<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 230 адамға жетті. Соңғы тәулікте жаңадан анықталған 1 жағдай туралы бүгін облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте баяндады.
<blockquote>
 «Қазіргі таңда Қызылорда облысында коронавирустық инфекцияны жұқтырған 230 жағдай тіркелді. Соңғы тәулікте жаңадан 1 жағдай анықталды. Аталған науқас – Қызылорда қаласынан. Ол қалалық емхананың фильтр бөліміне келгенде анықталды. Осылайша, Қызылорда қаласында инфекция жұқтырған науқастар саны 93 тұрғынға жетті», – деді Жақсылық Абдусаметов.
</blockquote>
Оның айтуынша, COVID-19 індетін жұқтырған өңірдегі 230 науқаспен байланыста болғандардың жалпы саны – 3261.&nbsp;Оның ішінде, жақын қарым-қатынаста болғандар саны – 1789, потенциалды байланыста болғандар – 1472 адамды құрап отыр. Бүгінгі таңда барлығы бақылауға алынып, оқшауланған. Барлығының жағдайы қанағаттанарлық.
Сондай-ақ, бүгінгі таңда облысымыздағы жұқпалы аурулар ауруханасында – 70, правизорлық стационарда – 13, карантиндік стационарда – 142 адам бақылауда.
Брифингте Жақсылық Әбілқасымұлы мәлімдегендей, өткен тәулікте облысымызда коронавирустық инфекцияға байланысты 421 тест сынамасы жасалыпты.
<blockquote>
 «Соңғы тәулікте 421 тест сынамасы жасалды. Оның 402 – теріс мәнді болып шықты. Біреуі оң нәтиже берді. Ал, 19 – әлі тексерілу үстінде. Бүгінде облысымызда 4348 тест сынамасының қоры қалды. Жалпы, осы уақытқа дейін өңірде барлығы 17814 тест сынамасы алынды», – деді ол.
</blockquote>
Басқарма басшысы бүгіннен бастап облыстағы карантин талаптары тағы да жеңілдетілгенін, осыған орай аймақ тұрғындары сақтық шараларына баса мән беру керектігін жеткізді.
<blockquote>
 “Бүгіннен бастап облыста карантин талаптары тағы да жеңілдетілді. Сондықтан, қарым-қатынас көбейіп, қозғалыс ұлғаятыны түсінікті. Осыған орай, санитарлық-дезинфекциялық нормалардың сақталуына баса мән берген жөн. Коронавирустық инфекциядан қорғанудың ең тиімді және ең қарапайым тәсілі – оқшаулау және оқшаулану. Осы себепті, облыс тұрғындарын қарапайым ғана санитарлық нормаларды сақтап, қоғамдық орындарда арақашықтықты сақтауға шақырамын”, – деді Ж. Әбілқасымұлы.
</blockquote>
Айта кетейік, бүған дейін Қызылорда облысында коронавирустық инфекцияға шалдыққан науқастардың саны <a href="https://kyzylorda-news.kz/densawlyq/qyzylorda-oblysyndaghy-koronovirws-infekcijasyn-229-adam-zhuqtyrdy-61193/">229 адамға жеткенін</a>&nbsp;хабарлаған болатынбыз.

COVID-19: Қызылорда қаласында індет жұқтырғандар саны көбейіп келеді

<a href="https://kyzylorda-news.kz/">Kyzylorda-news.kz.</a> Көліктегі бас мемлекеттік санитар дәрігер Сәдуақас Байғабылов әуе көлігінде Covid-19 инфекциясына ПТР тесттен өту міндеттілігі жөніндегі талаптарды алып тастау туралы түсініктеме берді.
Осығандей мәлімделгендей, алдағы уақытта елдің ішкі әуе рейстеріне талаптар жұмсартылады. Себебі қазір сырттан келетін жолаушыларға COVID-19 белгілерін растайтын белгілері және басқа да талаптар бойынша арнайы мониторинг жүргізіледі.
Айта кету керек, 2020 жылдың 1 мамырынан 10 мамыры аралығында жүргізілген мониторинг нәтижелері бойынша әуе кемесімен ұшып келген жолаушылар, әуежай қызметкерлері мен әуе кемесінің экипаждары арасында коронавирус инфекциясын жұқтыру оқиғалары тіркелген жоқ.
Осыған байланысты, биылғы жылдың 11 мамырынан бастап жолаушылар, әуежайлар қызметінің өкілдері және экипаж үшін Covid-19 инфекциясына ПТР тесттен өту міндетті талабы алынып тасталды.
Көліктегі бас мемлекеттік санитарлық дәрігер тиісті қаулы қабылдады.

Енді қазақстандықтардан ұшаққа отырарда Covid-19-ға анықтама талап етілмейді

Kyzylorda-news.kz. Әлемді әбігерге салған коронавирус індетінің елімізде де белең алып, ушыға түсуіне жол бермеу мақсатында Мемлекет басшысы Қасым-Жомарт Тоқаевтың Жарлығымен республикада төтенше жағдай енгізілгеніне де екі айға жуық уақыт болды. Бұл азаматтардың қауiпсiздiгiн қамтамасыз ету үшін уақытша қабылданған мәжбүрлі шара еді. Ертең, 11 мамырда елімізде төтенше жағдай режимі алынады.
<blockquote>
 «Біз дер кезінде қолға алынған шаралардың арқасында коронавирус індетінің жаппай таралуына тосқауыл қойдық. Мұны Дүниежүзілік денсаулық сақтау ұйымы, халықаралық сарапшылар жоғары бағалады. Пандемия ел экономикасына кері әсерін тигізіп отыр. Осыған қарай, Үкімет азаматтарға, шағын және орта бизнес өкілдеріне қолдау көрсетуде. Бюджеттен қомақты қаражат бөлінді. Табысынан айырылған адамдар қаржылай көмек алып жатыр. Мұның бәрі халықтың тұрмыс жағдайын төмендетпеу үшін жасалуда. Қабылданған шаралар өз нәтижесін бере бастағанын көріп отырмыз. Жағдай күрделеніп кетпесе, төтенше жағдай режимі он бірінші мамырда аяқталады», – деген еді ҚР Президенті Қасым-Жомарт Тоқаев 4 мамыр күні Парламент Сенатының отырысында сөйлеген сөзінде .
</blockquote>
Бірақ бұл карантин шараларын да толық алып тастайынын білдірмейді. Қауіпсіздік шаралары алдағы уақытта да қатаң сақталуы шарт. Бұл ең алдымен еліміздің тұрғындарының қауіпсіздігін қамтамасыз ету үшін аса қажет. Өйткені, коронавирус індетінің таралуы бәсеңдегенімен күн сайын еліміздің әр жерінен вирус жұқтырып алғандардың тіркеліп жатқаны бар. Айталық, бүгіннің өзінде коронавирус инфекциясын жұқтырған тағы 81 адам Нұр-Сұлтан, Алматы қалаларында, Жамбыл, Маңғыстау, Ақмола, Қызылорда, Батыс Қазақстан, Атырау, және Қарағанды облыстарында анықталып, елімізде індетке шалдыққандардың саны 5000 адамнан асып отыр. Өкінішке қарай, 31 адам көз жұмды. Ал Қазақстан бойынша жазылған адамдар саны 1800-ден асып жығылады.
Жоғарыда айтқанымыздай, ертең, 11 мамыр күні елімізде төтенше жағдай режимі алынып тасталады. Соған байланысты карантин шаралары да босаңдатылуы мүмкін. Мұндай шешімді ҚР Президенті жанындағы Төтенше жағдай режимін қамтамасыз ету жөніндегі мемлекеттік комиссия қабылдайтындығы белгілі.
<a href="https://www.inform.kz/kz/erten-totenshe-zhagday-rezhimi-ayaktalady-birak-karantin-ali-saktalady_a3647996">ҚазАқпарат</a>

Ертең Төтенше жағдай режимі аяқталады, бірақ карантин әлі сақталады

Kyzylorda-news.kz. Бүгін, яғни 10.05.2020 ж. сағат 12:30 уақыты бойынша аймағымызда коронавирус індетінен тағы 3 науқас емделіп шықты. Бұл туралы облыстық денсаулық сақтау басқармасы хабарлады.
Емделушілердің емі толық аяқталған соң, 2 рет тест сынамасы алынды. Сынама нәтижесі теріс көрсеткіш көрсетуіне орай, яғни науқастар “Covid-19” вирусынан айығуына байланысты ауруханадан үйлеріне қайтарылды.
Індетті жеңген емделушілердің 2-уі Қызылорда қаласынан, 1-уі Шиелі ауданынан шықты.
Емделушілер алдағы уақытта 14 күн бойы аймақтық дәрігерлер бақылауында болады.
Осы күнге дейін өңірімізде індеттен айығып шыққандар саны – 159. (Кызылорда қаласы – 31, Арал ауданы – 4, Қазалы ауданы – 2, Қармақшы ауданы – 4, Сырдария ауданы – 26, Шиелі ауданы – 62, Жанакорған ауданы – 30).
Айта кетейік, аймағымызда бүгінгі күнге дейін коронавирус инфекциясының 229 дерегі тіркеліп отыр.(Қызылорда қаласында –92 жағдай, Жаңақорған ауданы – 31, Арал ауданы – 6, Сырдария ауданы – 26, Қармақшы ауданы – 5, Шиелі ауданы – 66, Қазалы ауданы – 3). Барлығының жағдайы бақылау барысында бірқалыпты.

Қызылорда: Инфекциядан айыққандар саны 159-ға жетті

Kyzylorda-news.kz. 10 мамырдағы сағат 09:45-тегі жағдай бойынша коронавирус инфекциясын жұқтырған тағы 61 адам тіркелді. Бұл туралы www.coronavirus2020.kz сайтында жарияланды.
Оның ішінде Нұр-Сұлтан қ. – 31, Алматы қ. – 11, Жамбыл облысында – 1, Маңғыстау облысында – 7, Ақмола облысында – 3, Қызылорда облысында – 3, Батыс Қазақстан облысында – 2, Атырау облысында – 1, Қарағанды облысында – 2.
Елімізде коронавирус инфекциясын жұқтырған жалпы 5036 адам анықталды. Олардың ішінде: Алматы қ. – 1571, Нұр-Сұлтан қ. – 1049, Атырау облысы – 296, БҚО – 239, Шымкент қ. – 229, Қызылорда облысы – 229, Қарағанды облысы – 191, Алматы облысы – 182, Жамбыл облысы – 178, Түркістан облысы – 174, Ақтөбе облысы – 172, Павлодар облысы – 154, Маңғыстау облысы – 120, Ақмола облысы – 109, Қостанай облысы – 61, ШҚО – 48, СҚО – 34.

Қазақстанда коронавирус жұқтырғандар саны 5 мыңнан асты

Kyzylorda-news.kz. 10.05.2020ж. сағат 09:30 уақыты бойынша өңірімізде “Covid-19” вирусын жұқтырғандар қатары 229-ға жетті. Бұл туралы облыстық денсаулық сақтау басқармасы хабарлады.
Тіркелген 3 жағдай да Қызылорда қаласынан анықталды. 
Айта кетейік, аймағымызда бүгінгі күнге дейін коронавирус инфекциясының 229 дерегі тіркеліп отыр.(Қызылорда қаласында –92 жағдай, Жаңақорған ауданы – 31, Арал ауданы – 6, Сырдария ауданы – 26, Қармақшы ауданы – 5, Шиелі ауданы – 66, Қазалы ауданы – 3). Барлығының жағдайы бақылау барысында бірқалыпты.

Қызылорда облысындағы короновирус инфекциясын 229 адам жұқтырды

<a href="https://kyzylorda-news.kz/">Kyzylorda-news.kz.</a> БҰҰ пандемиямен күресу үшін кедей елдерге көмектеспейтін болсақ, онда бүкіл әлемде қақтығыстар, аштық пен кедейлік болатынын ескертті, деп хабарлайды аталған ұйымның <a href="https://news.un.org/ru/story/2020/05/1377612">сайты</a>.
БҰҰ халықаралық ұйымдарға пандемиямен күресу үшін кедей елдерге 6,7 миллиард доллар бөлуге шақырды. Көптеген кедей елдерде пандемияның шарықтау шегі бірнеше айдан кейін болады. Алайда, бүгінде миллиондаған адамдар жұмысынан айырылып, өмір сүруге қаражатсыз қалды.
Аталған халықаралық ұйым гуманитарлық көмек көрсетудің жаңартылған жоспарын таныстырды. Ол кезде көмекке қажетті сумма 2 миллиард доллар болса, бүгінде ол қаражат жағдайдың күрделенуіне байланысты 6,7 миллиард долларға өскен.
<blockquote>
 «COVID-19&nbsp;пандемиясы – барлығымыз үшін сынақ. Алайда, әлемдегі кедей елдер өте қиын жағдайларда қалып отыр. Қазірдің өзінде олардың мигранттардан келетін және туризмнен түсетін қаражаттары қысқарды», – деді БҰҰ Бас хатшысының гуманитарлық мәселелер бойынша орынбасары Марк Локок, виртуальды конференцияда.
</blockquote>
Сондай-ақ, ол сөзінде пандемияның осы салдарын жоюмен күреспейтін болсақ, оның зардабын кедей елдер ғана емес, бүкіл әлем тартатындығын жеткізді.

БҰҰ биыл бүкіл әлемді аштық пен кедейлік күтіп тұрғанын мәлімдеді

<a href="https://kyzylorda-news.kz/">Kyzylorda-news.kz.</a> Ресей ғылым академиясы Медико-биологиялық мәселелер жөніндегі институтында бөлім меңгерушісінің орынбасары Светлана Поддубко коронавирустан қорғану үшін азық-түлікті қалай тазалау керегін айтып берді, деп хабарлайды&nbsp;<a href="https://ria.ru/">РИА Новости</a>.
Оның айтуынша, супермаркет немесе базардан алған азық-түлікті құрамында&nbsp;спирт бар дезинфекциялық құралдармен&nbsp;тазалау керек. Ал, хлор қосылған құралдармен тазалау денсаулыққа қауіпті болуы мүмкін.
<blockquote>
 “Яғни, сіз алып келген барлық затты, қаптаманы құрамында спирт бар дезинфекциялық заттармен тазалау керек. Хлоры бар құралдарды пайдаланбаған абзал. Бұл – айтарлықтай қауіпті”, – деді Поддубко.
</blockquote>
Оның айтуынша, кез келген дезинфекциялық құралдың қолданатын орны бар. Хлор қосылған құралдар сыртқы қабатты, есіктің тұтқаларын сүртуге арналған. Оның үстіне, хлор қосылған құралды жарты сағаттан кейін сүртіп тастау керек.&nbsp;
Поддубко жеміс-жидек пен көкөністі&nbsp;ыстық сумен жуу керегін&nbsp;ескертті. Себебі вирус 40 градустан асқан ыстыққа шыдамайды. Ал, жуылмаған азықты тоңазытқышқа бірден салуға болмайды, себебі вирус ауаға қарағанда суық жерде ұзақ сақталады.

Мамандар коронавирустан қорғану үшін азық-түлікті қалай жуу керектігін айтты

<a href="https://kyzylorda-news.kz/">Kyzylorda-news.kz.</a> АҚШ-та қытай ғалымы Бин Лю өлтірілді. Ол Питтсбург университетінің медициналық орталығында CoViD-19 негізіндегі жасушалық механизмдердің жұмысын ашу үшін ғылыми зерттеулер жүргізген, деп хабарлайды&nbsp;<a href="https://stan.kz/koronavirusti-zertteude-ulken-zhanalik-ashu-aldinda-tyr-330954/">Stan.kz</a>.
Ғалымның айтуынша, ол коронавирусқа қатысты маңызды жаңалық ашу алдында тұрғанын айтқан. Ол өз үйінде өлі күйінде табылған, оның басына, мойнына&nbsp;және аяқ-қолына оқ&nbsp;тиген.
<blockquote>
 “Ол таңқаларлық зерттеуші болды. Бин Лю SARS-CoV-2 инфекциясының негізіндегі жасушалық механизмдерді түсіну үшін өте маңызды жаңалықтарды ашудың&nbsp;табалдырығында тұрды. “Біз Людің зерттеуін аяқтауға бар күшімізді саламыз және осылайша оның қызметіне баға береміз”, – деді Питтсбург университеті.
</blockquote>
Өлтіруші аз уақыттың ішінде табылды. Ол да өлі күйінде табылды. Бұл адам ғалымның танысы Хао Гу болып шықты. Тергеушілердің айтуынша, ол алдымен Люді атып, содан кейін ғалымның үйінің жанында өз-өзіне қол салған.
Полицейлердің анықтауы бойынша, кісі өлтіргеннен кейін Гу Людің үйінен 100 метр жердегі&nbsp;тұрақтаған көлігіне оралып, сол жерде өз-өзіне қол салған. Гудың не үшін ғалымды өлтіргені әлі де белгісіз.
Полиция ғалымның атқарып жүрген қызметі кісі өліміне себеп болуы мүмкін екенін жоққа шығармайды. Бірақ полиция сонымен бірге кісі өлімінің себебі оның жеке өмірінде жасырылуы мүмкін деген нұсқаны да жоққа шығармайды.

Коронавирус туралы үлкен жаңалық ашқалы тұрған ғалымды атып кеткен

<a href="https://kyzylorda-news.kz/">Kyzylorda-news.kz</a>. Қызылорда облысында коронавирустық инфекциядан жазылған науқастардың саны 149 адамға жетті. Індеттен айыққандардың қатарына соңғы қосылған науқас – Сырдария ауданының тұрғыны.
8 мамыр 13:25-тегі&nbsp;ақпарат бойынша Қызылорда облысында тағы 1 адам қауіпті індеттен жазылып шыққан.
Ерекше атап өтерлігі – Сырдария ауданында осы індетке шалдыққан 26 науқастың барлығы жазылды.
Осылайша коронавирустық инфекциядан жазылғандар саны өңірде 149 адамға жетіп отыр.
Аталған науқастан 2 реттен сынама тест алынып, бәрі теріс мәнді нәтиже көрсеткен.
Олар алдағы 14 күнде дәрігерлердің бақылауында болады.

COVID-19: Сырдария ауданындағы барлық науқас айықты, облыста жазылғандар саны 149-ға жетті

<a href="https://kyzylorda-news.kz/">Kyzylorda-news.kz.</a> 11 мамырда белгілі бір санитарлық нормаларды сақтай отырып, Алматы мен Нұр-Сұлтаннан 7 қалаға – Қостанай, Көкшетау, Тараз, Талдықорған, Павлодар, Ақтөбе, Қарағандыға және керісінше рейстер қалпына келтіріледі, деп хабарлайды&nbsp;Көліктегі бас мемлекеттік санитарлық дәрігер Сәдуақас Байғабылов.
Коронавирустық пандемияға байланысты авиакомпания қызметкерлері үшін жұмысқа рұқсат тек COVID-19 (ПТР анықтамасының&nbsp;жарамдылығы 14 күнтізбелік күнге жарайды) және жеке қорғаныс құралдары үшін тестілеуден өткендігі туралы сертификат болған жағдайда ғана мүмкін болады. Ауысым&nbsp;алдында&nbsp;және ұшар алдында дене температурасын өлшейтін физикалық тексеру енгізілді.
Сонымен қатар, тұрақты рейстерді қайта бастамас бұрын, авиакомпания басшыларына ауаны&nbsp;желдету, әуе кемелеріндегі сүзгілерді ауыстыру, жеке қорғаныс құралдарын (маскалар, қолғаптар), қолды тазартқыш құралдармен және дезинфекциялық құралдармен қамтамасыз етуді&nbsp; жұмыстары тапсырылды.
Ұшу кезінде жолаушылар сауалнама толтырады. Сауалнаманың анықтығы тексеріледі, егер мәліметтер дұрыс болмаса, қосымша сауалнама жүргізіледі.
Тек COVID-19 тестін тапсырғаны туралы куәлік (ПТР анықтамасының жарамдылық мерзімі берілген күннен бастап 7 күнтізбелік күнге жарайды) болған жағдайда ғана жолаушыларды ұшуға жіберіледі. Тіркеу, ұшаққа отыру және ұшақтан ұшу кезінде жолаушылар кемінде бір метр қашықтықты ұстауы керек. Ұшақ бортында ұшу кезінде жолаушылардың қозғалысы шектеледі. Дәретханаларда кезек болмайды.
Сонымен қатар, Нұр-Сұлтан, Алматы, Ақтөбе, Қарағанды, Қостанай, Көкшетау, Тараз, Талдықорған және Павлодар қалаларының халықаралық әуежайларының басшылары мыналарды қамтамасыз етуі тиіс:
– қызметкерлердің жұмысқа COVID-19 (ПТР анықтамасы жарамдылық мерзімі берілген күннен бастап 14 күнтізбелік күн) және жеке қорғаныс құралдарын сынақтан өткізгені туралы анықтама&nbsp;болған кезде рұқсат етіледі;
– дене қызуын өлшейтін қызметкерлерді ауысым алдындағы медициналық тексеруден өткізу;
– әуе кемесін тіркеу, отырғызу және түсіру кезінде жолаушылар арасындағы қауіпсіз қашықтықты (1 метр) сақтау;
– әуежай ғимаратына, ұшып шығу аймағына және әуе кемесіне жолаушыларды жеке қорғаныс құралдарымен&nbsp;(бетперде) қатаң түрде қабылдау;
– әуежай ғимаратында (күту бөлмелері, ана мен бала бөлмесі, жуынатын бөлме) санитарлық тазартқыштардың болуы;
– жолаушылар тұратын жерлерде жуғыш және дезинфекциялық заттарды қолдана отырыпжалпы тазалық жұмыстарын&nbsp;жүргізу;
– медициналық орталықтарда қажетті дәрі-дәрмектердің, медициналық мақсаттағы бұйымдар мен жабдықтардың, жеке қорғаныс құралдарының (қорғаныс костюмдері, маскалар мен қолғаптар), дезинфекциялық құралдардың (антисептиктер) болуы;
– дене қызуы көтерілген немесе аурудың белгілері бар жолаушыларға&nbsp;жедел жәрдем бригадасы келгенге дейін санитарлық-карантиндік пункттің мамандары медициналық тексеру жүргізу;
– ауру белгілері бар жолаушыларды анықталған жағдайда&nbsp;әуежай ғимаратында жолаушы болған орындарды&nbsp;дезинфекциялау.
<blockquote>
 «Ауру немесе ауру белгілері бар адамдар анықталған жағдайда (жөтел, ентігу, тыныс алудың нашарлауы) жолаушыны аэровокзал изоляторына&nbsp;апару керек», – делінген құжатта.
</blockquote>

11 мамырда Алматы мен Нұр-Сұлтаннан Қазақстанның 7 қаласына рейстер іске қосылады

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 225 адамға жетті. Соңғы тәулікте жаңадан анықталған 2 жағдай туралы бүгін облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте баяндады.
<blockquote>
 «Қазіргі таңда Қызылорда облысында коронавирустық инфекцияны жұқтырған 225 жағдай тіркелді. Соңғы тәулікте жаңадан 2 жағдай анықталды. Екеуі де – Қызылорда қаласынан. Олар алдында анықталған науқастармен тікелей қарым-қатынаста болып, карантиндік бақылауға алынған еді. Бұл науқастарда 14 күндік бақылау аяқталған соң, қайтадан сынама тест алған кезде инфекция анықталып отыр. Осылайша, Қызылорда қаласында анықталған науқастар саны 88 адамға жетті», – деді Жақсылық Абдусаметов.
</blockquote>
Оның айтуынша, COVID-19 індетін жұқтырған өңірдегі 225 науқаспен байланыста болғандардың жалпы саны – 3294.&nbsp;Оның ішінде, жақын қарым-қатынаста болғандар саны – 1794, потенциалды байланыста болғандар – 1500 адамды құрап отыр. Бүгінгі таңда барлығы бақылауға алынып, оқшауланған. Барлығының жағдайы қанағаттанарлық.
Сондай-ақ, бүгінгі таңда облысымыздағы жұқпалы аурулар ауруханасында – 77, правизорлық стационарда – 19, карантиндік стационарда – 297 адам бақылауда.
Брифингте Жақсылық Әбілқасымұлы мәлімдегендей, өткен тәулікте облысымызда коронавирустық инфекцияға байланысты 288 тест сынамасы жасалыпты.
<blockquote>
 «Соңғы тәулікте 288 тест сынамасы жасалды. Оның 279 – теріс мәнді болып шықты. Бүгінде облысымызда 4665 тест сынамасының қоры қалды», – деді ол.
</blockquote>
Сондай-ақ, басқарма басшысы облыс тұрғындарын мереке және демалыс күндері карантин талаптарын сақтап, ардагерлердің өміріне қауіп төндірмеуге шақырды.
<blockquote>
 «Жеңістің 75 жылдық мерейтойы демалыс күндерімен қатар келіп отыр. Әрине, тұрғындар осы мерекемен ата-әжелерімізді құттықтағысы келетіні жасырын емес. Үлкен кісілердің бұл індетті тез жұқтыру қаупі басым екендігін естен шығармаған жөн. Олар жұқтырған жағдайда ауыр ағымда өткізеді. Сондықтан, ардагерлерді онлайн құттықтауға, адамдардың шоғырлануына жол бермеуге, мерекелік басқосулар мен отырыстар өткібеуге, сіздерді тағы да қарым-қатынас арқылы індет жұқтырудың алдын алуға шақырамын», – деді Ж. Әбілқасымұлы.
</blockquote>

Қазақстан және Қызылорда облысының жаңалықтары: COVID-19