<a href="https://kyzylorda-news.kz/date/2020/11/04/">Kyzylorda-news.kz.</a> ҚР ДСМ санитарлық-эпидемиологиялық бақылау комитетінің төрағасы Айжан&nbsp; Есмағамбетованың айтуынша елдегі жағдай соңғы аптада әлдеқайда нашарлаған. Бірақ коронавирустың өршуі әр аймақта әртүрлі байқалуда. Сол себепті, Қазақстан толығымен карантинге жабылмайды.
<blockquote>
 “Бүгінде карантиндік шараларды аймақ бойынша күшейту мәселелері жүргізіліп жатыр. Соңғы аптада елімізде коронавирустық инфекцияның таралуы 6 есеге өсті. Бірақ әр аймақта жағдай әр түрлі. Сондықтан, карантин шаралары тек аймақтар бойынша жасалып жатыр”, – дейді Есмағамбетова.&nbsp;
</blockquote>
Сонымен қатар, Есмағамбетова еліміздің көптеген облыстары жасыл аймақта екенін айтты.

Қазақстанда қайтадан карантин енгізіле ме?

<a href="https://kyzylorda-news.kz/">Kyzylorda-news.kz</a>. Медициналық сақтандыру, пациенттердің құқықтары, COVID-19 белгілері мәселелері бойынша өтініштер тәулік бойы Qoldau-24/7 мобильді қосымшасында қабылданады. Кері байланыстың бұл түрі, әсіресе қазіргі карантин кезіңінде, сұранысқа ие. Азаматтардан келіп түскен барлық өтініштер өңделіп, тіркеу нөмірімен өтініштер тізіліміне түседі. Тұрғындар тарапынан түскен өтініштерге мониторинг жүргізіледі, қажет болған жағдайда белгіленген мерзімде шешім қабылдау үшін сараптамалық бағалауға беріледі. Содан кейін өтініш берушіге қосымшада оның аккаунтында жауап беріледі. Бұл туралы Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов мәлімдеді.
Филиал директорының айтуынша, Қордың Qoldau-24/7 мобильдік қосымшасы азаматтардың өтініштерін өңдеудің үш деңгейлі жүйесін қамтамасыз етудің кері байланыс арналарының бірі болып табылады. Бірінші желіде – «1406 бірыңғай байланыс орталығы», онда халықтың МӘМС мәселелері бойынша консультациясы, азаматтардың өтініштерін қабылдау, шағымдар мен оқиғаларды тіркеу жүзеге асырылады. Екінші – Қордың заңды және жеке тұлғалармен жұмыс жөніндегі департаменті, оның лауазымына регламенттік мерзімде өтініштерді өңдеуді бақылау, медициналық ұйымдардың жауаптарының сапасын бақылау кіреді. Үшінші желіде – оқиғалардың, шағымның себептерін қарауды және жоюды, өтініш берушінің өтінішіне жауап дайындауды жүргізетін медициналық ұйымдар.&nbsp; Өз сұрақтарыңызды 1406 операторларына «Telegram» – «QoldauINFO» мобильді қосымшалар арқылы да жолдауңызға болады.
1406 байланыс орталығының операторлары халыққа денсаулығын нығайту және өзінің ағзасын қорғау, күдікті симптомдар байқалғанда әрекеттер жасау бойынша кеңес беру дайндығынан өтті.
Әлеуметтік медициналық сақтандыру қорының Qoldau-24/7 мобильді қосымшасын Android смартфондары үшін &nbsp;Play Market арқылы, Apple смартфондары үшін&nbsp; App Store арқылы жүктеп алуға болады.

Коронавирус: Qoldau &#8211; 24/7 сұрақтарға жауап береді

<a href="https://kyzylorda-news.kz/">Kyzylorda-news.kz.</a> Коронавирус төмен температурада жойылмайды. Күн суық болғанда вирус қатып қалады, алайда жылы ортаға түскенде қайтадан күшейеді.
Сонымен қатар суық мезгілде COVID-19 инфекциясының таралуы күшеюі мүмкін. Себебі ол уақытта адамның иммунитеті төмендейді. Бұған күн суық кезде бөлменің аз желдетілетіні, адамдардың көшеге қарағанда жабық ғимарат ішінде көп жүретіні де әсер етеді. Бұл пікірді сарапшыларға сілтеме жасап РИА Новости хабарлады.
“Температура неғұрлым төмен болса, вирус сыртқы ортада соғұрлым ұзақ сақталады. Қатып қалған кезде вирус белсенді болмайды, бірақ жылы болған кезде қайта жанданады. Барлық инфекция осылай әрекет етеді”, – деді инфекционист, вакцинолог Евгений Тимаков. 
Бұл пікірмен вирусолог, медицина ғылымдарының докторы Анатолий Альтштейн де келіседі. Ол да вирустардың ешқашан суықтан өлмейтінін, минус 196 градуста да, минус 20 градуста да жақсы сақталатынын айтты.
Альтштейн күннің суытуы адамдардың иммунитетін төмендетуі мүмкін екенін, ол аурудың таралуына да әсер ететінін айтты.
<blockquote>
 “Суық ауа коронавирустың таралуына әсер етеді, өйткені салқын болған сайын адамдар терезені жауып, аз желдетеді. Көшеге қарағанда үй-жай ішінде көбірек уақыт өткізеді. Соған байланысты вирус адамдармен тығыз қарым-қатынас кезінде желдетілмеген жерде таралады”, – деп атап өтті Тимаков.
</blockquote>
<a href="https://m.sputnik.kz/society/20201103/15374116/mamandar-kun-koronavirus.html">Sputnik</a>

Мамандар күннің суытуы коронавирусқа қалай әсер ететінін айтты

Kyzylorda-news.kz. Қызылорда облысы бойынша COVID-19 коронавирус инфекциясын ПТР әдісімен анықтау 4 зертханада жүзеге асырылады. Олар «Ұлттық сараптама орталығының» Қызылорда облыстық филиалы, облыстық фтизиопульмонология орталығының бактериологиялық зертханасы және мемлекеттік тапсырыс бойынша келісім шарт арқылы «Олимп» пен «Инвиво» жеке клиникаларында жүргізіледі.
Бұдан бөлек, коронавирус инфекциясы бойынша эпидемиологиялық ахуал күрделенген жағдайда облыстық ЖИТС және «М.Айқымбаев атындағы аса қауіпті инфекциялар Ұлттық ғылыми орталығы» Қызылорда обаға қарсы күрес станциясының ПТР зертханалары жұмысқа қосылуға дайын.
Бүгінгі күні облыс бойынша барлық зертханалардың бір күндік жалпы қуаттылығы 1820 анализді зерттеуге қауқарлы. Ағымдағы кезеңде COVID-19 анықтауға күніне 500-800-ге дейін ақылы және мемлекеттік тапсырыс бойынша сынамалар жүргізілуде.
Жыл басынан бері облыс бойынша COVID-19 анықтауға барлығы 123 027 сынама (ақылы және мемлекеттік тапсырысқа сәйкес) жүргізілді, оның 3262 коронавирустық инфекцияға оң нәтиже анықталды.

Қызылордада эпидахуал күрделенсе зертханалар дайын ба?

<a href="https://kyzylorda-news.kz/">Kyzylorda-news.kz.</a> Әлемде короновирус індетін жұқтырғандардың көбі “Д” дәруменінің жетіспеушілігінен зардап шеккен. Мамандардың айтуынша, организмнің ковидке қарсы тұруы үшін дәл осы витаминнің пайдасы орасан зор. Себебі, ағзада бұл элемент тапшы болса адам кез-келген ауруға бейім болып келетін көрінеді. Одан бөлек осы дәруменнің жоқтығы жұқпалы аурулар, қант диабеті, бедеулік, семіздік, асқазан ішек жолдары, тіпті қатерлі ісік ауруына әкелуі мүмкін. Ал отандастарымызда бұл витамин тапшылығы бар ма?
Бұл туралы Еуразия бірінші арнасы хабарлайды.
Короанвируспен күресте халық жаппай түрлі дәрумендерді қабылдап жатқаны белгілі. Жуырда шетелдік ғалымдар Ковид-19 жұқтырғандардың көбінде “Д” витаминінің жетіспеушілігін анықтаған.
Педиатр-дәрігер Ғалия Батыржанқызы да бұл пайыммен келіседі. Оның айтуынша, дәл осы витамин иммунитетті көтеруде үлкен рөл атқарады екен.
<blockquote>
 Д дәрумені бұл ауызға, адамның ағзасына түскенге дейін ол дәрумен болады. Ал адамның ағзасына түскен шақтан бастап прогармон болып табылады. Прогармон бұл рецептрлардың бәрін тітіркендіріп бүкіл ағзаға қарсы тұруына да рөл атқарады. Айтып кеткендей, көптеген ауырған адамдар да Д дәрумені жетіспеушілігі өте жоғары деңгейде болған. Ал қарсы тұра білген ағзада және жеңіл өткен адамдарда Д дәрумені ағзада жеткілікті болып есептелген, дейді педиатр-дәрігер Ғалия Батыржанқызы.
</blockquote>
Елімізде коронавирус жұқтырғандар арасында балалар да бар. Ал, мамандар түрлі ауруларға төтеп беру үшін “Д” витаминін бала күннен қабылдауды әдетке айналдыру керек дейді. Бұл кеңесті бұлжытпа йорындапр жүргендердің бірі елордалық көпбалалы ана Гүлвира Балтабаева. Ол балаларына тұрақты түрде “Д” дәруменін беретінін айтады.
<blockquote>
 Мен негізі көктем және күз айларында беріп отырам, екі мезгіл. 3 ай курс ішкізіп отырам балаларыма . Ол жаңағы таблетка түрінде болмаса в жидком виде деп жатады сұйық, сироп сияқты міндетті түрде таңертең және кешкісін тамақ уақытысында балаларыма беруге тырысамын, дейді қала тұрғыны Гүлвира Балтабаева.
</blockquote>
Қысқасы, “Д” дәрумені ағзада жеткілікті болса кез келген ауруға төтеп береді.
Дәрігерлер фармкомпаниялардың ұсынып отырған препараттарынан гөрі витаминдерді азық-түліктен алған дұрыс дейді. Мәселен…
<blockquote>
 Д” дәрумені өте көп мына балықта. Біздің қазақ сол кішкене балықты жемейміз ғой, және де оның құрамында омега да бар. “Омега 3” деп аталады, ағзамызға өте жақсы қызмет атқаратын витаминдер бар. Одан қалды жаңағы брокколи, шөпті нәрселерде өте көп, дейді педиатр-дәрігер Ғалия Батыржанқызы.
</blockquote>
Айта кетейік, Д дәрумені сары май, балық, ет, сарыуыз, ірімшік, жұмыртқа, сүт, саңырауқұлақтың құрамында жеткілікті мөлшерде бар! Дегенмен дәруменінің негізгі қайнар көзі – күн сәулесі!

Коронавирус &#8220;D&#8221; дәрумені жетіспейтіндерге жұғып жатыр

<a href="https://kyzylorda-news.kz/">Kyzylorda-news.kz.</a> ІІ тоқсанда контингенті 300 оқушыға дейінгі қалалық және ауылдық мектептер дәстүрлі оқыту форматына көшіріледі. Бұл туралы ҚР Премьер-Министрінің орынбасары Ералы Тоғжановтың Сенат депутаттары сауалына берген жауабында айтылған, деп хабарлайды <a href="https://www.inform.kz/kz/ekinshi-toksanda-okushy-sany-300-den-aspaytyn-mektepter-dasturli-okytu-formatyna-koshedi_a3713550">ҚазАқпарат.</a>
Айта кетерлігі, Сенат депутаттары контингенті 181-ден 600 адамға дейінгі, бір сыныптағы балалардың саны 15 оқушыдан аспайтын ауылдық жерлерде орналасқан мектептердің жұмысын кезең-кезеңімен қайта бастауға қатысты депутаттық сауал жүолдаған еді.
<blockquote>
 «Үкімет мектеп оқушыларын қашықтан оқытуға көшіру туралы шешімді факторлар кешенін, оның ішінде мектеп оқушылары арасында COVID-19-дың таралуының эпидемиологиялық тәуекелдерін, бастауыш сынып оқушыларының қашықтықтан оқытуға бейімділігін, мектептердің шамадан тыс тығыздалуын қоса алғанда, материалдық-техникалық жарақтандырылуын ескере отырып қабылдады. Мектептерде балалар арасында сырқаттанушылықтың алдын алуына бағытталған негізгі шаралар сыныпта және мектепте көп жиналуға жол бермеу, оқу және үзілістер кезінде қашықтықты сақтау мүмкіндігі, мектепте маска режимін және эпидемияға қарсы қатаң шараларды сақтау болып саналады. Бұл ретте, оқушылардың, әсіресе орта және жоғары сынып оқушыларының мектепте көрсетілген талаптарды сақтауын қамтамасыз ету айтарлықтай күрделі. Бұдан басқа, карантин режимінің белгіленген талаптары сақталмаған кезде жабық үй-жайларда балалардың көп шоғырлануы аурудың таралу қаупін тудырады», – дейді Үкімет басшысының орынбасары депуттарға қайтарған жауабында.
</blockquote>
Сонымен қатар ол бастауыш сынып оқушылары ата-аналарының өтініштері бойынша санитариялық-эпидемиологиялық талаптарды қатаң сақтай отырып, кезекші сыныпта білім алып жатқанына назар аудартады. Бұл ретте сыныпты 15 баладан кіші топтарға бөлу, ауысымдар мен кіші ауысымдардың санын ұлғайту, кабинеттік жүйені алып тастау, әр түрлі уақыттағы үзілістер, біржақты қозғалыс жүйесі, кіреберісте күнделікті температураны өлшеу, сыныптағы балалардың жай-күйін бақылау, желдету, кварцтау, үй-жайларды ылғалды жинау, медициналық кабинеттер мен изоляторлардың үздіксіз жұмыс істеуі, мектепте қатаң маска режимі қамтамасыз етілген.
<blockquote>
 «Бұдан басқа, жіті респираторлық инфекциялардың күтілетін ағымдық жағдайында ұйымдастырылған жабық ұжымдарды қалыптастыру коронавирустық инфекцияның берілу тәуекелін едәуір арттыратынын атап айту керек, бұл инфекцияның білім алушылар, педагогтар мен ата-аналар арасында тез таралуына әкелуі мүмкін. Осыған байланысты Денсаулық сақтау министрлігі барлық мектептерді штаттық оқыту форматына көшіруді ерте деп санайды. Бүгінгі күні бірқатар шет елдерде (Германияда, Ресейде, Англияда, Польшада, Францияда, АҚШ-та, Оңтүстік Кореяда, Үндістанда) күндізгі оқу кезінде коронавирустың тез таралуына байланысты мектептер карантинге жабылуда», – дейді ол.
</blockquote>
Үкімет басшысы орынбасарының дерегінше, осы жылғы 25 қазанда елімізде оқушылар арасында COVID-19 ауруының 298 жағдайы тіркелді. Оның 127-сі офлайн режимде және 171-і қашықтан оқыған.
<blockquote>
 «ҚР аумағында коронавирустық инфекцияның пайда болуы мен таралуына жол бермеу жөніндегі ведомствоаралық комиссия 2020 жылғы 26 қазанда 2020-2021 оқу жылының екінші тоқсанынан бастап контингенті 300 оқушыға дейінгі қалалық және ауылдық мектептерді дәстүрлі оқыту форматына көшіру, ата-аналардың өтініші бойынша жалпы білім беретін мектептерде 1-ден 5-сыныпқа дейін, халықаралық мектептерде 7 сыныпқа дейін кезекші сыныптарда оқытуға рұқсат ету туралы шешім қабылдады. Білім беру процесінің сапасын қамтамасыз ету, қашықтықтан оқыту кезеңінде балалардың біліміндегі ықтимал олқылықтардың орнын толтыру мақсатында Білім және ғылым министрлігі жергілікті атқарушы органдармен бірлесіп негізгі пәндер бойынша білім қималарын диагностикалау, балалардың оқу жетістіктерін ата-аналарға түсіндіру, артта қалған оқушылар үшін жеке консультациялар, каникулдық мектептер және ата-аналар мен балалардың қалауы бойынша консультациялық онкүндіктер өткізу бойынша жұмыс жүргізуде», – дейді Ералы Тоғжанов.
</blockquote>
Премьер-Министр орынбасары еліміздің Денсаулық сақтау министрлігі халық арасында, оның ішінде мектеп оқушылары мен білім беру ұйымдарының персоналы арасындағы сырқаттанушылыққа күнделікті талдау жүргізетіндігін, мектептердің карантин режимінде жұмыс істеуге дайындығын бағалайтындығын атап өтеді.
<blockquote>
 «Осының бәрін ескере отырып, ДСМ мүдделі мемлекеттік органдармен бірлесіп, қаулыға контингенті 300 оқушыға дейінгі қалалық және ауылдық мектептерді дәстүрлі оқыту форматына көшіру, 1-5 сыныптардың кезекші сыныптарында (ата-аналардың өтініші бойынша), халықаралық мектептерде 7 сыныпқа дейін (2020-2021 оқу жылының екінші тоқсанынан бастап) оқытуға рұқсат ету бөлігінде өзгеріс енгізеді», – дейді Үкімет басшысының орынбасары.
</blockquote>

Екінші тоқсанда кімдер мектепке барады?

Kyzylorda-news.kz. Еуропада жаңадан тіркелген науқастардың 80%-і мутацияға ұшыраған коронавирусты жұқтырған. Бұл вирус осы көктемде және жазда бүкіл әлемді жайлаған індеттен өзгеше, деп хабарлайды Қазақстанның COVID-19 таралуына жол бермеу жөніндегі ведомствоаралық комиссиясы.
Вирустың жаңа түріне 20A.EU1 атауы берілді.
Болжам бойынша, гендік мутация Испанияда маусым айында пайда болып, Еуропаға оралған туристерден таралды, делінген ведомствоаралық комиссияның телеграм-каналында.
Испаниялық генетик Иньаки Комастың пайымынша, мутацияға ұшыраған вирус індетке шалдыққандар қатысқан бұқаралық шарадан тарала бастады.
Ғалым вирустың одан әрі тез таралуына Испанияда демалған туристердің қауіпсіздік шараларын сақтамауы себеп болып отыр деп санайды.
Жаңа мутацияның қаншалықты жұқпалы және қауіпті екені әзірге белгісіз.
Бұған дейін, АҚШ-та бұдан да агрессивті, D614G деп аталған SARS-CoV-2-нің мутациясы анықталған еді.
<a href="https://m.sputnik.kz/world/20201031/15349143/Europa-koronavirus.html">Sputnik</a>

Еуропада коронавирустың жаңа түрі таралып жатыр

<a href="https://kyzylorda-news.kz/">Kyzylorda-news.kz</a>. Коронавируспен ауырғандардың терісіне зақым келеді. Массачусетс ауруханасы, Дерматология қоғамының халықаралық лигасы және Америкалық дерматология академиясының мамандары осындай мәлімдеме жасады.
Ғалымдар мыңға жуық COVID-19-ға шалдыққанды зерттей келе, науқастар терісінің өзгергенін көрді. Коронавирус белгілері бар 224 адам мен расталған 90 жағдайда бұл симптом шамамен 12 күнге дейін созылған.&nbsp;
Зерттеушілердің айтуынша, алты жағдайда бақай тырнағы дерттері пайда болған. Оларда сырқат 60 күнге дейін дейін жалғасты, тағы екі жағдайда 130 күнге дейін созылған.
Британиялық басылымның хабарлауына сәйкес, халықаралық&nbsp;COVID-19 дерматологиялық тізімде коронавирустан кейін аяқтың сырқаты байқалған. Науқастардың 16 проценті ауруханаға жеткізілген.
Бұған дейін медицина вирустың мұндай салдары туралы хабарламаған болатын. Алайда өкпе, жүрек, бүйрек және адамның репродуктивті жүйесіне зақым келетіні айтылды.
<a href="https://kyzylorda-news.kz/">Sputnik Қазақстан</a>

Ғалымдар COVID-19-дың жаңа симптомын анықтады

<a href="https://kyzylorda-news.kz/">Kyzylorda-news.kz.</a> Өңірдегі эпидемиологиялық ахуалға байланысты жарияланған облыстың Бас мемлекеттік санитариялық дәрігерінің № 25 Қаулысы шықты. Бүгін Қаулыға қол қойылып, үстіміздегі жылдың 2 қараша күні бастап күшіне енеді.
Аталған Қаулыға сәйкес бұған дейін енгізілген бірқатар шектеулер, тыйым салулар жалғасады. Атап айтқанда: 
1) ойын-сауық, спорттық іс-шараларды, көрмелерді, форумдарды, конференцияларды, сондай-ақ отбасылық, салтанатты, естелік іс-шараларды (банкеттер, үйлену тойлары, мерейтойлар, еске алу), оның ішінде үйде және адамдар көп жиналатын өзге де іс-шараларды өткізуге; 
2) ойын-сауық мекемелерінің (караоке, бильярд, компьютерлік клубтар, түнгі клубтар, боулинг орталықтары, жабық үй-жайлардағы балалар ойын алаңдары мен аттракциондар, батуттар және басқалар), букмекерлік кеңселердің қызметіне тыйым салу жалғасады.

Қызылорда: Шектеу шаралары алынбаған нысандар

Kyzylorda-news.kz. Бүгін облыстың Бас мемлекеттік санитариялық дәрігері Әлия Әбдіқайымова №25 қаулыны жариялады.
Айта кетейік, жаңа қаулы 2-ші қараша күні күшіне енеді. Қаулыдағы басты жаңалық, кинотеатрлар ашылып, облыстық командалардың оқу-жаттығу жиындарына рұқсат берілді. Сауда-ойын-сауық орталықтары, жабық базарлар сенбі күні де қызмет көрсете алады.Тек жексенбі мен мереке күндеріне шектеу қойылды.
<blockquote>
 “Дүйсенбіден бастап кинотеатрлардың жұмысын қайта бастауға шешім қабылдадық. Бастысы, санитарлық талапты қатаң сақтаулары керек. Жұмыс уақыты 9.00 ден 22.00-ге дейін. Толтырылуын 30 %-дан асырмай, infokazakhstan.kz порталында тіркеле отырып, маска режимін, шахмат тәртібімен отырғызуды, әлеуметтік қашықтықты сақтау секілді шарт қойдық. Өздеріңіз білесіздер, кино көрсететін зал қараңғы болады. Жарық аз түседі. Сондықтан әр кино көрсетілер алдында дизенфекция жұмыстары жүргізілуі қажет, – деді Әлия Әбдіқайымова.
</blockquote>
Күннің ерте батуына байланысты тамақтану орындары, сұлулық салондар, СПА орталықтары, монша, спорт залдарының қызмет көрсету уақыты бір сағатқа азайтылды. Яғни. 22:00-ге дейін. Ал ойын-сауық, спорттық іс-шараларды, көрмелерді, форумдарды, конференцияларды, сондай-ақ отбасылық, салтанатты, естелік іс-шараларды, үйде және адамдар көп жиналатын өзге де іс-шараларды, караоке, бильярд, компьютерлік клубтар, түнгі клубтар, боулинг орталықтары, жабық үй-жайлардағы балалар ойын алаңдары мен аттракцион, батут, букмекерлік кеңсе, кальянды пайдалануға, фудкорт, спортшылардың ҚР тыс жерлерде оқу-жаттығу жиындары мен жарыстарға қатысуына тыйым салу жалғасады.
Қаулы:
Құрметті облыс тұрғындары!
Қызылорда облысы халқы арасында коронавирустық инфекциясының таралуының алдын алу мақсатында бүгін, яғни 2020 жылдың 31 қазанында Қызылорда облысы бойынша карантиндік шектеу шаралары және оларды кезең-кезеңімен жеңілдету туралы жаңа Қаулы шықты. 
1.Аталған Қаулыға сәйкес бұған дейін енгізілген бірқатар шектеулер, тыйым салулар жалғасады. Атап айтқанда:
1) ойын-сауық, спорттық іс-шараларды, көрмелерді, форумдарды, конференцияларды, сондай-ақ отбасылық, салтанатты, естелік іс-шараларды (банкеттер, үйлену тойлары, мерейтойлар, еске алу), оның ішінде үйде және адамдар көп жиналатын өзге де іс-шараларды өткізуге; 
2) ойын-сауық мекемелерінің (караоке, бильярд, компьютерлік клубтар, түнгі клубтар, боулинг орталықтары, жабық үй-жайлардағы балалар ойын алаңдары мен аттракциондар, батуттар және басқалар), букмекерлік кеңселердің қызметіне тыйым салу жалғасады.
<ol start="2">
<li>Жаңа Қаулыға сәйкес күшейтілген санитарлық-дезинфекциялық режиммен келесі нысандардың қызметі жалғастырылсын:</li>
</ol>
1) ашық ауада және үй-жайда қоғамдық тамақтану объектілерінің қызметі ұжымдық іс-шараларды өткізбей, залда 50-ден аспайтын отыратын орын орнатыла отырып, сағат 9.00 ден 22.00-ге дейін; 
2) сағат 9.00 ден 22.00-ге дейін сұлулық салондарының, шаштараздардың, СПА орталықтарының, косметологиялық қызмет көрсететін объектілердің қызметі; 
3) сағат 9.00 ден 22.00-ге дейін толықтырылуын 50%-дан асырмай моншалардың, сауналардың қызметі; 
4) сағат 9.00 ден 22.00-ге дейін алдын ала жазылу бойынша, толықтырылуын 50% – дан асырмай және бір келушіге кемінде 5 ш. м. қамтамасыз етіп, фитнес-орталықтар мен спорттық-сауықтыру орталықтарының қызметі; 
21) сағат 9.00 ден 22.00-ге дейін бір адамға су айнасының 5 ш. м. есебінен жеке форматта, алдын ала жазылу бойынша бассейндер қызметі; 
22) сағат 9.00 ден 22.00-ге дейін 5 адамнан аспайтын жеке және топтық жаттығуларға арналған спорт кешендерінің қызметі; 
25) сағат 6.00 ден 22.00-ге дейін әлеуметтік қашықтықты сақтай отырып, 3 адамнан аспайтын топтармен немесе бір отбасы мүшелерінің ойын-сауық объектілері жоқ саябақтарға, алаңдар мен скверлерге, жағалауларға және халықтың өзге де демалыс орындарына баруы; 
26) сағат 6.00 ден 23.00-ге дейін қоғамдық көліктің жұмысы; 
29) жұмыс кестесін сағат 9.00-ден 18.00-ге дейін белгілей отырып, ХҚКО-ның жұмысын ұйымдастыру жалғасады.
3.Қайта бастауды қамтамасыз етсін: 
1) бір мезгілде 30 адамнан асырмай, күшейтілген санитариялық-дезинфекциялық режимді сақтай отырып, облыстық командаларды даярлау үшін оқу-жаттығу жиындарын; 
2) ағымдағы жылғы 2-ші қарашасынан бастап сенбі күндері сағат 9.00 ден 22.00-ге дейін толтырылуын 30%-дан асырмай, сауда-ойын-сауық орталықтарының, сауда үйлерінің (бутиктер), сауда желілерінің жұмысын; 
3) ағымдағы жылғы 2 –ші қарашасынан бастап сағат 9.00 ден 22.00-ге дейін кинотеатрлар қызметін қайта бастау қамтамасыз етілсін (толтырылуы 30%-дан аспайды, infokazakhstan.kz порталында тіркеле отырып, маска режимін, шахмат тәртібімен отырғызуды, әлеуметтік қашықтықты сақтай отырып).
<ol start="4">
<li>Қазақстан Республикасының еңбек заңнамасына сәйкес жексенбі және мереке күндері мынадай шектеу шараларын енгізілсін: 
1) азық-түлік супермаркеттері мен дәріханаларды қоспағанда, сауда-ойын-сауық орталықтарының, 2000 және одан да көп ш.м. көлемімен сауда объектілерінің, жұмысын тоқтата тұруды; 
2) азық-түлік емес және жабық азық-түлік базарларының жұмысын тоқтата тұруды.</li>
<li>Осы Қаулы 2020 жылдың «02» қараша 00 сағат 00 минуттан бастап күшіне енеді.</li>
</ol>

Жаңа қаулы шықты

<a href="https://kyzylorda-news.kz/date/2020/10/30/">Kyzylorda-news.kz.</a> Президент қазақстандықтарды&nbsp;карантин шараларын сақтауға шақырды.
<blockquote>
 “Көптеген шет елдердегі коронавирус індетінің таралу жағдайы алаңдатарлық. Барлық жерде қатаң шаралар, оның ішінде, локдаун тәртібі қайта қабылданып жатыр. Қазақстандықтарды денсаулық сақтау министрлігінің ұсынымдары мен карантин шараларын сақтауға шақырамын”, – деп жазды мемлекет басшысы&nbsp;<a href="https://twitter.com/TokayevKZ/status/1322101151622434817">Twitter</a>&nbsp;парақшасында.
</blockquote>
Президент үкімет бизнес пен экономиканың мүдделерін негізге ала отырып жұмыс істейтінін атап өтті.
<blockquote>
 “Пандемияның бірінші толқынымен күрес тәжірибесі ескерілді. Әкімдерге эпидемиологиялық жағдайға орай шешім қабылдауды тапсырамын. Бірақ бар мәселе азаматтардың өзіне тікелей байланысты”, – деді ол.
</blockquote>
Қазіргі уақытта елде 3 461 адам коронавирусқа қарсы ем қабылдап жатыр, 313-і – бала. 135 науқастың жағдайы ауыр, тоғыз адам аса ауыр халде, он алты науқас жасанды тыныс алдырту аппаратына қосылған.
1 тамыздан бері 37 574 адам коронавирустық пневмонияға шалдықты. 399-ы қайтыс болды, 28 687 адам жазылып шықты.

Тоқаев карантинге байланысты қазақстандықтарға үндеу жасады

<a href="https://kyzylorda-news.kz/ru/">Kyzylorda-news.kz.</a> Қызылорда облысында коронавирус инфекциясымен осы күнге дейін тіркелген науқастар саны – 3 262-ге жетті.
Оның ішінде Қызылорда қаласында – 1962, Арал ауданында – 114, Қазалы ауданы – 102, Қармақшы ауданы – 144, Жалағаш ауданы – 112, Сырдария ауданы – 183, Шиелі ауданы – 288 және Жаңақорған ауданында – 357.
Өткен тәулікте, яғни 29 қазан күні коронавирус инфекциясымен 3 жағдай тіркеліп отыр. Оның 1-уі Қызылорда қаласынан тіркелсе, 2-уі Қармақшы ауданынан тіркелді.
29 қазандағы зертханаларға тапсырылған сынамалар саны – 1049, тексерілгені – 525 сынама, 524 сынамамен жұмыс жасалуда. Қалдық тест саны – 21 609. Эпидемиологиялық маусым басталғалы бері барлығы 113 987 сынама алынды.

Қазақстан және Қызылорда облысының жаңалықтары: COVID-19

Қазақстанда қайтадан карантин енгізіле ме?

Коронавирус: Qoldau – 24/7 сұрақтарға жауап береді

Мамандар күннің суытуы коронавирусқа қалай әсер ететінін айтты

Қызылордада эпидахуал күрделенсе зертханалар дайын ба?

Коронавирус “D” дәрумені жетіспейтіндерге жұғып жатыр

Екінші тоқсанда кімдер мектепке барады?

Еуропада коронавирустың жаңа түрі таралып жатыр

Ғалымдар COVID-19-дың жаңа симптомын анықтады

Қызылорда: Шектеу шаралары алынбаған нысандар

Жаңа қаулы шықты

Тоқаев карантинге байланысты қазақстандықтарға үндеу жасады

COVID-19: Қызылордада эпидемиологиялық ахуал қалай?

Қазақстан және Қызылорда облысының жаңалықтары: COVID-19

Қазақстанда қайтадан карантин енгізіле ме?

Коронавирус: Qoldau &#8211; 24/7 сұрақтарға жауап береді

Мамандар күннің суытуы коронавирусқа қалай әсер ететінін айтты

Қызылордада эпидахуал күрделенсе зертханалар дайын ба?

Коронавирус &#8220;D&#8221; дәрумені жетіспейтіндерге жұғып жатыр

Екінші тоқсанда кімдер мектепке барады?

Еуропада коронавирустың жаңа түрі таралып жатыр

Ғалымдар COVID-19-дың жаңа симптомын анықтады

Қызылорда: Шектеу шаралары алынбаған нысандар

Жаңа қаулы шықты

Тоқаев карантинге байланысты қазақстандықтарға үндеу жасады

COVID-19: Қызылордада эпидемиологиялық ахуал қалай?

Коронавирус: Qoldau – 24/7 сұрақтарға жауап береді

Коронавирус “D” дәрумені жетіспейтіндерге жұғып жатыр