Kyzylorda-news.kz. Бүгін ішкі істер органдарында орын алған кадрлық өзгеріске байланысты облыс активі өтті. Жиынға арнайы келген ҚР Ішкі істер министрінің бірінші орынбасары Марат Қожаев Қызылорда облыстық полиция департаментінің бастығы болып тағайындалған Мұхтар Қожабаевты таныстырды.
Жиында облыстық полиция департаменті ардагерлер кеңесінің төрағасы Серікбол Тұңғышбаев жаңа басшыға қолдау білдіріп, табыс тіледі. 
Актив отырысында өңір басшысы Сыр еліне арнайы келген Марат Қожаевқа алғысын білдіріп, ішкі істер органдарының мемлекеттік биліктің қоғамда құқық тәртібін, азаматтардың қауіпсіздігін қамтамасыз ететін маңызды құрылым екенін атап өтіп, Мұхтар Аманқұлұлына жаңа қызметте сәттілік тіледі.
<blockquote>
 Асқан жауапкершілікті талап ететін күрделі салада Мұхтар Аманқұлұлының білімі мен білігі, жинақтаған мол тәжірибесі жетеді деп санаймыз және бұл кадрлық шешімді толық қолдаймыз. 
 Мұхтар Аманқұлұлы өңірдегі қоғамдық тәртіпті сақтауға және қоғамдық қауіпсіздікті қамтамасыз етуде, қоғамның және мемлекеттің мүдделерін құқыққа қарсы қолсұғушылықтан қорғауда және аймағымыздың дамуына өз тарапынан үлес қосады деп сенім артамыз,– деді Нұрлыбек Нәлібаев.
</blockquote>
Құқық бұзушылықтардың алдын алу мақсатында 2020-2022 жылдар аралығында полиция органдарының материалдық-техникалық базасын жақсартуға облыстық бюджеттен 5 млрд.теңгеден аса қаражат бөлінді. 
Биыл полиция департаменті қызметкерлеріне 92 қызметтік автокөлік табысталды. Сондай-ақ, сақшылардың қызмет барысын оңтайлы етуге мүмкіндік беретін соңғы үлгідегі бейнебақылау камералары мен жылдамдық режимін бақылау стационарлық жүйелері орнатылды. 
Кешенді шаралардың нәтижесінде биылғы жылдың 6 айында жалпы тіркелген қылмыстық құқық бұзушылықтар 5% азайған.
Мұхтар Қожабаев 1968 жылы 17 тамызда дүниеге келген. Білімі жоғары. Еңбек жолын 1987-1989 жылдары Қарулы күштер қатарында қызмет атқарды. 
1992-1993 жылдары – ІІБ МАИ жол-патрульдік қызметінің жеке батальонының жол-патрульдік полициясының инспекторы. 
1993-1997 жылдары – БӨП ЖПҚ аға инспекторы, Келесауданы ІІБ МАИ бөлімшесінің және Сарыағаш ауданы ІІБ мемлекеттік автоинспекторы; 
1997-1999 жылдары – Сарыағаш ауданы ІІБ Жол полициясы бөлімшесінің бастығы, полиция бөлімінің бастығы. 
1999-2004 жылдары – Мақтарал ауданы ІІ Бекінші полиция бөлімінің ӘПЖН бастығы. 
2004-2006 жылдары – ІІМ Жол полициясы департаменті мемлекеттік автомобиль инспекциясы басқармасының тіркеу-емтихан жұмысының бас маманы. 
2007-2008 жылдары – Оңтүстік Қазақстан облысы ІІД басқарма бастығының орынбасары, патрульдік қызмет бөлімінің бастығы, Жол полициясы басқармасының бастығы. 
2009 жылғы наурыздан қарашаға дейін – Шымкент қаласының Ішкі істер басқармасы бастығының орынбасары. 
2009-2015 жылдары – Оңтүстік Қазақстан облысы Ішкі істер департаменті тылдық қамтамасыз ету басқармасының бастығы. 
2015-2018 жылдары-Оңтүстік Қазақстан облысының Ішкі істер департаменті бастығының орынбасары. 
2018 жылдың шілде – қараша айлары-Түркістан облысының Ішкі істер департаменті бастығының орынбасары. 
2018 жылдың қараша айынан – Түркістан облысы Полиция департаменті бастығының орынбасары қызметтерін абыроймен атқарған.
<img src="https://kyzylorda-news.kz/wp-content/uploads/2022/08/fb_img_1659451864735.jpg" alt="" />
<img src="https://kyzylorda-news.kz/wp-content/uploads/2022/08/fb_img_1659451069207.jpg" alt="" />

Облыстық полиция департаментінің бастығы тағайындалды

<a href="https://kyzylorda-news.kz/">Kyzylorda-news.kz.</a>&nbsp;Арал ауданда жылдық қуаттылығы 23 900 тоннадан астам 9 балық өңдеу зауыты жұмыс істейді. Бұл туралы аудан әкімі Серік Сермағанбетов Өңірлік коммуникациялар қызметінің баспасөз алаңында ауданының әлеуметтік-экономикалық жағдайы туралы брифингте айтты.
<blockquote>
 «Балық аулау лимиті биылғы жылға 7430 тонна балық болып бекітілсе, есепті мерзім ішінде оның 6590 тоннасы ауланып, 1600 тонна балық өнімдері өңделді. Ауданда жылдық қуаттылығы 23 900 тоннадан астам 9 балық өңдеу зауыты жұмыс істейді. «Еврокод» белгісін «Арал балық өңдеу зауыты» және «Арал сервистік дайындау орталығы» ЖШС-гі алған», – дейді Серік Сермағанбетов.
</blockquote>
Балық шаруашылығын дамытудың 2021-2030 жылдарға арналған өңірлік бағдарламасына сәйкес ауданға қатысты тауарлық балық өндірісін ұлғайту үшін 7 тауарлы көл тізімге енгізілді. Атап айтар болсақ, Ақшатау-Сорғақ, Домалақ, Тұщы, Қаракөл, Алаша, Ақбілек және Шөмішкөл.
Сонымен қатар тауарлы балық шаруашылығын дамыту мақсатында биылғы жылы 3 тоған шаруашылығын іске қосу жоспарға енгізілді. Аталған жобалар жүзеге асқан жағдайда ішкі нарық тұрақты балық өнімдерімен қамтамасыз етіледі.
<blockquote>
 «Биыл тауарлы балық шаруашылығын дамыту мақсатында 3 тоған шаруашылығын іске қосу жоспарға енгізілді. Аталған жобалар жүзеге асса ішкі нарық толықтай балық өнімдерімен қамтамасыз етіледі. Сондай-ақ әлеумет арасында жиі қойылатын сауалдардың бірі -«Балықшылар слеті». Алғашында балықшылар слеті шілде айына жоспарланып, нақты ұсыныстар мен дайындық жұмыстары жүргізілген еді. Алайда кейбір мәселелерді ескере отырып слетті аудан орталығына өткізуде жөн көрдік. Яғни, слет күз айында белгіленіп, «Балықшылар» аллеясында өткізу жоспарлануда»,- дейді аудан әкімі Серік Сермағанбетов.
</blockquote>
Брифингте аудан әкімі биыл қуаңшылықтын алдын алу мақсатында су шаруашылығына барлығы 568,2 млн. теңге қаржы қаралып, өз деңгейінде тиісті шаралар атқарылып жатқанын да жеткізді.
<blockquote>
 «Тоғыт, Ащықұдық, Сульфат-2, Боранбай, Мергенсай, Қазанғап Ата, Ақбай, Арал-1 ұңғымаларын қазуға 176,1 млн. теңге және 392,1 млн. теңгеге Жыланды, Ералы, Қулы, Ақшақыз, Қайролла, Нұралы жарма каналдарын тазарту жұмыстары жүргізілуде», – дейді аудан әкімі.
</blockquote>
<img src="https://kyzylorda-news.kz/wp-content/uploads/2022/08/f0e56d90-3d7f-46fc-90d7-f6738785b398.jpg" alt="" />

Серік Сермағанбетов: Аралда 9 балық өңдеу зауыты жұмыс істейді

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысындағы аудандардың өзекті мәселелері мен әлеуметтік-экономикалық даму көрсеткіштері талданған арнайы жиында Шиелі ауданының әкімі Нұржан Ахатовтың есебі тыңдалды.
Жиынға облыстық, аудандық мәслихат депутаттары, ардагерлер мен қоғамдық кеңес төрағалары, салалық басқарма басшылары қатысты.
Аймақ басшысы ауданның тынысын 4 негізгі бағыт бойынша саралады. Макроэкономикалық көрсеткіштердің қорытындысына сәйкес, Шиелі ауданы 5 орынға тұрақтап, орташа даму динамикасын көрсетті. Облыс әкімі биыл даму динамика едәуір баяулағанын айтып, сынға алды. Себебі аудан өткен жылы үздіктер қатарынан көрінген.
<blockquote>
 «Бірінші жартыжылдықтың қорытындысымен өңдеу өнеркәсібінің қарқыны 1,2 пайызға төмендеген. Ауданның өңдеу саласында бір ғана цемент зауытының үлесі 70%-ы құрайды. Басқа орта буынды өнеркәсіп орындары жоқтың қасы. Өңдеу өнеркәсібін дамытуға ауданда цемент зауытының әлеуетін пайдалана отырып, жанынан ілеспе кәсіпорындарды ашуға жұмыс жасау қажет. Мысалы, цемент зауыты ай сайын 12 мың дана 1 тонналық қаптар және 400 мың дана 50 кг қағаз қаптарды Ресей мен Қытайдан сатып алуда. Бұл бір ғана зауыттың сатып алатыны. Елімізде осындай 15 цемент зауыты бар. Осындай өндірістерді ашуға үлкен әлеуетіміз бар. Бұған қоса, цемент зауыты жанынан құрылыс индустриясын дамытуға мүмкіндік зор, құрғақ құрылыс қоспалары, гипсокартон, тым болмағанда темір бетон бұйымдары өндірістерін өрбітуге болады. Мұнан бөлек, аудан табиғи пайдалы қазбалар қорына бай. Мысалы, ванадий, алтын, мыс, күміс, мырыш, мышьяк қорлары бар. Осы бағытта инвесторлармен жұмысты жандандыру қажет», – деді Н.Нәлібаев.
</blockquote>
Нұржан Ахатовтың айтуынша, өнеркәсіп өнімін өндіру 13,1 пайызға, өңдеу өнеркәсібі 7,7 пайызға, ауыл шаруашылығы өнімі 1,5 пайызға, сауда айналымы 3,5 пайызға, құрылыс жұмыстарының көлемі 42,3 пайызға, пайдалануға берілген тұрғын үйлер көлемі 0,5 пайызға артқан.
Аудан өндіріс көлемі бойынша Қызылорда қаласы мен Жаңақорған ауданынан кейін үшінші орынды иеленеді. Облыстағы өңдеу өнеркәсібіндегі үлесі 7%-ы құрайды.
Облыс әкімі инвесторлармен жұмысты әлі де жандандыру қажеттігін баса айтты. Себебі ауданда инвестиция тарту бағытында жұмыстар да баяу жүргізілуде. Биыл 23 млрд. теңге инвестиция тарту межеленген болса, бүгінде тек 7 млрд. теңге инвестиция нақты тартылған.
Жиында аймақ басшысы халықты жұмыспен қамту бойынша атқарылған жұмысқа да сын айтты.
<blockquote>
 «Шиелі аудан бойынша жоспарланған 3 623 жаңа жұмыс орнының бар болғаны 1134-і ашылса, жоспарланған 1590 тұрақты жұмыс орнының тек 230-ы ашылған. 6 айдың қорытындысымен ресми жұмыссыздық деңгейі өткен жылдың тиісті кезеңімен салыстырғанда 0,4 пайызға өскен. Мемлекет басшысының тапсырмасына сәйкес 10 мың халыққа 100 жаңа жұмыс орнының ашылуы қажет», – деді облыс әкімі.
</blockquote>
Арнайы жиында шағын және орта бизнесті дамыту мәселесі шет қалмады. Аудандағы кәсіпкерлер санының өсу динамикасы өте баяу. Соңғы 3 жылда тіркелген кәсіпкерлерлік субъектілерінің саны не бары 215 бірлікке ғана өскен. Ал, жұмыс жасап тұрған субъектілерінің саны бар болғаны 264 бірлікке ұлғайған.
<blockquote>
 «Көршілес жатқан Түркістан облысының Бәйдібек ауданындағы халық саны небәрі 54 мыңды құрайды. Бұл ауданда 4,5 мың кәсіпкер тіркелген. Оның қасында 85 мыңға жуық халқы бар Шиелі ауданында кәсіпкерліктің дамуы осы екі шағын ауданмен шамалас. Салалық ерекшелігіне қарай микробизнестерді бір жерге шоғырландырып, өнімділік пен табыс көзін арттыру бағытында шараларды атқару қажет. Болашақта олар ірі өндіріс орындарына айналуы тиіс. Біз, 2025 жылға қарай облыста шағын және орта бизнестің ішкі өнімдегі үлесін 25%-ға жеткізуіміз қажет», – деді Н.Нәлібаев.
</blockquote>
Азық-түлік қорын көбейту мәселесі де талқыға түсті. Аудан әкімдігі тарапынан бүгінгі күнге дейін азық-түлік бағаларына бірде-бір мемлекеттік бақылау шарасы жүргізілмеген. Облыс әкімі бағаны тұрақтандыру бағытында нақты шаралар қабылдауды жүктеді.
<blockquote>
 «Қазіргі таңда егіс көлемі жоспардан 1250 гектарға кем. Мен егістікті әртараптандыру мақсатында өзге де дақылдарды егу көлемін ұлғайту қажеттігін айтып келемін. Оған қарамастан, әртараптандыру бағытындағы дақылдар межеден 455 гектарға кем егілген. Осы ретте, басқа аудандарға қарағанда ауданның ерекшелігін пайдаланып көкөніс, бақша дақылдары көлемін арттырып экспорттау мүмкіндігін қарау керек», – деді Н.Нәлібаев.
</blockquote>
Арнайы кеңесте білім нысандарын салуда қаржыны тиімді бағыттау қажеттігін қатаң ескертті. Себебі ауданда салынатын 300 орындық мектепке 1,7 млрд.теңге қаржы сұралған. Бірақ өзге ауданда мұндай қаржыдан бірнеше есе аз ақшаға білім нысанын салуға болатынын дәлелдеген.
Сондай-ақ, отырыста жоғары тұрған органдар мен облыс әкімінің тапсырмаларының орындалу барысы, ауданның кадрлық әлеуеті мен қоғамдық-саяси ахуал сөз болып, нақты тапсырмалар берілді.
Жиын соңында облыс әкімі 9 айдың қорытындысымен бұл көрсеткіштер қайта қаралып, жауапты мамандардың жұмысы сарапқа салынатынын еске салды.
<blockquote>
 «Алдағы қыркүйек айынан бастап қала және аудан әкімдері жұмыстарының тиімділігін анықтайтын рейтинг жүргізілетін болады. Рейтинг қорытындысымен жұмыс нәтижесі төмен аудан әкімдері бойынша жыл соңында кадрлық шешім қабылдаймыз», – деді Н.Нәлібаев.
</blockquote>
<img src="https://kyzylorda-news.kz/wp-content/uploads/2022/08/ahatov.jpg" alt="" />
<img src="https://kyzylorda-news.kz/wp-content/uploads/2022/08/297100558_355143786806872_7119592711760677989_n.jpg" alt="" />

Нұрлыбек Нәлібаев: Шиелі ауданында құрылыс индустриясын дамыту қажет

<a href="https://kyzylorda-news.kz/">Kyzylorda-news.kz.</a> 1 тамыз күні Қазақстанда коронавирус инфекциясын жұқтырудың 2021 жағдайы тіркелді. Бұл туралы COVID-19 таралуына жол бермеу жөніндегі ведомствоаралық комиссия хабарлады.
Өңірлер бойынша:
Нұр-Сұлтан қаласында – 958,
Алматы қаласында – 345,
Шымкент қаласында – 18,
Ақмола облысында – 65,
Ақтөбе облысында – 63,
Алматы облысында – 62,
Жетісу облысында – 75,
Атырау облысында – 13,
Шығыс Қазақстан облысында – 20,
Абай облысында – 25,
Жамбыл облысында – 41,
Батыс Қазақстан облысында – 32,
Қарағанды облысында – 150,
Ұлытау облысында – 20,
Қостанай облысында – 20,
Қызылорда облысында – 38,
Маңғыстау облысында – 15,
Павлодар облысында – 41,
Солтүстік Қазақстан облысында – 14,
Түркістан облысында – 6.
Жалпы пандемия басталғалы Қазақстанда инфекция 1 354 615 адамда тіркелді.

Қызылордада 38 адамнан коронавирус анықталды

<a href="https://kyzylorda-news.kz/">Kyzylorda-news.kz.</a>&nbsp; Аудандардың әлеуметтік-экономикалық даму көрсеткіштеріне талдау жүргізілетін арнайы жиында облыс әкімі Нұрлыбек Нәлібаев бүгін Жаңақорған ауданының әкімі Мұрат Тілеумбетовтің есебін тыңдады.
Жиынға облыстық, аудандық мәслихат депутаттары, ардагерлер мен қоғамдық кеңес төрағалары, салалық басқарма басшылары қатысты.
Алдымен Мұрат Жолкелдіұлы ауданның негізгі даму көрсеткіштерін тізбектеді. Аймақ басшысы ауданның тынысын 4 негізгі бағыт бойынша саралады. Макроэкономикалық көрсеткіштердің қорытындысына сәйкес, Жаңақорған ауданы І орынға шығып, жоғары даму динамикасын көрсетті. Дегенмен, өнеркәсіп өндірісі мен өңдеуші өнеркәсіпте өсім болғанымен, кейбір өндіріс түрлерінде қалыс қалу деректері бар.
Жиында өңір басшысы Жаңақорғанда жаңа өндірістік жобалардың тым аз екенін айтып, сынға алды. Жұмысты шапшаң әрі тиімді етудің жолын қарастыру аудан әкімінің тікелей міндеті екенін тағы бір еске салды.
<blockquote>
 Бүгінгі таңда ауданда 66 өндірістік цех жұмыс жасайды екен. Әлеуеті жоғары ауданға бұл өте аз. Себебі, халық саны 1,5 есе төмен Қармақшы ауданында 126 цех бар. Ал, халық саны шамалас Қазалы және Шиелі аудандарында 286 және 336 өндірістік цех жұмыс жасауда. 
 Өңдеу өнеркәсібіндегі үлесі облыстың 34%-ын құрайды. Бұл көрсеткіш уран саласындағы 2 кәсіпорын есебінен құралады. Өңдеу саласында шағын кәсіпорындар мүлдем жоқ десек болады,-деді Н.Нәлібаев.
</blockquote>
Арнайы кеңесте облыс әкімі ауданда соңғы кездері жұмысы тоқтап қалған кәсіпкерлік нысандардың көбейгенін айтып, бұл бағытта жұмысты күшейтуді тапсырды. Мәселен, Жаңақорған ауданы бойынша соңғы 3 жылда тіркелген кәсіпкерлік субъектілерінің саны небәрі 365 бірлікке өскен.
<blockquote>
 Ауданда 87 мыңға жуық халық болса, оның кәсіпкерлікке тек 7% тіркелген. Ал, көршілес жатқан Түркістан облысының 80 мың халқы бар Шардара ауданында кәсіпкерлердің үлесі 11%. 
 Шардара облыс орталығынан шалғай орналасқан аудан бола тұра, кәсіпкерлік әлеуеті жоғары Жаңақорған ауданынан артық дамыған,-деді Нұрлыбек Нәлібаев.
</blockquote>
Мұнан бөлек, облыс әкімі томат пастасын шығару жобасы 5 жылдан бері іске аспай, созбалаңға салынғанын, зауыт құрылысы әр түрлі себептермен басталмағанын қатаң ескертті. Бұл ретте аудан әкімі инвесторлармен жұмысты күшейтуі қажет.
Ауданда инвестиция қарқыны тым төмен. Биыл жоспарланған 48 млрд.теңге инвестицияның тек 11,3 млрд.теңгесі орындалған. Өңір басшысы Жаңақорған табиғи ресурстарға бай аудан бола тұра өнімділік бағытында ізденіс жоқ екенін қатаң ескертті.
<blockquote>
 Қаратау бөктерінде мырыш пен қорғасынды айтпағанда алтын, мыс, магний, әктас, керамзит және тағы басқа минералдық ресурстары бар. Бірақ толығымен зерттелмеген. 
 Әктас аясында бір ғана мысал келтірейін. Қазір білесіздер, қағаз тапшылығы байқалуда. Бірқатар ірі кәсіпорындар сапасы төмен өңделген қағазды пайдалануға көшуде. Көршілес Өзбекстан 2019 жылдан бастап әктастан кеңсе қағазын шығаруды қолға алса, қазіргі таңда Ресей осы бағытта жұмыстар жүргізуде. Елімізге жылына 51 мың тонна кеңсе қағазы импортталады. Неліктен көрші Өзбекстанға барып, тәжірибесін зерттемейсіздер. Қажет болса, тәжірибені енгізейік. Мұрат Жолкелдіұлы, жаңа инвесторларды тарту керек. Осыған байланысты сізден нақты ұсыныстар мен нәтиже күтемін,-деді Н.Нәлібаев.
</blockquote>
Халықты жұмыспен қамту бағыты да талданды. Ауданда жоспарланған 3 118 жаңа жұмыс орынның бар болғаны 1013-і ашылған. Сонымен қатар, Ұлттық жоба шеңберінде жоспарланған 16 жоба бойынша құрылуы тиіс 168 жұмыс орынның бүгінгі күнге тек 14-і ашылған. 
Жиында азық-түлік қорын көбейту, бақша дақылдарын егу жұмыстарының нәтижесі талданды. Облыс әкімі Жаңақорған ауданы табиғи орналасу ерекшелігіне байланысты аймақтағы бақша-көкөніс өнімдерімен қамтамасыз етуші негізгі аудан болуы тиіс екенін ашып айтты. 
Ауданда негізгі дақыл күріш көлемі берілген тапсырмаға сәйкес 6600 гектарға күріш дақылы егілуі тиіс болса, тапсырмадан 416 гектарға кем егілген. Күріштен басқа дәндік дақылдар 81 гектарға, көкөніс 104 гектарға жоспардан кем егілген. Бұл ретте аймақ басшысы көкөніс, бақша дақылдары көлемін арттырып, экспорттау мүмкіндігін қарап, қажет болса осы бағыттарды дамыту үшін арнайы жоба дайындау қажет екенін тілге тиек етті. 
Арнайы кеңесте ауданның кадрлық әлеуеті мен қоғамдық-саяси ахуалы қаралды. Аудандағы басшылық құрамның қызмет өтіліне талдау жүргізілді. Нәтижесінде, үш ауылдық округ әкімі 6-11 жыл арасында, бір бөлім басшысы 7 жыл, 12 мектеп директоры 10-20 жыл аралығында ұзақ мерзім бір лауазымды қызметте келгендігі анықталды. 
Облыс әкімі заңдылыққа сәйкес ротация тәртібін қолдануды ұсынды. Сондай-ақ, аудандағы қоғамдық-саяси ахуалды бақылауға алып, тұрғындардың мәселесіне атүсті қарамай, сындарлы диалог орнатуға шақырды. 
Жиын соңында облыс әкімі 9 айдың қорытындысымен бұл көрсеткіштер қайта қаралып, жауапты мамандардың жұмысы сарапқа салынатынын еске салды.
<img src="https://kyzylorda-news.kz/wp-content/uploads/2022/08/297030955_354910680163516_1743824703825991284_n.jpg" alt="" />

Нұрлыбек Нәлібаев: Жаңақорған бақша-көкөніс өнімдерімен қамтамасыз ететін тірек аудан болуы керек

<a href="https://kyzylorda-news.kz/">Kyzylorda-news.kz.</a> Биыл облыста тұтынушылар құқығының бұзылу дерегі бойынша 159 өтініш түскен. Бұл өткен жылмен салыстырғанда 32,5 пайызға өскен. Түскен арыздардың басым көпшілігі – бөлшек сауда саласына қатысты екені анықталды. Бұл туралы Өңірлік коммуникациялар қызметінде өткен брифингте облыс бойынша тұтынушылардың құқықтарын қорғау департаментінің басшысы Ерқасым Сүлейменов мәлімдеді.
<blockquote>
 «Бірінші жартыжылдықта келіп түскен арыздарға талдау жүргізілген болатын. Нәтижесінде бөлшек сауда саласына қатысты – 91 өтініш, тұрғын-үй коммуналдық шаруашылық қызметтері бойынша – 28, электрондық сауда – 13, қоғамдық тамақтану бойынша – 5, қаржы қызметі бойынша – 3 және де басқа салалар. Аталған өтініштердің 108-і заңға сәйкес қаралып, тиісті шаралар қабылданды. Ал 28 өтініш басқа мемлекеттік органдарға жолданды. Жалпы жыл басынан бері тұтынушыларға барлығы – 1,2 млн. теңгенің қаржысы қайтарылды. Сондай-ақ, тұтынушылардың құқығын қорғауға арналған кейбір заңнамалық актілерге, заңдарға өзгерістер мен толықтырулар енгізіледі. Әзірге бұл заң жобасы уәкілетті органмен қаралып, мүдделі мекемелер және үкіметтік емес ұйымдар арқылы талдануда», – деді департамент басшысы Ерқасым Сүлейменов.
</blockquote>

Қызылордада тұтынушылардың өтініші бойынша 1,2 млн. теңгенің қаражаты қайтарылды

<a href="https://kyzylorda-news.kz/">Kyzylorda-news.kz.</a> Өткен тәулікте елімізде коронавирус инфекциясын жұқтырған 2414 адам анықталды.
Өңірлер бойынша:
Нұр-Сұлтан қаласында – 947,
Алматы қаласында – 464,
Шымкент қаласында – 18,
Ақмола облысында – 101,
Ақтөбе облысында – 12,
Алматы облысында – 44,
Жетісу облысында – 42,
Атырау облысында – 41,
Шығыс Қазақстан облысында – 8,
Абай облысында – 35,
Жамбыл облысында – 71,
Батыс Қазақстан облысында – 40,
Қарағанды облысында – 367,
Ұлытау облысында – 17,
Қостанай облысында – 26,
Қызылорда облысында – 52,
Маңғыстау облысында – 18,
Павлодар облысында – 55,
Солтүстік Қазақстан облысында – 27,
Түркістан облысында – 29.
Жалпы пандемия басталғалы аталған инфекцияға елімізде 1 352 594 адам шалдықты.

Қызылордада 52 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> Синоптиктер 1 тамыз күніне арналған ауа райы болжамын ұсынды, деп хабарлайды Қазгидромет.
Оңтүстік циклон және оған байланысты атмосфералық фронттар әлі де Қазақстан аумағының басым бөлігіне өз әсерін тигізеді. Салдарынан жаңбыр жауады.
Елдің солтүстігінде нөсер жауын жауады. Қазақстан бойынша найзағай ойнайды, жел күшейеді. Бұршақ жауып, дауыл тұрады.
Түнде және таңертең республиканың солтүстігінде, солтүстік-батысында, орталығында тұман түседі.
Күндіз Павлодар облысының шығысында, Ақмола облысының солтүстік-батысында қатты жаңбыр жауады.
Күндіз Атырау облысының басым бөлігінде аптап ыстық сақталады.
Түркістан, Қызылорда, Жетісу, Алматы облыстарының басым бөлігінде, Абай, Жамбыл облыстарының оңтүстігінде төтенше өрт қаупі сақталады.

1 тамызға арналған ауа райы болжамы

Kyzylorda-news.kz. ​Бүгінгі күні жұмысшы кадрлар даярлауға басымдық берілуде. Студенттің сапалы білім алуы, технологияны терең меңгеріп, осы арқылы кәсіби маман болып қалыптасуы – басты талап. Мұның анық дәлелі, мемлекеттік тапсырыс санының ұлғаюы. Гранттардың артуы талапкерлер үшін үлкен мүмкіндік.
​Қармақшы аграрлы-техникалық колледжі ауыл шаруашылық, құрылыс, техникалық қызмет көрсету және жеңіл өнеркәсіп салалары бойынша 7 мамандық, 8 біліктілік негізінде жұмысшы мамандар даярлайды.
Жалпы, сапалы әрі кәсіби біліктілігі жоғары кадрлар даярлау – білім ордасының басты приоритеті. Колледжде 2021-2022 оқу жылында 
189 студент білім алса, биыл оның 61-і бітіріп, өмірге жолдама алды.
Жыл өткен сайын оқу орынның әріптестік аясы кеңейіп келеді. Бұл ретте, колледж өткен оқу жылында 16 мекемемен келісім-шартқа отырып, білім алушылардың өндірістік тәжірибеден өтуіне мүмкіндік жасады.
Студенттер «Жас маман» жобасының игілігін көруде. Колледж былтыр «Тігін өндірісі және киімдерді үлгілеу» мамандығы бойынша соңғы үлгідегі тігін машиналарын алды. «Құрал-жабдықтар кәсіби деңгейіміздің артуына, тігінді үйренуімізге зор септігін тигізді»,-дейді студенттер.
Айта кетейік, оқу орнында 150 орындық жатақхана, 150 орынға арналған акт зал және спортзал бар. Байқасаңыз, мұнда студенттің білім алуына барлық жағдай жасалған.
<img src="https://kyzylorda-news.kz/wp-content/uploads/2022/07/fb_img_1659185458119.jpg" alt="" />
<img src="https://kyzylorda-news.kz/wp-content/uploads/2022/07/fb_img_1659185452659.jpg" alt="" />
<img src="https://kyzylorda-news.kz/wp-content/uploads/2022/07/fb_img_1659185463625.jpg" alt="" />

Сапалы білім — кәсіби даму негізі

Kyzylorda-news.kz. Қазақстанның бірқатар өңірінде ауа райының бұзылуына байланысты ескерту жарияланды, деп хабарлайды Қазгидромет.
31 шілдеде Павлодар облысының оңтүстігінде, шығысыңда – қатты жаңбыр, найзағай, бұршақ жауып, дауыл соғады. Солтүстік-батыстан жел соғады, найзағай кезінде екпіні 15-20 м/с жетеді.
31 шілде Қарағанды облысының солтүстігінде қатты жаңбыр жауады. Облыстың солтүстігінде, шығысында және орталығында күн күркірейді. Солтүстік, солтүстік-шығыс желінің екпіні найзағай кезінде 18-23 м/с дейін күшейеді.
31 шілде күндіз Қызылорда облысының оңтүстігінде найзағай жарқылдайды. Жел солтүстіктен соғады, таңертең және күндіз облыстың орталығында күші – 15-20 м/с. Облыстың басым бөлігінде төтенше өрт қаупі сақталады.
31 шілде түнде Ақмола облысының оңтүстігінде, шығысында кей уақыттарда қатты жаңбыр жауады. Күндіз облыстың батысында, солтүстігінде, шығысында найзағай ойнайды. Түнде және таңертең облыстың оңтүстігінде, батысында тұман түседі.
31 шілде түнде Абай облысының батысында, күндіз басым бөлігінде найзағай ойнайды. Күндіз бұршақ, дауыл күтіледі. Жел оңтүстік-батыстан соғады, облыстың солтүстігінде, батысында, орталығында жел қарқыны – 15-20 м/с. Облыстың оңтүстігінде төтенше өрт қаупі сақталады.
31 шілде түнде Шығыс Қазақстан облысының солтүстігінде, шығысында, күндіз басым бөлігінде найзағай күтіледі. Күндіз бұршақ, дауыл күтіледі. Жел оңтүстік-батыстан соғады, екпіні облыстың солтүстігінде, шығысында – 15-20 м/с. 31 шілдеде Жетісу облысының таулы және тау етегіндегі аудандарда күн күркірейді. Батыстан жел соғады, найзағай кезінде екпіні – 15-20 м/с.
Нұр-Сұлтан қаласында 31 шілдеде кей уақытта найзағай жарқылдайды. Түнде және таңертең тұман түседі.
31 шілдеде Қостанай облысының батысында, солтүстігінде, шығысында найзағай ойнайды. Түнде және таңертең облыстың солтүстігінде тұман түседі. Солтүстіктен жел соғады, күндіз облыстың шығысында – 15-20 м/с. 31 шілдеде Жамбыл облысының таулы аудандарында қатты жаңбыр жауады.
31 шілде мен 2 тамыз аралығында облыстың оңтүстігінде, солтүстігінде, таулы аудандарда найзағай ойнап, бұршақ жауады. Үш күн бойы солтүстік-батыстан жел соғады, облыстың оңтүстік-батысында, солтүстік-шығысында, таулы аудандарда жел қарқыны 15-20 м/с жетеді.
Күндіз 31 шілдеде Солтүстік Қазақстан облысының батысында, солтүстік-шығысында найзағай күтіледі. Солтүстіктен жел соғады, күндіз найзағай кезінде 15-20 м/с дейін күшейеді.
31 шілдеде Түркістан облысының солтүстігінде және таулы аудандарында найзағай, дауыл күтіледі. Солтүстік-батыстан жел соғады, найзағай кезінде екпіні – 15-20 м/с. Облыстың басым бөлігінде төтенше өрт қаупі сақталады.

Қазақстанның 12 өңірінде ауа райына байланысты ескерту жарияланды

Kyzylorda-news.kz. Қызылордада шаңырақтың шырайын кіргізіп, отбасылық құндылықтарды дәріптеген өнегелі жанұялар марапат биігінен көрінді. “Мерейлі отбасы” ұлттық байқауына қатысқан үлгілі отбасылардың қатары тағы да толықты. Осы күнге дейін байқауға 1700-ге жуық отбасы өтінім беріп, оның 178-і қатысуға жолдама алған. Бүгін «Достық» үйінде ұлттық байқаудың облыстық жеңімпаздарын марапаттау салтанаты өтті.
Облыс әкімі Нұрлыбек Нәлібаев жеңімпаздарды құттықтап, елімізде отбасы институты әрқашан ерекше құрмет пен қолдауға ие болатынын жеткізіп, шаңырақтың түтінін түзу ұшырып, отбасына береке сыйлаған жанұяларға құрмет көрсетті.
<blockquote>
 Қазақ халқы үшін отбасы – қасиетті ұғым, қастерлі құндылық. Отбасының бірлігі – отанның беріктігі, ағайынның татулығы – атамекеннің тұтастығы, ұлттық тәрбиенің, адамгершілік пен имандылықтың бастау бұлағы. Мемлекет басшысы Қасым-Жомарт Кемелұлы Тоқаев «Әрбір отбасын сақтау – отанымыздың берік болуының кепілі. Олардың әрқайсысына тұтастық пен татулықтың дәстүрін орнықтыруымыз керек», – деп айтқан болатын.
 2014 жылдан бастау алған «Мерейлі отбасы» ұлттық конкурсы отбасы құндылықтары мен қазақ үшін қашанда киелі саналатын бір шаңырақ астында берекелі өмір сүрудің маңыздылығын насихаттауда орны ерекше, тағылымды шара. Бұл байқауға қатысқан отбасылардың барлығы да – нағыз мерейлі жеңімпаздар, – деді аймақ басшысы Н.Нәлібаев.
</blockquote>
«Мерейлі отбасы» ұлттық конкурсының облыстық іріктеу кезеңінің қорытындысы бойынша жалағаштық Маштаевтар отбасы жүлделі ІІІ орынды, Шиелі ауданынан қатысқан Рыспембетовтер әулеті ІІ орынды иеленді. Жүлделі І орынды Қызылорда қаласының Ермановтар әулеті иемденсе, шиелілік Байжановтар отбасы бас жүлдеге лайық деп танылып, елордадағы республикалық сайысқа өңір атынан жолдама алды.
Облыс әкімі Нұрлыбек Машбекұлы жеңімпаз атанған отбасыларға бағалы сыйлықтар мен арнайы дипломдар табыстады.
Сондай-ақ, байқауға белсенді қатысып, ұлттық құндылық пен отбасы мерейін жоғарылату бағытындағы өнегесін көрсете білген отбасылар арнайы номинациялармен марапатталды. Атап айтқанда, қазалылық Сүлейменовтер әулеті «Өнерлі отбасы», қармақшылық Бердібаевтар жанұясы «Өнегелі отбасы», қармақшылық Шамшатовтар әулеті «Үлгілі отбасы», жалағаштық Бекниязовтар шаңырағы «Берекелі отбасы», аралдық Сыдықовтар әулеті «Талант тұғыры отбасы», сырдариялық Есенхожаевтар әулеті «Озат отбасы», жаңақорғандық Төлегеновтер жанұясы «Толағайлар отбасы» номинацияларымен және арнайы жүлде қорымен марапатталды.
Салтанатты жиында Қазақстанның еңбек сіңірген әртісі Күлән Қалымбетова, ҚР Мәдениет қайраткері, жырау Руслан Ахметов пен оның шәкірттері және «Реверанс» би тобы өнер көрсетіп, өнегелі отбасыларға құрмет сезімін әнмен жеткізді.
<img src="https://kyzylorda-news.kz/wp-content/uploads/2022/07/fb_img_1659121256689.jpg" alt="" />
<img src="https://kyzylorda-news.kz/wp-content/uploads/2022/07/fb_img_1659121247126.jpg" alt="" />
<img src="https://kyzylorda-news.kz/wp-content/uploads/2022/07/fb_img_1659121240167.jpg" alt="" />

&#8220;Мерейлі отбасы&#8221; ұлттық байқауына қатысқан үлгілі отбасылар марапатталды

Kyzylorda-news.kz. Бүгін Қызылорда облысында жауынгерлік қызметін орындау кезінде адалдық танытып, жеке құрамды ұйымшылдықпен басқарып, қылмыскерлерді ұстау барысында қырағылық көрсеткен № 5547 әскери бөлімінің жасақ командирі, майор Мұхит Аманбаевқа ҚР Президенті Жарлығына сәйкес ІІ дәрежелі «Айбын» ордені табысталды.
Салтанатты шара Нартай Бекежанов атындағы Қызылорда облыстық музыкалық-драма театрында Қызылорда облысының әкімі Нұрлыбек Нәлібаевтың қатысуымен өтті.
Шарада аймақ басшысы жас сарбазға құрмет көрсетіп, жанқиярлық көрсеткені үшін аймақ жұртының атынан ілтипатын білдірді. Сондай-ақ батырдың ерлігін көпке үлгі етіп, марапаттың мән-мағынасына тоқталды.
<blockquote>
 «Бұл – жауынгерлік әзірлікте, әскерлерді жоғары жауынгерлік даярлықта ұстауда, әскери және қызметтік борышын атқару үстінде көрсеткен батылдығы мен жанқиярлығы, сондай-ақ, мемлекет мүддесін қорғау кезінде жасаған ерлігі үшін берілетін марапат», – деді аймақ басшысы.
</blockquote>
Шара барысында аймақ басшысы батыр Мұхит Аманбаевтың әкесі Қайрат Төлебекұлы мен анасы Бақытгүл Әкімбайқызына сый көрсетіп, ел үшін жанын пида етуге әзір отаншыл, патриот азаматты тәрбиелеп өсіргендері үшін алғыс айтты.
<img src="https://kyzylorda-news.kz/wp-content/uploads/2022/07/fb_img_1659107965780.jpg" alt="" />

Қазақстан және Қызылорда облысының жаңалықтары: Басты жаңалықтар old

Облыстық полиция департаментінің бастығы тағайындалды

Серік Сермағанбетов: Аралда 9 балық өңдеу зауыты жұмыс істейді

Нұрлыбек Нәлібаев: Шиелі ауданында құрылыс индустриясын дамыту қажет

Қызылордада 38 адамнан коронавирус анықталды

Нұрлыбек Нәлібаев: Жаңақорған бақша-көкөніс өнімдерімен қамтамасыз ететін тірек аудан болуы керек

Қызылордада тұтынушылардың өтініші бойынша 1,2 млн. теңгенің қаражаты қайтарылды

Қызылордада 52 адамнан коронавирус анықталды

1 тамызға арналған ауа райы болжамы

Сапалы білім — кәсіби даму негізі

Қазақстанның 12 өңірінде ауа райына байланысты ескерту жарияланды

“Мерейлі отбасы” ұлттық байқауына қатысқан үлгілі отбасылар марапатталды

Жас сарбазға ІІ дәрежелі «Айбын» ордені табысталды

Қазақстан және Қызылорда облысының жаңалықтары: Басты жаңалықтар old

Облыстық полиция департаментінің бастығы тағайындалды

Серік Сермағанбетов: Аралда 9 балық өңдеу зауыты жұмыс істейді

Нұрлыбек Нәлібаев: Шиелі ауданында құрылыс индустриясын дамыту қажет

Қызылордада 38 адамнан коронавирус анықталды

Нұрлыбек Нәлібаев: Жаңақорған бақша-көкөніс өнімдерімен қамтамасыз ететін тірек аудан болуы керек

Қызылордада тұтынушылардың өтініші бойынша 1,2 млн. теңгенің қаражаты қайтарылды

Қызылордада 52 адамнан коронавирус анықталды

1 тамызға арналған ауа райы болжамы

Сапалы білім — кәсіби даму негізі

Қазақстанның 12 өңірінде ауа райына байланысты ескерту жарияланды

&#8220;Мерейлі отбасы&#8221; ұлттық байқауына қатысқан үлгілі отбасылар марапатталды

Жас сарбазға ІІ дәрежелі «Айбын» ордені табысталды

“Мерейлі отбасы” ұлттық байқауына қатысқан үлгілі отбасылар марапатталды