<a href="https://kyzylorda-news.kz/">Kyzylorda-news.kz</a>. Қазақстанда өткен бір тәулікте 1082 адамда коронавирус індеті ПТР-тест арқылы расталды, деп хабарлайды &nbsp;<a href="https://www.coronavirus2020.kz/kz">coronavirus2020.kz сайты</a>.
Өңірлер&nbsp;бойынша:
Алматы қаласында – 28307 (+307),
Нұр-Сұлтан қаласында – 26936 (+203),
Шығыс Қазақстан облысында – 22505 (+14),
Павлодар облысында – 18597 (+45),
Атырау облысында – 17807 (+49),
Қарағанды облысында – 16388 (+101),
Ақмола облысында – 14638 (+60),
Батыс Қазақстан облысында – 13933 (+55),
Қостанай облысында – 13211 (+46),
Солтүстік Қазақстан облысында – 12784 (+27),
Алматы облысында – 11901 (+91),
Шымкент қаласында -6417 (+28),
Жамбыл облысында – 6181 (+14),
Ақтөбе облысында – 4556 (+25),
Түркістан облысында – 4373 (+3),
Маңғыстау облысында – 4311 (+11),
Қызылорда облысында – 3922 (+3).
Жалпы ел бойынша ауырғандар саны 226767.

Қызылордада 3 адамнан коронавирус  анықталды

<a href="https://kyzylorda-news.kz/">Kyzylorda-news.kz</a>.&nbsp;Қазақстан мұсылмандарының діни басқармасы ораза кезінде вакцина салдыру мәселесін түсіндірді, деп хабарлайды&nbsp;<a href="https://sputnik.kz/">Sputnik Қазақстан</a>.
Сәуірде қасиетті Рамазан айы басталады. Сол кезде коронавирусқа қарсы «QazCovid-in» атты қазақстандық вакцина да шығады. Ал ораза ұстағысы келетін мұсылмандар қауіпті вирустан да қорғануды қалайды. «Ауыз бекіткеннен кейін вакцина салдыруға бола ма? Ал, ең бастысы, екпе оразаны бұзбай ма?» деген сауал туындайды.
Мүфтияттың шариғат пен пәтуа бөлімнің маманы Хасан Аманқұлдың айтуынша, адам ағзасына ауыз, мұрын, ішек сияқты табиғи жолмен түскен нәрсе оразаны бұзады. Ал екпе бұлшықетке салынады. Сондықтан оразаны бұзбайды.
<blockquote>
 «Дене арқылы кірген нәрсе, мысалы, коронавирусқа қарсы екпе оразаны бұзбайды», – деді Хасан Аманқұл.
</blockquote>
Оның сөзіне қарағанда, қазір ислам ғалымдарының көбісі екпе арқылы денеге салынатын дәрі-дәрмекке ем және адам ағзасына қажетті энергия ретінде қарайды. Ал көктамырға салынатын екпеге қатысты ортақ бір шешім жоқ.
<blockquote>
 «Егер екпе терінің астына бұлшықетке салынса, ораза бұзылмайды. Жалпы, пенициллин, инсулин, вакцина, ауырсыну мен қызуды басатын дәрілер сияқты ауруды емдеуге және алдын алуға арналған препараттар мен дәрумендер қолданылған жағдайда ораза бұзылмайды», – деп атап көрсетті Хасан Аманқұл.
</blockquote>
Айта кетейік, 14 сәуірде қасиетті Рамазан айы басталады. Қадір түні 10 мамырға қараған түнге түсіп тұр. Ал Ораза айт 13 мамырда өтеді.
1 ақпанда республика бойынша коронавирусқа қарсы жаппай вакцинация басталған болатын. Қазіргі кезде ресейлік “Спутник V” вакцинасы салынып жатыр. Жылдың соңына дейін 6 миллион адам екпе қабылдайды деген жоспар бар.
Вакцина инфекцияны жұқтыру және тарату қаупі жоғары халықтың осал топтарына кезең-кезеңмен салынады. Олардың ішінде медицина қызметкерлері, педагогтар, құтқарушылар, полицейлер, әскерилер, созылмалы ауруы бар адамдар бар. Ал сәуір айынан бастап COVID-19-ға қарсы QazCovid-in қазақстандық вакцинасы шығарылады.
Денсаулық сақтау министрі Алексей Цойдың айтуынша, вакцинация басталғалы 76 мың адам ресейлік вакцинаның алғашқы компонентін салдырды. Сәуір айында созылмалы ауруы бар адамдар мен 65 жастан асқандарға екпе салу жоспарланып отыр.
<a href="https://sputnik.kz/society/20210316/16552418/vaktsina-oraza.html">Sputnik.kz</a>

Мүфтият ораза кезінде вакцина салуға қатысты түсініктеме берді

<a href="https://kyzylorda-news.kz/">Kyzylorda-news.kz</a>.&nbsp;Сырдария ауданында коронавирус инфекциясына қарсы «Спутник V» екпесін салу жұмысы биылғы 9 наурызда басталған болатын.
Ресейлік I, II типтік вакцинасының 200 дозасы жеткізіліп, алдымен аудан әкімі, аудан әкімінің орынбасары бастап ерікті түрде екпе салдырды. Одан кейін медицина қызметкерлеріне вакцина салу жұмыстары жүрді. Бүгінде І типтік екпенің 100 дозасы толығымен салынып бітті.Вакциналау жұмыстарына аудандық аурухананың арнайы егу бөлмелерінде 6 дәрігер, 4 мейірбике тартылған. Ереже бойынша медицина қызметкерлері екпе салмас бұрын әрбір адамның денсаулығын тексеріп алған. Ал екпе салынған соң жарты сағат бойы бақылау жүргізген.
<blockquote>
 «Күнделікті науқастармен тығыз жұмыс істейтін болған соң вакцина салдырдым. Алдымен денсаулығымызды тексеріп, содан кейін екпе екті. Одан кейін күту залында жарты сағат бақылауға алды. Негізі осы уақыттың ішінде адамға кері ықпалы болуы тиіс. Ал өзімде және менімен қатар салдырған медицина қызметкерлерінде екпенің теріс әсері болған жоқ. Қауіпті індеттен құтылудың бірден-бір жолы екпе салдыру екенін білеміз. Сондықтан вакцина салдырып, өз денсаулығымызға жауапкершілік таныттық», – дейді дәрігер Қайрат Ерманов.
</blockquote>
Жалпы, ауданда І типтік екпе жұмыстары медицина саласының қызметкерлеріне, оның ішінде қабылдау, жұқпалы аурулар бөлімінің, жансақтау және хирургиялық бөлім қызметкерлеріне жүргізілді. Енді алда наурыздың 30-ы күні ІІ типтік вакцина егу жұмыстары жүргізіледі.
<img src="https://kyzylorda-news.kz/wp-content/uploads/2021/03/161937009_870087280220832_8080511394961813934_o.jpg" alt="" />

Сырдария ауданында 100 адам екпе салдырды

<a href="https://kyzylorda-news.kz/">Kyzylorda-news.kz</a>. Қызылордада өткен тәулікте коронавирус инфекциясынан 9 адам емделіп шықты. Оның ішінде 8 науқас Қызылорда қаласының, 1 Шиелі ауданының тұрғыны.
24 сағат ішінде зертханаларға тапсырылған сынамалар саны – 186, тексерілгені – 178. Бүгінгі күні инфекциялық стационарда – 31, реанимация бөлімінде 5 науқас ем алуда.

Қызылордада коронавирус инфекциясынан 9 науқас емделіп шықты

<a href="https://kyzylorda-news.kz/">Kyzylorda-news.kz</a>. Қазақстанда өткен бір тәулікте 1011 адамда коронавирус індеті ПТР-сынама арқылы расталды, деп хабарлайды coronavirus2020.kz.
Өңірлер бойынша:
Алматы қаласында – 27703 (+342),
Нұр-Сұлтан қаласында -26606 (+157),
Шығыс Қазақстан облысында – 22473 (+20),
Павлодар облысында – 18509 (+46),
Атырау облысында – 17710 (+41),
Қарағанды облысында – 16195 (+84),
Ақмола облысында – 14515 (+61),
Батыс Қазақстан облысында – 13827 (+32),
Қостанай облысында – 13118 (+49),
Солтүстік Қазақстан облысында – 12745 (+17),
Алматы облысында – 11711 (+92),
Шымкент қаласында -6372 (+21),
Жамбыл облысында – 6148(+20),
Ақтөбе облысында -4522 (+18),
Түркістан облысында – 4361 (+9),
Маңғыстау облысында – 4298 (+0),
Қызылорда облысында -3918 (+2).
Пандемия басталғалы коронавирусқа шалдыққандардың жалпы саны – 224 731.

Қызылордада өткен тәулікте коронавирус инфекциясын жұқтырғандар бар

<h5 id="kyzylordanewskzhttpskyzylordanewskz"><a href="https://kyzylorda-news.kz/">Kyzylorda-news.kz</a>. Онкологиялық ауруы бар науқастарға вакцина салдыруға бола ма? Бұл сауалға «Онкология және радиология ҚазОРҒЗИ» АҚ Басқарма төрайымы, медицина ғылымдарының докторы, ҚР Ұлттық Ғылым академиясының Академигі, Қазақстан онкологтар қауымдастығының төрайымы Диляра Қайдарова жауап берді.</h5>
<blockquote>
 «Қазір барлық онкологтар қауымдастығы онкологиялық ауру бар науқастарға вакцина салдыру мүмкіндігі туралы мәселені талқыға салуда. 2021 жылдың ақпан айында Америкалық онкологтар қауымдастығының мұндай науқастардың белгілі бір категориясына арналған вакцинациялау жөніндегі хаттамасы дайын болды. Мысалы, пациент ремиссия деңгейінде болса, онда олар толық диагностикалық тексеруден өткеннен кейін вакцина алуына болады. Бірақ, бұл әлі түйіні қойылмаған мәселе. Дегенмен, америкалық және уеропалық онкоқауымдастықтар онкологиялық ауру бар науқастарға өлі вирусы бар вакцина салуды ұсынып отыр. Сондықтан, біз осы стандарттарға сай келетін өзіміздің отандық вакцинаның қолданысқа берілуін күтіп отырмыз», – деді ол.
</blockquote>
<a href="https://baq.kz/news/othernews/kazakstanda-34-mynnan-astam-adamga-vakcina-salyndy/">Baq.kz</a>

Онкологиялық ауруы бар науқастарға вакцина салдыруға бола ма?

<a href="https://kyzylorda-news.kz/">Kyzylorda-news.kz</a>. Әлемде коронавирус пандемиясының жарияланғанына бүгін 1 жыл болды. Осы уақыт аралығында жер бетінде 117 миллионнан астам адам вирус жұқтырды, деп хабарлайды <a href="https://24.kz/kz/zha-aly-tar/lemde/item/460696-lemde-koronavirus-pandemiyasyny-366-k-ni-alaj-tti">«Хабар 24»</a>.
2 миллион 600 мың жан қайтыс болды. Кеңінен етек жайған індетті тоқтату үшін әлем елдерінде төтенше жағдай жарияланып, шекарадан кіріп-шығу шектелді. Қоғамдық орындар мен мектептер жабылды. Мекемелер амалсыз қашықтан жұмыс істеуге көшті. Індет келген бір жылда әлемде не өзгерді?
Бір жыл бұрын өмір басқаша еді. Күйбең тіршілік, гуілдеген көлік дауысы. Бітпейтін жұмыс, таусылмас тірліктің соңынан тырбаңдап жүрген адамдар. Қашан, қай жерде тоқтарымызды ешкім де дөп басып айта алмайтын кез еді.
Бірақ бәрі бір заматта өзгеріп шыға келді. Әп-сәтте әлемдегі тіршілік тоқтап қалғандай болды. Бәрі алты құрлыққа ауыз салған коронавирустың кесірі.
<blockquote>
 «Коронавирустың жылдам таралуына қатты алаңдап отырмыз. Жағдайды жіті зерттеп, COVID-19-ды пандемия деп атауға болатынына көз жеткіздік». – дейді ДДСҰ басшысы Тедрос Адханом Гебрейесус.
</blockquote>
Бірақ бұл жаңалыққа алғашында әлем жұрты аса қатты мән бермеді. Тіпті елемегендей болды. Халыққа талай рет ауызбен айтылып, видеомен көрсетіліп жатса да, ел оған сенуден бас тартты. Ол – ол ма, індетті жоққа шығарып келген саясаткерлер де болды.
<blockquote>
 «Инфекцияға шалдыққаннан кейін президент Жаир Болсонару COVID-19-ға қатысты ойын өзгертетін шығар деп үміттендік. Бірақ ол әлі күнге дейін ауруды жоққа шығарып келеді». – дейді эпидемиолог Роберто Медронхо.
</blockquote>
Коронавирус жаһан жұртын жалмап, өз дегенін істеп жатты. Билік өкілдері шұғыл шара да қабылдады. Карантин де жариялады. Әлем жұрты тосыннан төрт қабырғаға қамалды да қалды. Біреулер бұған ашуланды, келесісі қайғырды. Бірақ бұрынғыша болмайтынын ұқты. Дүниені дүрліктірген вирусты қабылдап, оған бейімделе өмір сүруге көшті.
Сөйтіп, «Саулық сақтықта» деген сөз қоғамның жаңа ұранына айналды. Барша жұрт бетперде тағу, әлеуметтік арақашықтық сақтаудың қаншалықты маңызды екенін түсінді. Күн сайын жүз мыңдаған адамның вирус жұқтырғанын көзбен көрген ел денсаулықтың қадірін білді.
<blockquote>
 «Әр минут сайын отбасының бір мүшесі қайтыс болып жатыр. Бұл сұмдық жағдай. Сондықтан азаматтар ахуалдың күрделілігін түсінулері керек. Өкінішке қарай, адамдар өзгелердің жауапкершілік танытпауынан зардап шегіп отыр», – дейді тұрғын Памела Габриэла Орозко.
</blockquote>
Індет талай жанның тағдырын жалмап, сан түрлі саланы шатқаяқтатқанда, вирустан құтылудың амалы пайда болды. Қауіпті инфекцияға қарсы жаңа дәріні жарыса іздеген әлем ғалымдары бірінен соң бірі вакцинаның пайда болғанын хабарлады.
<blockquote>
 «Бұл вирустың ағзадағы жасушаларға желімдей жабысып алатын қасиеті бар. Антиденелердің көмегімен біз оны бұзуға тырыстық». – дейді ғалым Грегори Гленн.
</blockquote>
Қазір дүниежүзі бойынша 10-ға жуық вакцина бар. Ендігі мәселе – жер тұрғындарының бәрін препараттармен қамту. Бұл әрине, өте ауқымды әрі күрделі жұмыс екені сөзсіз. Десе де, қысқа мерзім ішінде жеткен жетістіктер жоқ емес. Бүгінде әлемнің ондаған елінде халықты жаппай вакциналау науқаны жүріп жатыр. Бұған қоса, Дүниежүзілік денсаулық сақтау ұйымы «келер жылдың басында адамзат пандемияны еңсереді» деп қуантып отыр.

Әлемде коронавирус пандемиясының 1 жылы қалай өтті?

Kyzylorda-news.kz. Қазақстанда 12 наурыздағы эпидемиологиялық жағдай бойынша ПТР тестінің оң нәтижесі бар коронавирус инфекциясын жұқтырған 1 002 жағдай тіркелді, деп хабарлайды coronavirus2020.kz.
Елімізде коронавирус инфекциясын жұқтырғандар саны 222 671-ге жетті.
Оның ішінде:
Нұр-Сұлтан қаласында – 26 276 (+152),
Алматы қаласында – 27 001 (+293),
Шығыс Қазақстан облысында – 22 429 (+35),
Атырау облысында – 17 624 (+42),
Павлодар облысында – 18 413 (+50),
Қарағанды облысында – 16 039 (+74),
Ақмола облысында – 14 397 (+50),
Батыс Қазақстан облысында – 13 735 (+68),
Солтүстік Қазақстан облысында – 12 700 (+21),
Қостанай облысында – 13 021 (+48),
Алматы облысында – 11 533 (+90),
Шымкент қаласында – 6 344 (+25),
Жамбыл облысында – 6 112(+13),
Түркістан облысында – 4 344 (+4),
Маңғыстау облысында – 4 295 (+3),
Ақтөбе облысында – 4 492 (+29),
Қызылорда облысында – 3 916 (+5).

Қызылордада 5 адам коронавирус жұқтырды

<a href="https://kyzylorda-news.kz/">Kyzylorda-news.kz</a>. Қазақстанда 1 ақпаннан бастап 34 мыңнан астам адамға вакцина егілді. Бұл туралы Бұл туралы медицина ғылымдарының кандидаты, ДСМ Қоғамдық денсаулық сақтау министрлігінің ұлттық орталығы директорының орынбасары Айнагүл Қуатбаева мәлімдеді.
<blockquote>
 «Өздеріңіз білетіндей, елімізде 1 ақпаннан бастап коронавирусқа қарсы вакцинация басталды. Бүгінгі күні 34 мыңнан астам медицина мамандары мен педагогтар және күштік құрылым қызметкерлері екпе салдырды. Ал, вакцинаның екінші компоненті 16 мыңнан астам адамға салынды. Қазір электронды жүйе арқылы мониторинг жүргізілуде, вакцина алғандардың жағдайын бақылап отырмыз. Осы ретте баса айтарымыз – әрбір адамға вакцина сол адамның келісімі, түсіндіру жұмыстары және медициналық тексерістен кейін салынады. Сонымен қатар, вакцина салатын, оны ұйымдастыратын қызметкерлердің барлығы да арнайы оқыту, үйренуден өтті. Арнайы егу бөлмелері толықтай қажетті құрылғылармен жабдықталған. Вакцинаның ерекшелігіне байланысты арнайы бөлмелер -18С-ты қажет ететін тоңазытқыш қондырғыларымен қамтамасыз етілген», – деді ол.
</blockquote>
Оның айтуынша, бүгінде 600-ден астам екпе бөлмесі&nbsp;дайын. Оның 97%-дан астамы арнайы тоңазытқыштармен қамтамасыз етілген.&nbsp;
<blockquote>
 «Жұмыс барысында біз вакцина алған адамдардың екпеден кейінгі мониторинг жұмысына көп көңіл бөлеміз. Вакцина алғаннан кейін егу бөлмесінің жанында арнайы бөлмелер дайындалған, онда адамдар 30 минуттай медицина қызметкерлерінің бақылауында болады. Сонымен қатар, азамат үйге жіберілгеннен кейін 3 күн бойы дәрігерлердің бақылауында болады. Осындай бақылаудың нәтижесінде 400-ден астам (415) адамнан вакцинациядан кейінгі реакция тіркелгенін байқадық. Мұның барлығы алдын ала күтілген жағдай. Оның ішінде 267-сі жалпы жағдай (дененің дел-салдылығы, дене қызуының көтерілуі). Адам ағзасының қалыпты реакциясы саналатын мұндай жағдайда арнайы ем-домның қажеті жоқ екенін ескертеміз», – деді Айнагүл Мұқанқызы.
</blockquote>
<a href="https://baq.kz/news/othernews/kazakstanda-34-mynnan-astam-adamga-vakcina-salyndy/">Baq.kz</a>

Қазақстанда 34 мыңнан астам адамға вакцина салынды

<a href="https://kyzylorda-news.kz/">Kyzylorda-news.kz</a>. Денсаулық сақтау министрі Алексей Цой қазақстандықтарға үндеу жолдап, алдағы мерекелік демалыстар кезінде барынша абай болуға шақырды.&nbsp;&nbsp;
<blockquote>
 “Құрметті қазақстандықтар! Мерекелік демалыс күндері қарсаңында маңызды бір мәселені еске салғым келеді, күз бен көктемде жіті респираторлық вирустық инфекция (риновирус, аденовирус, парагрипп вирус және басқалары) асқынады. Қазір ЖРВИ маусымы жалғасуда, сондықтан сырқаттану қаупі сейілген жоқ”, – деп жазды Цой&nbsp;<a href="https://www.facebook.com/alexey.tsoy.3">Facebook</a>&nbsp;парақшасында.&nbsp;
</blockquote>
Министр қыркүйек пен қаңтар аралығында коронавирустың жаңа штамдары анықталмағанын жеткізді. Алайда халықаралық әуе қатынасы қайта ашылғанын, сондай-ақ, жақын және алыс шетелден келетін адамдардың қатары көбейгенін ескерген жөн. Ондайда коронавирус инфекциясының жаңа штамдарын тасымалдау қаупі артады. Ал шектеу шараларының жеңілдетілуі коронавирус инфекциясының таралу қаупін үдетуі мүмкін.
Осы орайда Цой америкалық және ресейлік ғалымдардың ғылыми зерттеулерін мысалға келтірді. Оған сәйкес, коронавирус инфекциясымен ауырып шыққандардың тек 10-15 процентінде ғана тұрақты иммунитет қалыптасқан.
<blockquote>
 “COVID-19 жұқтырған науқастарда иммунитет пациенттің жасына қарай қалыптасады: иммунитет балаларда жақсы дамиды – кәмелетке толмағандар арасында иммунитет шамамен 20% болады. 18-ден асқан адамдарда -14%, 65 жастан асқандарда -11%. 40%-нде иммунитет өте әлсіз және инфекция қайталанғанда көмектесе алмайды”, – дейді министр.&nbsp;
</blockquote>
Бүгінде иммунитеттің сақталу ұзақтығына қатысты ғылыми тұрғыда дәлелденген дерек жоқ. Сондықтан COVID-19-дан сауыққан адамдарда ауруды қайта жұқтыру мүмкіндігі күн сайын артып келеді.&nbsp;
<h3 id="">Вакцинация көмектесе ме</h3>
Министр коронавирус инфекциясына қарсы вакцинация ғана карантинге балама бола алатынын да жазды. Ақпан айында&nbsp; “Спутник V” екпесімен жаппай вакцинация басталды. Бірінші кезекте коронавирус инфекциясын жұқтыру және тарату қаупі жоғары азаматтар (медицина қызметкерлері, педагогтар, күш құрылымдарының қызметкерлері) екпе салдырады. Ал сәуір айынан бастап халықтың осал топтарын (созылмалы аурулары бар адамдар, 65 жастан асқандар және халықтың басқа да топтары) вакцинациялау жоспарланып отыр.
<blockquote>
 “Егер халық жаппай КВИ-ге қарсы профилактикалық екпе салдырса, ұжымдық иммунитет қалыптасады және инфекцияның таралуын тоқтатуға мүмкіндік туады. Құрметті қазақстандықтар, коронавирус инфекциясын жұқтыру қаупі әлі де жоғары! Пандемия әлі де жалғасуда, вирус жеңілген жоқ. Сондықтан әр адам жағдайға барынша жауапкершілікпен қарау керек, Әрине, міндетті түрде вакцинация да қажет”, – деп атап көрсетті Цой.&nbsp;
</blockquote>
Осы орайда министр ауру жұқтырмаудың жолын іздеуге кеңес берді. Ол үшін бетперде киіп, әлеуметтік арақашықтық және гигиена талаптарын сақтау қажет.

Министр Цой коронавирусқа қатысты үндеу жасады

<a href="https://kyzylorda-news.kz/">Kyzylorda-news.kz</a>.&nbsp;2020 жылдың соңында әлемде 88 миллион адам аш болды. Болжам бойынша 2021 жылы бұл көрсеткіш өседі, деп мәлімдеді БҰҰ бас хатшысы Антониу Гутерреш.
<blockquote>
 “2020 жылдың соңында әлемде 88 миллион адам аштық көрді. Қақтығыстар мен тұрақсыздық салдарынан бұл сан бір жылда 20 процентке артты. 2021 жылы көрсеткіш өсе береді”, – деді Гутерреш.
</blockquote>
Оның айтуынша, климаттық өзгеріс пен COVID-19 пандемиясы жағдайды ушықтырып отыр.
<blockquote>
 “Шұғыл шаралар қабылданбаса, миллиондаған адам аштық пен өлім жағдайында болады. Болжам бойынша бұл жағдай Сахель және Африканың шығыс аймағымен өтіп, Оңтүстік Судан, Йемен жне Ауғанстанда жедел тарайды. Әлемнің отыз елінде 30 миллионнан астам адам аштық жағдайында өмір сүріп жатқанын жариялаудың аз-ақ алдында тұр”, – деді бас хатшы.
</blockquote>
Йеменде бесжыллдық қақтығыс салдарынан 4 миллион адам үйін тастап кетуге мәжбүр болған.
Өткен жылы Конго Демократиялық Республикасында іауқымды азық-түлік дағдарысы болды. Шілде-желтоқсан айларына 21,8 миллионға жуық адам аштық жағдайында қалды.
<a href="https://sputnik.kz/world/20210312/16513539/BUU-malimdeme.html">Sputnik</a>

БҰҰ бас хатшысы маңызды мәлімдеме жасады

<a href="https://kyzylorda-news.kz/">Kyzylorda-news.kz</a>.&nbsp; Қазақстанда 653 адам коронавирус инфекциясынан жазылып шықты, деп хабарлайды&nbsp;<a href="https://www.coronavirus2020.kz/kz">coronavirus2020.kz</a>.
Нұр-Сұлтан қаласында – 114, 
Алматы қаласында – 118, 
Ақмола облысында – 76, 
Ақтөбе облысында – 10, 
Алматы облысында – 75, 
Атырау облысында – 19, 
Шығыс Қазақстан облысында – 27, 
Жамбыл облысында – 18, 
Батыс Қазақстан облысында – 39, 
Қарағанды облысында – 45, 
Қостанай облысында – 65, 
Қызылорда облысында – 7, 
Павлодар облысында – 28, 
Солтүстік Қазақстан облысында – 12. 
Елімізде барлығы 204 782 адам COVID-19-дан емделіп, сауығып кетті.

Қазақстан және Қызылорда облысының жаңалықтары: COVID-19

Қызылордада 3 адамнан коронавирус анықталды