдары күннен күнге көбеюде. Кеше ғана АҚШ-тың Нью-Йорк қаласында «Йота» жаңа штаммы пайда болды. Бұл бізден індеттен сақтану шараларын қатаң ұстануымызды талап етеді. Балаларымыздың қауіпсіздігі, жақындарымыздың амандығы үшін карантин талаптарын сақтай отырып, екпе алуларыңызды сұраймын.
Өзіміздің де, жақындарымыздың да денсаулығы өзімізге байланысты екенін ұмытпайық! 
Әрбіріміз жауапкершілікті жүрегімізбен сезініп, қиың кезеңді бірге жеңейік, жерлестер!
<img src="https://kyzylorda-news.kz/wp-content/uploads/2021/08/fb_img_1628784676677.jpg" alt="" />
<img src="https://kyzylorda-news.kz/wp-content/uploads/2021/08/fb_img_1628784679759-1.jpg" alt="" />
<img src="https://kyzylorda-news.kz/wp-content/uploads/2021/08/fb_img_1628784688699.jpg" alt="" />

Гүлшара Әбдіқалықова жан сақтау бөлімінде жатқан науқастардың жағдайымен танысты

<a href="https://kyzylorda-news.kz/">Kyzylorda-news.kz</a>.&nbsp;Бүгінге дейін №1 қалалық емханада 18 мыңнан астам тұрғын вакцинаның І дозасын салдырған. Ал ІІ компонентін алғандар саны 14 мың. Өңірлік коммуникациялар қызметінде өткен брифингте №1 қалалық емхана бас дәрігерінің орынбасары Гүлмира Бердімағанбетова тұрғындардың екпе алудағы белсенділігін айтып, вакцина туралы пікірімен бөлісті.
<blockquote>
 «Екпе алған адам 100 пайыз вирустан қорғанады деген сөз емес. Алайда, екпе алған адам вирус жұқтырса ауру жеңіл түрде өтеді. Бұл ретте әр адамның иммундық жүйесі де үлкен маңызға ие. Қазір короновируспен ауырып, жағдайы ауырлаған науқастардың көпшілігі екпе алмағандар», – деді Гүлмира Бердімағанбетова.
</blockquote>
Сондай-ақ жағдайы орташа 162 науқас үй жағдайында, емхана стационарында 6 адам дәрігерлердің бақылауына алынғандығын айтты. Ал «Alexsey Sultan Akhmet» емханасы бас дәрігерінің емдеу ісі жөніндегі орынбасары Баян Уалиева «бұрынғы тіршілігімізге ораламыз десек, ұжымдық иммунитет қалыптастыруымыз керек», – деп қазіргі жағдайда ұжымдық иммунитет қалыптастырудың маңыздылығына тоқталды. Сонымен қатар сын сәтте тынымсыз еңбек етіп жүрген медицина саласы мамандарының еңбегін ерекше бағалап өтті.
<blockquote>
 «Аймақтағы санитарлық-эпедимиологиялық ахуал көпшілігімізді алаңдатуда. Күн сайын короновирус індетіне шалдыққан науқастар артып келеді. Осы орайда ауыр жүк медицина саласының мамандарына артып отыр. Қаншама науқасты ажалдан арашалап барынша күш-жігерін жұмсауда. Дәрігерлердің бұл еңбегі құрметке лайық», -деді Баян Уәлиева.
</blockquote>
<img src="https://kyzylorda-news.kz/wp-content/uploads/2021/08/235392398_1349093102152865_183053413118646883_n.jpg" alt="" />

Қазақстан және Қызылорда облысының жаңалықтары: COVID-19

Қызылордада 166 адамнан коронавирус анықталды

Дәрігерлер коронавирустың жүкті әйелдерге әсері туралы айтты

Қызылордада 213 адам дерттен айықты

Қызылордада 139 адам коронавирус жұқтырды

“Асқынулар 3-4 аптадан кейін байқалуы мүмкін”: Педиатр балалар коронавируспен қалай ауыратынын айтты

Covid-19: Қызылордада 170 адам жазылды

Қызылордада 220 адамнан коронавирус анықталды

Қызылорданың ауруханалары оттегі аппаратымен толық қамтылған

171 қызылордалық коронавирустан жазылды

Қызылордада 219 адамнан коронавирус анықталды

Гүлшара Әбдіқалықова жан сақтау бөлімінде жатқан науқастардың жағдайымен танысты

Қызылордадада вакцина алушылар артып келеді

Қазақстан және Қызылорда облысының жаңалықтары: COVID-19

Қызылордада 166 адамнан коронавирус анықталды

Дәрігерлер коронавирустың жүкті әйелдерге әсері туралы айтты

Қызылордада 213 адам дерттен айықты

Қызылордада 139 адам коронавирус жұқтырды

&#8220;Асқынулар 3-4 аптадан кейін байқалуы мүмкін&#8221;: Педиатр балалар коронавируспен қалай ауыратынын айтты

Covid-19: Қызылордада 170 адам жазылды

Қызылордада 220 адамнан коронавирус анықталды

Қызылорданың ауруханалары оттегі аппаратымен толық қамтылған

171 қызылордалық коронавирустан жазылды

Қызылордада 219 адамнан коронавирус анықталды

Гүлшара Әбдіқалықова жан сақтау бөлімінде жатқан науқастардың жағдайымен танысты

Қызылордадада вакцина алушылар артып келеді

“Асқынулар 3-4 аптадан кейін байқалуы мүмкін”: Педиатр балалар коронавируспен қалай ауыратынын айтты