<a href="https://kyzylorda-news.kz/">Kyzylorda-news.kz.</a> Қызылорда облысы әкімінің орынбасары Серік Ахмет Сырдария ауданына іссапармен келіп, аудандық аураханада болды.
Қазіргі жағдайға байланысты атқарылып жатқан жұмыстарды аудандық аурухана бас дәрігерінің міндетін атқарушы Ә.Іскендірова таныстырды.
<img src="https://kyzylorda-news.kz/wp-content/uploads/2020/07/fb_img_1595039725730.jpg" alt="" />
Бүгінде инфекциямен нақтыланған науқастарды қабылдауға жұқпалы аурулар бөлімшесінен 30 төсек орны, провизорлық стационардан 40 төсек орны және қабылдау бөлімінен 9 фильтр төсек орны жұмыс жасауда. Жұқпалы індетпен күресте ауданда медицина қызметкерлері аянбай еңбек етуде. Ал науқастарға қажетті оттегілік балон жеткілікті және керекті медициналық препараттар қоры жасақталған. Ауданда өкпені жасанды желдететін 2 аппарат бар. Осы ретте, бас дәрігердің міндетін атқарушы аталған аппарат жетіспеушілігі бар екенін атап, оған қатысты облыстық денсаулық сақтау басқармасына сұраныс берілгенін жеткізді.
<img src="https://kyzylorda-news.kz/wp-content/uploads/2020/07/fb_img_1595039734045.jpg" alt="" />
Облыс әкімінің орынбасары аймақта індетпен күресте кешенді шаралар жасалып жатқанына тоқталды.
<blockquote>
 “Қазіргі жағдай күрделі. Облыста қауіпті кесел жұқтырғандар саны тоқтар емес. Сондықтан жағдайды қалыпты ұстау үшін тиісті шаралар қабылдануда. Аудандардағы ауруханаларды медициналық құралдармен қамтамасыз ету үшін жан-жақты қолдау көрсетілуде. Кәсіпкерлер мен еріктілер де жанашырлық танытуда. Осы орайда тынымсыз еңбек етіп жатқан медицина қызметкерлерінің еңбегі орасан зор. Олар өздерінің жеке бастарын қауіпке тігіп, науқастарға ем-дом жасап жүр. Сондықтан медицина қызметкерлеріне алғысымыз шексіз”, – деді облыс әкімінің орынбасары Серік Әбжәлелұлы.
</blockquote>
<img src="https://kyzylorda-news.kz/wp-content/uploads/2020/07/fb_img_1595039727813-1.jpg" alt="" />
<img src="https://kyzylorda-news.kz/wp-content/uploads/2020/07/fb_img_1595039731891-1.jpg" alt="" />
Ауданға сапары барысында Серік Ахмет Тереңөзек кентіндегі «Lab Servicе company» ЖШС (бұрынғы «Ансар») дәріханасына барды.
Мұнда дәріхана меңгерушісімен және фармацевт маманмен тілдесіп, қалыптасқан жағдайда дәрі-дәрмек қорының жасақталуын сұрады. «Lab Servicе company» ЖШС дәріханасы аудан тұрғындарына тәулік бойы қызмет көрсетеді. Мұнда қазіргі кезеңде көп сұралатын “Азитромицин”, “Цефтриаксон”, “Дексаметазон”, “Амоксициллин”, “Аспирин”, “Кагоцел” секілді дәрілер мен керекті дәрілердің орнын ауыстыратын антибиотиктер бар.
Дәріханада фармацевт Н.Мясцов бүгінде дәрі іздеген тұрғындар азайғанын жеткізді. Қажетті деген дәрілер, медициналық құралдар, антибиотиктер сатылымда екенін және тұрақты жеткізіліп тұрғанын атап көрсетті.
<img src="https://kyzylorda-news.kz/wp-content/uploads/2020/07/fb_img_1595039311967-1.jpg" alt="" />
<img src="https://kyzylorda-news.kz/wp-content/uploads/2020/07/fb_img_1595039316094.jpg" alt="" />

Қызылорда облысы әкімінің орынбасары Сырдария ауданына барды (ФОТО)

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова мен ҚР Парламенті Сенатының депутаты Мұрат Мұхамедов Қызылорда қаласындағы бірқатар денсаулық сақтау нысандарын аралады.
Алдымен облыс әкімі мен Сенат депутаты облыстық көпбейінді аурухананың жұмысымен танысып, індет жұқтырған азаматтардың палатасына кіріп жағдайын білді. Бүгінде ауруханада 525 төсек орны бар, одан бөлек инфекциялық науқастарға арналған қосымша 30 төсек орын әзірленген.
Облыс аумағында коронавирус инфекциясымен ауырғандарды және қарым-қатынаста болғандарды бақылау мақсатында эпид маусым басында барлығы 760 төсек орын ашылған болатын. Бүгінгі күні эпидемиологиялық ахуалға байланысты 2410 төсек-орынына дейін көбейтілді. Оның ішінде инфекциялық төсек саны 620 орынды құраса, провизорлық төсек орын саны – 1 790. Бүгінгі күні облыс бойынша 64 ИВЛ аппараты істеп тұр. Оның 6 – облыстық жұқпалы аурулар ауруханасында. Бірақ бұл жеткіліксіз. Осы орайда, кәсіпкерлер тарапынан қолдау көрсетіліп, қосымша 13 аппарат жеткізілген. Бұдан басқа, Қазақстан Республикасы Денсаулық сақтау министрлігіне 63 ИВЛ аппаратына өтінім берілді.
Сондай-ақ, жуырда жергілікті кәсіпкерлер қосымша 32 оттегі концентраторын жеткізді. Оның 15 данасы аудандарға, 10 данасы облыстық жұқпалы аурулар және 7 қалалық ауруханаларына жөнелтілді.
Мұнан соң Гүлшара Әбдіқалықова мен Мұрат Бахтиярұлы «Зерде» дәріханасына барды. «Зерде» жауапкершілігі шектеулі серіктестігінің Қызылорда қаласында 3 дәріханасы бар. Аталған дәріханаларға аптасына екі мәрте қажетті дәрі-дәрмек жеткізіліп, толықтырылып отырады. Бүгін, дәріханалар желісіне халық көп іздеп жүрген «Эуффелин», «С» витамині, «Сумамед», «Ципролет», «В» витаминдер кешені, «Милгамма», «Ремаберин», «Полиоксидоний», «Офло», т.б. дәрілік заттар келіп түсті.Еске салайық, 8 шілдеден бастап Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаменті мен өзге де құзырлы органдардан, қоғам белсенділерінен құрылған мониторингтік топ жұмыс істеуде. Олар осы күнге дейін 8 емхана, 50-ден аса дәріхана мен СҚ «Фармация» ЖШС дәрілік қоймасына мониторинг жүргізді.
Одан кейін, өңір басшысы мен Сенат депутаты облыстық жұқпалы аурулар, қалалық ауруханаларының және №6 емхананың жұмыстарымен танысты. Науқастарға амбулаторлы жағдайда медициналық көмектің қолжетімдігін қамтамасыз ету мақсатында және динамикалық бақылауды қажет ететін науқастарды үй жағдайында бақылау үшін 6-шы емхана жанынан мобильді топ жұмыс жасауда.Жалпы облыс бойынша 125 мобильді топ бар. Оның 33 қалада, 28 аудан орталықтарында және 64 елді мекендерде халыққа қызмет көрсетуде. Мобильді топ құрамына 1 дәрігер, 1 орта буын қызметкері және 1 жүргізуші кіреді.
Одан бөлек, облыстық денсаулық сақтау басқармасының бұйрығымен ағымдағы жылдың 13 шілдесінен бастап пневмония диагнозы қойылып, амбулаторлы емді қажет ететін науқастарға «Үй жағдайындағы стационар» қызметі қосылды.
<img src="https://kyzylorda-news.kz/wp-content/uploads/2020/07/fb_img_1595039030249.jpg" alt="" />
<img src="https://kyzylorda-news.kz/wp-content/uploads/2020/07/fb_img_1595039018658-1.jpg" alt="" />
<img src="https://kyzylorda-news.kz/wp-content/uploads/2020/07/fb_img_1595039014144-1.jpg" alt="" />
<img src="https://kyzylorda-news.kz/wp-content/uploads/2020/07/fb_img_1595039010694-1.jpg" alt="" />
<img src="https://kyzylorda-news.kz/wp-content/uploads/2020/07/fb_img_1595039005369-1.jpg" alt="" />
<img src="https://kyzylorda-news.kz/wp-content/uploads/2020/07/fb_img_1595039025190-1.jpg" alt="" />

Қызылорда: Дәрілік заттардың бағасы бақылауда (ФОТО)

<a href="https://kyzylorda-news.kz/">Kyzylorda-news.kz.</a> Дүниежүзілік денсаулық сақтау ұйымы Еуропалық бюросының төтенше жағдайлар жөніндегі аймақтық директоры Дорит Нитцан Қазақстандағы COVID-19 бен пневмонияның біріктірілген статистикасы туралы пікір білдірді, деп хабарлайды <a href="https://www.inform.kz/kz/ddsu-bosansuga-bolmaydy-virus-taralyp-barady_a3673858">ҚазАқпарат.</a>
<blockquote>
 _«Қазақстандағы COVID-19 бойынша жағдай жақсаруда. Жұқтыру жағдайлардың үштен бірі соңғы аптада тіркелгеніне қарамастан, төмендеу байқалады. Мемлекет бірқатар санитарлық шараларды әзірлеп жатыр. Сонымен қатар науқастарды емдеу және аурухананың жағдайындағы инфекцияны бақылау шараларын жетілдіруде. Әсіресе, Қазақстан пневмониясы жоқ пациенттерді COVID-19 бойынша ДДСҰ зертханаларында тестілеуге келісті. Осыған ұқсас жағдайларда барлық елге осы жұмыс әдісін қолдануға кеңес береміз», – деді онлайн байланысқа шыққан Дорит Нитцан ОКҚ алаңы арқылы. 
 _
</blockquote>
Оның айтуынша Қазақстан әлемдік стандарттарға сай жағдайларды жаңаша тіркеуге көшіп келеді. 
<blockquote>
 «Пациенттің COVID-19 ауруына немесе басқа сырқатқа шалдыққанын анықтауда бұл маңызды қадам. Қайта классификациялау COVID-19 жағдайларының өскенін көрсетеді. Қайта есептеу барысында өсім күрт артады. Алайда бұл елде COVID-19 жұқтыру жағдайы артып кеткенін білдірмейді», – деді ол. 
 Дорит Нитцан әзірге жұмысты әлсіретпеу керектігін атап өтті. 
«Вирус таралып барады. Тоқтата алатын бәрінің де көмегі керек. Барлық деңгейдегі мемлекеттік құрылым, медицина қызметкерлері, азаматтық қоғам – бәрі көмектесуі тиіс», – деді ол.
</blockquote>

ДДСҰ: Босаңсуға болмайды – вирус таралып барады

<a href="https://kyzylorda-news.kz/">Kyzylorda-news.kz.</a> Өзбекстан Қызылордаға медициналық заттарды гуманитарлық көмек ретінде жіберді.
Медициналық қорғаныс құралдарынан тұратын жүктің жалпы саны 240 мың.
Бұл заттар облыстағы медициналық мекемелердің қажеттілігіне қарай таратылатын болады.

Қызылордаға Өзбекстаннан гуманитарлық көмек келді

<a href="https://kyzylorda-news.kz/">Kyzylorda-news.kz.</a> Қазақстанда өкпесі қатты зақымданған, пневмониямен ауырған науқастар сауыға бастады. Соңғы аптаның өзінде Нұр-Сұлтан қалалық фтизиопульмонология орталығында жағдайы ауыр бірнеше науқастың беті бері қарады.
Бұл туралы Ресейдің денсаулық сақтау министрлігі фтизиопульмонология және жұқпалы аурулар ұлттық медициналық зерттеу орталығының пульмонологы Евгений Попов&nbsp; мәлімдеді.
Құрамында 32 дәрігер бар ресейлік делегация 6 шілдеде Қазақстанға ұшып келді. Олардың ішінде реабилитологтар, инфекционистер, пульмонологтар, эпидемиологтар бар. Дәрігерлер топқа бөлініп, Нұр-Сұлтан, Алматы мен Атырау ауруханаларына жберілді.
Ресейліктер еліне қашан оралатыны белгісіз. Ресей пульмонологы Евгений Попов әріптестерімен бірге күн сайын Нұр-Сұлтан фтизиопульмонология қалалық орталығына жұмысқа шығады.
– Қазақстанда немен айналысып жатырсыз?
– Ең алдымен консультативтік көмекті ұйымдастырып жатырмыз. Ресейдегі жұмыстан тәжірибеміз бар, тек Мәскеу мен Мәскеу облысында ғана емес, басқа аймақтарда да жұмыстың қалай ұйымдастырылғанын білеміз. Сол тәжірибемізді бөлісуге дайынбыз.
Екіншіден, әдістемелік көмек көрсетіледі. Ол жерде қызметкерлердің қауіпсіздігі, материалдар мен жеке қорғаныс құралдары шығынын азайтуға, әр түрлі науқастар үшін фармакотерапияны тиімді пайдалануға болатынын түсіндіру қажет. Ең бастысы – кеңес беру, себебі Қазақстанға келген дәрігердің барлығы практик-мамандар.
– Жұмыс күніңіз қалай өтеді?
– Біз бөлім дәрігерлерімен ортақ чат құрдық. Бөлім меңгерушісі қандай науқастарды бірінші кезекте қарау немесе кеңес беру, терапияны өзгерту немесе қандай да бір қосымша тағайындаулар жасау қажет екенін анықтайды. Біз сол науқастарға кеңес береміз.
Егер бөлімге бірінші рет баратын болсақ, онда барлығына бірдей кеңес береміз және қандай пациенттер терапияны түзетуді талап ететінін немесе кімді ауруханадан шығаруға болатынын анықтаймыз.
Мұның барлығын қазақстандық дәрігерлердің өздері де біледі, бірақ кейде олардың әрекетінің дұрыс екенін нақтылайтын қосымша пікір де қажет.
– Қазақстандық әріптестеріңіздің жұмысын қалай бағалайсыз?
– Өзім болған жерлерді “төртке бағалаймын”, кімге болсын “бес” деген баға қою қиын. Науқастар саны көбейген кезде қиын жағдайда дәрігерлерге жұмыс істеу оңай емес. Көп жағдайда емдеуге аз ғана түзету енгізіп жатырмыз. Қазақстанда дәрігерлердің тәжірибесі бар, олар не істеу керек екенін біледі. Жаңа айтып өткенімдей, кейде қосымша пікір қажет.
Сондықтан осы жерде жағдайы ауыр науқастармен жұмыс істейтін барлық маманның жеткілікті тәжірибесі бар деп санаймын.
– Алматыда жақында өкпесі толық зақымдалған әйел сауығып шықты. Тәжірибеңізде мұндай жағдай жиі болып тұра ма?
– Өкпенің 80% және одан да көп бөлігі зақымданған 4-5 науқастың жағдайы тұрақтанды. Осы ауруханада жұмыс істей бастаған бір аптада жағдайы ауыр науқастар тізімінен жағдайы қалыптыларға қосылғандар да бар. Даму байқалады. Тек Алматыда ғана емес, астанада да мұндай жағдай болып жатыр.
Кейде таңғажайып оқиғалардың куәсі болып жатамыз. Өзі травматолог болып жұмыс істейтін дәрігер ауруханада ұзақ жатты. Біздің көз алдымызда аяққа тұрды деуге болады. Бастапқыда науқастың тыныс алу жетіспеушілігі 95%-ті көрсетсе, ауруханадан шығар кезде бұл көрсеткіш айтарлықтай жақсарды.
– Сіздің ойыңызша, күзде қандай жағдай болады? Қазірден бастап неге дайындалу қажет?
– Коронавирус инфекциясы аяқталмайтынын түсіну керек, бұл да басқа вирусты ауру секілді болады. 
Ол уақытқа дейін халықтың басым бөлігі ауырады, көбі ауру белгілерінсіз немесе жеңіл түрде өткізеді. Қазір бізде басқа вирусты инфекция жоқ. Ал қазанда күн суық болған кезде, өзге вирустар өршуі мүмкін. Сондықтан екі ауруды дұрыс ажыратып, диагностикалау қажет. Себебі емдеу тұрғысынан бұл маңызды болып саналады. Ал коронавирустың екінші немесе үшінші толқыны енді болмайды.
– Мұндай жағдайда коронавирус пандемиясы кезінде тұмауға қарсы екпе салдыруға бола ма?
– Профилактикалық вакцинация белгіленген мерзімде жүргізілуі тиіс. Тұмау эпидемиясы жылдың соңына қарай басталады. Вакцинация қыркүйек-қазан айларында жүргізіледі. Иммунитет бірнеше ай бойы дамиды, нәтижесі аурудың шыңына жеткен уақытпен сәйкес келуі керек.
– Қазір коронавируспен күресудің көптеген “балама” тәсілдері пайда болды. Темекі тартатын адамдар коронавируспен жеңіл ауырып шығады деген пікір тараған соң кейбір тұрғындар темекі тарта бастады. Бұл қаншалықты рас?
– Пульмонолог ретінде нақты ештеңе айта алмаймын. Никотин тромбоциттер активаторы болып саналады, ол қан ұюды күшейтеді. Темекі тартатындар жеңіл ауырып немесе мүлде ауырмайды демеймін. Бұл да ішімдік ішу туралы миф секілді. Ішімдік коронавирустан қорғамайды және емдемейді.
– Қымыз бен саумал жайында не айта аласыз?
– Біз қымызбен саумалдың дәмін көрдік. Дәмді екен, пайдалы да шығар. Алайда қымыз бен саумалда коронавирустан қорғауға әсер ететін заттар жоқ.
<a href="https://sputniknews.kz/society/20200716/14491753/dariger-qazaqstan-aurukhana.html">Sputnik</a>

Қазақстанға келген ресейлік дәрігер: &#8220;Коронавирус инфекциясы аяқталмайтынын түсіну керек&#8221;

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 1707 адам коронавирус індетімен ауырғаны белгілі болды, деп хабарлайды coronavirus2020.kz сайты.
Оның ішінде 782 адам клиникалық белгілері жоқ тасымалдаушы тіркелді.
Аймақтар бойынша (жалпы/симптомсыз):
Нұр-Сұлтан қаласы – 214 / 73
Алматы қаласы – 282 / 120
Шымкент қаласы – 55 / 28
Ақмола облысы – 45 / 26
Ақтөбе облысы – 51 / 34
Алматы облысы – 57 / 29
Атырау облысы – 181 / 132
Шығыс Қазақстан облысы – 130 / 55
Жамбыл облысы – 89 / 56
Батыс Қазақстан облысы – 108 / 58
Қарағанды облысы – 128 / 49
Қостанай облысы – 53 / 13
Қызылорда облысы – 93 / 37
Маңғыстау облысы – 53 / 32
Павлодар облысы – 83 / 21
Солтүстік Қазақстан облысы – 65 / 7
Түркістан облысы – 20 / 12
Жалпы ел бойынша ауырғандар саны 66895.

Қазақстанда коронавирус індетімен ауырғандар саны 66895-ке жетті

Kyzylorda-news.kz. Коронавирус эпидемиясы қазақстандықтардың барлығы дерлік ауырып шыққаннан кейін тоқтайды. &nbsp;Жоғары санаттағы дәрігер, инфекционист, медицина ғылымдарының докторы Ғалия Жұманбаева&nbsp;<a href="http://nv.kz/2020/07/15/245082/">NV.kz</a>&nbsp;басылымына берген сұқбатында осындай болжам жасады.
Дәрігердің пікірінше, індеттен құтылу үшін ұжымдық иммунитет 70%-ке жетуі тиіс.
<blockquote>
 “Эпидемия ұжымдық иммунитет 70%-ке жеткенде, яғни халықтың барлығы дерлік ауырып шыққаннан соң тоқтайды. Бірақ, иммунитет бәрінде бірдей қалыптаспайды, мықты емес әрі ұзаққа созылмайды. Оның үстіне құрамында РНК бар вирустың мутацияларына бейімделіп үлгермеуі мүмкін. Осының барлығын ескеру қажет. Сол себепті шамамен үш айдан кейін азаматтар қайтадан ауыруы мүмкін, тиісінше, жаңа карантин жарияланады. Өйткені иммунитет орта есеппен 3 айға ғана сақталады”, – деді Жұманбаева.
</blockquote>
Дәрігер адамды вирустан не қорғайтынын айтты.
<blockquote>
 “Вирустан ең тиімді қорғаныш — біздің иммунитетіміз. Маска &nbsp;— даулы тақырып. Мен көшеде бетпердесіз жүруге болады деп санаймын. Ал жабық кеңістікте, әрине, кию қажет”, – деді инфекционист.
</blockquote>
Осы орайда Жұманбаева коронавирус белгілері байқалатын пациенттерге кеңес берді.
<blockquote>
 “Босқа отырмай, тез әрі интенсивті емделу қажет, вирустан үш қадам алда жүрген дұрыс. Пневмония кезінде дене қызуы, жөтел, қандай да бір ауру болмауы мүмкін. Ал компьютерлік томография өкпенің 60 пайызы зақымдалғанын көрсетіп жатады. Сондықтан барлық кешенді ем шараларын қабылдау керек”, -деді дәрігер.
</blockquote>

Қазақстандық дәрігер коронавирус індеті қашан тоқтайтынын айтты

<a href="https://kyzylorda-news.kz/">Kyzylorda-news.kz.</a> Қазақстанда 15 шілде сағат 23:59-дағы эпидемиологиялық жағдай бойынша коронавирус жұқтырғандар саны 1674-ті құрады, деп хабарлайды <a href="https://www.coronavirus2020.kz/kz/kazakstandagy-koronavirus-boyynsha-15-shilde-23-59-dagy-epidemiologiyalyk-zhagday_a3673252">www.coronavirus2020.kz</a>/ сайты.
Оның ішінде 863 адам клиникалық белгілері жоқ тасымалдаушы тіркелді.
Аймақтар бойынша (жалпы/симптомсыз):
Нұр-Сұлтан қаласы – 204 / 83
Алматы қаласы – 219 / 126
Шымкент қаласы – 76 / 40
Ақмола облысы – 43 / 24
Ақтөбе облысы – 53 / 28
Алматы облысы – 88 / 55
Атырау облысы – 218 / 176
Шығыс Қазақстан облысы – 133 / 60
Жамбыл облысы – 87 / 46
Батыс Қазақстан облысы – 101 / 61
Қарағанды облысы – 100 / 36
Қостанай облысы – 49 / 21
Қызылорда облысы – 74 / 36
Маңғыстау облысы – 41 / 25
Павлодар облысы – 63 / 20
Солтүстік Қазақстан облысы – 95 / 7
Түркістан облысы – 30 / 19
Жалпы ел бойынша ауырғандар саны 65188.

Қызылордада соңғы тәулікте коронавирус жұқтырған 74 адам тіркелді

<a href="https://kyzylorda-news.kz/">Kyzylorda-news.kz.</a> Қазақстан Республикасының Президенті Қ.Тоқаевтың 2020 жылғы 13 шілдедегі Жарлығымен Қазалы ауданаралық ауруханасының жұқпалы аурулар бөлімінің меңгерушісі, дәрігер инфекционист, марқұм Жұмағазы Іскендір Жиенбайұлы «Құрмет» орденімен наградталған болатын.
Бүгін аудан әкімі Мұрат Ергешбаев Жұмағазы Іскендір Жиенбайұлының «Құрмет» орденін марқұмның әкесі Жиенбай Жұмағазиевке табыстады.
<blockquote>
 “Осындай қиын қыстау кезеңде біздің дәрігерлер азаматтарымыздың өмірін аман алып қалу үшін ештеңемен санаспай ауыр дертке бетпе бет келді. Өкінішке қарай, бұл күресте біз алдыңғы қатарда тұрған медицина қызметкерлерімізден де айрылып қалып жатырмыз. Президентіміз Қасым-Жомарт Кемелұлы Тоқаев өмірінің соңына дейін борышын өтеген дәрігерлердің еңбегін жоғары бағалап, Іскендір Жұмағазиевке қайтыс болғаннан кейін «Құрмет» орденін беру туралы Жарлыққа қол қойды. Бұл денсаулық сақтау саласы үшін орны толмас қасірет”, – деді дәрігердің әкесіне «Құрмет» орденін табыс еткен аудан әкімі Мұрат Нәлхожаұлы.
</blockquote>
Іскендір Жиенбайұлы денсаулық сақтау саласында 
35 жылдан астам қызмет атқарған ақ халатты абзал жан.
Ол өзінің алғашқы еңбек жолын 1986 жылы Қазалы аудандық ауруханасында дәрігер педиатр болып бастаған. Одан кейінгі жылдары «Жетес би» жанұялық дәрігерлік емханасында аймақтық бала дәрігері, балалар бөлімінің меңгерушісі қызметтерін атқарды.
2015 жылдың тамыз айынан бастап өмірінің соңына дейін жұқпалы аурулар бөлімінің меңгерушісі, дәрігер инфекционист болып еңбек етті.
Елге қызмет атқару барысында оның елге жасаған еңбектерін аудан халқы жақсы біледі. Оның көп жылғы еңбегі елеусіз қалмай «Денсаулық сақтау саласына қосқан үлесі үшін» төсбелгісімен марапатталған.
Аты жаман ауру өршіген кезде өз iсiнiң шеберi, елінің нағыз жанашыры күн-түн демей жұқпалы аурулар бөлімінде профизорлық стационарда жұмыс жасап, көптеген науқастардың жазылып шығуына себепкер болды.
<img src="https://kyzylorda-news.kz/wp-content/uploads/2020/07/fb_img_1594802921967.jpg" alt="" />

Дәрігер, марқұм Іскендір Жұмағазы   &#8220;Құрмет&#8221; орденімен марапатталды

Kyzylorda-news.kz. Дүниежүзілік денсаулық сақтау ұйымы (ДДСҰ) жұма күні Қазақстандағы белгісіз өкпе ауруын COVID-19 деп санайтынын мәлімдеді.
ДДСҰ төтенше жағдай бағдарламасының жетекшісі Майк Райан Қазақстандағы пневмонияның көпшілігі шын мәнінде, анықталмаған COVID-19 екенін айтты, деп хабарлайды <a href="https://qamshy.kz/article/58527-ddsu-qazaqstandaghy-pnevmoniya-–-is-dguzinde-anyqtalmaghan-koronavirus">Қамшы</a>.
Бұған дейін әлемдік жетекші бұқаралық ақпарат құралдары “Қазақстанда өлім мөлшері коронавирустан да жоғары белгісіз пневмания пайда болды” деп жарыса&nbsp;<a href="https://qamshy.kz/article/58503-alemdik-dgetekshi-baq-tar-qazaqstanda-kvi-dan-da-qauipti-pnevmoniya-virusynynh-t">ақпарат жариялаған.</a>&nbsp;Оған себеп, Қазақстанның денсаулық сақтау министрі Алексей Цойдың “2020 жылы пневмониядан 1172 адам қайтыс болды” деген&nbsp;<a href="https://24.kz/kz/zha-aly-tar/o-am/item/408220-elimizde-pnevmoniya-a-shaldy-andar-sany-50-art-an">мәлімдемесі.</a>&nbsp;Алексей Цой келтірген дерекке сай, пневмониядан қайтыс болғандар коронавирус өлімінен бес есеге көп, себебі ресми статистика бойынша қазірге дейін Қазақстанда COVID-19-дан көз жұмғандар саны 264.
Ал 3 шілде күні ҚР бас санитар дәрігері Айжан Есмағамбетова&nbsp;2020 жылдың алғашқы алты айында 1772 адамның,&nbsp;маусымда 628 адамның&nbsp;пневмониядан қайтыс&nbsp;<a href="https://24.kz/ru/news/social/item/406785-prichiny-rosta-zabolevaemosti-pnevmoniej-izuchayut-v-minzdrave">болғанын айтқан</a>.&nbsp;Бұл есеп бойынша, пневмониядан көз жұмғандар COVID-19-дан қаза тапқандардан 7 есе көп.
Осы деректерге байланысты шетелдің ірі БАҚ-тары “Қазақстанда өлім мөлшері коронавирустан да жоғары, қауіпті вирус тарап жатыр” деген ақпаратты&nbsp;<a href="https://qamshy.kz/article/58503-alemdik-dgetekshi-baq-tar-qazaqstanda-kvi-dan-da-qauipti-pnevmoniya-virusynynh-t">жарыса таратты</a>. Тіпті, кейбір елдер азаматтарына Қазақстаннан абайлау туралы ескертулер жасаған.
Алайда артынша Лондонда шығатын Daily Mail басылымы британиялық және қытайлық&nbsp;эпидемиологтардан&nbsp;<a href="https://qamshy.kz/article/58510-shetel-mamandary-qazaqstandaghy-belgisiz-pnevmoniya-%E2%80%93-is-dguzinde-koronavirus">сұхбат алып</a>, ғалымдардың Қазақстанда таралған пневмония шын мәнінде COVID-19 деп санайтынын жариялаған.
Бейжіңдегі Қытайдың бас эпидемиологы және Ұлыбритания Уорвик университетінің вирусологы Қазақстанда таралып жатқан “белгісіз пневмонияны” эпидемиологиялық тұрғыдан COVID-19 деп тұжырымдайтынын жеткізген.&nbsp;
Қазақстандық&nbsp;нейрохирург дәрігер Мыңжылқы Бердіқожаев та “пневмониядан қайтыс болып жатқан адамдардың 99 пайызының өліміне коронавирус себеп” деп&nbsp;<a href="https://qamshy.kz/article/58423-neyrokhirurg-pnevmoniyadan-qaytys-bolghandardynh-99-payyzynda-koronavirus-boldy">айтқан.</a>

ДДСҰ: Қазақстандағы пневмония – іс жүзінде анықталмаған коронавирус

Kyzylorda-news.kz. Қазақстандағы коронавирус бойынша 11 шілде 23:59-дағы эпидемиологиялық жағдай жарияланды. Қазақстанда өткен тәулікте 1 798 адам коронавирус індетімен ауырғаны белгілі болды. Оның ішінде 1061 адам клиникалық белгісі жоқ тасымалдаушы тіркелді.
Аймақтар бойынша (жалпы/симптомсыз):
Нұр-Сұлтан қаласы – 88 / 40 Алматы қаласы – 242 / 81
Шымкент қаласы – 137 / 99 Ақмола облысы – 38 / 23
Ақтөбе облысы – 40 / 25
Алматы облысы – 48 / 29
Атырау облысы – 269 / 200
Шығыс Қазақстан облысы – 211 / 150
Жамбыл облысы – 79 / 64
Батыс Қазақстан облысы – 97 / 43
Қарағанды облысы – 158 / 93
Қостанай облысы – 56 / 19
Қызылорда облысы – 91 / 33
Маңғыстау облысы – 72 / 67
Павлодар облысы – 51 / 6
Солтүстік Қазақстан облысы – 65 / 48
Түркістан облысы – 56 / 41
Жалпы ел бойынша ауырғандар саны 58 253.

Қызылорда: Өткен тәулікте 91 адам коронавирус жұқтырған

Kyzylorda-news.kz. Коронавирус инфекциясын жұқтырған адамда бірнеше симптом пайда болады. Соның бірі – дәм мен иіс сезбеу. Егер адамда тек осы екі симптом байқалса, бұл оның коронавирус жұқтырғанын білдіре ме? Бұл сұраққа&nbsp;Орталық коммуникациялар қызметінде өткен брифингіде медицина ғылымдарының кандидаты Нұрила Малтабарова мен доцент Баян Тұрдалина жауап берді.
<blockquote>
 “Тек дәм мен иіс сезуден қалған адамды коронавирус жұқтырды деп айту қиын. Себебі вирус жұқтырған адамның температурасы көтеріледі, тұла бойы күрт әлсірей бастайды. Статистика бойынша, коронавирусқа шалдыққандардың тек 50%-і дәм мен иіс сезбей қалған. Сондықтан тек осы симптомдар адамның коронавирус инфекциясын жұқтырғанын білдірмейді”, – дейді Баян Тұрдалина.
 “Дәм мен иіс сезбей қалудың өзге себептері болуы мүмкін. Бұл симптомдар пайда болса, байбаламға салынып, компьютер томограммасын жасатамын, рентгенге түсемін деп әуреге түспеген жөн”, – деп жауап берді Нұрила Малтабарова.
</blockquote>
<a href="https://massaget.kz">Massaget</a>

Қазақстан және Қызылорда облысының жаңалықтары: COVID-19

Қызылорда облысы әкімінің орынбасары Сырдария ауданына барды (ФОТО)

Қызылорда: Дәрілік заттардың бағасы бақылауда (ФОТО)

ДДСҰ: Босаңсуға болмайды – вирус таралып барады

Қызылордаға Өзбекстаннан гуманитарлық көмек келді

Қазақстанға келген ресейлік дәрігер: “Коронавирус инфекциясы аяқталмайтынын түсіну керек”

Қазақстанда коронавирус індетімен ауырғандар саны 66895-ке жетті

Қазақстандық дәрігер коронавирус індеті қашан тоқтайтынын айтты

Қызылордада соңғы тәулікте коронавирус жұқтырған 74 адам тіркелді

Дәрігер, марқұм Іскендір Жұмағазы “Құрмет” орденімен марапатталды

ДДСҰ: Қазақстандағы пневмония – іс жүзінде анықталмаған коронавирус

Қызылорда: Өткен тәулікте 91 адам коронавирус жұқтырған

Дәм мен иіс сезбеу адамның коронавирус жұқтырғанын білдіре ме?

Қазақстан және Қызылорда облысының жаңалықтары: COVID-19

Қызылорда облысы әкімінің орынбасары Сырдария ауданына барды (ФОТО)

Қызылорда: Дәрілік заттардың бағасы бақылауда (ФОТО)

ДДСҰ: Босаңсуға болмайды – вирус таралып барады

Қызылордаға Өзбекстаннан гуманитарлық көмек келді

Қазақстанға келген ресейлік дәрігер: &#8220;Коронавирус инфекциясы аяқталмайтынын түсіну керек&#8221;

Қазақстанда коронавирус індетімен ауырғандар саны 66895-ке жетті

Қазақстандық дәрігер коронавирус індеті қашан тоқтайтынын айтты

Қызылордада соңғы тәулікте коронавирус жұқтырған 74 адам тіркелді

Дәрігер, марқұм Іскендір Жұмағазы &#8220;Құрмет&#8221; орденімен марапатталды

ДДСҰ: Қазақстандағы пневмония – іс жүзінде анықталмаған коронавирус

Қызылорда: Өткен тәулікте 91 адам коронавирус жұқтырған

Дәм мен иіс сезбеу адамның коронавирус жұқтырғанын білдіре ме?

Қазақстанға келген ресейлік дәрігер: “Коронавирус инфекциясы аяқталмайтынын түсіну керек”

Дәрігер, марқұм Іскендір Жұмағазы “Құрмет” орденімен марапатталды