Kyzylorda-news.kz. Бүгін – Қазақстан халқының бірлігі күні.
Атаулы мереке ел Президентінің Жарлығына сәйкес, 1996 жылдан бастап атап өтіледі.
Тәуелсіздік алғалы 130-дан астам ұлт өкілі ел аумағында тату-тәтті өмір сүріп келеді. Қазақстан – Орталық Азия елдері арасында татулықтың үлгісі деуге болады. Себебі бірнеше ұлт өкілі салт-дәстүрі мен ұстанымына қарамастан ынтымақтастықта өмір сүріп жатыр.
Қазақстан 30 жылдан астам тәуелсіздік тарихында сандаған ұлттың ұйытқысына айналып отыр. Бүгінде еліміздің аумағында бірнеше ұлт өкілі өзара ынтымақтастық пен татуластықты ту етіп тіршілік етуде.

1 мамыр &#8211; Қазақстан халқының бірлігі күні

Kyzylorda-news.kz. Қызылорда облыс әкімінің орынбасары Балжан Шәменованың төрағалығымен кәмелетке толмағандардың істері және олардың құқықтарын қорғау жөніндегі облыстық комиссияның отырысы өткізілді.
Комиссия отырысына Қызылорда облысы прокурорының аға көмекшісі Ә. Есқараев, Көліктегі полиция департаменті, Қызылорда станциясы желілік полиция бөлімі бастығының бірінші орынбасары, полиция подполковнигі Б.Жұмаділда, комиссия мүшелері мен қала және аудан әкімдерінің орынбасарлары қатысты.
Күн тәртібіндегі мәселелер бойынша облыстық білім басқармасы басшысының орынбасары Бағдат Бердаулетов кәмелетке толмағандардың істері және олардың құқықтарын қорғау жөніндегі облыстық комиссия отырысы хаттамалық тапсырмаларының орындалуы жөнінде баяндама жасады. Сонымен қатар Бағдат Камбозұлы облыстық прокуратураның ұсыныстарын қарау туралы мәселелерге де тоқталды.
Одан соң комиссия отырысында талқыланған мәселе балалардың жол-көлігі жарақатынан алдын алу жөнінде қабылданған шаралар мен кәмелетке толмағандарды жол қауіпсіздігі ережелерін сақтауға қалыптастыру болды. Бұл туралы Қызылорда облысының полиция департаменті, Жергілікті полиция қызметі басқармасы бастығының орынбасары, полиция подполковнигі Б.Молдабеков баяндама жасап, кәмелетке толмағандардың өздерімен бірге суық қаруға ұқсас заттарды алып жүруіне бақылауды күшейту қажеттігін атап өтті. Мұнан соң, Арал ауданы әкімінің орынбасары Б.Жұмағұлов аудандық комиссиямен ауданда атқарылып жатқан жұмыс туралы есеп берді.
Комиссия отырысында қаралған мәселелер бойынша комиссия төрағасы Балжан Мөрәліқызы жауапты мемлекеттік мекемелер мен құзырлы орган басшыларына нақты тапсырмалар жүктеп, мамыр айында өтетін келесі отырысына дейін мәселелер шешілу қажеттігін айтты.

Қызылордада кәмелетке толмағандардың істері және олардың құқықтарын қорғау жөніндегі облыстық комиссияның отырысы өтті

Kyzylorda-news.kz. 1 мамыр – Қазақстан халықының бірлігі күні мерекесіне орай кең көлемді іс шаралар ұйымдастырылады. Облыстың негізгі мәдени шарасы – 1 мамыр күні сағат 9:00-де орталық алаңда өтеді.
Шара барысында ұлттық спорт түрлерінен сайыстар, этнос өкілдерінің тарихи экспонаттары мен қолөнер көрмелері ұйымдастырылады. Мерекелік концертке эстрада әншілері мен жергілікті өнерпаздар қатысады. Сонымен қатар 7 мамыр – Отан қорғаушылар күніне арналған шаһарлардың негізгі идеологиясы «Бейбітшілікті қорғау» тезисі болуы тиіс. Ал Ұлы жеңістің 77 жылдығына орай Ұлы Отан соғысының ардагерлеріне 1 млн.114 мың теңге көлемінде қаржылай көмек көрсетіледі.
<blockquote>
 «1 мамыр – Қазақстан халқының бірлігі күні мерекесінде өңірдің мәдени ұйымдарында 500-ден аса іс шара ұйымдастырылады. Алдағы болатын мерекелерде облыста бірқатар ауқымды шаралар өткізіледі. Атап айтқанда, облыс музейлерінде «Қазақстан бірлік пен татулық мекені» атты он күндік көрме, облыстық кітапханаларда ашық есік күні өтеді. Бүгін «Тәуелсіздіктің басты тірегі – татулық» тақырыбында түрлі ұлт өкілдерінің бас қосуы өтсе, 1 мамырда «Қазақстан – достықтың берік тұғыры» атты онлайн шығарылымға ұласатын болады. 7 мамыр – Отан қорғаушылар күніне орай «Ұлы дала ұландары» атты кітап көрмесі және Н.Бекежанов атындағы қазақ академиялық музыкалық драма театрында салтанатты шара өтеді. Ал 9 мамыр – Ұлы жеңіс күніне орай «Отан үшін от кешкендер» атты еске алу кеші, «Ұрпаққа ұран болған Ұлы Жеңіс» атты көрмелер ұйымдастырылады», – деді облыстық мәдениет және спорт басқармасының өкілі Жанат Құрамысова.
 «Алдағы мейрам күндері спорттан ауқымды іс шаралар ұйымдастырылатын болады. Ұлттық спорттық сайыстар, белбеу күресі, грек-рим күресі ұйымдастырылады. Сонымен қатар 1 мамыр – Қазақстан Халықтарының бірлігі күніне орай әуесқойлар арасында стенд атудан турнир өтеді»,- деді облыстық мәдениет және спорт басқармасының өкілі Асылжан Жаманқұлов.
</blockquote>
<img src="https://kyzylorda-news.kz/wp-content/uploads/2022/04/fb_img_1651283434361.jpg" alt="" />
<img src="https://kyzylorda-news.kz/wp-content/uploads/2022/04/fb_img_1651283437072.jpg" alt="" />
<img src="https://kyzylorda-news.kz/wp-content/uploads/2022/04/fb_img_1651283445764.jpg" alt="" />

Қызылордада мереке күндері 500-ден аса іс-шара өтеді

Kyzylorda-news.kz. 30 сәуірде республиканың басым аумағында атмосфералық фронталды бөліктердің өтуімен құбылмалы ауа райы күтіледі, деп хабарлайды Қазгидромет.
Кей өңірлерде найзағай, дауыл, жаңбыр болады. Елдің шығысында ғана жауын-шашынсыз ауа райы сақталады. Барлық өңірде екпінді жел тұрады.
Қызылорда облысының кей аумақтарында күн бұлтты, ауа температурасы +28 +30 градусты көрсетеді. Желдің жылдамдығы 5-10 м/с.

Сенбі күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін ҚР Президенті Қасым-Жомарт Кемелұлы Тоқаевтың төрағалығымен Қазақстан халқы Ассамблеясының «Ел бірлігі – жаңарған Қазақстанның негізі» атты ХХХІ сессиясы өтті.
Сессияға облыс әкімі, облыстық ҚХА төрағасы Нұрлыбек Нәлібаев онлайн режимде қатысты. Ал, Нұр-Сұлтан қаласындағы сессия жұмысына Қызылорда облысынан 16 өкіл барды.
Жиында Мемлекет басшысы Ассамблея сессиясын Қазақстан халқының бірлігі күні қарсаңында өткізу игі дәстүрге айналғанын және мұның символдық мәні бар екенін атап өтті.
<blockquote>
 «Бірлік, татулық және бейбітшілік – біздің мызғымас құндылықтарымыз. Оның айрықша маңызды екенін қаңтар оқиғалары кезінде айқын сезіндік. Қазір қатерлі күндер артта қалды. Сол кезде қандай қауіппен бетпе-бет келгенімізді уақыт өткен сайын ұғына түсеміз. Шын мәнінде, біз мемлекеттілігімізді жоғалтып ала жаздадық. Халқымыз қаңтар қасіретінен сабақ ала білуі керек. Енді ондай жағдай қайталанбауы үшін қолдан келгеннің бәрін жасауға тиіспіз», – деді Президент.
</blockquote>
Қасым-Жомарт Тоқаев Қазақстан халқы Ассамблеясы қызметінің үш негіз құраушы басымдығын айқындап берді. Біріншісі – саяси реформаларды жүзеге асыру ісіндегі Қазақстан халқы Ассамблеясының рөлін күшейту. Екіншісі – ақпараттық жұмыстарды күшейту және Қазақстан халқы Ассамблеясының қоғамдағы әлеуетін арттыру. Үшіншісі – құқық қорғау қызметін күшейту. 
Президент келесі айда жаңа диалог алаңы – «Ұлттық құрылтайдың» алғашқы отырысы өтетінін хабарлады. Сондай-ақ, Конституциялық реформалар жобасы бойынша елде референдум өткізуді ұсынды.
Сессия барысында ҚХА Төрағасы Марат Әзілханов тәуелсіздікті, елдегі татулық пен келісімді күшейтуде Ассамблеясының қызметі айрықша екенін атап өтті.
Жиында ҚХА мүшелері, этномәдени бірлестіктерінің басшылары, азаматтық қоғам өкілдері, жастар және тағы да өзге қатысушылар пайымды пікірлерін айтып, орнықты ұсыныстарын жеткізді.
Айта кетейік, Сыр өңірінде облыс халқының 96,4% қазақ ұлтынан, 3,6% – түрлі 35 этностық топтан құралған. 11 этномәдени бірлестік жұмыс атқарады. Облыстық Ассамблея жанында 8 қоғамдық құрылымы бар. Аудандарда 5 этнобағытталған қоғамдық бірлестіктер жұмыс жасайды.

Қазақстан халқы Ассамблеясының ХХХІ сессиясына Қызылордадан 16 өкіл барды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев актив отырысында жаңа қала әкімін таныстырды.
Жиында аймақ басшысы қала әкімі қызметін атқарған Ғанибек Қазантаевтың өз өтінішіне сәйкес Қызылорда қаласының әкімі лауазымынан босатылғанын хабарлап, әріптесіне қаланың әлеуметтік-экономикалық, рухани-мәдени дамуына сүбелі үлес қосқаны үшін алғыс білдірді және Қызылорда облысының «Құрмет» грамотасын табыстады.
Өз кезегінде, Ғанибек Қазантаев әріптестеріне бірге жұмыс істеу барысында көрсетен қолдауы үшін ризашылығын білдірді.
Облыс әкімінің өкімімен Қазақстан Республикасы Президенті Әкімшілігі және Қызылорда қалалық мәслихаттың келісімі бойынша Қызылорда қаласының әкімі лауазымына Асылбек Шәменов тағайындалды.
Аймақ басшысы жаңа әкімді таныстырып, қызметінде сәттілік тіледі.
<blockquote>
 «Асылбек Өмірбекұлы бұған дейін де бірқатар жауапты қызметтерді атқарған. Қаланың тыныс-тіршілігімен етене таныс. Әсіресе Қызылорда қаласы әкімінің орынбасары ретінде қаланың қайнаған қазанында шыңдалған тәжірибелі және іскер басшы. Бүгінгі күнге дейін Жалағаш ауданының әкімі қызметінде жүріп, ауданның экономикалық жағдайын жақсарту мен әлеуметтік әлеуетін арттыру жолында ауқымды жобаларды жүзеге асырып, жергілікті халықтың қолдауына ие болған. Ендігі кезекте, осы жинаған тәжірибесі мен білімін, іскерлік қабілетін облыс орталығы Қызылорда қаласын дамытуға арнап, сүбелі үлесін қосады деп сенеміз», – деді Нұрлыбек Нәлібаев.
</blockquote>
Облыс әкімі Асылбек Шәменовке Қызылорда қаласының қоғамдық-саяси ахуалдың тұрақтылығына жауапты болып, халықтың әл-ауқатын көтеру мақсатында экономиканың барлық салалары бойынша дамудың оң параметрлеріне қол жеткізуді тапсырды.
Қаланың санитарлық тазалығы, көпқабатты тұрғын үйлердің сәулеттік келбеті, көркейту-көгалдандыру жұмыстарына және тіршілікті қамтамасыз етуші кәсіпорындардың үздіксіз жұмыс жасауына баса назар аударуды және облыс орталығының сол жағалауын игеру және дамыту бойынша жаңа жобаларды жүзеге асыруды міндеттеді.
Жиында қоғам қайраткерлері Қожахмет Баймаханов, Айтбай Көшербаевтар жаңа шаһар басшысының қызметіне сәттілік тілеп, жерлестерін өңірді өркендету жолында бірлесіп әрекет етуге шақырды.
Асылбек Шәменов 1978 жылы туған. Ол Абай атындағы Алматы мемлекеттік университетін «Халықаралық туризм», Қызылорда мемлекеттік университетін «Мұнай-газ кен орындарын игеру» және «Құрылыс» мамандықтары бойынша бітірген.
Еңбек жолын 1999 жылы «Қызылорда интеграция» компаниясының менеджері ретінде бастаған.
2007-2012 жылдары Қызылорда облысының мемлекеттік сәулет-құрылыс бақылау, сондай-ақ облыстық энергетика және тұрғын үй-коммуналдық шаруашылық басқармаларында жауапты қызметтер атқарған.
2012-2018 жылдары Қызылорда облысының энергетика және тұрғын үй-коммуналдық шаруашылық басқармасы басшысының орынбасары, Қызылорда қаласы әкімінің орынбасары.
2018-2020 жылдары Қызылорда облысының жұмылдыру дайындығы басқармасының басшысы;
2020 жылдың наурыз айынан бастап Жалағаш ауданының әкімі болып қызмет атқарды.
<img src="https://kyzylorda-news.kz/wp-content/uploads/2022/04/shamenov-1.jpg" alt="" />
<img src="https://kyzylorda-news.kz/wp-content/uploads/2022/04/279423764_290657159922202_1699431544184459120_n.jpg" alt="" />

Қызылорда қаласының әкімі тағайындалды

<a href="https://kyzylorda-news.kz/">Kyzylorda-news.kz.</a> Қасиетті Рамазан айының Қадір түнінде облыс әкімі Нұрлыбек Нәлібаевтың атынан ауызашар берілді.
Орталық «Ақмешіт-Сырдария» мешітіндегі дәстүрлі дастарханға жамағатпен бірге имамдар, ақсақалдар мен ақ жаулықты аналар, зиялы қауым өкілдері және қала тұрғындары жиналды. Облыс әкімінің орынбасары Мархабат Жайымбетов ауыз бекіткен жандарды Рамазан айымен құттықтап, аймақ басшысының лебізін жеткізді.
<blockquote>
 «Қадірлі ағайын! Құрметті жамағат! Айлардың сұлтаны, ең қайырлысы Рамазан айы баршаңызға мүбәрак болсын! Аймақ басшысы Нұрлыбек Машбекұлының жайған дастарханына қош келдіңіздер! 
 Күллі әлем мұсылмандары үшін айрықша орын алатын бұл ай исламның басты құндылықтары – жақсылық пен мейірімділікті, сауап пен имандылықты дәріптейді. Сондықтан әлемнің барша мұсылмандары бұл айға ерекше құрметпен қарап, Алла разылығы үшін ауыз бекітіп, пітір садақаларын таратып, жетім-жесірге қолдау көрсетіп, игі амалдарды еселеуге асығады. 
 Барлығыңыз білесіздер, Тәуелсіздік алғалы ата дәстүр жанданып, салт-сана жаңғыруда. Алдағы уақытта Президент Қасым-Жомарт Тоқаев айтқандай, дәстүрлі дініміздің ұрпақ тәрбиесінің өзегі болуы, жастардың ұлт құндылықтарын бойына сіңіруі, ғылым-білім игеруімен қатар тәрбиелі болуы – біздің міндет. Ең бастысы, бүгінгі бейбіт өмірді қадірлеп, Тәуелсіздік тұғырын берік ұстауымыз қажет. Қадірлі жерлестер, бұл ауызашар рәсімін рухани байлығымызды жандандыруға арналған іс-шара деп қабылдаңыздар. Барлықтарыңыздың ізгі ниет-тілектеріңіз қабыл болсын», – деді облыс әкімінің орынбасары.
</blockquote>
Сондай-ақ ауызашарда облыстық ардагерлер кеңесінің төрағасы Серік Дүйсенбаев пен бас имам Болатбек Әбуов жиналған көпшілікті құттықтап, ұстаған оразаның қабыл болуына тілектестік білдірді. Жамағатқа оразаның пайдасы мен ұстау қағидалары жөнінде, берілетін садақа, қайырымдылық іс-шаралары туралы айтты.

Нұрлыбек Нәлібаев ауызашар берді

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев Сырдариядағы сапарында аудан активімен кездесіп, ортақ мәселелерді талқылады. Жиынға ҚР Еңбек Ері Абзал Ералиев, ардагерлер кеңесінің төрағасы Серік Дүйсенбаев, облыстық мәслихат депутаттары және облыстың зиялы қауым өкілдері қатысты.
Аймақ басшысы Сырдария ауданының ерекшеліктеріне тоқталып, алдағы уақытта орындалуы қажет міндеттерді нықтап берді.
<blockquote>
 «Киелі топырағында Асқар Тоқмағамбетов, Әбділда Тәжібаев, Қалтай Мұхамеджанов, Нағи Ілиясов сынды даңқты тұлғаларымыз туып өскен Cырдария ауданы бүгінгі күні ақ маржан – ақ күрішімен әлемге әйгілі. Облыстағы алғашқы Қазақстанның Еңбек Ері Абзал Жұмашұлы Ералиев ағамыз көркейтіп отырған Нағи Ілиясов атындағы ауыл республикамыздағы бірегей ауыл болып саналатыны белгілі. Аудан еңбеккерлерінің жыл сайынғы еселі еңбегінің арқасында ауыл шаруашылығы саласы қарқынды дамуда. Өткен жылы су тапшылығына қарамастан жақсы нәтижелер көрсете білді. Биыл да жоғары нәтижеге жетуге жұмыс жасау қажет, – деді Н.Нәлібаев.
</blockquote>
Басқосуда аудан әкімі Мұрат Ергешбаев ауданның әлеуметтік-экономикалық даму барысы туралы баяндап, өзекті мәселелерді шешу бойынша бірқатар ұсыныстарын жеткізді. Актив отырысында қоғам қайраткерлері Ибрагим Абибуллаев пен Алмагүл Божанова аймақ басшысының ел игілігіне қызмет етіп, өңірді өркенді істерге жетелейтін жарқын жобаларды атқаратынына сенім білдіріп, елді татулық пен бірлікке үндеді.
Жиынды қорытындылаған облыс әкімі аудан әкіміне экономика салаларына, оның ішінде әсіресе инвестициялар тарту, салық базасын ұлғайту, саяси тұрақтылықты сақтау, жаңа жұмыс орындарын құру және кәсіпкерлік саласын дамыту бойынша нақты жұмыстар жүргізу қажет екенін айтты.
<img src="https://kyzylorda-news.kz/wp-content/uploads/2022/04/syrdarija1.jpg" alt="" />
<img src="https://kyzylorda-news.kz/wp-content/uploads/2022/04/syrdarija2.jpg" alt="" />

Нұрлыбек Нәлібаев: Менің басты міндетім – халықтың сенімін ақтап, елдің сұранысына сай қызмет ету

<a href="https://kyzylorda-news.kz/">Kyzylorda-news.kz.</a>&nbsp;Аймақ басшысы Нұрлыбек Нәлібаев жұмыс сапарымен Қармақшы ауданына барып, бірқатар нысандарды аралады.
Облыс әкімі алдымен Ақтөбе ауылдық округіндегі жылына 1500 тонна құс етін өндіретін фабриканың жұмысымен танысты. «Қармақшы құс» ЖШС біріккен кәсіпорны 2017 жылы «Байқоңыр» ӘКК АҚ қолдауымен фабрика құрылысын бастаған.
Өндіріс иесі Нұрлан Іздібаев фабрика биыл тамыз-қыркүйек айларында жұмысын бастайтынын жеткізді. Өз кезегінде облыс әкімі сапалы әрі импорт алмастырушы өнімдерді шығару қажеттігін атап өтіп, жобаға қолдау көрсетілетінін атап өтті.
<img src="https://kyzylorda-news.kz/wp-content/uploads/2022/04/karmakshy-kws.jpg" alt="" />
<img src="https://kyzylorda-news.kz/wp-content/uploads/2022/04/izdibaev.jpg" alt="" />
Аймақ басшысы одан әрі Қармақшыдағы балалар демалысына арналған лагерьдің жағдайымен танысты. Мұнда жыл бойы 5000-ға жуық баланың ой сергітіп, танымдық бағытта жұмыс істеуіне, олимпиадаға дайындық жұмыстарын жүргізу мен түрлі үйірмелерге қатысуға мүмкіндігі бар. Балалар үшін ғимаратта клуб, асхана, ұлдарға және қыздарға арналған бөлек корпустар мен спорттық ойын алаңдар ашылған.
Облыс әкімі қосымша білім беру ұйымдарын салу кезінде ең бірінші кезекте қажеттілікті және бала санына қарай жоба ұсыну керек екенін еске салды. Бұл ретте бюджет қаражатын тиімді қарап, артық шығынды болдырмау қажеттігін тапсырды.
<img src="https://kyzylorda-news.kz/wp-content/uploads/2022/04/karmakshy-bilim.jpg" alt="" />
<img src="https://kyzylorda-news.kz/wp-content/uploads/2022/04/karmakshy-bilim1.jpg" alt="" />
Нұрлыбек Нәлібаев ауданға сапар барысында салынып жатқан дене шынықтыру және сауықтыру кешеніне барып, нысанның жағдайын бақылады. Мердігер мекеме «Сапақ» құрылыс жұмыстарын өткен жылдың қазан айында бастап, биыл қыркүйек айында пайдалануға бермек.
Облыс әкімі жастарды бұқаралық спортпен қамту ісінде спорт кешенін салудың маңызы айрықша екенін атап өтіп, әрбір әлеуметтік нысаның маусымдық кезде ғана емес, жыл бойы жұмыс істеуін қадағалау қажеттігін ескертті.
<img src="https://kyzylorda-news.kz/wp-content/uploads/2022/04/karmakshy-sport1.jpg" alt="" />
<img src="https://kyzylorda-news.kz/wp-content/uploads/2022/04/karmakshy-sport.jpg" alt="" />

Нұрлыбек Нәлібаев жұмыс сапарымен Қармақшы ауданына барды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев еңбек ардагері, салық қызметінің үздігі Дайрабай Ысқақовты 75 жасқа толуына орай құттықтап, «Қызылорда облысының Құрмет грамотасын» табыстады.
<blockquote>
 «Дайрабай Ысқақұлы, Сізді Сыр жұртшылығы атынан мерейтойыңызбен шын жүректен құттықтаймын! Сыр өңірінің дамуы мен халықтың әл-ауқатын жақсартуға, қаржы, салық салаларының дамуына жоғары дәрежеде қызмет еттіңіз. Бұл еңбегіңізді Сыр жұртшылығы жақсы біледі және ерекше құрметтейді. Сіздің өмірлік тәжірибеңіз бен ақыл-кеңесіңіз өскелең ұрпақ үшін айнымас темір қазық. Сізді өз атымнан және облыс тұрғындары атынан тағы да құттықтап, шынайы алғысымды білдіремін. Ұзақ өмір, зор денсаулық, отбасыңызға баянды бақыт, әулетіңізге амандық тілейміз», – деді Нұрлыбек Нәлібаев.
</blockquote>
Басқосуда үзеңгілес әріптестері Дайрабай Ысқақовтың еңбек жолынан естеліктер айтып, игі тілегін арнады.

Аймақ басшысы еңбек ардагері Дайрабай Ысқақовты құттықтады

<a href="https://kyzylorda-news.kz/">Kyzylorda-news.kz.</a>&nbsp;Қызылорда облыстық құрылыс, сәулет және қала құрылысы басқармасының басшысы лауазымына Ерлан Төрәлиев тағайындалды.
Ерлан Кәрімбекұлы еңбек жолын Қызылорда қаласындағы «Фармация» акционерлік қоғамының экономист-менеджері болып бастаған.
Әр жылдары Қызылорда облыстық энергетика, құрылыс және тау-кен шаруашылығы басқармасының бас маманы, облыс әкімі аппаратында жауапты қызметтер атқарған.
Әр жылдары облыстық құрылыс басқармасы бастығының орынбасары, осы салаға жетекшілік ететін Қызылорда қаласы әкімінің орынбасары, Қызылорда облысының құрылыс басқармасының бастығы қызметтерін атқарды.
Ұлттық экономика министрлігінің Құрылыс және тұрғын үй-коммуналдық шаруашылығы комитетінің су және су бұру басқармасының басшысы, «Мемсараптама» республикалық мемлекеттік кәсіпорны бас директорының бірінші орынбасары, «Қазақстан тұрғын үй-коммуналдық шаруашылығын жаңғырту және дамыту орталығы» акционерлік қоғамы төрағасының орынбасары болып жұмыс жасады.
2020 жылдың қыркүйек айынан бастап осы кезге дейін «Ер-Ару» ЖШС-нің құрылыс жөніндегі директоры лауазымын атқарып келді.

Қызылорда облыстық құрылыс, сәулет және қала құрылысы басқармасының басшысы тағайындалды

<a href="https://kyzylorda-news.kz/">Kyzylorda-news.kz.</a> Облыс әкімінің өкімімен және Қазақстан Республикасы Президенті Әкімшілігінің келісімі бойынша Қызылорда облысы әкімі аппаратының басшысы лауазымына Байманов Шахмардан Асқарұлы тағайындалды.
Шахмардан Байманов 1984 жылы Қызылорда қаласында дүниеге келген.
2005 жылы Қорқыт ата атындағы Қызылорда мемлекеттік университетін, 2012 жылы ҚР Президенті жанындағы Мемлекеттік басқару академиясын тәмамдаған.
Еңбек жолын 2005 жылы Қорқыт ата атындағы Қызылорда мемлекеттік университеті ректорының жастар істері жөніндегі көмекшісі болып бастаған;
2007-2008 жылдары — Қызылорда облысының «Жастар бастамаларын дамыту орталығы» қауымдастығының атқарушы директоры;
2008-2012 жылдары — «Қазақстан жастары конгресі» заңды тұлғалар бірлестігінің атқарушы директорының орынбасары, атқарушы директоры;
2012-2015 жылдары — Ақмола облысының жастар саясаты мәселелері басқармасы басшысының м. а., басшысы, жетекшісі;
2015-2017 жылдары — «Нұр Отан» партиясы жанындағы «Жас Отан» жастар қанатының төрағасы;
2017-2019 жылдары — Қызылорда қаласының әкімі орынбасарының міндетін атқарушы, қала әкімінің орынбасары;
2019-2020 жылдары ҚР Ақпарат және қоғамдық даму министрлігінің Жастар және отбасы істері комитеті төрағасының орынбасары;
2020 жылдың тамыз айынан бастап ҚР Ақпарат және қоғамдық даму министрлігі Жастар және отбасы істері комитетінің төрағасы қызметін атқарып келді.

Қазақстан және Қызылорда облысының жаңалықтары: Басты жаңалықтар old

1 мамыр – Қазақстан халқының бірлігі күні

Қызылордада кәмелетке толмағандардың істері және олардың құқықтарын қорғау жөніндегі облыстық комиссияның отырысы өтті

Қызылордада мереке күндері 500-ден аса іс-шара өтеді

Сенбі күнге арналған ауа райы болжамы

Қазақстан халқы Ассамблеясының ХХХІ сессиясына Қызылордадан 16 өкіл барды

Қызылорда қаласының әкімі тағайындалды

Нұрлыбек Нәлібаев ауызашар берді

Нұрлыбек Нәлібаев: Менің басты міндетім – халықтың сенімін ақтап, елдің сұранысына сай қызмет ету

Нұрлыбек Нәлібаев жұмыс сапарымен Қармақшы ауданына барды

Аймақ басшысы еңбек ардагері Дайрабай Ысқақовты құттықтады

Қызылорда облыстық құрылыс, сәулет және қала құрылысы басқармасының басшысы тағайындалды

Қызылорда облысы әкімі аппаратының басшысы тағайындалды

Қазақстан және Қызылорда облысының жаңалықтары: Басты жаңалықтар old

1 мамыр &#8211; Қазақстан халқының бірлігі күні

Қызылордада кәмелетке толмағандардың істері және олардың құқықтарын қорғау жөніндегі облыстық комиссияның отырысы өтті

Қызылордада мереке күндері 500-ден аса іс-шара өтеді

Сенбі күнге арналған ауа райы болжамы

Қазақстан халқы Ассамблеясының ХХХІ сессиясына Қызылордадан 16 өкіл барды

Қызылорда қаласының әкімі тағайындалды

Нұрлыбек Нәлібаев ауызашар берді

Нұрлыбек Нәлібаев: Менің басты міндетім – халықтың сенімін ақтап, елдің сұранысына сай қызмет ету

Нұрлыбек Нәлібаев жұмыс сапарымен Қармақшы ауданына барды

Аймақ басшысы еңбек ардагері Дайрабай Ысқақовты құттықтады

Қызылорда облыстық құрылыс, сәулет және қала құрылысы басқармасының басшысы тағайындалды

Қызылорда облысы әкімі аппаратының басшысы тағайындалды

1 мамыр – Қазақстан халқының бірлігі күні