<a href="https://kyzylorda-news.kz/date/2020/10/19/">Kyzylorda-news.kz.</a> Қызылода қаласының әкімдігі пандемияның екінші толқынының алдын-алу мақсатында арнайы үндеу жариялады.
Құрметті қызылордалықтар және қала қонақтары!
Қазіргі таңда пандемияның екінші толқыны болмайды деген қауесетке сенген кейбір қала тұрғындары бетперде тағуды және санитарлық талаптарды қатаң сақтауды мүлдем доғарды. Көңіл көтеретін орындарда жиі бой көрсетуі, той-томалақтар өткізу, сонымен қатар отбасылық шараларды кең көлемде атап өтуі басқа да ырым-жоралғыларға толы кештер мен басқосуларды жиі атап өту көріністері белең алып отыр. Бұл әрине біздің қаламызда санитарлық талаптардың сақталуына және пандемияның екінші толқынының алдын-алу мақсатында ұйымдастырылып жатқан шаралардың өз деңгейінде өткізілуіне кері әсерін тигізуде.
Атап айтқанда той-томалақтарды өткізуші ұйымдастырушы қарапайым халық емес қалталы азаматтар, мемлекеттік қызметшілер, мекеме басшылары осы деңгейдегі азаматтар болып табылады.
Осыған орай Қызылорда қаласының әкімі Нұрлыбек Нәлібаев бүгінгі күннен бастап арнайы шешім қабылдап отыр. Егер де тойларды ұйымдастырған немесе тойларға қатысқан мемлекеттік қызметшілер, бюджеттен қаржыландырылатын мекеме басшылары мен қызметкерлері анықталған жағдайда оларға қатысты арнайы шара қолданылатын болады. &nbsp;Бұл ретте барлық мемлекеттік қызметшілерді аумақтық департаменттің, облыстық басқармалар мен әкімдік құрылымына қарасты мемлекеттік қызметшілерді сонымен қатар бюджеттен қаржыландырылатын барлық деңгейдегі кәсіпорындар мен мекеме басшыларымен қызметшілерін, мектеп директорлары мен балабақша басшылары мен ұжымдарын карантиндік талаптарды қатаң сақтауға және той-томалақтарға, ырым-жоларғыларға, көңіл көтеретін басқа да ойын-сауық кештеріне қатыспауға шақырамыз. &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
Егер мониторингтік топтың іс-әрекеттері барысында жоғарыда аталған мемлекеттік қызметшілер мен мекеме қызметшілері қатысқаны анықталған жағдайда тәртіптік шара басқа да шараларды қолдану туралы құзырлы органдарға ұсыныс берілетін болады.
Атап айтқанда облыс әкімдігіне және мемлекеттік қызмет істері жөніндегі агенттікке тиісті ұсыныстар енгізіледі.&nbsp; Осыған орай мемлекеттік және мекеме қызметкерлері, басшылық құрамға&nbsp; өлім-жітім, той-томалақтарға қатысуға және ұйымдастыруға қатаң тыйым салыну қажет.
Әрине өмір болғасын қуаныш пен қайғы қатар жүретінін бәріміз жақсы ұғынуымыз тиіс. Дегенменде өлім-жітім орын алған жағдайда адамды көп шоғырландырмай, санитарлық талаптарды қатаң сақтай отырып ұйымдастыру қажеттегін тағы да қатаң ескертеміз.
Құрметті қала тұрғындары!
Қоғам болып пандемияның екінші толқынымен күресуге шақырамыз!

Нұрлыбек Нәлібаев қала тұрғындарына үндеу жариялады

<a href="https://kyzylorda-news.kz/date/2020/10/13/">Kyzylorda-news.kz.</a> Жапониядағы Киото медицина университетінің ғалымдары коронавирустың адам терісінде қанша уақыт тіршілік ете алатынын анықтады. Ғалымдар “теріде вирус 9 сағатқа жуық қауіпті болуы мүмкін” дейді. Зерттеу тұмау вирусының өмір сүру мерзімінен&nbsp;COVID-19&nbsp;мерзімі 5 есе көп екенін дәлелдеді.
Тәжірибе барысында адам терісіне 100 мыңнан астам коронавирус пен тұмау вирусы енгізілген. Содан кейін вирустардың теріден жоғалып кетуіне қанша уақыт кететіні есептелген. Тұмау вирусы 1-2 сағаттан кейін жойылып кеткен. Ал, коронавирус адам терісінде кей жағдайларда 11 сағатқа дейін, ал орта есеппен 9 сағатқа дейін сақталған.
Зерттеулер көрсеткендей, 80 пайыз этанол спиртін қолдану терідегі вирустарды 15 секунд ішінде жояды. Егер қолды сабынмен 15 секунд жуып, содан кейін 10 секунд ішінде ағын сумен шайып тастаса, вирустың бастапқы мөлшерінің тек бір бөлігі ғана сақталады яғни қолды ағынды сумен жуудың өзінде вирустардың жүзден бір бөлігі бәрібір қалады.
Айта кетейік, аустралиялық ғалымдар коронавирус банкноттар мен смартфондардың экранында 4 аптаға дейін сақталатынын зерттеу арқылы анықтады. Бұл тұмау вирусы сақталатын уақыттан шамамен 2 есе көп.
<a href="https://massaget.kz/layfstayl/Zdorove/63420/">Massaget.kz</a>

Коронавирус адам терісінде қанша уақыт сақталады?

<a href="https://kyzylorda-news.kz/date/2020/10/13/">Kyzylorda-news.kz.</a> Дәрігерлер қандай ерекшеліктер суық тию, коронавирус және тұмауды ажыратуға мүмкіндік беретіндігін түсіндірді.
Бұл инфекциялар жөтел, тамақ ауруы, дене қызуы сияқты белгілермен көрінуі мүмкін.&nbsp;
Суық тию. Мамандардың айтуы бойынша, суық тию оңай өтеді, аурудың қарқындылығы да екі-үш күннен кейін айтарлықтай төмендейді. Суық тиген кезде мұрын бітелуі мүмкін. Әдетте бұл пневмония сияқты аурулар туындатпайды.
Тұмау және коронавирус. Екі инфекция да ауыр сырқаттарға және асқынуларға әкелуі мүмкін. Сонымен қатар олар жалпы белгілерге ие: құрғақ жөтел, дене қызуы, қалтырау, тамақ ауруы, бұлшықет ауруы немесе дененің ауруы, бас ауруы және әлсіздік.
Тұмау мен коронавирустың айырмашылығы. Коронавиурстың негізгі белгілерінің бірі – иіс сезудің жоғалуы. ЖРВИ кезінде де иіс сезу жоғалуы мүмкін, бірақ әдетте мұрын бітеледі. Коронавирус жұқтырған кезде бірден иіс пен дәм сезу жоғалады. Сонымен қатар тұмау бірден ауыр жағдайда басталуы мүмкін. Ал коронавирус кезінде симптомдар жеңіл басталып, біртіндеп ауырлайды және ұзақ уақытқа созылады.
<a href="https://24.kz/kz/zha-aly-tar/bylu-manyzdy/item/429200-suy-tiyu-t-mau-zh-ne-koronavirus-ajyrmashyly-tary-andaj">Хабар 24</a>

Суық тию, тұмау және коронавирус: айырмашылықтары қандай?

<a href="https://kyzylorda-news.kz/date/2020/10/14/?doing_wp_cron=1602675463.3710830211639404296875">Kyzylorda-news.kz.</a> Пандемия кесірінен әлем экономикасының құлдырауы тұрғын үй нарығына&nbsp;да біраз қиындықтар алып келді. Бұған қоса, Қазақстанда болған зейнет жүйесіндегі өзгерістер мен доллардың тұрақсыздығы да жылжымайтын мүліктің бағасына әсер етпей қоймады. Алдыда&nbsp;енгізілуі мүмкін қатаң карантин тағы бар. Сонымен, тұрғын үй нарығындағы сұраныс қандай? Қазір жылжымайтын мүлікке инвестиция жасау тиімді ме?
Сарапшылар ұзақмерзімді инвестиция жасауда жылжымайтын мүлік табылмас құрал болатынын&nbsp;айтады. Сөздерінше, әсіресе, жаңадан салынып жатқан үйлерге назар аударған жөн. Дегенімен бұл ретте инвесторлар 2008 жылы болған тұрғын үй нарығындағы жағдайды еске алады. Еске салсақ, дәл сол&nbsp;жылы әлемде қаржы дағдарысының салдарынан үйдің бағасы мүлдем құлдырап кеткен еді. Ал биылғы&nbsp; коронадағдарысты ескерсек, жылжымайтын мүлікке инвестиция жасау қаншалықты орынды шешім деген сұрақ туады.&nbsp;
Мәселен, статистика комитетінің мәліметіне сүйенсек, Қазақстанда 2020 жылдың қыркүйегіндегі жағдай бойынша жаңа тұрғын үйлердің бағасы алдыңғы аймен салыстырғанда&nbsp;3,8%-ға көтерілген.&nbsp;
<img src="https://kyzylorda-news.kz/wp-content/uploads/2020/10/news_full160266894678385f737cb5d28c2f14e35034efc527.jpg" alt="" />
Алматы&nbsp;бағалау орталығының директор Бауыржан Бектаевтың сөзінше, бүгінде “эконом-класс” санатындағы үйлер сұранысқа ие.&nbsp;
<blockquote>
 “Қазіргі таңда халық назарын&nbsp;“эконом-классты” үйлерге аударуда. Бұл санаттағы үйлерге деген сұраныстың жоғарылығы оған инвестициялауда тұрақты табыстың ескерілетіні&nbsp;мен мемлекеттік бағдарламаның болуына байланысты. Сондай-ақ, коронадағдарыс жағдайында халықтың табыс көзінің азаюы да бұл жағдайға ықпал етуде”, – дейді сарапшы.&nbsp;
</blockquote>
Ал элиталы үйлерге сұраныс жоғары емес. Бұған себеп – ұлттық валютаның тұрақсыздығы мен басқа да экономикалық көрсеткіштер. Әрине, ұлттық экономика ақсап тұрса, қымбат үйлерге сұраныс жайлы айтуға келмейді”, – дейді сарапшы.&nbsp;
Ал&nbsp;қазір жылжымайтын мүлікке инвестиция жасаған дұрыс па? Біз бұл туралы қаржы сарапшыларынан сұраған едік.&nbsp;
GSB UIB директоры, экономист Мақсат Халық жылжымайтын мүлікті инвестиция құралы ретінде жоғары бағалайтынын жеткізді. Дегенмен қаражатыңыздың барлығын жылжымайтын мүлікке салу да дұрыс емес, дейді ол.&nbsp;
<blockquote>
 “Жылжымайтын мүлік алтыннан кейінгі сенімді инвестиция құралы болып есептеледі. 2008 жылы орын алған әлемдік дағдарысқа қарамастан инвестицияның бұл құралы өзінің өзектілігін жоғалтпады. Десек те коронадағдарыстың ел экономикасына деген әсері ұзап кететін болса, жылжымайтын мүліктің бағасы арзандап кетуі де ғажап емес. Сондықтан жиған-тергеніңізді тек осы инвестиция құралына салып отыру деген дұрыс емес. Өйткені оның бағасы ертеңгі күні төмендеп кетсе, салған қаражатыңыздан айырылып қалуыңыз әбден мүмкін”, – дейді Мақсат Халық.&nbsp;
 “Жылжымайтын мүлікке инвестиция жасамас бұрын елдің экономикалық жағдайын есепке алған жөн. Әсіресе, осындай қиын-қыстау кезеңде өте сақ болу керек. Дағдарыс кезінде ақшаның қолма-қол болғаны жөн. Өйткені елде қысылтаяң жағдай болып жатса, үйді тез сату қиынға соғары анық. Дифференциация әдісін де есте ұстаған дұрыс. Бұған қоса қаржыгерлер мынандай кеңес береді: егер бәрі үй сатып жатса, үйіңізді сатпай қоя тұрыңыз. Керісінше, сатып алып жатса, сіз бұл қадамнан бас тартыңыз. Себебі көшке ілессеңіз, сіз міндетті түрде опық жейсіз”, – дейді сарапшы.&nbsp;
</blockquote>
Мұнымен қоса, ол елімізде тұрғын үй бағасының көтерілуі қолдан жасалып отыруы мүмкін екенін алға тартты.&nbsp;
<blockquote>
 “Үй бағасының көтерілуіне&nbsp;қазіргі таңда мемлекеттік бағдарламалардың танымалдылыққа ие болуының ықпалы бар. Сонымен қатар, жақында мемлекеттің зейнетақы жинақтамасын үй сатып алу үшін шешуге рұқсат бергені тағы бар. Міне, мұның барлығы тұрғын үй нарығындағы бағаның өсуіне алып келеді”, – деп қосты ол.&nbsp;
</blockquote>
<a href="https://stan.kz/news-338326/">Stan.kz</a>

Қазіргі күні жылжымайтын мүлікке инвестиция жасау дұрыс па?

<a href="https://kyzylorda-news.kz/date/2020/10/15/">Kyzylorda-news.kz.</a> Дүниежүзілік денсаулық сақтау ұйымы таяу жылдары туберкулезден болатын өлім-жітімнің күрт өсуі мүмкін екендігін ескертті, деп хабарлайды <a href="https://lenta.inform.kz/kz/ddu-koronavirus-tuberkulezden-bolatyn-olimnin-osuine-akelui-yktimal_a3706804">ҚазАқпарат.</a>
Бұған коронавирус пандемиясынан туындаған дағдарыстар мен қаражаттың жетіспеушілігі себеп болуы мүмкін.
ДДҰ 2020 жылдың бірінші жартысында туберкулездің жаңа жағдайлары туралы есеп беру мен бақылаудың едәуір төмендегенін айтты, өйткені елдер COVID-19 таралуын болдырмауға шектеулер енгізген болатын.
Есепте әлемдегі туберкулез ауруы ең жоғары елдердің қатарына кіретін Үндістан, Индонезия және Филиппин елдері 2020 жылдың алты айындағы жағдай туралы хабарламалар өткен жылдың сәйкес кезеңімен салыстырғанда 25-30% төмендегені туралы айтқан.
ДДҰ моделіне сәйкес, ауру жағдайлары туралы хабарламалар санының мұндай азаюы туберкулезден қосымша өлімнің күрт өсуіне әкелуі мүмкін. 2018-2019 жылдар аралығында шамамен 14 миллион адам туберкулезден емделген, бірақ бұл 2022 жылға дейін емделуге үміттенген 40 миллионның үштен бірі ғана.
ДДҰ мәліметтері бойынша, науқастардың шамамен 85%-ын алты ай бойы дәрі-дәрмекпен сәтті емдеуге болады. Емдеу сонымен қатар инфекцияның одан әрі таралуын азайтады. 2000 жылдан бастап туберкулезді емдеу 60 миллионнан астам адамның өлімін сақтап қалды.
Естеріңізге сала кетейік, туберкулез әлемдегі ең қауіпті жұқпалы ауру болып саналады. Бұл көбінесе өкпеге әсер ететін және оңай таралуы мүмкін бактериялардан болады.

ДДҰ: Коронавирус туберкулезден болатын өлімнің өсуіне әкелуі ықтимал

<a href="https://kyzylorda-news.kz/date/2020/10/14/">Kyzylorda-news.kz.</a> Денсаулық сақтау министрлігі білім министрлігімен бірге екінші тоқсанның қандай форматта өтетінін талқылап жатыр. Бұл туралы денсаулық сақтау министрі Алексей Цой мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.
Онлайн баспасөз мәслихатында журналистер Цойдан оқушылар дәстүрлі оқыту форматына қашан оралатынын сұрады.
<blockquote>
 “Біз қазір бұл мәселені қарастырып жатырмыз. Сіздер көріп отырсыздар, өңірлерде вирус жұқтырған балалар анықталуда. Оффлайн режимде оқитындар қашықтан білім алатындарға қарағанда індетке жиі шалдығады. Бізде білім министрлігімен осындай сыныптарды оқытуға мүмкіндік беретін әдіс-тәсілдер бар. Екінші тоқсан қандай форматта өтетінін әлі талқылап жатырмыз”, – деді министр.
</blockquote>
Бұған дейін премьер-министр Асқар Мамин мәжіліс депутаттарының сауалына берген жауабында мектептерді дәстүрлі штаттық режимге ауыстыру мәселесі қаралып жатқанын айтқан еді.

Денсаулық министрі мектептерді дәстүрлі форматқа ауыстыру туралы айтты

<a href="https://kyzylorda-news.kz/date/2020/10/14/">Kyzylorda-news.kz</a>. 2020 жылғы 1 қаңтардан бастап Міндетті әлеуметтік медициналық сақтандыру жүйесі енгізіле отырып, мемлекет азаматтардың 15 жеңілдікті санаты үшін ай сайын жарналар төлейді. Қызылорда облысында олардың қатарына 475 350 тұрғын кіреді.
Азаматтардың жеңілдікті санаттарының тізімімен әлеуметтік медициналық сақтандыру қорының ресми сайтында <a href="https://fms.kz/kk/content/azamattardyn-zhenildigi-bar-sanattary">мына жерде</a> танысуға болады.
Егер сіз әлеуметтік қорғалмаған азаматтар қатарында болсаңыз және сіздің мәртебеңіз «сақтандырылмаған» болса, емханада (тіркелген жері бойынша) немесе өз бетіңізше, Qoldau – 24/7 мобильді қосымшасы арқылы уақытша мәртебені (1 айға) алуға болады. Бұл қосымшаны ұялы телефонға AppStore-дан немесе Әлеуметтік медициналық сақтандыру қорының ресми сайтында <a href="https://fms.kz/kk">жүктеп алыңыз</a> және орнатыңыз («Халықтық бақылау» қойындысын таңдаңыз, содан кейін «Call Center»)
Инфографикада қандай растайтын құжаттар ұсынылуы керек.
<img src="https://kyzylorda-news.kz/wp-content/uploads/2020/10/kaz-lgotniki-osms.png" alt="" />
<img src="https://kyzylorda-news.kz/wp-content/uploads/2020/10/koldaw_android-kaz-1.jpeg" alt="" />

Әлеуметтік медициналық сақтандыру қоры жарнасын төлеуден азаматтардың 15 санаты босатылады

<a href="https://kyzylorda-news.kz/date/2020/10/14/">Kyzylorda-news.kz.</a> Қазақстанда коронавирустың таралуына байланысты төтенше жағдай режимі енгізіле ме? Бұл сұраққа денсаулық сақтау министрі Алексей Цой жауап берді.
<blockquote>
 «Барлығы эпидемиологиялық жағдайға байланысты. Егер жағдай соны талап етсе, енгізіледі. Бірақ қазір Қазақстанда қалыптасқан тұрақты эпидемиологиялық жағдайды сақтаймыз деп үміттенеміз. Әр азамат маска тағып, арақашықтық сақтап, бұқаралық іс-шаралар ұйымдастырмай, коронавирустың таралмауына ат салысса, карантин енгізілмейді», – деді Цой ОКҚ брифингінде.
</blockquote>
<a href="https://24.kz/kz/zha-aly-tar/o-am/item/429370-aza-standa-ata-karantin-engizile-me">24 kz</a>

Қазақстанда қатаң карантин енгізіле ме?

<a href="https://kyzylorda-news.kz/">Kyzylorda-news.kz.</a> Қазақстанда коронавирусты анықтайтын ПТР тестен өту ақысы арзандайды. Бұл туралы ОКҚ алаңында өткен баспасөз мәслихатында Денсаулық сақтау министрі Алексей Цой мәлім етті, деп хабарлайды ҚазАқпарат.
Министрдің айтуынша, мамандарды даярлау арқылы отандық зертханалардың қуатын тәулігіне 63 мың зерттеуге дейін жеткізу көзделген.
<blockquote>
 «Шығын материалдары бағасының нарықта арзандауына байланысты Денсаулық сақтау министрлігі ПТР-тест тарифін 22 пайызға дейін арзандату бойынша ұсыныс әзірледі. Сонымен қатар жеке қорғаныс құралдары мен тест-жүйе арзандады. Ұсыныс мақұлданса, осы айдың соңына дейін тариф бекітіледі», – деді Алексей Цой.
</blockquote>

Қазақстанда ПТР тестілеу ақысы арзандайды

<a href="https://kyzylorda-news.kz/">Kyzylorda-news.kz.</a> Нұр-Сұлтан әкімі Алтай Көлгінов Covid-19 індетін жұқтыру қаупі жоғарылап, науқастар санының артуына байланысты қалалық штаб отырысында бірқатар қосымша шектеу қабылданғанын мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>. &nbsp;
<blockquote>
 “Карантиндік шаралар 14 қазаннан бастап күшіне енеді”, – деп атап өтті қала басшысы.
</blockquote>
<h3 id="">Қызметкерлер қашықтан жұмыс істейді</h3>
Жергілікті атқарушы орган қызметкерлері мен олардың квазимемлекеттік секторының кемінде 60%-і қашықтан жұмыс істеу режиміне ауысады. Адам көп жиналатын жеке ұйымдар жұмысшыларды қашықтан жұмыс режиміне ауыстыруы тиіс.
<blockquote>
 “Індетті жұқтырудың негізгі ошақтары – ұжымдық (еңбек) ошақтар. Жұмыс орындарында санитарлық-эпидемиологиялық нормалардың қатаң сақталуын бақылау қажет”, – деп атап өтті Көлгінов.
</blockquote>
<h3 id="-1">Қоғамдық тамақтану нысандарының жұмыс уақыты қысқарады</h3>
Кафе, мейрамхана, бар, асхана және басқа да қоғамдық тамақтану нысандарының жұмыс уақыты 22 сағатқа дейін (9:00-ден 22:00-ге дейін) қысқартылады. Шектеу жұмыс күндеріне де, демалыс күндеріне де қатысты. Орын саны 30 аспауы тиіс.
Нотариустардың, адвокаттық кеңселердің, бухгалтерлердің, консалтингтің, жылжымайтын мүлік агенттіктерінің, жарнама агенттіктерінің, сот орындаушыларының, туроператорлардың және тағы басқа мекемелердің жұмыс кестесі сағат 18-ге дейін (9:00-ден 18:00-ге дейін) қысқарады. Жұмыс күндері де, демалыс күндері де.
Азық-түлік емес тауарлар мен заттарды сататын бутиктерге жұмыс күндері сағат 18-ге дейін ғана жұмыс істеуге рұқсат етіледі.
Монша, бассейнмен қамтылған сауналардың жұмыс кестесі: жұмыс күндері 8:00-ден 21:00-ге дейін, сенбі және жексенбі күндері 9:00-ден 19:00-ге дейін. Алдын ала жазылу міндетті.
<h3 id="-2">Жексенбіде автобус жүрмейді</h3>
Жексенбіде қоғамдық көліктің жұмысы тоқтатылады. Автобустар дезинфекцияланады.
Полиция департаменті санитарлық дәрігерлермен бірлесіп күнделікті рейдтер жүргізіп, санитария нормаларын бұзу фактілерін анықтау жұмысын күшейтуі қажет.
<blockquote>
 “Рейдтер көптеген нысанда санитарлық-эпидемиологиялық нормалар қатаң сақталмай жатқандығын көрсетіп отыр. Ұйымдар эпидемиялық талаптарды бірнеше рет бұзған фактілер болды. Мұндай “рецидивистердің” қызметі тоқтатылады”, – деп түйіндеді елорда әкімі.
</blockquote>

Бүгіннен бастап карантин күшейтіледі

<a href="https://kyzylorda-news.kz/date/2020/10/13/">Kyzylorda-news.kz.</a> Дүниежүзілік денсаулық сақтау ұйымы коронавирустың екінші толқыны жоқ екенін мәлімдеді.
<blockquote>
 “Пандемия 2020: қауіп-қатерлер, шешімдер, салдары” тақырыбында өткен халықаралық конференцияда ұйымның төтенше жағдайлар жөніндегі аймақтық директоры Дорит Ницан сөз сөйледі.
 “Коронавирустың түрлері мен формалары пандемияның ешқандай екінші толқыны жоқ екенін көрсетіп отыр”, – деді Ницан.
</blockquote>
Оның айтуынша, қазіргі кезде кейбір елдерде коронавирусқа шалдыққандардың саны өссе, кей мемлекеттерде керісінше азайып жатыр.
<blockquote>
 “Біз осы мәселені апта сайын зерделейміз, коронавирустың деңгейі төмендеп жатқан елдердің жағдайын зерттеп отырамыз”, – деп атап өтті Ницан.
</blockquote>
Осы орайда ұйым өкілі маңызды бір мәселеге тоқталды. Көптеген адам коронавирустың өте қауіпті ауру екенін түсіне бермейді, өйткені әлемде халықтың 5% -і ғана індеттің ауыр түріне шалдыққан.
<blockquote>
 “Алайда жаңағы 5 процент қатты қиналады, олардың өміріне қауіп төніп тұр. Олардың жағдайы ауыр”, – деді Ницан.
</blockquote>
Айта кетейік, Дүниежүзілік денсаулық сақтау ұйымы 11 наурызда жаңа коронавирус инфекциясының таралуына байланысты COVID-19 пандемиясын жариялаған болатын. Ұйымның мәліметінше, әлем бойынша инфекция жұқтырғандардың саны 37 миллион адамнан асты. Осы уақытқа дейін 1 070 355 науқас қайтыс болды.
Пандемия басталғалы бері Қазақстанда 108 901 адам коронавирус инфекциясын жұқтырған. Науқастардың басым бөлігі жазылып шықты. 1 746 адам қайтыс болды. Бұдан бөлек, 1 тамыздан бастап елімізде тест сынамасы теріс нәтиже көрсеткен, бірақ коронавирустың белгілері бар пневмониямен 34 913 адам ауырды. 27 709 науқас жазылып шықса, 370 адам көз жұмды.
<a href="https://sputnik.kz/world/20201013/15188996/Koronavirustyn-ekinshi-tolqyny-zhoq.html">Sputnik Қазақстан</a>

&#8220;Коронавирустың екінші толқыны жоқ&#8221;: ДДҰ мәлімдеме жасады

<a href="https://kyzylorda-news.kz/date/2020/10/13/">Kyzylorda-news.kz.</a> COVID-19 және вирустық пневмонияға қарсы күреске тартылған медицина қызметкерлеріне үстемақыны ай сайын Әлеуметтік медициналық сақтандыру қоры төлейді.
<blockquote>
 «Қор медицина қызметкерлері алдындағы барлық міндетті толық және уақтылы орындап отыр. Мәселен, биыл наурыз бен қыркүйек аралығында 2&nbsp;574&nbsp;885,3 мың теңгеге үстемақы төленді. Қыркүйектің қорытындысы бойынша 839 маман&nbsp; 99&nbsp;593,9 мың теңге көлемінде үстемақы алады», – деді Әлеуметтік медициналық сақтандыру қоры Қызылорда облысы бойынша филиалының директоры Бақыт Исмаханбетов.
</blockquote>
Наурыз айында 520 медицина қызметкеріне қосымша 66&nbsp;779,4 мың теңгеге төленді.
Сәуірде – 1921 медицина қызметкері, 315&nbsp;817,7 мың теңге
Мамырда – 1874 медицина қызметкері, 317&nbsp;273,2 мың теңге
Маусымда – 2392 медицина қызметкері, 417&nbsp;499,1 мың теңге
Шілдеде – 3452 медицина қызметкері, 948&nbsp;280,4 мың теңге
Тамызда – 2453 медицина қызметкері, 409&nbsp;641,6 мың теңге алды.&nbsp;
Қыркүйек айына – 839 медицина қызметкері 99&nbsp;593,9 мың теңге алады.
Үстемақы алатындардың тізімін өңірлердегі арнайы комиссия жасақтайды. Тізім дайын болғаннан кейін Қор ай сайынғы қосымша төлемдерді төлеуге кіріседі. Қор бұл жұмысты 15 қазанға дейін аяқтауды жоспарлап отыр.
Тәуекел тобына қарай медицина қызметкерлері 212 мың теңгеден (5 АЕК) 850 мың теңгеге (20 АЕК) дейін қосымша ақы алады.
Естеріңізге сала кетейік, егер үстемеақыға қатысты сұрақтар болса, өңірлік комиссияға хабарласу қажет.
<img src="https://kyzylorda-news.kz/wp-content/uploads/2020/10/vyplaty-vracham-kaz.jpg" alt="" />

Қазақстан және Қызылорда облысының жаңалықтары: COVID-19

Нұрлыбек Нәлібаев қала тұрғындарына үндеу жариялады

Коронавирус адам терісінде қанша уақыт сақталады?

Суық тию, тұмау және коронавирус: айырмашылықтары қандай?

Қазіргі күні жылжымайтын мүлікке инвестиция жасау дұрыс па?

ДДҰ: Коронавирус туберкулезден болатын өлімнің өсуіне әкелуі ықтимал

Денсаулық министрі мектептерді дәстүрлі форматқа ауыстыру туралы айтты

Әлеуметтік медициналық сақтандыру қоры жарнасын төлеуден азаматтардың 15 санаты босатылады

Қазақстанда қатаң карантин енгізіле ме?

Қазақстанда ПТР тестілеу ақысы арзандайды

Бүгіннен бастап карантин күшейтіледі

“Коронавирустың екінші толқыны жоқ”: ДДҰ мәлімдеме жасады

Қызылордада 839 медицина қызметкері 99 593,9 мың теңге үстемақы алады

Қазақстан және Қызылорда облысының жаңалықтары: COVID-19

Нұрлыбек Нәлібаев қала тұрғындарына үндеу жариялады

Коронавирус адам терісінде қанша уақыт сақталады?

Суық тию, тұмау және коронавирус: айырмашылықтары қандай?

Қазіргі күні жылжымайтын мүлікке инвестиция жасау дұрыс па?

ДДҰ: Коронавирус туберкулезден болатын өлімнің өсуіне әкелуі ықтимал

Денсаулық министрі мектептерді дәстүрлі форматқа ауыстыру туралы айтты

Әлеуметтік медициналық сақтандыру қоры жарнасын төлеуден азаматтардың 15 санаты босатылады

Қазақстанда қатаң карантин енгізіле ме?

Қазақстанда ПТР тестілеу ақысы арзандайды

Бүгіннен бастап карантин күшейтіледі

&#8220;Коронавирустың екінші толқыны жоқ&#8221;: ДДҰ мәлімдеме жасады

Қызылордада 839 медицина қызметкері 99 593,9 мың теңге үстемақы алады

“Коронавирустың екінші толқыны жоқ”: ДДҰ мәлімдеме жасады