<a href="https://kyzylorda-news.kz/">Kyzylorda-news.kz.</a> Апта басында «Үздік жыл психологы» атты республикалық конкурсы өтті.
«Дарын» республикалық ғылыми-практикалық орталығының ұйымдастыруымен өткен конкурстың мақсаты талантты психологтарды анықтау, оларды қолдау және озық тәжірибені насихаттау.
Байқауға республика бойынша білім беру ұйымдарынан 53 педагог-психолог мамандары қатысқан. Кәсіби байқауға Қызылорда облысынан 3 педагог-психолог қатысып, бақ сынады.
Сайыс қорытындысы бойынша аймақ абыройын қорғаған 2 педагог-психолог үздіктер қатарынан көрінді. Казалы ауданындағы №249 мектеп-лицейінің педагог-психологы Айгерім Қожахметова І орынды иеленсе, Қызылорда қаласындағы №43 орта мектебінің педагог-психологы Жанерке Исмайлова жүлделі ІІІ орынға ие болды.
<img src="https://kyzylorda-news.kz/wp-content/uploads/2022/03/274900435_1307068359796366_5479553211573985381_n.jpg" alt="" />
<img src="https://kyzylorda-news.kz/wp-content/uploads/2022/03/275066758_1307068363129699_2144232041677024373_n.jpg" alt="" />

«Үздік жыл психологы»: Қызылордалық психологтар республикалық байқауда жеңімпаз атанды

<a href="https://kyzylorda-news.kz/">Kyzylorda-news.kz.</a> Алғыс айту мерекесі аясында М.Ықсанов атындағы Қызылорда политехникалық колледжінде білім беру саласына елеулі үлес қосқан ардагер ұстаздарға арналған арнайы кабинет ашылды. Облыс әкімі Гүлшара Әбдіқалықова ұрпақтар сабақтастығын жалғап келе жатқан ардагер ұстаздармен кездесіп, арнайы кабинеттің ресми ашылу рәсіміне қатысты.
Алдымен облыс әкіміне облыстық білім басқармасының басшысы Ақзира Қасымова колледж базасында техникалық және кәсіптік білім беру саласындағы кешенді жұмыстардың нәтижесін тізбеледі.
Жаңадан ашылған кабинет білім беру мен тәрбие жұмысында ардагерлердің келешекте белсенді атсалысып, тәрбиелік мақсатта кеңестер өткізуіне қолайлы етіп жабдықталған. Яғни сала ардагерлерінің жұмыс тарихынан фотокөрме қойылып, құрмет бұрышы әзірленген.
Басқосу барысында аймақ басшысы қазыналы қарттарға ілтипат білдіріп, 1 наурыз Алғыс айту күнімен құттықтап, ардагерлердің парасаты мен тәжірибесін кейінгі ұрпаққа насихаттау жұмыстары ұдайы түрде дәріптелетінін айтты.
<blockquote>
 «Жаңару айының алғашқы күні құрметімізді ұстаздан бастайық деген игі оймен заманауи үлгідегі кабинетті ашып отырмыз. Бұл кабинет ардагер ұстаздар бас қосып ақылдасатын, келелі ой, зерделі сөз айтатын орталық болады деп сенемін. Ізгілікке толы Сіздердің әрбір тәжірибелеріңіз, асыл қасиеттеріңіз бен ғибратты ғұмырларыңыз жастарға үлгі деп білемін», – деді Гүлшара Әбдіқалықова.
</blockquote>
Шара соңында облыс әкімі ардагер ұстаздармен пікір алмасып, білім саласын жетілдіру мен саналы ұрпақ тәрбиелеу төңірегінде әңгімелесті. Ардагерлер өз тарапынан білім саласының бүгінгі беталысын бағамдап, өз ұсыныстарын ортаға салды.
Айта кетейік, бүгінгі күні өңірде 5 мыңнан аса білім саласының ардагері болса, оның 1867-сі Қызылорда қаласында тұрады.
<img src="https://kyzylorda-news.kz/wp-content/uploads/2022/03/275004042_1306588346511034_7776472003979324255_n.jpg" alt="" />
<img src="https://kyzylorda-news.kz/wp-content/uploads/2022/03/274944313_1306588336511035_2860593539915644534_n.jpg" alt="" />

Гүлшара Әбдіқалықова ардагер ұстаздарға ілтипат білдірді

Kyzylorda-news.kz. Бүкіл саналы ғұмырын білім беру саласына арнаған, «Қазақ КСР халық ағарту ісінің озық қызметкері», «КСРО Ағарту ісінің үздігі», «Қазақстанның еңбек сіңірген қызметкері», «Қызылорда қаласының құрметті азаматы» – Подольский Марк Захаровичтің 90 жас мерейтойы салтанатты түрде аталып өтілді.
Мерейтой кешіне облыс әкімінің орынбасары Балжан Шәменова, облыстық білім басқармасының басшысы Ақзира Қасымова, Қызылорда қалалық мәслихатының хатшысы Ибадулла Құттықожаев қатысып, ардагер ұстазға құрмет көрсетті.
Салтанатты шарада Балжан Мөрәліқызы облыс әкімі Гүлшара Әбдіқалықованың арнайы құттықтауын тапсырып, мерейлі мерекесімен құттықтады. Марк Захарович қаламызда ғана емес, аймағымызға белгілі ұлағатты ұстаз. Саналы ғұмырының барлығын педагогика саласына арнаған ардагер ұстазымыз жас мамандарға тәлімгерлік жасап, ұзақ жылғы ұстаздық тәжірибесін үйретуден жалықпай, аймағымыздың білім саласына елеулі үлес қосты, деді өңір басшысының орынбасары.
Марк Захарович еңбек жолын тәлімгер ретінде бастап, балалар үйінде тәрбиеші болып жұмыс жасаған. Макаренко атындағы №120 орта мектепте мұғалім, әрі қарай директордың оқу-тәрбие ісі жөніндегі орынбасары, №3 орта мектепте тәрбие жұмысын ұйымдастырушы болып жұмыс істеді. 
1978 жылдан 2002 жылға дейін №198 орта мектептің директоры қызметін атқарған. Жұмыс жасаған жылдары экономика, мәдениет, ғылым, білім, спорт секілді түрлі қызмет салаларында еңбек етіп жүрген көптеген білімді шәкірттерді тәрбиеледі.
Қазірде көпшілік ұстазымызды ғұмырын білім саласына арнаған зиялы тұлға, білімі терең білікті басшы және талантты ұйымдастырушы, нағыз көшбасшы деп таниды. Оның басшылығымен түрлі жобалар жүзеге асырылып, білім ошағында тігін ісі бойынша шағын цех, бәліш цехы, кәдесый жасау цехы, шеберханалар жабдықталды. Сонымен қатар №198 орта мектепті басқарған уақытта республикадағы алғашқы миллионер оқу ошағының бірі болды.
<img src="https://kyzylorda-news.kz/wp-content/uploads/2022/02/fb_img_1645845042823.jpg" alt="" />
<img src="https://kyzylorda-news.kz/wp-content/uploads/2022/02/fb_img_1645845042823-1.jpg" alt="" />

«КСРО Ағарту ісінің үздігі» Марк Подольскийдің 90 жас мерейтойы аталып өтілді

<a href="https://kyzylorda-news.kz/">Kyzylorda-news.kz.</a> Шымкент қаласында еліміздегі дарынды балаларды анықтау және қолдау көрсету мақсатында жалпы білім беретін пәндер бойынша 9-11(12) сынып оқушыларына арналған республикалық ғылыми жобалар конкурсы өткізілді. Республикалық байқауды ҚР Білім және ғылым министрлігінің қолдауымен «Дарын» республикалық ғылыми-практикалық орталығы ұйымдастырды.
Конкурс 16 бағыт бойынша 4 секцияны қамтыды. Еліміздің барлық аймағынан 749 дарынды оқушы қатысып, 596 жоба ұсынды.
Қорқыт ата атындағы Қызылорда университеті «Дарын» республикалық ғылыми-практикалық орталығымен 2021 жылы бірлескен іс-шаралар жоспарын бекіткен. Жоспар аясында жүйелі түрде аймақтық деңгейде түрлі ғылыми конкурстар мен пәндік олимпиадалар ұйымдастырылуда.
Сонымен қатар, 2021 жылы Қарағанды қаласында ұйымдастырылған Президенттік олимпиада жүлдегерлеріне университет 10 тегін оқу грантын ұсынған болатын.
&nbsp;Республикалық ғылыми жобалар конкурсының жеңімпаздарды марапаттау шарасына Қорқыт ата атындағы Қызылорда университетінің әлеуметтік және тәрбие жұмыстары жөніндегі проректоры Жандос Базартай қатысып, 10 тегін оқу грантын табыстады.&nbsp; Комиссия шешімімен Жамбыл, Шымкент, Түркістан,&nbsp; Қарағанды және Қызылорда аймақтарынан келген үздік оқушылар университет грантын иеленді.&nbsp;
Алдағы уақытта оқу орны тарапынан осындай республикалық олимпиадалар мен ғылыми конкурс жеңімпаздарына 30 грант бөлу жоспарда бар. Бұл қадамдардың негізгі мақсаты университеттің стратегиялық жоспарына сәйкес дарынды жастарды оқу орнымызға тарту болып саналады.
<img src="https://kyzylorda-news.kz/wp-content/uploads/2022/02/whatsapp-image-2022-02-25-at-15.51.55.jpeg" alt="" />
<img src="https://kyzylorda-news.kz/wp-content/uploads/2022/02/whatsapp-image-2022-02-25-at-15.51.56.jpeg" alt="" />

Республикалық ғылыми жоба жеңімпаздарына 10 тегін оқу гранты табысталды

<a href="https://kyzylorda-news.kz/">Kyzylorda-news.kz.</a> Қазіргі таңда отандық мамандардың шетелде білімін жетілдіруі үшін барлық мүмкіндіктер қарастырылған. Әлемнің жетекші университеттерінде білімін шыңдап, мол тәжірибе жинақтауға жол ашық.
Қорқыт ата атындағы Қызылорда университетінде жыл сайын шетелде білім алуға, зерттеу жұмыстарын жүргізуге ниеттілер саны артып келеді. Биылғы оқу жылының алғашқы академиялық кезеңінде 4 докторант Ресей елінен тағлымдамадан өтсе, екінші академиялық кезеңде 10 білім алушы біліктілігін арттырады.
Олардың қатарында Қазақ тілі мен әдебиеті мамандығының білім алушылары Нұрайым Қыпшақбай мен Әсел Закирова бар. Олар&nbsp; Түркияның Анкара қаласындағы Қажы Байрам Уәли университетінде тағылымдамадан өтпек.
Әсел Сейдуллақызы «Қазақ аңыз-әңгімелері тілін оқытудың лингвомәдени және когнитивті аспектілері» тақырыбында зерттеу жүргізеді. Диссертация тақырыбының жоспарына сәйкес, ғылыми кеңесшісі аталмыш университеттің профессоры, филология ғылымдарының докторы Оғыз Оджалмен пікірлесіп, ұсыныстарын тыңдайды. Ал Нұрайым Кенжебекқызына «Кірме сөздерді талдау өлшемдерінің типологиясы: теориясы мен оқыту әдістемесі» тақырыбы бойынша профессор, доктор Хулия Ченчел Касапоғлы ғылыми жетекшілік етпек.
Зерттеушілер Анкара қаласының ұлттық кітапханасы қорынан ғылыми жұмыстар, оқулықтар, әдебиеттер, монографиялармен танысып, зерттеу жұмыстарын жүргізеді.
<blockquote>
 «Әлемнің үздік оқу орындарында академиялық ұтқырлық бағдарламасы арқылы білім алуға, ғылыми тағылымдамадан өтуге, шетелдік ғалымдармен бірлесе зерттеу жүргізуге мүмкіндік көп. Түркия елінде өтетін ғылыми тағылымда барысында түрік тілін үйреніп, түркітілдес елдердің әдебиеттерімен танысып, оларды зерттеу жоспары тұр. Жинақталған материалдар нәтижесін Қажы Байрам Уәли университеті Хабаршысына және Scopus базасына енген журналға жариялау жоспарлануда. Алдағы уақытта да қазақ тілі мен әдебиеті саласының мамандары мен білім алушылары үшін пайдасы тиетін ғылыми зерттеулер жалғасын табады»,-деді Әсел Закирова.
</blockquote>

Қызылордалық докторанттар шетелде ғылыми тағылымдамадан өтеді

<a href="https://kyzylorda-news.kz/">Kyzylorda-news.kz.</a> Қызылорда облыстық білім басқармасының «Дарын» облыстық қосымша білім беру орталығының ұйымдастыруымен өткізілген жалпы білім беретін пәндер бойынша республикалық олимпиаданың қалалық, аудандық кезеңі аяқталды.
14-21 ақпан аралығында өткізілген білім бәсекесінің аудандық, қалалық кезеңі жаратылыстану-математика, қоғамдық-гуманитарлық бағыттардағы 14 пән бойынша санитарлық талапты қатаң сақтай отырып, оффлайн форматта өткізілді. Олимпиадаға облыс көлемінде 9-11 сынып бойынша 5488 оқушы қатысуға өтініш білдірген. Оның ішінде белгілі себептермен 346 оқушы қатыса алмаған.
Айта кетейік, биылғы олимпиаданың басты ерекшелігі оқушылар «1 оқушы, 1 компьютер, 1 камера» қағидасы бойынша “Oqylyq.kz” платформасы арқылы жүргізілуде. Сонымен қатар олимпиада кезінде ашықтық пен академиялық адалдықты бақылау үшін мүдделі емес «үшінші тұлғалар», яғни «Adaldyq alańy» жобалық кеңсесінің қызметкері, ата-аналар комитетінің өкілдері, журналистер, ғалымдар шақырылды.
Сондай-ақ, «Дарын» облыстық қосымша білім беру орталығының мамандары аудандарға да бақылаушы ретінде жіберілді. Олимпиада өткізілетін аудиторияға, әділқазылар жұмыс орындарына камералар орнатылып, тікелей эфир арқылы көрсетілді. Бейнебақылау операторлық орталығының YouTube видео хостингтік жүйесімен олимпиаданың жүргізілуі бақыланды.
Білім додасына оқушылар пәндер бөлінісі бойынша уақытпен кіргізілді. Оқушылардың жауап парақтары сканерленіп, Орталық қызметкерімен шифрланды. Сканерленген жұмыстардың көшірмесімен аудандық, қалалық білім бөлімдері және «Дарын» облыстық қосымша білім беру орталығының ресми сайтында сілтеме арқылы кез-келген тұлға таныса алатындай жарияланды. Сонымен қатар оқушыларға түсіндірме жұмыстары жүргізіліп, ұялы телефон ұстамау, интернет сайтқа кірмеу қажеттігі алдын ала ескертілді. Алайда, олимпиада барысында аталған ережелерді бұзған 9 оқушыға акт толтырылды.
Олимпиаданың қорытындысы бойынша І орынды 382 оқушы, ІІ орынды 441 оқушы иеленсе, ал 800 оқушы ІІІ орынға ие болған. Жалпы облыстық кезеңге аудандық, қалалық мектептер және облыстық мамандандырылған мектептерден барлығы 363 бала облыстық кезеңге қатысады деп жоспарлануда.

Қызылордада республикалық олимпиаданың аудандық, қалалық кезеңі аяқталды

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің жас ғалымдары АҚШ-тың Мичиган мемлекеттік университетімен бірігіп, америкалық кеңес тарапынан қаржыландырылатын жобаны ұтып алды. Бұл туралы университеттің баспасөз қызметі хабарлады.
Жас ғалымдарға 10 күн бойы Мичиган мемлекеттік университеті, Джорд Вашингтон, Оңтүстік Дакота, Майн, және Нью-Йорк қаласындағы Пэйс университетерінің профессорлары офлайн форматта дәріс оқиды. Сондай-ақ, жас зерттеушілердің НАСА ғарыштық агенттігінің Қазақстандағы және Орталық Азиядағы қазіргі және келешектегі жобаларына қатысуға мүмкіндіктері бар.
Жобаның тақырыбы: «Қазақстан аумағындағы жоғарғы оқу орындарында экология және қоршаған орта ғылымдар саласында негізі оқу бағдарламаларын дамыту».
<blockquote>
 «Біздің ғалымдар жоба аясында АҚШ оқу орындарымен тәжірибе алмасып, экология саласының оқытылу процесімен таныспақ. Аталған жоба екі ел университеттері арасындағы ынтымақтастықтың артуына және студенттердің тәжірибе алмасуына ықпал етеді», – деді халықаралық байланыстар бөлімінің басшысы Гүлназия Әлмаханова.
</blockquote>

Қызылордалық ғалымдар америкалық жобаны ұтып алды

<a href="https://kyzylorda-news.kz/">Kyzylorda-news.kz.</a> Осыған дейін мұғалімдерді конкурс арқылы жұмысқа қабылдаудың жаңа жүйесі жайында айтылған. Ондағы талаптардың бірі — педагог қызметіне алғаш кіріскелі тұрған мамандарға міндетті біліктілік тестілеуден өту. Осыған байланысты ҚР Білім және ғылым минстрі Асхат Аймағамбетов Facebook парақшасында өз ойын ортаға салды.
«2021 жылы алғаш рет педагогикалық бағытта білім алған 32 мың түлекті тесттілеуден өткіздік.
Тестілеу пилотты түрде өтті. Бірақ енді жаңа ережелерді қабылдағаннан кейін, биылдан бастап түлектер мектепке жұмысқа орналасу үшін педагогикалық жоғары білімі туралы дипломының болуы жеткіліксіз. Енді қосымша тестілеуден өту арқылы «Педагог» біліктілігін алуға міндетті.
Бұл қалай жүзеге асырылады? 
Бәрі өте қарапайым.
Мысалы, төрт жыл бойы математика мұғалімі мамандығын оқыған студент мектепке жұмысқа орналасуы үшін Ұлттық біліктілік тестін тапсыратын болады. Тестілеу сұрақтарында математика бойынша мектеп бағдарламасы мен сол пән бойынша сабақ беру әдістемесі қамтылады. 
Жоғары оқу орнында шын мәнінде төрт курс оқып, қажетті білім алған студенттерге тест тапсыру қиындық тудырмайды.
Ал бірқатар себептермен білімі мен қабілеті балаларымызды оқытуға жеткіліксіз түлектер білім беру ұйымдарына қабылданбайды. Бізге сан емес, сапа маңызды. Тиісті деңгейде білімі жоқ түлектер балалармен жұмыс істемеуі керек.
Енді 2021 жылғы пилоттық жобаның нәтижелері туралы:
Болашақ педагогтерді алғаш рет тестілеу көптеген жоғары оқу орны үшін үлкен сынақ болды.
Бастапқыда белгіленген шекті деңгейді айтарлықтай төмендеткенімізге қарамастан түлектердің 46 пайызы ғана қажетті балл жинағай алғанын айта кеткен жөн. Бұл — тест тапсырған 32 мың түлектің 15 мыңы ғана. Ақпарат ретінде айта кетейін, жыл сайын білім беру ұйымдарына 12-14 мыңға жуық педагог жұмысқа орналасады. Яғни, бұл шара мұғалім тапшылығына айтарлықтай әсер етпейді.
Бәрінен бұрын мұндай нәтиже жоғары оқу орындарын лицензиясынан айыру, профильдеу, білім беру бағдарламаларын жаңарту және басқа да бастамалар бойынша министрліктің қабылдап жатқан шаралары қажет әрі дұрыс екенін айқын көрсетіп отыр.
Естеріңізге сала кетейін, бұған дейін педагогтерді еліміздің 86 жоғары оқу орны даярлаған болатын. Министрлік атқарған жұмыстың нәтижесінде 30-дан астам ЖОО-ның педагогика бойынша лицензиясы қайтарып алынды.
Айта кетерлік жайт, біз лицензиясын қайтарып алған жоғары оқу орындарының түлектері тестілеу кезінде ең төмен нәтижелер көрсетті.
Бірақ, соның өзінде әлі 50-ден астам жоғары оқу орнының лицензиясы бар, олар педагогтерді даярлауды жалғастырып жатыр. Барлық мәселе олардың кейбірінің нәтижелері оқыту сапасына қойылатын талаптарға сәйкес келмейтіндігінде.
Осыған байланысты алдағы уақытта да елімізде кадрлар даярлау сапасын жақсарту үшін қажетті шараларды қабылдайтын боламыз, әсіресе, педагогикалық бағытта. Енді 
негізгі тренд анықталып, педагог мамандығы мектеп түлектері үшін қызықты бола бастаған кезде, бізге болашақ мұғалімдерді жоғары сапада даярлауды қамтамасыз ету өте маңызды.
Бұрын ҰБТ нәтижесі бойынша орташа балл 55-60 болып, тиісті балл жинай алмау мәселесі өзекті болған еді. Ал қазір оқуға түсушілердің орташа балы айтарлықтай өсіп, 96-ға жетті. Сондай-ақ үздік түлектер мен «Алтын белгі» иегерлерінің саны да шамамен екі есе өсті. Педагогикалық бағыттағы мамандықтарға түсу үшін ҰБТ-ның ең жоғары шекті балын қойғанымызға қарамастан, осындай көрсеткішке жетіп отырмыз.
Осылайша, Президент Қ.К. Тоқаевтың қолдауының және мемлекет қабылдаған кешенді шаралардың арқасында бұл мамандыққа деген қызығушылық айтарлықтай артты.
Осы уақытқа дейін жалақы көлемін арттырып отырғанымызға қарамастан, Президенттің тапсырмасы аясында 2022 жылдың қаңтарынан бастап еңбекақы тағы 25%-ға өсті.
Кейбір түлектерді, атап айтқанда, оқу бағдарламасын тиісті деңгейде игермеген және алған дипломдарының негізінде ғана жұмысқа орналасуға ниет білдіргендерді енгізілген тәртіп қуантпайтыны анық. Кейбір университеттерге де бұл шешім ұнаған жоқ, өйткені, бұл олардың жұмысының деңгейі мен сапасын айқын көрсетті.
Бірақ біз жоғары оқу орындарының білім беру қызметінің сапасын жақсарту мақсатында, мектепте қызмет етуге тек мықтылар келуі үшін жұмысты әрі қарай жалғастырамыз.
Аталған тиімді тұстарынан бөлек, бұл шара студенттерді диплом үшін ғана оқуға емес, шын мәнінде сапалы білім алуға ынталандырады деп үміттенемін. Ал жоғары оқу орындары тиісті сапада білім беруге міндетті болады.
Бұл шешімді барлығы бірдей оң көзқараспен қабылдамайтыны белгілі болды. Бірақ мен оның маңызды әрі қажет екеніне сенімдімін.
Егер ұшқыштар немесе аудиторлар мен адвокаттар қызметіне кірісуі үшін жауапты емтихан тапсыратын болса, балалармен жұмыс істеуді алғаш рет бастайтын педагогтер сынақтан өтуі қажет емес пе». — деді ҚР Білім және ғылым минстрі Асхат Аймағамбетов.

Мұғалімдерді конкурс арқылы жұмысқа қабылдаудың талаптары қандай?

<a href="https://kyzylorda-news.kz/">Kyzylorda-news.kz.</a> Бүгін Қызылорда облысының білім басқармасының «Дарын» облыстық қосымша білім беру орталығының ұйымдастыруымен облыс бойынша жалпы білім беретін пәндер бойынша республикалық пәндік олимпиаданың қалалық, аудандық кезеңі бастау алды.
Білім бәсекесінің аудандық, қалалық кезеңі жаратылыстану-математика, қоғамдық-гуманитарлық бағыттардағы 14 пән бойынша санитарлық талапты қатаң сақтай отырып, офлайн форматта өткізілуде.
Олимпиаданың бүгінгі алғашқы күнінде облыс көлемінде 9-11 сынып бойынша барлығы 5 510 оқушы биология және информатика пәндерінен бақ сынауда.
Биылғы олимпиаданың басты ерекшелігі оқушылар «1 оқушы, 1 компьютер, 1 камера» қағидасы бойынша “Oqylyq.kz” платформасы арқылы жүргізілуде. Сонымен қатар олимпиада кезінде ашықтық пен академиялық адалдықты бақылау үшін мүдделі емес «үшінші тұлғалар», яғни «Adaldyq alańy» жобалық кеңсесінің қызметкері, ата-аналар комитетінің өкілдері, журналистер, ғалымдар шақырылды.

Қызылордада республикалық пәндік олимпиаданың қалалық, аудандық кезеңі басталды

<a href="https://kyzylorda-news.kz/">Kyzylorda-news.kz.</a> Мәскеуде Қасым-Жомарт Тоқаев пен Владимир Путин ұзақ келіссөздер жүргізіп, оның қорытындысы бойынша мемлекет басшылары бірлескен мәлімдеме жасады. Қазақстан Президенті ресейлік жоғары оқу орындарының филиалдары ашылатынын айтты.
Мемлекет басшысы Қазақстанда инженерлік-техникалық кадрларға деген сұранысты ескере отырып, білім беру саласындағы ынтымақтастыққа ерекше назар аударылғанын атап өтті.
<blockquote>
 “Бүгін келіссөздер барысында мен Владимир Владимировичке Ресей Федерациясының ең танымал университеттерінің, ең алдымен техникалық университеттерінің филиалдарын Қазақстанда ашуға келісім бергені үшін алғысымды білдіремін. Олар біздің еліміздегі білім беру саласына үлкен үлес қосады деп ойлаймын”, – деді Тоқаев.
</blockquote>
Қазақстан Президенті Ресейдің жетекші жоғары оқу орындарының Қазақстандағы филиалдарының желісін кеңейту жөніндегі елеулі келісімдерді құптайтынын атап өтті.
<blockquote>
 “Қазақстанда мына университеттердің филиалдары ашылатынын атап өткім келеді, бұл жоғары оқу орындары барлығына жақсы таныс: МИФИ (Ұлттық ядролық зерттеу университеті, МИФИ ), университет имени Губкина (Губкин атындағы Ұлттық зерттеу университеті), Бауманское училище (Бауман атындағы мемлекеттік техникалық университеті). Қазір училище университет болып үлгерген сияқты, бірақ, бренді қалды. Білім беруді қолдау өзара қарым-қатынас саласындағы &nbsp;өте маңызды ілгерілеушілік деп ойлаймын”, – деді Қасым-Жомарт Тоқаев.
</blockquote>
Еске салайық, Мәскеуде Қазақстан Президенті Қасым-Жомарт Тоқаев пен Ресей Президенті Владимир Путин жоғары деңгейдегі келіссөздер жүргізіп, оның барысында екі ел арасындағы көпқырлы стратегиялық серіктестікті дамыту перспективаларын қарастырған болатын.
<a href="https://massaget.kz/layfstayl/bilim/bilim-ordalary/67397/">Massaget</a>

Қазақстанда ресейлік қандай университеттердің филиалдары ашылады?

<a href="https://kyzylorda-news.kz/">Kyzylorda-news.kz.</a> БҰҰ Бас Ассамблеясының 2015 жылғы шешімімен 11 ақпан ғылымдағы әйелдер мен қыз балалардың халықаралық күні деп жариялады. Атаулы датаға орай Өңірлік коммуникациялар қызметінде Қорқыт ата атындағы Қызылорда университетінің «Аграрлық технологиялар» кафедрасының профессоры, ауыл шаруашылығы ғылымдарының докторы Лаура Тохетова мен Қорқыт ата атындағы Қызылорда университетінің магистранты Салтанат Мағауия ғылым саласындағы бұрымдылардың үлесі туралы баяндады.
<blockquote>
 «Қазіргі уақытта ғылым саласында әйелдердің орны ерекше. Ағартушылық салада жаңалық ашып, өлшеусіз үлкен қосқан қыздар арамызда өте көп. Еліміздегі ғылым саласында гендірлік теңсіздік жоқ деп айтуға әбден болады. Себебі, біз кәсіби біліктілік пен біліміне баса назар аударамыз. ЮНЕСКО институтының статистикалық мәліметіне сүйенсек, әлемдегі әйел ғалымдардың үлесі 30 пайыздан асады екен. Мемлекет басшысы Қ.Тоқаевтың жолдауында аграрлық салаға үлкен мән беруді тапсырған болатын. Оның ішінде ғалымдарды базалық қаржыландыруға мүмкіндік берді. Бұл өте қуантарлық жайт. Жылдан-жылға білімге құштар жастар көбейіп келеді. Әсіресе, бұрымдылардың ғылымдағы жетістіктері қуантады», – деді Лаура Тохетова.
 «Мен аграрлық технологиялар саласына көп уақыт бойы қызығушылық танытып келемін. 2020 жылы халықаралық академияға мобильді оқу арқылы тәжірибе жинақтадым. Қазіргі таңда аграрлық технологиялар саласын әрі қарай жетілдіру үшін өз үлесімді қосқым келеді», – деді Салтанат Бекетқызы.
</blockquote>

11 ақпан – Халықаралық ғылымдағы әйелдер күні

<a href="https://kyzylorda-news.kz/">Kyzylorda-news.kz.</a>&nbsp; Қазақстанның бас санитарлық дәрігері Айжан Есмағамбетова жаңа қаулыға қол қойды, деп хабарлайды Sputnik Қазақстан.
<blockquote>
 “Облыстар, Алматы, Нұр-Сұлтан пен Шымкент қалаларының әкімдері, Қазақстан Республикасының білім және ғылым министрлігі 2022 жылғы 14 ақпаннан бастап барлық меншік нысанындағы және водомстволық тиісті білім беру ұйымдарында штаттық форматта оқытуды қамтамасыз етсін”, – делінген құжатта.
</blockquote>
Алайда барлық жерде сақтық шаралары сақталуы шарт.
Сондай-ақ, Есмағамбетова санитариялық-эпидемияға қарсы іс-шараларды күшейту туралы бұрынғы қаулының күшін жойды. Бас санитар қаулысының толық мәтіні мына жерде жарияланған.
8 ақпанда Коронавирус инфекциясыың таралуына жол бермеу жөніндегі ведомствоаралық комиссияның отырысында мектептердің толық офлайн оқыту форматына көшуі туралы мәселе талқыланған болатын.

Қазақстан және Қызылорда облысының жаңалықтары: Білім