<a href="https://kyzylorda-news.kz/date/2020/09/03/">Kyzylorda-news.kz.</a> Қазақстанда өткен тәулікте 88 адамда коронавирус расталды.&nbsp;Оның ішінде 33 адамда клиникалық белгілері жоқ, деп хабарлайды ведомствоаралық комиссия.
Жаңа жағдайлар Нұр-Сұлтан қаласы (18) мен Шығыс Қазақстан облысында (14) көп тіркелді. Маңғыстау, Түркістан және Қызылорда облыстарында бірде-бір адам вирус жұқтырған жоқ.
Індетке шалдыққандар жалпы саны бойынша Алматы (14 238), Нұр-Сұлтан (13 851) қалалары мен&nbsp; Атырау облысы (10 931) алда тұр.
Елде ауырғандардың жалпы саны 106 032 адамға жетті. 97 967 науқас жазылып, 1 588 адам қайтыс болды.

Өткен тәулікте Қызылордада бірде-бір адам коронавирус жұқтырмады

<a href="https://kyzylorda-news.kz/">Kyzylorda-news.kz.</a> Қытайда автобустардың бірінде жүргізілген жаңа ғылыми зерттеу COVID-19 желдетілмейтін ортада ешқандай ауру белгілері жоқ науқас адамнан ауа арқылы таралуы мүмкін деген эпидемиологтардың пікірін растады. Бұл туралы <a href="https://www.lemonde.fr/sante/article/2020/09/01/une-nouvelle-etude-sur-un-car-chinois-conforte-la-these-de-la-transmission-aerienne-du-coronavirus_6050614_1651302.html">Le Monde</a>&nbsp;француз басылымы хабарлайды.
Ауру белгілері және қорғаныш маскасы жоқ COVID-19 жұқтырған адам бір сағатқа жуық уақытқа созылған сапар кезінде нашар желдетілетін автобустағы жолаушылардың үштен біріне вирус жұқтырды. Ғалымдар коронавирус жұқтыру радиусы бұрын ойлағаннан әлдеқайда үлкен екенін дәлелдеді. COVID-19 автобус салонының алдыңғы және артқы жағындағы жолаушылардан табылды.
Эпидемиологтар бұған дейін коронавирус жұқтырған адамдар түшкіргенде немесе жөтелгенде тамшылар арқылы жұқтырады деп мәлімдеген еді. Сондықтан дағдарыс басталған кезде ауа арқылы таралуы мүмкін деген болжамды бүкіл әлемнің денсаулық сақтау органдары назардан тыс қалдырды. Алайда көптеген мамандардың респираторлық вирустар мәселесі жөніндегі пікірлері мен қарапайым әңгіме кезінде вирустың ауада болуы-болмауына қатысты зерттеу нәтижелерінен алынған жаңа білімнің арқасында жазда жағдай өзгерді.

Ғалымдар коронавирустың 100% ауа арқылы таралатынын дәлелдеді

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев медициналық инфрақұрылымды дамыту жұмысы жайлы баяндады.
<blockquote>
 «Тағы бір мәселе – медициналық инфрақұрылымды дамыту. Жыл соңына дейін ел аумағында 13 жаңа жұқпалы аурулар ауруханасы салынады. Ал 2025 жылға қарай денсаулық сақтау саласына арналған 20 заманауи көпсалалы нысан пайдалануға беріледі. Бұл осы мақсатқа орай 1,5 трлн теңгеге жуық инвестиция тартылады деген сөз» деп атап өтті Мемлекет басшысы Жолдау барысында.
</blockquote>
Оның айтуынша, Елбасының бастамасымен Нұр-Сұлтан және Алматы қалаларында екі көпсалалы медициналық орталық салынады.
<blockquote>
 «Бұл орталықтар еліміздің беткеұстар мекемелеріне айналып, инновациялық өсімге және қолданбалы медицинаның дамуына тың серпін береді», – деді Қ. Тоқаев.
</blockquote>

Жолдау: Жыл соңына дейін 13 жаңа жұқпалы аурулар ауруханасы салынады

<a href="https://kyzylorda-news.kz/">Kyzylorda-news.kz.</a> Үкімет жіберілген қателіктерден сабақ алып, жұмысты жедел жолға қоя білді. Бұл туралы Қазақстан халқына Жолдауын жария еткен ҚР Президенті Қасым-Жомарт Тоқаев айтты.
<blockquote>
 «Қазіргі күрделі жағдайда алдымызда тұрған басты міндет – әлеуметтік-экономикалық тұрақтылықты, жұмысы орындарын және халықтың табысын сақтал қалу. Дағдарысқа қарсы жедел шаралардың екі топтамасы қабылданды. Уақытша табыссыз қалған 4,5 миллионнан астам азаматымыз 42 500 теңге мөлшерінде көмек алды. Бұған 450 млрд теңгеден астам қаражат жұмсалды. Осындай жәрдем көршілес елдерде, басқа ірі мемлекеттерде берілген жоқ. Миллионннан астам азаматқа азық-түлік және тұрмыстық заттар қоржыны берілді. Елбасы «Нұр-Отан» партиясы Төрағасының бастамасымен 550 мыңнан астам отбасы «Біргеміз» қорының қолдауымен біржолғы қаржылай көмекке ие болды», – деді Мемлекет басшысы.
</blockquote>
ҚР Президенті пандемия барлық мемлекеттер үшін сынақ кезеңіне айналғанын баса айтты.
<blockquote>
 «Олар індетпен күрес жолында көп қиындықты бастан өткізіп жатыр. Бір жерде ахуал тұрақтанса, екіншісінде вирустың жаңа ошақтары пайда болуда. Үкімет жіберілген қателіктерден сабақ алып, жұмысты жедел жолға қоя білді. Ең бастысы азаматтарда еш нәрсені жасырмай, інеттен қайтыс болғандар туралы ақпараттың барлығын ашық жариялады», – деді Қасым-Жомарт Тоқаев.
</blockquote>

Президент: Ештеңені жасырмай, індеттен қайтыс болғандар туралы ақпаратты ашық жарияладық

<a href="https://kyzylorda-news.kz/">Kyzylorda-news.kz.</a> ҚР Президенті Қасым-Жомарт Тоқаев дәрігерлерге, құқық қорғау органдары қызметкерлеріне және еріктілерге алғыс айтты.
<blockquote>
 «Парламенттің кезекті сессиясының жұмысы өте күрделі кезеңде басталып отыр. Елімізде жер жаһанда зор қауіп төндірген пандемияға қарсы күрес әлі де жалғасуда. Біз азаматтардың өмірін және денсаулығын қорғау үшін бар күш-жігерімізді біріктірдік. Осындай сын сағатта ынтымағы жарасқан халқымыз жұдырықтай жұмылды. Індетпен күрес дана халқымызға тән асыл қасиеттердің арқасында жүзеге асты. Өзгеге қол ұшын созып, тілеулес болып, тосыннан келген кеселге қарсы тұру маңызды екені анық байқалды. Дәрігерлерге, құқық қорғау органдарының қызметкерлеріне, әскери қызметшілерге, еріктілерге, кәсіпкерлерге және осындай жағдайға бей-жайқалмаған барлық азаматқа шын жүректен алғыс айтамын. Сіздер айрықша табандылықтың және зор жауапкершіліктің жарқын үлгісін көрсеттіңіздер», – деді Мемлекет басшысы Қазақстан халқына Жолдауын жариялау барысында.
</blockquote>
ҚР Президентінің айтуынша, бұл – Отанға деген шынайы сүйіспеншіліктің көрінісі.

Президент дәрігерлерге, құқық қорғау қызметкерлері мен волонтерлерге алғыс айтты

<a href="https://kyzylorda-news.kz/date/2020/08/28/">Kyzylorda-news.kz.</a> Еліміздің бас санитар дәрігері Айжан Есмағамбетова “Карантиндік шектеу шаралары және оларды кезең-кезеңімен жеңілдету туралы” 15 тамыздағы қаулысына өзгеріс пен толықтырулар енгізді деп хабарлайды Тауарлар мен көрсетілетін қызметтердің сапасы мен қауіпсіздігін бақылау комитеті.
Жаңа қаулыға енгізілген өзгерістер бойынша қызметіне рұқсат етілген нысандарда карантиндік шаралардың, санитариялық-дезинфекциялық режимнің сақталуын бақылауды облыстар мен қалалардың әкімдіктері, тауарлар мен көрсетілетін қызметтердің сапасы мен қауіпсіздігін бақылау департаменттері және полиция департаменттері қамтамасыз етеді.
Заңбұзушылықтар анықталған кезде “Әкімшілік құқық бұзушылық туралы” 2014 жылғы 5 шілдедегі Қазақстан Республикасының Кодексіне сәйкес әкімшілік шаралар қабылданады.
Сонымен қатар қаулыда Қазақстан Республикасы Президентінің жанындағы Экономикалық өсуді қалпына келтіру жөніндегі мемлекеттік комиссиясы отырысының 2020 жылғы 30 шілдедегі № 6 хаттамасының 2.6-тармағын басшылыққа ала отырып, Қазақстан Республикасының Бас мемлекеттік санитариялық дәрігерінің 2020 жылғы 15 тамыздағы № 48 қаулысына 2 және 3-қосымшаларға сәйкес қызметі шектелмеген объектілерді қоса алғанда, объектілердің қызметін қайта бастау айтылған.
Қаулының толық мәтінімен <a href="https://www.gov.kz/memleket/entities/kkkbtu/press/news/details/o-vnesenii-izmeneniy-i-dopolneniy-v-postanovlenie-glavnogo-gosudarstvennogo-sanitarnogo-vracha-respubliki-kazahstan-48-ot-15-avgusta-2020-goda?lang=kk">мына жерден</a> танысуға болады.

Шектеу шараларына қатысты еліміздің бас санитар дәрігерінің қаулысына өзгеріс енгізілді

<a href="https://kyzylorda-news.kz/">Kyzylorda-news.kz.</a> Бұдан төрт ай бұрын Мемлекет басшысы «Әскери міндеттілерді арнаулы жиындарға шақыру туралы» Жарлыққа қол қойған болатын. Жарлыққа сәйкес әскери міндеттілер бір ай COVID-19 індетінің ошақтарында дизенфекциялау жұмыстарын жүргізіп, қоғамдық тәртіпті сақтауға атсалысты. Халықтың денсаулығы мен қауіпсіздігін қорғауда қызылордалық әскери қызметкерлері де шет қалмады.
<img src="https://kyzylorda-news.kz/wp-content/uploads/2020/08/img-20200829-wa0032.jpg" alt="" />
Өңірдегі қорғаныс бригадасына тіркелген 136 әскери қызметкер арнайы жиындарға шақырылды. Олар 945 917 шаршы метр <a href="https://kyzylorda-news.kz/kogam/toetenshe-zhaghdaj-zhwrnalist-qalaj-zalalsyzdandyrwshy-boldy-foto-57944/">аумақты дизенфекциялап</a>, стратегиялық маңызды объектілерді күзетті.
<img src="https://kyzylorda-news.kz/wp-content/uploads/2020/08/img-20200829-wa0034-1.jpg" alt="" />
Өскен өңірі үшін қызмет еткен әр бір азаматтың еңбегі еленуі тиіс. Халық уақытында өз бағасын беріп, адал еңбектің мәртебесін көтеріп отырса ұрпаққа өнеге болар. Осы орайда ел басына күн туғанда аянып қалмаған қорғаныс бригадасының қызметкерлері арнайы медальмен марапаталды. ҚР Конституциясы күні қарсанында облыстық жұмылдыру дайындығы басқармасының ұйымастыруымен өткен салтанатты шарада 28 азаматқа ҚР Қорғаныс министрінің «Төтенше жағдай міндеттерін адал орындаған үшін» төс белгісі табысталды.
Шараға қатысқан Қызылорда облысының жұмылдыру дайындығы басқармасының басшысы Медет Усаин және Қызылорда облысының аумақтық қорғаныс бригадасының 99215 әскери бөлімінің командирі полковник Керімбай Ойықбаевтар Конституция күнімен құттықтап, облыс аумағының қауіпсіздігін күзеткен азаматтарға алғыс білдірді.
<blockquote>
 «Қызылорда облыстық аумақтық қорғаныс әскеріне төтенше жағдай кезінде өз еркімізбен келдік. Отан алдындағы азаматтық борышымызды өтеуге. Өзімізге берілген тапсырманы уақытында әрі сапалы орындап шықтық. Ата-бабаларымыз болашақ ұрпағы үшін соғыста да кері шегінбеді. Қолға қару алып соғыспағанымызбен әлемді шарпыған індетпен бетпе-бет келдік. Бұл індетті жою жолындағы алға қойған мақсатымыз немқұрайлылықты кешірмейді. Сондықтан мұндай қысылтаяң шақта ауызбіршілікпен жұмыла қызмет еттік. Марапат алып, атаққа кенеледі екенбіз деген ойымызда да болған жоқ. Тек мақсатымыз осындай шақта елімізде қызмет етіп жатқан азаматтарға жәрдемдесу еді», – дейді осындай төс белгіге ие болған жас сарбаздың бірі Бексұлтан Смайылов.
</blockquote>
<img src="https://kyzylorda-news.kz/wp-content/uploads/2020/08/img-20200829-wa0035-edited.jpg" alt="" />
Айта кетейік, мұндай шара қыркүйек айының соңына дейін жалғасады. ҚР Қорғаныс министрлігі тарапынан төтенше жағдай кезінде арнаулы жиындарға шақырылған барлық әскери қызметкерлер марапатталатын болады.
Фариза ОМАРОВА
Суретке түсірген: Нұрболат НҰРЖАУБАЙ

Қызылордада әскери қызметкерлер арнайы медальмен марапатталды (ФОТО)

Kyzylorda-news.kz. Сырдария ауданында коронавирус инфекциясын жұқтыру көрсеткіші төмендегенімен, бұл індеттің түбегейлі жойылғанын білдірмейді. Керісінше, әлем елдерінде екінші толқын басталып жатқан тұста сақтық шараларын қатаң сақтау қажет.
Ауданда қауіпті індет жұқтырғандар саны көбейгенде жанашыр азаматтар барынша қолдау көрсетті. Қажетті медициналық құрылғыларды жеткізіп беріп, жұқпалы кеселмен күресте көмек қолын созды. Сол кезеңдерде «Абзал және К» ТС де игі іске үн қосып, жанашырлық танытты. Соның жалғасы ретінде Мағжан Ералиев бастаған толық серіктестік ұжымы аудандық ауруханаға өкпені жасанды желдету аппаратын (ИВЛ) жеткізіп берді. Аудандық ауруханаға медициналық құрылғы алып берген жанашыр азаматқа аудан әкімі Руслан Рүстемов алғыс білдірді. Облыс төңірегіндегі беделді компанияның ауданға жасап жатқан қызметін атап өтіп, жұмыстарына табыс тіледі.
Өз кезегінде «Абзал және К» ТС-нің директоры Мағжан Ералиев ауданға әркез қолдау көрсетуге дайын екенін жеткізді.
<blockquote>
 “Облысқа 20 млн теңгеге өкпені жасанды желдету аппаратының 5-ін алдырдық. Оның 4-ін облыс орталығына берсек, біреуін Сырдария ауданына жеткізіп отырмыз. Медициналық аппарат қозғалмалы, қолдануға ыңғайлы. Оған қоса, аудандық ауруханаға заманауи теледидарды сыйға беріп, жергілікті алма өнімін де әкелдік. Жалпы біз әлеуметтік көмек көрсету шараларына әркез қолдау білдіреміз,- деді серіктестік директоры.
</blockquote>
Жанашыр жандарға ауданның медицина қызметкерлері де ризашылықтарын білдірді.
<img src="https://kyzylorda-news.kz/wp-content/uploads/2020/08/fb_img_1598677501393.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598677503700.jpg" alt="" />

Белгілі кәсіпкер өкпені жасанды желдету аппаратын алып берді

Kyzylorda-news.kz. Еуропада коронавируспен күрес әлі де жалғасып жатыр. Қарт құрлық елдерінің билігі қазір індеттің екінші толқынын болдырмауға тырысуда.
Осыған байланысты шектеу шаралары қатаңдатылып жатыр. Мәселен, Испанияда&nbsp; 6 жастан асқан оқушының бәрі мектеп қабырғасында маска тағуға міндеттелмек. Ал Германияда қоғамдық көлікте маскасыз жүргендерге 50 еуро көлемінде айыппұл салынатын болды. Бұдан бөлек жыл соңына дейін бұқаралық іс-шараларды өткізуге тыйым салу жоспарланған. Өз кезегінде Дүниежүзілік денсаулық сақтау ұйымы өзге елдерді де шектеу шараларын алмауға шақырып отыр.
Ұйым өкілдерінің айтуынша, соңғы уақытта азаматтар еркінсіп, әлеуметтік қашықтыты сақтауға мән бермейтін болыпты.
<a href="https://24.kz/kz/zha-aly-tar/o-am/item/419243-covid-19-europa-ekinshi-tol-yndy-boldyrmau-a-k-sh-saluda">Хабар 24</a>

COVID-19: Екінші толқынды болдырмауға күш салуда

Kyzylorda-news.kz. Қызылорда облысында бірде-бір адамнан вирус табылмады. Аурулардың саны жағынан Алматы қаласы мен Шығыс Қазақстан облысы көш бастап тұр.
Қазақстанда өткен тәулікте 150 адам коронавирус індетімен ауырғаны белгілі болды. Оның ішінде 57 адам клиникалық белгілері жоқ тасымалдаушы ретінде тіркелді.
Өңірлер бойынша мәлімет (жалпы статистика / симптомсыз науқастар):
Нұр-Сұлтан қаласы – 14 / 5,
Алматы қаласы – 24 / 0,
Шымкент қаласы – 2 / 1,
Ақмола облысы – 7 / 4,
Ақтөбе облысы – 3 / 0,
Алматы облысы – 1 / 0,
Атырау облысы – 11 / 9,
Шығыс Қазақстан облысы – 23 / 5,
Жамбыл облысы – 5 / 4,
Батыс Қазақстан облысы – 8 / 4,
Қарағанды облысы – 15 / 11,
Қостанай облысы – 9 / 2,
Маңғыстау облысы – 1 / 0,
Павлодар облысы – 7 / 1,
Солтүстік Қазақстан облысы – 11 / 4,
Түркістан облысы – 9 / 7.
Жалпы ел бойынша ауырғандар саны – 105 558.

Қызылордада коронавирус жұқтырған адам анықталмады

<a href="https://kyzylorda-news.kz/date/2020/08/28/">Kyzylorda-news.kz.</a> Эпидемиологиялық жағдайдың жақсаруына байланысты бүгін Арал қаласындағы провизорлық стационардан соңғы науқас емделіп шықты.
Арал қаласындағы провизорлық бөлімше 5 айдан астам уақыт ішінде 286 науқасты айықтырған. Науқастарға 22 медицина маманы қызмет көрсетіп, бірнеше ауысыммен тәулік бойы тынымсыз еңбек етті.
Стационар бүгін жұмысын тоқтатты. Қазір стационар ішінде дезинфекциялық өңдеу жұмыстары жүргізілуде.

Аралдағы провизорлық бөлімшеден соңғы науқас сауығып шықты

<a href="https://kyzylorda-news.kz/">Kyzylorda-news.kz.</a> Манипаль жоғары білім академиясының және Үндістандағы аймақтық биотехнология орталығының ғалымдары В12 дәрумені коронавирустың көбеюіне тосқауыл қоя алатындығын анықтады, деп хабарлайды <a href="https://24.kz/kz/zha-aly-tar/bylu-manyzdy/item/419077-koronavirusty-k-beyuine-tos-auyl-bola-alatyn-d-rumen-any-taldy">“Хабар 24”.</a>
Зерттеу жұмысы IUBMB Life журналында жарияланған. Сарапшылар SARS-Cov-2 геномында болатын және вирустың көбеюіне жауап беретін nsp12-ді табиғи өнімдер мен дәрі-дәрмектердің арасында қандай молекулалар басуы мүмкін екенін анықтау үшін компьютерлік модельдеу жүргізді. Нәтижесінде В12 – метилкобаламин вирустық жасушалардың көбеюіне тосқауыл қоюға қабілетті болып шықты.
<blockquote>
 «Бұл инфекцияны жұқтыру ықтималдығын азайту үшін медицина қызметкерлері мен қарттарға және қосымша ауруы бар жандарға тағайындалуы мүмкін», – делінген хабарламада.
</blockquote>

Қазақстан және Қызылорда облысының жаңалықтары: COVID-19