Kyzylorda-news.kz. «AMANAT» партиясы өзінің Сайлауалды бағдарламасында балалардың Сапалы білім алу үшін өңірде физика, химия, биология, STEM пәндік кабинеттерімен қамтамасыз етілген негізгі және орта мектептердің үлесін 100%-ға жеткізуді мақсат еткен болатын. Бұл бағыттағы жұмыстар жоспарға сәйкес іске асырылуда.«AMANAT» партиясы облыстық филиалының төрағасы Наурызбай Байқадамов Қармақшы ауданында болып, бағдарлама аясында жасақталған Т.КӨМЕКБАЕВ атындағы №250 мектеп-лицейі жұмысын бағамдады.Білім ордасында бүгінгі таңда барлығы 28 кабинетке компьютер, жылжымалы интерактивті панельдер, зертханалар жабдығы, үлкен LED экран, 3D принтер орнатылған. Жаңа модификация физика, биология кабинеттері мен зертханасы, жаңа модельді компьютермен жабдықталған информатика кабинеті, бастауыш сыныптарға арналған кабинет жабдықтары мен оқушы партасы мен орындықтары, жаратылыстану бағытына арналған STEM зертханасы, улдар мен қыздарға арналған шеберханалар жұмыс жасауда.Жалпы өңірде мектептерді жаңа модификациялық пәндік кабинеттермен қамту бойынша жыл сайын жергілікті бюджет есебінен қаржы бөлінуде. 2021 жылы 56 кабинет, 2022 жылы 50 кабинет алынды. 2023 жылы 51 пәндік кабинет алуға бекітілген бюджетпен 403,4 млн. теңге бөлініп мемлекеттік сатып алу рәсімдері жүргізіліп, 14-Биология, 20 – Химия, 17 физика кабинеттері жеткізілді. Бүгінгі күні кабинеттер толығымен жасақталып, көрсеткіш 91% құрады. Мұның қатарында Т.КӨМЕКБАЕВ атындағы №250 мектеп-лицейі де бар.<img src="https://knadmin.beoblood.kz/uploads/IMG_20231104_WA_0001_14a57aa4cd.jpg" alt="IMG-20231104-WA0001.jpg"><img src="https://knadmin.beoblood.kz/uploads/IMG_20231104_WA_0000_1b95438f14.jpg" alt="IMG-20231104-WA0000.jpg">

«AMANAT»: Білім ордалары жаңа модификациялық пәндік кабинеттермен қамтылуы керек

<a href="https://kyzylorda-news.kz/ru">Kyzylorda-news.kz.</a>&nbsp; Бүгін облыс әкімі Нұрлыбек Нәлібаев ҚР Білім беру ісінің үздігі Рамза Исмайлованы 70 жас мерейтойымен құттықтады.​Аймақ басшысы ұстаздардың қоғам өміріндегі, өскелең ұрпақ тәрбиесіндегі ерекше орнын атап өтіп, мерейтой иесіне ізгі тілегін білдірді.<blockquote>«Саналы ғұмырын білім саласының дамуына, шәкірт шырағын жағуға арнаған Рамза Ысқаққызының біз үшін орны бөлек. Ол – жас ұрпаққа тағылымды тәрбие, сапалы білім беруге шексіз еңбек сіңірген ұлағатты ұстаз. ​Бүгінгі кездесуде сізге құрмет көрсетіп, Сыр өңірінің мұғалімдер қауымына ерекше ілтипатымды білдіремін», – деді Нұрлыбек Машбекұлы.</blockquote>​Аймақтың білім саласының дамуына сіңірген еңбегі үшін Рамза Ысқаққызы облыстың ең жоғары наградасы – Қызылорда облысының Құрмет грамотасымен марапатталды.Ұлағатты ұстазды Қазақстан Республикасы Президентінің жанындағы Ұлттық Құрылтай мүшесі Қылышбай​Бисенов, мерейтой иесінің шәкірті, Парламент Мәжілісінің депутаты Мұрат Әбенов, білім саласы ардагерлері кеңесінің төрағасы Ғалым Бекенов құттықтады.Іс-шара соңында Рамза Ысқаққызы өзіне көрсетілген құрметке, игі тілектерге ризашылығын білдірді.Рамза Исмаилова еңбек жолын облыс орталығындағы №198 орта мектепте математика пәнінің мұғалімі болып бастап, кейін директордың оқу-тәрбие жұмысы жөніндегі орынбасары, мектеп директоры қызметтерін абыроймен атқарды. Ұзақ жыл білім беру мекемелерінде басшылық қызметте болып, өзіндік қолтаңбасы бар маман ретінде танылды. Бүгінгі күні шәкірттері республиканың түкпір-түкпірінде қызмет атқарып, ел дамуына үлес қосуда.<figure class="image"><img src="https://knadmin.beoblood.kz/uploads/398580463_636949411959640_5207267390031055936_n_2b0968b784.jpg" alt="398580463_636949411959640_5207267390031055936_n.jpg"></figure>&nbsp;<figure class="image"><img src="https://knadmin.beoblood.kz/uploads/398687878_636949345292980_946605533051060524_n_53d535348b.jpg" alt="398687878_636949345292980_946605533051060524_n.jpg"></figure>

Аймақ басшысы Білім беру ісінің үздігі Рамза Исмайлованы мерейтойымен құттықтады

<a href="https://kyzylorda-news.kz/ru">Kyzylorda-news.kz.</a>&nbsp; Педагогика мамандығы бойынша білім алушыларға бағыт беретін республикалық «Ыбырай» қоғамдық қоры 2020 жылы құрылды. Осы уақыт аралығында 100-ге жуық студентке тереңдетілген білім беріп, педагогика саласының мамандарын даярлауда өзіндік үлес қосуда. Өңірлік коммуникациялар қызметінің ақпарат алаңында «Ыбырай» қоғамдық қорының директоры Нұрбек Серікбаев қордың негізгі мақсатын түсіндірді.<blockquote>«Ыбырай» қоғамдық қорының негізгі мақсаты – үздік педагогтарды даярлау болып табылады. Қор құрылғандағы 34 студентпен бастаған болатынбыз. Қазір 78 студент біздің республикалық қорда білім алады. Біздің қордың ерекшелігі – тек қана Қызылорда облысынан ғана емес, еліміздің түкпір-түкпірінен білім алушыларды қабылдайды. Алдағы уақытта қордың жұмысын одан әрі дамытып, білімді педагогтардың санын көбейтуді жоспарлап отырмыз, - деді Нұрбек Досболұлы.</blockquote>Жақында «Ыбырай» қоғамдық қорының ұйымдастыруымен үздік студенттер арасында «Жыл студенті - 2023» конкурсы өткен болатын. Байқауда Қорқыт ата атындағы Қызылорда университетінің 2 курс студенті Талшын Әділбек жеңімпаз атанды.<blockquote>Мен ағылшын тілі пәні мұғалімі мамандағында білім аламын. Университеттегі базалық білімнен бөлек, өзімді осы қорда жетілдіріп жүрмін. Онда 4 бағыт бойынша өзімізді дамытамыз және үздік ұстаздардан білім аламыз. Одан бөлек, белсенді болуға тырысамыз. Жақында өткен байқауда үздік студенттер арасында озат атанып, ноутбук ұтып алдым. Болашақта мықты педагог боламын деген мақсатым бар, - деді Талшын Әділбек.</blockquote>

«Ыбырай» қоғамдық қоры педагог мамандарды даярлауда үлес қосып жатыр 

<a href="https://kyzylorda-news.kz/ru">Kyzylorda-news.kz.</a>&nbsp;Бүгін Қазалы ауданында «Жайлы мектеп» ұлттық жобасымен салынатын 300 орындық мектептің құрылысы басталды.Облыс әкімі Нұрлыбек Нәлібаев білім ордасының іргетасын қалау рәсіміне қатысып, жерлестерін құттықтады.«Мемлекет басшысының бастамасымен қолға алынған «Жайлы мектеп» ұлттық жобасымен біздің облыста 12 300 орындық 21 мектеп салынады. Оның екеуі Қазалы ауданында бой көтереді. Біз бұған дейін Қызылорда қаласы, Жаңақорған, Арал аудандарында «Жайлы мектептердің» іргетасын қаладық. Бүгін міне, Қазалы ауданындағы құрылысты бастаймыз. Жайлы мектептерде жас ұрпағымыз зейінді, білімді, зерек шәкірт болып қалыптассын! Білім ошақтары туған елінің туын биік ұстайтын түлектер ұясына айналсын! Ұлттық жобаны жүзеге асыру міндеті жүктелген азаматтарға маңызды әрі жауапкершілігі зор жұмысты сапалы жүргізуді халық атынан аманаттаймын», - деді аймақ басшысы.Айта кетейік, бұл білім ошағы апатты жағдайдағы мектептің орнына салынады. Сонымен Қазалы ауданындағы апатты мектепке қатысты мәселе түпкілікті шешім табады.Құрылыс алаңында Қызылорда облысының Құрметті азаматы Самұрат Имандосов аудан тұрғындарын құттықтап, ауылдық ардагерлер кеңесінің төрағасы Қожас Медеубай бата берді.Айта кетейік, биыл облыста 4 мектепке 1850 орындық қосымша ғимарат, 5 мектеп пайдалануға берілуде. «Білімді қолдау қоры» есебінен Қызылорда қаласында құны 7,9 млрд теңге болатын физика-математика бағытындағы мектеп-интернат құрылысы қарқынды жүргізілуде. Облыс орталығында осы кезге дейін бір ғана «Оқушылар үйі» болса, биыл «ҚазГерМұнай» компаниясының демеушілігімен 2,5 млрд. теңгеге 350 орындық заманауи үлгідегі «Оқушылар сарайының» құрылысы басталды. Оған қоса «Саутс Ойл» компаниясының демеушілігімен Сырдария өзенінің сол жағалауынан 4,8 млрд. теңгеге музыкалық колледждің жаңа ғимараты салынады.

«Жайлы мектеп»: Қазалыда 300 орындық мектептің құрылысы басталды

Kyzylorda-news.kz. Бүгін Арал ауданында «Жайлы мектеп» ұлттық жобасымен салынатын 300 орындық мектептің құрылысы басталды.Облыс әкімі Нұрлыбек Нәлібаев білім ордасының іргетасын қалау рәсіміне қатысып, жерлестерін қос мерекемен құттықтады.<blockquote>«Мемлекет басшысының бастамасымен қолға алынған «Жайлы мектеп» ұлттық жобасы аясында облыста 12 300 орындық 21 мектеп салынады. Соның төртеуі Арал ауданында бой көтереді. Бүгін &nbsp;біреуінің іргетасын &nbsp;өздеріңізбен бірге қалаймыз. Өткен аптада Жаңақорған ауданы мен Қызылорда қаласында, бүгін міне, Арал ауданында білім ошақтарының құрылысын бастадық. Бүгінгі шара - интеллектуал ұлт қалыптастыру жолындағы ортақ ісіміздің жалғасы. 300 орындық білім ордасы озық ойлы, өнерге құштар, спортқа бейім дарынды балалардың шамшырағын жағатын мекен болғай. Ұлтымыздың дамуында маңызды рөл атқаратын бұл жобаның басы-қасында жүрген азаматтарға ісіне жауапкершілікпен қарап, құрылысты сапалы жүргізуді халық атынан аманаттаймын», - деді аймақ басшысы.</blockquote>Құрылыс алаңында білім саласының ардагері Аманжол Жолмағанбетов бата берді.Айта кетейік, биыл облыста 4 мектепке 1850 орындық қосымша ғимарат,&nbsp; 5 мектеп пайдалануға берілуде. «Білімді қолдау қоры» есебінен Қызылорда қаласында құны 7,9 млрд теңге болатын физика-математика бағытындағы мектеп-интернат құрылысы қарқынды жүргізілуде. Облыс орталығында осы кезге дейін бір ғана «Оқушылар үйі» болса, &nbsp;биыл «ҚазГерМұнай» компаниясының демеушілігімен &nbsp;2,5 млрд. теңгеге &nbsp;350 орындық заманауи үлгідегі "Оқушылар сарайының" құрылысы басталды. Оған қоса «Саутс Ойл» компаниясының демеушілігімен Сырдария өзенінің сол жағалауынан 4,8 млрд. теңгеге &nbsp;музыкалық колледждің жаңа &nbsp;ғимараты салынады.<img src="https://knadmin.beoblood.kz/uploads/FB_IMG_1698766629393_f771f6ead7.jpg" alt="FB_IMG_1698766629393.jpg">

Арал ауданында «Жайлы мектеп» ұлттық жобасы аясында білім ошағының іргетасы қаланды

Kyzylorda-news.kz. Қызылорда облысының 85, Арал ауданының 95 жылдығы аясында Қамыстыбас ауылдық округінде 130 орындық балабақша ашылды. Облыс әкімі Нұрлыбек Нәлібаев жаңа нысанның ашылу рәсіміне қатысып, жерлестерін қос мерекемен құттықтады.<blockquote>«Президент өз сөзінде: «Өскелең ұрпақтың үйлесімді дамуы мен бақытты балалығы, бұл – біздің жалпыұлттық міндетіміз» деген болатын. Аралда балабақша салуда кәсіпкерлер аса белсенді. Өткен жылы кәсіпкерлердің бастамасымен 4 жеке балабақша пайдалануға берілсе, биыл да бұл жұмыс жалғасын табуда. Бүгін – кішкентай бүлдіршіндер мен ата-аналар үшін қуанышты күн. Осы ауылдың тұрғыны, жеке кәсіпкер Азат Балмырзаева жеке қаржысына 130 орындық заманауи жабдықталған балабақша салды. Туған жерді түлетуге үлес қосқан кәсіпкерге алғысымды білдіремін. Алдағы уақытта бұл орталықтан талантты, дарынды, елдің ертеңі болатын жас ұрпақтың тәрбиеленіп шығатынына сенемін», – деді аймақ басшысы.</blockquote>Іс-шарада ауыл ардагері Аманкелді Есенбаев жиналғандарға ақ батасын берді.Нұрлыбек Машбекұлы балабақшаны аралап көрген соң ауыл тұрғындарымен, ақсақалдармен кездесіп, олардың ұсыныс-пікірлерін тыңдады. Аймақта қолға алынған, атқарылған жұмыстар туралы, Арал ауданындағы игі бастамалар жайлы айтты. &nbsp; Еске салсақ, өткен жылы Арал ауданының Тоқабай, Жақсықылыш, Бөген елді мекендері мен Арал қаласында жаңа балабақшалар салынды. Ал, бүгін бүлдіршіндерге есігін айқара ашқан тәрбие ұясы – осы елді мекендегі алғашқы балабақша. Мекемеде 41 адам жұмыспен қамтылады.Биыл облыстағы 4 мектептің 1850 орындық қосымша ғимараттары және 5 мектеп пайдалануға берілуде. «Жайлы мектеп» ұлттық жобасы аясында салынатын 21 мектептің 10-ының құрылысы басталуда, қалғаны 11 білім ошағы алдағы жылға жоспарланған. Сонымен қатар, облыс орталығында физика-математика бағытындағы мектеп-интернат пен Оқушылар үйі салынуда. &nbsp;Мектепке дейінгі тәрбие берумен айналысатын 680 ұйымға 54 мыңнан астам бала барады. Өңірде 2-6 жас аралығындағы балалардың балабақшамен қамтылуы 89 пайызды құрайды.&nbsp; Биыл 1 қыркүйектен бері мемлекеттік және жеке балабақшаларда қызмет ететін 6395 тәрбиешінің жалақысы 30 пайызға артты.

Арал ауданында жаңа балабақша ашылды

<a href="https://kyzylorda-news.kz/">Kyzylorda-news.kz.</a> «AI TRENDS» тақырыбына бағытталған Pecha Kucha форматындағы жиынның негізгі мақсаты &nbsp;− жастарға жаңа технология мүмкіндіктерін, IT бағыттағы жаңалықтар &nbsp;мен тың идеяларды ерекше форматта таныстыру.Қызылорда облысы әкімдігінің қолдауымен &nbsp;өткен шараның ұйымдастырушылары − облыс әкімі аппаратының «Ақпараттық технологиялар орталығы» және Қорқыт ата атындағы Қызылорда университетінің Kyzylorda Hub бизнес-инкубаторы.«Pecha Kucha Kyzylorda» – әлемнің 1000-нан астам қаласын біріктіретін PechaKucha интеллектуалдық кешінің халықаралық қозғалысының бір бөлігі. Pecha Kucha cөзі жапон тілінен енген, «әңгімелесу» деген мағынаны білдіреді. Бұл − презентациялар мен баяндамаларды ұсынудың ерекше форматы.&nbsp;«Pecha Kucha Kyzylorda» шарасының барысында ІТ мамандар – Айболат Құлатай «IT саласының трендтері», Айдос Жетпісбай «Қаржы жүйесіндегі жасанды интеллект», Бибол Жакипбаев «Data Driven: деректерге негізделген шешімдерді қалай қабылдауға болады?», Әбді Мақсат «Digital video engineering құпиялары», Есенов Мақсат «Data Driven: деректерге негізделген шешімдерді қалай қабылдауға болады?», Мұрат Туремуратов «Цифрлық із», Абай Тағыберген &nbsp;«Медиагигиена», Оралбек Абдуллаев «AI тәтті өнімдері» &nbsp;тақырыптарын қозғады.Спикерлер 20Х20 форматы негізінде әр түрлі бағыттағы тақырыптарда ой бөлісіп, қатысушылар кәсіби мамандармен пікір алмасты. Pecha Kucha &nbsp;форматындағы интеллектуалды семинарлар кеші өңірде 2019 жылдан бастап тұрақты түрде өткізілуде. Осы уақыт аралығында ерекше форматтағы басқосу 250-ден астам жастың күрделі технологияларды қарапайым түсінуіне, жастардың идеясын іске асыруына себепкер болды. &nbsp;&nbsp; &nbsp;

Қызылордада Pecha Kucha Kyzylorda іс-шарасы өтті

<a href="https://kyzylorda-news.kz/">Kyzylorda-news.kz.</a> &nbsp;Интернационалдандыру саясатын жүзеге асыру мақсатында университет сыртқы академиялық ұтқырлық бағдарламасын жүйелі түрде іске асыруда. Бұл туралы Қорқыт ата атындағы Қызылорда университетінің Басқарма төрағасы – Ректоры Бейбіткүл Кәрімова мәлімдеді.&nbsp;Атап айтсақ, 2022-2023 оқу жылында 21 білім алушы Еуропаның Лодзь және Ховест қолданбалы ғылымдар университетінде академиялық ұтқырлық бағдарламасы бойынша білімдерін шыңдап келді.Сондай-ақ, 2023-2024 оқу жылының бірінші академиялық кезеңінде 44 білім алушы Хубей (ҚХР), Каннам (Оңтүстік Корея), Лодзь (Польша), Сельчук (Түркия) жоғары оқу орындарында «Академиялық ұтқырлық» бағдарламасы бойынша білім алуды жалғастыруда.Мемлекет басшысы Қасым-Жомарт Тоқаевтың 2023 жылғы халыққа Жолдауында ел экономикасын тұрақты дамытуға су тапшылығы қатты кедергі болып отырғанын, сырттан келетін судың азайып бара жатқанын, судың тиімсіз пайдалануын, осы саладағы мамандардың тапшы екенін, қажетті мамандарды дарярлау және білімді сарапшыларды жұмысқа тарту керектігін ерекше атап өтті.Осы орайда, аталған салаларда шетелдік тәжірибемен алмасу, озық технологияларды пайдалануды үйрену және білікті кадрлар даярлау мақсатында университет Орталық Азия мен ТМД елдеріндегі су ресурстарын басқарумен айналысатын бірігей жоғары оқу орны болып саналатын «Ташкент ирригация инженерлері және ауылшаруашылығын механикаландыру институты» Ұлттық зерттеу университетімен ынтымақтастық байланыс орнатылды. Нәтижесінде оқу орнымыздың «Су ресурстары және суды пайдалану», «Жерге орналастыру», «Жерді мелиорациялау» және «Кадастр» мамандықтары бойынша 15 студент қыркүйек айынан бастап бір семестр бойы Өзбекстан Республикасында білім алуда.

Академиялық ұтқырлық бағдарламасы бойынша қызылордалық студенттер білімін шыңдауда

Kyzylorda-news.kz. Қорқыт ата атындағы Қызылорда университетінің Басқарма төрағасы – Ректоры Бейбіткүл Кәрімова онлайн және офлайн форматта есептік кездесу өткізді.Ректор университеттің академиялық білім беру, ғылыми-зерттеу, халықаралық қатынас, әлеуметтік қызметі туралы баяндады. Сондай-ақ, 2022-2023 оқу жылында атқарылған жұмыстарды талдап, жетекші оқу орнының алдағы даму жоспарымен таныстырды. &nbsp;Білім ордасының басшысы Қорқыт ата атындағы Қызылорда университетінің негізгі мақсаты еліміздегі білім мен ғылым саласының өркендеуіне, өңірдің әлеуметтік-экономикалық тұрғыда дамуына үлес қосу екенін атап өтті.&nbsp;2023 жылы QS World University Ranking университеттердің беделді рейтингіне қазақстандық 21 жоғары оқу орны енді. Рейтингтегі үздік ЖОО-ның бірі – Қорқыт ата атындағы Қызылорда университеті.&nbsp;Аккредиттеу және рейтингтің тәуелсіз агенттігі (НААР) өткізетін «Сұранысқа ие жоғары оқу орындарының ұлттық рейтингі» қорытындысы бойынша 7-орынды иелене отырып, Қазақстан Республикасының ТОП-10 үздік жоғары оқу орнының қатарына кірді. Университеттің 20 білім беру бағдарламасы үздік үштікке енді.&nbsp; Университет бойынша 2023-2024 оқу жылындағы білім алушылар контингенті 10 мыңнан асты. 2019-2020 оқу жылымен салыстырғанда білім алушылар контингенті 2 есеге, мемлекеттік білім гранты негізінде оқитындар саны 3,7 есеге өсті. Ал, кадрларды даярлау 113 білім беру бағдарламасы бойынша жүзеге асырылуда. Алдағы уақытта оқу орны жасанды интеллект бойынша білім беретін еліміздегі ең негізгі оқу орындарының бірі болмақ. Корея Республикасы үкіметінің қаржыландыруымен Сеул Ұлттық ғылым және технологиялар университетімен бірлесіп «IT кафедраларды қайта құрылымдау және жасанды интеллекттің жаңа мектебін құру» жобасы жасалды.&nbsp; Жеті жылға есептелген жоба оқу процесіне жаңа технологияларды енгізуді, жасанды интеллект және информатика жоғары мектебін құруды, озық университетті қалыптастыру бойынша Оңтүстік Корея тәжірибесінің трансфертін көздейді.Алдағы уақытта Ұлыбританияның Саффолк университеті және Ченж мектебімен (University of Suffolk and Change School) бірлесіп, кәсіпкерлікке байланысты жаңа жоба жүзеге асырылмақ. Соның нәтижесінде келешекте Қызылордада бизнес мектебі ашылады.Мұнан бөлек университетте Каннам Университетімен (Корей Республикасы), Қытай мұнай университетімен (КХР), Томск политехникалық ұлттық зерттеу университеті, Дубна университеті (Ресей Федерациясы), &nbsp;«Ташкент ирригация және ауылшаруашылығын механикаландыру инженерлері &nbsp;институты» Ұлттық зерттеу институтымен (Өзбекстан Республикасы) бірлескен білім беру бағдарламалары жүзеге асырылуда.Білім алушылардың өз саласы бойынша озық технология, тың зерттеу нәтижелерімен танысуы – басты орында. Бұл ретте еліміздегі өзге оқу орындарында және шетелде І семестр көлемінде оқуға мүмкіндік беретін Академиялық ұтқырлық бағдарламасының маңызы зор.&nbsp; Осы бағдарлама аясында 239 студент отандық ЖОО-ларда оқып келсе, басқа ЖОО-лардан 206 студент Қорқыт ата атындағы Қызылорда университетіне оқуға келді. Сыртқы академиялық ұтқырлық бағдарламасы да жүйелі түрде іске асуда. Атап айтсақ, 2022-2023 оқу жылында 21 білім алушы Еуропаның Лодзь (Польша), Ховест қолданбалы ғылымдар университетінде (Бельгия), Томск политехникалық зерттеу университетінде білімдерін шыңдап келді. Сондай-ақ, 2023-2024 оқу жылының бірінші академиялық кезеңінде 44 білім алушы Хубей (ҚХР), Каннам (Оңтүстік Корея), Лодзь (Польша), Сельчук (Түркия), Ташкент (Өзбекстан) жоғары оқу орындарында ұтқырлық бағдарламасы бойынша білім алуда.Университет ғалымдары өңірдің әлеуметтік – экономикалық дамуына үлес қосу мақсатында гранттық және халықаралық жобаларды жүзеге асыруда. Университетте жалпы ғылымнан түскен табыс жылдан жылға ұлғайып келеді. 2022 жылы 17 жоба орындалған болса, 2023 жылы жалпы 23 ғылыми жоба орындалуда. 2020 жылмен салыстырғанда ғылымнан түскен қаржы 3,2 есеге өсті.2022 жылдан бастап Қазақстан Республикасының Президенті Қасым-Жомарт Кемелұлы Тоқаевтың тапсырмасы бойынша жыл сайын «Болашақ» бағдарламасы аясында 500 қазақстандық ғалым әлемнің жетекші ғылыми орталықтарында тағылымдамадан өтуде.&nbsp; Университет ғалымдары «500 ғалым» &nbsp;жобасы аясында АҚШ, Германия, Ұлыбритания, Швейцария, Ресей, Белорусия, Әзірбайжан мемлекеттерінде тәжірибеден өту үшін жолдама алды. 2022 жылы 6 ғалым тағылымдамадан өтсе, 2023 жылы 14 ғалым жоба жеңімпазы атанды. Бүгінде тағы 10 ғалым ғылыми тағылымдамаға құжаттарын тапсырды.&nbsp;Сонымен қатар, ҚР Ғылым және жоғары білім министрлігінің қолдауымен Қорқыт ата атындағы Қызылорда университетінде «Мамандығым – болашағым» жобасы іске қосылды. Жоба аясында мамандықтардың өңірлік картасы жасалып, аймаққа қажетті мамандықтар анықталады. Соған сәйкес, университетте жаңа білім беру бағдарламалары әзірленеді. Оқу орнында сапалы академиялық білім беру бағытындағы жұмыстар, ғылыми зерттеулер қарқын алды. Сонымен қатар, студенттердің ұлттық рухты бойына сіңірген, шығармашылық әлеуетін ел дамуына жұмсайтын рухы биік тұлға ретінде қалыптастыру мақсатында университетте 24 жастар ұйымы жұмыс жасауда. Осы бағытта 2022-2023 оқу жылында 892 іс-шара ұйымдастырылған.&nbsp;Университетте спорттың 13 түрінен: шахмат, волейбол, баскетбол, футбол, тоғызқұмалақ, бокс, пауэрлифтинг, жүзу, фитнес, күрес, теннис, киберспорт, спорттық би секциялары жұмыс жасайды.Жыл сайын өткізілетін республикалық Студенттер лигасына университет студенттерінен құралған командалар спорттың 7 түрінен (баскетбол, волейбол, футзал, үстел теннисі, тоғызқұмалақ, қазақша күрес, шахмат) тұрақты қатыстырылып, жүлделі орындар иеленуде. Университетте Әлем чемпионатының - 9, Азия чемпионатының – 23, Қазақстан чемпионатының - 125 жеңімпазы мен жүлдегерлері бар.&nbsp; 2023 жылғы ЖОО арасындағы жазғы универсиадаға &nbsp;спорттың 16 түрінен 120 білім алушы қатысты. Жалпыкомандалық есепте университет спортшылары 9 орынды иеленіп, 37 медаль (алтын-7, күміс–8, қола-22) қоржынға салды. Қатысушылар университеттің арнайы спорттық киімдерімен толықтай қамтамасыз етілді. Белсенді жастардың шығармашылық ортасын қалыптастыру және олардың бастамасына мемлекеттік қолдау көрсету мақсатында ұйымдастырылған «Тәуелсіздік ұрпақтары» байқауында Қорқыт ата атындағы Қызылорда университетінің студенттері Әділхан Досым мен Тұрсынбай Елдос 600 мың теңге грант жеңіп алды. «Ақиқат» саяси пікірсайыс клубының мүшелері Түркістан қаласында өткен республикалық турнирде жеңімпаз атанды. Республикалық Алматы Ашық лигасының жартылай финалдық сайысында &nbsp;Қорқыт ата атындағы Қызылорда университетінің «Q құрамасы» үздік өнер көрсетіп, финалдық ойынға жолдама иеленді.«CHEVRON» компаниясы ұйымдастыруымен өткен «Sustainability Living Lab» жобалар сайысында университет студенттері Темірлан Абжанов пен Саят Урикбаев 2 млн 600 мың теңге грант жеңіп алды. Университет ректоры сөзін қорытындылай келе Қорқыт ата атындағы Қызылорда университеті алдағы уақытта еліміздің адами капиталы мен ғылыми-технологиялық әлеуетін күшейтуге ықпал ететін жаңа бастамаларды жүзеге асыратынын айтты.&nbsp;Айта кету керек, жиынға зиялы қауым өкілдері, университеттің профессорлық-оқытушылар құрамы, білім алушылар, жұмыс берушілер, ата-аналар мен БАҚ өкілдері қатысты.Оқу орны басшысының баяндамасынан соң, студенттер, оқытушылар мен БАҚ өкілдері сұрақ қойып, ұсыныс-пікірлерін ортаға салды.<img src="https://knadmin.beoblood.kz/uploads/IMG_20231027_WA_0016_fb846c8e80.jpg" alt="IMG-20231027-WA0016.jpg"><img src="https://knadmin.beoblood.kz/uploads/IMG_20231027_WA_0012_fcb07e939b.jpg" alt="IMG-20231027-WA0012.jpg"><img src="https://knadmin.beoblood.kz/uploads/IMG_20231027_WA_0015_cf17bc27c0.jpg" alt="IMG-20231027-WA0015.jpg"><img src="https://knadmin.beoblood.kz/uploads/IMG_20231027_WA_0014_ee59cda4f2.jpg" alt="IMG-20231027-WA0014.jpg"><img src="https://knadmin.beoblood.kz/uploads/IMG_20231027_WA_0017_9bbf192cf8.jpg" alt="IMG-20231027-WA0017.jpg"><img src="https://knadmin.beoblood.kz/uploads/IMG_20231027_WA_0018_598bde48ed.jpg" alt="IMG-20231027-WA0018.jpg">

Университеттің 20 білім беру бағдарламасы үздік үштікке енді

<a href="https://aikyn.kz/public/index.php/195083/gylym-kugannan-atak-kugandar-ozyp-tur">ФОТО</a><a href="https://kyzylorda-news.kz/">Kyzylorda-news.kz.</a>&nbsp; Қорқыт ата атындағы Қызылорда университетінің ғалымдары өңірдің әлеуметтік – экономикалық дамуына үлес қосу мақсатында гранттық және халықаралық жобаларды жүзеге асыруда. 2022 жылы 17 жоба орындалған болса, 2023 жылы жалпы 23 ғылыми жоба орындалуда. 2020 жылмен салыстырғанда ғылымнан түскен қаржы 3,2 есеге өсті. Оның ішінде, ҚР ҒЖБМ гранттық қаржыландыру бойынша 17 жоба, жергілікті атқарушы органдардың тапсырысымен облыстық бюджеттен қаржыландырылған 2 жоба, кәсіпорындардың тапсырысымен 4 жоба жүзеге асырылуда.Сонымен қатар, Ново Лиссабон университеті (Португалия) және Неміс гуманитарлық зерттеулер қорымен (Германия) орындалған 2 халықаралық жобада Қазақстан тарапынан университет ғалымдары профессор-зерттеуші, химия ғылымдарының кандидаты Нұрбол Аппазов пен философия докторы Әзілхан Тажекеев жетекшілік етуде.Мичиган университеті (АҚШ), Ховест қолданбалы ғылымдар университеті (Бельгия), Любляна университеті (Словения) және АсеSYRI Erasmus+ EU орталықтарымен біріккен 4 халықаралық білім беру жобалар жүргізілді.Айта кету керек, 2021 жылдан бастап 40 жасқа дейінгі жас ғалымдарды қолдау мақсатында 10 млн тенге көлемінде ректор гранты конкурсы еңгізілген болатын. Нәтижесінде 2021 жылы 4 жоба ұтқан болса, 2022 жылы 6 жоба жеңімпаз атанды.Бүгінгі таңда, өңірдің бірқатар мәселелерін шешу мақсатында университет ғалымдары «Қызылорда облысында су тапшылығы жағдайында Жемшөп дақылдары мен ағаш екпелерін суару үшін сарқынды суларды қауіпсіз кәдеге жарату технологиясын әзірлеу» тақырыбында бағдарламалық-нысаналы гранттық қаржыландыру конкурсына жоба ұсынды. Бағдарламалық нысаналы қаржыландыру жобасы Ұлттық ғылыми кеңесте қаралып, нәтижесі күтілуде.

Қызылордада биыл 23 ғылыми жоба жүзеге асырылып жатыр 

<a href="https://kyzylorda-news.kz/">Kyzylorda-news.kz.</a> Республика күніне және тарихы мен тағылымы терең облыстың 85 жылдығына орай Қызылорда қаласының сол жағалауында «Жайлы мектеп» ұлттық жобасымен салынатын 900 орындық білім ошағының құрылысы басталды.Облыс әкімі Нұрлыбек Нәлібаев мектептің іргетасын қалау рәсіміне қатысып, жерлестерін қос мерекемен құттықтады.<blockquote>«Мемлекет басшысының бастамасымен өткен жылдан бері Республика күнін ұлттық мереке ретінде жаңа мазмұнда атап өтудеміз. Мерейлі күн қарсаңында бірқатар ауқымды жобалар бастау алды. Президент бастамасымен қолға алынған «Жайлы мектеп» ұлттық жобасы аясында облыста 12 300 орындық 21 мектеп салынуда. Соның бірінің іргетасын бүгін &nbsp;ұлық мереке қарсаңында өздеріңізбен бірге қалаймыз. 900 орындық білім ордасында ұстаздар талапты, талантты, зейінді шәкірттерді тәрбиелеп, елге қызмет ететін түлектердің қанатын қатайтып ұшыратынына сенемін», – деді аймақ басшысы.</blockquote>Бүгінде «Білімді қолдау қоры» есебінен Қызылорда қаласында 7,9 млрд теңгеге физика-математика бағытындағы мектеп-интернат құрылысы қарқынды жүргізілуде. «ҚазГерМұнай» компаниясының демеушілігімен &nbsp;2,5 млрд. теңгеге &nbsp;350 орындық заманауи үлгідегі «Оқушылар сарайының» құрылысы басталды. «Саутс Ойл» компаниясының демеушілігімен Сырдария өзенінің сол жағалауынан 4,8 млрд. теңгеге &nbsp;музыкалық колледждің жаңа &nbsp;ғимараты салынады. Ауыл балалары үшін 900 орындық 4 мектеп осы жылы ел игілігіне табысталмақ. ​Қала мектептеріндегі орын тапшылығы мәселесі қосымша құрылыс салу арқылы шешімін тапты. Облыс орталығындағы 4 мектептің қосымша ғимараты жаңа оқу жылында пайдалануға берілді. Мұғалімдер күнінде «Бәйтерек» шағын ауданынан 600 орындық жаңа мектеп ашылып, қала орталығына қатынап оқитын оқушылар &nbsp;өз үйіне жақын білім ошағына баратын болды.<img src="https://knadmin.beoblood.kz/uploads/394759889_1882990175429819_5107225164362591969_n_a67f297107.jpg" alt="394759889_1882990175429819_5107225164362591969_n.jpg">

«Жайлы мектеп» ұлттық жобасымен салынатын білім ошағының іргетасы қаланды

<a href="https://kyzylorda-news.kz/">Kyzylorda-news.kz.</a> Кәмелеттік жасқа толмаған балаларға қатысты кез келген зорлық зомбылыққа берілетін жазаны күшейту мәселесі «AMANAT» партиясы облыстық филиалы жанындағы «Білім мен денсаулық сақтау» және «Отбасы және халықты әлеуметтік қорғау» мәселелері жөніндегі аймақтық кеңестердің бірлескен отырысында қаралып, талқыланды.Бірлескен отырысты «Білім мен денсаулық сақтау» жөніндегі кеңестің төрағасы Нұридин Амитов жүргізді. Басқосуға аймақтық кеңестердің мүшелері, жергілікті атқарушы органдардың жауапты қызметкерлері қатысты.Күн тәртібіндегі мәселеге орай облыстық Полиция департаменті жергілікті полиция қызметін басқармасы ювеналды полицияның аға инспекторы, полиция майоры Раушан Абдразақова және облыстық білім басқармасы басшысының орынбасары Бектұр Қали баяндама жасады.Ағымдағы жылдың 9 ай қорытындысы бойынша өңірде кәмелетке толмағандарға қарсы жасалған қылмыстар саны өткен жылдың осы кезеңмен салыстырғанда өсіп отыр.Олардың 17-сі мектеп, гимназия және лицей оқушыларына, колледж студенттеріне қарсы орын алған.Мұнан соң қос кеңестің мүшелері зорлық-зомбылық жайын, оған берілетін жазаны күшейту сияқты мәселелерді өзара талқылап, ұсыныс-пікірлерін білдірді.Атап айтсақ, балалар мен жасөспірімдер арасындағы қауіп-қатер тобын уақытылы анықтау үшін мектеп психологтары мен әлеуметтік педагогтардың жұмысын арттыру, баланың бос уақытын тиімді ұйымдастыру, ата-аналар комитеті жұмысының мәртебесін көтеру, балалардың әлеуметтік желілердегі контенттерін шектеу, ата-аналардың балалар тәрбиесінде жауапкершілігін қылмыстық кодекспен қарау, ата-аналар жиналысына толықтай ата-аналардың қатысуын қадағалау және мектептердегі психолог санын көбейту секілді ұсыныстар.Басқосуда айтылған ұсыныстар хаттамаға енгізіліп, республикалық кеңеске, партияның фракциясына және жергілікті атқарушы органдардың назарына ұсынылатын болды. Көтерілген мәселелер партия филиалының тұрақты бақылауында болады.<figure class="image"><img src="https://knadmin.beoblood.kz/uploads/395404217_727239206108385_3081795502486154168_n_15ed892cf9.jpg" alt="395404217_727239206108385_3081795502486154168_n.jpg"></figure>&nbsp;<figure class="image"><img src="https://knadmin.beoblood.kz/uploads/395404862_727239292775043_999671129856311562_n_38848fc91b.jpg" alt="395404862_727239292775043_999671129856311562_n.jpg"></figure>

Қазақстан және Қызылорда облысының жаңалықтары: Білім