<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Бүгін облыс әкімі Гүлшара Әбдіқалықова «Antikor Live» жобасы аясында «Әкімдіктердің ашықтығы, есептілігі және қол жетімділігі» тақырыбында тікелей эфирде сұхбат берді. Тікелей эфирге сыбайлас жемқорлыққа қарсы қызметінің облыстық департаментінің басшысы Ардақ Ерсейтов қатысты.
Аймақ басшысына әлеуметтік желідегі облыс тұрғындарының пікірлері негізінде сыбайлас жемқорлықпен күрес бағытында атқарылып жатқан жұмыстарға қатысты бірқатар сұрақ қойылды.
<blockquote>
 «Құқықтық статистикалық мәліметтерге жүгінсек осы жылдың 10 айының қорытындысымен сыбайлас жемқорлық сипатында 81 қылмыс тіркелді, өткен жылмен салыстырғанда 26,4% төмендеген. Республикадағы 17 өңірмен салыстыратын болсақ тергеу өндірісінде болған сыбайлас жемқорлық сипатындағы қылмыстық істер бойынша біздің облыс 16-ы позицияға орналасқан. Осы көрсеткіштің өзі біздің бұл саладағы жұмыстардың оң нәтижесі деп білемін», – деді Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2020/11/photo-nnn1-1258.jpg" alt="" />
Сондай-ақ, облыс әкімі азаматтардың ақпаратқа қол жетімдігін қамтамасыз ету мақсатында мемлекеттік органдардың тарапынан қабылданып жатқан іс-шараларға тоқталып, ашықтық принципін ұстанатынын атап өтті.
Қазіргі таңда, облыстық әкімдіктің ресми интернет-ресурсы арқылы кез-келген азамат мемлекеттік органдардың атқарып жатқан жұмыстары туралы ақпаратты ашық түрде алады. Салалық басқармалардың жұмысы, конкурс хабарландырулары, нормативтік құқықтық актілер, өңірдегі барлық жаңалықтар күн сайын жаңартылып тұрады. Ал, ашықтықтың бір бөлігі – қаржыларға байланысты. Әкімдіктердің ашық бюджеттеріне арналған интерактивті карта әзірленген. Онда барлық салалардың шығыстары туралы толық ақпарат алуға мүмкіндік бар.
«Электронды үкімет», «Ашық диалог» egov.kz порталында тұрақты түрде облыс әкімінің қатысуыммен онлайн режимде түрлі тақырыптарда интернет-конференциялар өткізілуде. Атап айтсақ, 2020 жылы 12 интернет-конференция жоспарланды. Бүгінгі күнге дейін 8 ұйымдастырылып, түскен сұрақтардың барлығына онлайн режимде жауап берілді.
Сонымен қатар, мемлекет тапсырысы бойынша салынып жатқан құрылыс нысандары туралы толық ақпаратты арнайы сайтта орналастырып, халыққа қолжетімді ету мақсатында құрылыс саласында «Халық мониторинг» (Halyq Monitoring) электронды жүйесі іске қосылған.
Облыс әкіміне кәсіпкерлік субъектілердің заңды мүдделерінің қорғалуын қамтамасыз ету бойынша да сауал қойылды.
<blockquote>
 «Өңірлік бизнес-ортада әкімшілік кедергілерді және сыбайлас жемқорлық көріністерін жою, кәсіпкерлердің заңды мүдделерінің қорғау үшін «Бизнесті және инвесторларды қорғау» (Protecting business and investments) жобасы іске асырылуда. Бұл жоба аясында жыл басынан бері облыстағы инвесторлар мен кәсіпкерлерді демеу үшін 6 шетелдік және 15 отандық жобамен келісім-шарт жасалды. Одан бөлек, пандемия кезінде бизнесті жоғалтпау үшін 51 мыңнан астам кәсіпкерге салықтық жеңілдіктер беріліп, 4 мыңнан астам кәсіпкер міндетті әлеуметтік-медициналық сақтандыру төлемінен босатылды», – деді Гүлшара Әбдіқалықова.
</blockquote>
Мұнымен қоса, 9 мың сауда алаңы жалпы сомасы шамамен 700 млн.теңгеге жалдамалық төлемдерді өтеуден босатылған. Ауыл кәсіпкерлерін жеңілдікпен несиелендіруге бағытталған «Қызылорда» өңірлік инвестициялық орталығының қызметі 2025 жылға дейін ұзартылды.
Цифрландыру мәселесіне қатысты ағымдағы жылы 7 бағыт бойынша 13 жоба іске асуда. Оның негізгі бағыттарының бірі -білім беру саласында «Қауіпсіз мектеп» пен денсаулық сақтау саласында «DICOM бейнелерін жіберу және мұрағаттау үшін PACS жүйесін енгізу» және «Медициналық куәландырудың электрондық жүйесі» жобалары және т.б.
Аймақ басшысы мемлекеттік қызмет көрсету, қалыптасқан эпидемиологиялық ахуалға байланысты бөлінген бюджет қаражатының мақсатына сай игерілуін бақылау бағытында атқарылып жатқан жұмыстарға да тоқталды.
Еске салайық, өткен жылы Қазақстан Республикасының Президенті Сыбайлас жемқорлыққа қарсы іс-қимыл мәселелері бойынша кейбір заңнамаларға өзгерістер енгізу туралы Заңға қол қойды. Осы Заңның қабылдануымен елімізде сыбайлас жемқорлыққа қарсы күрестің жаңа кезеңі басталды.

Гүлшара Әбдіқалықова «Antikor Live» жобасы аясында сұхбат берді

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a>&nbsp;Биыл Қызылорда облысында 2181 азамат «Бастау» жобасы бойынша онлайн біліктіліктерін жетілдірді. Оқыған азаматтардың 42 пайызының жобасы, нақтырақ айтқанда жалпы құны 515,9 млн теңгені құрайтын 914 жоба қаржыландырылды. Басым бөлігі «Еңбек» бағдарламасы аясында қайтарымсыз қаржы – грант иегері.
Онлайн оқудың игілігін көрген жандардың бірі – қызылордалық Салтанат Қылышбекқызы. Ол 10 жылдан бері гүл өсіру, гүлмен әрлеу, көркемдеу саласында еңбек етеді. Бұл бизнесте сұраныстың жоғары екенін байқаған кәсіпкер гүл дүкенін ашу мақсатында Кәсіпкерлер палатасынан кеңес алады, «Бастау» жобасын онлайн оқып, бизнес біліктілігін арттырады. Осылайша «Еңбек» бағдарламасы аясындағы гранттық конкурсқа қатысып, қайтарымсыз қаржыға қол жеткізеді.
<blockquote>
 &nbsp;«Бастау» жобасын онлайн бітіріп алғаннан кейін жобамды гранттық комиссия алдында қорғадым. Осылайша 555 600 грант ұтып алдым. Бұл кезге дейін Қызылорда қаласының орталығында жұмыс жасап келдім. Арманым гүлдер магазинін ашу керек еді. Оқудың арқасында өз бизнесімді аштым. Қазір «Шұғыла» мөлек ауданында аштым. Тұтынушылар риза, қуанышты. Табысым да, шүкір, жақсы», – дейді жас кәсіпкер Салтанат Қылышбекқызы.
</blockquote>
Кәсіпкер бүгінде «Бастау» жобасында алған біліктілігін бизнесте қолданып, қызмет көрсету сапасын жетілдіре түсуде. Гүлден түрлі сыйлық түрлерін жоғары талғаммен жасайды. Бұл жерде оның бейнелеу өнері мамандығы бойынша алған кәсіби білімі де көмектесуде.
«Шұғыла» мөлтек ауданынан ашылған гүл дүкеніне келушілер қарасы да басым. Әр тұтынушының көңілінен шығу Салтанат үшін де жоғары мәртебе. Қызылордалықтарға кәсіпкер түрлі раушан гүлдерімен қоса, лала, экзотикалық гүлдерді де ұсынуда. Алдағы уақытта үй жағдайында өсірілетін гүл түрлерінің көлемін арттыруды жоспарлауда.

Қызылордалық қайтарымсыз қаржы арқылы гүл бизнесін бастады

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Әлеуметтік медициналық сақтандыру қорының сарапшылары мемлекет тегін медициналық көмектің кепілді берілген көлемі (ТМККК) шеңберінде және МӘМС пакеті бойынша Жеткізушілер көрсеткен қызметтердің сапасы мен көлеміне мониторинг жүргізуді жалғастыруда.
Жыл басынан бері, ағымдағы жылдың 10 айында халыққа медициналық көмек көрсету кезінде 46, 6 мыңдай түрлі кемшілік анықталды, медициналық ұйымдарға салынған айыппұл сомасы 402 млн теңгеден асты.
<blockquote>
 «ТМККК және МӘМС пакеттері бойынша Қор жеткізушілері халыққа көрсеткен медициналық қызметтер үшін ақы төлеу осы қызметтердің сапасы мен көлеміне мониторинг жүргізілгеннен кейін ғана жүргізілетінін атап өткен жөн. Іс жүзінде көрсетілген және медициналық көмек көрсету стандарттары мен ережелерін, сондай – ақ клиникалық хаттамалардың ұсынымдарын сақтай отырып, құжатпен расталған қызметтерге ақы төленеді», – деп атап өтті «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов.
</blockquote>
Қор филиалының директоры түсіндіргендей, анықталған кемшіліктің ең көп саны жан басына шаққандағы нормативке кірмейтін, әрбір қызмет жеке төленетін консультациялық-диагностикалық қызметтерді көрсетумен байланысты. Жалпы құны 50,1 млн теңге болатын 36,8 мыңнан астам осындай ақаулар тіркелді. Сондай-ақ, амбулаториялық-емханалық көмек көрсету кезінде 4,1 мың ақау, тәулік бойы жұмыс істейтін стационарларда медициналық көмек көрсету кезінде 5,5 мың кемшілік анықталды.
Жыл басынан сарапшылар нақты көрсетілмеген қызметтердің 288 – нен астам жағдайын анықтады, олар пациенттер медициналық қызметті алған болып ақпараттық жүйелерге енгізілген. Осындай жағдайлар бойынша анықталған бұзушылықтар үшін медициналық ұйымдарға 3,6 млн теңгеге айыппұл салынды.
&nbsp;Шағым немесе өтініш беру үшін 1406 телефонына немесе Qoldau – 24/7 мобильді қосымшасы арқылы хабарласу қажет.

Қызылордада медициналық қызметтің сапасы бойынша 47 мыңға жуық кемшілік анықталды

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Бүгін облыс әкімі Гүлшара Әбдіқалықова Қазақстан мұсылмандары діни басқармасының төрағасы, бас мүфти Наурызбай қажы Өтпеновпен кездесті. Аймақ басшысы алдымен мейманды Қазақстан Мұсылмандары діни басқармасының 30 жылдық мерейтойымен құттықтап, басқарма жұмысына сәттілік тіледі. Сондай-ақ Сыр өңіріндегі діни ахуал жайлы сөз қозғады.
Өз кезегінде діни басқарманың төрағасы, бас мүфти Наурызбай Тағанұлы аймақта діни тұрақтылықтың сақталуына қолдау көрсетіп жатқан өңір басшысына алғысын білдіріп, басқарманың алдағы жұмыс жоспарларымен бөлісті.
<blockquote>
 “Сыр өңірі – қазақылықтың қаймағы бұзылмаған өлке. Бұл өңірден көптеген жыршы-термешілер, ишандар, ахундар шыққаны белгілі. Сондықтан да бұл жерде ұлттық салт-дәстүр берік сақталған. Осының арқасында облыста діни ахуал тұрақты. Біздің басқарманың міндеті – ел арасындағы бірлікті, ынтымақтасты берік сақтау. Қазақстан Мұсылмандары діни басқармасының облыстағы өкілдігіне сіздер тарапынан жасалып жатқан қолдаулардан хабардармыз. Осы сапарымызда да біз Сыр жұртшылығына дәстүрлі дінімізді, ата-баба мұрасын түсіндіру мақсатында келіп отырмыз. Алдағы уақытта да сіздермен бірлесе отырып, біраз жұмыстарды атқарамыз деп сенеміз – деді Қазақстан мұсылмандары діни басқармасының төрағасы,бас мүфти Наурызбай қажы Өтпенов.
</blockquote>
Қазіргі таңда өңірде 7 конфессияға жататын 11 діни бірлестік және 174 мешіт тіркеліп, татулық пен бірлікте жұмыс жасауда. Аймақтағы мешіт қызметкерлері облыстық, қалалық және аудандық ақпараттық-насихат топтарының қызметіне атсалысып, дәстүрлі емес діни бағыттағы азаматтарды оңалту бағытында жан-жақты шаралар ұйымдастырылып келеді. Осының арқасында Сыр елінде діни ахуал тұрақты деп бағаланады.

Гүлшара Әбдіқалықова Қазақстан мұсылмандары діни басқармасының төрағасымен кездесті

<a href="https://kyzylorda-news.kz/">Kyzylorda-news.kz</a>. Қызылорда облысында діни рәсімдерді өткізуге рұқсат берілді.Енді мешіттерде жұма намазын қоспағанда, бес уақыт намаз оқуға болады. Ұжымдық ғибадат етуге залдағы адамдар саны 100 адамнан аспауы керек.
<blockquote>
 “Қызылорда облысының Бас мемлекеттік санитариялық дәрігерінің № 25 Қаулысына өзгерістер мен толықтырулар енгізілді. Оның ішінде, діни обьектілерде жұма намазын қоспағанда, мешіттерде ұжымдық құлшылық етуге болады. Бүгінде облыс бойынша 178 мешіт бар. Барлығы карантин талаптарын сақтауда. Естеріңізге сала кетейік, мешітке келушілердің бетпердесі болуы шарт. Бұған қоса, мешіт қызметкерлері дене қызуын өлшеп кіргізеді. Жамағаттың парыз, сүннет және жекеленген намаздарын оқу арақашықтығы 2 метрден кем болмауы тиіс. Сондай-ақ, жамағатқа қойылатын талаптар мешіттің кіреберісінде тақтайшада көрсетілген”, – деді облыстың бас имамы Болатбек Абуов.
</blockquote>

Қызылордада мешіттерде құлшылық етуге рұқсат берілді

<a href="https://kyzylorda-news.kz/">Kyzylorda-news.kz</a>. Қызылордада Қазақстанның Қызыл кітабына енген ақбөкендерді аулаған браконьерлер ұсталды.
Қызылорда облысы ПД Жалағаш ауданының Полиция бөлімімен аудан көлемінде 25 қазан-14 қараша күндері аралығында «Арқан» жедел профилактикалық іс-шара өткізілді.
Іс-шара барысында 14 қараша сағат 02:47 шамасында «Қармақшы-Жалағаш» тас жолының Жалтынов ауылының тұсында тас жолда жол талғамайтын джип автокөлігін тоқтатып тексеру барысында 3-бас ақбөкен аңына ұқсас жануардың денелері анықталған.
Тексеру барысында автокөліктен 3-бас ақбөкен аңымен қоса, 2 аңшы мылтығы, 50 дана оқтары заттай дәлелдеме ретінде алынды. Казіргі таңда екі&nbsp; күдікті қамауға алынды. Олар облыс орталығының тұрғындары болып шықты.
Аталған дерек бойынша Қазақстан Республикасы Қылмыстық кодексінің 337 бабының 4 бөлігінің 2 тармағымен (жануарлардың сирек кездесетін және құрып кету қаупі төнген түрлеріне, сондай-ақ пайдалануға тыйым салынған жануарларға қатысты жасалған заңсыз аңшылық) сотқа дейінгі тергеп-тексеру амалдары жүргізілуде.

Қызылордада ақбөкен атқан браконьерлер ұсталды

<a href="https://kyzylorda-news.kz/">Kyzylorda-news.kz</a>.&nbsp;Қазалы ауданында 15 қараша күні сағат 11-32 минутта №9 өрт сөндіру бөлімнің байланыс бекетіне аудан орталығындағы «Ару-Илия» базары өртеніп жатқандығы туралы хабар түсті.
Оқиға орнына бөлімнің 2 өрт сөндіру автокөлігі және 15 жеке құрамы жетті. Нәтижесінде өрт 11 сағат 58 минутта толығымен сөндірілді. Қаза болғандар мен зардап шеккендер жоқ.
Қазалы ауданының Төтенше жағдайлар бөлімі зерделеу жұмыстарын жүргізу барысында «Ару-Илия» сауда базарының бірінші қабатында орналасқан ет дүкенінің 3х3 көлемді төбесі өртенгені анықталды.
Өрттің шығу себебі электр сымдарының қысқаша тұйықталуынан орын алған деген болжам бар. Қазіргі таңда тілсіз жаудан келген шығынның көлемі анықталуда.
<img src="https://kyzylorda-news.kz/wp-content/uploads/2020/11/125548414_2914185262135735_5623324174447580449_o.jpg" alt="" />
<img src="https://kyzylorda-news.kz/wp-content/uploads/2020/11/125530924_2914185372135724_7881536649018865292_o.jpg" alt="" />

Қазалыда базар өртенді

&nbsp;<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 301 адам коронавирустан жазылып шықты.
Аймақтар бойынша
Нұр-Сұлтан қаласы –&nbsp;56 
Ақмола облысы –&nbsp;10 
Шығыс Қазақстан облысы –&nbsp;163 
Батыс Қазақстан облысы –&nbsp;3 
Қарағанды облысы –&nbsp;13 
Қостанай облысы –&nbsp;13 
Қызылорда облысы –&nbsp;10 
Павлодар облысы –&nbsp;33
Қазақстан бойынша жазылғандар саны –&nbsp;109944.

Қызылордада өткен тәулікте 10 адам коронавирустан жазылып шықты

Kyzylorda-news.kz. Сыр өңіріне жұмыс сапарымен ҚР Индустрия және инфрақұрылымдық даму министрі Бейбіт Атамқұлов келді.
Алдымен министр мен облыс әкімі Гүлшара Әбдіқалықова Шиелі ауданындағы «Гежуба Шиелі Цемент Компаниясы» ЖШС цемент зауытына барды.
Цемент өнімдерін өндіретін зауыт 2018 жылдың желтоқсанында пайдалануға берілген, қуаттылығы жылына 1 млн. тонна. Кәсіпорын 250 адамды жұмыспен қамтып отыр. Жалпы ауданы 520 мың.кв.метрді құрайды. Зауыт өткен жылы 6,1 млрд. теңгеге 380 мың тонна өнім шығарып, оның 40,6 мың тоннасы Өзбекстанға экспортталды. Ал, биылғы жылдың 10 айында 350 мың тонна өнім өндіріп, 41 мың тоннасын аталған көрші елге экспорттаған.
Сонымен қатар Индустрия және инфрақұрылымдық даму министрі Б. Атамқұлов пен облыс әкімі Г.Әбдіқалықоваға «Балауса фирмасы» ЖШС-нің «Бала-Сауысқандық» кен орнындағы қара тақтатастарды автоклавты қайта өңдеу» жобасын іске асыру барысы таныстырылды.
Жеке кәсіпорын 2016 жылдан бастап аммоний метаванадатын өндіріп, Ресей, Ұлыбіритания секілді шет елдерге экспорттайды. Қуаттылығы жылына 1 млн. тонна кен өндіру және өндеу. 161 адамды жұмыспен қамтып отыр. Электр қуатын арттыру үшін қуаты сағатына 3 МВт электр беретін желі салынуда.
Мұнан соң, министрдің жұмыс сапары Жаңақорған ауданындағы «Шалқия Цинк LTD» АҚ кен орнында жалғасты. 
Кәсіпорын қорғасын – мырыш кенін өндірумен айналысады. 2025 жылға дейін 4 млн.тонна өнім өндіреді деп жоспарлануда. Кәсіпорынның жалпы ауданы-22,5 шаршы км. құрайды. 617 тұрғын жұмыспен қамтылған.
«ШалкияЦинкЛТД» АҚ директорлар кеңесінің шешімімен 2020 жылғы 13 мамырда жобаны жоспарлау-жобалау-құрылыс арқылы кезең-кезеңімен іске асыруды көздейтін жобаны іске асырудың жаңа стратегиясы бекітілді. 
Сонымен қатар, Б. Атамқұлов пен Г.Әбдіқалықова Қызылорда қаласында орналасқан «OrdaGlass LTD» ЖШС шыны зауытының іске қосылатын 4 кешенінің құрылыс барысымен танысты.
Зауыттың құрылысы 2015 жылы басталған. Өндіріс тәулігіне 600 тонна немесе жылына 197,1 мың тонна табақ шыны өнімін шығарады деп жоспарлануда. Жалпы ауданы 500 мың.кв. метрді құрайды. Қазіргі уақытта шыны зауытының құрылыс жұмыстары 69,7% орындалды.
Монтажтехнологиялық жабдық – 33,8%. Негізгі жұмыс балқыту ваннасы мен күйдіру пешін орнатумен байланысты. 
Сондай-ақ, индустрия және инфрақұрылымдық даму министрі стент арқылы «Арал Сода» ЖШС-нің қуаттылығы жылына 300 мың тонна құрайтын кальцийлендірілген сода зауыт құрылысының» жобасын іске асыру барысымен танысты.
Жұмыс сапары соңында министр мен аймақ басшысы облыс орталығының сол жағалауында орналасқан жаңа көпірге және «Рухани жаңғыру» орталығына барды. Орталықта жаңа қаланы игеру жобасы, «Нұрлы жер», бағдарламаларының орындалуы, «Жұмыспен қамту жол картасы», «Ауыл ел бесігі», «Өңірлерді дамыту», «Нұрлы жол» мемлекеттік бағдарламалары аясында жол көлік инфрақұрылымын дамыту бойынша атқарылып жатқан және орталықтандырылған жылу жүйелерінің жұмыстарымен танысты.
Сырдария өзенінің сол жағалауындағы аумақта жаңа қала бұл – 1532 га аумақ. Оның ішінде 537 га тұрғын үй құрлысына арналған. Жалпы 3 млн.шаршы метрден астам тұрғын үй болады деп жоспарлануда. Оның ішінде 1 млн.шаршы метр тұрғын үй 2025 жылға дейін пайдалануға беріледі. Нәтижесінде 50 мыңға жуық адам жаңа пәтерлермен қамтамасыз етіледі. Жоба толық іске асырлыған жағдайда 155 мыңнан астам қала тұрғыны үй-жаймен қамтамасыз етіледі. Сонымен қатар, жоба бойынша 16 жаңа мектеп, 12 балабақша, 4 денсаулық сақтау мекемесі, сондай-ақ спорттық және әлеуметтік-мәдени ғимараттар салу жоспарланды.
«Нұрлы жер» мемлекеттік бағдарламасы аясында тұрғын үй құрылысы мен инженерлік-коммуникациялық инфрақұрылым желілерін дамытуға мемлекеттік бюджеттен қаржы бөлінген. 
Сатып алу құқығынсыз жалға берілетін тұрғын үйлердің құрлысына бөлінген қаржыға 815 пәтерді құрайтын 20 тұрғын үйдің құрлысы жүргізілуде. Оның ішінде, Қызылорда қаласында 725 пәтерді құрайтын 15 тұрғын үй, Шиелі ауданында 90 пәтерді құрайтын 5 үй. Кредиттік тұрғын үйлер бойынша барлығы 755 пәтерді құрайтын 68, жеке коммерциялық құрылыс салушылар есебінен барлығы 376 пәтерді құрайтын 10 тұрғын үйдің құрылысы жүргізілуде. 
Б. Атамқұлов көтерілген мәселелер бойынша индустрия және инфрақұрылымдық даму министрлігі тарапынан қолдау көрсетілетінін айтты.
<img src="https://kyzylorda-news.kz/wp-content/uploads/2020/11/fb_img_1605384600382.jpg" alt="" />
<img src="https://kyzylorda-news.kz/wp-content/uploads/2020/11/fb_img_1605384592669.jpg" alt="" />
<img src="https://kyzylorda-news.kz/wp-content/uploads/2020/11/fb_img_1605384575832-1.jpg" alt="" />

Қызылордаға ҚР Индустрия және инфрақұрылымдық даму министрі Бейбіт Атамқұлов келді

<a href="https://kyzylorda-news.kz/">Kyzylorda-news.kz</a>. Облыс әкімі Гүлшара Әбдіқалықова Корея Республикасының Қазақстандағы Төтенше және өкілетті елшісі Ку Хонг Сокпен кездесті. Кездесуде аймақ басшысы алдымен мейманды Корея Республикасының Қазақстандағы Төтенше және өкілетті елшісі қызметіне тағайындалуымен құттықтап, екі ел арасындағы дипломатиялық байланыстың нығая түскенін жеткізді. Сонымен қатар, қос мемлекеттің бауырластығы, достық қарым-қатынасы бүгінде берік ынтымақтастыққа ұласқандығын айтты.
<blockquote>
 “Қазақстан мен Корея Республикасы көптеген жылдар бойы ашық және сенімді қарым-қатынас орнатқан стратегиялық серіктестер екендігі белгілі. Екі ел арасындағы дипломатиялық қарым-қатынастардың орнағанына биыл 28 жыл толып отыр. Қазіргі таңдағы жоғары деңгейдегі тұрақты байланыстар, сауда-экономикалық қатынастардың қарқынды өсуі және бірлескен мәдени іс-шаралар өзара қарым-қатынастардың айқын дәлелі болып табылады. Тарихи деректерге сәйкес елімізге депортацияланған корейлер қазақ халқының бауырлас көмегіне сүйенді. Шиелі ауданында корей этносының 29 өкілі Социалистік Еңбек ері атанды. Облыс аумағында Хон Бом До, Ге Бон У, Цай Ден Хак, Ким Ман Сан сынды кәріс диаспорасының атақты өкілдері жемісті қызмет атқарған. Сол уақыттан бері елімізде, оның ішінде Қызылорда облысында корейлердің біршама ұрпақтары қоныстанып, бүгінгі күнге дейін тату-тәтті өмір сүріп келеді”, – деді облыс әкімі Г.Әбдіқалықова.
</blockquote>
Елші Ку Хонг Сок осы сапарында ауылшаруашылық саласында, оның ішінде күріш өсіруде Сыр өңірінің орасан жетістерге жеткеніне таңданысын білдірді. Қызылордалық диханшылардың күріш өсіру технологиясын меңгеру мақсатында екі ел шаруаларының тәжірибе алмасу шарасын өткізуге ұсыныс білдірді.
<blockquote>
 “Мен осы сапарымда Қызылорда облысының тыныс-тіршілігімен таныстым. Қорқыт ата атындағы университетте болдым, Хон Бом До атындағы мемориалын көрдім. Өздеріңіз білесіздер, Қазақстан Республикасының Президенті Қасым-Жомарт Кемелұлы Тоқаев Қызылордада жерленген генерал Хон Бом Доның сүйегін тарихи отанына қайтару туралы Корея Президенті Мун Чже Иннің сұранысына қатысты оң шешім қабылдады. Хон Бом До – Корея тәуелсіздігі үшін күрескен даңқты ұл. Сондықтан екі ел басшылары келіскен бұл істі атқаруға сіздің қолдау білдіруіңізді сұраймын. Сонымен, қатар бұл өңір мұнай-газ саласымен қатар, Байқоңыр ғарыш айлағымен де әйгілі. Ауылшаруашылық саласында, әсіресе, күріш өндіруде толағай табыстарға жетіп келесіздер. Біз жергілікті дихандардың күріш өсіру технологиясын меңгергіміз келеді. Осы бағытта екі ел шаруалары тәжірибе алмасса деген ұсынысым бар. Коронавирус инфекциясымен күресте де ынтымақтастығымызды арттыра береміз деп сенемін”, деді Корея Республикасының Қазақстандағы Төтенше және өкілетті елшісі Ку Хонг Сок.
</blockquote>
Кездесуде аймақ басшысы Гүлшара Әбдіқалықова Хон Бом Доның сүйегін тарихи отанына қайтару ісінде қолдау көрсететінін жеткізді. Пандемиямен күрес мәселесінде Корея Республикасымен ынтымақтастықты арттыруды маңызы зор екендігін айтты. Ауылшаруашылық саласында да әріптестікті арттырып, екі ел мамандарының тәжірибе алмасу ұсынысы іске асатынын білдірді.

Гүлшара Әбдіқалықова Корея Республикасының Қазақстандағы Төтенше және өкілетті елшісімен  кездесті

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 638 адамда коронавирус індеті ПТР арқылы расталды.
Жаңа жағдайлар саны бойынша әлі де Шығыс Қазақстан, Қостанай облыстары мен Нұр-Сұлтан қаласы алда.
Аймақтар бойынша:
Нұр-Сұлтан қаласы – 51 
Алматы қаласы – 39 
Шымкент қаласы – 4 
Ақмола облысы – 37 
Ақтөбе облысы – 10 
Алматы облысы – 16 
Атырау облысы – 12 
Шығыс Қазақстан облысы – 261 
Жамбыл облысы – 7 
Батыс Қазақстан облысы – 30 
Қарағанды облысы – 17 
Қостанай облысы – 53 
Қызылорда облысы – 2 
Маңғыстау облысы – 3 
Павлодар облысы – 49 
Солтүстік Қазақстан облысы – 43 
Түркістан облысы – 4
Жалпы ел бойынша ауырғандар саны 119 129.

Қызылордада өткен тәулікте коронавирус тіркелді

<a href="https://kyzylorda-news.kz/">Kyzylorda-news.kz</a>. Қызылордада «Nur Otan» қалалық филиалының кезектен тыс ХХVI конференциясы өтті. Конференция жұмысына бастауыш ұйымдарынан ұсынылған 90 делегат қатысты.
Алқалы жиында қалалық мәслихатқа партиялық тізім бекітіліп, облыстық мәслихат пен ҚР Парламенті Мәжілісіне партиялық тізіміге пікірсайсықа қатысушы кандидаттар анықталды. Сондай-ақ, облыстық партия филиалының кезектен тыс өтетін ХХVIІ конференциясына қатысушы делегаттар сайланды.
Сонымен, ең жоғары рейтингісі бар праймеризге қатысушылар қатарынан Қызылорда қалалық мәслихатына 34 кандидаттан тұратын партиялық тізім түзілді. құрамына қоғам қайраткерлері, азаматтық сектор, БАҚ өкілдері кірді.
Сапалық, сандық құрамына келсек тізімдегі әйелдердің үлесі 2,5 есеге артып, 15,7 пайыздан 38,2%-ға дейін, ал 35 жасқа дейінгі жастар 2 есе – 10,5 тен 20,5%-ға дейін өсті.
Үміткерлердің орташа жасы 6 жасқа – 53 жастан 47 жасқа дейін жасарды. Қызметтегі 19 депутаттың 6-ы ғана жаңа партиялық тізімге енді.
Тізімде білім саласы өкілдерінің үлесі басым – 26,5%, ШОБ өкілдері -17,6% және т.б.
Конференция барысында облыстық мәслихат пен мәжіліске партиялық тізімге үміткерлер арасында пікірсайыс өтті. Бірінші раундта қатысушылар өздерінің сайлауалды бағдарламаларының негізгі тезистерін таныстырды, екінші раундта “сұрақ-жауап” түрінде пікірталас сессиясы өтті.
17 үміткердің ішінен партия мүшелері «Праймериз» ақпараттық жүйесі арқылы қалалық квотаға сәйкес 10 кандидатты таңдады. 
Сондай-ақ, конференция барысында қалалық партия филиалының Сайлауалды бағдарламалары бекітілді.
Филиал төрағасы, қала әкім Нұрлыбек Нәлібаев атап өткендей, партияның қалалық сайлауалды бағдарламасы праймериз аясында тұрғындардан түскен ұсыныстардың 82 пайызы ескеріліп және қаланы дамытудың негізгі 7 бағыты бойынша әзірленген.
Еске сала кетейік, бұған дейін «Nur Otan» партиясы өңірлік филиалдардың конференция кестесін жариялаған болатын, оның барысында барлық деңгейдегі мәслихаттарға партиялық тізімдер және әр өңірден Мәжіліске арналған партиялық тізімге кандидаттар анықталатын болады.
Партияішілік іріктеудің бірінші кезеңіне 109 кандидат қатысты. Оның 30.2%-ы – әйелдер, 23.8%-ы – 35 жасқа дейінгі жастар. Бастауыш партия ұйымдарынан кандидаттардың 35.7%-ы ұсынылса, 64,3%-ы – өзін-өзі ұсынушылар.
<img src="https://kyzylorda-news.kz/wp-content/uploads/2020/11/124849585_1038569409888902_6357758723744128510_o.jpg" alt="" />
<img src="https://kyzylorda-news.kz/wp-content/uploads/2020/11/125217345_1038569379888905_5732658387719740560_o.jpg" alt="" />

Қазақстан және Қызылорда облысының жаңалықтары: Басты жаңалықтар old