Елімізде тағы 20 адамнан коронавирус табылды, деп хабарлайды coronavirus2020.kz.
6 сәуір сағат 14:40-тағы жағдай бойынша, елімізде коронавирус індетін жұқтырған тағы 20 адам тiркелген. Атап айтқанда Шығыс Қазақстан облысында – 1 адам, Жамбыл облысында – 1 адам, Қарағанды облысында – 16 адам, Маңғыстау облысында – 2 адам.
Осы сағатта Нұр-Сұлтан қаласы бойынша 219 адам, Алматы қаласында – 116 адам, Қарағанды облысында – 48 адам, Ақмола облысында – 23 адам, Атырау облысы – 24 адам, Жамбыл облысында – 29 адам, Шымкент қаласында – 14 адам, Шығыс Қазақстан облысында – 6 адам, Алматы облысында – 10 адам, Ақтөбе облысында – 11 адам, Солтүстік Қазақстан облысында – 25 адам, Павлодар облысында – 1 адам, Маңғыстау облысында – 5 адам, Қызылорда облысында – 37 адам, Батыс Қазақстан облысында – 2 адам, Түркістан облысында – 28 адам, Қостанай облысында – 1 адам, жалпы 604 науқас бар.

Қазақстанда коронавирус жұқтырғандар саны 600-ден асты

<a href="https://kyzylorda-news.kz/">Kyzylorda-news.kz.</a> Қызылорда облысы мен оның аудандарында коронавирустық инфекцияның таралуына байланысты карантин енгізілгені белгілі. Тұрғындардың дүкенге барып азық-түлік, дәріханадан керекті дәрі-дәрмек алуына, жұмысына баруына тыйым салынбаған. Бірақ, көшеде бейсауат жүруге рұқсат жоқ.
Қармақшыда аудандық жұмысшы топ мүшелері аудан орталығының көшелеріндегі тәртіпті қадағалауға жұмылдырылған полиция қызметкерлерінің және аудан орталығына кіре беріс жерлерге қойылған тосқауыл бекеттерінің жұмысымен, дүкен сатушылар тарапынан санитарлық талаптардың сақталуымен танысты.
<blockquote>
 «Полиция қызметкерлерінің жұмысы таң қылаң бере басталып, түн ортасына дейін жалғасады. Күні-түні жұмыс істейтін олар қоғамдық тәртіпті бақылап, карантин режимінің сақталуын жіті назарда ұстайды. Жалпы, халықтың басым бөлігі карантин режиміндегі шектеулерге және талаптарға түсіністікпен қарауда. Барлығы да әлеуметтік желіден оқып-білген, жағдайдың күрделі екендігінен де хабардар. Десе де, бейсауат жүрген азаматтар мен ересектердің бақылауынсыз жүрген балалар да көптеп кездеседі», – дейді аудан әкімінің баспасөз хатшысы Айбол Қозыбақов.
</blockquote>
Оларға жергілікті әкімдік қызметкерлері ескертулер жасаған.
<blockquote>
 «Дүкен сатушылары санитарлық сақтық шараларын қолданып жатыр. Десе де, бірқатар сауда нысандарында бетперделерін немесе қорғаныш қолғаптарын жедел штаб өкілдері келген сәтте ғана киіп жатқандарын байқадық», – дейді ол.
</blockquote>
<img src="https://kyzylorda-news.kz/wp-content/uploads/2020/04/karmakshy-kaz-1.jpg" alt="" />
<img src="https://kyzylorda-news.kz/wp-content/uploads/2020/04/karmakshy-kaz-2.jpg" alt="" />

Карантин: Қармақшыда ересектердің бақылауынсыз жүрген балалар тыйылмай отыр

<a href="https://kyzylorda-news.kz/">Kyzylorda-news.kz.</a> Қазақстан Президенті Қасым-Жомарт Тоқаев Денсаулық сақтау министрлігіне қарасты Масғұт Айқымбаев атындағы Аса қауіпті инфекциялар ұлттық ғылыми орталығы мен Білім және ғылым министрлігіне қарасты Ұлттық биотехнология орталығының ұжымдарына құттықтау хат жолдады, деп хабарлайды <a href="http://www.akorda.kz/kz/events/international_community/telegram_of_congratulations/memleket-basshysy-medicina-salasyndagy-gylymi-ortalyktardyn-kyzmetkerlerin-kuttyktady">Ақорданың</a>&nbsp;баспасөз қызметі.
<blockquote>
 «Ғылыми институттардың ұжымдарын COVID-19 коронавирусын анықтауға арналған диагностикалық тест жүйесін әзірлеуімен құттықтаймын! Аса қауіпті инфекциялар ұлттық ғылыми орталығы мен Ұлттық биотехнология орталығының ғалымдары халықаралық стандарттарға сай келетін қажетті тест жүйесін қысқа мерзімде жасап шықты. Сіздердің жетістіктеріңіз отандық биомедицина саласының бәсекеге қабілеттілігі жоғары екенін көрсетеді. Әлемге тараған коронавирус індетіне қарсы күрес жүріп жатқан кезде бұл жаңалықтың ұсынылуы өте маңызды болып отыр. Әзірленген тест жүйесі мыңдаған азаматымыздың өмірі мен денсаулығын сақтап қалуға көмектеседі деп сенемін», – деп жазылған Мемлекет басшысының құттықтау хатында.
</blockquote>

Президент коронавирусты анықтайтын тест жүйесін әзірлеген қазақстандық ғалымдарды құттықтады

<a href="https://kyzylorda-news.kz/">Kyzylorda-news.kz.</a>&nbsp;Шиелі ауданындағы қауіпті індетті жұқтырған 6 науқас – бір үйдің адамдары. Бұл туралы облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте мәлімдеді.
<blockquote>
 «Қазіргі таңда Қызылорда облысында коронавирустық инфекцияны жұқтырған 37 науқас тіркелді. 6 жағдай кеше, яғни, 5 сәуір күні анықталды. Барлығы – Шиелі ауданының ауданының тұрғындары, 4-52 жас аралығындағы адамдар. Олар сенбі күні анықталған науқаспен жақын қарым-қатынаста болғандықтан, оқшауланған еді. Сынама-тесттерінің қорытындысы бойынша, олардан коронавирустық инфекция жұқтырғаны нақтыланды. Соңғы анықталған осы 5 науқас – бір үйдің адамдары. Алтыншысы – сенбі күні анықталған науқастың құрбысы. Бұл науқастардың барлығы жұқпалы аурулар ауруханасына ауыстырылып, қазіргі таңда хаттамаға сәйкес, тиісті емдерін қабылдап жатыр. Жалпы, облысымыздағы жұқпалы аурулар ауруханасында – 37 адам, правизорлық стационарда – 37, карантинде – 312 адам ем қабылдап жатыр. Барлығының жағдайы қанағаттанарлық», – деді Жақсылық Абдусаметов.
</blockquote>
Оның айтуынша, Covid-19 індетін жұқтырған өңірдегі 31 науқаспен байланыста болғандардың жалпы саны – 740.&nbsp;Жақын қарым-қатынаста болғандар саны – 254, потенциалды байланыста болғандар – 486 адамды құрап отыр. Бүгінгі таңда барлығы бақылауға алынып, оқшауланған.
Басқарма басшысы атап өткендей, Қызылорда облысына қауіптілік деңгейі 1 (А) елдерінен 8 адам келген. Оның барлығы үй жағдайында бақылауға алынып, карантинге жатқызылған.
Сондай-ақ, өңірге қауіптілік деңгейі 1 (Б) елдерінен 141 адам келген. Оның біреуі – стационарға оқшауланса, 140 – үй карантиніне алынған.
Жалпы, өңірде коронавирустық инфекцияны жұқтырған науқастар санының күрт көбеюіне – облыс тұрғындарының карантин тәртібін сақтамауы себеп болып отырғанын кеше <a href="https://kyzylorda-news.kz/kogam/koronavirws-qyzylorda-oblysynda-infekcija-zhuqtyrghan-21-nawqas-bir-otbasynyng-adamdary-54190/">жазған болатынбыз</a>. Олар жасалған ескертулерге қарамастан әлі күнге дейін жиындарға баруды, отбасылық басқосуларды тоқтатпай, керісінше, үдете түскен. Оқшаулану тәртібіне мүлдем құлақ аспаған. Нәтижесінде, өңірде ең алғашқы коронавирустық инфекция анықталған адамнан сол отбасының 21 мүшесіне қауіпті індет жұғып үлгерген. Кешегі жағдай бойынша Шиелі ауданындағы 6 науқас – бір үйдің адамы екендігі анықталып отыр.
<blockquote>
 «Облысымызда коронавирустық инфекцияны жұқтырғандардың саны күн сайын өсуі – тұрғындардың карантин талаптарын сақтамуынан болып отыр. Бізге карантин режимі не үшін керек? Әрине, карантин – қарым-қатынасты азайту арқылы қауіпті індеттің таралуының алдын алу үшін қажет. Осыны облыс тұрғындары түсінсе дейміз. Осы режимді 100% деп алатын болсақ, оның 30 пайызы – қоғамдық орындардағы қарым-қатынасты азайтса, тағы 30 пайызы – еңбек ұжымдарының арасында індеттің таралуын болдырмайды. Осы тұрғыда облысымыздағы барлық мекемелердің қызметкерлері қашықтан жұмыс жасауға көшірілді. Қалған 40 пайызы – отбасы мүшелерінің жиындарын болдырмау үшін керек. Бірақ, өкінішке орай, өңірде медицина және құқық қорғау қызметкерлерінің күні-түні жұмыс жасап жатқандығына қарамастан, қауіпті инфекция күн сайын көбейіп отыр. Бұған азаматтардың өзі жауапкершілік танытпай отырғандығы себеп”, – деді басқарма басшысы.
</blockquote>
Басқарма басшысы кешегі брфингте мәлімдегендей, коронавирустық инфекция анықталған алғашқы ошақтан 21 адам қауіпті індетті жұқтырып алған. Барлығы – бір отбасының адамдары. Өкінішке орай, бүгін тағы да Шиелідегі 6 науқас та – бір үйдің адамдары екендігі белгілі болды.
Оның айтуынша, карантин және оқшаулану тәртіптері мен талаптарын сақтамаудың соңы осыған әкеліп отыр.
<blockquote>
 “Қызылорда облысына шетелдерден келгендердің арасынан 2 адамнан, өзге өңірлерден келгендердің ішінен 3 адамнан қауіпті індет анықталды. Нұр-Сұлтан, Алматы және басқа облыстардан келген студенттер карантин, оқшаулау талаптарын өрескел бұзуда. Кеше Шиелі ауданының 22 жасар тұрғыны, студент Петропавл қаласынан келіп, құрбысына жұқтырғанын айтқан едік. Бүгінгі жағдай да осыған ұқсас. Отбасындағы жиыннан сол үйдің басқа мүшелері, құрбылар арасындағы басқосудан екінші құрбы осы дертке шалдығып отыр. Осы орайда ерекше қайталап атап өтетінім – карантин тәртібін қатаң сақтау – біріншіден, жалпы жұқтырудың алдын алады, екіншіден отбасындағы өзге мүшелерден анықтау оңайға соғады», – деді Ж. Әбілқасымыұлы.
</blockquote>
Айта кетейік, бұған дейін Қызылорда облысында Covid-2019 инфекциясын жұқтырғандар саны&nbsp;<a href="https://kyzylorda-news.kz/densawlyq/qyzylordada-koronavirws-zhuqtyrghandardyng-sany-37-ge-zhetti-54256/">37 адамға жеткенін</a>&nbsp;хабарлаған болатынбыз.
Сондай-ақ, басқарма басшысы Ж. Абдусаметов осы уақытқа дейін облысымызға <a href="https://kyzylorda-news.kz/kogam/koronavirws-qyzylorda-oblysyna-qawipti-ajmaqtardan-5000-nan-asa-stwdent-kelgen-54123/">қауіпті өңірлерден 5000-нан аса студент келгенін</a> мәлімдеген еді.

Коронавирус: Шиеліде анықталған 6 науқас – бір үйдің адамдары

<a href="https://kyzylorda-news.kz/">Kyzylorda-news.kz.</a> Қызылорда облысында коронавирус індетін жұқтырған тағы 6 адам тiркелдi, деп хабарлайды облыс әкімінің баспасөз қызметі.
Алтауы да Шиелі ауданынан. Олар 1967 жылғы әйел азаматша және 1989, 1992, 1998, 2013, 2015 жылы дүниеге келген қыз балалар.
Барлығы бұған дейін вирус жұқтырған адамдармен тығыз қарым-қатынаста болған және карантиндік стационарға жатқызылған. Қазіргі таңда жағдайлары қанағаттанарлық. Науқастар оқшау орында тиісті емдерін қабылдап жатыр.
05.04.2020 жағдай бойынша аймақта коронавируске шалдыққан 37 адам анықталды. (Қызылорда қаласында – 6 жағдай, Жаңақорған ауданында – 16, Қармақшыда – 4, Шиеліде – 11 жағдай).
Нұр-Сұлтан қаласы бойынша 219 адам
Алматы қаласында – 116 адам
Қарағанды облысында – 32 адам
Ақмола облысында – 23 адам
Атырау облысы – 24 адам
Жамбыл облысында – 28 адам
Шымкент қаласында – 14 адам
Шығыс Қазақстан облысында – 5 адам
Алматы облысында – 10 адам
Ақтөбе облысында – 11 адам
Солтүстік Қазақстан облысында – 25 адам
Павлодар облысында – 1 адам
Маңғыстау облысында – 3 адам
Қызылорда облысында – 37 адам
Батыс Қазақстан облысында – 2 адам
Түркістан облысында – 28 адам
Қостанай облысында – 1 адам
Жалпы Қазақстан бойынша 584 науқас тіркелді.

Қызылордада коронавирус жұқтырғандардың саны 37-ге жетті

<a href="https://kyzylorda-news.kz/">Kyzylorda-news.kz.</a> Ұлыбританияда коронавирустан көз жұмған 13 жастағы жеткіншектің жерлеу рәсіміне оның анасы мен бес бауыры қатыстырылмапты. Ұл баланың денесін қорғаныш киімін киген бөтен адамдардың жер қойнына табыстап жатқанын оның жақындары карантинге жабылғандықтан, онлайн көруге мәжбүр болған, деп хабарлайды&nbsp;<a href="https://stan.kz/onlayn-zherleu-rasimi-koronavirustan-koz-zhymgan-zhetki-329395/">Stan.kz</a>.
13 жастағы&nbsp;Исмаил Мұхамед Абдулвахаб Лондонның ауруханасында жападан жалғыз жатып көз жұмған. Тіпті, оны ақтық сапарға шығарып салу рәсіміне бейбақтың жақындары қатыстырылмапты. Марқұмның әкесі осыдан бес жыл бұрын қатерлі ісіктен көз жұмған екен. Ал карантинде жатқан оның отбасы мүшелерінің жерлеу рәсімін онлайн көруіне&nbsp;тура келіпті.
Исмаилдың денесінен коронавирус өткен жұмада анықталыпты. Ал үш күн өткеннен кейін оның жағдайы асқынып, артынша қаза болған. Ол Ұлыбританияда жұқпалы індеттен көз жұмған алғашқы бала болып отыр.
<blockquote>
 “Оның қарындасы мен ағасыны&nbsp;коронавирустың жеңіл белгілеріне шалдыққаны анықталыпты. Сол себепті Исмаилдың отбасы оның жерлеуіне қатыстырылмаған. Жерлеу кезінде онлайн көрсетілім болған. Бірақ видеотүсірілім, керісінше, қан жұтқан жанұяның қайғысын одан сайын күшейтіп жіберді”, – деп жазады Daily Мail басылымы.
</blockquote>
Қазіргі таңда бұл мемлекетте эпидемия салдарынан 3600-дан астам көз жұмған.
<img src="https://kyzylorda-news.kz/wp-content/uploads/2020/04/onlain-jerleu-1.jpg" alt="" />

Онлайн жерлеу рәсімі: Коронавирустан көз жұмған жеткіншектің жақындары оны ақтық сапарға шығарып сала алмады

<a href="https://kyzylorda-news.kz/">Kyzylorda-news.kz.</a> ҚР денсаулық сақтау министрі Елжан Біртанов төтенше жағдай бойынша мемлекеттік комиссияның соңғы шешімдері туралы&nbsp;<a href="https://www.facebook.com/byelzhan/posts/2738254289576379">Facebook</a>-тегі парақшасында жазды.
<blockquote>
 “Біздің елімізде қабылданған қатаң карантиндік шаралар 28 наурыз бен кешегі тәулікті есептегенде коронавирус инфекциясының таралу қарқынын 52-ден 12 пайызға дейін төмендетуге мүмкіндік берді. Бұл өзгеріс бізге санитарлық және медициналық қызметтердің жұмыс ауыртпалығын азайтып, науқастар мен байланысқан адамдарға тиімді көмек көрсетуге мүмкіндік береді”, – деп жазды Елжан Біртанов Facebook парақшасында.
</blockquote>
Әйтсе де министр атап өткендей Қазақстанда коронавирус жұқтырғандардың саны артып барады. Басқа елдердің тәжірибесі Қазақстанда аурудың негізгі кезеңі сәуір-мамырда өтсе, вирустың шарықтау шыңы – сәуірдің бірінші жартысына тұспа-тұс келетінін болжауға мүмкіндік береді. 
<blockquote>
 “Осы кезеңде біз шамамен 3500 жағдай тіркелетінін (қазір 551) болжаймыз. Одан ары, яғни жаз айларында эпидемиологтар эпидемия толығымен тоқтамаса да баяулайтынын күтеді. Кейбір сарапшы биылғы күзде індеттің қайталанатын жоққа шығармайды”, – дейді ол.
</blockquote>
Министр берген мәліметке сәйкес, елімізге бүгінгі таңда коронавирус инфекциясынан науқастарды емдеу мақсатында 3920 инфекциялық, сонымен қатар 7300 провизорлық төсек орын дайындалғанын айтады. Бұдан бөлек 180 ауыр науқасты қабылдауға қабілетті жансақтау бөлімшесі әзір екенін, онда 170 жасанды тыныс алу аппараты, қан оксигенациясының экстракорпоральды мембрананалы 38 аппараты барын жеткізді. 
<blockquote>
 “Алайда пациенттер жұқпалы аурулар ауруханасында орташа есеппен 3-4 апта өткізетінін, елді мекендердің тіршілігін қамтамасыз етумен айналысатын кәсіпорындар мен қызметтердің командаларында – медицина қызметкерлері, полиция, Қарулы Күштерде инфекцияның пайда болу қаупін ескергенде Қазақстанда әзірге көбірек төсек орын мен арнайы аурухана керектігі байқалады. Сонымен қатар ол ауруханалар инфекциялық қауіпсіздіктің барлық талабына сай болуы керек. Онда боксталған палаталар, вентиляцияның ерекше жүйесі, жансақтау бөліміндегі орындар болуы тиіс. Мұндай тез тұрғызылатын емханалардың Қытайда қалай пайдаға жарағанын көрдік. АҚШ пен Италия, өзге де еуропалық елдердегі қарапайым емханаларға қандай жүктеме түсіп отырғанынан да хабардармыз. Көптеген ел науқастар мен медициналық персоналдар үшін инфекциялық қауіпсіздік технологиялары сақталмаған нысандар мен спорттық құрылымдарды пайдалануға мәжбүр”, – дейді министр.
</blockquote>

Министр: Коронавирустың таралуы жазда бәсеңдегенімен, күзде қайталануын жоққа шығармаймыз

<a href="https://kyzylorda-news.kz/">Kyzylorda-news.kz.</a> Карантин режимінде отырған қыз-келіншек, аналарымыз аспаздық машығын дамытып, ұмыт болып бара жатқан ұлттық тағам түрлерін әзірлеулеріне болады, деп хабарлайды <a href="https://lenta.inform.kz/kz/karantin-rezhimi-immunitetti-koteretin-ulttyk-tagamdar_a3633850">ҚазАқпарат</a>.
ҰЛТТЫҚ ТАҒАМ ТҮРЛЕРІНІҢ ЕРЕКШЕЛІКТЕРІ
«Не жесек – солмыз». Тамақ деннің саулығына айтарлықтай ықпал етеді және ол күш-қуаттың көзі. Жеті нотадан жаныңды жадырататын ән туындаса, әртүрлі қоспалардан тағам дайындалады. Тағамның ерекшелігі әртүрлі халықтың аспаздық өнеріне байланысты. Әр елдің визиткалық картасы – мемлекеттік рәміздер ғана емес, сонымен қатар ұлттық тағамдары.
Әр ұлттың аспаздыққа қатысты өз ерекшелігі бар. Мысалы, чилиліктер ешбір тағамды қолмен жемейді. Оларда кез келген тағамға арналған ыдыс-аяқ, қолмен ұстайтын құрал бар. Ал қытайлықтар кеспе жеуді ұзақ өмір, мықты денсаулық кепілі деп санайды. Сондықтан олар оны кеспеген күйде жейді. Олар үшін кеспені кесу – өмір жолын қысқартумен тең.
Сондай-ақ, қазақ халқында да тағамға қатысты ырымдар бар. Мысалы, еліміздің кейбір аймағында кесеге шайды толтыра құймайды. Қонақ үй иесі тезірек қайтып кетуін қалап отыр деп ойлап қалуы мүмкін.
ШЫЖ-МЫЖ
Қазақтың аспаздық өнері бешбармақ, қуырдақ және бауырсақпен шектелмейді. Бұған дейін&nbsp;жазғанымыздай,&nbsp;этнограф Әйгерім Мұсағажинова қазақтың 200 түрлі ұлттық тағамын жинақтап, 50-ін «Қазақы ас: дәстүр мен дәм» кітабына енгізген.
<blockquote>
 «Қазақтың салт-дәстүрі ұлттық тағамдарынан көрініс тапқан. Соғымға сойылған жылқының бүйрегі мен өкпесінен дайындалатын шыж-мыж деп аталатын тағам ер адамдардың достығының символы болып саналады. Ол барлық туыс, дос, көрші үшін ерекше әдіспен дайындалған. Қойдың бүйрегі мен өкпесін ұсақтап турап, өзінің майына қуырады. Әр аймақтың бұл тағамды дайындау барысында өз ерекшелігі бар. Солтүстік Қазақстанда ұсақтап туралған бүйрек пен өкпені майға қуырып, тоқ ішек ішіне салады. Оңтүстік және Шығыс өңірлерде шыж-мыжды отқа пісіріп алған соң бірден жейді», – дейді этнограф.
</blockquote>
САУМАЛ
Әйгерім Мұсағажинова қазіргі жағдайда иммунитет көтеру аса маңызды екенін айтты. Оның айтуынша, қазақтың ұлттық тағамдары иммунитет көтеруге негізделген.
<blockquote>
 «Тоғызыншы сәуірден бастап қазақтар бие сауа бастайды және саумал ішеді. Саумал – өзінің пайдалы қасиетін сауылғаннан кейін 2-3 сағат сақтап тұратын бие сүті. Оның құрамында ақуыз бар. Саумалды құрамы бойынша ана сүтімен теңестіруге болады. Оның құрамында май болмайды және ағзаға жақсы сіңеді. Сондай-ақ, оның құрамында қуаныш гормоны – триптофан бар. Ресейлік саяхатшылар еңбектерінде Қазақстан аумағынан өткен кезде қазақ халқы қыстан әлсіз болып шыққанмен, екі-үш күнде күш жинап, екі беті қызарып жүретіні туралы жазған. Мұның бәрі саумалдың арқасы», – дейді ол.
</blockquote>
МАЙСӨК
Этнограф пайдалы азық-түлік тұтынудың пайдасын айтты. Көбімізге мәйсөк деген тағам таныс болар? Балаларды осы мәйсөктің дәміне үйрету өте маңызды. Ол майға қуырылған тарыдан жасалады. Оны алдымен сүт немесе суға қайнатып алады, одан кейін кептіріп, үстіне жылы май құяды. Оны таңғы астан кейін десерт ретінде жеуге болады.
Қазіргі жағдайда ешқандай май қоспай, өз сөліне бұқтырылып жасалатын тағамдар пайдалы. Мысал ретінде балқуырдақ тағамын айтуға болады. Ол бауырдан жасалады: бауырды жіңішке етіп турап, суға бұқтырып, оның үстіне кішкене қаймақ қосады. Бұл тағамның балалардың ағзасына тигізер пайдасы зор.
ТОМЫРТҚА
Сонымен қатар, сүйектен дайындалатын көже – томыртқа өте пайдалы. Сүйектерді суда 12 сағат қайнату керек. Сүйектің майы шыққаннан кейін жақсылап араластыру керек. Әбден қайнап біткеннен кейін судың бетіне шыққан сүйектің майын жинап алу керек. Оны бауырсақ, жент басқа да тәтті тағамдар дайындаған кезде қолдануға болады. Ал сорпасы қыс аяқталып, көктем басталған кезде ішкенге жақсы. Оны көктем мезгілінде иммунитет көтеру үшін ішкен.
ӘСІП СОРПАСЫ
<blockquote>
 «Ағзаға пайдалы сорпаның тағы бір түрі – әсіп сорпасы. Ол – еттен жасалған, құрамы пайдалы дәріменге толы сорпа. Ол балалар үшін де, егде жастағы адамдар үшін де пайдалы. Сорпа қой етінен дайындалады және жылдык кез келген мезгілінде ыстық күйде де, суық күйде де жеуге болады. Аталған сорпаны дайындау үшін қой еті, бауыры және құйрық майы ұсақтап туралады. Оған буға піскен күріш пен тұз, бұрыш қосылады. Осыларды араластырып, бүйенге салады да, бетін буып, бір сағат суға қайнатады. Дайын болған әсіпті дөңгелектеп турап, үстіне сорпа құяды», – дейді этнограф.
</blockquote>
Әйгерім Мұсағажинова қазіргі уақытта ұлттық тағамдарды насихаттау маңызды міндеттердің бірі деп санайды.
<blockquote>
 «Қазіргі уақытта адамдардың көбі тағамды қарын ашқанда жейтін нәрсе ғана деп түсінеді. Қазақтың қаншама пайдалы тағамы көз алдымызда жоғалып бара жатыр. Қазақ халқының әр ұлттық тағамы – даналықтың символы, өйткені ол қарынды тоқ қылып қана қоймай, қажет кезде адам бойына күш-қуат беріп, тіпті адамдардың қайта татуласуына, жақынараласуына себепші болған. Иммунитетті көтеретін тағамдарды жиі дайындаған дұрыс», – дейді ол.
</blockquote>

Карантин: Иммунитетті көтеретін ұлттық тағамдар

<a href="https://kyzylorda-news.kz/">Kyzylorda-news.kz.</a> Шымкентте коронавирустан 1 адам қайтыс болды, деп хабарлайды <a href="https://www.coronavirus2020.kz/kz/kazakstanda-koronavirustan-altynshy-adam-kaytys-boldy_a3633942">coronavirus2020.kz</a>.
Сайт таратқан мәліметтерге қарағанда, қайтыс болған 1964 жылы туған азамат. Осымен елімізде қауіпті вирустан қайтыс болғандар саны 6 адамға жетті.
Айта кетейік, осы уақытта Қазақстан бойынша вирус жұқырғандар саны 551 адамды құрап отыр.

Шымкентте коронавирустан 1 адам қайтыс болды

<a href="https://kyzylorda-news.kz/">Kyzylorda-news.kz.</a> Қазақстанда карантиндік типтегі үш медициналық кешен салынады. Бұған 14,8 миллиард теңге бөлу көзделіп отыр. Бұл туралы бірінші қаржы вице-министрі Берік Шолпанқұлов мәлімдеді, деп хабарлайды <a href="https://sputniknews.kz/society/20200402/13517414/karantin-meditsinalyk-keshen.html">Sputnik Қазақстан.</a>
<blockquote>
 «Карантиндік типтегі үш медициналық модульдық кешен құрылысына 14,8 миллиард теңге қарастырылған», – деді Шолпанқұлов.
</blockquote>
Сонымен қатар, 19,5 миллиард теңге коронавирус жұқтырған және жұқтыруы мүмкін пациенттерді емдеп жатқан медициналық ұйымдарға медициналық қызметті төлеуге жұмсалады.
40,6 миллиард теңге коронавируске күреске тартылған медицина қызметкерлерін ынталандыруға бағытталған.
Жалпы, президенттің тапсырмасымен 2020 жылға арналған бюджетті нақтылау аясында эпидемияға қарсы шараларға қосымша 125,2 миллиард теңге бөлінбек.

Қазақстанда карантиндік типтегі үш медициналық кешен салынады

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 31 адамға жетті. Бұл туралы облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте мәлімдеді.
<blockquote>
 «Қазіргі таңда Қызылорда облысында коронавирустық инфекцияны жұқтырған 31 науқас тіркелді. Екі науқас кеше, яғни, 4 сәуір, 16:45-те анықталды. Олар – Шиелі ауданының тұрғындары. 1998, 1999 жылғы қыз балалар. 1998 жылғы студент азаматша Петропавл қаласынан келіп, карантин тәртібін сақтамай, 1999 жылғы құрбысына жұқтырған. Ал, үшінші науқас бүгін таңертең анықталды. Ол – Қармақшы ауданының тұрғыны. 50 жастағы ер азамат осы инфекцияны алдында жұқтырған адаммен байланыста болған. Жалпы, облысымыздағы жұқпалы аурулар ауруханасында – 31 адам, правизорлық стационарда – 33, карантинде – 272 адам ем қабылдап жатыр. Барлығының жағдайы қанағаттанарлық», – деді Жақсылық Абдусаметов.
</blockquote>
Оның айтуынша, Covid-19 індетін жұқтырған өңірдегі 31 науқаспен байланыста болғандардың саны – 740.&nbsp;Жақын қарым-қатынаста болғандар саны – 254, потенциалды байланыста болғандар – 486 адамды құрап отыр. Бүгінгі таңда барлығы бақылауға алынып, оқшауланған.
Басқарма басшысы атап өткендей, Қызылорда облысына қауіптілік деңгейі 1 (А) елдерінен 8 адам келген. Оның барлығы үй жағдайында бақылауға алынып, карантинге жатқызылған.
Сондай-ақ, өңірге қауіптілік деңгейі 1 (Б) елдерінен 142 адам келген. Оның төртеуі – стационарға оқшауланса, 142 – үй карантиніне алынған.
Жалпы, өңірде коронавирустық инфекцияны жұқтырған науқастар санының күрт көбеюіне – облыс тұрғындарының карантин тәртібін сақтамауы себеп болып отырған көрінеді. Олар жасалған ескертулерге қарамастан әлі күнге дейін жиындарға баруды, отбасылық басқосуларды тоқтатпай, керісінше, үдете түскен. Оқшаулану тәртібіне мүлдем құлақ аспаған. Нәтижесінде, өңірде ең алғашқы коронавирустық инфекция анықталған адамнан сол отбасының 21 мүшесіне қауіпті індет жұғып үлгерген.
<blockquote>
 «Яғни, инфекция анықталған бір ошақтан 21 адам қауіпті індет жұқтырып отыр. Барлығы – бір отбасының адамдары. Өкінішке орай, карантин және оқшаулану тәртіптері мен талаптарын сақтамаудың соңы осыған әкеліп отыр. Қызылорда облысына шетелдерден келгендердің арасынан 2 адамнан, өзге өңірлерден келгендердің ішінен 3 адамнан қауіпті індет анықталды. Нұр-Сұлтан, Алматы және басқа облыстардан келген студенттер карантин, оқшаулау талаптарын өрескел бұзуда. Бір ғана мысал, жоғарыда атап өткен Шиелі ауданының 22 жасар тұрғыны, студент Петропавл қаласынан келіп, құрбысына жұқтырған. Осы орайда ерекше қайталап атап өтетінім – карантин тәртібін қатаң сақтап, өзіңіздің де, өзгенің де өмірлеріне қауіп төндірмеңіздер», – деді басқарма басшысы.
</blockquote>
Айта кетейік, бұған дейін Қызылорда облысында Covid-2019 инфекциясын жұқтырғандар саны&nbsp;<a href="https://kyzylorda-news.kz/kogam/koronavirws-qyzylorda-oblysynda-nawqastar-sany-30-gha-zhetti-54176/">30 адамға жеткенін</a>&nbsp;хабарлаған болатынбыз.
Сондай-ақ, Қызылорда облысына <a href="https://kyzylorda-news.kz/kogam/koronavirws-qyzylorda-oblysyna-qawipti-ajmaqtardan-5000-nan-asa-stwdent-kelgen-54123/">қауіпті аймақтардан 5000-нан аса студент келгенін</a> де жазған едік.

Коронавирус: Қызылорда облысында инфекция жұқтырған 21 науқас – бір отбасының адамдары

<a href="https://kyzylorda-news.kz/">Kyzylorda-news.kz.</a> Коронавирус пандемиясына қарсы шаралар әрбір мемлекет үшін ауыр тиюде. Инфекцияны онымен күресіп жүрген дәрігерлер жұқтыруда. Қазірдің өзінде індеттен көз жұмған ақ халаттылардың саны күн санап артуда.
Қорғаныс киімдері мен маскаларға қарамастан дәрігерлер, медбикелер мен аурухананың басқа да қызметкерлері ауруды жұқтыруға бейім келеді. Оның себебі айтпаса да түсінікті.
Індетке шалдыққан медициналық қызметкерле вирустың асқынған түріне тап боладыі. Мамандардың пікірінше, бұл жағдай олардың вирус ортасында көп уақыттарын өткізетіндіктен екен. 
Ағзаға түскен вирус жасушалардың қызметіне кедергі келтіріп, жылдам көбейе бастайды. Ол инфекция тудырушылардың көптігі науқастың жағдайын одан сайын ушықтыратын көрінеді. 
Вирустардың адам денесінде көбеюі, оның өміріне қауіп төндіріп қана қоймай, науқасты күшті ауру таратушы етеді.
<blockquote>
 «Менің ағзамда вирустың көптігі, менің ауруды басқаларына тарату қауіптілігін жоғарылатады», – дейді.
</blockquote>
Лондондық инфекциялық институтының профессоры Уэнди Барклай. 
Яғни, бұл дегеніміз ауруға шалдыққандармен қарым-қатынаста жиі болатын медицина қызметкерлері жай ғана індетті жұқтырмай, вирустың көп мөлшерін өзіне қабылдайды деген сөз.
<blockquote>
 «Әрбір адамның иммундық жүйесі бұл вирустармен әрең күреседі. Вирустың көптігінен ағза оған қарсы бар күшін жұмсайды. Егер жануарларға вирустарды енгізетін болсақ, вирус көбейіп кеткендердің жағдайы ушыққанын байқаймыз», – дейді британдыө профессор.
</blockquote>
<a href="https://stan.kz/news-329290/">Stan.kz</a>

Қазақстан және Қызылорда облысының жаңалықтары: COVID-19