<a href="https://kyzylorda-news.kz/">Kyzylorda-news.kz.</a>&nbsp;ҚР аумағының басым бөлігіне бұрынғысынша атмосфералық фронтальды бөлімдер әсер етеді, осыған байланысты тұрақсыз ауа райы сақталады, найзағай ойнап, жаңбыр жауады, сондай-ақ бұршақ, дауыл күтіледі, деп хабарлайды Қазгидромет.
Шығыста, оңтүстік–шығыста қатты жаңбыр жауады. Еліміздің батысында, солтүстік-батысында, оңтүстігінде, орталығында жауын-шашынсыз ауа райы күтіледі. Республика бойынша желдің күшеюі, оңтүстік-батыста, оңтүстікте шаңды дауыл күтіледі.
Қызылорда облысында&nbsp;төтенше өрт қауіпі күтіледі. Ауа температурасы +35 +37 градусты көрсетеді.

16 маусымға арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp; Бүгін Сырдария ауданында журналистердің кәсіби мерекесі қарсаңында редакция ардагерлерімен кездесу ұйымдастырылды. Басқосуда «Сыр медиа» серіктестігінің бас директоры, облыстық мәслихат депутаты Аманжол Оңғарбаев пен аудан әкімінің орынбасары Димаш Байдушев сала ардагерлерін мерекемен құттықтап, ұзақ жылдар баспасөз саласында атқарған еңбектеріне алғыс айтып, құрмет көрсетті.
Іс-шараға бас директордың орынбасары А.Абдуллаева, облыстық «Сыр бойы» газетінің бас редакторы Қ.Шарабидинов, қалалық «Ақмешіт апталығы» газетінің бас редакторы Ә.Батырбеков, аудандық газет редакциясының ардагерлері мен қызметкерлері қатысты. Кездесу барысында «Сыр журналистикасының тарихы» 5 томдығы жинағының таныстырылымы да ұйымдастырылды.
Аудан әкімінің орынбасары Д.Байдушев пен «Сыр медиа» серіктестігінің бас директоры, облыстық мәслихат депутаты А.Оңғарбаев сала ардагерлерінің өңір журналистикасының қалыптасуы мен дамуына сіңірген еңбегі және кітаптың ұлт руханиятына қосқан үлесі мен маңызы жөнінде кеңінен айтып өтті.
<blockquote>
 «Алаш ардақтыларының «Қай елдің баспасөзі мықты болса, сол елдің болашағы мықты» деп ХХ ғасырдың басында айтқан сөзі ХХІ ғасырда да өз маңызын жойған жоқ. Қазіргідей ақпараттық технологиялар мен жаңалық таратудың жаңа форматы, медиа мүмкіндіктер қарқынды дамыған заманда сапалы және толық таразыдан өткен шынайы ақпарат таратудың маңыздылығы зор. Осы ретте жергілікті газеттің жұмысына аудан әкімдігі тарапынан жан-жақты қолдау көрсетіліп жатқанын атап өтуіміз қажет», – деді аудан әкімінің орынбасары.
</blockquote>
Өз кезегінде «Сыр медиа» серіктестігінің бас директоры, облыстық мәслихат депутаты А.Оңғарбаев газет бетінде әр кезеңнің тыныс-тіршілігі айқын көрініп тұратындықтан кітаптың ел шежіресі деп атауға лайық екенін айтты.
<blockquote>
 «Бүгінде облыстың медиа кеңістігінде 100-ден аса бұқаралық ақпарат құралы жұмыс істеуде. Оның ішінде, 8 электронды, 3 ақпараттық агенттік, 3 интернет сайт, 87 баспа бұқаралық ақпарат құралы бар. Бұл салада 2,5 мыңға жуық қалам иелері аймақ халқын жедел және сапалы ақпараттармен қамту жолында тынымсыз еңбек етуде. Нақты және жедел ақпарат таратуды мақсат етіп, заман талабына сай дамудың жолын ұстанған бұл сала – іргелі индустрияға айналды. 5 томдық «Сыр журналистикасының тарихы» кітабында аймақтың ақпарат айдынында талай жылдар жаңалық пен жақсылықтың жаршысы болған басылымдардың тарихы баяндалады. Өткен ғасырдың 1925 жылы бүкіл қазақтың басын қосқан алқалы жиын өтіп, бұған дейін Қырғыз аталып келген еліміздің ҚАЗАҚ деген тарихи атауы, сол кездегі қазақ елінің астанасы болған Ақмешітте, осы киелі топырақта қайтарылғанын Сіздер жақсы білесіздер. Сол себепті, Сыр топырағы – қазақ руханиятының киелі ордасы және өңір журналистикасының ғана емес, Қазақ журналистикасының бастау бұлағы. Бұл көптомдық – бұған дейін жарық көрген Жарылқасын Нұсқабайұлы мен Қырықбай Аллабергеннің«Қазақ журналистикасының тарихы» атты еңбегінің заңды жалғасы», – деді «Сыр медиа» серіктестігінің бас директоры.
</blockquote>
Бұл 5 томдық жинақтың ерекшелігі сол, мұнда баспасөз шежіресі ғана емес бүтін бір өңірдің тарихи шежіресі жазылып, жинақталған. Оның ішінде Сыр өңіріндегі журналистика саласының қалыптасуы мен дамуы, бағындырған белестері мен жетістіктері де кеңінен қамтылған. Жинақта «Сталин жолы», «Еңбек майданы», «Сырдария», «Еңбек Туы», «Тереңөзек тынысы» және «Тіршілік тынысы» атауымен аудан жаңалықтарының жаршысына айналған аудандық басылымның тарихы, қайраткер қаламгерлердің өмірі мен шығармашылығы туралы жазылған. Сондықтан «Сыр журналистикасының тарихы» 5 томдығының ауданымыз үшін маңызы ерекше және бұл кітаптың жарыққа шығуы бәріміз үшін зор қуаныш болды.
Кітаптың таныстырылымында редакция ардагерлері С.Тоқсанбаев, М.Қалмұратұлы, С.Ерімбет, Қ.Балшықбаева, Ж.Тасымбаева, Ш.Нұрсейітов өз естеліктерімен бөлісті. Сала ардагерлері кейінгі буын қаламгерлердің еңбегі жемісті болуына тілектестігін жеткізді. Іс-шара соңында ардагерлерге аудан әкімі мен «Сыр медиа» серіктестігі бас директорының арнайы Алғыс хаттары мен «Сыр журналистикасының тарихы» кітабы табысталды.
<img src="https://kyzylorda-news.kz/wp-content/uploads/2022/06/288539582_1143143539581870_419180055564190630_n.jpg" alt="" />
<img src="https://kyzylorda-news.kz/wp-content/uploads/2022/06/288448001_1143143542915203_1431055304644396457_n.jpg" alt="" />
<img src="https://kyzylorda-news.kz/wp-content/uploads/2022/06/288626208_1143143616248529_126662901361912456_n.jpg" alt="" />

Сырдарияда қаламгерлерге құрмет көрсетілді

<a href="https://kyzylorda-news.kz/">Kyzylorda-news.kz.</a>&nbsp; 16 маусым күні облыстағы барлық білім беру ұйымдарында аттестат тапсыру рәсімі өткізіледі. Осыған байланысты мектеп бітіру кешін мейрамханаларда немесе ойын-сауықтық орталықтарда өткізуге қатаң тыйым салынады.
Тиісінше, мектеп бітіру кеші білім ордаларының ауласында қарапайым түрде ұйымдастырылады. Бұл туралы Өңірлік коммуникациялар қызметінде өткен брифингте облыстық білім басқармасының бөлім басшысы Нұрлан Дәулетәлиев мәлімдеді.
Өңірде негізгі орта білім туралы аттестатты алатын, яғни 9 сыныпты бітірушілер саны – 14 543 құраса, оның 1 765-і «Үздік аттестат» иегері. Ал 11 сыныпты бітіруші түлектер саны – 7506 оқушы. Оның 415-і «Алтын белгіге» үміткер болса, 804 оқушы «Үздік аттестат» иегері.
<blockquote>
 «Мектеп бітіруші түлектердің қауіпсіздігін қамтамасыз етуге және құқық бұзушылыққа жол бермеу үшін барлық өткізілетін іс шаралар мектеп ауласында өтеді. Бұл шараға барлық оқушылар мектеп формасымен қатысуға міндетті. Сонымен қатар, мектеп бітіруші түлектердің табиғат аясына немесе су айдындарына баруына болмайтынын ескертеміз. Балалардың қауіпсіздігін қамтамасыз ету үшін медицина қызметкерлері, өрт сөндіру мамандары және ішкі істер органдары жұмылдырылды. Адамдар көп шоғырланатын демалыс орындары мен ойын-сауық орталықтарына мектеп әкімшілігінен құралған кезекшілік топ рейд жұмыстарын жүргізеді. Тағы бір ескертетін жәйт, ата-аналар тарапынан ақша немесе сыйлықтар берілуіне тыйым салынады», – деді облыстық білім басқармасының бөлім басшысы Нұрлан Дәулетәлиев.
</blockquote>
Қоғамдық тәртіпті сақтау мақсатында әрбір білім беру ордаларында 2 полиция департаментінің қызметкері бекітілген. Олар күшейтілген режимде жұмыс істейтін болады.
<blockquote>
 «Ертеңгі болатын аттестат тапсыру рәсімі кезінде қауіпсіздікті барынша сақтауға полиция департаментінің қызметкерлері дайын. Қала ішінде көліктермен автошеру өткізуге болмайтынын ескертеміз. Әсіресе таңды қарсы алу үшін су жағалауларына баруға болмайды. Егер де ескертуге қарамастан құқық бұзушылық орын алған жағдайда мектеп бітіруші түлектердің заңды өкілдеріне әкімшілік шара қаралады», – деді облыстық полиция департаментінің Жергілікті полиция қызметi басқармасы бастығының орынбасары Бақыт Молдабеков.
</blockquote>

Ертең барлық мектептерде аттестат тапсыру рәсімі өтеді

<a href="https://kyzylorda-news.kz/">Kyzylorda-news.kz.</a> Қасым-Жомарт Тоқаев “Қазақстан Республикасы президентінің жанындағы ұлттық құрылтайды құру және Қазақстан Республикасы президентінің кейбір жарлықтарының күші жойылды деп тану” туралы жарлыққа қол қойды.
Өз жарлығымен ол ұлттық құрылтай туралы ережені және оның құрамын бекіту туралы шешім қабылдады.
Қазақстан Республикасы президентінің жанындағы ұлттық құрылтайдың құрамы: 
Төраға – Қазақстан президенті Қасым-Жомарт Тоқаев; 
Төрағаның орынбасары – мемлекеттік кеңесші Ерлан Қарин; 
Төрағаның орынбасары – “Бас редакторлар клубы” республикалық қоғамдық бірлестігінің президенті Бибігүл Жексенбай; 
Хатшы – президент әкімшілігі басшысының орынбасары Аида Балаева.
Сондай-ақ ұлттық құрылтай мүшелерінің арасында ғарышкер Тоқтар Әубәкіров, “Атамекен” ұлттық кәсіпкерлер палатасының басқарма төрағасы Райымбек Баталов, “Ауыл” халықтық-демократиялық патриоттық партиясының төрағасы Әли Бектаев, Ұлттық Ғылым академиясының академигі Асқар Жұмаділдаев, Сенат депутаты Ақылбек Күрішбаев, саясаттанушы Данияр Әшімбаев, блогер Максим Рожин және басқасы бар. Толық тізіммен мына жерден танысуға болады.
Ұлттық құрылтайдың алғашқы отырысы 16 маусымда жаңадан құрылған Ұлытау облысында өтеді.
Еске салсақ, мемлекет басшысы 2022 жылдың 16 наурызында Қазақстан халқына арнаған жолдауында билік пен қоғам арасындағы көпір ретінде ұлттық құрылтай құруды ұсынған болатын.

Президент Ұлттық құрылтай құру туралы жарлыққа қол қойды

<a href="https://kyzylorda-news.kz/">Kyzylorda-news.kz.</a>&nbsp; Соңғы кездердегі мұнай қорының сарқыла бастауы аймақтағы бұл салада жұмыс жасайтын 10 мыңға жуық азаматтың әлеуметтік мәселесіне тікелей әсер етеді. Сол себепті де мұнай-газ секторындағы компанияларда қызмет ететін жұмысшылардың жалақысын қысқартпау, еңбеккерлерге әлеуметтік қолдау көрсету өте өзекті. Әсіресе, қызметкерлердің еңбек шартының сақталуы, оларға әлеуметтік төлемдерді уақытылы төлеу мәселелері қоғамда жиі көтеріліп келеді.
Сонымен бірге сервистік қызмет көрсететін кәсіпорындар арасында тарифті ұлғайту мәселесі де басы ашық сұрақтардың бірі.
Бұл өзекті мәселелерді оңтайлы бағытта шешу үшін бүгін облыс әкімі Нұрлыбек Нәлібаев «Ақшабұлақ» кен орнына барып, жұмыс процесімен танысып, «Қазгермұнай» кәсіпорнындағы еңбек ұжымымен кездесті.
Кәсіпорындағы 200-ге жуық мамандармен пікірлескен аймақ басшысы кез келген компания басшысы жұмысшылар мәселесіне келгенде шиеленіске жол бермей, жұмыс орындарын қысқартпай, тұрақты түрде сақтап қалу үшін оңтайлы шешім қабылдауы қажет екенін алға тартты.
<blockquote>
 «Бүгін біз облыс әкімдігі, жұмыс беруші және кәсіподақ арасындағы өзара түсіністік пен ынтымақтастық туралы Меморандум жасасуға жиналып отырмыз.
 Басты мақсат – еңбек ұжымындағы әлеуметтік жағдай мен өндірістік процестердің тұрақтылығын, жұмыс орындарын сақтау және персоналды жұмыспен қамтуды іске асыратын шараларды қабылдау.
 Осы ретте, облыстағы әрбір жұмыс беруші қызметкерлеріне қолайлы еңбек жағдайларын жасап, жалақыларын кезең-кезеңімен көбейтуде нақты шаралар қабылдауы тиіс. 
 Біз түрлі ұжымдар арасындағы кез келген әлеуметтік мәселелерді орнықты түрде шешуіміз қажет. Бұл ретте кәсіпорын мен әкімдіктің мүддесі ортақ болуы керек»,- деді Нұрлыбек Нәлібаев.
</blockquote>
Жиында компанияның бас директоры Лю Шаою және бас директорының бірінші орынбасары Нұржан Әбдірахманов сөз алып, кәсіпорын тарапынан атқарылған негізгі жұмыстарды тізбектеді. 
Басқосу барысында аймақ басшысы қызмет көрсететін кәсіпорындардың тарифін ұлғайту мәселесін көтеріп, әріптестерінен мүмкіндігіне қарай, мәселені тиімді шешу жолын қарастыруды ұсынды.
Кездесу аясында облыс әкімдігі мен компания бірлескен меморандумға қол қойды. Нәтижесінде, бұдан былай компания кезең-кезеңімен жұмысшылардың еңбекақысын көбейтіп, тарифті көтеруге басымдық береді. Сондай-ақ, бизнестің әлеуметтік жауапкершілігі бағытының жалғасы ретінде «ҚазГерМұнай» кәсіпорны «Оқушылар сарайын» салып беруді өз міндетіне алды.
Айта кетейік, облыс әкімі мен компания басшылары арасындағы келіссөздер арқасында аймақтағы 38 кәсіпорында 8 мыңнан аса жұмыскердің жалақысы 50 пайызға дейін көбейді.
<img src="https://kyzylorda-news.kz/wp-content/uploads/2022/06/288131654_322875056700412_7791430163807847805_n.jpg" alt="" />
<img src="https://kyzylorda-news.kz/wp-content/uploads/2022/06/288386874_322874996700418_6412965476099391560_n.jpg" alt="" />
<img src="https://kyzylorda-news.kz/wp-content/uploads/2022/06/288305997_322875116700406_2606323118078042893_n.jpg" alt="" />
<img src="https://kyzylorda-news.kz/wp-content/uploads/2022/06/288296303_322875093367075_1137286982258721333_n.jpg" alt="" />

Қызылордадағы мұнай-газ компаниялары әкімдікпен бірлескен 49 меморандумға қол қояды

<a href="https://kyzylorda-news.kz/">Kyzylorda-news.kz.</a> Бүгін Үкіметтің кезекті отырысында еліміздің биылғы қаңтар-мамыр айларындағы әлеуметтік-экономикалық дамуының қорытындысы және республикалық бюджеттің орындалуы қаралды.
ҚР ұлттық экономика, қаржы министрі мен ҚР Ұлттық банкінің төрағасы баяндама жасады.
Премьер-Министр экономиканың нақты секторының қарқынды дамуына өңдеу өнеркәсібі айтарлықтай үлес қосатынын жеткізіп, жауапты мемлекеттік органдар мен өңірлердің әкімдеріне осы жұмыс қарқынын сақтауды тапсырды. Ол үшін экономиканы әртараптандыру, инвестициялар тарту және жаңа жұмыс орындарын құруды жалғастыру қажет.
Үкімет жиынынан кейін облыс әкімі Нұрлыбек Нәлібаев қала, аудан әкімдері мен жауапты сала басшыларына негізгі көрсеткіштердегі түсімдерді төмендетпеу және бюджет қаражатын уақытылы игеру, инвестициялық жобаларды көбейту қажет екенін алға тартып, жұмыс қарқынын төмендетпей, межеленген көрсеткіштерге қол жеткізуді тапсырды.
<img src="https://kyzylorda-news.kz/wp-content/uploads/2022/06/288319035_322601593394425_3456284089845010989_n.jpg" alt="" />

Үкімет отырысында өңірлердің әлеуметтік-экономикалық даму нәтижелері қаралды

<a href="https://kyzylorda-news.kz/">Kyzylorda-news.kz.</a> «Қарасора-2022» жедел-профилактикалық іс-шарасы кезінде Жалағаш ауданы, Аққыр ауылынан шығысқа қарай шамамен 9 шақырым жерде «Қызыл шұқыр» деп аталатын жер учаскесіндегі қалың шеңгел арасынан ірі есірткі алқабы анықталды.
Қызылорда облысының тұрғыны заңмен тыйым салынған сора өсімдігін ірі мөлшерде егіп, күтіп баптап өсірген.
Оқиға орнына жедел тергеу тобымен қарап-тексеру жүргізу барысында жалпы саны 1149 түп сора өсімдіктері анықталып, олардан үлгі ретінде 16 дана сора өсімдіктері алынды. Ал қалған 1133 түп оқиға орнында өртеу жолымен жойылды.
Одан бөлек оқиға басынан ұсталған күдіктіге жеке тінту жүргізу барысында одан газет қиындысына оралған есірткі заты алынды.
Күдікті Жалағаш аудандық полиция бөлімінің уақытша ұстау изоляторына оқшауландырылды.
Аталған дерек бойынша Қазақстан Республикасы Қылмыстық кодексінің 300 – бабы 2 – бөлігінің 3 – тармағымен (ірі мөлшерде құрамында есірткі заттар бар, өсіруге тыйым салынған өсімдіктерді заңсыз егіп-өсіру) сотқа дейінгі тергеп-тексеру әрекеттері жүргізілуде.

Жалағашта есірткі алқабы табылды

<a href="https://kyzylorda-news.kz/">Kyzylorda-news.kz.</a> Операция үстелі – өмір мен өлімнің арпалысқан мекені. Осы жерде дәрігерлер адам өміріне тіршілік нәрін беремін деп жанталасып жатады. Солардың шипалы қолдарының арқасында өмірден күдерін үзген науқас адамдар аман-есен жарық дүниеге қайта оралады.
Алтын қолды хирург Болат Маханбетияров талай балаларды емдеп, оларға өмірге деген екінші мүмкіндік берген.
Маханбетияров Болат Үмбетиярұлы – 2009 жылдан бастап Қызылорда облыстық медициналық орталығына балалар хирургі болып қызметке орналасқан. Негізгі жұмысын атқара жүріп жаңа туған нәрестелер арасында ақаумен туылған сәбилердің хирургиялық патологияларына көңіл аударып, олардың ақауларын анықтап, емдеумен айналысқан.
2011 жылдың желтоқсан айында Санкт-Петербург қаласында неонтальды хирургия бойынша курстан өткен. Осында алған білімін ақаумен туған балалардың сауығып кетуіне арнаған. 
2016 жылы Санкт-Петербург қаласында және 2018 жылы Оңтүстік Кореяның «Северанс» клиникасында неонтальды хирургия бойынша туа болатын ақауларға байланысты ерекшелікті игеріп, ота жасау тәсілдерін жандандырды.
2020 жылдан бастап жоспарлы хирургия болім меңгерушісі қызметін атқарады.
<blockquote>
 «Халық жанына шипа іздеп бірінші дәрігерлерден көмек сұрап келеді. Бар үміті бізде. Сондықтан біз олардың сенімін ақтауға тырысып, жылдар бойы жинаған тәжірибелеріміз арқылы емдеп жазуға тырысамыз. Алдымызға келген азаматтардың сауығып отбасына оралуынан асқан бізге сый жоқ. Себебі қанша еңбек, маңдай теріміз, жұмысымыздың нәтижесі осы халық саулығынан көрінеді. Күнде ауруханаға түрлі аурумен көп балалар түседі. Бірінен кейін, бірі қатарласып «Пилоростеноз» диагнозымен түскен қос нәрестемізге, «Лапароскопиялық пилоромиотомия» операциясын сәтті жасап шықтық. Тараз қаласына жолға шығуды жоспарлап отыр едім, екі періштеміз бірінің артынан бірі түспесі барма. Құдай қалап, сәтін салып, екеуіне де операция жасап үлгердік. Енді жолға уайымдамай шыға беруіме болады. Ал нәрестелерімізді жолдан келгенде аналырының қасында болады деген үміттемін», – дейді Болат Маханбетияров.
</blockquote>

Алғысқа бөленген дәрігер Болат Маханбетияров

<a href="https://kyzylorda-news.kz/">Kyzylorda-news.kz.</a> Мексиканың Лион қаласында ауыр атлетикадан жасөспірімдер арасында өтіп жатқан Әлем чемпионатында 67 кг салмақ дәрежесінде Сыр спортшысы Ерасыл Сәулебеков жеңімпаз атанды.
Ерасыл Сәулебеков жұлқи көтеруден 123, серпе көтеруден 158, қоссайыс бойынша 281 кг салмақты еңсерді.
Спортшының жаттықтырушысы Айдар Ералиев.
<img src="https://kyzylorda-news.kz/wp-content/uploads/2022/06/287946909_174182291715664_2024755464506727553_n.jpg" alt="" />

Сыр спортшысы жасөспірімдер арасындағы  Әлем чемпионатында жеңімпаз атанды

<a href="https://kyzylorda-news.kz/">Kyzylorda-news.kz.</a> Кезекті толған ай 14 маусымда басталып, бұл жолы Жер тұрғындары ерекше көрініске куә болмақ,&nbsp;деп хабарлайды&nbsp;<a href="https://www.inform.kz/ru/luna-maksimal-no-priblizitsya-k-zemle_a3943995">ҚазАқпарат.</a>
Ай Нұр-Сұлтан уақытымен сағат 17:52-де толып, 11,5 сағаттан кейін өз орбитасының Жерге ең жақын нүктесі – перигейден шамамен 357429 шақырымнан өтеді, деп хабарлайды&nbsp;<a href="https://vk.com/astro.nomy">«Бақылау астрономиясы»</a>&nbsp;сайты.
Айдың көрінетін диаметрі орташа мәнге қатысты шамамен 8% өсіп, жарығы шамамен 13% артады.
Ал көкжиекке жақын жерде (кешке және таңертең) «ай иллюзиясына» байланысты жердің серігі ірі болып көрініп тұрады.
Астрологтар алдағы «суперайға» қатысты түрлі пікір айтып жатыр. Бұл – адамдар үшін кешірім жасап, алғыс білдіре алатын ең қолайлы уақыт.

Бүгін толған ай жерге барынша жақындайды

<a href="https://kyzylorda-news.kz/">Kyzylorda-news.kz.</a> «Қазгидромет» РМК-сы маусымның 14-і күнгі күн райы болжамын жариялады.
Кәсіпорын таратқан деректерге қарағанда, Қазақстан территориясының басым бөлігіне әлі де циклонның және онымен байланысты атмосфералық ағындардың ықпалында болады. Соған байланысты күн райы құбылмалы болады, найзағаймен бірге жаңбыр жауады, сонымен бірге бұршақ жауып, дауыл тұрады, еліміздің оңтүстік-шығысында нөсер жауын жауады. Республика бойынша жел күшейеді, оңтүстік-батыста, оңтүстігінде шаңды дауыл тұрады.
Күндіз Қызылорда облысының орталығында шаңды дауылмен бірге жел 15-20 м/с-қа дейін күшейеді.

Сейсенбіде ауа райы қандай болады?

<a href="https://kyzylorda-news.kz/">Kyzylorda-news.kz.</a> Биыл күріштің көлемі өткен жылмен салыстырғанда 5,2 мың гектарға қысқартылды. Ал мал азықтық және картоп, көкөніс, бақша дақылдарының егіс көлемі 4,7 мың гектарға ұлғайтылды. Бұл туралы бүгін Өңірлік коммуникациялар қызметінің алаңында облыстық ауыл шаруашылығы және жер қатынастары басқармасының басшысы Талғат Дүйсебаев мәлімдеді.
<blockquote>
 «Сырдария өзені сулылығы биылғы жылы да вегетациялық кезеңде аз болатынына байланысты, орналасатын ауыл шаруашылығы дақылдарының егіс көлемі 185,6 мың гектарға межеленген. Қысқартылған күріштің орнына суды аз қажет ететін мал азықтық дақылдар мен қатар картоп, көкөніс, бақша дақылдарының егіс көлемдері 4,7 мың гектарға ұлғайтылады. Облыста егіс көлемдерін әртараптандыру бағытында қосымша осы жылы соя дақылын 200 гектарға, қант құмайын 312 гектарға межеленген», – деді ол.
</blockquote>
Сонымен қатар, су үнемдеу технологиясын қолдану арқылы барлығы 607 гектар жерге ауыл шаруашылығы дақылдары егілді.
Баспасөз конференциясында ҚР АШМ Су ресурстарын пайдалануды реттеу және қорғау жөніндегі Арал-Сырдария бассейндік инспекциясының басшысы Сейілбек Нұрымбетов және «Қазсушар» РМК Қызылорда облыстық филиалы директорының орынбасары Жорабек Ерназаров 2022 жылы егілген егіс алқаптарын суармалы сумен қамтамасыз ету жөнінде баяндады.
Бүгінгі таңда, облыс бойынша каналдар арқылы берілген су көлемі 1.1 млрд текше метр, су нүктесінен берілген су көлемі 963 млн текше метр.
3 маусымда Шардара су қоймасынан Сырдария өзенінің төменгі ағысына жіберілген су көлемі Көктөбе су бекетіне 9 маусымда келді. Ол су Қызылорда су торабына 16 маусымда, Қазалы су торабына 24 маусымда жетуі күтілуде.
Сондай-ақ, вегетациялық кезеңдегі күріш дақылының суға бастыру кезеңінің аяқталуына орай каналдармен суды жеткізіп беру үшін 67 дана насос қондырғыларын орнату жұмыстары жоспарлануда.

Қазақстан және Қызылорда облысының жаңалықтары: Басты жаңалықтар old