&nbsp;<a href="https://kyzylorda-news.kz/">Kyzylorda-news.kz</a>.&nbsp; Еліміздің үшінші агломерациясындағы оқушы орындарының тапшылығын шешу үшін 2028 жылға дейін 50 340 оқушыға арналған 63 мектеп салу жоспарлануда. Бұл туралы Оқу-ағарту министрі Ғани Бейсембаевтың Шымкент қаласының тұрғындарымен кездесуінде мәлім болды.Білім басқармасының басшысы 2023 жылдың қорытындысы бойынша шамамен 20 мың оқушыға арналған 23 мектеп ашылғанын атап өтті. Бұл үш ауысымды оқыту мәселесін шешуге көмектесті. Қарқынды дамып келе жатқан демографияны ескере отырып, өңірде тағы да жаңа білім беру нысандарын іске қосу жоспарлануда. Оның ішінде «Жайлы мектеп» ұлттық жобасы бойынша 28000 оқушыға арналған 18 мектеп бар. Сонымен қатар 9 білім беру нысанында күрделі жөндеу жүргізілді, тағы 25-і 2025 жылға дейін жөнделеді.Мектепке дейінгі ұйымдарда орын тапшылығы мәселесі жоспарлы түрде шешілуде. Өткен жылы ғана 28 балабақша ашылып, мемлекеттік тапсырыс 3 мыңға жуық орынға ұлғайтылды. Нәтижесінде мектепке дейінгі оқыту мен тәрбиелеумен 2 жастан 6 жасқа дейінгі балалардың 95% қамтылды.Оқу-ағарту министрінің айтуынша, бұл шаралардың барлығы білім беру сапасын кешенді түрде арттыруға бағытталған.<blockquote>«Ағарту жүйесі еліміздің ең ірі салаларының бірі саналады. Оның үздіксіз сапалы дамуы - ведомствоның маңызды міндеті. Біз білім беру сапасын арттырудың бес негізгі бағытын белгіледік. Кадрлық әлеуетті күшейтуге ерекше көңіл бөлінеді. Өткен жылдан бастап Мемлекет басшысының тапсырмасы бойынша білім берудегі өзгерістердің көшбасшыларын іріктеу және даярлау жөніндегі бағдарлама іске асырылуда. Республикалық кадрлық резервке 208 үміткер кірді, олардың бірқатары мектеп директорлары лауазымына тағайындалды. Биыл тағы 3 мың үміткерді дайындау жоспарлануда», - деді Ғани Бейсембаев.</blockquote><img src="https://knadmin.beoblood.kz/uploads/ac097843aced91fcadb0aaca7228c15c_1280x720_1acd01db2c.jpg" alt="ac097843aced91fcadb0aaca7228c15c_1280x720.jpg">Одан әрі кездесу сұрақ-жауап форматында жалғасты. Барлық тілек білдірушілер ведомство басшысына өз сұрақтарын тікелей қоя алды. Олар балалардың қауіпсіздігі мен құқықтарын қорғауды қамтамасыз етуге, мектепке дейінгі, орта, техникалық және кәсіптік білім беруді дамытуға, инфрақұрылымды жақсартуға және т.б. қатысты болды.

Ғани Бейсембаев: Кадрлық әлеуетті күшейтуге ерекше көңіл бөлінеді

&nbsp;<a href="https://kyzylorda-news.kz/">Kyzylorda-news.kz</a> Қазақстан президенті Қасым-Жомарт Тоқаев сабақта ұялы телефонды пайдалануды шектейтін заңға қол қойды, деп хабарлайды <a href="https://kaz.zakon.kz/quqiq/6039029-toaev-sabata-yaly-telefondy-paydalanudy-shekteytn-zaa-ol-oydy.html">Zakon.kz.</a><blockquote>"Мемлекет басшысы "Қазақстан Республикасының кейбір заңнамалық актілеріне білім беру, тәлімгерлік және балалардың қауіпсіздігі мәселелері бойынша өзгерістер мен толықтырулар енгізу туралы" Қазақстан Республикасының Заңына қол қойды", - делінген Ақорда хабарламасында.</blockquote>Сурет: Нұрболат Нұржаубай

Мектепте оқушыларға телефон ұстауға тиым салынады 

<a href="https://kyzylorda-news.kz/">Kyzylorda-news.kz</a>. Қызылорда қаласының 11- сынып оқушысы Жансая Ержанқызының айтуынша, мұның бәрі 10-сыныпта оқитын ауылдан келген сіңілімнің қоңырауынан басталды дейді. Бұл туралы <a href="https://www.facebook.com/qazaqstantv?__cft__[0]=AZXt160YgvakxM0e_xHmvof9fVmbipnr_GRiwaetOn_wRxfZWPwQI5haXt-UrBtQqifU5wPkPl8x0vJJe4NnukMJ7_NooAB5MTWqYAq_9Cv9l-UVusWpI7BgB3GbvpxxZIjSt2Keh47TIAoFRZRIumbFHUvFHbtxPEuAwlNVYPwzBTVLAOLbNBMLFoCvFQumH-U&amp;__tn__=-UC*F">Qazaqstan Ұлттық Телеарнасы</a> хабарлады.Ол мектеп бағдарламасынан артта қалып, әпкесінен түсіндіруді өтінген. Осыдан кейін Жансаяға платформа құру идеясы келді.«Мен сайтты өзім жасадым, IT курстардан өттім. Бұл мектеп оқушыларына арналған сауалнаманың бір түрі. Оның көмегімен оқушылар мен оқытушылар үшін сыныптар мен пәндер бойынша жеке топтар құрамын. Оқушылар қандай тақырыптар түсініксіз екенін жазады, ал мұғалім оларды топтарға бөледі. Содан кейін олар ZOOM арқылы бейне қоңырау шалу уақытын келісіп, айналысады», - дейді Жансая.Фото: Qazaqstan Ұлттық Телеарнасы

Қызылордалық оқушы репетитор іздейтін платформа ойлап тапты

<a href="https://kyzylorda-news.kz/">Kyzylorda-news.kz</a>.&nbsp; Қызылорда облысы Жосалы кентінде №250 мектептің ағылшын пәнінің мұғалімдері&nbsp;шетелде клубқа барғаны үшін жұмыстан шығып қалған еді. Ұстаздардың бірі сол даудың тұсында қысымға шыдамай, өзіне қол салмақ болған.&nbsp;Бұл туралы&nbsp;<a href="https://stan.kz/turkiyada-transvestitter-klubina-bargani-ushin-zhymista-395953/">Stan.kz&nbsp;</a>ақпарат агенттігі “Астарлы ақиқат” бағдарламасына&nbsp;сілтеме жасап хабарлайды.Ыстамбұлдағы клубқа барғаны үшін жұмысынан айырылып қалған Ақерке мен Фатима ауылда сынға қалып, халықтың әңгімесіне қалдық дейді. Мұндай қысымға шыдамаған Фатима Сқақова өзіне қол салайын деп жатқан жерінен аман қалыпты. &nbsp;Фатима – отбасылы келіншек, екі баласы бар ана. 7 жыл ұстаздық еткен.<blockquote>"Осыншама шудан кейін мәселені шешудің басқа жолын көрмедім. Екі күн психологтың қабылдауында болдым. Ол мені жігерлендіріп, қайраттандыруға тырысқанымен, менің өмірге құлшынысым артқан жоқ. Тек бар ішімдегіні айтып, бір адамға болсын өзімнің қандай адам екенімді көрсетіп барып, өмірден кеткім келді. Бір адамға шындықты дәлелдесін әрі қарай тыныш өлейін деген ойым болды.&nbsp;Ауылда өсек-әңгіме, қаңқу сөз көп, біреудің көзін шұқу, болмағанды болды деп шығарады. Қанша жерден еркін отбасыда өсіп, ата-анам түсіністік танытқанымен, елдің сөзі&nbsp;ата-анама ауыр тиді. Менің арым таза. Мен артық нәрсе жасап, жаман қарым-қатынасқа түспедім. Оны экспертизамен болсын дәлелдеуге дайынмын”, –&nbsp;деді ол.</blockquote>Ол психологтың қабылдауынан кейін оған 2,5 минуттық аудиохабарлама жолдап, бүкіл өкінішін айтып, өмірмен қоштасқан. Психолог дер кезінде шара қабылдап, 102-ге хабарлап, олар қайғылы жағдайдың алдын алыпты.Қуанышқа орай, Фатиманың отбасы оны қолдаған. Оның қандай екенін білетіндіктен, қысым көрсетіп, әрекетін сынамапты.Айтуларынша, жұмыстан шығарғаннан кейін де директор қудалауды қоймаған. Тіпті екеуімен араласып, қолдағысы келген мұғалімдерге де қысым көрсетіп, сағаттарын қысқартып тастапты. Директордың бұлай әрекет етуіне себеп болуы мүмкін нәрсе –&nbsp;екі мұғалімнің орнына басқа адамдарды жұмысқа алғысы келу дейді.<blockquote>“Түркияда біз тамақтанып, әдемі жерлерде&nbsp;фотоға түсіп, жаяу серуендедік. Бірнеше мейрамханаға бардық, соның ішінде мына жердің не екенін де көруді шештік. Біріншіден, мен тұлғамын, содан соң анамын, сосын кейін барып мен мұғаліммін. Иә, ондай жерге барып, шалыс бастым. Бірақ адам бұл ісінен қорытынды жасайды ғой. Мен сол жерді көріп, одан жирендім, оның жаман екенін ұқтым”, –&nbsp;дейді ол.</blockquote>Айтуынша, олар өз еркілерімен жұмыстан шықпаған. Оларды өз еркіммен шықтым деп арыз жазуға мәжбүрлеген дейді.<blockquote>“Жиналысқа барсам, Ақерке орнынан тұрып, жылап тұр. Менің кіргенімді көріп, “тұр орныңнан, Ақерке, сен отыр” деді. Барлығының көзінше есепке алып, сөзімізге құлақ аспады да. Жиналыс біткен соң, бізді мұғалімдер бөлмесіне жетектеп апарды. Ол бөлмеде ата-аналар да болғаны есімде, оларды шығарып жіберді де, бізге не жазу керегін айтып отырды. Біз олар айтқандай жазып бердік, содан соң қолымызға сертификат пен дипломымызды ұстатты”, –&nbsp;деді Сқақова.</blockquote>Фатима мен Ақеркені оқушылары мен олардың ата-аналары да қолдап отыр.“Балам тым жақсы соның сыныбында оқып жүрді, үйреніп те қалды. Оның әрекетінен аморальды нәрсе байқамадық. Ана-аналар чатында да барлық ата-аналар оларды қолдады, ешкім қарсы шығып, арызданбады. Не істесе де, әркімнің өз құқығы, өз шекарасы бар, өздері біледі”, –&nbsp;деді ата-ана.“Балаларыма сабақ береді, өте тәрбиелі адам, жақсы маман. Оның жақсы отбасыдан шыққанын білеміз. Бұл жағдай бұлай ушығып, жұмыстан шығатындай болады деп ойламадық. Ол соншалықты қылмыс емес қой”, –&nbsp;деді тағы бір ата-ана.Оқушылар да жас маманның жұмыстан шыққанына көңілдері түсіп қалды.Жағдайға аудандық бөлімі де, облыстық&nbsp;білім басқармасы да түсініктеме берген жоқ.Ал заңгер Азамат Талғатұлы жұмыстан шығу туралы акттің дұрыс толтырылмағанын және мектеп әкімшілігі бірнеше заң бұзушылыққа жол бергенін айтады.<blockquote>“Акт толтырылар алдында мұғалімдерді хабардар етіп, қол қойғызу керек. Содан соң бір данасын оларға береді. Сондай-ақ диплом мен сертификатты директор емес, кадр бөлімі ұсынады. Құжат қате толтырылған. Мысалы мұғалімдер өз еркімен шықты деп жазған болса, актіге олардың 9-күні жұмысқа келмегенін жазудың не қажеті бар?”, –&nbsp;деді заңгер.</blockquote>Ол, сондай-ақ, мектепте ақша жинау фактілерінің бар екенін айтты.<blockquote>“Директор ай сайын мұғалімдерден 2 мың, 5 мың теңгеден жинаған. Былай қарағанда өте аз ақша болғанымен, жалпы 800 мың теңге шығады екен. Оны не себепті жинады. Біз бірнеше заңбұзушылықты ескеріп, директорға қатысты 17 арыз жолдадық”, –&nbsp;деді Талғатұлы.</blockquote>Сонымен қатар ол полицияның не себепті “Өзіне қол салуға дейін жеткізу” бабымен іс-материалдар тіркемегеніне наразы. Айтуынша, бұл үшін жауапкершілік қарастырылған.Еске салсақ,&nbsp;Қызылордалық мұғалімдер Түркиядағы&nbsp;трансвеститтер клубында демалғаны&nbsp;үшін жұмыстан шығып қалғаны айтылды.&nbsp;Оқу-ағарту министрлігі оқиғаға түсініктеме беріп, олар жұмыстан&nbsp;өз еркімен шыққанын&nbsp;мәлімдеді. Кейін мұғалімдер өз шындығын айтып, мұның трансвеститтер клубы емес екенін түсіндірді.Бұрынғы оқу-ағарту министрі, қазіргі депутат&nbsp;Асхат Аймағамбетов мұғалімдерге жақтасып, жұмыстан тыс уақытта құқығын шектеуге болмайтынын айтты.Коллаж: Stan.kz

Жұмыстан қуылған қызылордалық мұғалімдердің бірі өзіне қол салмақ болған

<a href="https://kyzylorda-news.kz/">Kyzylorda-news.kz</a>.&nbsp; Алматыда №51 бөбекжай-балабақшасында тәрбиеленушілердің қатарластарын ұрып-соққан сәті бейнебақылау камерасына түсіп қалған. Бұл туралы Stan.kz ақпарат агенттігі хабарлайды.Кадрлардан баланы қатарластарының еденге құлатып, жұдырықпен ұрып, тепкілегенін байқауға болады. Зардап шеккен баланың ата-анасының айтуынша, жантүршігерлік оқиға 21 ақпанда болған.<blockquote>"Ұлымызды балалар аяусыз соққыға жыққан. Оны ұрып-соғу шамамен бес минутқа созылған. Балалар ол кезде тәрбиешінің қарауынсыз қалған. Ұлым қазір миы шайқалып ауруханада жатыр. Балалардың қатыгездігіне шек жоқ. Оларға ата-анасы осындай тәрбие берді ме? Видеоны көргелі бері есімізді жия алмай жүрміз. Ал тәрбиеші ұлымыздың соққыға жығылғанын бірден байқамаған. Кейіннен ол балаңыз өзін-өзі ұрған деп айтты", - деді баланың ата-анасы.</blockquote>Ата-ана мұндай оқиғалардың бұл балабақшада бұрын да болғанын айтты. Ал Алматы қаласының білім басқармасының хабарлауынша, оқиға түскі ас кезінде болғандықтан балабақша тәрбиеленушілердің бұл әрекетін байқамай қалған.<blockquote>"№51 бөбекжай-балабақшасында болған оқиға бойынша, алынған түсіндірмеге сәйкес, тәрбиеші осы сәтте балаларға түскі ас алған басқа бөлмеде болғанын хабарлайды. Сондықтан балабақша тәрбиеленушілерінің мінез-құлқын бақылай алмады. Балабақша әкімшілігінің бұйрығымен бұзушылықтар үшін тәрбиешіге қатаң сөгіс түрінде тәртіптік жаза қолданылды. Бақылауды әлсіреткені үшін балабақша меңгерушісі де тәртіптік жазаға тартылды", - делінген хабарламада.</blockquote>Сондай-ақ Жетісу аудандық полиция басқармасының мәліметінше, үш&nbsp;жасар баланың ата-анасының арызы бойынша тексеру жұмыстары жүргізілді.&nbsp;Балабақша қызметкерлері мен балалардың ата-аналарын жауапкершілікке тарту мәселесі шешілуде.Фото: Нұрболат Нұржаубай

Балабақшада баланы қатарластары жабылып ұрған видео тарады

<a href="https://kyzylorda-news.kz/">Kyzylorda-news.kz</a>.&nbsp;400 млн жымқырған лудоман, мектеп бухгалтері сотталды. Бұл Ақтөбедегі мектептердің бірінде болған – деп хабарлайды <a href="https://www.ktk.kz/kz/news/video/2024/02/22/264149/">КТК</a>&nbsp;арнасы.Ол қазынаның 400 миллион теңгеден астам ақшасын жымқырғаны үшін жеті жыл түрмеде отырады.Сот отырысы әдеттегіден ерекше болды. Үкім оқылар сәтте өңірдегі мектептердің бәрін онлайн байланысқа шығарды. Кесілген жазаны білім ошақтарының басшылары мен есепшілері қашықтан отырып қарады. Себебі 29 жастағы Бекзат Тәженов гимназия мұғалімдерінің айлығы мен керек-жарағына бөлінген ақшадан 6-7 жыл бойы жырымдап өзіне алып отырған. Сотта оның адвокаты да мемлекеттік мекемелердегі «Парус» деп аталатын қаржылық есептеу бағдарламасының олқы тұстарын ашық айтты. Сол арқылы бюджеттің ақшасына есепшінің қол сұққанын, тіпті тексеру жүргізген аудиторлар да байқамаған. Ал сотталушы 400 миллионнан аса теңгені ойынға тіккенін мойындады. Оның лудоман екенін әріптестері білмеген.<blockquote>“Бекзат Тәженов Қылмыстық кодекстің&nbsp;189-бабы, 4-бөлігі, 2-тармақшасы бойынша кінәлі деп танылып, 7 жылға бас бостандығынан айырылсын. Қосымша жаза ретінде қаржылық жауапкершілігі бар жұмысқа он жыл уақытқа алынбасын. Жазасын орташа қауіпсіздіктегі мекемеде өтесін және 2023 жылдың 16 мамырында қамауға алынған күннен бастап жаза өтеу уақыты есептелсін”, –&nbsp;дейді Ақтөбе №2 сотының судьясы Ақмарал Әлиева.</blockquote>Фото: Нұрболат Нұржаубай

400 млн жымқырған мектеп бухгалтері сотталды

<a href="https://kyzylorda-news.kz/">Kyzylorda-news.kz</a>.&nbsp; Бүгін «ҚХП» Қызылорда облыстық филиалының ұйымдастыруымен «Бала тәрбиесі – ортақ іс» тақырыбында дөңгелек үстел өтті.&nbsp; Шара барысында қоғамды алаңдатып отырған жайттың бірі – ұрпақ тәрбиесі жан-жақты талқыланды. Қазіргі кезде бала тәрбиесі тіптен шиленісіп кетті. Тіпті, кәмілетке толмаған жасөспірімдер арасында төбелес өршіп, тәрбие ақсап тұр. &nbsp;Аймақтағы соңғы орын алған жағдайлар осындай ойға жетелеуде.Бүгінде бала тәрбиесі мықты болуы үшін қандай жұмыстар атқарылу керек? &nbsp;Бала тәрбиелі болу үшін ең алдымен кімнен және неден бастауымыз керек? Осы және өзгеде сауалдар қозғалды. Кездесуге облыстық білім басқармасының тәрбие, спорт &nbsp;және қосымша білім беру орталығы директоры Ф.Досаев, қалалық Полиция басқармасының ювеналды полиция бөлімі аға инспекторы полиция майоры Нұрбол Алдабергенов, қалалық жастар ресурстық орталығы, «Сенімен болашақ» РҚБ Қызылорда облыстық филиалы, қалалық білім бөлімінің әдіскері, мектеп директоры, тәрбие ісі жөніндегі орынбасары қатысты.&nbsp;<blockquote>– Дөңгелек үстелдің нәтижесінде тиісті сала мамандары ата-аналармен тығыз байланыс орнату үшін арнайы ата-аналар сағатын енгізуді ұсынды. Қазіргі кезде қаладағы 58 мектепте 68 мыңнан аса бала білім алуда. Ал олармен бар жоғы 107 ғана психолог жұмыс істейді. Осыған орай қалалық білім бөлімінің әдіскері Ақерке Мұратбаева мектептерде психолог мамандарын көбейтіп, №224 бұйырыққа сәйкес психологты бала басына берілуін партия тарапынан көтеруді сұрады. Мектептердегі психолог мамандардың біліктілігін дамыту керегі де сөз болды. Сонымен қатар кәмелет жасқа толмаған жасөспірімдерді ата-анасының рұқсатынсыз жұмысқа тартатын жеке кәсіпкерлерге де шара көру керегі айтылды. Себебі олар заң бойынша балаларды жұмысқа алар алдында ата-аналарымен келісім-шартқа отыруы тиіс, – деді партия белсендісі Талғат Телеубаев.&nbsp; &nbsp;</blockquote>

Ата-аналар сағатын енгізу ұсынылды

&nbsp; <a href="https://kyzylorda-news.kz/">Kyzylorda-news.kz</a>.&nbsp; &nbsp; Мемлекеттік қызметшінің іс жүзінде атқарған жұмысы міндетті түрде ескерілуі керек.Президент мемлекеттік қызметті неғұрлым озық салаға айналдыру қажет екенін айтты. Мемлекет басшысы бұл туралы Президенттік жастар кадр резервінің форумында баяндады, деп хабарлайды <a href="https://sn.kz/sn-akparat-agyny/110188-prezident-kagazbastylykk-a-uzildi-kesildi-toskauyl-koiatyn-uakyt-zhetti">Skifnews.kz </a>ақпараттық порталы.<blockquote>Жылдар бойы жауыр болған бюрократияға, қағазбастылыққа үзілді-кесілді тосқауыл қоятын уақыт жетті. Мемлекеттік қызмет жүйесінде барлық үдеріс ашық болуға тиіс. «Мемлекет адам үшін» қызмет етуі керек. Елімізде азаматтардың мүддесін толық қорғайтын мемлекеттік қызмет моделін, үлгісін қалыптастыру қажет. Сондықтан уақыт талабына сай келетін және қоғам сұранысына жауап беретін жаңа жұмыс тәсілдерін енгізген жөн. Мемлекеттік қызметшілердің жұмысын шынайы бағалайтын нақты өлшемдер болуға тиіс. Бұл – бағалау жүйесін ұдайы жаңартып отыру қажет деген сөз. Мемлекеттік қызметшінің іс жүзінде атқарған жұмысы міндетті түрде ескерілуі керек. Ең бастысы, әрбір қызметші еліміздің алдында тұрған стратегиялық міндеттерге сәйкес барынша тиімді жұмыс істеуге дайын болуы қажет, – деді Президент.</blockquote>Бұл ретте IT-шешімдер арқылы мемлекеттік қызмет жүйесін оңтайландыру маңызды.<blockquote>Жасанды интеллект технологиясын және ауқымды мәліметтер қорын, яғни Big Data-ны тиімді қолдану керек. Заманауи технологиялар арқылы халықпен етене байланыс орнатудың жолдарын жақсартқан жөн. Себебі барлық маңызды шешімдер азаматтардың пікірі негізінде қабылдануға тиіс, – деді Қасым-Жомарт Тоқаев.</blockquote>Фто: Ақорда

Президент: Қағазбастылыққа үзілді-кесілді тосқауыл қоятын уақыт жетті

&nbsp;<a href="https://kyzylorda-news.kz/">Kyzylorda-news.kz</a>.&nbsp; &nbsp;Оқу-ағарту министрі Ғани Бейсембаев ведомство бірыңғай уақыт белдеуі өзгерген соң жергілікті әкімдіктер сабақтың басталу уақытын қайта қарауға мүмкіндік беретінін айтты. Бұл туралы <a href="https://stan.kz/mektepterde-birinshi-auisimdagi-sabaktar-keyinirek-bast-395731/">Stan.kz</a> ақпарат агенттігі хабарлайды.Министр бірыңғай уақыт белдеуіне көшу туралы шешімді тиісті сарапшылар, ғалымдар зерттеп барып қабылдағанын атап өтті.Оның айтуынша, министрлік бірінші ауысым оқушыларына сабақтың басталу уақытын қайта қарауға мүмкіндік береді.<blockquote>"Оқу уақыты бойынша, әрине, жергілікті атқарушы органдарға қажет болған жағдайда сабақтың басталу уақытын қайта қарауға мүмкіндік береміз. Бұған еш кедергі жоқ. Мысалы, таңертеңгі сағат 08:00-де оқуды бастайтын мектептер 08:30-да бастауы мүмкін. Әрине, өзгертуге мүмкіндіктер бар", –&nbsp;деді Ғани Бейсембаев.</blockquote>Еске сала кетейік, қараша айында мәжіліс депутаты Еркін Әбіл премьер-министрге ерекше сауал жолдаған еді. Ол үкіметтен Қазақстандағы уақыт белдеуі мәселесін шешуді сұрады. Себебі шығысқазақстандықтар жаңа&nbsp;бірыңғай уақыт белдеуіне ауысқысы келмейтінін айтқан. Тұрғындардың наразылығына қарамастан, қаңтар айында Қазақстанда бірыңғай уақыт белдеуі орнатылатыны белгілі болды.&nbsp;2024 жылғы 1 наурызда сағат 00:00-ден бастап елдің бүкіл аумағында бірыңғай уақыт белдеуі орнатылады. Осылайша&nbsp;Қазақстанның&nbsp;бүкіл аумағына 5-уақыт белдеуі (UTC+5) қолданылады.Фото: Нұрболат Нұржаубай

Мектептерде сабақ уақыты ауысуы мүмкін

<a href="https://kyzylorda-news.kz/">Kyzylorda-news.kz</a>. Бүгінгі Үкімет отырысының күн тәртібінде «Жайлы мектеп» ұлттық жобасының жүзеге асырылу барысы, су тасқыны бойынша ахуал қаралды. Сала басшылары мен өңір әкімдері атқарылған жұмыстарды баяндады.Үкімет отырысынан кейін облыс әкімі Нұрлыбек Нәлібаев арнайы мәжіліс өткізіп, берілген тапсырмалар бойынша алдағы жұмыс бағыттарын нақтылады.<blockquote>«Үкімет басшысы Олжас Абайұлы мектептер құрылысын уақытылы әрі сапалы аяқтауды тапсырды. Облыста «Жайлы мектеп» ұлттық жобасы аясында 12 300 орынға арналған 21 мектеп салу жоспарланған. Биыл тапсырылатын 10 мектептің мердігері анықталып, 9-ның құрылысы қарқын алды, 1 мектеп бойынша мемлекеттік сатып алу конкурсының қорытындысы кеш шығуына байланысты жақын күндері басталмақ. Инфрақұрылым жеткізуге жергілікті бюджеттен 118,4 млн. теңге бөлініп, жоба-сметалық құжаттары әзірленді, 9-на сараптама қорытындысы алынды, 1-еуі аяқталу сатысында. Инженерлік желілер жүргізуге облыстық бюджеттен 1,6 млрд теңге бөлініп, бүгінгі күні мердігер мекемелер анықталды. Жобаны үйлестіруші «Самұрық-Қазына Констракшн» акционерлік қоғамы өкілдерімен бірлескен жол картасына сәйкес жұмыс жүргізілуде», – деді аймақ басшысы.</blockquote>Күн тәртібіндегі мәселе бойынша облыстық құрылыс, сәулет және қала құрылысы басқармасына мердігер мекеме басшыларымен тығыз жұмыс жасау тапсырылды. Былтыр басталған 10 мектеп биылғы 1 қыркүйекте пайдалануға берілуі және сыртқы инженерлік инфрақұрылым жүргізу алдағы маусым айының соңына дейін аяқталуы керек. Қызылорда қаласы және аудан әкімдері осы жылдың 1 тамызына дейін мектептер аумағын жол-көлік желілерімен, жарықтандыру, абаттандыру, жаяу жүргіншілер жолдарымен және аялдамалармен қамтамасыз етуі тиіс.Айта кетейік, биыл 6900 орынға арналған 10 мектеп, 2025 жылы 5400 орындық 11 мектеп пайдалануға беріледі деп күтілуде. Өткен аптада «Самұрық-Қазына Констракшн» акционерлік қоғамы басшыларының Қызылорда облысына іссапары кезінде арнайы мәжіліс өткізіліп, ұлттық жобаны өңірде асырудың өзекті мәселелері жан-жақты талқыланды.<img src="https://knadmin.beoblood.kz/uploads/417533032_697062605948320_4745939341170448646_n_ddd4ea648b.jpg" alt="417533032_697062605948320_4745939341170448646_n.jpg"><img src="https://knadmin.beoblood.kz/uploads/417423923_697062669281647_3435430478034908983_n_63228095cf.jpg" alt="417423923_697062669281647_3435430478034908983_n.jpg">

“Жайлы мектеп” ұлттық жобасын іске асыру барысы талқыланды

Биыл елімізде 217 мектеп қолданысқа беріледі. Бұл туралы оқу-ағарту министрі Ғани Бейсембаев мәлімдеді, деп хабарлайды <a href="https://el.kz/biyl-elimizde-217-zhana-mektep-ashylady_108093/">El.kz&nbsp;</a> ақпарат агенттігі.Үкімет отырысында министр алдағы 2024-2025 жылдары 740 мың оқушы орнына арналған 369 мектеп қолданысқа берілетінін жеткізді.<blockquote>Жалпы ұлттық жоба еліміздегі оқушы орындарының тапшылығын шешуге, апатты және үш ауысымды мектептер мәселесін жоюға бағытталған. Биыл 217 мектепті, 2025 жылы 152 мектепті қолданысқа беру көзделген. Мектептер құрылысы бірыңғай стандарт бойынша жүзеге асырылып жатыр. Бұл ретте 163 мектеп (44%) ауылдық жерлерде салынады, - деді министр.</blockquote>Ғани Бейсембаевтың сөзінше, ұлттық жобаны іске асыруға республикалық бюджеттен 2,3 трлн теңге бөлу көзделген (2023 жыл – 500 млрд теңге, 2024 жыл – 976,3 млрд теңге, 2025 жыл – 909,4 млрд теңге). Оның ішінде былтыр «Самұрық-Қазына Констракшнге» тиісті көлемде қаржы аударылды (500 млрд теңге).Фото: t.me/KZgovernment

Биыл елімізде 217 жаңа мектеп ашылады

<a href="https://kyzylorda-news.kz/">Kyzylorda-news.kz</a>. Назарбаев Зияткерлік мектебінің оқушылары озық жобаларды жүзеге асыруда алдыңғы қатардан көрініп жүр. Олардың қолынан шыққан әр туынды тынымсыз еңбек пен үздіксіз білімді қажет етеді. Биыл да аталмыш мектептің білім алушылары соңғы технологияларды пайдалана отырып, таптырмас жобаларды сәтті жүзеге асыруда. Өңірлік коммуникациялар қызметінің ақпарат алаңында Назарбаев Зияткерлік мектебінің өрендері тың жобаларын БАҚ өкілдеріне таныстырды.<blockquote>Назарбаев Зияткерлік мектебінің оқушылары алған білімдерін іс жүзінде ұштастыру мақсатында тұрақты түрде ғылыми жобалармен айналысып келеді. Әсіресе, қоғамға пайдалы тың жобаларды жасау үшін өздерінің зерттеу жұмыстарын үздіксіз жүргізеді. Нәтижесінде, сіздердің алдарыңызға сәтті іске асқан екі жұмысты әкеліп отырмыз. Бірінші жоба - “Жалын” деп аталады. Бұл орман өртін қызметкерлерге жедел естіртіп, оның алдын алуға бағытталған. Ал, екіншісі - “Нақыл сөз” жобасы. Бұл жоба ұялы телефонға жүктеуге арналған бағдарлама. Бағдарлама қазақ тіліндегі қолданыстан шығып қалған немесе ұмытылған сөздердің мән-мағынасын түсіндіріп береді, - деді Әділжан Жұмағазыұлы.</blockquote>Әділжан Жұмағазыұлы осы қосымша арқылы қазақ тілінің көнерген сөздерін қолданысқа енгізуді жоспарлап отыр.<blockquote>Менің жобам “Жалын” деп аталады. Жобамның басты міндеті - орман өртінің алдын алуға және қауіпсіздікті қамтамасыз етуге арналған экологиялық жоба. Өздеріңізге белгілі, жақында Абай облысында 60 гектарды шарпыған өрт оқиғасы экологиялық мәселені күрделенуіне әкеп соқтырды. Сондықтан осы жобаны жасауға бел будым. Бағдарламаны жасауға үш айдай уақытымды жұмсадым. Ең алдымен біздің сезгіш құрылғыларымыз ағаштарға орналастырылады. Өрт болған жағдайда оның қай жерде орын алғанын және ауқымын датчиктер арқылы орманшының қолындағы планшетке түседі. Осылайша, өрттің алдын алуға болады, - деді оқушы Жұлдызай Мұңайтбасова.</blockquote>Едігеева Алуа мен Жақыпбек Азизаның жобалары - “Нақыл сөз” деп аталады. “Нақыл сөз” - қазақ тілінде оқып, дамығысы келетін адамдарға арналған.<blockquote>Қазіргі таңда жастар арасында әдеби сөздердің қолдану аясы тым тарылып кеткен. Сондай-ақ, көпшілігі әдеби сөздердің мән-мағынасын түсіне бермейді. Осы мәселе біздің жобаны бастауымызға түрткі болды. Қосымша 4 бөлімнен тұрады. Олар: қанатты сөздер, мақал-мәтел, тұрақты тіркестер және көнерген сөздер. Сондай-ақ, орыс, ағылшын тілдерінде аудармасы мен аудиожазбасы көрсетілген. Айта кетейік, бұл жобаны бастамас бұрын біз қазақ тілін меңгеруге арналған қосымшаларға талдау жасадық. Нәтижесінде, күнделікті қазақ тілін меңгеруге арналған бағдарламалардың бар екенін, алайда, дәл осы әдеби қазақ тілін дамытуға бағытталған қосымшаның жоқ екенін байқадық. Болашақта “Нақыл сөздер” қосымшасына “Ойындар” деген бөлім қосқымыз келеді, - деді жоба авторлары Едігеева Алуа мен Жақыпбек Азиза.</blockquote>Фото: өңірлік коммуникациялар қызметі&nbsp;

Қазақстан және Қызылорда облысының жаңалықтары: Білім