&nbsp;<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев Қызылорда қаласындағы бірқатар нысанды аралады.Алдымен өткен жылы пайдалануға берілген «Анаға тағзым» орталығына барды. Аналардың құрметіне бой көтерген орталық кәсіпкер Марат Дүйсенбаевтың демеушілігімен салынды. Президент тапсырмасына сәйкес бұл ғимаратта «Әйелдердің креативті индустрия орталығы» жұмысын бастады. Мемлекет басшысы Сыр өңіріне жұмыс сапары кезінде жаңа нысанның жұмысымен танысып, мұндай орталық жастарға тәлім-тәрбие беруде маңызды рөл атқаратынын айтты.<blockquote>«Анаға тағзым» орталығы ең алдымен тұрғындарға пайдалы болуы керек. Бастамаларын уақыт талабымен үндестіріп, жаңартып, жандандырып күнделікті жұмыс істеуі тиіс. Келушілерге жаңа идея, жаңа мүмкіндіктер ұсыну арқылы бағыты айқындала түспек», – деді аймақ басшысы.</blockquote>Одан әрі Нұрлыбек Машбекұлы өткен жылы дербес мекеме болып құрылған Теннис орталығына барды. Еске салсақ, Мемлекет басшысының тікелей бақылауындағы бұқаралық спортты дамытуға қатысты бастамаларды жүзеге асыру мақсатында облыс әкімінің қолдауымен мәдениет және спорт басқармасы жанынан теннис түрлері бойынша балалар мен жасөспірімдер спорт мектебі құрылды. Қазір орталықта 297 бала спортпен тегін шұғылданып, халықаралық, республикалық жарыстарға қатысып, жүлделі орындарға ие болуда.Балалар мен жасөспірімдердің тенниске қызығушылығын арттыру үшін жазғы теннис орталығын қайта жаңғыртудан өткізуге қаржы бөлінетін болды. Жаңғыртылған орталық спорттың осы түрімен айналысуға ұмтылған талапкерлерге жаңа мүмкіндіктер ұсынады.Алдағы уақытта қосымша үстел теннисі мен бадминтон бөлімшелері ашылады. Еске салсақ, Наурыз мерекесі қарсаңында Сыр өңірінде жаңа үстел теннисі орталығының құрылысы басталды.Әрі қарай облыс әкімі жуырда күрделі жөндеуден өткен «Орталық бейітке» барды.«Өлі риза болмай, тірі байымайды» деген сөз бар. Тұрғындармен кездесуде бейіт айналасын абаттандыру, кіреберіс жолын жөндеу туралы мәселе көтерілді. Бұл орынды күтіп ұстаудан аруақтарға құрметіміздің деңгейі көрінеді. Сондықтан осы жұмыстарды ұйымдастыруға жіті мән берілді», – деді Нұрлыбек Машбекұлы.Еске салайық, күрделі жөндеу жергілікті кәсіпкерлердің демеушілігімен жасалды. Бейіт аумағы абаттандырылып, көгалдандырылып, кіреберіс жол салынды. Оған 110 млн теңге қаржы жұмсалды.Елімізде Мемлекет басшысының бастамасымен қолға алынған «Таза Қазақстан» республикалық экологиялық акциясы жалғасуда. Апта сайын барлық елді мекенде өтетін сенбіліктерге мекеме, кәсіпорын қызметкерлері, еріктілер, жастар белсене қатысып, көркейту-абаттандыру жұмыстары атқарылуда.Фото: Қызылорда облысы әкімінің баспасөз қызметі

Аймақ басшысы қаладағы нысандарды аралады

&nbsp;<a href="https://kyzylorda-news.kz/">Kyzylorda-news.kz</a>&nbsp; Мемлекет басшысының, Үкіметтің тұрақты қолдауымен және облыс әкімінің үйлестіруімен қала өмірінде өскелең өріс қанат жайды. Қарқынды құрылыс алаңына айналған шаһарымыз өсіп-өркендеумен қатар, еліміздегі ең таза қаланың бірі атанды. Оның бір дәлелі – «Таза Қазақстан» республикалық экологиялық акциясы арқылы ауқымды жұмыстар атқарылып, алдағы уақытқа да мол міндеттер жүктелді.«Акция – науқандық шара емес. Бұл бастаманы өмірлік дағдыға айналдыруымыз қажет». Міне, осындай ұстаныммен қала әкімі Серік Қожаниязов жексенбі күні шаһардағы сквер-аллеялар мен саябақтарды аралап, абаттандыру және көгалдандыру барысында атқарылған істің нәтижелерін, әлі де жасалуы тиіс жұмыстардың жайын сүзгіден өткізді.Алдымен қалалық мәдени және демалыс паркіндегі тазалық талаптарының орындалуына және ойын алаңдары мен аттракциондардың техникалық қауіпсіздігіне назар аударды.<blockquote>«Жаз маусымында қала халқының уақыттарын тиімді, әрі көңілді өткізуін қамтамасыз ету мақсатында барлық жағдай жасалуда. Десе де, саябақ таза демалыс аймағы болу керек. Жаз – еркін тынығуға қолайлы мекен іздейтін маусым. Саябақ сауда-саттық орны емес, ол тынығушылардың талғамына сай жабдықталып, сапалық стандарты сақталуы қажет» – деді, Серік Салауатұлы.</blockquote>Қыркүйек айынан бастап облыс әкімінің тапсырмасына сәйкес, осы паркте қайта жаңғырту жұмыстары басталады. Осылайша демалыс орталығы жаңаланып, жайлы тынығу орнына айналады.Мұнан кейін Серік Салауатұлы Б.Шөкенов атындағы саябақтың көріктендіру жұмыстарын көрді. Қала тұрғындары үшін табиғат аясында тынығуға мол мүмкіндік сыйлаған саябақтың эстетикалық күйі де қалыпқа келтірілуде.<blockquote>«Саябақтағы санитарлық тазалық шаралары жыл бойы жүргізілуі тиіс. Бұл жұмыстарды босаңсытуға болмайды» – деді, Серік Салауатұлы сала басшыларына.</blockquote>Мұндағы жасыл-желекті күтіп, балақтау, уақытылы аяқ су беру күнделікті атқарылуы қажет. Ашығын айту керек, аталған парктегі жерасты су ұңғымасында уақытша орын алған ақауға байланысты аяқ су кеш берілді, салдарынан талдарға күтім жасалмады. Мәселеге орай, «Жасыл-Қызылорда» мекемесіне «Сарқырама» каналы арқылы судың бағытын бұрып, биік жерлерге мотопомпаларды пайдалану тапсырылды.«Қорқыт ата» мемориалы аллеясы қаладағы демалыс орындарының бірі болса да, мақсатты пайдаланылмай келеді. Яғни, көпшілік кең көлемде тыныға бермейді. Себеп – саябақтың бүгінгі күйі халықты баурайтындай жағдайда болмай тұр. Осыған орай, сәулетшілердің ұсынған заманауи дизайнымен жаңғырту жұмыстары жүргізіледі. Бұл игі бастаманы жақын күндері бастау жоспарға енгізілген.<blockquote>«Аймақ басшысының тегеурінді талабымен, кәсіпкердің демеушілігімен жақында Орталық алаң қайта жаңғырып, ел игілігіне берілді. Қандай керемет, халықтың өмір сүру сапасын арттыру жолындағы маңызды қадам деп атасақ жарасымды. Бұл жердегі бір әттеген-айы, демалыс орындарын тиімді, сапалы, мәдениетті пайдалана алмауымыздан болып тұр. Қарасаңыз, бас-аяғы базар-ошар секілді бей-берекет дүние қаптап кетті. Біз мұндай берекесіздікке жол бермейміз. Демалыс аймағында халық еркін демалуы керек. Өз кезегінде «Қорқыт ата» мемориалы аллеясын да орталық алаң секілді қала халқының сүйікті орнына айналдыратын боламыз» – деді, Серік Салауатұлы.</blockquote>ҚР Тұңғыш Президент саябағы қазір халықтың қарасы үзілмейтін, отбасылық демалыс орны. Жасыл желекке оранған саябақта тынығушылар саны күн санап артып келеді. Шағын мерейтойларды атап өтудің де мүмкіндігі мол. Бір өкініштісі, қоршаған ортаға саналы көзқарасты қалыптастыруда және туған жердің тазалығын сақтау, табиғатын қорғауда әлі де бейқамдық бар. Осы жайларды ескерген қала әкімі саябақ көлемін кеңейту, ішкі тәртіп пен тазалықты сақтау мәселелерін жолға қоюды алға тартты.«Елге деп салынған әрбір нысан өз мақсатында жұмыс істеуі керек. Саябақты заманауи саябақ келбетінде көргенге не жетсін!? Сол үшін ешқандай қажеттілік пен мұқтаждық туындауы тиіс емес. Әрлеу керек пе, әрлейміз, абаттандыру десеңіз, оны да жасаймыз. Сонда ғана халық сұранысындағы демалыс мүмкіндігін сыйлай аламыз. Бұл жұмыстардың атқарылуына аймақ басшысы жан-жақты қолдау жасап отыр»– деді, шаһар басшысы.Президент паркінен денсаулық саябағына дейінгі аралық толық қамтылған, жан-жағында автокөліктер тұрағы бар, гүлзарлармен көмкерілген көркем келбет қалыптастырамыз. Оған мүмкіндік жеткілікті. Алдағы уақытта әрбір нысан зерттеле отырып, халықтың сұранасына сай тиісті үдеден шығуға жұмыс жасалады, – деп, бүгінгі сапардың сарабын жасады.Фото: Нұрболат Нұржаубай

Саябақтар мен гүлзарлар қайта жаңғыртылады

<a href="https://kyzylorda-news.kz/">Kyzylorda-news.kz</a>&nbsp; Бүгінде Қызылорданы көркейту, көгалдандыру, таза ұстау мәселесіне ерекше ден қойылып, тиісті шаралар қолға алынған. Қала іргесі кеңейіп, жаңа мөлтек аудандардың саны артуда. 2017 жылдан бері сол жағалау қарқынды құрылыс алаңына айналды. Қазірдің өзінде білім ордасы, Жастар орталығы, саябақтар мен үйлер тұрғындар игілігіне берілген.Мемлекет басшысының тапсырмасымен бастау алған «Таза Қазақстан» акциясы шеңберінде апта сайын сенбіліктер ұйымдастырылуда. Өйткені, бұл жай ғана маусымдық акция емес, халықтың экологиялық мәдениетін, тазалыққа, ең бастысы, тәртіпке деген жауапкершілігін арттыруды көздейді. Мемлекет басшысы: «Қазақстанымыз таза болуы қажет. Бұл жұмыстар елорда және ірі қалаларда ғана емес, аудандар мен ауылдарда да ұдайы ұйымдастырылуы тиіс», – деп атап өтті. Осыған орай, акцияны жалғастырудың облыстық іс-шаралар жоспары бекітіліп, жұмыс жыл соңына дейін үздіксіз жүргізілмек.Қазір Қызылорда қаласы аумағындағы санитарлық тазалық жұмыстарының бөлінісі жасалды. Ол бойынша әлеуметтік және кәсіпкерлік нысандардың қасбетін қалыпқа келтіру, көше, жол бойы тазалығын қамтамасыз ету, жол белгілерін түзету ұйымдастырылмақ. Облыстық басқарма басшылары өздеріне қарасты мекемелердің тазалығын, абаттандырылуын, қасбеттерінің талапқа сай болуын тұрақты бақылауда.Облыс орталығы тазарып, көркейгенін, бұл бастамаға көңіл толатынын тұрғындар да, қала қонақтары айтады. Мұның барлығы – кейінгі жылдары қолға алынған жұмыстардың нәтижесі.2 МИЛЛИОН АҒАШ ЕККЕН БЕКТАЙ АТАҚызылордада кейінгі жылдары бой көтерген тұрғын үй кешендерінің саны артты. «Арай», «Астана», «Бәйтерек» сынды жаңа мөлтек аудандардағы аулаларды абаттандыруды жұртшылық өз қолына алған. Мысалы, Бердіқожа Кенжебаев өзі тұрған үйдің ауласын жайқалтып қойған. Сегіз жыл бұрын көшіп келген қала тұрғыны ағаш егу, абаттандыру жұмыстарын сол кезде-ақ бастап кетіпті.«Қызылордада ағаш өсіру қиын. Өзім де талай көшет ектім, шықпады. Ерінбей қайта-қайта талпынып, нәтижеге жеттім. Қазір ауламыз жасыл желекке малынып тұр», – дейді қала тұрғыны.85 жастағы Бектай Сүлейменов те қаланы абаттандыру, көркейту жұмыстарына өз бастамашылдығымен атсалысады. Бұрынғы агроном бүгінге дейін 2 миллион ағаш өсіріпті. Біразының көшеті елді мекендер көшелерінде жайқалып тұр.«Күн сайын 8 гектар жерді айналып, ағаштардың күтімін жасаймын. Шыбық егемін, суарамын, шөбін отаймын. Әуежайға бара жатқан жолдағы ағаштардың бәрі – менің көшеттерім», – дейді Б.Сүлейменов.Қалада бірнеше шақырымдық орталық көшелер бар. Абай даңғылы шаһардың бір басынан екінші басына созылып, басқа да көшелермен жалғасады. Ойын-сауық орталығы да, саябақ та, жағажай да, аквапарктер де осы көшенің бойында. Халық кешқұрым оның бойымен серуендегенмен, мұнда бірде-бір қоқыс кезікпейді. Бұл – қызылордалықтардың тазалық мәдениетінің көрсеткіші.САРАПШЫЛАР БАҒАСЫМемлекет басшысы Қасым-Жомарт Тоқаевтың «Таза Қазақстан» бастамасы аясында Президент Телерадиокешені «Таза қала» атты ауқымды тележобаны қолға алды. Алғашқы түсірілім Тараз, Шымкент, Түркістан, Қызылорда қалаларында басталды.«Таза қала» тележобасы аясында еліміздің барлық өңірлердегі тазалық жұмыстары бағалануда. Бағдарламадағы деректер эколог, урбанистерге, арнайы сарапшыларға тапсырылады. Мамандар көшедегі тазалық пен тәртіп, коммуналдық қызметтің жұмыс жүйесі, абаттандыру, халық мәдениеті, қала эстетикасы секілді бес критерий бойынша бағалайды. Бұл шығарылымды да Парламент Мәжілісінің депутаты Ерболат Сатыбалдин, «Жасыл даму» АҚ қалдықтарды басқару департаментінің директоры Сәбит Қашқынбаев, урбанист Тұрсын Жиенбаева арнайы көрді және қаланың хал-ахуалына өз бағаларын берді.<blockquote>«Қаланың келбеті өте жақсы, эстетикалық жағынан да талғаммен өсіп келеді. Бірақ ескі қаланың да проблемаларын ұмытпау керек, әсіресе кәріз жүйелері, қатты қалдықтарды жинау мен шығаруда мәселе бар. Қызылорда ауа райының қолайсыздығына, топырақ құнарының төмендігіне қарамастан, қыруар қаражат бөліп, көгалдандыруға, абаттандыруға ұмтылып жатыр. Бағалауда осы ұмтылыстарын ескердім және Қызылорда қаласы кейін көк желекке оранған қала боларына сенемін», – дейді Ерболат Сатыбалдин.</blockquote>Сарапшылар қатты қалдықтарды өңдеу мен сұрыптау мәселесі басқа қалалармен ұқсас екенін, қоқыс жәшіктері мен инфрақұрылым жетіспейтінін айтты.«Сонымен бірге, қала халқының еңбекқорлығын байқадым. Төмен баға қаланың эстетикасына, соның ішінде ғимараттардың келбеті мен жағдайына қойылады», – деді урбанист Т. Жиенбаева.Жалпы есепте Қызылорда қаласы 20 ұпаймен көш басына орнықты.

«Таза қала»: Қызылорда өңірлер арасында үздік атанды

<a href="https://kyzylorda-news.kz/">Kyzylorda-news.kz</a> &nbsp;Қаланы ұқыпты ұстау – санитарлық талап қана емес, мәдениет пен талғамның белгісі. Осы орайда «Таза қала» тележобасы Алаштың алғашқы астанасы болған Қызылорда қаласына жетті. Бағдарламада тілшілер қаланың көрікті, жасыл желек жайқалған, сәулетті тұстарын көрсетуге және шаң басқан, қоқыс толған орындарын да табуға тырысады. Бұл туралы <a href="https://kaz.inform.kz/news/taza-kala-kizilordada-sir-elnn-tazaligi-singa-tust-bb9d1d/">Kazinform</a> сайты хабарлады.&nbsp;Қала келбетіСоңғы 10 жыл көлемінде Қызылорданы көркейту, көгалдандыру, тазалығын қалыпта ұстау мәселесіне ерекше ден қойылып, тиісті шаралар қолға алынып келеді. Жылдан жылға жаңа мөлтек аудандардың саны да артып жатыр. 2017 жылдан бастап қаланың сол жағалауы қарқынды құрылыс алаңына айналды. Қазірдің өзінде білім ордасы, жастар орталығы, саябақтар мен тұрғын үйлер көптің игілігіне берілген.Қызылордада «Таза Қазақстан» акциясының шеңберінде апта сайын сенбіліктер ұйымдастырылып тұрады. Әрбір тұрғыны өзіне жақын, ыңғайлы ортаны таңдап, бірер сағат уақытын бөліп тазалық жұмыстарына атсалыса алады. Саябақтар, базар, орталық алаң негізінен таза. Қала негізінен таза. Әйтсе де, арагідік шашылған, жәшікке сыймай жатқан қоқыс байқалды. Базар маңындағы ретсіз қойылған дүңгіршектер атауы да қала эстетикасына үйлеспей тұр.Жергілікті тұрғындар шаһардың тазалығы мен эстетикасына сын боларлық өзге де проблемаларды атады. Мәселен Абай даңғылы бойында «Универсам» мөлтек ауданы бар. Кеңестік кезеңде салынған үйлерге бес жыл бұрын модернизация жасалған. Оған қажетті қаражат тұрғындардың қалтасынан алынған. Бірақ бұл жұмыстарға халықтың көңілі толмайды. Себебі жаңарту барысында үйдің сыртқы келбеті ғана жаңарып, жертөледегі құбырлар, ішкі подъездер мен ішкі аула өзгеріссіз қалған.2016 жылы салынған «Құралай» тұрғын үй кешені салыстырмалы түрде жаңа үйлердің қатарында. Қала орталығындағы, жоғары санатты үй болып да саналады. Алайда тұрғындар кәріз жүйесіндегі қолқаны қабатын иістен зардап шегіп отыр. Кәріз жүйесіне күрделі жөндеу жұмыстары жүргізілсе де, мәселе шешілмепті. Коммуналдық қызмет те бұл мәселеден ат тонын ала қашады екен.Әйтсе де, қаладағы ескі үйлер мәселесі кезең кезеңімен шешіліп келеді. Халық арасында «Южный» атанып кеткен шағын ауданның 1975 жылы салынғанына сену қиын. Қызылды-жасылды сырланған үйлердің ауласы да көз қуантады. Балалар ойнайтын алаңқай, үлкендерге самалжайлар орнатылған. Бұл аулада қоқыс атаулыны көрмейсіз. Бағдарламаға сұхбат берген тұрғындар тазалықшылар жұмысына дән риза екенін айтуда. Жалпы алғанда сауалнамаға қатысқан қызылордалықтар соңғы жылдары жүргізіліп жатқан тазалық жұмыстарына көңілі толатынын айтты.2 миллион ағаш еккен Бектай атаҚызылорда қарқынды құрылыс алаңына айналды. Соңғы жылдары бой көтерген тұрғын үй кешендерінің саны артып келеді. «Арай», «Астана», «Бәйтерек» сынды су жаңа мөлтек аудандар ел игілігіне берілді. Ал сондағы аулаларды абаттандыруды жұртшылық өз қолына алған екен. Мысалы Бердіқожа Кенжебаев өзі тұрған үйдің ауласын жайқалтып жіберген. Сегіз жыл бұрын көшіп келген қала тұрғыны ағаш егу, абаттандыру жұмыстарын сол кезде ақ бастап кетіпті.<blockquote>«Қызылордада ағаш өсіру қиын. Өзім де талай шыбық ектім, шықпады. Ерінбей қайта-қайта талпынып, нәтижеге жеттім. Қазір ауламыздың көгеріп, жасыл желекке малынып тұр», - дейді қала тұрғыны.</blockquote>85 жастағы Бектай Сүлейменов те еш қайтарымсыз қаланы абаттандыру, көркейту жұмыстарына атсалысады. Ақсақал бұрын агроном болып қызмет еткен және бүгінгі күнге дейін 2 миллион ағаш өсіріпті. Біразының көшеті сыр елінің көшелерінде жайқалып тұр.<blockquote>«Күн сайын 8 гектар жерді айналып, ағаштардың күтімін жасаймын. Шыбық егемін, суарамын, шөбін отаймын. Әуежайға бара жатқан жолдағы ағаштардың бәрі менің көшеттерім», - дейді Б. Сүлейменов.</blockquote>Қалада бірнеше шақырымға созылған орталық көшелер бар. Абай даңғылы – шаһардың бір басынан екінші басына созылып, басқа да көшелермен жалғасып жатқан жол. Қаланың ауқымды ойын-сауық орталығы да, саябағы, жағажай, аквапарктері де осы көшенің бойында. Халық кешқұрым осы сквердің бойында серуендейді. Дегенмен, мұнда бір де бір қоқыс кезікпеді. Бұл қызылордалықтардың тазалық мәдениетінің көрсеткіші.Әкім не дейдіҚызылорда қаласын 8 жыл басқарып, кейінірек облыс тізгінін қолға алған Нұрлыбек Нәлібаев «Таза қала» бағдарламасына арнайы сұхбат берді және тұрғындарды толғандырған өзекті сұрақтарға жауап берді.<blockquote>«Универсам мөлтекауданында негізінен 1964 жылғы ескі үйлер орналасқан. Жертөлені тазарту біздің жоспарымызда бар. Өйткені жылу да, су да жертөле арқылы өтеді. Қаладағы көптеген үйлер негізінен ескі, сондықтан жертөлені де бірге жөндеп кетеміз. Нақты «Универсам» аймағы биыл жасалады», - деп уәде берді облыс әкімі.</blockquote>Ал «Құралай» кешеніндегі кәріз мәселесі облыс әкіміне таңсық болып шықты. Сол жерде облыс басшысы қала әкімі Серік Қожаниязовты шақырып мәселені реттеуді тапсырды.Абай Құнанбайұлы мен Мұратбаев көшелерінің қиылысындағы үйлердің жағдайы басшы назарында екен.<blockquote>«Күнделікті әлеуметтік желіні қарап отырамыз. Ол үшін арнайы бекітілген қызметкер бар, өзім де күніне 1-2 сағат жеке қараймын. Тұрғындардың арыз-шағымын көрсем, күн демей, түн демей, жауапты адамдарға тапсырма беремін. Менің ұялы телефонымның нөмірін бүкіл қызылордалықтар біледі. Өмір боғласын кемшіліктер, ақаулар болады. Дегенмен біз жылдам реакция беріп, қалпына келтіруге тырысамыз», - дейді Н. Нәлібаев.</blockquote>Сарапшылар бағасы«Таза қала» бағдарламасындағы барлық деректер эколог, урбанист секілді арнайы сарапшыларға тапсырылады. Мамандар көшедегі тазалық пен тәртіп, коммуналдық қызметтің жұмыс жүйесі, абаттандыру, халық мәдениеті, қала эстетикасы секілді бес критерий бойынша бағалайды. Бұл шығарылымды да Парламент Мәжілісінің депутаты Ерболат Сатыбалдин, «Жасыл даму» АҚ қалдықтарды басқару департаментінің директоры Сәбит Қашқынбаев, урбанист Тұрсын Жиенбаева арнайы көрді және қаланың хал-ахуалына өз бағаларын берді.<blockquote>«Қаланың келбеті өте жақсы, эстетикалық жағынан да талғаммен өсіп келеді. Бірақ ескі қаланың да проблемаларын ұмытпау керек, әсіресе кәріз жйүелері, қатты қалдықтарды жинау мен шығаруда мәселе бар. Қызылорда ауа райының қолайсыздығына, топырақ құнарының төмендігіне қарамастан, қыруар қаражат бөліп, көгалдандыруға, абаттандыруға ұмтылып жатыр. Бағалауда осы ұмтылыстарын ескердім және Қызылорда қаласы кейін көк желекке оранған қала боларына сенемін», - дейді Ерболат Сатыбалдин.</blockquote>Сарапшылар қатты қалдықтарды өңдеу мен сұрыптау мәселесі басқа қалалармен ұқсас екенін, қоқыс жәшіктері мен инфрақұрылым жетіспейтінін айтты.<blockquote>«Сонымен бірге, қала халқының еңбекқорлығын байқадым. Төмен баға қаланың эстетикасына, соның ішінде ғимараттардың келбеті мен жағдайына қойылады», - деді урбанист Т. Жиенбаева.</blockquote>Жалпы есепте Қызылорда қаласы 20 ұпаймен өңірлер арасында көш бастап тұр.Айта кетейік, Мемлекет басшысы Қасым-Жомарт Тоқаевтың «Таза Қазақстан» бастамасы аясында Президент Телерадиокешені «Таза қала» ауқымды&nbsp;<a href="https://kaz.inform.kz/news/taza-kala-prezident-teleradiokeshennn-zhana-zhobasi-244bb0/">тележобасын</a> қолға алды. Алғашқы түсірілім Тараз, Шымкент, Түркістан, Қызылорда қалаларында <a href="https://kaz.inform.kz/news/taza-kala-prezident-teleradiokeshennn-zhana-zhobasi-244bb0/">басталды</a>.Фото: Нұрболат Нұржаубай

«Таза қала» Қызылордада – Сыр елінің тазалығы қай деңгейде

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен өткен мәжілісте өңірдегі бірқатар мәселе талқыланды. Алдымен аймақ басшысы Үкімет делегациясының облысқа жасаған жұмыс сапарының қорытындысы туралы айтты.<blockquote>– Үкімет басшысы қолға алынған жұмыстарға оң бағасын берді. Енді осындай игіліктер аудандарда да жүзеге асуы керек. Үш күн ішінде бюджет қаражатынан тыс, демеушілік есебінен атқарылған істер туралы ақпаратты жинақтап, облыс әкімі аппаратына ұсыныңыздар. Экономикалық көрсеткіштер жоғары болуы маңызды. Барлығы заң аясында орындалуы керек екенін ескеріңіздер», – деді Нұрлыбек Нәлібаев.</blockquote>Облыс әкімі «Таза Қазақстан» экологиялық акциясы жыл соңына дейін жалғасатынын айтты. «Ауылдық округ әкімі мен учаскелік полиция қызметкері сол ауылдың тұрғыны болуы керек» деген тапсырма бұған дейін бірнеше рет талқыланып, нақты міндет жүктелген болатын. Бүгінгі жиында осы тапсырманың орындалуы қаралды. Орындалмаған жағдайда аудан әкіміне шара көрілетіні ескертілді.Күн тәртібінде қысқа дайындық, әлеуметтік нысандарды су, жарықпен қамтамасыз ету мәселелері де көтеріліп, жауапты тұлғаларға тапсырма берілді. Фото: Қызылорда облысы әкімінің баспасөз қызметі

Тапсырмалардың орындалуы бақылауда болады

Kyzylorda-news.kz. Бүгін облыс әкімі Нұрлыбек Нәлібаевтың төрағалығымен өткен мәжілісте өңірдегі бірқатар мәселе талқыланды. Алдымен аймақ басшысы Үкімет делегациясының облысқа жасаған жұмыс сапарының қорытындысы туралы айтты.<blockquote>– Үкімет басшысы қолға алынған жұмыстарға оң бағасын берді. Енді осындай игіліктер аудандарда да жүзеге асуы керек. Үш күн ішінде бюджет қаражатынан тыс, демеушілік есебінен атқарылған істер туралы ақпаратты жинақтап, облыс әкімі аппаратына ұсыныңыздар. Экономикалық көрсеткіштер жоғары болуы маңызды. Барлығы заң аясында орындалуы керек екенін ескеріңіздер», – деді Нұрлыбек Нәлібаев.</blockquote>Облыс әкімі «Таза Қазақстан» экологиялық акциясы жыл соңына дейін жалғасатынын айтты. «Ауылдық округ әкімі мен учаскелік полиция қызметкері сол ауылдың тұрғыны болуы керек» деген тапсырма бұған дейін бірнеше рет талқыланып, нақты міндет жүктелген болатын. Бүгінгі жиында осы тапсырманың орындалуы қаралды. Орындалмаған жағдайда аудан әкіміне шара көрілетіні ескертілді.Күн тәртібінде қысқа дайындық, әлеуметтік нысандарды су, жарықпен қамтамасыз ету мәселелері де көтеріліп, жауапты тұлғаларға тапсырма берілді.<img src="https://knadmin.beoblood.kz/uploads/FB_IMG_1719678589038_50bbb03f27.jpg" alt="FB_IMG_1719678589038.jpg"><img src="https://knadmin.beoblood.kz/uploads/FB_IMG_1719678591148_266a8f85fb.jpg" alt="FB_IMG_1719678591148.jpg">

Нұрлыбек Нәлібаев: Үкімет басшысы қолға алынған жұмыстарға оң бағасын берді

Әлеуметтік желіде Ақтауда күштеп қыз алып қашқандарды полиция қызметкерлері босатып жіберген деген ақпарат тарады.Айтуларынша қылмыс құрамының болмауына байланысты үш күннен кейін істі жауып тастаған. Мұны Маңғыстау облыстық полиция департаменті жоққа шығарды.<blockquote>"Қызды алып қашқан адам өзінің танысы. Полиция ешкімді жауапкершіліктен босатқан жоқ. Адам ұрлау фактісі бойынша қылмыстық істі полиция тергеп жатыр", - дейді полицейлер.</blockquote>Ведомство тергеу мүддесі үшін өзге де мәлімет жария етілмейтінін атап өтті.

Қыз алып қашқандардың басы бәлеге қалды

Kyzylorda-news.kz. «Жыл соңында облыс әкімінің бұқаралық ақпарат құралдары өкілдеріне арналған «Жебе» арнайы сыйлығы табысталмақ.&nbsp;Аймақтың ақпарат айдынында үздік шыққан материалдарға 7 номинация бойынша 1 миллион теңге жүлде тағайындалады». Бұл туралы Бұқаралық ақпарат құралдары қызметкерлері күніне арналған мерекелік салтанатты шарада облыс әкімі Нұрлыбек Нәлібаев хабарлады.Аймақ басшысы журналистерді кәсіби мерекемен құттықтап, билік пен бұқараның арасына алтын көпір болу миссиясын бұлжытпай орындап жүрген қаламгерлерге ізгі лебізін білдірді.«Мемлекет басшысы Қасым-Жомарт Кемелұлы «Әділетті Қазақстанды құру үшін қоғамда құндылықтар жүйесін жаңғыртып, ұлттың жаңа сапасын қалыптастырудың мән-мағынасы зор. Бұл бағытта еңбекқорлық пен білімпаздықты, адал азаматқа тән қасиеттерді дәріптейтін масс-медиа өкілдері айрықша рөл атқарады» деп атап өткен болатын.Өздеріңізге белгілі, Мемлекет басшысы жақында ғана «Масс-медиа туралы» Заңға қол қойды. Бұл заңға «Журналистің ерекше мәртебесі» деген ұғым енгізілді», – деді Нұрлыбек Машбекұлы.Облыс әкімі еліміздегі ең байырғы басылымдардың бірі – «Сыр бойы» ұжымын газеттің жарыққа шыға бастағанына 95 жыл толуымен құттықтады. «Сыр бойы» өткен жылы «Үркер» ұлттық сыйлығын, «Ең үздік өңірлік басылым» номинациясын иеленді. Бүгінде ақпараттық сұраныс талғамының өзгергеніне қарамастан, «Сыр бойы» газеті 23 мыңға жуық тиражбен тарайды. Бұл – еліміздегі облыстық газеттер арасындағы ең озық көрсеткіш. Мұнан бөлек, биыл Жалағаш аудандық «Жалағаш жаршысы» басылымының 90 жылдығы, Шиелі аудандық «Өскен өңір», Сырдария аудандық «Тіршілік тынысы» газеттеріне 85 жыл, Қызылорда қалалық «Ақмешіт апталығы» газетінің жарық көргеніне 30 жыл толуда.Салтанатты шарада аймақ басшысы ақжолтай жаңалықты бөлісіп, жыл соңында бұқаралық ақпарат құралдарының өкілдеріне арналған «Жебе» арнайы сыйлығы табысталатынын айтты. Бұл сыйлық үздік мақалалар мен сюжеттерге, ақпараттық материалдарға 7 номинация бойынша дәстүрлі түрде берілетін болады. Әр номинацияға 1 миллион теңге жүлде тағайындалады.Мерекеде аймақтың ақпарат саласының дамуына елеулі үлес қосқан бірқатар БАҚ өкілі облыс әкімінің арнайы марапатына ие болып, құрмет төрінен көрінді. Мемлекет басшысының Жарлығымен «Ақмешіт ақшамы» газетінің бас редакторы Сәрсенкүл Бихожаева «Құрмет» орденімен, «Qyzylorda» телеарнасының бас инженері Бақытжан Шүкенов, «Сыр бойы» газетінің бас редакторы Қуат Шарабидинов «Ерен еңбегі үшін» медалімен марапатталды.&nbsp;Бірқатар БАҚ қызметкеріне облыс әкімінің, ҚР Ақпарат және қоғамдық даму министрлігінің марапаттары табысталды. Мұнан бөлек, үздіктерге түрлі номинация берілді. С.Бермағанбетов атындағы жас журналистер байқауының жеңімпаздары да арнайы марапат алды.Бүгінде Сыр өңірінің медиакеңістігінде 149 бұқаралық ақпарат құралы жұмыс жасайды. Оның 13-і – мемлекеттік, 135-і – тәуелсіз, &nbsp;120 газет, 26 интернет-сайт мен ақпараттық агенттік, 3 телеарна облыс, қала, аудан аумағына ақпарат таратады.<img src="https://knadmin.beoblood.kz/uploads/FB_IMG_1719640291649_4cfa803915.jpg" alt="FB_IMG_1719640291649.jpg"><img src="https://knadmin.beoblood.kz/uploads/FB_IMG_1719640295895_62553a2b18.jpg" alt="FB_IMG_1719640295895.jpg"><img src="https://knadmin.beoblood.kz/uploads/FB_IMG_1719640302750_365cea5a4c.jpg" alt="FB_IMG_1719640302750.jpg"><img src="https://knadmin.beoblood.kz/uploads/FB_IMG_1719640332439_1d20eb588e.jpg" alt="FB_IMG_1719640332439.jpg"><img src="https://knadmin.beoblood.kz/uploads/FB_IMG_1719640321565_0ac2202ebc.jpg" alt="FB_IMG_1719640321565.jpg"><img src="https://knadmin.beoblood.kz/uploads/FB_IMG_1719640326603_3220e878a9.jpg" alt="FB_IMG_1719640326603.jpg">

Облыс әкімі БАҚ қызметкерлерін кәсіби мерекемен құттықтады

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев «Айғақ» телеарнасының шығармашылық тобымен кездесті. Шығармашылық топ Мемлекет басшысының бастамасымен қасиетті мекендер туралы бағдарлама түсіруде.Құрамында актер Абубакир Ханходжаев, Қазақстанның Құрметті журналисі, «Еркін ой» газетінің бас редакторы Балтабек Түйетаев, «Бекет» газетінің бас редакторы, журналист, блогер Сафуан Өтебаев, «Айғақ» телеарнасының журналистері бар.Аймақ басшысы қонақтарды Бұқаралық ақпарат қызметкерлері күнімен құттықтады.«Ақпарат айдынында үздіксіз қалам тербеген журналистердің еңбегі әрдайым елеулі. Сөз тізгінін ұстаған тілшілер қауымы еліміздің мәдени-рухани өміріне өлшеусіз үлес қосып келеді. Өздеріңізге белгілі, биылғы жылдың басты жаңалығы - Президентіміз Қасым-Жомарт Кемелұлы «Масс медиа» туралы заңға қол қойды. «Журналистің ерекше мәртебесі» деген ұғым енгізілді. Қалам ұстаған қауымның құқығы заңмен қорғалады. Бұл – бұқаралық ақпарат құралдарын замана көшіне ілестірудегі, саланы дамытудағы ауқымды жұмыстардың бірі ғана. Шығармашылық топтың Ұлытау облысында өтетін «Көкмайса -2024» фестиваліне қатысып, «Жошы хан» кесенесіне баратынынан хабарым бар. Мемлекет басшысы Қасым-Жомарт Кемелұлының «Ұлытау – ұлтымыздың алтын бесігі, тағылымды тарихымыздың куәсі. Сондықтан біз Ұлытау жеріне ерекше құрметпен қараймыз!» деп, киелі мекеннің қазақ тарихы үшін маңызын атап өткені белгілі. Осы ретте, Президентіміздің бастамасын қолдап, қасиетті мекендер туралы бағдарлама түсіруде Дулат Назарбекұлы, өзіңіз бастаған шығармашылық топтың жұмысына сәттілік тілеймін», - деді Нұрлыбек Машбекұлы.Облыс әкімі топ мүшелеріне Сыр жұртшылығының атынан ілтипат білдіріп, Алғыс хат табыстады.Өз кезегінде, топ жетекшісі Дулат Әбіш аймақ басшысына алғыс білдірді. Шығармашылық топтың сапары киелі Түркістаннан басталып, Алаштың анасы - Сыр өңірінде жалғасып, ұлт ұясы - Ұлытауда мәресіне жетеді.Фото: Қызылорда облысы әкімінің баспасөз қызметі

Аймақ басшысы шығармашылық топ өкілдерімен кездесті

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаевтың төрағалығымен өткен мәжілісте Үкімет басшысы Олжас Бектенов бастаған делегацияның Сыр өңіріне жасаған сапарының қорытындысы, берілген тапсырмалар, Қызылорда қаласындағы кейбір мәселелер туралы талқыланды.«Кеше облысқа ресми жұмыс сапармен келген Үкімет делегациясы өңірдегі жұмыстармен танысты. Қарқынды құрылыс алаңына айналған облыс орталығындағы нысандарға тоқтады.Биыл Мемлекет басшысының қолдауымен қаланы ыстық сумен қамтамасыз ету мәселесі оң шешімін тапты. Қала мен оған қарасты елді мекендерде көшелер жөнделіп, жаяу жүргіншілер жолы салынуда. Үкімет басшысы қолға алынған жұмыстарға оң бағасын берді», – деді Нұрлыбек Машбекұлы.Облыс әкімінің тапсырмасына сәйкес, Қызылорда қаласындағы 2022-2023 жылдары жөндеуден өткен, кепілдік мерзімі бар көшелерді визуалды қараудан және бақылаудан өткізгенде бірқатар кемшілік анықталды. Атап айтқанда, алдыңғы жылы жөнделген 49 көшенің 15-інен, былтыр жөнделген 56 көшенің 11-інен ақау шыққан. Қала әкімі Серік Қожаниязов осы кемшіліктерді түзетуде атқарылған жұмыстарды баяндады. Қызылорда қаласы әкімдігіне келісім-шарттағы кепілдік мерзіміне сәйкес іс-шара жоспарын бекітіп, анықталған ақауларды 1 ай ішінде қайта қалпына келтіру жөнінде тапсырма берілді.Жиында құрылыс, сәулет және қала құрылысы, энергетика және тұрғын үй- коммуналдық шаруашылық, жолаушылар көлігі және автомобиль жолдары басқармасы басшылары жаңа нысандар құрылысы, инфрақұрылым желілерін дамыту туралы баяндады. Атап айтқанда, сол жағалаудағы құрылыстар, алдағы жылу маусымына дайындық, ескі көпқабатты тұрғын үйлерді қайта жаңғырту, жаяу жүргіншілер жолын салу жоспарлары талқыланды. Қаланың әлеуметтік-экономикалық дамуына қатысты мәселелер мен ұсыныстар бойынша жоспарлы жұмыстар жүргізіледі.<img src="https://knadmin.beoblood.kz/uploads/449383524_772285761759337_3301959831635325425_n_7dfcb47e83.jpg" alt="449383524_772285761759337_3301959831635325425_n.jpg"><img src="https://knadmin.beoblood.kz/uploads/449355191_772285648426015_9153317332864239503_n_c0f0b49e41.jpg" alt="449355191_772285648426015_9153317332864239503_n.jpg"><img src="https://knadmin.beoblood.kz/uploads/449338979_772285675092679_7215472706966029356_n_d1d7614fc9.jpg" alt="449338979_772285675092679_7215472706966029356_n.jpg"><img src="https://knadmin.beoblood.kz/uploads/449312389_772285691759344_9216019325478473096_n_fb8566c1d0.jpg" alt="449312389_772285691759344_9216019325478473096_n.jpg"><img src="https://knadmin.beoblood.kz/uploads/449196563_772285711759342_572025042886476901_n_5a5aaf65ec.jpg" alt="449196563_772285711759342_572025042886476901_n.jpg">Фото: Қызылорда облысы әкімінің баспасөз қызметі

Кемшіліктер кепілдік мерзімі аяқталғанша түзетілуі тиіс

<a href="https://kyzylorda-news.kz/">Kyzylorda-news.kz</a> &nbsp;Алдағы жылыту маусымына дайындық аясында Премьер-Министр Олжас Бектенов Қызылорда облысында жаңа ЖЭО құрылысының барысымен танысты. Сондай-ақ алдағы уақытта шыны кластері құрылатын табақ шыны өндіретін инвестициялық жобаға барып, Мемлекет басшысының өңдеу өнеркәсібінің үлесін ұлғайту жөніндегі тапсырмасының орындалуын тексерді.Өңір тұрғындарын 1964 жылы пайдалануға берілген ЖЭО жылумен қамтамасыз етіп отыр. Бүгінгі таңда жабдықтың тозуы 75%-ды құрайды. Орталықтандырылған жылумен жабдықтау жүйесіне 2 949 нысан, оның ішінде 808 көппәтерлі үй қосылған. Биыл осы объектілерді ыстық сумен қамтамасыз ету үшін Президент қойған міндетті іске асыру шеңберінде Үкімет резервінен 11 млрд теңге, қалалық қазандықтарды жөндеуге тағы 2 млрд теңге бөлінді. Сонымен қатар жылу желілерін жаңғыртуға республикалық бюджеттен 6 млрд теңге бағытталды. Қабылданып жатқан шаралар жылу трассаларының тозуын 42%-ға дейін төмендетуге мүмкіндік береді.&nbsp;Сондай-ақ Премьер-Министрге жылу қуаты сағатына 277 Гкал болатын жаңа ЖЭО құрылысының қарқыны туралы баяндалды. Қазіргі уақытта жер қазу жұмыстары аяқталды, жабдықты орнатуға негіз қалануда – алаңға 600-ге жуық адам және 60 бірлік техника жұмылдырылды. Құрылыс жұмыстары жоспарға сәйкес жүріп жатыр. Нысанды 2025 жылы пайдалануға беру жоспарланған. Қазіргі таңда инвестор жобаны іске асыруға 70 млрд теңгеден астам инвестиция салды.Олжас Бектенов ел экономикасының белсенді дамуына және өнеркәсіптік кәсіпорындардың іске қосылуына байланысты қосымша энергия қуаты қажет екенін атап өтті.&nbsp;«Жаңа ЖЭО құрылысы Мемлекет басшысының ерекше бақылауында. Оның іске қосылуы оңтүстік өңірлердегі электр энергиясының жүктемесін тұрақтандыруға және тұтастай алғанда еліміздің энергетикалық қауіпсіздігін нығайтуға оң әсерін тигізеді», — деп атап өтті Премьер-Министр.&nbsp;Қызылорда облысының әкімдігіне газ жеткізуші құбыр мен ЖЭО құрылысын уақытылы аяқтау, сондай-ақ барлық объектілердің жылу беру маусымына дайындығын қамтамасыз ету жөнінде тапсырма берілді.Қызылорда облысы өңдеу өнеркәсібінде өндірілген өнім көрсеткішінің өсу қарқыны бойынша көш бастап тұр. Облыс әкімінің орынбасары Ардақ Зебешев Премьер-Министрге өңірдегі өнеркәсіптің дамуы туралы баяндады. 2024 жылдың 5 айында экономиканың осы секторы 6,3% өсім көрсетті, инвестициялар көлемі 40%-ға өсті, оның 80% – жеке салымдар. 2024-2028 жылдар аралығында 8,4 мың жұмыс орнын құрумен жалпы сомасы 1,1 трлн теңгеге 76 жобаны іске асыру көзделген. Осы жылдың өзінде 32,4 млрд теңге сомасына 15 жоба іске қосылмақ.Шыны зауытының іске қосылуы дамуға айрықша серпін берді, онда қазіргі таңда шыны кластерін құру жұмыстары басталды. Кәсіпорын жұмыс істеген уақыт ішінде 27,3 млрд теңге сомасына 20,8 млн м2 шыны өндірілді. Бүгінде кәсіпорын $15 млн көлеміндегі өз қаражатына қуаты жылына 5 млн м2 болатын энергия үнемдейтін шыны шығаратын жаңа желіні іске қосты.&nbsp;Олжас Бектенов Қазақстан экономикасы үшін маңызды жобаларға қаражат салуға дайын инвесторларға қолдау көрсету қажеттігін атап өтті.&nbsp;Жұмыс сапары аясында жол-көлік инфрақұрылымын дамыту мәселесіне назар аударылды. Атап айтқанда, «Қызылорда – Жезқазған», «Қызылорда – Үшқұдық» автомобиль жолдарын салу және «Қызылорда – Ақтөбе» автомагистралін реконструкциялау жобалары бар. Көлік министрлігіне қажетті жұмыстарды жүргізуге және жобаларды уақытылы аяқтауға тиісті құжаттарды ресімдеу жөнінде тапсырмалар берілді.<a href="https://l.facebook.com/l.php?u=https%3A%2F%2Fprimeminister.kz%2Fnews%2Folzhas-bektenov-kyzylordanyn-energetikalyk-infrakurylymynyn-zhylu-beru-mausymyna-dayyndygyn-tekserdi-28729%3Ffbclid%3DIwZXh0bgNhZW0CMTAAAR0wn160-SEAQJhL75vZM8quIGjn94MUgvKWKyuHX4TMsYDClFZB62zrr88_aem_r7-KHr3XDLbbGewH9Pf3Ow&amp;h=AT3UOX4Gmkt39jkJCcLVd416X9DBRIGpjL5UCAGMrNkHSNWJCIySbukGzJOELImXFftq8fSWR8AACHjn8pQ48MbPJCF7TsyceA-O0kzKiNOLFt31_DFptI1vProvIPw2FkwT&amp;__tn__=-UK-R&amp;c[0]=AT0ILR6jDbx9dPTqkvcByMYmxw6Mz7Rw5nO1RVtC3Z2l1Zt9i_exOq8-H_dmfP1ygiyVQXqlhyFvBPObotH249VADKZdoVhrNKI3pQsVUfVo7aAoIpmFiinwhIGJO5RBktPBJsb06bnuFnHIg6oayZBRfy0uXzZYK60g-hCy69l7qco7LlANsGiixAA1OwRALCUOjDc5jCdPzJp4DDgzWfkZsxGGm1m5cEHU">https://primeminister.kz/.../olzhas-bektenov-kyzylordanyn...</a><img src="https://knadmin.beoblood.kz/uploads/438263095_1772243736634107_8676641873143215842_n_ce972a09b0.jpg" alt="438263095_1772243736634107_8676641873143215842_n.jpg"><img src="https://knadmin.beoblood.kz/uploads/449015300_1772243639967450_2902890537049662942_n_96f76e5cbb.jpg" alt="449015300_1772243639967450_2902890537049662942_n.jpg"><img src="https://knadmin.beoblood.kz/uploads/449142318_1772243656634115_3587879302838664751_n_da49149976.jpg" alt="449142318_1772243656634115_3587879302838664751_n.jpg">

Олжас Бектенов Қызылорданың энергетикалық инфрақұрылымының жылу беру маусымына дайындығын тексерді

Kyzylorda-news.kz. Департаменттің негізгі бағыттарының бірі – мемлекеттік қызмет саласындағы бақылауды жүзеге асыру болып табылады.Бұл бағытта департаментке жыл басынан бері 57 өтініш түскен.&nbsp; Түскен өтініштердің 46-ы жеке тұлға, 3-і заңды тұлға, 8-і мемлекеттік қызметшілерден түскен.Қаралған өтініштерде жиі көтерілетін сұрақтар, бұл конкурс өткізу қорытындысымен келіспеу – 5, әлеуметтік қорғалу – 7, әдеп нормаларын бұзу – 5, тәртіптік жазамен келіспеу – 2, конкурс өткізу тәртібіне қатысты – 2. Құзыреттілік шегінде барлығы 23 тексеру жүргізілді (6-проф. бақылау, 17-жоспардан тыс тексеру). Нәтижесінде 143 бұзушылық анықталды.Бұзушылықтардың басым көпшілігі мемлекеттік қызметшілердің әлеуметтік мәселелеріне қатысты болып отыр.Орын алған бұзушылықтарды жою бойынша 11 нұсқама енгізіліп, барлығы орындалды.Енгізілген ұсыныстардың нәтижесінде: - 1 қызметші тәртіптік жазаға тартылды; - 2 мемлекеттік органдардың актілері (тәртіптік жаза қолдану) заңсыздығы негізінде бұзылды; - 3 әкімшілік іс қозғалды (ҚР ӘКБтК 89б. 1 тар. –1, 462 б. 3 тарм. – 1, 99 бап 2 тарм. – 1). Тексерулердің нәтижелерімен 4 мемлекеттік қызметшінің құқықтары қалпына келтірілді.Мысалы, Қармақшы ауданы әкімі аппаратына профилактикалық бақылаумен жүргізілген тексеру барысында Қазақстан Республикасы Үкіметінің 2018 жылғы 11 мамырдағы №256 қаулысымен бекітілген Бюджет қаражаты есебінен қызметтік іссапарларға, оның ішінде шет мемлекеттерге қызметтік іссапарларға арналған шығыстарды өтеу қағидаларының (бұдан әрі – Қағидалар) сақталмағандығы анықталды.Атап айтқанда, Қағидалардың 6-тармағында іссапарға жiберiлген қызметкерге iссапарға кетер алдында жол жүру ақысын, тұрғын үй- жайды жалдау бойынша шығыстарды төлеуге тиесiлi сомалар және тәулiкақы беріледi. Іс-сапардан оралғаннан кейiн қызметкер бес жұмыс күнi iшiнде іссапар бойынша шығыстар туралы растаушы құжаттарды қоса бере отырып, іссапар туралы есеп береді делінген.Алайда, Қармақшы ауданы, Т.Көмекбаев ауылдық округінің әкімі 26.09. - 01.10.2023 жыл аралығында Астана қаласына іс-сапарда болғаны белгілі болды.Дегенмен, ауыл әкіміне тексеру барысында iс-сапарға кетер алдында жол жүру ақысы, тұрғын үй-жайды жалдау бойынша шығыстары мүлдем төленбегендігі анықталды. Осындай деректер, Қармақшы аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің бас маманы (іс-сапарға шығу мерзімі 12.02.-13.02.2024 жыл), Қармақшы аудандық мәдениет және спорт бөлімінің сектор меңгерушісіне (іс-сапарға шығу мерзімі 15.02.-16.02.2024 жыл) мүлдем төленбеген.&nbsp;Департаментпен енгізілген бұзушылықты жою туралы нұсқаманың нәтижесімен қызметшілерге іс-сапар шығындары төленді. Сонымен қатар, Қазалы ауданы әкімі аппаратына профилактикалық бақылаумен жүргізілген тексеру барысында Ғ.Мұратбаев ауылдық округінің әкіміне тәртіптік жаза қолдану барысында Қазақстан Республикасы Президентінің 2015 жылғы 29 желтоқсандағы №152 Жарлығымен бекітілген «Мемлекеттік қызметшілерге тәртіптік жаза қолдану» Қағидаларының талаптары сақталмағандығы анықталды.Департаментпен енгізілген бұзушылықты жою туралы нұсқаманың нәтижесімен ауылдық округтің әкіміне тәртіптік жаза қолдану туралы бұйрықтын күші жойылып, бұзылған құқықтары қалпына келтірілді.Алдағы уақытта да аумақтық департамент азаматтардың, соның ішінде мемлекеттік қызметшілердің де құқықтарын қалпына келтіру бағытындағы жұмыстарды одан әрі жалғастыра беретін болады.

Қазақстан және Қызылорда облысының жаңалықтары: Басты жаңалықтар old