<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықова Қызылорда қаласындағы бірқатар медициналық нысан мен дәріханаларды және сауда орталықтарын аралады.
Алдымен өңір басшысы қала тұрғындары жиі баратын «Magnum», «Small» сауда орталықтарына барып, әлеуметтік маңызы бар азық-түлік өнімдерінің бағасымен танысты.
Сауда орталықтарындағы бағамен танысқан аймақ басшысы облыстық кәсіпкерлік және туризм басқармасының басшысы мен қала әкіміне азық-түлік өнімдерінің бағасын негізсіз өсуін болдырмауды және ең бірінші қажетті нан, сүт өнімдерінің бағасын үнемі қадағалауды тапсырды. Сонымен қатар, эпидемиологиялық жағдайға сәйкес кауіпсіздік шараларды қатаң бақылауда ұстау қажеттігін де ескертті.
Мұнан кейін ол облыс тұрғындарына алғашқы көмек көрсететін жедел медициналық көмек орталығының жұмысын көрді.
Жедел жәрдем орталығының дәрігерлерібүгінгі күні атқарылып жатқан жұмыстар туралы баяндады. Күніне келіп түсетін қоңыраулардың саны соңғы үш күнде азайғанын, дегенмен диспечерлер мен бригададағы мамандардың әлі де жетіспейтінін айтты.
Облыс әкімі Гүлшара Әбдіқалықова облыстық денсаулық сақтау басқармасы мен қала әкіміне орталықтағы диспетчерлердің санын көбейту үшін шаралар қолдануды тапсырды. Сонымен қатар, жұмысқа медициналық колледждердің түлектерін еріктілер ретінде тартып, оларға қолдау көрсету мақсатында жеке кәсіпкерлермен бірлесіп жұмыс атқару қажеттігін мәлімдеді.
Әрі қарай өңір басшысы облыстық медициналық орталықта болып, аурухана жұмысымен танысты. Бас дәрігер облыс әкіміне орталықтың қажетті дәрі-дәрмектерімен толық қамтамасыз етілгенін және емделушілердің саны мен жағдайына қатысты есеп берді.
Мұнан кейін өңір басшысы қаладағы «Ақ қайың» дәріханасында болды. Дәріхана жетекшісі дәрі-дәрмектердің не себепті жетіспей жатқаны туралы әңгімеледі. Гүлшара Әбдіқалықова облыстық тауарлар мен көрсетілетін қызметтердің сапасы мен қауіпсіздігін бақылау департаментінің басшысы мен Қызылорда қаласының әкіміне дәрі-дәрмектердің негізсіз өсуін болдырмау мақсатында шаралар қабылдап, бағасын қадағалау және дәрі-дәрмектер бойынша тұрғындар қажет ақпарат алу үшін сенім телефондары мен «Whats App» желісінен арнайы конференция ашуды тапсырды.
Сонымен қатар, аймақ басшысы «СК-Фармация» ЖШС қоймасы мен облыстық жұқпалы аурулар ауруханасының, қалалық орталық дәріхананың және қалалық аурухананың жұмысымен де танысты. Дәрігерлер облыс әкіміне дәріхана мен ауруханаларда дәрі тапшылығы мен орын жетіспеушілігі туралы баяндады. Өңір басшысы қала әкіміне тез арада жедел шаралар қабылдауды тапсырды.
Сондай-ақ, облыстық туберкулезге қарсы күрес диспансерінің жұмысын көрген аймақ басшысы мекеменің Бас дәрігеріне және облыстық денсаулық сақтау басқармасы басшысының міндетін атқарушысы мен қала әкіміне шұғыл түрде диспансердегі емделушілерді Талсуаттағы ғимаратқа көшіріп, 120 орындық жұқпалы аурулар стационары етіп өзгертуді, өкпені жасанды желдету аппараты, оттегі және тағы басқа қажетті құрал-жабдықтармен қамтамасыз етуді тапсырды.
<img src="https://kyzylorda-news.kz/wp-content/uploads/2020/07/whatsapp-image-2020-07-06-at-18.08.13-1.jpeg" alt="" />
<img src="https://kyzylorda-news.kz/wp-content/uploads/2020/07/whatsapp-image-2020-07-06-at-18.08.14.jpeg" alt="" />
<img src="https://kyzylorda-news.kz/wp-content/uploads/2020/07/whatsapp-image-2020-07-06-at-18.08.12.jpeg" alt="" />
<img src="https://kyzylorda-news.kz/wp-content/uploads/2020/07/whatsapp-image-2020-07-06-at-18.08.12-1.jpeg" alt="" />

Гүлшара Әбдіқалықова қаладағы бірқатар нысандардың жұмысымен танысты (ФОТО)

<a href="https://kyzylorda-news.kz/">Kyzylorda-news.kz.</a> Бүгін Қызылорда облысы әкімі Гүлшара Әбдіқалықованың өңір жұртшылығына коронавирусқа қарсы күрес шаралары тақырыбында үндеуі жарияланды.
Өңір басшысы вирустың аймақ экономикасына әсер етіп, денсаулық сақтау саласының қалыпты жүйесін өзгерткенін айтты.
<blockquote>
 «Инфекциялық аурулардың ағымын алдын-ала дәл болжап білу мүмкін емес. Дегенмен, алғашқы күндерден вирусқа қарсы арнайы шаралар қабылданды. Қатаң бірлескен тәртіптің арқасында індеттің алғашқы легін тежей алдық. Алайда, экономикалық-әлеуметтік қажеттіліктен қатаң шектеулерді жеңілдеттік. Соның негізінде тұрғындар арасында санитарлық талаптарды ескермеу белең алды. Вирустың барына сенбеушілік көбейіп, оқшауланудан шығып, көпшілік бас қосулар жиіледі. Індетті жұқтырғандардың саны бүгінгі күні 1379 жетті. Оның ішінде 897 адам дерттен айықты. Короновирус инфекциясы анықталған азаматтармен қарым-қатынаста болған 7929 адам біздің бақылауымызда болды. 56 277 сынама тест алынды. Өкінішке қарай, денсаулық сақтау министрлігі жанындағы арнайы комиссияның шешімімен екі науқастың короновирустан қайтыс болғаны анықталды.Сондықтан барлық мүмкіндіктер жұмылдырылып індеттің одан әрі тарауын шектеу жұмыстары атқарылуда», – деді облыс әкімі Гүлшара Әбдіқалықова.
</blockquote>
Өңірімізде инфекциялық стационарда – 515, провизорлық стационарда – 1670 төсек орын дайындалған. Сондай-ақ, инфекциялық стационарда – 200, 
провизорда – 1257 науқастар емделуде.
&nbsp;Облыста барлығы 76 жасанды өкпені желдету аппараты бар. Маусым айында қосымша 20 портативті өкпені желдету аппараты алынып, дәл осындай құрылғының 63-не Қазақстан Республикасы Денсаулық сақтау министрлігіне сатып алу туралыөтінім жолданған. Сондай-ақ, бүгінгі күні облыстық медициналық мекемелерде 5 компьютерлік томография жұмыс істейді. Қажеттілікке байланысты тағыда осындай 2 аппарат алу жоспарлануда.
Өңірде маусым айында пневмония дертінің асқынуына байланысты үйде ем алушыларға қосымша көмек беру мақсатында дәрігерлік мобильдік топтар құрылып, әкімдіктің қызметтік автокөліктері берілген.
Облыс әкімі Гүлшара Әбдіқалықова мемлекеттік Бас санитарлық дәрігердің қаулысына сәйкес өңірде жаңа шектеулер енгізілетінін айтты.
<blockquote>
 «Тиісті шаралар бұқаралық ақпарат құралдары, әлеуметтік желілер арқылы сіздерге хабарланады.Бұл профилактикалық шаралар короновирустың кең таралуын барынша азайтуға, тұрғындардың өмірі мен денсаулығын сақтауға мүмкіндік береді. Өңірімізде енгізілетін шектеулерге түсіністікпен қарап, қолдауға шақырамын. Біз «бір жеңнен қол, бір жағадан бас шығарып» сақтық шараларын қолдансақ қана бұл жұмыстар нәтижелі болады. Әрқайсымыз жақындарымызға жанашыр болып, ынтымақ пен бірліктің арқасында індеттің бетін қайтарамыз», – деді облыс әкімі.
</blockquote>

Гүлшара Әбдіқалықова облыс тұрғындарына үндеу жолдады

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова 6 шілде – Елорда күні қарсаңында Қазақстан Республикасы Президентінің Жарлығына сәйкес денсаулық сақтау саласының бірқатар қызметкеріне мемлекеттік наградалар табыстады.
<blockquote>
 «Биылғы жылы Елорда күнін мерекелеу коронавирус пандемиясына байланысты күрделі эпидемиологиялық ахуал жағдайында өтуде. Коронавирус індетімен күресте еліміздегі дәрігерлердің көмегімен ауқымды жұмыстар атқарылып жатқандығын ерекше айтқым келеді. Ақ халатты абзал жандар халық игілігіне қызмет етіп, қайсарлық пен мейірімділіктің нақ көрінісін көрсетуде», – деді облыс әкімі Гүлшара Әбдіқалықова.
</blockquote>
Мемлекет Басшысы Қасым-Жомарт Тоқаев денсаулық сақтау саласының мамандарын ерекше назарда ұстап, жан-жақты қолдау білдіріп келеді.
Осы орайда, облысымызда медицина саласының 15 қызметкеріне мемлекеттік наградалар тағайындалды.
Атап айтсақ, азаматтардың денсаулығын сақтауда жанкешті еңбек етіп, тынымсыз жұмыс істегені үшін көпбейінді облыстық аурухананың директоры Н.Әмитов «Парасат» орденімен, облыстық фтизиопульмонология орталығының директоры Ә.Әбләзім, облыстық жұқпалы аурулар ауруханасының дәрігері М.Әлмаханова, облыстық жұқпалы аурулар ауруханасының мейіргері Р.Нұрымбетова «Құрмет» орденімен, облыстық жұқпалы аурулар ауруханасының дәрігері З.Айдарбекова, облыстық медициналық жедел жәрдем стансасының дәрігері Ж.Жұмалиев, облыстық перинаталдық орталығының акушер-гинекологы Д.Нұртазаева, көпбейінді облыстық аурухананың дәрігері Г.Ысқақова «Ерен еңбегі үшін» медалімен, көпбейінді облыстық ауруханасының дәрігері Ж.Жақыпова, Жаңақорған ауданаралық ауруханасының бөлімше меңгерушісі А.Дайрабаева, Шиелі ауданаралық ауруханасының дәрігері А.Ізтілеуова «Шапағат» медалімен, көпбейінді қалалық аурухананың аға мейіргері Н.Мамбекова, облыстық жұқпалы аурулар ауруханасының мейіргері Т.Нұржанова, көпбейінді облыстық аурухананың аға мейіргері С.Өтегенова, Арал ауданаралық ауруханасының бас мейіргері Ж.Қалмағамбетова Қазақстан Республикасының Құрмет грамотасымен марапатталады.
<img src="https://kyzylorda-news.kz/wp-content/uploads/2020/07/whatsapp-image-2020-07-03-at-12.35.02-1.jpeg" alt="" />
<img src="https://kyzylorda-news.kz/wp-content/uploads/2020/07/whatsapp-image-2020-07-03-at-12.35.03.jpeg" alt="" />

Қызылордада медицина саласының қызметкерлері марапатталды (ФОТО)

<a href="https://kyzylorda-news.kz/">Kyzylorda-news.kz.</a> Мемлекет басшысы Тұңғыш Президент – Елбасы Нұрсұлтан Назарбаевқа арналған монументтің ашылу рәсіміне қатысты, деп хабарлайды&nbsp;<a href="https://www.akorda.kz/kz/events/akorda_news/akorda_other_events/memleket-basshysy-tungysh-prezident-elbasy-nanazarbaevka-arnalgan-monumenttin-ashylu-rasimine-katysty">Ақорда</a>.
Қасым-Жомарт Тоқаев онлайн режимде Ұлттық қорғаныс университетіндегі Қазақстанның Тұңғыш Президенті – Елбасы Н.Ә.Назарбаевқа арналған монументтің ашылу рәсіміне қатысты. Президент өз сөзінде Нұрсұлтан Назарбаевтың қазіргі Қазақстанның негізін қалағанын, егемен еліміздің стратегиялық даму жолын айқындап, халқымызды ортақ мақсатқа жұмылдырғанын атап өтті.
<blockquote>
 – Тұрақтылық пен татулық, береке мен бірлік – Елбасының сарабдал саясатының нәтижесі. Кез келген мемлекеттің тарихында өшпес із қалдырған бірегей тұлғалар бар. Олардың сіңірген еңбегін бағалай білу және жан-жақты дәріптеу – өскелең ұрпақтың парызы, – деді Қасым-Жомарт Тоқаев.
</blockquote>
Мемлекет басшысының айтуынша, Қазақстанның Қарулы Күштері Тұңғыш Президенттің Жарлығымен құрылғандықтан, бұл монументтің Ұлттық қорғаныс университетінде орнатылуының символдық мәні зор.
Елбасы еліміздің қорғаныс қабілетін арттыруға ерекше көңіл бөлді. Мемлекет ең қиын кезеңдердің өзінде де заманауи қару-жарақ алу, отандық қорғаныс өнеркәсібі кешенінің қуатын арттыру, әскери қызметшілерді баспанамен қамтамасыз ету, жалақыларын уақытылы беру, жоғары зейнетақы төлеу міндеттерін оңтайлы шеше білді.
<img src="https://www.inform.kz/radmin/fotofiles/2020/07/03/2007031307224178g.jpg" alt="" />
<blockquote>
 – Тәуелсіздік алған сәттен бастап Нұрсұлтан Әбішұлы Назарбаев әскери әлеуетімізді қалыптастыру барысында ең күрделі деген мәселелерді шешуге өзі тікелей араласты. Оның басшылығымен халқымыз бен елімізді ықтимал әскери қақтығыстардан қорғау мақсатында армиямыздың перспективалары мен міндеттері, ұлттық қауіпсіздікті қамтамасыз етудің басымдықтары мен механизмдері айқындалды. Нұрсұлтан Назарбаев Президент болған жылдары әскери құрылымның заңнамалық және құқықтық-нормативтік базасы әзірленді. Сондай-ақ Қарулы Күштердің құрылымы мен құрамы жасақталып, армияның қарулануы кезең-кезеңімен іске асып, заманауи инфрақұрылым қалыптасты, – деді Қасым-Жомарт Тоқаев.
</blockquote>
Жоғарғы Бас қолбасшы әскеріміздің қанша жерден заманауи техникалармен жабдықталғанымен, мемлекеттің қауіпсіздігін қамтамасыз ету барысында армияның жеке құрамы негізгі фактор болып қала беретінін айтты. Сондықтан Тәуелсіздіктің алғашқы жылдарында ең мықты әскери кадрлар сапалы әскери білім беру ісін ұйымдастыруға жұмылдырылды. Бүгінде Қазақстанда орта әскери оқу орындарынан бастап халықаралық деңгейдегі университетке дейінгі аралықта көпсатылы білім жүйесі қалыптасты.
<blockquote>
 – Халқымызда «Ел ерлерімен еңселі» деген қанатты сөз бар. Шын мәнінде, Қарулы Күштері қуатты мемлекеттің бірлігі бекем, абыройы асқақ болады. Сондықтан біз армиямыздың бәсекеге қабілеттілігін арттыруға қашанда баса мән береміз. Бұл ретте білім мен ғылымның алатын орны ерекше. Ұлттық қорғаныс университеті алдағы уақытта да білікті мамандар дайындау ісіне мол үлес қосады деп сенемін, – деді Мемлекет басшысы.
</blockquote>
<img src="https://www.inform.kz/radmin/fotofiles/2020/07/03/2007031307180478g.jpg" alt="" />
<img src="https://www.inform.kz/radmin/fotofiles/2020/07/03/2007031307166792g.jpg" alt="" />
<img src="https://www.inform.kz/radmin/fotofiles/2020/07/03/2007031307142370g.jpg" alt="" />
<img src="https://www.inform.kz/radmin/fotofiles/2020/07/03/2007031307204140g.jpg" alt="" />

Қасым-Жомарт Тоқаев Елбасына арналған монументтің ашылу рәсіміне қатысты (ФОТО)

<a href="https://kyzylorda-news.kz/">Kyzylorda-news.kz.</a> Қызылорда облысында Елорда және Ұлттық домбыра күні қарсаңында Сырдария өзенінің сол жағалауынан әлеуметтік осал топтағы отбасыларға «Нұрлы-Жер» бағдарламасы аясында салынған &nbsp;арендалық тұрғын үйлердің кілті табысталды.
Облыс әкімі баспаналы болған тұрғындарды Елорда күнімен құттықтап, әр жанұяға жақсылық, ынтымақ пен бірлік, амандық тіледі.
<blockquote>
 «Мемлекет басшысы Қасым-Жомарт Кемелұлы Тоқаевтың тапсырмасына сәйкес қабылданған мемлекеттік бағдарламалар өңірімізде сәтті жүзеге асырылуда. Бүгінде Алаштың анасы атанған қасиетті мекен қарқынды құрылыс алаңына айналды.Осыдан бір ай бұрын ғана 180 пәтерлік тұрғын үйді табыстадық. Ал бүгін, 160 отбасы баспанаға ие болып, қоныс тойын тойлағалы отыр. Жаңа баспаналарыңыз татулық пен берекенің ордасы болып, қуаныш пен бақыт, құт пен ырыс салтанат құрсын!», – деді облыс әкімі Гүлшара Әбдіқалықова.
</blockquote>
160 пәтерлік 5 қабатты тұрғын үйлердің құрылысын «Жабдықтау», «Сапақ»,«Нұр-Талап и К», «Астана-Сервис»жауапкершілігі шектеулі серіктестіктері жүргізген. Өңір басшысы сол жағалауда жаңа қала салуды қолдап,&nbsp; карантиндік шектеуге қарамай батыл қадам мен нық шешім қабылдап, тұрғын үйлер көтерген Сыр құрылысшыларына қос мереке қарсаңында алғыс хаттарын табыстады.
Соңғы жылдары Қызылорда қаласында 12 жаңа шағын аудан, 7 тұрғын үй кешені бой көтеріп &nbsp;8,5 мыңға жуық қызылордалық баспаналы болды.
Сырдария өзенінің сол жағалауындағы жаңа қалада соңғы екі жылда республикалық, облыстық бюджеттерден 620 пәтерлік 13 көпқабатты арендалық тұрғын үй мен 240 пәтерлік&nbsp; 4 көпқабатты несиелік тұрғын үйлердің, сондай-ақ жеке құрылыс салушылардың есебінен 604 пәтерді құрайтын 14 көпқабатты тұрғын үйдің құрылысы жүргізіліп, ел игілігіне пайдалануға берілді.
Ал, биылғы жылдың соңына дейін 560 пәтерлік арендалық 11 көпқабатты үйдің және 590 пәтерлік несиелік&nbsp; 13 тұрғын үйдің құрылысын аяқтау жоспарланып отыр.
<img src="https://kyzylorda-news.kz/wp-content/uploads/2020/07/bek_7263-scaled.jpg" alt="" />
<img src="https://kyzylorda-news.kz/wp-content/uploads/2020/07/bek_7243-scaled.jpg" alt="" />

Қызылордада 160 отбасы баспаналы болды

<a href="https://kyzylorda-news.kz/">Kyzylorda-news.kz.</a>&nbsp;Тұңғыш Президент – Елбасы Нұрсұлтан Назарбаев Қазақстан халқына үндеу жолдады.
Қымбатты отандастар!
Қадірлі достар!
Өздеріңіз білетіндей, коронавирус инфекциясының қатерлі пандемиясы әлемнің көптеген елдерін, соның ішінде Қазақстанды да шарпыды. Миллиондаған адам осы ауыр дертпен сырқаттанды, ол мені де айналып өткен жоқ. Бірқатар шет мемлекеттер мен үкіметтер басшыларының, көрнекті саясаткерлер мен қоғам қайраткерлерінің шынайы жанашырлығын танытып, маған моральдық қолдау көрсеткені көңілімді тебірентті. Баршасы қалтқысыз ниеттестігін жеткізіп, сергектік тілеп, тезірек сауығып кетуіме тілектестігін жолдады, сол үшін бәріне зор ризашылығымды білдіремін.
Олардың қатарында Ресей Президенті Владимир Путин, Қытай Халық Республикасының Төрағасы Си Цзиньпин, Қырғызстан Президенті Сооронбай Жээнбеков, Өзбекстан Президенті Шавкат Мирзиеев, Тәжікстан Президенті Эмомали Рахмон, Түрікменстан Президенті Гурбангулы Бердымухамедов, Түркия Президенті Реджеп Тайип Ердоған, Америка Құрама Штаттарының Мемлекеттік хатшысы Майкл Помпео, Біріккен Араб Әмірліктерінің Президенті Халифа Заид Әл Нахаян, Үндістанның Премьер-министрі Нарендра Моди, Жапония Премьер-министрі Синдзо Абэ, Иордания Королі ІІ Абдалла бен әл-Хусейн, Әзербайжан Президенті Ильхам Әлиев, Армения Президенті Армен Саркисян, Украина Президенті Владимир Зеленский, Корея Республикасының Президенті Мун Чже Ин, Пәкстан Президенті Ариф Алви, Израиль Президенті Реувен Ривлин, Сербия Президенті Александр Вучич, Хорватия Президенті Зоран Миланович және т.б. бар. Бәрін түгел атап шығу мүмкін емес, бірақ мен олардың барлығының жолдаған хат-хабарымен таныстым. Қымбатты достар, сіздердің шын көңілден шыққан тілектеріңіз, ыстық ықыластарыңыз маған күш беріп, өмірге құлшыныс-қуатымды арттырды. Баршаңызға басымды иіп, зор денсаулық пен табыс тілеймін.
Мен еліміздің көптеген өндіріс ұжымдарынан, еңбек ардагерлерінен, әскери қызметшілерден, студенттер мен оқушылардан – өз қолдауы мен тілектестіктерін жеткізіп, маған мықты денсаулық тілеп, толық сауығып кетуіме ниеттестік білдірген көп қазақстандықтардан хаттар мен жеделхаттар, сондай-ақ әлеуметтік желі арқылы жолданған хат-хабарлар алдым.
Маған шынайы жанашырлығы мен қолдауын ғылыми қоғамдастық пен шығармашылық зиялы қауымның өкілдері де білдіргенін ризашылықпен айта кеткім келеді. Олардың арасында Серік Қирабаев пен Әлия Бейсенова, Бибігүл Төлегенова, Төрегелді Шарманов, Мырзатай Жолдасбеков, Сұлтан Оразалин, Ғарифолла Есім, Несіпбек Айтұлы, Жандарбек Мәлібеков, Талғат Теменов және басқа да Қазақстанға кеңінен танымал қайраткерлер болды.
Менің атыма Ольга Рыпакова, Дмитрий Баландин, Илья Ильин, Әлия Юсупова, Зарина Диас сияқты белгілі спортшыларымыз ізгі тілектерін білдірді. Баршаңызға көп рахмет айтамын! Мен бәріңізді де білемін. Сіздер және басқа да жастар – тәуелсіздік перзенттерісіздер. Денсаулық пен бақыт тілеймін!
Дәрігерлердің күш-жігері және олардың талаптарын мүлтіксіз орындаудың, сондай-ақ баршаның қолдауы мен жылы сөздерінің арқасында мен сырқаттан сауығып шықтым, қазір өзімді жақсы сезінемін, толыққанды жұмысқа кіріскелі отырмын. Халқыммен бірге бұл сырқаттың бүкіл ауыртпашылығын сезіндім, қазір емделіп жатқандардың бәріне төзім мен қажыр-қайрат және тезірек сауығып кетулерін тілеймін.
Біз өткеріп жатқан күрделі кезең – бүкіл адамзаттың басына түскен сын-сынақ. Сырқатпен күрестің ең алдыңғы шебінде жүрген дәрігерлер адамдарды аман алып қалу үшін барлық күшін жұмсауда. Бұл ретте медицина қызметкерлерінің еңбегіне баға жетпейді – мұны қазіргі уақыт айқын көрсетіп отыр. Болашақта да отандық денсаулық сақтау саласына баса көңіл аударып, оны дамытуға қажетті қаржылық және материалдық ресурстар бөлу керек. Осы орайлы сәтте еліміздің медицина қызметкерлеріне ерекше ризашылығымды білдіремін.
Естеріңізде болар, тәуелсіздіктің бастапқы жылдары менің шешіміммен арнаулы Ұлттық қор құрылып, алтын-валюта резерві жасалды. Бұл бізге әлемдік екі бірдей дағдарысты жеңіп шығуға септігін тигізді және сол қаражат қазір Үкіметке пандемияға қарсы ауқымды жұмыс пен тұрмысы төмендерге қолдау көрсету барысында көмегін тигізуде. Егер алдағы уақытта оны ақылмен, үнемдеп пайдалана білсек, өзге сын-қатерлерді де тиімді еңсере аламыз. Қазақстанның басқа елдер алдында қарызы ең төмен мемлекеттің бірі екені де біздің артықшылығымыз.
Еліміздің Президенті мен Үкіметі қалыптасқан жағдайды түзету үшін қажетті барлық шараны қабылдауда. Алайда көп нәрсе өзімізге байланысты. Дәрігерлер біз үшін қолдарынан келгеннің бәрін жасап жатыр. Алайда бұл ауруды жұқтырудан сақтану көбінесе әр адамның өзіне байланысты. Төзімді болу керек, әсіресе, жастарға. Қажетті гигиена талаптарын орындап, тезірек вакцина пайда боларына үміттене отырып, ауру жұқтырудан барынша ұзағырақ уақыт сау болуға тырысқан жөн. Тәртіп сақтап, өз денсаулығымызды, туған-туыстар мен жақындардың амандығын ойлауымыз қажет, дәрігерлерге сену керек.
Халқымыз басқа түскен қиындықты өзінің қайрат-жігері, ұйымшылдығы, болашаққа деген ұмтылысы арқылы бүкіл халықаралық қоғамдастықпен бірге лайықты түрде еңсеріп, аман-есен шығарына сенімдімін. Біз тағы да жеңімпаз боламыз. Еліміздің жақсы күндері алда. Біз біргеміз! Біз жеңеміз! Біздің ұранымыз осы.
Барлық отандастарымызға мықты денсаулық пен игілік, елімізге бақ-береке тілеймін!

Нұрсұлтан Назарбаев Қазақстан халқына үндеу жолдады

<a href="https://kyzylorda-news.kz/">Kyzylorda-news.kz.</a> Қазақстан аумағында 5 шілдеден бастап карантин шараларының күшейтілуіне байланысты бірқатар жолаушылар пойызының жүру кестесі өзгерді, деп хабарлайды ҚР Индустрия және инфрақұрылымдық даму министрлігі.
Бұған дейін 1 шілдеден бастап 3 коммерциялық пойыздың қатынауы&nbsp;уақытша тоқтағанын&nbsp;жазған болатынбыз. Олар:
– №19/20 «Нұр-Сұлтан-Атырау»;
– №95/96 « Нұр-Сұлтан-Орал»;
– №701/702 «Нұр-Сұлтан-Алматы».
Еске сала кетсек, бүгін ҚР Премьер-Министрі Асқар Маминнің төрағалығымен өткен Мемлекеттік комиссия отырысында 5 шілдеден бастап елімізде <a href="https://kyzylorda-news.kz/kogam/elimizde-5-shildeden-bastap-karantin-qalaj-ornajtyny-belgili-boldy-69862/">14 күнге&nbsp;қатаң шектеу шараларын</a> енгізу&nbsp;шешімі қабылданды.
Олардың арасында теміржол көлігімен жолаушыларды тасымалдау бойынша да&nbsp;шектеулер бар.
Осыған орай, 5 шілдеден бастап әлеуметтік маңызы бар бірқатар бағыттарға өзгеріс енгізіледі:
1. №321/322 «Алматы – Сарыағаш» жолаушылар пойызы&nbsp;тоқтатылады.
2. Келесі бағыттардың&nbsp;қатынау жиілігі қысқарады:
– №3/4 «Алматы-Нұр-Сұлтан» күнара (күн сайынның орнына);
– № 31/32 «Алматы-Павлодар» күнара (күн сайынның орнына)
– № 67/68 «Нұр-Сұлтан-Өскемен» күнара (күн сайынның орнына)
– №257/258 «Нұр-Сұлтан-Достық» аптасына 1 рет (аптасына 2 реттің орнына).
Айта кетейік, Қазақстан аумағында төтенше жағдай режимі алынғаннан кейін, пойыз қатынасы&nbsp;кезең-кезеңімен қалпына келтіріле&nbsp;бастаған болатын.
Бүгінгі таңда жалпы алғанда 93 пойыз рейстерді орындауда.

5 шілдеден бастап қандай бағыттағы пойыздар тоқтайды?

<a href="https://kyzylorda-news.kz/">Kyzylorda-news.kz.</a> Қызылорда облысы әкімінің өкімімен Қызылорда облысының еңбек саласындағы бақылау басқармасының басшысы қызметіне Жолымбетов Төреахмет Сайлаубайұлы тағайындалды.
Төреахмет Сайлаубайұлы 1976 жылы туған.
Қорқыт Ата атындағы Қызылорда гуманитарлық университетін «Экономист-шығыстанушы, түрік тілінің аудармашысы-референті», Қ. И. Сәтбаев атындағы Қазақ ұлттық техникалық университетін «Инженер» мамандықтары бойынша бітірген.
Экономика ғылымдарының кандидаты.
Еңбек жолын Алматы қаласындағы Қазақстанның Даму институтын экономикалық зерттеулер орталығының стажер-зерттеушіретінде бастаған.
2003-2004 жылдары – Қызылорда облыстық минералдық ресурстардың энергетикалық инфрақұрылымы басқармасы-жетекші маманы, 2004 – 2006 жылдары – Қызылорда облысы әкімі аппаратының ұйымдастыру бақылау бөлімі – бас маманы, бас инспекторы қызметтерін атқарған.
2007 – 2012 жылдары – Зейнетақы төлеу мемлекеттік орталығы Қызылорда облыстық филиалының директорының орынбасары, «Құрылыс Базис Кызылорда» жауапкершілігі шектеулі серіктестігінің директоры болып жұмыс жасап, 2012 – 2014 жылдары Қызылорда облысы бойынша Бақылау және әлеуметтік қорғау департамент директорының әлеуметтік мәселелері жөніндегі орынбасары болған.
2014 – 2017 жылдары Бақылау және әлеуметтік комитетінің Қызылорда облысы бойынша Бақылау және әлеуметтік қорғау департаментының, Қазақстан Республикасы Еңбек және халықты әлеуметтік қорғау министрлігі Еңбек, әлеуметтік қорғау және көші-қон комитетінің Қызылорда облысы бойынша департаментінің басшысы қызметінде болған.
2017 жылдың наурыз айынан бастап осы кезге дейін Қазақстан Республикасы Еңбек және халықты әлеуметтік қорғау министрлігі Еңбек,әлеуметтік қорғау және көші-қон комитетінің Қызылорда облысы бойынша департамент басшысы лауазымында қызмет атқарып келді.
<img src="https://kyzylorda-news.kz/wp-content/uploads/2020/07/whatsapp-image-2020-07-02-at-18.25.08.jpeg" alt="" />

Қызылорда облыстық еңбек саласындағы бақылау басқармасының басшысы тағайындалды

<a href="https://kyzylorda-news.kz/">Kyzylorda-news.kz.</a> Денсаулық сақтау вице-министрі Людмила Бюрабекова халық арасындағы жоғары сұранысқа ие препараттарды дәріханаларға жеткізу тәртібін түсіндірді.
<blockquote>
 “Қазіргі кезде парацетамолды дәріханаларға таратып жатыр. Алматыда бар, Қарағанды облысы мен Нұр-Сұлтан қаласында сатылуда. Алдағы екі-үш күнде басқа аймақтарға да жеткізіледі”, – деді Бюрабекова онлайн брифингте.
</blockquote>
Вице-министрдің айтуынша, температураны басқа да стероидты емес препараттармен түсіруге болады. Мәселен, Ибупрофен бар.
<blockquote>
 “Бірақ парацетамол болсын, Ибупрофен болсын, бәрін тек нұсқаулықпен ғана қабылдау қажет. Себебі бауырға уытты әсері бар. Сондықтан ондай препараттарды күніне үш-төрт рет қана қабылдауға болады”, – деп атап көрсетті Бюрабекова.
</blockquote>
Оның сөзіне қарағанда, бүгінде “Ингавирин” препаратының 70 мың қаптамасы да сатып алынды. Оны осы аптаның ішінде Қазақстанға әкеледі.&nbsp;
<blockquote>
 “Сонымен қатар “Тамифлю” препаратының 49 мың қаптамасын сатып алдық. Ол да аптаның аяғына дейін дәріханаларға түседі”, – дейді Бюрабекова.
</blockquote>

Министрлік парацетамолды күніне неше рет ішуге болатынын айтты

<a href="https://kyzylorda-news.kz/">Kyzylorda-news.kz.</a> Ағымдағы жылы “Еңбек” мемлекеттік бағдарламасының екінші бағыты аясында шағын несиелеуді жүзеге асыруға Қызылорда облысы үшін республикалық бюджеттен 3 353,1 млн теңге қарастырылды.
Оның ішінде 3 103,1 млн теңгесі ауылдық елді мекендерде және шағын қалаларда шағын несие беруге бағытталса, ал Қызылорда қаласында несиелендіру үшін 250 млн теңге бөлінді. 
Жыл басында ауылдық елді мекендер мен шағын қалалар үшін қарастырылған қаражаттың бөлігі “Аграрлық несие корпорациясы” АҚ және “Ауыл шаруашылығын қаржылай қолдау қоры” АҚ орналастырылған болатын. Қазіргі таңда шағын кәсіпкерлік субъектілерінің 127 жобасына жеңілдетілген шағын несиелер берілді. 
Қаржыландыру жоспарына сәйкес Қызылорда қаласында шағын несиелер беру ағымдағы жылдың шілде айынан басталды. Бүгінгі күні қарастырылған қаражат “Ауыл шаруашылығын қаржылай қолдау қоры” АҚ-на аударылды. 
Бағдарлама аясында шағын несиелер кәсіпкерлерге 6,5 мың АЕК 
(18 057 000 теңге) дейін жылдық 6 пайызбен беріледі. Бұл ретте аталған сыйақы мөлшерлемесі көп балалы және аз қамтылған отбасылар үшін жылына 4%-ға дейін төмендетілген.

Қызылорда: «Еңбек» бағдарламасы аясында шағын несиелер алуға болады

<a href="https://kyzylorda-news.kz/">Kyzylorda-news.kz.</a> Үкімет 2 күннің ішінде осы жылдың наурыз-мамыр айындағыдай қатаң карантин шараларын енгізу бойынша ұсыныс әзірлеуі тиіс. Бұл туралы коронавирус індетінің таралуына қарсы шаралар қабылдау жөніндегі кеңес барысында ҚР Президенті Қасым-Жомарт Тоқаев айтты.
<blockquote>
 «Індетпен күрес, теріс әлеуметтік және экономикалық әсерлерді жою бойынша барлық шешімдерді Премьер-Министрдің жетекшілігіндегі Мемлекеттік комиссия аясында әзірлеуді тапсырамын. Мемлекеттік комиссия сыни ресурстарды бөлуге орталықтандырылған бақылауды қамтамасыз етуі тиіс. Қазіргі эпидемиологиялық ахуалды тұрақтандыру бойынша шұғыл шаралар қабылдану мақсатында Мемлекеттік комиссияға екі күндік мерзімде осы жылдың наурыз-мамырында қолданыста болған қатаң карантинді енгізу бойынша мәселелерді әзірлеп, менің қарауыма ұсынуды тапсырамын», – деді Мемлекет басшысы.
</blockquote>

Қазақстан қатаң карантин шараларына оралуы мүмкін &#8211; Тоқаев тапсырма берді

<a href="https://kyzylorda-news.kz/">Kyzylorda-news.kz.</a> 29 маусым күні Қасым-Жомарт Тоқаев коронавирус індетінің таралуына қарсы шаралар қабылдау жөнінде кеңес өткізеді, деп хабарлайды Қазақстан Президентінің баспасөз хатшысы Берік Уәли&nbsp;<a href="https://www.facebook.com/profile.php?id=100003403233694">Facebook-тегі парақшасында.</a>
<blockquote>
 «Ертең, 29 маусым күні Қазақстан Президенті Қасым-Жомарт Тоқаев коронавирус індетінің таралуына қарсы шаралар қабылдау жөнінде кеңес өткізеді. Кеңесте Мемлекет басшысы қазіргі ахуалға баға беріп, азаматтардың денсаулығын сақтаудың сапасын арттыруға бағытталған шараларды жариялайды. Сондай-ақ, экономиканы қолдау және халықты әлеуметтік қорғау мәселесі де қаралады деп жоспарланып отыр. Кеңеске Үкімет мүшелері, бірқатар ведомство басшылары, облыс әкімдері қатысады» деп жазды ол.
</blockquote>

Қазақстан және Қызылорда облысының жаңалықтары: Басты жаңалықтар old

Гүлшара Әбдіқалықова қаладағы бірқатар нысандардың жұмысымен танысты (ФОТО)

Гүлшара Әбдіқалықова облыс тұрғындарына үндеу жолдады

Қызылордада медицина саласының қызметкерлері марапатталды (ФОТО)

Қасым-Жомарт Тоқаев Елбасына арналған монументтің ашылу рәсіміне қатысты (ФОТО)

Қызылордада 160 отбасы баспаналы болды

Нұрсұлтан Назарбаев Қазақстан халқына үндеу жолдады

5 шілдеден бастап қандай бағыттағы пойыздар тоқтайды?

Қызылорда облыстық еңбек саласындағы бақылау басқармасының басшысы тағайындалды

Министрлік парацетамолды күніне неше рет ішуге болатынын айтты

Қызылорда: «Еңбек» бағдарламасы аясында шағын несиелер алуға болады

Қазақстан қатаң карантин шараларына оралуы мүмкін – Тоқаев тапсырма берді

Ертең Президент коронавирус індетінің таралуына қарсы шараларды жариялайды

Қазақстан және Қызылорда облысының жаңалықтары: Басты жаңалықтар old

Гүлшара Әбдіқалықова қаладағы бірқатар нысандардың жұмысымен танысты (ФОТО)

Гүлшара Әбдіқалықова облыс тұрғындарына үндеу жолдады

Қызылордада медицина саласының қызметкерлері марапатталды (ФОТО)

Қасым-Жомарт Тоқаев Елбасына арналған монументтің ашылу рәсіміне қатысты (ФОТО)

Қызылордада 160 отбасы баспаналы болды

Нұрсұлтан Назарбаев Қазақстан халқына үндеу жолдады

5 шілдеден бастап қандай бағыттағы пойыздар тоқтайды?

Қызылорда облыстық еңбек саласындағы бақылау басқармасының басшысы тағайындалды

Министрлік парацетамолды күніне неше рет ішуге болатынын айтты

Қызылорда: «Еңбек» бағдарламасы аясында шағын несиелер алуға болады

Қазақстан қатаң карантин шараларына оралуы мүмкін &#8211; Тоқаев тапсырма берді

Ертең Президент коронавирус індетінің таралуына қарсы шараларды жариялайды

Қазақстан қатаң карантин шараларына оралуы мүмкін – Тоқаев тапсырма берді